وحدت نیوز(کوئٹہ) مجلس وحدت مسلمین کوئٹہ ڈویڑن کے میڈیا سیل سے جاری شدہ بیان میں رکن بلوچستان اسمبلی سید محمد رضا نے کہا ہے کہ عید قربان کی آمد پر ملک دشمن عناصر کی نظریں ہماری خوشیوں پر ہے اور انکی پوری کوشش رہے گی کہ کسی نہ کسی طرح ہمیں اس موقع پر نشانہ بنائے، معصوموں کو قتل کرنے والے تو اللہ کے دشمن ہوتے ہیں اور اس موقع پر کسی بھی نا خوشگوار واقع سے بچنے کیلئے حکومت اور انتظامیہ کو عید کیلئے سیکیورٹی کے انتظامات کو بہتر اور مضبوط تر بنانا ہوگا تاکہ عین عید کے موقع پر کسی نا خوشگوار واقع کا سامنا نہ کرنا پڑے. بیان میں مزید کہا گیا کہ وطن عزیز پاکستان کو ترقی کے بجائے جن مشکلات کا سامنا ہے ان میں سے ایک دشواری دہشتگردی ہے۔حکومت اگر اس کا کوئی ابدی حل نکال لے تو جس طرح پاکستان محفوظ رہے گا اسی طرح عوام بھی خوشحال رہیں گے اور ترقی کی طرف راغب ہونگے. ملک میں سرمایہ کاری ہوگی اور بہت سے دیگر کاموں کا آغاز بھی ہوگا۔ ان معاملات کا تعلق ملک کے حالات پر مبنی ہے جن پر قابو پاکر ملک کے ترقی کا پہیہ چلایا جا سکتا ہے.انہوں نے آخر میں شہید طالب حسین، جو کہ شب عید الفطر خودکش حملہ آور کو روکتے ہوئے شہید ہوئے تھے، کو خراج عقیدت پیش کرتے ہوئے کہا گیا کہ شہید طالب حسین نے اپنی قربانی سے ثابت کر دیا کہ اس دنیا میں آج بھی ایسے لوگ ہے جو اپنی زندگی کا مقصد اپنے بجائے دوسروں کے کام آنا سمجھتے ہیں۔اور ساتھ ہی ساتھ شہید طالب حسین نے اپنی شہادت سے اتحاد بین المسلمین اور انسانیت دوستی کی بہترین مثال پیش کیا ہے۔

وحدت نیوز (کوئٹہ) نورویلفیئرسوسائٹی (رجسٹرڈ) کی جانب سے ’’ تقریب عطیہ ایمبولینس‘‘ کا انعقاد میجرنادرعلی آڈیٹوریم متصل سردار حسن موسیٰ گرلز کالج کوئٹہ میں منعقد کیا گیا۔ اس تقریب کے مہمان خصوصی مجلس وحدت مسلمین کے ممبر بلوچستان اسمبلی سید محمد رضا ( آغا رضا) تھے۔علاوہ ازیں دیگر مہمانوں خاص میں میجر نادر علی ، (ریٹائرڈ) ڈی آئی جی فقیر حسین ، طاہر نظری ، ابراہیم ہزارہ، صدر امن جرگہ یوسف خلجی ، حاجی کریم ،ایم ڈبلیوایم کونسلر کربلائی عباس علی ، ایم ڈبلیوایم کونسلر سید مہدی و فیملی شہداء تھے۔

پروگرام کا آغاز تلاوت قرآن پاک سے اور نعت رسول مقبول (ص) پیش کی گئی۔ تقریب سے مہمانوں سے خطاب کیا۔ جن میں مولانا ابن الحسن حیدری ، جناب طاہر نظری،جناب میجر نادر رعلی،یوسف خلجی ، عامر علی چنگیزی اور ایم پی اے آغا رضا نے خطاب کیا،تقریب میں شریک مہمانوں نے اپنے دست مبارک سے کارکنان نور ویلفیئر سوسائٹی میں اعزازی سندتقسیم کیے،ایم پی اے آغا رضا نے اپنے دست مبارک سے نور ویلفیئر سوسائٹی کو (2)عدد ایمبولینس کی چابی پیش کی۔ یاد رہے کہ آغا رضا نے اپنے ڈی ڈی فنڈ سے نورویلفیئر سوسائٹی کے لیے ملبغ 17لاکھ روپے کے چیک دیے تھے جنہیں نور ویلفیئر سوسائٹی کے چیرمین عامر علی چنگیزی نے مذکورہ رقم سے ایمبولینس خریدے،آخر میں ایم پی اے آغا رضا نے تقریب میں شریک (5)پانچ کارکنان نورویلفیئر سوسائٹی کے خانوادہ شہدا میں فی کس مبلغ 25ہزار روپے عیدی کا اعلان کیا اور پروگرام کے آغازمیں تلاوت قرآن مجیدکرنے والے قاری کے لیے مبلغ 10ہزار روپے کا اعلان کیا۔

