The Latest
وحدت نیوز (بہاولپور) مجلسِ وحدت مسلمین شعبہ خواتین پاکستان کی مرکزی سیکرٹری جنرل خواہر زہرہ نقوی نے ضلع بہاولپور کا ایک تفصیلی دورہ کیا،اور ایام عزاء "شھادتِ امام حسن العسکری(ع)" کی مناسبت سے مجلس عزاء سے بھی خطاب کیا جسمیں ضلع بہاولپور کی خواتین نے بچوں کیساتھ بڑی تعداد میں شرکت کی۔مرکزی سیکرٹری جنرل شعبہ خواتین خواہر زہرہ نقوی نے بمناسبت شھادتِ امام حسن العسکری(ع)، امام کی سیرت و زنداگانی ، سیاسی و سماجی حالات و واقعات، وکلاء سے روابط، غیبتِ صغرا و غیبتِ کبرا کے حوالے سے تیاری اور ظہُورِ امام العصر(عجل فراجھم) کی زمینہ سازی کے حوالے سے تفصیلی خطاب کیا،اسکے علاوہ مرکزی سیکرٹری جنرل شعبہ خواتین خواہر زہرہ نقوی نے شعبہ خواتین ضلع بہاولپور کی کابینہ کے ساتھ بھی ایک تفصیلی میٹنگ کی، جسکے بعد خواہر طاہرہ گردیزی کی بطور جنرل سیکرٹری شعبہ خواتین ضلع بہاولپور تقریبِ حلف برداری عمل میں لائی گئ۔
وحدت نیوز (اسلام آباد) مرکزی وحدت یوتھ کونسل کا سالانہ اجلاس ایم ڈبلیو ایم اسلام آباد سیکرٹریٹ میں منعقد ہواجس میں تمام صوبائی سیکرٹری یوتھ ،مرکزی کابینہ اور سپریم کونسل کے اراکین نے شرکت کی ۔سپریم کونسل کے اراکین میں سے علامہ راجہ ناصر عباس جعفری ،آقائے یونس حیدری ،برادر تنصیر حیدر، شمالی پنجاب کے سیکرٹری یوتھ برادار شبیر ترابی ،جنوبی پنجاب کے سیکرٹری یوتھ سید عمران گیلانی،آزاد جموں کشمیر کے سیکرٹری یوتھ برادرسید حسن علی کاظمی ،سندھ کے سیکرٹری یوتھ آصف سولنگی،بلوچستان کے سیکرٹری یوتھ سید شبیر شاہ کاظمی ، گلگت بلتستان سے سیکرٹری یوتھ برادر عمران اور کوئٹہ ڈویژن نمائندہ یوتھ برادر غلام عباس نے شرکت کی۔
اجلاس کا آغاز تلاوت قرآن مجید سے ہوا بعد ازاں تعارفی نشست ہوئی۔
ورکشاپ کے شرکاء سےعلامہ راجہ ناصرعباس جعفری ، مرکزی سیکریٹری وحدت یوتھ ڈاکٹر محمد یونس حیدری اور ظہیرالحسن کربلائی نے بھی خطاب کیا،تیسری نشست میں تین سالہ پروگرام اور صوبوں کی کارکردگی رپورٹس کا جائزہ لیا گیا۔تین سالہ پروگرام پر مکمل بحث ہوئی اور اس کے اندر ترامیم اور اہداف کو طے کیا گیا۔وحدت یوتھ کے مرکزی کونسل کے اختتام پر فیصلہ کیا گیا کہ ہفتہ وحدت کو وحدت یوتھ بھر پور طریقے سے منائی گی ۔سبیلیں ،استقبالیہ کیمپس،لبیک یا رسول اللہ ریلیاں نکالی جائیں گی،
۲۵دسمبر کو حضرت عیسیؑ کی ولادت باسعادت اور قائد اعظمؒ ڈے بھر پور طریقے سے منایا جائے گا،تین سالہ پروگرام کو متفقہ طور پر منظور کیا گیا،کورس اسلام شناسی ہر یوتھ ممبرکرے گا۔ پہلے مرحلے میں اسلامی شناسی کورس میں سے مرکزی و صوبائی کابینہ کو گزارا جائے گا،پہلے سال میں وحدت یوتھ ممبر سازی اور تربیت پر کام کرے گی،دوسرے سال یوتھ پارلیمنٹ ،سپورٹس اینڈ ایڈونچر کلب ترتیب دے گی، تیسرے سال یوتھ اپنی پاور کا مظاہر کرے گی،مرکزی یوتھ کابینہ کی منظوری دی گی۔
