The Latest
وحدت نیوز (پشاور) مجلس وحدت مسلمین خیبر پختونخوا کے سیکرٹری جنرل علامہ سید سبطین حسینی نے کہا ہے کہ سعودی عرب کی سربراہی میں یہ جو 34 ممالک کا اتحاد ہے، یہ نام نہاد اتحاد کے علاوہ کچھ نہیں، داعش کوئی بہت بڑی دہشتگرد تنظیم نہیں، 25 ہزار دہشتگردوں کیلئے کسی ایک ملک کا ہونا کافی ہے، ’’اسلام ٹائمز‘‘ کیساتھ انٹرویو کے دوران ان کا کہنا تھا کہ ضروری نہیں کہ اس کیلئے 34 ممالک کا اتحاد بنایا جائے، یہ دراصل اسلام، قرآن اور اسلامی ممالک کے عوام کو کمزور کرنے کی ایک سازش ہے، جیسا کہ امریکہ نے ہی داعش کی تشکیل کی، امریکہ نے ہی طالبان کو بنایا، اب ان کیخلاف نام نہاد اتحاد کا سرپرست بنا ہے، اور یہ علمانہ ذمہ داری ایک بار پھر سعودی عرب نے قبول کی۔ تو سعودی عرب کی خیانت شروع دن سے سرعام ہے، انہوں نے فلسطین کیخلاف اسرائیل کا ساتھ دیا، ان کے شہزادے ببانگ دہل کہتے رہے کہ ہم اسرائیل کیساتھ ہیں، کچھ عرصہ پہلے بھی ایک سعودی شہزادے کا اس حوالے سے انٹرویو پوری دنیا نے دیکھا، میں سمجھتا ہوں کہ فلسطین کی آزادی کیلئے اس قسم کا اتحاد بننا چاہئے۔ یہ دراصل اسلامی ممالک کے درمیان پھوٹ ڈالنے کی ناکام کوشش ہے، پاکستان کی فوج ایک بہادر فوج ہے، اور اس کے سپاہ سالار ایک بہادر اور بابصیرت فوجی اور سپاہ سالار ہیں۔
انہوں نے مزید کہا کہ ملکی حالات کا تقاضا بھی یہی ہے کہ ہمیں اس قسم کے کسی اتحاد کا حصہ بننے کی بجائے اس کی مخالفت کرنی چاہئے، پاکستان کے عوام بھی حکومت کو اس قسم کے کسی اتحاد کا حصہ بننے کی اجازت ہرگز نہیں دیں گے۔ پاکستان وہ ملک کے جو لاکھوں قربانیوں کے نتیجے میں معرض وجود میں آیا، یہ کوئی اتفاق فاونڈری نہیں کہ نواز شریف اس کو اپنے کاروبار کی نہج پر چلائے، اس اتحاد کی کوئی وقعت نہیں، اسلامی ممالک کے عوام بھی ہوشیار ہیں، اس قسم کے اتحادوں سے ان کی بخوبی واقفیت ہے، ایسا اتحاد جس کی سرپرستی ایسا ملک کرے جس کے پاس دہشتگردوں کی نرسریاں ہیں، جنہوں نے دنیا بھر میں دہشت کا بازار گرم کیا ہو، جو حج جیسے مقدس موقع پر بھی مسلمانوں کے درمیان تفرقہ ڈالنے کی مزموم کوشش کرتے ہیں، تو انشاء اللہ ان کے یہ عزائم کبھی بھی کامیاب نہیں ہوں گے، پاک فوج بھی اپنی بصیرت، بصارت اور ملکی حالات کو مدنظر رکھتے ہوئے انشاء اللہ ایسے اتحاد کا حصہ نہیں بنے گی۔