وحدت نیوز (لاس اینجلس) مجلس وحدت مسلمین کے رکن بلوچستان اسمبلی سید محمد رضا جو ان دنوں امریکہ کی مختلف ریاستوں میں مطالعاتی دورے میں مصروف ہیں ،نیویارک، واشنگٹن، لاس اینجلس، نیوجرسی ، سان فرانسسکو،کیلیفونیا،ہوسٹن،میری لینڈ،شکاگوسمیت مختلف ریاستوں کی مساجد امامبارگاہوں ، کمیونٹی سینٹرزمیں  پاکستانی کمیونٹی سے ملاقاتیں کررہے ہیں ،جہاں اپنے خطبات میں وہ کوئٹہ کے عوام کیلئے جاری فلاحی وترقیاتی پروجیکٹس سے آگاہ کررہے ہیں دوسری جانب پاکستانی کمیونٹی کو پاکستان بالخصوص کوئٹہ میں عوامی فلاحی منصوبوں میں تعاون اور تاجر برادری کو کوئٹہ میں سرمایہ کاری اور ہزارہ کمیونٹی کی روائتی مصنوعات کی امریکی مارکیٹ تک رسائی کیلئے آمادہ کرنے میں مصروف ہیں ،جبکہ امریکہ میں مقیم پاکستانیوں کی بڑی تعداد نے آغا رضا کی کارکردگی سے متاثرہوکرکوئٹہ میں فلاحی منصوبوں میں تعاون کی یقین دہانی کروائی ہے،آغا رضا نے  نے ہوسٹن میں پاکستان چیمبرز آف کامرس کے وائس پریذیڈنٹ جناب زکی مرزا کی جانب سے  دئیے گئے ظہرانے میں کوئٹہ کے شیعہ ہزارہ تاجر برادری کے لیے امریکہ میں کاروبار کے مواقع اور امکانات سے متعلق مختلف امور پر تبادلہ خیال کیا. اس موقع پر سابق ایم این اے جناب جے سالک بھی موجود تھے۔

امریکی ریاست نیوجرسی کی مسجد علی علیہ السلام میں آغا رضا نے پاکستانی کمیونٹی سے ملاقات کے بعد خطاب میں  کوئٹہ شہر میں ڈسٹرکٹ فوڈ اتھارٹی کا مقامی ہوٹلوں اور ریسٹورنٹس کا اچانک دورے کو خوش آئندقرار دیتے ہوئے کہا کہ یہ  اقدام عوام کی مفاد کے لئے ضروری تھا کیونکہ کہیں ایسا نہ ہو کہ صاف اور پاک کھانوں کے نام پر عوام کو سستے دھام میں مضر صحت اور ناپاک چیزیں کھلائی جا رہی ہو۔ انہوں نے مزیدکہاکہ وہ ہوٹل مالکان جو اپنے مفاد کیلئے عوام کو ناقص اور مضر صحت اشیاء فروخت کرتے ہیں انہیں گرفتار کرکے انکے خلاف سخت سے سخت کاروائی ہونی چاہئے انہی کی وجہ سے لاکھوں افراد مختلف امراض میں مبتلا ہو جاتے ہیں اور سینکڑوں افراد اپنی جان تک گنوا بیٹھتے ہیں۔

انہوں نے مذیدکہاکہ حکومت سب سے پہلے سبزیوں اور دیگر کھانے کی اشیاء کی قیمتوں میں کمی کیلئے کوئی اقدام اٹھائے تاکہ انکی قیمتیں عوام کی دسترس میں ہو اور غریب عوام اس سے مستفید ہو سکے. حکومت کے ٹیکسزکی وجہ سے کھانے پینے کے اشیاء کی قیمتیںآسمانوں کو چھوتی نظر آ رہی ہیں. انہوں نےمزیدکہا کہ افسوس کی بات ہے کہ پاکستان خود چاول کی بڑی مقدار پیدا کرتا ہے اور دوسرے ممالک کو بھی برآمد کرتا ہے مگر اسکے باوجود خود پاکستانی عوام کیلئے چاول کی قیمت آسمانوں سے باتیں کرتی ہے،حکومت اگر کھانے پینے کی اشیاء کے قیمتوں میں کمی کیلئے اقدامات اٹھائے تو عوام کے کافی مسائل صرف اسی اقدام سے حل ہو سکتے ہیں. اور یہ اس بات کی بھی وجہ بس سکتی ہے کہ عوام ہوٹلوں میں سستے کھانے کے بجائے اپنے ہی گھر میں کھانے پکائے۔

