The Latest
وحدت نیوز(کوئٹہ) مجلس وحدت مسلمین کوئٹہ ڈویژن کےسیکریٹری جنرل عباس علی موسوی نے ایک بیان میں کہاکہ امریکی صدر نے بیت المقدس کو اسرائیل دارالحکومت قرار دے کر منحوس اور غاصب حکومت کو موت کے دہانے پر لاکھڑا کر دیاہے۔ گرچہ کہ اسرائیلی ظلم وستم کا شکار بیت المقدس پہلے ہی سے اسرائیل کے مکمل نرغے میں تھا لیکن ٹرمپ کے اس بیان نے مسلمانان عالم کو للکارا جسکے نتیجے میں اسلامی جزبات ایک بار پھر تازہ ہو گئے اور مسلمان متحد ہو کر قدس شریف کی آزادی کیلئے بھر پور کوشش کرینگے اور انشاء اللہ مسلمانان عالم جلد اسرائیل کی نابودی کی خبر سن لیں گے۔ بیت المقدس اور اسلامی سرزمین فلسطینی مسلمانوں کی ہے۔ غاصب اسرائیلی حکومت نے دنیا کے یہودی بھلوتروں کو مختلف علاقوں سے جمع کر کے کشت و خون کے ذریعہ فلسطین پر قابضہ کیا ہواہے۔ لیکن عالم اسلام بیدار ہوگئی ہیں اور انشاء اللہ جلد اس طاغوتی اور شیطانی طاقت کے ظلم و ستم کا خاتمہ ہوگا۔ اور انشاء اللہ آئندہ چند سالوں میں دنیا کے نقشے پر اسرائیل کا نام نشان نہ ہوگا،قدس کے مسئلہ نے مسلمانوں کو متحد بھی کیا اور ساتھ ہی انہیں بصیرت بھی دلائی ہے تاکہ وہ ان اسرائیلی اور امریکی ایجنٹوں کو بھی پہچان سکے جن کے ناپاک اشاروں سے مذہب کے نام پر دہشت گردی ہو رہی ہے اور مسلمانوں کے درمیان تفرقہ پھیل رہا تھا۔
وحدت نیوز(مظفرآباد) مجلس وحدت مسلمین آزاد کشمیر کے ڈپٹی سیکرٹری جنرل مولانا سید طالب حسین ہمدانی نے وحدت سیکرٹریٹ مظفرآباد سے جاری ہونیوالے اپنے بیان میں کہا ہے کہ امریکی صدر ڈونلڈ ٹرمپ کی طرف سے قبلہ اول کو اسرائیل کا دارالخلافہ تسلیم کرنے اور وہاں امریکی سفارت خانہ کھولنے کا اعلان شرپسندی ہے جس کے خلاف مسلمانان ریاست آزادجموں و کشمیر میں شدید تشویش پائی جاتی ہے۔اور پوری ریاست ڈونلڈ ٹرمپ کے بیان کی شدید الفاظ میں مذمت کرتی ہے۔انہوں نے کہا کہ بیت المقدس کو اسرائیل کا پایہ تخت قرار دینا امت مسلمہ کے زخموں پر نمک پاشی ہے۔ امریکی صدر کا اسلام دشمن متعصبانہ رویہ عالمی امن کے لئے خطرہ بنتا جا رہا ہے۔اس اقدام کی جتنی بھی مذمت کی جائے کم ہے۔امریکی صدر نے امت مسلمہ کے وقار پر حملہ کیا ہے۔اس پر خاموش رہنا امت مسلمہ کی توہین ہے۔ عالمی قوانین کی اس پامالی پر تمام مذہبی و سیاسی جماعتوں، طلبا تنظیموں اور ریاستی اداروں کو اپنی آواز بلند کرنا ہو گی۔مسلمان ہونے کے ناطے بیت المقدس سے ہم سب کا مذہبی تعلق جڑا ہوا ہے۔امریکہ اپنی ناجائز اولاد اسرائیل کا ہمیشہ دفاع کرتا آیا ہے۔ اس حمایت کی بنیاد اسلام دشمنی کے علاوہ اور کوئی نہیں۔انہوں نے کہا کہ ڈونلڈ کی اسلام دشمن پالیسیوں میں اسے عرب مسلم ممالک کی مکمل حمایت حاصل ہے جو افسوسناک ہے۔عالم اسلام کی تنزلی عرب حکمرانوں کی خیانت کا نتیجہ ہے۔مظلوم فلسطینیوں اور بیت المقدس کے حوالے سے پاکستان کو واضح اور دو ٹوک موقف اختیار کرنا چاہیے۔
