The Latest
وحدت نیوز (گلگت) گیارہ سال پرانے کیس کو فوجی عدالت بھیجنا صوبائی حکومت کی بیلنس پالیسی ہے دو رینجرز اہلکاروں کے قتل کے الزام میں 14 افراد کوٹرائل کیا جاسکتا ہے تودو سیدانیاں سمیت 7 افراد کے قتل میں ملوث رینجرز کے ذمہ داروں کو کھلی چھوٹ کیوں؟جبکہ کراچی میں رینجرز کی حراست میں ایک شہری کی ہلاکت پر انکوائری ہوسکتی ہے تو سات بیگناہ افراد کے قتل کی ایف آئی آر درج کیوں نہیں ہوئی ؟صوبائی حکومت کے اس اقدام کے خلاف فورس کمانڈر گلگت بلتستان اس ظالمانہ اقدام کے خلاف نوٹس لے۔
مجلس وحدت مسلمین گلگت بلتستان کے ترجمان محمد الیاس صدیقی نے کہا ہے کہ 13 اکتوبر کو رینجرزکی جانب سے گلگت شہر میں اندھادھند فائرنگ کے نتیجے میں مرکزی جامع مسجد تک کو نہیں بخشا گیا اور اسی فائرنگ کے نتیجے میں سات بیگناہ افراد لقمہ اجل بن گئے ۔اس قتل عام کے خلاف متعلقہ تھانوں میں باضابطہ ایف آئی آر کیلئے درخواستیں جمع کروائی گئیں لیکن تعصب کی بناء پر ان ساتوں قتل کے خلاف کوئی ایف آئی آر درج نہ ہوئی اور عدالتی کمیشن مقرر کیا گیا جس کی رپورٹ تاحال منظر عام پر نہیں لائی گئی اور صوبائی حکومت نے بد نیتی کو پر مبنی دہشت گردی کے واقعات کے ساتھ جوڑ کر اس بلوا کیس کو فوجی عدالت میں بھیجا گیا جوکہ انتہائی زیادتی ہے۔ انہوں نے کہا کہ صوبائی حکومت کو چاہئے آغا شہیدضیاء الدین رضوی کیس سمیت شاہراہ قراقرم پر جو واقعات رونما ہوئے ہیں جن میں شناخت کرکے ملت تشیع کے بیگناہ مسافروں کو تہ تیغ کیا گیاہے ان تمام کیسز کو فوجی عدالتوں میں ٹرائل کیاجائے۔ صوبائی حکومت مخصوص ذہنیت کی حامل ہے اور ملت تشیع کو دیوار سے لگانے کی پالیسی ترک نہیں کرے گی تو حکومت ہٹاؤ مہم چلانے پر مجبور ہونگے اور گلگت بلتستان میں مردوزن سڑکوں پر آئینگے اور وہ دن حکومت کا آخری دن ہوگا۔
وحدت نیوز (مظفرآباد) مجلس وحدت مسلمین پاکستان آزاد کشمیر کے ریاستی سیکرٹری جنرل علامہ سید تصور حسین نقوی الجوادی نے دہشت گردی کے واقعہ میں سول سوسائٹی کے امن پسند رہنما اور ممتاز صحافی خرم ذکی کے قتل پر شدید ردعمل کا اظہار کرتے ہوئے اسے کالعدم مذہبی جماعتوں کی کاروائی قرار دیا ہیعلامہ تصور جوادی نے کہا کہ کہنیشنل ایکشن پلان ہونے کے باوجود خرم زکی کو مار دیا گیا، بتایا جائے نیشنل ایکشن پلان کس لیے بنایا گیا تھا، خرم ذکی کو ملک دشمن تکفیری گروہ کے خلاف آواز بلند کرنے کی سزادی گئی ہے ۔ خرم ذکی ایک نڈر اور سچائی پسند محب وطن تھا۔