The Latest
وحدت نیوز (لاہور) مجلس وحدت مسلمین کے زیر اہتمام پاراچنار میں پرامن شہریوں پر خود کش حملے کیخلاف ملک گیر احتجاج،چاروں صوبوں سمیت آزادکشمیر اور گلگت بلتستان میں نماز جمعہ کے بعد احتجاجی مظاہرے کیے گئے،اسلام آباد ،لاہور ،کراچی،پشاور،ملتان فیصل آباد سمیت دیگر شہروں میں نماز جمعہ کے بعد مظاہرین سڑکوں پر نکل آئے،اور پاراچنار میں جاری مسلسل شیعہ نسل کشی کیخلاف نعرے لگاتے رہے،لاہور میں اسلام پورہ حیدر روڈ پر نمازجمعہ کے بعد احتجاجی مظاہرہ کیا گیا جس کی قیادت علامہ حسن ہمدانی نے کی ۔مظاہرین سے خطاب کرتے ہوئے انہوں نے کہا آپریشن ضرب عضب اور آپریشن ردالفساد کے بعد بھی پاکستان میں حکومت اور سکیورٹی ادارے شیعہ قتل عام روکنے میں ناکام رہے،ہمیں دہشتگردوں کیساتھ حکومتی انتقامی کاروئیوں کا بھی ملک بھر میں سامنا ہے،لیکن ہم نہ کسی ظالم جابر کے سامنے جھکیں گے اور نہ ان خارجی دہشتگرد گروہ کے بزدلانہ کاروائیوں سے مرعوب ہونگے،انشااللہ پاکستان کو بنانے میں بھی ہماری جانی و مالی قربانیاں شامل ہے اور بچانے میں بھی بانیاں پاکستان کے اولاد صف اول میں ہونگے،پاراچنار پاکستان کا غزہ ہے جہاں دہشتگرد کاروائی کرکے بھاگ جاتے ہیں پیچھے سے پیراملٹری فورسسز بچے کھچے پرامن لوگوں پر گولیاں برسانہ شروع کرتے ہیں،ہم پاک فوج کے سپہ سالار سے مطالبہ کرتے ہیں ایسے شرپسند عناصر کیخلاف فوری تحقیقات کرے ،جو نہتے شہریوں کو نشانہ بناتے ہیں آج پاراچنار میں ایف سی اہلکاروں کی جانب سے پرامن مظاہرین پر فائرنگ کی ہم شدید مذمت کرتے ہیں۔
وحدت نیوز(گلگت) ملک دشمن عناصر کی جانب سے نہتے شہریوں پر پے درپے حملے حکومت کی دانستہ غفلت اور نااہلی کا ثبوت ہے۔پارا چنار میں دہشت گردی کا یہ کوئی پہلا واقعہ نہیں اس سے قبل بھی کئی مرتبہ یہاں کے پرامن شہریوں کو نشانہ بنایا گیا لیکن حکومت کی جانب سے دہشت گردی پر قابو پانے کیلئے موثر اقدامات نہ اٹھانا سوالیہ نشان ہے۔
مجلس وحدت مسلمین گلگت بلتستان کے ترجمان محمد الیاس صدیقی نے کہا کہ پاراچنار میں بے گناہ شہریوں پر حملے کے پیچھے تکفیری سوچ کارفرما ہے جس کی بارہا نشاندہی کررہے ہیں لیکن حکومت دہشت گردوں کا لگام دینے کی بجائے دہشت گردی کے خلاف احتجاج کرنے والوں کے خلاف طاقت استعمال کررہی ہے ۔پولیٹیکل انتظامیہ کا رویہ ہمیشہ سے جانبدارانہ رہا ہے اور اس سے صا ف ظاہر ہوتا ہے کہ پولیٹیکل انتظامیہ اور دہشت گرد ایک پیج پر ہیں۔