وحدت نیوز (ملکوال) مجلس وحدت مسلمین ضلع منڈی بہاوالدین کی طرف ملکوال میں فری وحدت ٹیوشن سنٹر کی شاندار افتتاحی تقریب منعقد ہوئی جس میں ملکوال کی عوام کی نے بھرپور شرکت کی، افتتاحی تقریب کا باقاعدہ آغاز مولانا شفقت عباس صاحب نے حدیث کساء کی تلاوت سے کیا جس کے بعد مولانا سید اسد عباس نے وحدت ٹیوشن سنٹر بنانے کے مقاصد اور فوائد سے حاضرین کو آگاہ کیا جس کے بعد سید یاور شاہ صاحب نے اپنے مخصوص انداز میں تربیتی گفتگو کی جس کے بعد اختتامی دعا کی گئی اور شرکاء میں نیاز تقسیم کی گئی۔
وحدت نیوز (کراچی/ کوئٹہ/ فیصل آباد/چنیوٹ /راولپنڈی/ گلگت) مجلس وحدت مسلمین پاکستان شعبہ خواتین کےتحت مرکزی سیکریٹری جنرل خانم سیدہ زہرا نقوی کی اپیل پر ملک گیر ہفتہ شہزادی سکینہ ؑ اور شہزادہ علی اصغر ؑمنایا گیا جس میں خواتین نے اپنے معصوم بچوں کے ہمراہ بھر پور انداز میں شرکت کی اس سلسلے میں ایم ڈبلیو ایم شعبہ خواتین کوئٹہ کی طرف سے یوم بی بی سکینہ وجناب علی اصغر 12 صفر کو جعفریہ ہاوس گلستان روڈ میں منعقد کیا گیا جس میں خواہر نزہت زیدی نے بی بی سکینہ کے کردار پر روشنی ڈالی اور اسے اپنانے پر زور دیا اور مذاہب اہلبیت ع سے مجلس کا اختتام ہوا اخر میں تابوت بی بی سکینہ و جھولا علی اصغر بھی برآمد ہوا ،ایم ڈبلیو ایم شعبہ خواتین کراچی رضویہ یو نٹ کی طرف سے بھی یوم بیبی سکینہ وجناب علی اصغرمنعقد کیا گیا جہاں بچوں نے سبیل کا اہتمام بھی کیا مرثیہ اور نوحہ خونی بھی کی گئی مجلس کے اختتام پر تبوت اورجھولا بھی برآمد ہوا ،یم ڈبلیو ایم شعبہ خواتین کراچی حسن کالونی یونٹ کے تحت بھی ایک اضافی پروگرام یوم بی بی سکینہ و جناب علی اصغر منعقد کیا گیا جس میں بچوں نے ہری پٹیاں اور ہرے لباس میں شرکت کی مرثيہ اور نوحه خوانی کے ساتھ شبیہ تابوت اور جھولا بھی برآمد ہوا ،ایم ڈبلیو ایم شعبہ خواتین کراچی سرجانی یونٹ میں بھی ایم ڈبلیو ایم شعبہ خواتن کی طرف سے ہونے والا پروگرام یوم بی بی سکینہ وجناب علی اصغر امام بارگاہ حسن عسکری میں 12 صفر کو منعقد ہوا جس میں مومنات نے کثيرتعداد میں شرکت کی بچوں نے ہری پٹیاں اور ہرے لباس میں نوحه خوانی کی، تابوت اور جھولا بھی برآمد ہوا۔
ایم ڈبلیو ایم شعبہ خواتين کی طرف سے ضلع فیصل آباد میں بھی یوم بی بی سکینہ و جناب علی اصغر کی مناسبت سے پروگرام رکھا گیا جس میں بچوں نے فضایل و مصائب بیان کیے بچوں سے سوال جواب بھی کیے گئے اس کے علاوه ضلع جھنگ اور کمالیہ میں بھی یوم بی بی سکینہ و جناب علی اصغر کے حوالے سے پروگرام ترتیب دیے گئے،ضلع جینوٹ میں بھی ایم ڈبلیو ایم شعبہ خواتين کی طرف سے یوم بی بی سکینہ و جناب علی اصغر کے حوا لے سے پروگرام منعقد کیا گیا جہاں مانیں اپنی گودیوں کے لال صدقہ علی اصغر کی طور پر لے آئیں اور اپنی بچیوں کو کنیز بی بی سکینہ بناتے ہوئے شریک ہوئیں، جناب علی اصغر کے نام پر دودھ کی سبیل لگائی گئی اس موقع پر خواہر ڈاکٹر ردا نے مائوں کواپنے بچوں کوحقیقی معنوں میں غلام علی اصغراور کنیز بی بی سکینہ بننے کی پرورش کر نے کی تلقین کی۔