ایسا محب وطن صحافی کہ جس نے اپنے قلم سے مظلوموں کے حقوق کی ترجمانی کی، محروموں کی بات کی ،نیشنل ایکشن پلان مکمل طور پر فلاپ ہوتا نظر آرہا ہے،کیا فائدہ ایسے نیشنل ایکشن پلان کا جہاں ملک امن پسند و محب بیٹے ہی محفوظ نہ رہیں ، اس دھرتی سے پیار کرنے والوں کو چن چن کے مارا جا رہا ہے ، ارباب اختیار چپ کا روزہ رکھے ہوئے ، زبانیں گنگ ہو چکیں ، بہرے و اندھے ہو چکے ، ہاتھ شل ہو چکے ،جبکہ نہتے اور بے گناہ شہریوں کو دن دھاڑے سڑکوں پرگولیاں مار دی جاتی ہیں ، انہوں نے کہا کہ دہشت گردی کے بڑھتے ہوئے واقعات قانون نافذ کرنے والے اداروں کی کارکردگی پر سوالیہ نشان ہے ،حکومت امن وامان کے قیام اور عوام کو تحفظ کرنے میں مکمل طور پر ناکام ہو چکی ہے ،اس سے قبل گزشتہ ماہ کراچی میں جمعہ نماز کی ادائیگی کے بعد گھر جانے والے جامعہ کراچی کے گولڈ میڈلسٹ ہاشم رضوی کو بھی سفاک دہشتگردوں کی جانب سے ٹارگٹ کلنگ کا نشانہ بنایا گیا تھا جس کے قاتل تاحال نہیں پکڑے گئے ،ڈیرہ اسماعیل خان ، کوئٹہ اور پشاور میں بھی چن چن کے مارا جا رہا ، ملک کے قابل ذہین و فطین شہری ،ایسے شہری جو کسی نہ کسی طور پر ملک کی شب و روز خدمت میں مصروف عمل ہیں ، یہ بہیمانہ فعل قابل قبول نہیں ، علامہ تصور جوادی نے حکومت سے مطالبہ کیا ہے کہ خرم ذکی کے قاتلوں کو فی الفور گرفتار کر کے قرار واقعی سزا دی جائے، انہوں نے صحافی برادری اور سول سوسائٹی کے اراکین سے بھی مطالبہ کیا کہ وہ اس مظلومانہ شہادت کے مرتکب دہشت گردوں کے خلاف ہر پلیٹ فارم پر آواز بلند کریں۔
وحدت نیوز (لاہور) مجلس وحدت مسلمین ضلع لاہور کی انٹرا پارٹی الیکشن علامہ حسن ہمدانی بھاری اکثریت سے اگلے تین سال کے لئے ضلع لاہور کے سیکرٹری جنرل منتخب،نو منتخب ضلعی سیکرٹری جنرل سے صوبائی سیکرٹری جنرل علامہ اصغر عسکری نے عہدے کا حلف لیا،انٹرا پارٹی الیکشن میں ضلع بھر کے 75 یونٹس کے اراکین شریک ہوئے،ٍصوبائی سیکرٹری جنرل کی نگرانی میں الیکشن کمیشن نے سہ پہر پانچ بجے نتائج کا اعلان کیا تو شرکا کنونشن نے فلگ شگاف نعروں سے نئے ضلعی میر کارواں کا استقبال کیا،اپنے خطاب میں نو منتخب سیکرٹری جنرل مجلس وحدت مسلمین ضلع لاہور علامہ حسن ہمدانی کا کہنا تھا کہ انشااللہ ہم بھر پور عزم حوصلے کیساتھ اس سفر کو جاری رکھیں گے،مجلس وحدت مسلمین پاکستان مظلوم محروموں کی آواز ہے،ہم کسی ظالم کے سامنے نہیں جھکیں گے،انہوں نے کہا کہ گذشتہ دو دنوں میں پانچ شیعہ پروفیشنلز کا قتل اس بات کی دلیل ہے کہ ایک منظم منصوبہ بندی کیساتھ ہماری نسل کشی شروع کی ہے،حکومت اور ریاستی ادارے ہمیں تحفظ دینے میں مکمل ناکام ہوچکی ہے کراچی میں نفرت کے پجاریوں نے ایک محب وطن اور مظلوموں کے ساتھی کو ابدی نیند سلا کر دہشت گردی کیخلاف جنگ میں کامیابی کے راگ آلاپنے والوں کے منہ پر تماچہ مارا ہے،خرم ذکی کے قاتلوں کیساتھ نرمی برتنے والوں کو ہم اپنے شہداء کے قاتلوں کے سہولت کار اور معاون سمجھیں گے،خرم ذکی سمیت ہمراے دیگر شہداء کے لہو سے ہم عہد کرتے ہیں کہ مادر وطن سے دہشتگردوں اور ان کے سیاسی سرپرستوں، سہولت کاروں کیخلاف ہم خون کے آخری قطرے تک اظہار بیزاری کرتے رہیں گے،علامہ حسن ہمدانی کا مزید کہنا تھا کہ ملت جعفریہ کیخلاف حکمران اور دہشت گردوں کا گٹھ جوڑ اب عیاں ہو چکا ہے،ہم اپنے شہداء کے لواحقین کو انصاف دلانے تک چین سے نہیں بیٹھیں گے،ضلعی انٹرا پارٹی الیکشن میں مرکزی و صوبائی رہنماوں نے بھی شرکت کی۔