وحدت نیوز(کراچی) مجلس وحدت مسلمین سندھ کے پولیٹیکل سیکرٹری علی حسین نقوی نے کہا ہے کہ الیکشن سے قبل چھ ماہ میں لوڈشیڈنگ ختم کرنے کا دعویٰ کرنے والی حکومت آج چار سال گزرنے کے بعد بھی بجلی کے بحران پر قابو نہیں پا سکی،سخت سردی میں بھی طویل دورانیےکی لوڈ شیڈنگ ظالمانہ اقدام ہے، اپنے ایک بیان میں علی حسین نقوی نے کہا کہ کراچی سمیت سندھ بھر میں اپنے حصے کی بجلی سے دانستہ محروم رکھا جا رہا ہے، وفاقی حکومت پیپلز پارٹی سے سیاسی مخالفت کا غبار سندھ کے عوام پر اتارنا بند کرے، تمام محکموں کے وزرا اپنے اپنے حصے کا کام کرنے کی بجائے پاناما کیس پر نواز شریف اور ان کے خاندان کا دفاع کرنے میں مصروف ہیں۔ انہوں نے کہا کہ عوام کی مشکلات سے کوئی آگاہ نہیں، ائیر کنڈیشنڈ کمروں میں بیٹھ کر محض اخباری بیانات جاری کرنے سے توانائی کے بحران کا خاتمہ نہیں ہوگا، اس کیلئے عملی اقدامات کرنا ہوں گے۔ انہوں نے کہا کہ حکومت اس ادارے کے غیر ذمہ دار افسران کے خلاف کاروائی کرے، کے الیکٹرک کا قبلہ درست کیا جائے، وگرنہ اسے حکومتی تحویل میں لیکر اس کی کارکردگی عوام کے حق میں بہتر بنائی جائے۔
وحدت نیوز (کراچی) پیت المقدس پر قبضے کی عالمی و صیہونی سازش کو کبھی بھی کامیاب نہیں ہونے دیں گے، ڈونلڈ ٹرمپ جان لے کہ پوری دنیا کے مسلمان بیت المقدس کی آزادی اور حرمت کے لئے ایک ہیں، حکومت پاکستان امریکی انتظامیہ سے باضابطہ طور پر سفارتی احتجا ج کرتے ہوئے امریکی سفارتی عملے کو فوراً پاکستان کی سرزمین سے بے دخل کرے، ان خیالات کا اظہار مجلس وحدت مسلمین ڈسٹرکٹ سینٹرل کراچی کے ترجمان و سیکریٹری اطلاعات عرفان حیدر نے ڈویژن آفس سے جاری ہونے والے ایک بیان میں کیا ۔
عرفان حیدر کا کہنا تھا کہ امریکی صدر ڈونلڈ ٹرمپ ایک ذہنی مریض شخص ہے جسے صدارت پر رہنے کا بھی کوئی حق نہیں، بیت القدس مسلمانوں کا قبلہ اول ہے اور اسی جگہ پر خاتم النبیین نے انبیاء علیہ السلام کی امامت فرمائی اور معراج کے سفر پر گئے تھے، ایسی مقدس جگہ پر صیہونیت کے ناپاک وجود ناقابل برداشت ہے۔ انہوں نے کہا کہ اللہ رب العزت نے قرآن کریم میں فرما دیا کہ یہود و نصاریٰ کبھی بھی مسلمانوں کے دوست نہیں ہوسکتے، یہ صیہونی ایک عالمی سازش کے تحت ختم نبوت کے قانون اور کبھی کسی اور ایشوز پر مسلمانوں کے ایمان کو چھیڑنے کی کوشش کرتے ہیں، انہوں نے وفاقی حکومت سے مطالبہ کیا کہ امریکی صدر کے اس فیصلے پر سفارتی سطح پر احتجاج کیا جائے اور امریکہ سے تجارتی و سفارتی تعلقات ختم کئے جائیں۔
وحدت نیوز(کراچی)) بیت المقدس سے متعلق امریکی فیصلے کے خلاف مجلس وحدت مسلمین کراچی کے رہنماؤں اور کارکنان نے امریکی قونصلیٹ کے سامنے احتجاجی مظاہرہ کرنے کے لئےنمائش چورنگی سے ریلی نکالی۔ ریلی کے شرکا ء نے امریکہ اور اسرائیل کے خلاف شدید نعرہ بازی بھی کی۔مظاہرین نے بینرز اور پلے کارڈ اٹھا رکھے تھے۔جن پر امریکی صدر ڈونلڈٹرمپ اور اسرائیل کے خلاف نعرے درج تھے۔ مظاہرین کو روکنے کے لئے پولیس نے قونصلیٹ جانے والے تمام راستوں کوکنٹینرز لگا کر سیل کر دیا لیکن مظاہرین قونصلیٹ کے سامنے پہنچنے میں کامیاب ہو گئے ۔انہوں نے سفارت خانے کے سامنے امریکی پرچم بھی نذر آتش کیا۔
