وحدت نیوز(کوئٹہ) مجلس وحدت مسلمین کوئٹہ سٹی کے جنرل سیکریٹری ارباب لیاقت علی نے اپنے بیان میں کہا کہ ریکوڈک بلوچستان کے عوام کا ہے ہم ہرگز اسے دوسروں پر خرچ کرنے نہیں دینگے ،ریکورڈک کے سونے سے بلوچستان کی غربت ختم ہوگی۔ اس سونے سے تعلیم، صحت، بیروزگار جوانوں کو روزگار کی فراہمی اور معاشرتی مسائل کو اس سے ختم کرسکتے ہے۔

انہوں نے کہاکہ ریکوڈک کسی کے باپ کی جاگیر نہیں یہ بلوچستان کے عوام کی ملکیت ہے۔ وزیر اعظم عمران خان نے ریکوڈک کے سودے کی بات کر کے صوبائی اختیارات میں مداخلت اور اٹھارہویں ترمیم کی خلاف ورزی کی ہے۔ریکوڈک پر فیصلہ صوبائی حکومت کا اختیار ہے۔

وحدت نیوز(گلگت) صوبائی حکومت نے سی ٹی ایس پی کے ساتھ خفیہ معاہدہ کیا ہوا ہے اور ایک طرح سے لیگی حکومت نے سی ٹی ایس پی کو اپنے مفادات کے تحفظ کیلئے ریکروٹمنٹ کا ٹھیکہ دیا ہوا ہے ۔یہ ادارہ لوگوں کی آنکھوں میں دھول جھونک کر وزیر اعلیٰ کے اشاروں پر ملازمتوں کی بندربانٹ کررہا ہے۔

 مجلس وحدت مسلمین گلگت بلتستان کے ترجمان محمد الیاس صدیقی نے کہا ہے کہ سی ٹی ایس پی کا کوآرڈینٹر زیر اعلیٰ کا قریبی عزیزہے اور اس ادارے نے  اب تک جتنے امتحانات لئے ہیں ان سے عیاں ہے کہ یہ شفاف نہیں۔انہوں نے کہا کہ ہم نے چیف سیکرٹری سے ملاقات میں باقاعدہ طور پر اس ادارے پر عدم اعتماد کا اظہار کیا تھا لیکن کوئی ٹس سے مس نہیں ہورہا ہے جو کہ انتہائی زیادتی ہے۔

انہوں نے کہا کہ سی ٹی ایس پی ہزاروں امیدواروں سے کروڑوں ر وپے بٹور رہا ہے اور معاہدے کے تحت حکومتی امیدواروں کو فیور دیا جارہا ہے۔غریب ،مستحق اہل افراد محض میں اپنے پیسے اور وقت کا ضیاع کررہے ہیں ۔اس ساری صورت حال میں چیف سیکرٹری گلگت بلتستان کا کردار محض تماشائی کے علاوہ کچھ نہیں۔انہوں نے کہا کہ وزیر اعلیٰ گلگت بلتستان نے بھی اعتراف کیا کہ سرکاری ملازمتیں ہر کسی کو نہیں دے سکتے، ہاںسرکاری ملازمت حاصل کرنے کیلئے حکمران جماعت کی سفارش یا وزیر اعلیٰ کی رشتہ داری ضروری ہے۔

انہوں نے مطالبہ کیا کہ سی ٹی ایس پی کے ذریعے مشتہر پوسٹوں کو روک کرصوبائی سطح پر ایک ریکروٹمنٹ کمیٹی قائم کرکے ان کے ذریعے پُر کیا جائے کم از کم غریب لوگوں کا پیسہ تو بچ جائے گا۔انہوں نے امیدواروںسے بھی اپیل کی کہ وہ اس بدنام زمانہ ادارے کے خلاف بھرپور احتجاج کریں ، ان کا بھرپور ساتھ دیا جائیگا۔

