وحدت نیوز(اٹک)جناب حجت الاسلام و المسلمین علامہ سید نیاز حسین بخاری کی زیر صدارت ضلع اٹک کی خصوصی میٹنگ کا انعقاد اٹک راولپنڈی ڈویژن کا تنظیمی لحاظ سے زرخیز ضلع شمار ہوتا ہے ۔ یہاں کے تنظیمی دوست ہمیشہ میدان میں حاضر رہے اور فرنٹ لائن پر نظر آتے ہیں ۔ قومی و ملی امور میں کافی گہری نظر رکھتے ہیں اور ہمیشہ فعال رہتے ہیں ۔ آج کل مجلس وحدت مسلمین ضلع اٹک کی زمہ داری جناب سید نیاز حسین بخاری کے سر ہے اور ضلع آہستہ آہستہ فعال ہورہا ہے ۔ علامہ سید نیاز حسین بخاری گزشتہ کچھ عرصے سے ایکسڈنٹ کی وجہ سے گھر پر بیڈ ریسٹ پر تھے اب الحمد للّٰہ کافی بہتر ہیں ۔
اس میٹنگ میں کئی امور ڈسکس ہوئے اور آنے والے محرم الحرام کے حوالے سے بھی کچھ امور پر بات چیت گئی ضلع میں امن وامان کو برقرار رکھنے کے حوالے سے بھی بات چیت کی گئی ۔ بین المذاہب ہم آہنگی کو فروغ دینے اور مختلف مسالک کے درمیان قربتیں بڑھانے کے حوالے سے بھی تبادلہ خیال ہوا ۔ ہر قسم کی شدت پسندی اور فرقہ وارنہ بیانات یا گفتگو سے پرہیز کرنے کی تاکید کی گئی ۔ عزاداری حضرت امام حسین علیہ السلام کی مجالس اور عزاداری کو عین عبادت سمجھ کر منانے اور برگزار کرنے کی سفارش کی گئی ۔