وحدت نیوز(کوئٹہ) مجلس وحدت مسلمین پاکستان کوئٹہ کے میڈیا سیل سے جاری شدہ بیان میں ڈویژنل سیکریٹری سیاسیات کامران حسین نے کہا ہے کہ پی بی ٹو سے منتخب مجلس وحدت مسلمین کے نمائندے آغا رضا کا انتخاب خود پی بی ٹو کے پاکستانی عوام نے اپنی مرضی سے کیا ہے اور با شعور عوام خوب واقف ہے کہ انکا دوست کون ہے اور اپنے ذاتی مفادات کیلئے عوام کے آنکھوں میں دھول جھونکنے والے کون، اخباری بیانات کے زریعے پروپیگنڈے پھیلانا مخالفین کی ناکام کوشش ہیں۔بیان میں کہا گیا کہ ترکی کے وزیر اعظم کے ساتھ ملاقات میں افغانستان کی نمائندگی کرنے والے کی پاکستانی عوام سے ووٹ کی امید قابل حیرت ہے، سب اس بات سے واقف ہیں کہ قوم کے نام پر کس طرح ایک ٹولہ اپنی دکان سجھانے میں مصروف ہے۔جو دوسروں کی خدمت کو بار بار تنقید کا نشانہ بنا رہے ہیں انہیں اپنے گریبان میں جھانکنے کی ضرورت ہیں جب ان کے پاس نائب ناظم کی کرسی تھی تو انہوں نے اپنے اختیارات کا استعمال کر کے عوام کو فائدہ کیوں نہیں پہنچایا اس وقت تو وہ اپنے جیبوں اور خوابوں کی تعبیر میں مصروف تھے اور آج جب قوم نے انہیں پہچان لیا ہے اور بار بار مسترد کر رہے ہیں تو وہ دوسرے موقع کی امید کر رہے ہیں۔ اس دور کے نائب ناظم کے پاس خدمت کے بے شمار مواقع تھے مگر پھر بھی اس نے عوام کو سوائے مایوسی کے سوا کیا دیا۔ کروڑوں روپے ہڈپ کرنے کے بعد انہوں نے ایک ڈھکار بھی نہیں لی۔

انہوں نے مزید کہاکہ الیکشن کو ڈھائی سال گذر گئے مگر پھر بھی ہار نے والوں کا زخم ابھی تک تازہ ہے۔ دھاندلی کا شور مچانے والوں کا الیکشن جوڈیشل کمیشن، ہائی کورٹ اور سپریم کورٹ میں منہ تو کالا ہو گیا مگر پھر بھی انکا دل نہیں بھرا اور ابھی تک اخبارات میں دھاندلی کا واویلا اور عوام کو گمراہ کرنے کی کوشش کر رہے ہیں۔ عوام با شعور ہو چکی ہے اور یہ جان چکے ہے کہ انکا دوست کون ہے اور اپنے مفادات کو دوست رکھنے والے کون ہیں۔ اس بات کا ثبوب عوام نے اپنے ووٹ کا صحیح استعمال کرکے ساری دنیا کو بتا دیا ہے بیان میں مزید کہا گیا کہ بے شرمی کی انتہا ہے کہ ایک جماعت مسلسل تین بار عام انتخابات میں مسترد کئے جانے کے باوجود خود کو نمائندہ تصور کریں۔

انہوں نے آخرمیں کہا کہ عوام کے ووٹوں کی بدولت پی بی 2 سے منتخب نمائندے نے پچھلے دو سالوں میں اپنے علاقے کیلئے بہت سے ترقیاتی کاموں کا آغاز کر دیا ہے جس میں بلوچستان یونیورسٹی سب کمپس پروجیکٹ ، ریزیڈینشل سکول ، کمیونٹی حال پروجیکٹ، سکوش کورٹ پروجیکٹ اورکنسٹرکشن آف واٹر ٹینک چند بڑے پروجیکٹس ہیں۔

وحدت نیوز (کوئٹہ) مجلس وحدت مسلمین کے رہنما اور ممبر بلوچستان اسمبلی آغا رضا کی قیادت میں وفد نے اے این پی صوبہ بلوچستان کے سنیئر نائب صدر اور کاسی قبیلے کے سربراہ نوابزادہ عمر فاروق کاسی کی دعوت پر ارباب ہاوس میں ملاقات کیں۔ وفد میں ایم ڈبلیو ایم کوئٹہ ڈویژن کے سیکریڑی جنرل عباس علی ، سیکریڑی سیاسیات کامران حسین ہزارہ، سیکریڑی مالیات رشید علی طوری اور پولیٹکل کونسل کے ارکان بھی موجود تھے۔