وحدت نیوز (ملتان) مجلس وحدت مسلمین جنوبی پنجاب کے صوبائی سیکرٹری جنرل علامہ اقتدار حسین نقوی نے بلوچستان کے سیکرٹری خزانہ مشتاق رئیسانی کی کرپشن سامنے آنے پر مذمت کرتے ہوئے کہا کہ ملک میں سیاستدانوں کے ساتھ ساتھ بیوروکریٹس بھی کرپشن کے بڑے مگر مچھ ہیں ، بلوچستان کے سیکرٹری خزانہ کی دیگر صوبوں میں موجود بیوروکریٹس جو کرپشن میں ملوث ہیں اُنہیں بے نقاب کیا جائے۔ ترجمان کے مطابق علامہ اقتدار حسین نقوی نے کہا کہ پاکستان میں سیاستدانوں کے ساتھ ساتھ بیوروکریٹس بھی عوامی دولت لوٹنے میں مصروف ہیں ، کرپشن میں ملوث عناصر چاہے وہ کسی بھی محکمے میں ہوں اُن کے خلاف کاروائی کی جائے اور ملک میں موجوداس ناسور کو ختم کیا جائے۔ اُنہوں نے ڈیرہ اسماعیل میں چار شیعہ مسلمانوں کے قتل کی شدید مذمت کرتے ہوئے کہا کہ خیبرپختونخواہ کی حکومت صوبے میں امن وامان کے قیام میں ناکام ہوچکی ہے ۔ آئے روز ڈاکٹرز، پروفیسرز، وکلاء اور دیگر افراد کو ٹارگٹ کلنگ کا نشانہ بنایا جارہا ہے۔اُنہوں نے مزید کہا کہ ملک کا وزیر اعظم جب کرپشن میں مہارت رکھتا ہوگا تو ماتحت افسران سے اس طرح کی کرپشن بعید نہیں ہیں ۔ ملک کو دونوں ہاتھوں سے لوٹا جارہا ہے جو قومی خزانے کے محافظ تھے وہی لٹیرے اور چور بن چکے ہیں۔
وحدت نیوز(کراچی) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے دہشت گردی کے واقعہ میں سول سوسائٹی کے رہنما اور ممتاز صحافی خرم ذکی کے قتل پر شدید ردعمل کا اظہار کرتے ہوئے اسے کالعدم مذہبی جماعتوں کی کاروائی قرار دیا ہے. شہید خرم ذکی کے جلوس جنازہ میں شرکت کے دوران انہوں نے میڈیا سے بات کرتے ھوئے کہا کہ خرم ذکی کو ملک دشمن تکفیری گروہ کے خلاف آواز بلند کرنے کی سزادی گی ہے.خرم ذکی ایک نڈر اور سچائی پسند محب وطن پاکستانی تھے. انہوں نے کہا کہ دہشت گردی کے بڑھتے ہوئے واقعات قانون نافذ کرنے والے اداروں کی کارکردگی پر سوالیہ نشان ہیں. حکومت امن وامان کے قیام اور عوام کو تحفظ کرنے میں مکمل طور پر ناکام ہو چکی ہے.اس سے قبل گزشتہ ماہ کراچی میں جمعہ نماز کی ادائیگی کے بعد گھر جانے والے جامعہ کراچی کے گولڈ میڈلسٹ ہاشم رضوی کو بھی سفاک دہشتگردوں کی جانب سے ٹارگٹ کلنگ کا نشانہ بنایا گیا تھا جس کے قاتل تاحال نہیں پکڑے گئے. علامہ ناصر عباس جعفری نے حکومت سے مطالبہ کیا ہے کہ خرم ذکی کے قاتلوں کو فی الفور گرفتار کر کے قرار واقعی سزا دی جائے.