مجلس وحدت مسلمین کے مرکزی ترجمان علامہ مختار امامی نے شرکاء سے خطاب کرتے ہوئے امریکی سفارت کاروں کی ملک سے بے دخلی کا مطالبہ کیا ہے۔انہوں نے کہا کہ بیت المقدس کے متعلق امریکی صدر کا بیان امت مسلمہ کے خلاف جارحانہ للکار ہے۔جس کا جواب اسی انداز میں دیا جانا ہی اسلامی حمیت اور ملی غیرت کا تقاضہ ہے۔انہوں نے کہا کہ امریکی عزائم کوکامیاب نہیں ہونے دیا جائے گا۔قبلہ اول کا دفاع ہمیں اپنی جان سے زیادہ عزیز ہے۔بیت القدس کے ایشو پر ہم فلسطینی قیادت کے موقف کی مکمل طور پر حمایت کرتے ہیں۔انہوں نے کہا یہود و نصاری نے مسلمانوں کے خلاف طبل جنگ بجا دیا ہے لیکن افسوس ہے کہ بہت سارے اسلامی ممالک کو اس کی آواز سنائی نہیں دے رہی۔
علامہ باقر عباس زیدی نے کہا کہ امت مسلمہ کو ذاتی مفادات اور عناد کو بالائے طاق رکھتے ہوئے اس مسئلہ پر مشترکہ لائحہ عمل کا اعلان کرنا چاہیے۔عرب ممالک امریکی اسلحہ کے سب سے بڑے خریداراور کاروباری شراکت دار ہیں۔ان ممالک کی امریکہ و اسرائیل سے مکمل قطع تعلق کی ایک دھمکی امریکہ صدر کو یہ فیصلہ واپس لینے پر مجبور کر سکتی ہے جس نے پوری امت مسلمہ میں بے چینی کی لہر دوڑا دی ہے۔سعودی عرب کی طرف سے اس معاملے پر خاموشی بادشاہوں کے منافقانہ طرز عمل کو واضح کر نے کے لئے کافی ہے۔انہوں نے کہا کہ بیت المقدس کو اسرائیل کا پایہ تخت بنانے کا فیصلہ اسرائیل کے وجود کے لئے خطرہ بن جائے گا۔ یہود و نصاری کی اس معاملے پر ہٹ دھرمی عالمی امن کے لئے تباہ کن ثابت ہو گی۔اس اہم ایشو پر پارلیمنٹ پر امریکہ اور اسرائیل کے خلا ف قرار داد پیش کر کے تمام سیاسی قوتوں کے خلاف اپنے دو ٹوک موقف کا اظہار کیا جانا چاہیے۔احتجاجی مظاہرے میں علامہ مبشر حسن،مولانا حیدر عباس،مولانا صادق جعفری،مولانا نشان حیدر۔میثم عابدی،آصف صفوی اور میر تقی ظفر سمیت متعدد نامور مذہبی و سماجی شخصیات بھی شریک تھیں۔
وحدت نیوز(کوئٹہ) صوبائی سیکرٹری جنرل مجلس وحدت مسلمین بلوچستان علامہ برکت علی مطہری نے کہا ہے کہ بیت المقدس مسلمانوں کا قبلہ اول اورپاراتن ہے، امریکی صدر کی حکمت عملی سےلگتاہےکہ اسرائیل کےخاتمےکے دن قریب آچکے ہیں،اسرائیل ایک غاصب حصہ ہے جو فلسطینوں سے غضب کیا ہوااور قبضہ کیا ہوا ہے،امریکہ کا ہرصدر پاگل اور نفسیاتی ہوتا ہے کیونکہ امریکہ استعمار کا مرکز ہے مظلوم انسانیت کے خلاف پلاننگ اور خصوصاً مسلمانوں کو ختم کرنے کے لیے منصوبے بناے جاتے ہیں،آمریکی صدر ٹرمپ حیوان وحشی سے بھی بدتر ہے ، مسلمانوں کی توہین کی جاررہی ہے، بیت المقدس صرف مسلمانوں کا مرکز ہے ،بیت المقدس مسلمانوں کا قبلہ اول ہے،یہودیت انسانیت کی دشمن اورہرمکتب کی دشمن ہے،عرب لیگ ممالک یہودیوں کی غلامی کی وجہ سے ذلیل اورخوار ہیں قرآن میں ارشاد ہے یہودیوں کو اپنا سربراہ مت بناو یہ آپ لوگوں کےدوست کبھی بھی نہیں بنے گے بلکہ آپ لوگوں کے دشمن ہیں۔
