وحدت نیوز(کراچی) صوبائی سیکرٹریٹ مجلس وحدت مسلمین پاکستان صوبہ سندھ کے تحت محفل شاہ خراسان روڈ پر ھفتہ وار دعائے توسل اور جشن معصومین علیہ السلام کے سلسلے میں عظیم الشان محفل میلاد کا انعقاد جسمیں مذہبی، سیاسی، سماجی، اسکاؤٹس، منقبت و نعت خواں اور مختلف مکاتب فکر کے علماء اور مومنین و مومنات کی بڑی تعداد نے شرکت کی مولانا نعیم الحسن نے دعا کی تلاوت کا شرف حاصل کیا بعدازاں جشن معصومین ؑ سے علمائے کرام، منقبت، نعت خواں حضرات سید ناصر آغا، اسد جعفری، ماسٹر غلام عباس، شیراز الحسن، ثاقب رضا ثاقب، آغا ذیشان، نقی لاھوتی، حسن صغیر عابدی، زوہیب حسن،قائم بھوجانی، محمد مہدی، سید میثم زیدی، سید شبیر شاہ حسینی، حافظ حامد رضا، شکیل احمد نے بارگاہ امامت میں نذرانہ عقیدت پیش کیا ۔
مجلس وحدت مسلمین پاکستان کے مرکزی ڈپٹی سیکرٹری جنرل علامہ احمد اقبال رضوی، علامہ سجاد شبیر رضوی، مولانا نعیم الحسن، مولانا منظرالحق تھانوی، علامہ مبشر، نے خطاب کرتے ہوئے معصومین ؑ کی حالات زندگی پر روشنی ڈالی اور کہا کہ عالم اسلام کو چاہیے کہ آئمہ معصومینؑ کی تعلیمات پر عمل پیرا ھوں تو دنیا سے دہشت گردی کا خاتمہ ہوسکتاہے مقررین نے کہا کہ کراچی میں ملت جعفریہ کے بے گناہ عمائدین کے خلاف ریاستی اداروں کا کریک ڈاؤن لمحہ فکریہ ہے، دہشت گرد اور ملت جعفریہ کے قاتل آزاد ہیں محب وطن پاکستان کے عمائدین کو کوئٹہ، ڈی آئی خان، کراچی میں ٹارگٹ کلنگ کا نشانہ بنایا جا رہے اور ھمارے ہی افراد کو جبری گرفتار کیا جا رہے۔
علامہ احمد اقبال رضوی نے مکران کوئٹہ ہائی وے پر سیکورٹی فورسز کے اہلکاروں کے بہیمانہ شہادت کی مذمت کرتے ھوئے مزید کہا کہ پاکستان میں دہشت گردوں کی آزادانہ کاروائیوں میں تیزی عوام کیلئے تشویش ناک ہے حکومت و ریاستی اداروں میں موجود متعصبانہ رویے رکھنے والے دہشت گردوں کی سرپرستی کر رہے ہیں جسکی وجہ سے دہشت گردی ہو رہی ہے ،مرکزی رہنما ایم ڈبلیو ایم علامہ احمد اقبال رضوی نے سری لنکا میں مسیحی برداری کے تہوار ایسڑ کے موقع پر گرجا گھروں، ھوٹلوں میں بم دھماکوں کے نتیجہ میں بڑے پیمانے پر ہلاکتوں و سیکٹروں افراد کے زخمی ھونے کی شدید الفاظ میں بھی مذمت کی۔