انہوں نے صحافی برادری اور سول سوسائٹی کے اراکین سے بھی مطالبہ کیا کہ وہ اس مظلومانہ شہادت کے مرتکب دہشت گردوں کے خلاف ہر پلیٹ فارم پر آواز بلند کریں افواج پاکستان اور حکومت کالعدم دہشتگردی جماعتوں اور سہولت کاروں کے خلاف ملک گیر آپریشن کا اعلان کریں۔ انھوں نے کہا کہ پاکستان میں ایک بار بھی پشاور، ڈیرہ اسماعیل خاں اور کراچی میں پروفیشنلز وکلاء ، اساتذہ اور صحافیوں کا سلسلہ وار قتل پاکستان میں سعودی عمل دخل اور دہشتگردوں کی معاونت کا ثبوت ھے۔یہ بیرونی مداخلت ملک میں عدم استحکام پھیلانے کی سازش ہے۔انتہا پسند عناصر شیعہ پروفیشنلز کو مسلسل ٹارگٹ کا نشانہ بنا کر ضرب عضب اور نیشنل ایکشن پلان کو سرعام چیلنج کر رہے ہیں۔ٹارگٹ کلنگ کی پہ در پہ واردتوں یہ اس تاثر کو تقویت مل رہی ہے کہ قانون نافذ کرنے والے ادارے مذموم عناصر کے ناپاک ارادوں کے سامنے پسپا ئی اختیار کر چکے ہیں۔ہم پاکستان کے محب وطن شہری ہیں اور قانون و آئین کی پاسداری کو اپنا اولین فریضہ سمجھتے ہیں یہی آئین ریاست کو پابند بناتا ہے کہ وہ ہر شہری کی بلا امتیاز تحفط کو یقینی بنائے۔علامہ ناصر عباس نے کہا کہ ہے خرم ذکی کے قاتلوں کو فوری گرفتار کر کے کیفر کردار تک پہنچایا جائے۔ایسے عناصر کو جب تک نشان عبرت نہیں بنایا جاتا تب تک ملک میں ایسا واقعات رونما ہوتے رہیں گے۔
دریں اثناء سماجی رہنما خرم زکی کی ٹارگٹ کلنگ پرعلامہ ناصر عباس،نو منتخب صوبائی رہنما علامہ مقصود ڈومکی،علامہ مختار امامی،علامہ علی انور جعفری،علی حسین نقوی نے سماجی رہنما خرم زکی کے قتل مذمت کی اور انچولی مسجد و امام بارگاہ میں اہل خانہ سے تعزیت کی اور انچولی سے سی ایم ہاؤس جلوس جنازہ میں شامل رہے ،وزیر اعلیٰ ہاؤس پر شرکاء نے علامتی دھرنا دیا جہاں سماجی رہنما کے قتل کے خلاف مظاہرین کی بڑی تعداد موجود تھی جنہوں نے وفاقی صوبائی حکومت سمیت قانون نافذ کرنے والے اداروں کے خلاف شدید نعرے بازی کی۔مطاہرین سے خطا ب میں ایم ڈبلیو ایم پولیٹیکل سیکرٹری علی حسین نقوی کا کہنا تھا کہ دہشت گردی کی تازہ لہر وفاقی حکومت کی دہشت گرد عناصر کے خلاف نرمی برتنے کا نتیجہ ہے شہر قائد دہشتگردی کے واقعات میں اضافہ ہونا قانون نافذ کرنے والے اداروں پولیس ،رینجرز کی کار کردگی پر سوالیہ نشان ہے حکومت وقانون نافذ کرنے والے ادارے بتائیں کے وہ جن مجرموں کے خلاف کاروائیاں کر رہے ہیں انہوں نے سماجی رہنما خرم زکی کے قتل کو قومی نقصان قرار دیا اور ان کے قتل میں ملوث دہشتگردوں کی جلد از جلد گرفتاری کا مطالبہ کیا ۔