وحدت نیوز(کراچی) مجلس وحدت مسلمین کے زیر اہتمام امریکی انسانیت دشمن صدر ٹرمپ کی جانب سے بیت المقدس قبلہ اول کو غاصب صہیونی اسرائیلی دارالخلافہ قرار دینے کیخلاف کل امریکی قونصلیٹ کراچی کے ہار احتجاجی مطاہرہ کیا جائے گا قبلہ اول مسلمانان عالم کا دل ہے،اس کیخلاف امریکہ اور اسرائیل کی سازش کو ہم کبھی کامیاب ہونے نہیں دینگے، اسرائیل انشااللہ دنیا کے نقشے سے جلد مٹ جائیگا ان خیالات کا اظہار مجلس وحدت مسلمین صوبہ سندھ کے سیکرٹری اطلاعات آصف صفوی نے میڈیا سیل سے جاری اپنے بیان میں کہا کہ کہ اسرائیل کے خاتمے کا کاونٹ ڈاون شروع ہو چکا،عالم اسلام کا بچہ بچہ غاصب انسانیت دشمن صہیونی ریاست کیخلاف لڑنے اور بیت المقدس کی آزادی کے لئے ہمہ وقت تیار ہیں،انہوں نے کہا کہ کہاں ہے آل سعودی کی نام نہاد اسلامی اتحاد؟آج امریکی اعلان کے بعد اس نام نہاد جعلی اتحاد کا بھی اندازہ مسلم امہ کو ہوگیا ہے یہ اتحاد مسلم امہ کے لئے نہیں بلکہ یمن کے مظلوم مسلمانوں کے قاتل آل سعود اور اسرائیل کا سرپرست امریکہ کے مفادات کی تحفظ کے لئے بنایا گیا ہے،انہوں کہا کہ عرب کے عیاش بادشاہ اسرائیل اور امریکہ کے اتحادی ہیں،انشاء اللہ ظالموں جابروں کے خاتمے کا وقت آ پہنچا ہے،وہ وقت دور نہیں جب اسرائیل اور اسکے سرپرست امریکہ کے ناپاک عزائم خاک میں مل جائینگے،مسلمان متحد ہو کر امریکہ اسرائیل اور اسکے اتحادی پٹھوں کیخلاف ہر سطح پر آواز بلند کریں،یہ ہمارے ایمان کا حصہ ہے اسے ہم سرانجام دیتے رہیں گے۔
وحدت نیوز(جیکب آباد) قائد وحدت علامہ راجہ ناصر عباس جعفری کی ہدایت پر ملک گیر یوم احتجاج کے سلسلے میں جیکب آباد میں امریکہ مردہ باد، احتجاجی ریلی نکالی گئی۔ ریلی کی قیادت مجلس وحدت مسلمین سندہ کے سیکریٹری جنرل علامہ مقصودعلی ڈومکی نے کی، اس موقع پر ضلعی سیکریٹری جنرل مولانا سیف علی ڈومکی، حسن رضا غدیری، سید غلام شبیر شاہ، تحصیل کے رہنما نذیر حسین و دیگر ان کے ہمراہ تھے۔
اس موقع ریلی سے خطاب کرتے ہوئے علامہ مقصودعلی ڈومکی نے کہا کہ شیطان بزرگ امریکہ کے نادان صدر ٹرمپ نے بیت المقدس اور فلسطین کے خلاف فیصلہ دے کر دنیائے اسلام کی غیرت ایمانی کو للکارا ہے، پے در پے شکست کے باوجود امریکہ شیطنت سے باز آنے کے لئے تیار نہیں۔ شام کے محاذ پر عبرتناک شکست سے امریکہ کو سبق سیکھنا چاہیئے۔ ڈونلڈ ٹرمپ کے اعلان کے بعد 39 ملکی فوجی اتحاد کی تشکیل سوالیہ نشان بن گئی ہے۔ یمن کے مظلوم مسلمانوں پر بمباری، دھشت گرد گروہوں کی سرپرستی اور بیت المقدس قبلہ اول ، فلسطین سے غداری کا بدنما داغ بھی آل سعود کے سیاہ کارناموں میں شامل ہے۔