انہوں نے پاراچنار میں امامبارگاہ کے قریب ہونے والے دھماکے کی سخت مذمت کرتے ہوئے کہا ہے کہ حکومت طالبان بچائو تحریک پر گامزن ہے اور نیشنل ایکشن پلان کو محض سیاسی مقاصد کیلئے استعمال کررہی ہے ۔ملت تشیع پورے پاکستان میں دہشت گردوں کے نشانے پر ہے جلوسوں، امامبارگاہوں اور مساجد کو نشانہ بنایا جارہا ہے ،تین دہائیوں سے دہشت گردی کے واقعات رونما ہورہے ہیں لیکن حکومتیں اپنے اقتدار کی خاطر دہشت گردوں کے اصل سرغنوں پر ہاتھ ڈالنے سے قاصر نظر آرہی ہے ۔دہشت گردوں کواخلاقی و مالی سپورٹ فراہم کرنے والے آج بھی حکومت کے ساتھ ہیں،وزیر داخلہ کالعدم جماعتوں کے خلاف اقدامات کرنے کی بجائے ان سے تعلقات بڑھائے جارہے ہیں جبکہ یہی کالعدم جماعتیں دہشت گردوں کو سپورٹ فراہم کرتی ہیں۔انہوں نے پاراچنار میں شہید ہونے والوں کے لواحقین سے ہمدردی کا اظہار کرتے ہوئے غم و اندوہ کی اس گھڑی میں صبر اور حوصلے کا دامن تھامنے کی اپیل کی ہے۔
وحدت نیوز (کراچی) سانحہ پاراچنار کے خلاف مجلس وحدت مسلمین پاکستان کراچی دویژن کے زیر اہتمام جامع مسجد نور ایمان کے باہر احتجاجی مظاہرہ کیا گیا، احتجاجی مظاہرے سے علامہ مرزا یوسف حسین، علامہ مبشر حسن اور علامہ اظہر نقوی نے خطاب کئے۔ شرکائے احتجاج نے بینرز اور پلے کارڈ اٹھا رکھے تھے، جن پر کالعدم جماعتوں کے خلاف فوجی آپریشن اور سہولت کاروں کے خلاف بھرپور کارروائی کے مطالبات درج تھے۔
احتجاجی مظاہرے سے خطاب کرتے ہوئے علمائے کرام نے کہا کہ تکفیری دہشتگرد عناصر پارا چنار میں شیعہ مسلمانوں کے خلاف مسلسل دہشتگرد کارروائیاں جاری رکھے ہوئے ہیں، رواں سال جنوری میں بھی سبزی منڈی پاراچنار میں بم دھماکہ کیا گیا، لیکن آپریشن ضرب عضب اور آپریشن ردالفساد کے بعد بھی پاکستان میں حکومت اور سکیورٹی ادارے شیعہ مسلمانوں کے قتل عام کوروکنے میں ناکام ہیں، جس نے آپریشن ردالفساد پر سوالیہ نشان کھڑے کر دیئے ہیں، کرم ایجنسی میں ممکنہ دہشتگرد حملے کے حوالے سے نیکٹا کی جانب سے کئی الرٹ جاری کئے گئے، لیکن اس کے باوجود دہشتگرد کارروائیوں کو ناکام نہیں بنایا گیا، جس سے واضح ہوتا ہے کہ حکومت اور اداروں نے شیعہ مسلمانوںکو دہشتگروں کے رحم و کرم پر چھوڑ رکھا ہے، سانحہ پاراچنار حکومت اور اداروں کی نااہلی کا کھلا ثبوت ہے۔ انہوں نے کہا کہ ایک طرف تو پاراچنار میں شیعہ مسلمانوں کو دہشتگرد عناصر کی جانب سے مسلسل دہشتگردی کا نشانہ بنایا جا رہا ہے، جبکہ دوسری جانب سیکیورٹی فورسز کی جانب سے بھی ظلم کے خلاف پُرامن احتجاج کرنے والے شہریوں کو فائرنگ کا نشانہ بنایا جا رہا ہے، پارا چنار میں دہشتگرد عناصر تو کاررائی کرکے باآسانی سیکیورٹی فورسز سے بچ کر فرار ہو گئے لیکن عوام کی جان و مال کے تحفظ میں ناکام پیراملٹری فورسز نے پ ±رامن احتجاجی شہریوں پر ہی گولیاں برسانا شروع کر دیں، سیکویرٹی فورسز کی جانب سے پرامن شہریوں پر بلاجواز فائرنگ کے خلاف آرمی چیف سے مطالبہ کرتے ہیں کہ سیکیورٹی فورسز میں شامل ایسے شرپسند عناصر کیخلاف فوری تحقیقات کریں، جو نہتے شہریوں کو نشانہ بناتے ہیں، جبکہ سانحہ پارا چنار میں ملوث دہشتگرد عناصر اور ان کے سہولت کاروں کو فی الفور گرفتار کیا جائے۔