دریں اثناء معروف سماجی رہنما خرم زکی کی نماز جنازہ وزیر اعلیٰ ہاؤس کے سامنے ادا کی گئی نماز جنازہ علامہ ناظر عباس تقوی نے بڑھائیں نماز جنازہ میں سیاسی و مذہبی جماعتوں سمیت سول سوسائٹی کے رہنماؤں نے شرکت کی بعد اذاں جنازے کوسوگواروں کی بڑی تعداد کے ہمرہ جلوس کی شکل میں شاہرائے فیصل ڈرگ روڈ ،ملیر ہالٹ ،موڈل کالونی کینٹ روڈ سے سپر ہائی وے وادی حسین قبرستان میں ہزاروں سوگواروں کی موجودگی میں جسد خاکی کو سپرد خاک کیا گیا۔
ایم ڈبلیوایم کے تحت علامہ اعجازبہشتی کی زیرقیادت وفاقی دارالحکومت میں شیعہ ٹارگٹ کلنگ کے خلاف احتجاج
وحدت نیوز (اسلام آباد) مجلس وحدت مسلمین اسلا م آباداور آئی ایس او کے زیر اہتمام ممتاز صحافی و سول سوسائٹی کے رہنما خرم ذکی اور ڈیرہ اسماعیل خان میں چار مایہ ناز پروفیشنلز کی ٹارگٹ کلنگ کے خلاف اسلام آباد پریس کلب کے سامنے ایک احتجاجی مظاہرہ ہواجس میں بڑی تعداد میں سول سوسائٹی کے اراکین سمیت دیگر مکاتب فکر سے تعلق رکھنے والے افراد نے شرکت کی۔مظاہرے سے خطاب کرتے ہوئے مجلس وحدت مسلمین کے مرکزی رہنما علامہ اعجاز بہشتی نے ان واقعات کی شدید مذمت کی۔انہوں نے کہا کہ دہشت گرد عناصر نے قانون نافذ کرنے والے عناصر کو بے بس کر رکھا ہے۔ملک میں آئے روز مختلف شعبوں کے ماہرین کا قتل عالمی سطح پر پاکستان کی بدنامی کا باعث بن رہا ہے۔ ملک دشمن دہشت گرد طاقتیں وطن عزیز کو اقوام عالم کے سامنے ایک ایسی ریاست ثابت کرنے پر تُلی ہوئی ہیں جہاں قانون و انصاف کی بجائے ظلم و بربریت کی حکمرانی ہے۔موجودہ حکومت کی بے حسی اس امر کی دلالت کرتی ہے کہ حکمرانوں کو عوام کے جان و مال کے تحفظ سے کوئی غرض نہیں۔حکومت کی تمام تر توجہ آف شور کمپنیوں اور اپنے اثاثہ جات میں اضافے کی طرف مرکوز ہے۔وزیر اعظم نوازشریف ملک کے نا اہل ترین حکمران ہیں۔ملک کی قابل قدر ماہرین کے قتل پر وزیر اعظم نے دانستہ نظر انداز کی پالسی اپنا رکھی ہے جو ناقابل برداشت ہے۔ انہوں نے کہا خرم ذکی ایسے محب وطن شخص کا نام ہے جس نے ملک دشمن عناصر کو ان کی آنکھوں میں آنکھیں ڈال کر للکارا۔کالعدم جماعتوں اور ملکی دشمن سرگرمیوں میں ملوث شخصیات کے خلاف اس بے باک جرات اظہار پر مذموم عناصر نے ایک محب وطن نوجوان کو موت کی نیند سلا دیا۔انہوں نے کہا کہ ایک طرف نیشنل ایکشن پلان کے تحت بے گناہ افراد کی پکڑ ڈھکر کی جا رہی ہے جب کہ دوسری طرف کالعدم جماعتوں کے سربراہوں کو حکومت کی طرف سے سیکورٹی ملی ہوئی ہے۔یہی دوہرا معیار دہشت گردی کے خلاف حکومتی منافقت کا کھلم کھلا اظہار ہے۔انہوں نے آرمی چیف اور حکومت سے مطالبہ کیا ہے کہ اگر وہ ضرب عضب کو کامیاب بنانا چاہتے ہیں تو پورے ملک میں ان عناصر کے خلاف نہ صرف ملٹری آپریشن کا آغاز کریں بلکہ ان تمام افراد کو فوری گرفتار کیا جائے جن کے ملک دشمن سر گرمیوں میں ملوث ہونے کے واضح شواہد موجود ہیں اور وہ آئین پاکستان کی سرعام تضحیک کرتے ہیں۔ مظاہرے سے آئی ایس او کے ڈویژنل صدر اکبر موسوی ،سول سوسائٹی کی رہنما فرزانہ باری، مجلس وحدت مسلمین اسلام آباد کے سیکرٹری جنرل ظہیر نقوی اور سول سوسائٹی کے اراکین نے بھی خطاب کیا۔مظاہرے کے اختتام پر تمام مظاہرین پُر امن طور پر منتشر ہو گئے۔