ایم ڈبلیوایم شعبہ خواتين کی طرف سے گلگت قصرابوطالب میں یوم بی بی سکینہ و علی اصغر منعقد کیا گیا جس میں کثير تعداد میں مومنات نے شرکت کی خواہر آسیہ نے اپنے خطاب میں کربلا میں خواتين اور بچوں کے کردار پر روشنی ڈالی اور حالات حاظره کا جائزہ لیتے ہوئے ہونے والے مظالم ِپابندیوں اور نا انصافیوں کے خلاف احتجاج بھی کیا، ایم ڈبلیو ایم شعبہ خواتين کی طرف سے راولپنڈی میں خواهر قندیل کاظمی کی زیرنگرانی امام بارگاہ المنڈی میں یوم بی بی سکینہ و جناب علی اصغر منعقد کیا گیا جس میں نامور خطیبہ خواهر انجم، خواهر قنديل کاظمي اور خوایر رحيمہ نے خطاب کیا اور بی بی سکینہ کے مختلف پہلوؤں پر روشنی ڈالی، تقریب میں گرلز سکائوٹس نے بھی نذرانہ عقیدت پیش کیا اس پروگرام میں بڑی تعداد میں اہل علاقہ کی مستورات نے شرکت کیں کوئز مقابلہ بھی ہوا جس میں حاضرين سے بھی سوالات پوچھے گئے پروگرام کے اختتام پر کربلا والوں کی یاد میں شمع بھی روشن کی گئیں۔
وحدت نیوز (گلگت) مجلس وحدت مسلمین گلگت بلتستان شعبہ خواتین کی کوارڈینیٹر سائرہ ابراہیم نے یوم حضرت سکینہ (س) کے موقع پر قصر حضرت ابو طالب (ع) برمس میں خواتین کے اجتماع سے خطاب کرتے ہوئے کہا کہ ذکر حسین ؑ کے بغیر ہماری زندگی کی کوئی اہمیت نہیں، ہم اپنا سب کچھ تو قربان کرسکتے ہیں، لیکن حسینؑ اور حسینت کا پرچم بلند رکھیں گے، چاہے اس کیلئے ہمیں اپنے بچوں کو قربان کرنا پڑے۔ انہوں نے کہا کہ حکومت کی یہ بھول ہے کہ ہم اپنے موقف سے پیچھے ہٹیں گے، نہیں یہ ہرگز نہیں ہوسکتا۔ سرزمین گلگت بلتستان میں حسینی پروانے بیدار ہوچکے ہیں، اب ظلم کو پروان چڑھانے والوں کی خیر نہیں ہوگی۔ ہمارے بیٹے ملک عزیز کی سرحدات کی حفاظت کرنے والے ہیں، ہمارے بھائی ضرب عضب میں قربان ہو رہے ہیں، سی پیک کی حفاظت ہماری ذمہ داری ہے، ملک کو خطرات سے بچانا ہمارے عقیدے میں شامل ہے، ہماری رگوں میں حسینی خون گردش کر رہا ہے اور ہم کسی ظالم کے سامنے جھکنے والے نہیں اور یہ درس ہمیں کربلا والوں نے دیا ہے۔ نواز لیگ کی حمایت پر کمر بستہ ممبران اسمبلی نوشتہ دیوار پڑھ لیں، اب ان کے اقتدار کا سورج غروب ہونے کو ہے۔ اقتدار کی کرسی کسی کے ساتھ وفا نہیں کرتی، لہٰذا بہتر یہ ہے کہ نواسہ رسول کے پیروکاروں سے تصادم لینے کی بجائے ان کا ساتھ دیں۔ انہوں نے کہا کہ مجلس وحدت ہمیشہ سے عوام کی ترجمانی کرتی رہی ہے، ہر ظلم کے سامنے سینہ تان کر کھڑی ہے اور آج بھی گلگت بلتستان میں یوم حسین ؑ پر پابندی کیخلاف عوامی احتجاج میں عوام کے شانہ بشانہ کھڑی ہے۔ ہم جانتے ہیں کہ حکومت کے ارادے ٹھیک نہیں اور خطے میں فرقہ وارانہ کشیدگی کو ہوا دینا چاہتی ہے، تاکہ اپنے اقتدار کو طول دے سکے، لیکن یہ یاد رکھے کہ اب ان کا یہ حربہ کارگر نہیں ہوگا۔
وحدت نیوز(اسلام آباد) مرکزی سیکرٹری تربیت ایم ڈبلیو ایم شعبہ خواتین خانم نرگس سجاد جعفری نے پشاور حملے کی پر زور مذمت کی اپنے ایک بیان میں ان کا کہنا تھا کہ ہم شہداء کی قربانیوں کو خراج تحسین پیش کرتے ہیں۔انھوں نے ارض پاک کی حفاظت کےلیے جانوں کا نذرانہ پیش کیا ان کا کہنا تھا کہ حکومت دہشتگردی کے خاتمے کےلیے سنجیدہ نظر نہیں آرہی ہم مطالبہ کرتے نہیں کہ حکومت کوئٹہ واقع کے ذمہ داروں کو جلد از جلد کیفر کردار تک پہنچائے خانم نرگس نے کہا کہ قائد اعظم محمد علی جناح نے پر امن زور متوازن پاکستان کا خواب دیکھا تھا مگر حکمرانوں کی صلط پالیسیوں کی وجہ سے ملک دہشتگردی کی عفریت کا شکار ہے ان کا کہنا تھا کہ زورت اس امر کی ہے کہ قوم انتہا پسندی کے مقابلےمیں متحد ہوجائے۔انھوں نے زخمیوں کی جلد صحتیابی اور شھداء کی بلندی درجات کےلیے دعا بھی کی۔
وحدت نیوز(جہلم ہڈالہ سیداں) مجلس وحدت مسلمین پاکستان پنجاب کے سیکرٹری جنرل علامہ سید مبارک علی موسوی اور مرکزی سیکرٹری وحدت یوتھ ڈاکٹر مولانا محمد یونس حیدری نے اج ضلع جہلم تحصیل ہڈالہ سیداں کا دورہ کیا جہاں مقامی زعماء ، عمائدین اور علماء سے ملاقاتیں کیں اس موقعہ پر ہڈالہ سیداں میں مجلس وحدت مسلمین شعبہ خواتین کی یونٹ سازی کی گئی اور مقامی خواتین کی میٹنگ میں متفقہ طور پرخانم سیدہ عقیلہ رضوی کو یونٹ کی سیکرٹری جنرل منتخب کیا گیا ۔
علامہ سید مبارک علی موسوی نے حلف لیا اور اپنے خطاب میں کہا کہ کسی بھی قوم و ملت کی تعمیر و ترقی میں خواتین مردوں کے شانہ بشانہ کام کریں تو قومیں سربلند اور سرفراز ہوتی ہیں ، مجلس وحدت مسلمین پاکستان کا شعبہ خواتین ملت سازی میں بھر پور کردار ادا کر رھا ھے اور ھمارا عزم ھے کہ ملک بھر میں شعبہ خواتین مردوں کے برابر فعالیت کا مظاپرہ کرے ، اجلاس سے وحدت یوتھ کے مرکزی سیکرٹری ڈاکٹر مولانا یونس حیدری نے بھی خطاب کیا ، جہلم کے دورہ پر گئے وفد نے مقامی شیعہ راہنماؤں سید وسیم عباس زیدی ، مولانا راجہ محسن علی قمی سے بھی ملاقاتیں کیں۔
وحدت نیوز( کراچی) قائد وحدت علامہ راجہ ناصرعباس جعفری کی زیر سرپرستی خدیجتہ الکبریٰ فائونڈیشن اور خیر العمل فائونڈیشن شعبہ ویلفیئرمجلس وحدت مسلمین کے اشتراک سے غازی ٹاون فیز1ملیر میں الزہرا ؑکلینک ومنی ہسپتال اور ایک روزہ فری میڈیکل کیمپ کی افتتاحی تقریب کا انعقاد ہوا،تقریب کے مہمان خصوصی مرکزی ڈپٹی سیکریٹری جنرل مجلس وحدت مسلمین علامہ سید احمد اقبال رضوی تھے جبکہ دیگر اعزازی مہمان گرامی میں چیئرمین خدیجتہ الکبریٰ فائونڈیشن علی نیئرزیدی،پاکستان رینجرز کے آفیسرطالب حسین،رہنما پاکستان پیپلز پارٹی عبدالرزاق راجہ اور سابق چیئرمین جعفرطیار سوسائٹی ورہنما مسلم لیگ ق جعفرالحسن اور دیگر سیاسی