وحدت نیوز(لاہور) مخیر حضرات دے جائیں، مستحق افراد لے جائیں، لاہور میں گلبرگ کے علاقے ایم ایم عالم روڈ کے بعد اب مسلم ٹاؤن موڑ پر بھی مجلس وحدت مسلمین کی جانب سے مستحق افراد کی مدد کرنے کیلئے"دیوار مہربانی" کا افتتاح کر دیا گیا ہے۔ مسلم ٹاؤن موڑ پر بنائی جانیوالی "دیوار مہربانی" کا اہتمام مجلس وحدت مسلمین کی جانب سے کیا گیا ہے۔ ایم ڈبلیو ایم پنجاب کے سیکرٹری علامہ عبدالخالق اسدی، ڈپٹی جنرل سیکرٹری سید اسد عباس نقوی، رہنما آغا نقی مہدی اور رانا ماجد علی نے "دیوار مہربانی" کا افتتاح کیا۔ اس موقع پر علامہ عبدالخالق اسدی کا کہنا تھا کہ ان کا ہدف ہے کہ ہر ضلع میں ایسی 12 دیواریں بنائی جائیں تاکہ زیادہ سے زیادہ مستحق لوگ اس سے مستفید ہو سکیں۔ انہوں نے کہا کہ اس کام میں تاجر برادری نے بھی اِن کا بھرپور ساتھ دینے کا وعدہ کیا ہے۔ سید اسد عباس نقوی کا کہنا تھا کہ وہ اس نیک کام کو آگے پھیلانا چاہتے ہیں تاکہ زیادہ سے زیادہ مستحق افراد کی خدمت کی جا سکے۔ رانا ماجد علی نے کہا کہ مستحق افراد کی مدد کا یہ بہترین ذریعہ ہے جہاں صاحب ثروت موسم کی مناسبت سے کپڑے لٹکا دیتے ہیں اور مستحق بلاجھجک یہاں سے استفادہ کر سکتے ہیں۔ انہوں نے کہا کہ فلاحی کاموں میں سب کو بڑھ چڑھ کر حصہ لینا چاہیے۔
شام کے علاقے سیدہ زینب (س)میں دھماکے قیمتی انسانی جانوں کے ضیاع پر علامہ ناصرعباس جعفری کااظہارافسوس
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا ہے کہ عالمی امن شدید خطرات سے دوچار ہے۔امریکہ اور اس کے حواری اپنی طاقت کے بل بوتے پرامت مسلمہ کو تباہی سے دوچار کرنے پر تُلے ہوئے ہیں۔پوری دنیا میں صرف مسلم ممالک ہی انتشار کا شکار ہیں ،امت مسلم کی تنزلی یہود ونصاریٰ کا اولین ایجنڈا ہے۔ہماری دانستہ غٖفلت ہمیں اپنے آئندہ نسلوں کا مجرم بنا دے گی۔مسلم حکمران دانشمندی اور بصیرت کا ثبوت دیتے ہوئے اپنے دوست نما دشمن کی پہچان پیدا کریں۔انہوں نے روس اور چین سمیت دیگر غیر متنازعہ قوتوں سے مطالبہ کیا ہے کہ وہ عالمی امن کے قیام کے لیے اپنا مخلصانہ کردار ادا کریں۔غیر یقینی کی موجودہ فضا کسی بھی ملک کے لیے سازگار نہیں۔مسلم ممالک کے مابین تصادم کی چھوٹی سی راہ عالمی جنگ کا راستہ ہموار کرنے کے لیے کافی ہے ۔مغربی استعمار مسلم ممالک میں لگی ہوئی آگ کا تماش بین بننے کی بجائے اس بجھانے میں کردار ادا کرے۔انہوں نے دمشق کے نواحی علاقے سیدہ زینبؑ اور حمص میں ہونے والے دھماکوں کے نتیجے میں سو سے زائد قیمتی جانوں کے ضیاع پر اظہار افسوس کرتے ہوئے کہا کہ شام میں رسول اللہ ﷺ کی نواسی کا روضہ مبارک ہے۔ یہ شیعہ سنی تمام مسلمانوں کے متبرک ہے۔ داعش نامی ابلیسی قوتوں مسلمانوں اور ان کے مقدسات کی دشمن ہیں۔ان عناصر کی سرکوبی امت مسلمہ کے تمام مسالک کی شرعی ذمہ داری ہے۔مسلمان حکمران شام میں داعش کے خاتمے میں وہاں کی حکومت کے ساتھ عسکری تعاون کریں تاکہ ان مذموم عناصر کو شکست فاش ہو جو اسلام کے ررشن چہرے کو بدنما ثابت کرنے پر تُلے ہوئے ہیں۔
