وحد ت نیوز ( کراچی) کراچی میں بے قابودہشت گردوں کو لگا م ڈالنے میں ناکامی سندھ حکومت کی نااہلی ہے ، مسجد آل محمد (ص) کے ٹرسٹی جواد حسین کی ڈرائیور سمیت شہادت قانون نافذ کر نے والے اداروں کی کارکردگی پر سوالیہ نشان ہے ، دو روز میں دو اہم شیعہ شخصیات کا قتل انتہائی تشویش کا باعث ہے ، صوبائی حکومت سے مطالبہ کر تے ہیں کہ شہید جواد حسین اورشہید علامہ کاشف زیدی کے قاتلوں کو جلد از جلد گرفتار کر کے قرار واقعی سزا دی جائے ۔
ان خیالات کا اظہار مجلس وحدت مسلمین صوبہ سندھ کے ڈپٹی سیکریٹری جنرل علامہ صادق رضا تقوی نے وحدت ہاؤس کراچی سے جاری اپنے مذمتی بیان میں کیا ، ان کا کہنا تھا کہ ماہ محرم جیسے جیسے نذدیک آرہا ہے ، شیعہ ذاکرین، ٹرسٹیز اور عمائدین کی ٹارگٹ کلنگ میں تیزی دیکھنے میں آرہی ہے جو اچھی نشانی نہیں ہے ، بعض کالعدم گروہ حالات کو ایک مرتبہ پھر فرقہ واریت کی جانب دھکیلنے کی مضموم کوشش میں مصروف ہیں ، جن کا مقصد ماہ محرم الحرام سے قبل کراچی میں حالات کو بگاڑ کر نقص امن کا مسئلہ کھڑا کر نا ہے تا کہ عزاداری کو سبوتاژ کیا جاسکے ، وزیر اعلیٰ سندھ قائم علی شاہ ان جانب توجہ کریں ، اور شیعہ عمائدین کے قتل عا م میں ملوث دہشت گردوں کے خلاف ٹھوس اور موثر کاروائی کے احکامات جاری کریں۔
علامہ صادق رضا تقوی نے حکومت سندھ سے مسجد آل محمد (ص) نارتھ کراچی کے ٹرسٹی شہید جواد حسین اور ذاکر اہل بیت علامہ کاشف زیدی کے قتل میں ملوث دہشت گردوں کی فوری گرفتاری کا مطالبہ کیا اور متنبہ کیا کہ اگر کراچی میں دہشت گردی کے واقعات نہ رکے تو ملت جعفریہ اپنا احتجاج رکارڈ کر وانے کا حق محفوظ رکھتی ہے۔
