وحدت نیوز(مظفر آباد) مجلس وحدت مسلمین آزادکشمیر کے لائرز فورم کے اراکین سید وقار کاظمی ایڈوکیٹ، سید محسن رضا سبزواری ایڈوکیٹ، سید ممتاز نقوی یڈوکیٹ اور دیگر نے جنگ جیو گروپ کے خلاف آزادکشمیر ہائی کورٹ اور سپریم کورٹ میں مقدمہ قائم کرنے کیلئے درخوست تیار کرلی۔جنگ گروپ کی نشریات کی ویڈیو ریکارڈنگ بھی عدالت میں پیش کردی جائے گی۔ مجلس وحدت مسلمین آزادکشمیر کے سیکرٹری سیاسیات سید تصور عباس موسوی کی صدارت میں ہونیوالے مجلس وحدت مسلمین آزادکشمیر کے لائرز فورم کے طویل مدت اجلاس کے بعد عدالتی کاروئی کا فیصلہ کرلیا گیا۔ درخوست کا بنیادی متن تیار کرلیا گیا۔دیگر قانونی ماہرین سے مشاورت کے بعد مظفرآباد ہائی کورٹ یا آزادجموں وکشمیر سپریم کورٹ میں مقدمہ درج کرویا جائے گا۔مقدمہ PPC 295 Aکے تحت میر شکیل،شائستہ لودھی، جیو انٹرٹینمنٹ کی جملہ ٹیم کے خلاف درج کروایا جائے گا۔
مجلس وحدت مسلمین پاکستان
مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے
