وحدت نیوز(لاہور) فیروز والہ ضلع شیخوپورہ کی معروف سیاسی و سماجی شخصیت جناب ندیم عباس کونسلر نے اپنے وفد کے ہمراہ وزیر اعلیٰ پنجاب کےمشیر برائے سیاسی امور برادرسید اسد عباس نقوی مرکزی سیکرٹری سیاسیات مجلس وحدت مسلمین پاکستان سے ملاقات کی اور انہیں وزیر اعلیٰ پنجاب کامشیر خصوصی برائے سیاسی اموربننے پر مبارکباد پیش کی۔
اس ملاقات میں جناب سید حسن رضا کاظمی صوبائی رہنمائی مجلس وحدت مسلمین پاکستان صوبہ پنجاب اور حاجی مرزاامیر عباس معزز ممبر بیت المال حکومت پنجاب بھی موجود تھے مشیر خصوصی برائے سیاسی امور وزیر اعلیٰ پنجاب نےجناب ندیم عباس کونسلر اور ان کے وفد کا شکریہ ادا کیا اور کہا کہ آپ دستوں کے تعاون سے اور مجلس وحدت مسلمین کی قیادت کے اعتماد پر یہ ذمہ مجھے ملی ہے جہاں تک ممکن ہوا آپ کے تعاون اور حمایت سے علاقے کی عوام اور ملک وملت کی خدمت کریں گے۔اصل ہدف اور مقصد ملت کی خدمت ہے اور اسی صورت ممکن ہے کہ علاقے عوام اور آپ جیسے مخلص ساتھی ہمارا ساتھ دیں ۔
جناب ندیم عباس کونسلر نے کہا کہ ہم آپ کے لئے ہمیشہ دعا گو ہیں اور ان شاءاللہ جہاں تک ممکن ہوا آپ کا ساتھ نبھائیں گے ۔ یہ ملاقات مشیر خصوصی وزیر اعلیٰ پنجاب کے آفس واقع ایوان وزیر اعلی پنجاب لاہور میں ہوئی جو ایک گھنٹہ تک جاری رہی ۔ اس ملاقات میں برادر سید حسن رضا کاظمی صوبائی رہنما مجلس وحدت مسلمین پاکستان صوبہ پنجاب بھی موجود تھے ۔