مقررین نے کہا کہ پاراچنار کے شیعہ مسلمانوں کو پاکستان سے وفاداری اور محبت کی سزا دی جا رہی ہے، مکمل منصوبہ بندی کے تحت مسلسل یہاں کے مظلوم محب وطن شیعہ مسلمانوں کو نشانہ بنایا جا رہا ہے، اگر پاراچنار میں ہونے والے دہشتگردی کے متعدد سانحات پر دہشتگرد عناصر اور انکے سہولت کاروں کو قانون کی گرفت میں لاکر کیفر کردار تک پہنچایا جاتا تو آج ایک بار پھر پاراچنار کی سرزمین مظلوم شیعہ مسلمانوں کے خون سے رنگین نہیں ہوتی۔ انہوں نے مزید کہا کہ سعودی نواز حکومت اور ادارے امریکی سرپرستی میں بننے والی نام نہاد غیر اسلامی سعودی فوجی اتحاد میں شامل ہو کر دوسرے ممالک کی تحفظ کیلئے بے چین ہونے کے بجائے پاکستان اور اسکی مظلوم عوام کے جان و مال اور عزت و آبرو کی حفاظت کو یقینی بنانے کی فکر کریں، جو کہ امریکی سعودی نمک خوار دہشتگرد عناصر کے ہاتھوں مسلسل دہشتگردی کا شکار ہو رہی ہے۔
وحدت نیوز(کوئٹہ) مجلسِ وحدت مسلمین شعبہ خواتین پاکستان کوئٹہ کی جانب سے وحدت گلرلز گائیڈ کے حوالے سے میٹینگ ہوئی۔جس کی نگرانی مرکزی مسؤل مجلسِ وحدت مسلمین شعبہ خواتین پاکستان خواہر فرحانہ گلزیب نے فرمائی۔نشست میں خواہر فرحانہ گلزیب نے وحدت گلرلز گائیڈ کو مزید منعظم اور فعال کرنے کے حوالے سے تفصیلی گفتگو فرمائی۔ اور مستقبل قریب کے حوالے سے وحدت گلزلز گائیڈ کی تربیتی پروگرامز ترتیب دینے کے تاکید کی۔،اسکے علاوہ مرکزی مسؤل مجلسِ وحدت مسلمین شعبہ خواتین پاکستان خواہر فرحانہ گلزیب نے کوئٹہ کی تنظیمی خواہران کیساتھ بھی ایک نشست کی جسمیں تنظیمی فعالیت کے حوالے سے گفتگو ہوئی اور تنظیم سازی کے حوالے دورہ جات اور تربیتی پروگرامز ترتیب دینے کی خصوصی تاکید کی۔
علاوہ ازیں مجلس وحدت مسلمین شعبہ خواتین کی مرکزی رہنما محترمہ فرحانہ گلزیب نے اپنے دورہ کوئٹہ کے دوران مجلس وحدت مسلمین کے رکن بلوچستان اسمبلی اور ممبر مرکزی شوریٰ عالی آغاسید رضا سے خصوصی ملاقات کی، اس موقع پر کوئٹہ ڈویژن کی خواتین رہنما بھی ان کے ہمراہ تھیں ، محترمہ فرحانہ گلزیب اور آغارضا کے درمیان آئندہ قومی انتخابات کی حکمت عملی اور خواتین کی ذمہ داریوں کے عنوان پر تفصیلی بات چیت ہوئی، آغا رضا کاکہنا تھا کہ کوئٹہ سمیت ملک بھر میں خواتین کارکنان کا کردار انتخابی سیاست میں بہت اہمیت کا حامل ہے، محترمہ فرحانہ گلزیب نے کہاکہ انشاءاللہ ایم ڈبلیوایم کی خواتین کارکنان اپنے بھائیوں کے شانہ بشانہ ہر میدان میں حاضر ہیں اور انتخابی عوامی رابطہ مہم میں بھی شب وروز وارد رہیں گی۔