وحدت نیوز(سکھر) مجلس وحدت مسلمین صوبہ سندھ کی مجلس شوریٰ کا اجلاس المہران کلچرل سینٹر سکھر میں منعقد ہوا ،اجلاس کی صدارت صوبائی سیکرٹری جنرل علامہ سیدباقرعباس زیدی نے کی ،اجلاس میں مرکزی رہنما علامہ ڈاکٹر یونس حیدری، آصف رضا ایڈوکیٹ، چورہدری اظہر حسن،علی حسین نقوی،یعقوب الحسینی،مولانا علی انور جعفری، مولانانقی حیدری، ارشد اللہ مکتبی،فدا عباس،حیدر زیدی،ابوعبداللہ،ناصر الحسینی سمیت 24اضلاع کے سیکرٹری و ڈپٹی سیکرٹری جنرل حضرات نے شرکت کی۔

اجلاس سے خطاب میں علامہ باقر عباس زیدی کا کہنا تھا کہ ملکی اور بین الاقوامی سیاسی صورت حال تیزی سے تبدیلی کی جانب گامزن ہے، مغربی قوتیں اپنی ناکام اور متعصبانہ پالیسیوں کے باعث عالمی سطح پر مسلسل تنہائی کاشکار ہیں، عرب اور خلیجی ریاستیں اپنے اقتدار کی ڈوبتی ناؤکو بچانے کی خاطر امریکہ کے ڈولتی ناؤکا سہارا لینی کی بے سود کوششوں میں مصروف ہیں، پاکستان میں اس وقت سنگین داخلی اور خارجی مشکلات درپیش ہیں، بین الاقوامی سطح پر رونما ہوتی تبدیلیاں اور اندرون ِ خانہ حکمران دونوں وطن عزیز کیلئے مصیبت کا باعث بنے ہوئے ہیں، عوام کی تمام تر توجہ اس وقت اعلیٰ عدلیہ کی جانب مرکوز ہیں جنہیں قومی سلامتی اور استحکام کو مدنظر رکھتے ہوئے کسی خیر پر مبنی فیصلے کی توقع ہے۔

انہوں نے مزید کہا کہ آئندہ الیکشن کے حوالے سے ایم ڈبلیوایم کی تیاریاں تیزی سے جاری ہیں،ایم ڈبلیوایم صوبہ سندھ مرکز ی قائدین کی پالیسی سے ہم آہنگی کے ساتھ ملک بھر کی طرح سندھ بھر سے آئندہ انتخابات میں پوری قوت کے ساتھ شریک ہوں گے۔علامہ باقر عباس زیدی نے ایم ڈبلیو ایم سندھ کے اضلاع کی فعالیت پر اطمنان کا اظہار کرتے ہو ئے کہا کہ صوبہ میں موجود اضلاع کی فعالیت مثالی ہے۔علامہ باقر عباس زیدی نے خصوصی ہدایت دی کہ سندھ بھرمیں تنظیم سازی کو مزید بہتر بنایاجائے ہراضلاع اور یونٹس میں باقائدہ ہفتہ وار دعاء و دروس کے سلسلے کو بہتر انداز میں منعقدکیاجائے۔

وحدت نیوز(ڈیرہ اللہ یار) مجلس وحدت مسلمین صوبہ بلوچستان کی صوبائی شوری کا اہم اجلاس صوبائی سیکریٹری جنرل علامہ برکت علی مطہری کی زیر صدارت ڈیرہ اللہ یار میں منعقد ہوا اجلاس میں اراکین صوبائی کابینہ اور اضلاع کے سیکرٹری جنرلز و نمائندگان شریک ہوئے۔ اجلاس کی پہلی نشست میں مرکزی ترجمان علامہ مقصود علی ڈومکی نے خصوصی طور پر شرکت کی اور خطاب کیا۔جبکہ ایم ڈبلیوایم کے مرکزی سیکریٹری تربیت علامہ ڈاکٹر یونس اور مرکزی معاون سیکریٹری امور تنظیم سازی آصف رضا ایڈوکیٹ بھی اجلاس میں خصوصی طور پر شریک تھے۔