وحدت نیوز (گلگت) دلاور مائیں ہیں شجاع اور بہادر بیٹوں کو جنم دیتی ہیں،گلگت بلتستان کے پہاڑوں کے درمیان بسنی والی قوم ایک شجاعت اور بہادری میں اپنی مثال آپ ہے۔گلگت بلتستان کے عوام انسانیت اور اخلاقیات میں دیگر اقوام سے پیچھے نہیں ہماری شرافت سے حکمرانوں نے سوء استفادہ کیا ہے۔
مجلس وحدت مسلمین گلگت بلتستان شعبہ خواتین کی کوارڈینیٹر محترمہ سائرہ ابراہیم نے بیداری و آگاہی مہم کے سلسلے میں نومل اور چھلت میں خواتین سے خطاب کرتے ہوئے کہا کہ دوست اور دشمن کی تمیز کرنا شعوری بلوغت کی نشانی ہے اور معاشرے میں باشعور خواتین ہی انقلابی تحریکوں کے روح و رواں ہوتی ہیں۔دنیا میں جتنے بھی انقلابات رونما ہوئے ہیں ان تمام تحریکوں میں خواتین کا بھرپور کردار نمایاں نظر آتا ہے جنہوں نے مردوں کے شانہ بشانہ جرات و بہادری کی مثالیں رقم کی ہیں۔انہوں نے کہا کہ خاتون جنت فاطمۃ الزہرا ؑ کی عملی زندگی ہمارے لئے مشعل راہ ہے اور ایسی عظیم خواتین کے عملی نمونے ہونے کے باوجود معاشرے کی اصلاح کیلئے کوئی خواتین کا میدان عمل میں نہ ہونا کسی المیے سے کم نہیں،حالانکہ ملک عزیز پاکستان کے سرحدوں اور دہشت گردی کے خلاف محاذ جنگ میں بہادری کے جوہر دکھانے والے بیٹوں کو آپ جیسی ماؤں نے ہی جنم دیا ہے۔
انہوں نے کہا کہ حکمرانوں نے ہماری شرافت اور خاموشی کو ہماری بزدلی اور نااہلیت پر محمول کیا ہے اور 68 سالوں سے ہمیں ہمارے جائز حقوق سے محروم رکھا ہے ،آج ہمارے پڑھے لکھے اور اعلیٰ تعلیم یافتہ جوان بیروزگار ہیں اور تلاش معاش میں سرگرداں و پریشان ہیں جس کی ذمہ داری صوبائی حکومت ہے جنہیں عوامی مسائل سے کوئی سروکار نہیں۔مجلس وحدت مسلمین نے حالیہ الیکشن میں عوامی خدمت کے جذبے سے حصہ لیا اور جو پذیرائی ہمیں نصیب ہوئی اس کے لئے ہم آپ کے مشکور ہیں ،انشاء اللہ اگلے مرحلے میں مجلس بھرپور طاقت سے سیاسی میدان میں قدم جمائے گی ۔
وحدت نیوز (کراچی) مجلس وحدت مسلمین پاکستان شعبہ خواتین کے تحت ایک روزہ تنظیمی و تربیتی ورکشاپ منعقد ہوئی جس میں ایم ڈبلیو ایم کراچی اور حیدرآبادڈویژن سے خواتین ذمہ داران شریک ہوئیں۔ ورکشاپ کا باقائدہ آغاز خواہرعتیق نے تلاوت کلام پاک سے کیا، جبکہ خواہر زرین نے نعت رسول مقبول ﷺ پیش کی،اس ورکشاپ سے مولانا سید احمد اقبال رضوی مرکزی سیکرٹری تربیت اورمہدی عابدی مرکزی سیکرٹری اطلاعات،خانم زہرا نقوی مرکزی کوآرڈینیٹرشعبہ خواتین اور خانم زہرا نجفی رکن مرکزی کمیٹی نے خطاب کیا ۔ اس ورکشاپ کا مقصد خواتین کو ایم ڈبلیو ایم کے اندر فعال کردار ادا کرنے کےلئے آمادہ کرنا اور انہیں ایک مربوط اور منظم انداز میں کام کرنے کی جانب راغب کرنا تھا ،شعبہ خواتین کی مرکزی کوارڈینیٹر محترمہ سیدہ زہراء نقوی صاحبہ نے اپنے خطاب میں خواتین کے اندر اخلاقیات، نظم ، ایک دوسرے سے مربوط ہوکر کام کرنے کے علاوہ شعبہ خواتین کے مثبت اور فعال کردار پر روشنی ڈالی۔ انہوں کہا کہ ہر زمانے میں معاشرے کے اندر خاتون کاکردار بہت اہم رہا ہے ۔ لیکن آج اس سے بھی زیادہ خواتین کو آگے بڑھ کر کام کرنے کی ضرورت ہے ۔ کوئی تحریک بھی خواتین کے عملی میدان میں وارد ہوئے بغیر کامیاب نہیں ہوسکی لہذا ہمیں حالات سے بروقت باخبر رہنا چاہئے اورہمیں اس الہی تنظیم جو مکمل طور پر خط رہبری سے ہم آہنگ ہے اس میں اپنا بھرپورکردار اداکرنے کے ساتھ ساتھ مجلس وحدت مسلمین کے دست و بازو بن کر ایک پروقار اور فعال کردار ادا کرنے کی ضرورت ہے۔ ہمیں اپنے بچوں کو بھی اس تنظیم کا حصہ بننے کےلئے تیار کرناہوگا اور یہ اسی صورت ممکن ہے جب ہم ملکر کام کریں اور ہر ایشو پر متحد نظر آئیں ۔
ورکشاپ کے اختتام پر سیکرٹری جنرل ایم ڈبلیوایم شعبہ خواتین کراچی ڈویژن خانم ہما جعفری ، سیکریٹری جنرل شعبہ خواتین حیدر آباد ڈویژن خانم ثمرین تقوی ، اور خانم سیمی نقوی سیکریٹری روابط و اسکائوٹ ایم ڈبلیوایم سندھ شعبہ خواتین نے اپنی اپنی کارکردگی رپورٹس پیش کیں ، تربیتی ورکشاپ میں شریک خواتین نے اس ورکشاپ کے انعقاد پر اطمینان اور مسرت کا اظہار کیا اور کہا کہ اس طرح کی ورکشاپس آئندہ بھی منعقد کرائی جائیں تاکہ خواتین کی علمی ،معنوی ، اخلاقی ، اور سیاسی معلومات میں اضافہ ہو سکے ۔ ورکشاپ دن 11 بجے سے 30/04 بجے شام تک جاری رہی ورکشاپ کے اختتام پر شرکاء کےلئے ظہرانے کا اہتمام کیا گیا تھا ۔
وحدت نیوز (چھلگری) تحصیل بھاگ سانحہ میں ملوث دھشت گردوں کی عدم گرفتاری ، اور زخمیوں کے علاج معالجہ اور متاثرین کو نظر انداز کرنے پر احتجاجی جلسہ منعقد ہوا۔ اکابرین نے اس موقع پرشہدائے راہ حق کو خراج عقیدت پیش کیا ۔ احتجاجی جلسہ سے مجلس وحدت مسلمین بلوچستان کے سیکریٹری جنرل علامہ مقصود علی ڈومکی، مرکزی سیکریٹری تنظیم برادر یعقوب حسینی، صوبائی ڈپٹی سیکریٹری جنرل مولانا سید ظفر عباس شمسی، و دیگر نے خطاب کیا اور سانحہ چھلگری کے متاثرین ، وارثان شہداء اور زخمیوں ، اور عوام نے کثیر تعداد میں شرکت کی،دھر نا دیکرہر قسم کی آمد ورفت کے لئے بند کر دیا مظاہر ین نے حکو مت کے خلاف نعر ے با زی کی ٹریفک بند ہو نے ہونے کے با عث سینکڑوں گاڑیو ں کی قطا ریں لگ گئیں،اس موقع پر گفتگو کرتے ہوئے مجلس و حد ت مسلمین بلوچستان کے سیکریٹری جنرل علا مہ مقصو د ڈومکی نے مظا ہر ین سے خطا ب کر تے ہو ئے کہا کہ سا نحہ چھلگر ی کو چار ما ہ گز ر گئے لیکن واقعہ میں ملو ث ملز ما ن کو تا حا ل گر فتار نہیں کیا جا سکا جو حکو مت کی نا اہلی کا منہ بو لتا ثبو ت ہیں ۔ انھو ں نے کہا کہ واقع میں زخمی ہو نے والے افراد کو قر ض اٹھا کر اور گھر وں کے سا ما ن بیچ کر علا ج کرایا جا رہا ہے۔