وحدت نیوز(مظفرگڑھ) مجلس وحدت مسلمین ضلع مظفرگڑھ کے سیکرٹری جنرل علی رضا طوری نے پاراچنار میں حالیہ دہشتگردی پر سخت مذمت کرتے ہوئے کہا کہ پاراچنار میں ہونے والے دھماکے اور سیکیورٹی کے اداروں کی جانب سے نہتے مظاہرین پر فائرینگ کی شدید مذمت کرتے ہیں ۔ہم ایک طرف سے دہشتگردوں کے حملوں کے شکار ہیں تو دوسری طرف اپنے اوپر ہونے والے مظالم پر آواز اٹھانے پرسیکیورٹی اداروں کے نشانے پر ہیں۔ پچھلے ایک مہینے سے سیکیورٹی اداروں کو آگاہ کیا گیا تھا۔ لیکن وہ صرف عوام کو مختلف بہانوں سے کرنے پر تل ہوئی ہے۔ ہم دوسرے ملکوں کو دفاع کے لئے تیار رہتے ہیں لیکن اپنی عوام کو دہشت گردوں کے رحم وکرم پر چھوڑا ہے۔
ان کا مزید کہنا تھا کہ رنگپور میں قرآن پاک کی بیحرمتی کی گئی جس کی شدید الفاظ میں مذمت کرتے ہیں اور حکومت سے مطالبہ کرتے ہیں کے جو اس واقعہ میں ملوث ہیں ان کو گرفتار کر کے قرار واقع سزا دی جائے اور حکومت کوبیحرمتی کے دانستہ و نادانستہ بیحرمتی کو روکنے کے لئے اقدامات کرنے چاہئے۔کیوں کہ ہر اخبار، رسالے پر قرآن کی آیات اور احادیث لکھی ہوتی ہیں جو کے مناسب بندوبست نہ ہونے کی وجہ سے کہیں زمیں پر اور کہیں گند کے دھیروں مین اخبار پڑے ہوتے ہیں، لہٰذا اسکو روکا جائے۔
ان کا مزید کہنا تھا کے یہ جنگی اتحاد جس کی سربراہی جنرل راحیل شریف کر رہے ہیں اس سے مسلکی و فرقہ وارانہ تعصب کی بُو آتی ہے جنرل راحیل شریف جس سعودی اتحاد کی قیادت کرنے چلے ہیں و? اک مسلکی و فرقہ وارانہ تعصب کی بنیاد پے بنایا گیا ہے ۔ پاکستان جو کے خود دہستگردی کا شکار ہے اور پاک فوج کے جوان جو اپنی جانوں کے نذرانے دے کر اس ملک کو ہر قسمی دہستگردی سے پاک کرنے میں مصروف ہیں اس صورت حال میں پاکستان میں فرقہ واریت اور دشستگردی کی یہ نئی لہر ملک کے امن کو خراب کرنے میں کارگر ثابت ہو گا، کیوں کے یہ اس جنگی اتحاد کی کاروایاں اک اسلامی ملک یمن کے مسلمانوں کے خلاف ہیں ۔ہم اپنی قیادت پر مکمل اعتماد کرتے ہوے راحیل شریف سے امید کرتے ہیں کہ پاکستان کے مفاد کو اول رکھیں گے ۔