وحدت نیوز (کراچی) معروف سماجی رہنما اور صحافی شہید خرم ذکی کے جلوس جنازہ کےموقع پر مظاہرین سے خطا ب میں مجلس وحدت مسلمین کراچی ڈویژن کے پولیٹیکل سیکرٹری علی حسین نقوی کا کہنا تھا کہ دہشت گردی کی تازہ لہر وفاقی حکومت کی دہشت گرد عناصر کے خلاف نرمی برتنے کا نتیجہ ہے شہر قائد دہشتگردی کے واقعات میں اضافہ ہونا قانون نافذ کرنے والے اداروں پولیس ،رینجرز کی کار کردگی پر سوالیہ نشان ہے،خرم ذکی نے ہمیشہ پاکستان کی سلامتی اور استحکام کی خاطرملک دشمنوں کے چہروں سے نقاب نوچے، حکومت وقانون نافذ کرنے والے ادارے بتائیں کے وہ کن مجرموں کے خلاف کاروائیاں کر رہے ہیں، انہوں نے سماجی رہنما خرم زکی کے قتل کو قومی نقصان قرار دیا اور ان کے قتل میں ملوث دہشتگردوں کی جلد از جلد گرفتاری کا مطالبہ کیا ۔
وحدت نیوز(فیصل آباد) پاکستان میں مسلسل دہشت گردی اور ٹارگٹ کلنگ کا نہ رکنے والا سلسلہ جاری ہے گزشتہ روز کراچی میں خرم ذکی اوراُس سے ایک روز قبل ڈیرہ اسماعیل خان میں 2 ایڈووکیٹس اور 2 اساتذہ کا قتل اس کا حصہ ہے ان وارداتوں نے ایک بار پھر ضربِ عضب پر سوالیہ نشان لگا دیا ہے پاکستانی ادارے کہاں ہیں آخراس ظلم وستم کے لئے مصلحت پسندی کیوں کی جارہی ہے ،دوسری طرف نیشنل ایکشن پلان کوصرف مخالفین کے لئے سیاسی انتقام کے طور پر استعمال کیا جا رہا ہے، ہم اس کی ہر گز اجازت نہیں دیں گے ہم ان بہمانہ قتلوں کی بھر پور مذمت کرتے ہیں اور لواحقین سے مکمل یکجہتی کا اظہار کرتے ہیں اور حکومت وقت سے مطالبہ کرتے ہیں کہ پانامہ لیکس سے نکلنے کے لئے اس قسم کی ڈائی ورشن استعمال نہ کرے۔ ان خیالات کا اظہار علامہ احسان علی جعفری سیکرٹری جنرل مجلس وحدت مسلمین پاکستان ضلع فیصل آباد نے امین پوربازار میں ایک احتجاجی مظاہرے میں کیا ۔مظاہرے میں ملک دُشمن طاقتوں کے خلاف خوب نعرہ بازی کی گئی اوردہشت گردی کی مکمل خاتمہ کے لئے پاکستان کے مخلص اداروں سے مکمل تعاون کرنے کا اعادہ کیاگیا عوام کی کثیر تعداد اس احتجاجی مظاہرے میں شریک تھی۔