انہو ں نے کہا کہ ہم نے حکومت کو سا ت نکا ت پیش کیے ہیں جن پر ابھی تک عمل در آمد نہیں ہو رہا ہے ہیں انھو ں نے کہا ہمار ے مطا لبات تسلیم نہ کئے گے تو احتجا ج کا دائر ہ وسیع کیا جا ئے گا بعد از اں پا نچ گھنٹے تک قومی شا ہر اہ معطل رہنے کے بعدکمشنر نصیر آباد، ڈپٹی کمشنر نصیرآباد اور ڈپٹی کمشنر بولان سے کامیاب مذاکرات کے بعد قومی شا ہر اہ کھو ل دیا گیا ۔
وحدت نیوز(جامشورو) مجلس وحدت مسلمین پاکستان صوبہ سندھ کی شوریٰ کا دو روزہ سہہ ماہی اجلاس مرکز تبلیغات وتعلیمات اسلامی جامشورومیں منعقد ہوا ، علامہ مختارامامی کی زیر صدارت اجلاس میں مرکزی سیکریٹری جنرل علامہ ناصرعباس جعفری ، رکن شوریٰ عالی علامہ حیدرعلی جوادی، علامہ احمد اقبال رضوی ، مہدی عابدی سمیت دیگرمقررین نے خطاب کیا، اجلاس میں متفقہ طور پر فیصلہ کیا گیا کہ 27مارچ کو بھٹ شاہ میں عظیم الشان عوامی جلسہ عام منعقد کیا جائے گا،جس میں وادی مہران کے ہزاروں غیرت مند شہری شرکت اور شیعہ سنی علمائے کرام وقائدین خطاب کریں گے،اجلاس میں سال گذشتہ کی تنظیمی کارکردگی کا جائزہ بھی لیا گیا، اجلاس میں شریک تمام اضلاع نے اپنی اپنی کارکردگی رپورٹ پیش کی، علامہ ناصرعباس جعفری نے اپنے خطاب میں کہا کہ تھر میں انسانیت سسک رہی ہے، حکمران خواب غفلت کا شکار ہیں، علامہ مختارامامی اپنی ٹیم کے ہمراہ فوری طور پر تھر کے قحط متاثرہ علاقوں کا دورہ کریں ، ضروریات کا جائزہ لے کر بنیادی سہولیات کی فراہمی کو یقینی بنائیں اور مزید ضروریات کی رپورٹ مجھے ارصال کریں ،انہوں نے کہا کہ پارٹی الیکشن نزدیک ہیں کسی تنظیمی عہدیدار کو کنونسنگ کی اجازت نہیں ، یہ عمل غیر اخلاقی وغیر شرعی ہے، ایم ڈبلیوایم میں کسی قسم کی دھڑے بندی کی کوئی گنجائش نہیں ،انہوں نے ایم ڈبلیوایم ضلع مٹیاری کے سیکریٹری جنرل مولانا اخترعباس اور انکی ٹیم کو ضمنی الیکشن میں شاندار کارکردگی پر خراج تحسین بھی پیش کیا۔
وحدت نیوز(اسلام آباد)مجلس وحدت مسلمین ، امامیہ اسٹوڈنٹس آرگنائزیشن ، امامیہ آرگنائزیشن اور مرکزی اثناعشری ٹرسٹ کے تحت مرکزی جامع مسجد G-6/2میں عظمت شہداءکانفرنس منعقد ہوئی، جس میں عوام کی بڑی تعداد شریک ہوئی، مقررین میں مرکزی ڈپٹی سیکریٹری جنرل ایم ڈبلیوایم علامہ امین شہیدی، مرکزی ڈپٹی چیئرمین سنی اتحادکونسل سید جواد الحسن کاظمی ، سیکریٹری جنرل ایم ڈبلیوایم ضلع راولپنڈی علامہ علی اکبر کاظمی شامل تھے۔
