وحدت نیوز(کراچی)شیعہ علما کونسل کے اعلیٰ سطح وفد نے مرکزی ایڈیشنل سیکریٹری علامہ ناظر عباس تقوی کی قیادت میں مرکزی الیکشن آفس میں مجلس وحدت مسلمین پاکستان کے حمایت یافتہ آزاد اُمیدوار برائے صوبائی اسمبلی حلقہ پی ایس 103 علامہ اصغر حسین مانئکیہ شہیدی سے ملاقات کی۔ ملاقات کے دوران ایس یو سی رہنماؤں نے علامہ اصغر شہیدی کی بھرپور حمایت کا اعلان کیا۔

 علمائے کرام نے حلقہ کی عوام سے اپیل کی ہے کہ 8 فروری کو مینار کے نشان پر مہر لگا کر علامہ اصغر حسین مانئکیہ شہیدی کو کامیاب بنائیں۔ اس موقع پر ایس یو سی کراچی کے صدر علامہ حسن رضا، ایم ڈبلیو ایم رہنما علامہ صادق جعفری، علامہ مبشر حسن سمیت دونوں جماعتوں کے دیگر رہنما بھی موجود تھے۔