وحدت نیوز (سکردو ) مجلس وحدت مسلمین گلگت بلتستان کے سکریٹری جنرل آغا علی رضوی نے محکمہ تعلیم کے ذمہ داران کی غفلت و لاپرواہی کی وجہ سے طلباء و طالبات کے تین ماہ ضائع کرنے کو آڑے ہاتھوں لیتے ہوئے وزیر تعلیم، سکریٹری تعلیم، ڈئریکٹر ایجوکیشن اور دیگر ذمہ داران کو متنبہ کیا کہ اس طرح کی غفلت اور لاپرواہی قوم کے معماروں کے ساتھ زیادتی اور ناقابل برداشت ہے ۔حکومت مفت کتب کی فراہمی کا اعلان کرکے طلبہ کے تین ماہ پہلے ہی ضائع کرچکے اور اب جب نونہال طلبہ کے درمیان بھی کتب کی فراہمی کے بہانے سیاسی اشتہار لگانے کا سلسلہ شروع کرچکا ہے تو نامکمل اور کم تعداد میں فراہم کرنے کی وجہ سے اکثر طلباء و طالبات کتب حاصل کرنے سے محروم رہ رہے ہیں۔ یہ اس بات کو واضح کرتی ہے کہ محکمہ تعلیم کے ذمہ داران سرکاری اسکولوں میںزیر تعلیم طلباء و طالبات کی تعداد سے بھی واقف نہیں یا جان بوجھ کر اسٹوڈنٹس کو تعلیمی میدان میں پیچھے رکھنا چاہتے ہیں۔اگر حکومت اور ذمہ دار افسران بروقت ان امور کو درست نہیں کیا جاتا تو ہم ان کی نا اہلیوں کو عوام تک لائیں پھر دیکھاجائیگا کہ کب تک ایجوکیشن ڈیپارٹمنٹ اپنا قبلہ درست نہیں کرتا۔
وحدت نیوز(ملتان) پاراچنار میں مرکزی امام بارگاہ کے قریب ہونے والے دہشتگردانہ حملے کے خلاف مجلس وحدت مسلمین کے مرکزی سیکرٹری جنرل علامہ راجہ ناصر عبا س جعفری کی اپیل پر نماز جمعہ کے بعد ملک بھر میں احتجاجی مظاہرے کیے گئے۔ ملتان میں بھی نماز جمعہ کے بعد جامع مسجد الحسین نیو ملتان کے سامنے احتجاجی مظاہرہ کیا گیا، مظاہرین نے پلے کارڈز اُٹھا رکھے تھے جن پر دہشتگردی کے خلاف نعرے درج تھے، احتجاجی مظاہرے کی قیادت صوبائی سیکرٹری جنرل علامہ اقتدار حسین نقوی، سیکرٹری سیاسیات مہر سخاوت علی، ضلعی سیکرٹری جنرل ملتان سید ندیم عباس کاظمی، مولانا عمران ظفر اور دیگر نے کی۔ مظاہرین کی حکومت کے خلاف شدید نعرے بازی، دہشتگردوں کے خلاف کاروائی کا مطالبہ کیا، مظاہرین سے خطاب کرتے ہوئے علامہ اقتدار حسین نقوی نے کہا کہ پاراچنار دھماکہ انتظامیہ اور سکیورٹی اداروں کی ناکامی کا ثبوت ہے، دہشتگردوں کا درجنوں چیک پوسٹوں سے گزر کر علاقے میں داخل ہونا سکیورٹی اداروں کی کارکردگی پر سوالیہ نشان ہے۔
علامہ اقتدار نقوی نے کہا کہ ہمیں اپنے اندر چھپے دہشتگردوں کے ہمدرد کالی بھیڑوں کو بے نقاب کرنا ہوگا۔ پاراچنار میں ایک طرف دہشتگرد ہمیں نشانہ بنارہے ہیں تو دوسری طرف احتجاج کرنے پر سیکیورٹی فورسز ہمیں نشانہ بنارہی ہیں، ملک میں ہمیں مارا بھی جارہا ہے اور احتجاج بھی نہیں کرنے دیا جارہا، ہمیں پولیٹیکل انتظامیہ اور مرکزی حکومت سے مطالبہ کرتے ہیں کہ آئندہ جمعہ سے قبل متاثرین کے مطالبات کو مانا جائے علاوہ ازیں ملک بھر میں احتجاج کریں گے ۔ہم ملک میں امن کے داعی ہیں مگر حکومت ہمارے صبر کا امتحان لے رہی ہے ، پارہ چنار میں اس سے قبل بھی سیکیورٹی فورسز کی جانب سے شہریوں پر تشددکیا گیا ، ہمیں حکومت اور پولیٹیکل انتظامیہ کو متنبہ کرتے ہیں کہ اگر ہمارے اُوپر ہونے والے مظالم بند نہ کیے گے تو حالات کی ذمہ داری پولیٹیکل انتظامیہ اور حکومت پر عائد ہوگی۔ مظاہرین سے خطاب کرتے ہوئے مولانا عمران ظفر کا کہنا تھا کہ پاراچنار کے دیگر سانحات کے مجرموں کیخلاف فیصلہ کن کاروائی ہوتے تو آج کا واقعہ رو نما نہ ہوتا، ملت جعفریہ کو اس وقت ملک میں دہشتگردوں کیساتھ ساتھ حکومتی انتقامی کاروائیوں کا بھی سامنا ہے، دوسروں کی جنگ میں کودنے سے پہلے اپنے ملک کو محفوظ بنانے کی ضرورت ہے۔
وحدت نیوز(کراچی) سربراہ مجلس وحدت مسلمین علامہ راجہ ناصر عباس جعفری نے پاراچنار میں دہشتگردوں کی سفاکانہ و بزدلانہ کاروائی کی شدید مذمت کی اور دھماکہ کے بعد شہریوں کی احتجاجی مظاہرے پر ایف سی اہلکاروں کی فائرنگ اور اس کے نتیجے میں درجنوں پرامن شہریوں کے زخمی ہونے پر شدید احتجاج کرتے ہوئے آرمی چیف سے مطالبہ کیا کہ وہ ایسے متعصب اور دہشتگردوں کے ہمدردوں کیخلاف فوری تحقیقات کرے اور ذمہ داراں کو قرارواقعی سزا دیں۔
علامہ راجہ ناصر عباس جعفری نے اپنے بیان میں کہا کہ پاراچنار کے عوام کو ایک طرف دہشتگردوں کی بربریت کا سامنا ہے تو دوسری طرف ایف سی اور پولیٹیکل ایجنٹ انتقامی کاروائیوں میں مصروف ہیں،آخر یہ مظلوم عوام انصاف کے لئے کہاں جائیں؟جس دن سے عوامی رضا کاروں کو ناکوں سے ہٹایا گیا اس دن سے لے کر اب تک درجنوں شہید اور سینکڑوں زخمی ہو چکے ہیں،پاراچنار کے عوام کو تحفظ دینے میں پولیٹیکل ایجنٹ اور انتظامیہ مکمل ناکام ہو چکے ہیں،ایک مکمل منصوبہ بندی کے تحت وقفے وقفے سے اس مظلوم آبادی کو نشانہ بنایا جا رہا ہے،پاراچنار کے پہلے سانحات پر ایکشن لیا جاتا اور دہشتگردوں اور ان کے سہولت کاروں کو کیفرکردار تک پہنچایا جاتا تو آج یہ المناک سانحہ پیش نہ آتا،آپریشن ضرب عضب اور ردالفساد کے بعد بھی حکومت اور سکیورٹی ادارے شیعہ قتل عام روکنے میں ناکام ہیں ،مسلسل غفلت کے مرتکب سیکورٹی اہلکاروں کیخلاف کاروائی ہونی چاہیئے،حکومت اور ادارے دوسرے ممالک کی تحفظ کے لئے بے چین ہونے سے پہلے اپنی عوام کی جان ومال کی تحفظ کو یقینی بنائیں۔
وحدت نیوز(کوئٹہ) مجلسِ وحدت مسلمین شعبہ خواتین پاکستان کوئٹہ کی جانب سے جشنِ ولادت بیبی شھزادی فاطمہ الزہرہ(س) کی مناسبت سے جشن و میلاد کا اہتمام جعفری ہاوس میں کیا گیا۔جسمیں خصوصی طور پہ شرکت کیلئے مرکزی مسؤل خواہر فرحانہ گلزیب نے شرکت فرمائی اور شھزادی فاطمتہ الزہرہ(س) کے اسوہ اور زندگانی پہ خطاب فرمایا۔جشن میں کوئٹہ شھر کے مدارس کی خواہران نے بھی بھرپور شرکت کی اوربچیوں نے مختلف موضوعات پرمشتمل بیبی فاطمہ(س) کی اسوہ مبارکہ پر تقاریر کیں اور ڈرامہ کی صورت میں عکاسی کی۔ اسکے علاوہ طباشی پیش کی گئیں۔مدرسہ فاطمتہ الزہرہ(س) کی خواہران نے بارگاہِ شھزادی کونین میں منقبت پیش کئیں۔آخر میں بہترین کارگردگی ادا کرنے والی خواہران میں انعامات تقسیم کئے گئے۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری اور سنی اتحاد کونسل کے سربراہ صاحبزادہ حامد رضا نے مرکزی سیکرٹریٹ میں مشترکہ پریس کانفرنس سے خطاب کرتے ہوئے کہا ہے کہ سعودی ملٹری الائنس کے سربراہ کی حیثیت سے جنرل راحیل شریف کا عہدہ قبول کرنا ان کے ساکھ کے لیے نقصان دہ ہے۔پاکستان کے عوام کی اکثریت اس فیصلے سے مطمئن نہیں ۔عالمی تجزیہ نگاردنیا میں شدت پسندی کے فروغ کا ذمہ دار آل سعود کو ٹہراتے ہیں۔یمن میں بے گناہ افراد پر آگ برسانے والے اس سعودی اتحاد کا حصہ ہیں۔سعودی ملٹری الائنس سعودی مفادات کے تحفظ اور عالم اسلام کے خلاف صیہونی ایجنڈے کی تکمیل کے لیے تشکیل دیا گیاہے۔اس متنازع الائنس سے ان اسلامی ممالک کو دور رکھا گیا جو عالمی دہشت گرد طاقتوں کے خلاف برسر پیکار ہیں۔امریکی حکام کی جانب سے اس امر کا کھلم کھلااظہار کہ یہ اتحاد امریکہ اہداف کی تکمیل کے لیے معاون ثابت ہو گا ہماری آنکھیں کھولنے کے لیے کافی ہے۔انہوں نے کہا کہ امت مسلمہ کا اتحاد او آئی سی کے تحت قائم کیا جائے تو ہی نتیجہ خیز اور غیر جانبدار قرار دیا جا سکتا ہے۔ جنرل راحیل شریف اس قوم کا فخر ہیں۔دہشت گردی کے خلاف ان کے جرات مندانہ اقدامات وطن عزیز کی تاریخ میں سنہری حروف سے لکھے جائیں گے۔انہیں اپنے فیصلوں میں تمام پہلوؤں کو مدنظر رکھنا ہو گا۔مختلف ممالک کے ساتھ جنگی اتحاد کے اثرات آنے والی نسلوں تک جاتے ہیں۔سویت یونین کے خلاف افغان جنگ میں ضیا الحق کی پالیسی کے بھیانک نتائج ہم آج تک بھگت رہے ہیں۔انہوں نے کہا کہ پاناما کیس پر فیصلہ آنے میں اب مزید تاخیر مناسب نہیں۔فیصلے سنائے جانے میں مزیدتاخیر عوام کے شکوک و شبہات میں اضافے کا باعث بنے گی۔ بھارت میں قائد اعظم کی رہائش گاہ جناح ہاؤس کو بھارتی حکومت کی طرف سے گرانے کا اعلان تشویش ناک ہے۔بھارت تعصب کی آگ میں عالمی قوانین اور اخلاقی اقدار کی دھجیاں بکھیر رہا ہے۔قائد اعظم کا گھر ایک عظیم تاریخی ورثہ ہے۔عالمی قوانین کے تحت اس کی حفاظت بھارتی حکومت کی ذمہ داری بنتی ہے۔حکومت پاکستان بھارت کو اس جارحانہ طرز عمل سے روکنے کے لیے اقدامات کرے۔صاحبزادہ حامد رضا نے کہا کہ سعودی عرب کا یہ فوج اتحاد کشمیر ،فلسطین اور برما کے مسلمانوں پر ہونے والے مظالم پر خاموش کیوں ہے؟انہوں نے کہا کہ وزیر اعظم نواز شریف بھارتی وزیر اعظم مودی سے رابطے کر کے جناح ہاؤس کو مسمار کیے جانے والے فیصلہ کو واپس لینے پر زور دیں۔