ملاقات میں دو طرفہ امور اور برادر اقوام میں بھائی چارگی ، اخوت ،باہمی تعاون ، سیاسی اموراور امن و امان کے حوالے سے تفصیلی گفتگو ہوئی۔ نوابزادہ عمر فاروق کاسی نے اپنے علاقے کے مسائل سے آغا رضا کو آگاہ کیا۔ جن میں قلعہ کاسی میں واقع سکول کی تعمیر نو،اسپورٹس کمپلیکس کی تعمیر، سڑکوں کی تعمیر، اسٹریٹ لائٹس اور دو عدد واٹر ریزوائر تعمیر کرنے کی سفارش کی۔ آغا رضا نے آئندہ سال کے بجٹ میں نوابزادہ عمر فاروق کاسی سے وعدہ کیا کہ قلعہ کاسی میں واقع سکول کی تعمیر نو،اسپورٹس کمپلیکس کی تعمیر، سڑکوں کی تعمیر، اسٹریٹ لائٹس اور دو عدد واٹر ریزوائر تعمیر کرینگے۔ ملاقات میں آئندہ بھی رابطہ برقراراور جاری رکھنے پر اتفاق ہوا،یاد رہے کہ اس سے قبل ڈی ڈی پی فنڈ ہی سے 426 طالب علموں میں ایک کروڑ کے اسکالرشپ  اور 155 مریضوں اور 37 اسپورٹس کلبز کے علاوہ تعلیمی اداروں ، سوشل ویلفیر آرگنائزیشنز ، ہسپتالوں اور مراکز صحت میں مبلغ چار کروڑ روپے چیکس تقسیم کیے گئے تقسیم کیے گئے تھے۔

وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری کردہ بیان میں رکن بلوچستان اسمبلی سید محمد رضا نے کہا ہے کہ جن حالات کا ہمیں سامنا ہے اس میں سول حکومت اور فوج کو آئین کے دائرہ کار کے اندر رہتے ہوئے مل کر کام کرنا ہوگا ۔فوج کو قومی مسائل کے حل کیلئے سول حکومت کی مکمل مدد کرنی ہے۔جسکا ہم کراچی اور دہشتگردی کے خلاف جنگ میں مظاہرہ بھی دیکھ رہے ہیں ،وفاقی اور صوبائی حکومتوں کے لئے ضروری ہے کہ وہ اپنی کارکردگی اور بہترین طرز حکمرانی سے اس نظام حکومت کو مضبوط بنائیں ۔محض کھوکھلے نعروں اور اور الیکشنوں میں حاصل کئے گئے عوامی مینڈیٹ کی بنیاد پر کرپشن ،جرائم اور خراب طرز حکمرانی کی کھلی چھٹی نہیں دی جا سکتی ،یہ ٹھیک ہے کہ جمہوریت ہی ایک مثالی نظام حکومت ہے ،جس میں عوام اپنے منتخب نمائندوں کے ذریعے اپنے مسائل حل کرنا چاہتے ہیں۔ ہمارے سیاست دان جمہوریت کو حکومت کی مدت پوری کرنے سے تعبیر کرتے ہیں۔ حالانکہ جمہوریت ڈلیوری کانام ہے ۔ لوگ جمہوریت میں گڈ گورننس دیکھنا چاہتے ہیں مگر الیمہ یہ ہے کہ ہمارے جمہوری حکمران یہ سمجھتے ہیں کہ وہ حکومت میں آنے کے بعد سیاہ و سفید کے مالک ہو گئے ہیں اور وہ کسی کے سامنے جواب دہ نہیں ہیں۔ جمہوری حکمران عوام کی امیدوں اور خواہشوں پر پورا نہیں اترے۔ لوگوں کی یہ خواہش پوری نہیں ہو سکی کہ اچھی حکمرانی ہو ، انہیں روزگار ملے اور ان کے مسائل حل ہوں سب سے اہم بات یہ ہے کہ لوگوں کو امن بھی میسر نہیں آسکا ہے ۔ ہماری سیاسی جماعتوں کو وفاق کی یکجہتی کی علامت ہو ناچاہیے تھا لیکن تمام سیاسی جماعتیں علاقائی دائروں میں محدود ہوگئی ہے۔ دہشت گردی ، کرپشن اور بیڈ گورننس کے خاتمے سے لے کر علاقائی اور عالمی سیاست تک ہماری سیاسی قیادت نے بہتر کارکردگی کا مظاہرہ نہیں کیا ہے۔ پاکستان کے عوام یہ سمجھتے ہیں کہ دہشت گردی کے ساتھ ساتھ کرپشن کا خاتمہ ہو نا چاہیے۔ کیونکہ کرپشن ختم کئے بغیر نہ جمہوریت مضبوط ہو سکتی ہے اور نہ ہی پاکستان داخلی طور پر مضبوط ہو سکتا ہے اس تناظر میں پورے ملک میں دہشت گردی کے خلاف ہونے والے آپریشن کو منظقی انجام تک پہنچنے دیا جائے یہی سب کے لیے بہتر ہوگا۔