وحدت نیوز (کراچی)  28 مئی کی صبح ماڑی پور روڈ پرشہید ہو نے والے  ہائی کورٹ کے سینئر وکیل ایڈوکیٹ کوثر ثقلین اور ان کے دو کمسن بچوں کی اجتماعی نماز جنازہ نمائش چورنگی پر ادا کی گئی۔ نماز جنازہ مجلس وحدت مسلمین کراچی کے سیکریٹری جنرل علامہ صادق رضا تقوی نے پڑھائی۔ اِس موقع پر علامہ دیدار علی جلبانی،علامہ علی انورجعفری، ایڈوکیٹ تصور حسین، علامہ باقر حسین زیدی، علامہ عباس کمیلی سمیت دیگرعلماء و ذاکرین اور ہزاروں سوگواروں نے شرکت کی۔

علامہ صادق تقوی نے نماز جنازہ کے بعد حاضرین سے خطاب کرتے ہوئے کہا کہ یہ کربلائے عصر کے شہدا ہیں کہ جنہوں نے یزیدیت کو بے نقاب کیا ہے۔ نماز جنازہ کے بعد میڈیا سے گفتگو کرتے ہوئے انہوں نے کہا کہ ظالم جتنا بھی ظلم کرے گا وہ اُتنا ہی رسوا اور بد نام ہوتا جا رہا ہے اور انشاء اللہ اسے شکست فاش سے دوچار ہونا پڑے گا۔