سرزمین بے آئین پر آئین کے بغیر ٹیکس کا نفاذ غیر آئینی اور غیر قانونی ہے، شیخ کاظم ذاکری

18 نومبر 2017

وحدت نیوز (شگر) سیکرٹری جنرل مجلس وحدت مسلمین شگر شیخ کاظم ذاکری نے کہا ہے کہ سر زمین بے آئین پر آئین کے بغیر ٹیکس کا نفاذ غیر آئینی اور غیر قانونی ہے۔ مجلس وحدت مسلمین ٹیکس کے حوالے سے عوامی ایکشن کمیٹی اور انجمن تاجران کیساتھ شانہ بشانہ کھڑے ہیں۔ حکومت کو ٹیکس لینے کا اتنا ہی شوق ہے تو اس خطہ بے آئین کو آئینی حیثیت دیں تو ہم خوشی خوشی ٹیکس دینگے۔ ورنہ ٹیکس کا خیال ذہنوں سے نکال لیں۔میڈیا کو دی گئی ایک پریس ریلیز میں انہوں نے کہا ایک جانب سے پاکستان کی حکومت گلگت بلتستان کو آئینی حقوق دینے سے کترارہے ہیں اور ہمارے حقوق غضب کرنے پر تلے ہوئے ہیں۔ گذشتہ ستر سالوں سے اس خطے کو آئینی حقوق سے محروم رکھ کر متنازعہ خطے کے طور پر پیش کررہے ہیں دوسری جانب متنازعہ خطے کی حقوق بھی سلب کرنے کیلئے پر تول رہے ہیں۔گلگت بلتستان کے عوام کے جسم بھی جب تک خون کا ایک قطرہ موجود ہے وہ کسی غیر آئینی اور غیر قانونی احکامات کو ماننے کیلئے تیار نہیں اور اپنے حقوق کیلئے جدوجہد کیلئے تیار ہیں۔ انہوں نے مزید کہا کہ مجلس وحدت المسلمین پاکستان کے مرکزی ڈپٹی سیکریٹری جنرل ناصر شیرازی کو جس طرح پنجاب حکومت کے غنڈوں نے اغواہ کے بعد اب تک لاپتا کیا ہوا ہے وہ قابل مذمت ہے۔ ناصر شیرازی کے اغواہ کار پنجاب کے وزیر قانون رانا ثناء اللہ ہے۔ اگر فوری طور ناصر شیرازی کو بازیاب نہ کیا گیا تو ایم ڈبلیو ایم پورے پاکستان کو جام کر دینگے۔



اپنی رائے دیں



مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree