وحدت نیوز(مظفرآباد) مہدویت امید بشریت ، مہدی دوراںّ کے لیئے ہمیں اپنے آپ کو تیار کرنا ہو گا، خدا ہمیں ان کے ناصران میں شمار کرے ، ان خیالات کا اظہار مجلس وحدت مسلمین آزاد جموں و کشمیر کے سیکرٹری جنرل علامہ سید تصورحسین نقوی الجوادی نے آئی ایس او آزاد کشمیر کے سالا نہ کنونشن کے موقع پر مہدویت امید بشریت کے عنوان سے کانفرنس سے خطاب کرتے ہوئے کیا ، انہوں نے کہا کہ آئی ایس او ایک معد کی حثیت رکھتی ہے ، آئی ایس نے ملک کو دیندار ڈاکٹرز دیئے، وکلا دیئے ، آئی ایس او کے جوان ہمارا اثاثہ ہیں ، انہوں نے کہا کہ میں نئے منتخب ہونے والے ڈویژنل صدر برادر ذوالفقار جعفری کو مبارکباد پیش کرتا ہوں اور اس امید کا اظہا ر کرتا ہوں کہ برادر اپنی صلاحیتوں کو بروئے کار لاتے ہوئے علوم محمدْ و آل محمدّ کی ترویج کو تبلیغ کے لیئے کوئی کسر اٹھا نہیں رکھیں گے انہوں نے کہا کہ اماں زماںّ کا انتظار عبادت ہے ، اس پر آشوب و مشکلات کے دور میں بشریت کے آخری امید قائم آل محمد ہیں ، لیکن اس کے ساتھ ساتھ ہمیں دیکھنا ہو گا کہ کیا ہم نے تیاری بھی کر رکھی ہے ، کیا ہم نے اپنے آپ کو ، اپنے خانوادے کو اس قابل بنا دیا ہے کہ جب کل ایک آواز ہمارے کانوں میں گونجے کہ ہادی برحق آ گئے ہیں اس وقت کوئی تعلق کوئی رشتہ ہمارے راہ میں رکاوٹ نہ بن جائے، ہمیں خود کو تیار کرنا ہو گا ،خاندان و معاشرے کی تربیت کرنا ہو گی، ہمیں امام زماںّ کے کا حقیقی ماننے والا بننا ہو گا تب جا کر ہم نصرت امام میں کردار ادا کر سکیں گے، اس کنونشن سے آئی ایس او کے مرکزی صدر برادر تہور عباس، علامہ سید ثمرعباس نقوی، سابقہ ڈویژنل صدر سید وقار کاظمی ، ڈویژنل صدر سید ذوالفقار جعفری و دیگر مقررین نے بھی خطاب کیا۔