ومذہبی شخصیات شامل تھیں،بعد ازاں تمام رہنمائوں نے تختی کی نقاب کشائی کی اورفیتہ کاٹ کا الزہرا ؑ کلینک اور ایک روزہ فری میڈکل کیمپ کا باقائدہ افتتاح کیااور کلینک میں جاری OPDکا معائنہ کیا، شام 4بجے تا رات 8بجے تک جاری فری میڈیکل کیمپ میں مختلف امراض کے ماہر لیڈیز اور جینٹس ڈاکٹرز نے بلا تفریق رنگ ونسل مذہب ومسلک سینکڑوں مریضوں جن میں خواتین ، بزرگ ، مرداور بچے شامل تھے کا طبی معائنہ کیا اور انہیں مفت ادوایات فراہم کیں ۔
الزہراؑکلینک کے افتتاح پر علاقہ مکینوں میں خوشی لہر دوڑ گئی، کلینک میں موجود جدید طبی آلات اور سہولیات کی موجودگی سے عوام کی جانب سے بے حد پذیرائی ملی واضح رہے کہ علاقے میں طبی سہولیات نہ ہونے کے برابر تھیں اور مریضوں کو دور دراز اسپتالوں میں جاکر شدید مشکلات کا سامنا کرنا پڑتا تھا،جب کہ متعدد مریض بروقت مناسب طبی سہولیات نہ ملنے کے باعث راستے میں ہی دم توڑ جاتے تھے،جلد ہی الزہرا کلینک میں مختلف قسم کے ٹیسٹ اور جلد ذچہ و بچہ کی ماہر ڈاکٹر اورزچگی کی بہترین سہولیات مناسب قیمت پر دستیاب ہوں گی۔
علامہ احمد اقبال رضوی نےافتتاحی تقریب سے خطاب کرتے ہوئےکہا کہ الحمد اللہ مجلس وحدت مسلمین نے عوامی خدمت کے سفر میں ایک اور روشن باب کا اضافہ کیا ہے،الزہرا کلینک واسپتال بلا تفریق عوامی خدمات انجام دے گا جہاں سب کو یکساں سہولیات میسر ہونگیں،انہوں نے کہا کہ علامہ راجہ ناصرعباس جعفری کی مدبرانہ اور اہدافی قیادت میں ایم ڈبلیوایم ملک بھر میں رفاحی منصوبوں کا جال بچھا رہی ہے جن میں تعلیم ،صحت اور عبادت کے مراکز سر فہرست ہیں۔
چیئرمین خدیجتہ الکبری فائونڈیشن علی نیئر زیدی نے کہا کہ مجلس وحدت مسلمین کی صورت میں ہمیں ایک بہترین ساتھی ادارہ نصیب ہوا ہے جس کی پاکیزہ قیادت اور مخلص کارکنان خدیجتہ الکبری فائونڈیشن کے شانہ بشانہ انسانی خدمات کے سفر پیش پیش ہیں ،خدیجتہ الکبری فائونڈیشن مجلس وحدت مسلمین کے ساتھ کو باعث اطمینان اور قابل فخر سمجھتی ہے انشاءاللہ جلد خدیجتہ الکبری فائونڈیشن کراچی سمیت ملک کے مختلف شہروں میں فلاحی منصوبہ جات کو مکمل کرے گی۔
پاکستان پیپلز پارٹی کے رہنما عبدالرزاق راجہ نے خطاب کرتے ہوئے کہا کہ میرے لئے باعث فخر ہے کہ میں ایک عظیم ادارے کی افتتاحی تقریب میں شریک ہوں مجلس وحدت مسلمین نے علاقے کی عوام کی ضرورت کو مد نظر رکھتے ہوئے الزہرا کلینک کے قیام کا درست فیصلہ کیا،انہوں نے کہا کہ ہماری بدقسمتی ہے کہ ہم حکومت میں رہتے ہوئے بھی دیگر کاموں کی طرح تعلیم اور صحت کے شعبےمیں خاطر خواہ کارکردگی کا مظاہرہ نہیں کرپاتے،ایم ڈبلیوایم نے اچھا اقدام کیا جس پر میں انہیں مبارک باد پیش کرتا ہوں اور یقین دلاتا ہوں کہ پیپلز پارٹی کے پلیٹ فارم سے مجلس وحدت مسلمین کے انسانی خدمت کے اس سفر میں شانہ بشانہ رہوں گا۔