وحدت نیوز(کراچی) مجلس وحدت مسلمین صوبہ سندھ کے تنظیمی پیام وحدت کنوکشن کے شرکاءسے خطاب کرتے ہوئے مرکزی سیکرٹری جنرل علامہ راجہ ناصر عباس جعفری کہا کہ بحیثیت تشیع اجتماعی فرائض ادا کئے بغیر ہم اپنی ذمہ داری سے عہدہ برا نہیں ہوسکتے۔ ہمارے مکتب کے مطابق حضرت علی علیہ السلام سیاسی و مذہبی دونوں حوالوں سے امام ہیں۔ جب تک تشیع پاکستان کی تمام طاقتیں یکجا نہ ہوں گی، کامیابی سے ہمکنار نہیں ہوسکتے۔ ایک تشکل کی صورت میں اکٹھے ہو کر ہی ملت تشیع کی خاطر بہتر انداز میں کام کیا جاسکتا ہے۔ ایم ڈبلیو ایم قوم کو اکٹھا کرکے سیاسی طاقت بنانا چاہتی ہے۔ ملت کے لئے کئی طرح کے نظریات پیش کئے گئے، ایک یہ ہے کہ ہم اس پورے سسٹم سے قطع تعلق ہو جائیں، اس فکر پر عمل کرکے ہم بدترین حکمرانوں کو خود پر مسلط کرنے کے ذمہ دار ہوں گے، دوسرا یہ ہے کہ ہم مختلف سیاسی پارٹیوں کو ووٹ دیں، جس کا تجربہ ہم نے گذشتہ کئی دہائیوں میں کیا، کوئی خاطر خواہ نتیجہ نہ نکل سکا۔
علامہ راجہ ناصر عباس جعفری کا کہنا تھا کہ کوئٹہ سے لیکر ڈی آئی خان اور پاراچنار کے لوگ بتا سکتے ہیں کہ گذشتہ چھیاسٹھ سال تک ہم ان پارٹیوں میں رہے، یہ ہمیں اپنی جیب کا ووٹ سمجھنے لگیں، قوم کو جائز حق نہ مل سکا۔ اور سیاسی غلام بنا کر رکھ دیا گیا، جس کے اثرات ہماری نسلوں کے اذہان پر منتقل ہوتے چلے گئے۔ حقیقت تو یہ ہے کہ ایک نومولود کو بھی نام کی ضرورت ہوتی ہے۔ ہم نے شہید قائد کی فکر کو جاری رکھتے ہوئے، قوم کو سیاسی شناخت دی، ایم ڈبلیو ایم پہلا قدم ہے۔ سیاسی پارٹیاں جان چکی ہیں کہ تشیع کے حقوق کی وارث جماعت میدان عمل میں کود چکی ہے۔ ہمیں اب سیاسی جماعتوں کو باور کرانا ہوگا کہ پورے ملک میں پھیلا ہوا مومنین کا ووٹ ملت تشیع کا ووٹ بینک ہے، جس کا ملت تشیع کو فائدہ ہونا چاہیے۔ شہید قائد چاہتے تھے کہ اس پاک وطن کی خارجہ، داخلہ اور دیگر پالیسیز پر تشیع کا کردار موجود ہو۔ اس ملک کی تقدیر کے فیصلے ملت تشیع کی رضا مندی کے ساتھ ہوں۔ وہ ملت جو اپنے ملک میں اپنی شناخت پیدا نہ کرسکے، امام زمانہ (عجل) کی نصرت کی جانب کیسے قدم بڑھائے گی۔
وحدت نیوز(کراچی) مجلس وحدت مسلمین پنجاب کی صوبائی شوری نے علامہ مقصود علی ڈومکی کو تین سال کے لیے سندھ کا نیا سیکرٹری جنرل منتخب کر لیا۔ کراچی کے علاقے نیو رضویہ مسجد و امام بارگاہ سامرہ میں منعقدہ صوبائی کنونشن میں صوبہ سندھ کے ضلعی سیکرٹری جنرلز اور نمائندوں نے اپنا اپنا حق رائے دہی استعمال کیا۔ اس سے قبل صوبائی سیکرٹری جنرل کیلئے 3 ناموں کو پیش کیا گیا جن میں علامہ مختار امامی ،علامہ مقصود علی ڈومکی اور عالم کربلائی شامل تھے۔ رائے دہندگان نے اپنے ووٹ کے ذریعے علامہ مقصودڈومکی کو نیا سیکرٹری جنرل منتخب کیا۔ نومنتخب سیکرٹری جنرل کا اعلان اور حلف چیئرمین شوریٰ عالی علامہ شیح حسن صلاح الدین نے لیا۔ الیکشن کمیشن کے فرائض مرکزی سیکرٹری فلاح وبہبود علامہ باقر زیدی ،مرکزی سیکرٹری تنظیم سازی مہدی عابدی اور یقوب حسینی نے سرانجام دیئے۔اس موقع پر مرکزی سیکرٹری جنرل علامہ راجہ ناصر عباس جعفری نے بھی خصوصی شرکت کی اور زمہ داران سے خطاب کیا ۔