اس موقع پر صوبائی شوری اجلاس سے خطاب کرتے ہوئے علامہ مقصود علی ڈومکی نے کہا کہ مجلس وحدت مسلمین وطن عزیز پاکستان میں اتحاد امت اور حب الوطنی کی علمبردار جماعت ہے جس نے ہمیشہ ظالم کی مخالفت اور مظلوم کی حمایت کی ہے۔ کشمیر اور فلسطین کے مظلوموں کے حق میں موثر آواز بلند کرتے ہوئے ہم اس بات پر یقین رکھتے ہیں کہ ظلم کی سیاہ رات ختم ہوگی اور  آزادی کشمیر اور فلسطین کا مقدر بنے گی۔

وحدت نیوز(جھنگ) مجلس وحدت مسلمین شعبہ خواتین فیروزیاں یونٹ ھزاری جھنگ کےزیر اہتمام سالانہ جشن ولادت جناب فاطمہ زھرا سلام اللہ علیھا کا انعقاد ھوا جس سے مجلس وحدت مسلمین شعبہ خواتین کی مرکزی سیکرٹری تنظیم سازی نے خطاب کیا اپنے خطاب میں انھوں نے فضائل و سیرت جناب سیدہ سلام اللہ علیھا کو بیان کیا۔

 ان کا کہنا تھا کہ معاشرے میں نہی از منکر کرنے کے لیے ضروری نہیں کہ پورا معاشرہ آپ کے ساتھ ہو بلکہ اپنے اس واجب فریضے کی انجام دہی کے لیے تن تنہا بھی اپنے فرائض ادا کرنے کے لیے کوشاں رہنا چاہئے انھوں نے کہا کہ یہی امر بالمعروف اور نہی از منکر امام زمانہ علیہ سلام کے ظھور کے لیے مقدمات فراھم کرنے کا اسباب مہیا کریں گی۔

 انھوں نے مزید کہا کہ شھید قاسم سلیمانی اس دور میں اپنا بے مثال کردار ادا کر گئے اور داعش جیسے منکر اورشجرہ خبیثہ کی جڑوں کو اکھاڑ کر ان کے اھداف کی نہی کا باعث بنے ،علاوہ ازیں محترمہ معصومہ نقوی نے کوٹلی باقر شاہ میں قائم مدرسہ فاطمیہ کا دورہ بھی کیا اور ان کے سالانہ پروگرام کے حوالے سے لائحہ عمل دیا۔

وحدت نیوز(پشاور) مجلس وحدت مسلمین خیبر پختونخوا کے زیراہتمام پشاور میں دو روزہ تنظیمی و تربیتی ورکشاپ اور صوبائی شوریٰ کے اجلاس کا انعقاد کیا گیا۔ جامعہ شہید عارف حسین الحسینی (رہ) میں زیر صدارت صوبائی سیکرٹری جنرل علامہ سید وحید کاظمی منعقدہ پروگرام میں ایم ڈبلیو ایم کی صوبائی کابینہ، اضلاع کے مسئولین اور مرکز کی جانب سے رکن شوریٰ عالی علامہ محمد اقبال بہشتی، سیکرٹری تعلیم نثار علی فیضی اور عدیل عباس زیدی شریک ہوئے۔ ورکشاپ کے پہلے روز علامہ اقبال بہشتی نے ’’مہدویت اور منتظرین کی ذمہ داری‘‘ کے موضوع پر لیکچر دیا۔

قبل ازیں ابتدائی کلمات علامہ وحید کاظمی نے ادا کئے۔ بعدازاں مرکزی سیکرٹری تعلیم نثار علی فیضی نے ‘‘ٹیم بنانے کے مراحل‘‘ کے موضوع پر شرکائے ورکشاپ کو لیکچر دیا۔ ورکشاپ کا اختتام دعا کیساتھ کیا گیا، جبکہ بروز اتوار صوبائی شوریٰ کا اجلاس منعقد ہواجس کی صدارت صوبائی سیکریٹری جنرل علامہ وحید عباس کاظمی نے کی۔ جس میں خصوصی شرکت اور خطاب مرکزی ڈپٹی سیکرٹری جنرل مجلس وحدت مسلمین علامہ سید احمد اقبال رضوی نے کیا۔