سابق چئیرمین یونین کونسل جعفرطیار اور رہنما مسلم لیگ ق جعفر الحسن نے الزہرا کلینک کے قیام پر مسرت کا اظہار کرتے ہوئے کہا کہ گذشتہ انتخابات میں جس عوامی خدمت کے نعرے کی بنیاد پر ایم ڈبلیوایم نے حصہ لیا تھا آج اختیار اور اقتدار نہ ملنے کے باوجود اپنے نعرے اور وعدے کو کسی حد تک پورا کرنے میں کامیاب ہوئی ہے،امید ہے کہ ایم ڈبلیوایم علاقائی مسائل اور عوام کی خدمت کے لئے آئندہ بھی ایسے ہی اپنی تمام صلاحیتوں کو بروئے کار لائے گی۔
وحدت نیوز(اسلام آباد) وحدت یوتھ پاکستان کے مرکزی سیکریٹری جنرل مولانا ڈاکٹر یونس حیدری نے محرم الحرام کی مناسبت سے جاری اپنے ایک بیان میں کہا ہے کہ شہزادہ علی اکبر آسمانِ کربلا کا روشن اور چمکتا ستارہ، دنیا کے تمام جوانوں کے لئے اسوہ کامل ہیں. شہزادہ علی اکبر کی ذات، آپ کی شخصیت اور ایثار و قربانی کو دنیا کے گوش و کنار میں مختلف ذرائع سے عام کرنے کی ضرورت ہے. آپ کی شخصیت کو مختلف زاویوں سے سمجھنے کی ضرورت ہے. جناب شہزادہ علی اکبر کربلا کے وہ واحد شہید ہیں جن کے سراہنے پر مولا امام حسین ع سے پہلے زینب کبری پہنچی تھی اور آپ خَلقا و خُلقا و منطقا رسول اللہ سے مشابہت رکھتے تھے.
تمام جوانوں سے گزارش ہے کہ اپنے اپنے علاقوں میں یوم شہادت شہزادہ علی اکبر ع کو نہایت عقیدت و احترام سے منائیں اور مجالس عزاء کا انعقاد کریں.وحدت یوتھ پاکستان بانی مجلس کا کردار ادا کرے. تمام صوبائی اور ضلعی یوتھ سکریٹریز سے گزارش ہے محرم الحرام کے پہلے عشرہ میں یوم جوان کو نہایت عقیدت و احترام سے منانے کے لئے مجالس، سبیلیں، جلوس، نوحہ خوانی، مرثیہ خوانی کا حدالامکان اہتمام کریں اور شعارِ مثلی لا یبایع مثلہ کو عام کرنے کے ساتھ ساتھ یوم جوان کو بھی ملک کے گوش و کنار میں متعارف کرانے کی بھرپور کوشش کریں.
وحدت نیوز(لاہور) خانم سیدہ زہراء نقوی کی سربراہی میں مجلس وحدت مسلمین کے شعبہ خواتین کی کارکردگی کو ہم خراج تحسین پیش کرتے ہیں اور لاہور میں شعبہ خواتین کانیا سیٹ اپ بننا خوش آئند ہے ۔لاہور پنجاب کا دارلحکومت ہو نے کے عنوان سے بہت اہمیت کا حامل ہے لہذا شعبہ خواتین کا یہ نیا سیٹ اپ بھر پور طریقے سے ضلع لاہور میں تنظیم سازی ،تربیت اور فلاحی کاموں کو انجا دے ۔ان خیالات کا اظہار علامہ ناصر عباس جعفری نےمجلس وحدت مسلمین پاکستان شعبہ خواتین ضلع لاہور کے اجلاس کے آخر میں ٹیلی فونک خطاب کرتے ہو ئےکیا ۔
انہوں نے شعبہ خواتین کی کارکردگی کو سراہتے ہوئے کہا کہ خواتین کا الہی تنظیموں اور معاشرہ سازی میں کلیدی کردار رہا ہے خواتین جب میدان عمل میں اتر کر خالص الہی اہداف کی بنیاد پر کام انجام دیتی ہیں تو درحقیقت یہی ان کے لئے الہی تحفہ اور توفیق ہے۔ ہمیں وقت کے تقاضوں کے عین مطابق اپنی ذمہ داریوں کو درک کرنا ہے اور عملی میدان میں مضبوط ہو نا ہے خصوصاً ہمارے لئے تنظیمی اقدار ،اصول وضوابط سے آگاہی بہت ضروری ہے ۔
