پشاور(وحدت نیوز) مجلس وحدت مسلمین ضلع پشاور کی کابینہ نے آل سینٹس چرچ پشاور میں اتوار کے روز ہونے والے خودکش حملوں میں جاں بحق افراد کی یاد میں شمعیں روشن کیں۔ اس موقع پر ایم ڈبلیو ایم کے مسولین نے پادری معظم جولین سے اظہار تعزیت کیا۔ اور انہیں اس سانحہ پر ملت جعفریہ کے جذبات سے آگاہ کیا۔ مجلس وحدت مسلمین کے مسولین نے جاں بحق ہونے والے افراد کی یاد میں جائے دھماکہ پر چند منٹ کی خاموشی بھی اختیار کی۔ اس موقع پر پادری معظم جولین نے کہا کہ ہم مجلس وحدت مسلمین کے رہنماوں کے شکر گزار ہیں کہ وہ ہمارے ساتھ ہمدردی کیلئے یہاں تشریف لائے اور ہمیں آج یہ محسوس ہوا کہ جتنا دکھ ہمیں ہے اس کا احساس ہمارے مسلمان بھائیوں کو بھی ہے۔