اس موقع پر آغا سیف علی ڈومکی، برادر حسن رضا غدیری ، سید احسان شاہ اور آئی ایس او کے صدر برادر اللہ بخش میرالی نے بھی خطاب کرتے ہوئے حکومت پاکستان سے مطالبہ کیا کہ وہ امریکہ اور اسرائیل کے اسلام دشمن منصوبے کے خلاف بھرپور کردار ادا کرے۔ اس موقع پر پریس کلب کے سامنے اسرائیلی پرچم نذر آتش کیا گیا۔ جلوس میں نظم و ضبط کے فرائض المصطفیٰ اسکاؤٹس کے جوانوں نے انجام دیئے۔
وحدت نیوز(اصفہان) مجلس وحدت مسلمین شعبہ اصفہان کے زیراہتمام جشن ہفتہ وحدت و میلاد صادقین کے حوالے سے ایک عظیم الشان پروگرام منعقد ہوا، جس میں حجتہ السلام والمسلمین ڈاکٹر رستمیان نے ہفتہ وحدت کے حوالے سے خطاب کیا اور مجلس وحدت مسلمین کے مرکزی سیکرٹری امور خارجہ ڈاکٹر سید شفقت حسین شیرازی نے وحدت امت اور حالات حاضرہ کے موضوع پر خصوصی خطاب کیا اور طلاب کے سوالات کے جواب دیے، پروگرام میں جامعتہ المصطفی اصفہان کے طلاب، علمائے کرام نے بھرپور شرکت کی ،مجلس وحدت مسلمین شعبہ اصفہان کی جانب سےایسے طلاب کو جو پہلی بار اپنے اہل خانہ کو ایران لائے ان کے لیے کمبل کا تحفہ اور جن طلاب کو خدا نے فرزند کی نعمت سے نوازاانکے لیے نقدی کی صورت میں ہدیے بھی پیش کیے گئے، آخر میں وطن عزیز کی سلامتی کی دعا کے ساتھ پروگرام کا اختتام کیا گیا۔
وحدت نیوز(کنب) مجلس وحدت مسلمین ضلع خیرپوریونٹ کنب سٹی کے زیراہتمام عظیم الشان جشن میلاد ریلی کا اہتمام کیا گیا، ریلی کی قیادت ایم ڈبلیو ایم سندہ کے سیکریٹری جنرل علامہ مقصودعلی ڈومکی ، علامہ محمد نقی حیدری، آغا منور جعفری، ضلعی رہنما فقیرخیر محمد،چیئرمین نثار چانڈیو، سید زین شاہ، اہل سنت رہنماء درگاہ سوہوشریف کے سید علی تقی شاہ نے کی۔ جبکہ ریلی میںشیعہ سنی عوام اور علمائے کرام شریک ہوئے۔
ریلی کے اختتام پر مدرسہ امام علی ؑ کنب میں تقریب جشن منعقد ہوئی، اس موقع پر خطاب کرتے ہوئے بزرگ عالم دین، استادالعلماء علامہ حیدر علی جوادی نے کہا کہ ہمیں اپنی زندگی کو تعلیمات پیغمبر ﷺ کی روشنی میں ڈھالنا ہوگا۔ سیرت نبوی ﷺ پر عمل پیرا ہوکر ہم دنیا و آخرت میں سرخ رو ہو سکتے ہیں۔
تقریب سے خطاب کرتے ہوئے مجلس وحدت مسلمین صوبہ سندہ کے سیکریٹری جنرل علامہ مقصودعلی ڈومکی نے کہا کہ تکفیری گروہ سے عالم انسانیت کو خطرہ ہے،تکفیری گروہ کی تشکیل اور حکمت عملی میں شیطان بزرگ امریکہ سمیت شیاطین عالم کا بنیادی کردار ہے۔ جو اسلام دشمن امریکی صدر ٹرمپ کے آگے ناچتے رہے وہ میلاد النبی ﷺ کے جشن کو ناجائز سمجھتے ہیں، تعجب ہے۔
انہوں نے کہا کہ آل سعود اپنے منطقی انجام کی طرف بڑہ رہے ہیں، وہی انجام جو ہر جابر و ظالم کا مقدر ہوتا ہے۔ آل سعود کو صدام ، قذافی اور رضا شاہ پہلوی کے عبرتناک انجام سے سبق حاصل کرنا چاہئے۔ شہید مظلوم آیۃ اللہ باقر النمر ؒ سمیت ہزاروں بے گناہ انسانوں کا پاکیزہ خون آل سعود کی ذلت ورسوائی کا باعث ہوگا۔