شرکائے کانفرنس سے خطاب کرتے ہوئے علامہ امین شہیدی نے کہا کہ شہید آیت اللہ باقرالنمر حریت پسندوں کا استعارہ ثابت ہوئے ہیں، آل سعود نے فقط اصولی اختلاف کی بناءپر انہیں تہہ تیغ کیاہے، انسانی وجمہوری اقتدار کے قاتل سعودی حکمران شام میں قائم بشارالاسد کی منتخب حکومت کو آمریت قرار دیتے ہیں ، جوکہ خود بادشاہت کے نام پر حجاز مقدس پر قابض ہیں ، امریکی زیرقیادت سعودی اتحاد کا ہدف داعش کا خاتمہ نہیں بلکہ اسرائیل دشمن شامی حکومت کا خاتمہ ہے،انسداد ہشت گردی کے نام پرتشکیل کردہ سعودی اتحادکی عراق وشام میں داعش کی مسلسل پسپائی کے بعد زمینی کاروائی کس کے خلاف ہے؟پہلے حرمین شریفین کے تحفظ کے نام پر ورغلا کر امت مسلمہ کو گمراہ کرنے کی ناکام کوشش کی گئی جب بس نا چلا تو داعش کے خاتمے کے نام پر شام میں چڑھائی کا شور مچایا جا رہا ہے جب کہ داعش عراق وشام میں پہلے ہی مقاومتی بلاک کے ہاتھوں شدید جانی ومالی نقصان کا سامناکرتے ہوئے پسپائی اختیار کررہی ہے۔
وحدت نیوز (جامشورو) مجلس وحدت مسلمین پاکستان صوبہ سندھ کی شوریٰ کا دو روزہ سہہ ماہی اجلاس مرکز تبلیغات وتعلیمات اسلامی جامشورومیں منعقد ہوا ، علامہ مختارامامی کی زیر صدارت اجلاس میں مرکزی سیکریٹری جنرل علامہ ناصرعباس جعفری ، رکن شوریٰ عالی علامہ حیدرعلی جوادی، علامہ احمد اقبال رضوی ، مہدی عابدی سمیت دیگرمقررین نے خطاب کیا، اجلاس میں متفقہ طور پر فیصلہ کیا گیا کہ 27مارچ کو بھٹ شاہ میں عظیم الشان عوامی جلسہ عام منعقد کیا جائے گا،جس میں وادی مہران کے ہزاروں غیرت مند شہری شرکت اور شیعہ سنی علمائے کرام وقائدین خطاب کریں گے،جبکہ ایم ڈبلیوایم صوبہ سندھ کی ٹیم علامہ ناصرعباس جعفری کے حکم پر جلدتھر کے قحط زدہ علاقوں کا دورہ بھی کرے گی۔
وحدت نیوز (لاہور) مجلس وحدت مسلمین پنجاب کے صوبائی شوریٰ کا سالانہ 3 روزہ اجلاس اختتام پذیر ہو گیا، اجلاس میں پنجاب بھر کے 37 اضلاع کے عہدارار شریک ہوئے۔ اجلاس میں تنظیمی کارگردگی، پارٹی الیکشن اور موجودہ ملکی صورتحال پر تفصیلی گفتگو ہوئی، اجلاس کے مختلف سیشنزسے مرکزی سیکریٹری جنرل علامہ ناصرعباس جعفری، علامہ شفقت شیرازی،سید ناصرشیرازی ، علامہ عبدالخالق اسدی سمیت دیگر رہنمائوں نے خطاب کیا۔ اجلاس میں مندرجہ ذیل قراردار کثرت رائے سے منظور کی گئیں۔ جنوبی پنجاب کو پارٹی امور چلانے کیلئے صوبے کو درجہ دینے کی قرارداد متفقہ رائے سے منظور کر لی گئی اور دستور میں ترمیم کیلئے مرکزی شوریٰ کو بھیج دیا گیا۔ اجلاس میں پنجاب میں کالعدم جماعتوں کیخلاف کارروائی نہ ہونے اور دہشتگردی کیخلاف جنگ میں پنجاب حکومت کی حکمت عملی کو مایوس کن قرار دیا گیا اور اس بات پر اتفاق کیا گیا کہ پنجاب میں تکفیری گروہ کے شدت پسند افراد اب بھی سرگرم ہیں اور ان گروہوں کو پنجاب حکومت میں شامل بعض وزراء کی ہمدردی حاصل ہے، جنوبی پنجاب میں شدت پسند عناصر اور دہشتگردوں کیخلاف رینجرز اور پاک فوج آپریشن کرے، پنجاب پولیس کے ذریعے جنوبی پنجاب میں آپریشن کے خاطر خواہ نتائج نہیں حاصل ہو سکتے۔
انہوں نے کہا کہ پنجاب میں ملت تشیع کیخلاف غیر منصفانہ کارروائیوں کی مذمت اور بیلنس پالیسی کے تحت بے گناہوں کو ہراساں کرنے کے عمل کو حکومت کی جانب سے سیاسی انتقام قرار دیا گیا اراکین شوریٰ نے ملک بھر میں بے رحم احتساب پر زور دیتے ہوئے مطالبہ کیا گیا کہ نیب کیخلاف حکومتی سطح پر ہونیوالے تمام اقدامات کو روک دیا جائے اور تمام حکومتی اور دیگر پارٹیوں میں موجود مافیاز پر شکنجہ کسا جائے، نیب کو مکمل آزادی اور خود مختاری کیساتھ غیر جانب دارانہ کام کرنے کے مواقع فراہم کئے جائیں۔ اجلاس میں اس امر پر تشویش کا اظہار کیا گیا کہ 34 رکنی اتحاد میں پاکستان کی شمولیت خطے کو فرقہ وارانہ بنیادوں پر تقسیم کرنے کی سازش ہے مشیر خارجہ اور دفتر خارجہ کے مبہم بیانات اس بات کی غمازی ہے کہ اس اتحاد میں ضرور کوئی سازش کار فرما ہے، مشرق وسطح کی پراکسی وار سے پاکستان کو دور رکھا جائے اور اس بات پر زور دیا گیا کہ پاکستان اسلامی ممالک کے درمیان اختلافات کو حل کرنے کیلئے ثالثی کا کردار ادا کرے۔
انہوں نے کہا کہ غیروں کی جنگ کو ملک کے اندر لانے کے بھیانک نتائج برآمد ہوں گے، سعودی بادشاہت کے دفاع کیلئے فرقہ وارانہ شدت پسند گروپس حرمین شریفین کے نام پر ملک میں نفرت پھیلانے کی سازش کر رہے ہیں، حکومت اور ریاستی ادارے دانشمندی کا مظاہرہ کرتے ہوئے شرپسندوں کی بروقت سرکوبی کریں۔ اجلاس میں متفقہ طور پر یہ فیصلہ ہوا کہ قومی اداروں کے نجکاری کے نام پر لوٹ سیل کسی بھی صورت قابل قبول نہیں، اداروں کے خسارے اور نقصانات کی وجوہات کو سامنے لانے کیلئے غیر جانب دارانہ تحقیقات کر کے ذمہ داروں کو قرار واقعی ہی سزا دی جائے، پی آئی اے کے بے گناہ جان بحق ہونیوالے ایمپلائز کیساتھ بھرپور اظہار یکجہتی اور ذمہ داروں کیخلاف فوری کارروائی کا بھی مطالبہ کیا گیا۔ اجلاس میں اس بات پر زور دیا گیا کہ ایران سے عالمی پابندیوں کے خاتمے کا فائدہ اٹھاتے ہوئے پاک ایرن گیس پائپ لائن منصوبے کو جلد از جلد مکمل کرکے توانائی کے بحران سے عوام کو نجات دلائی جائے۔
اجلاس میں اس قراداد کو متفقہ طور پر منظور کیا گیا کہ اقتصادی راہ داری میں گلگت بلتستان کو برابری کا حصہ دیا جائے اور گلگت بلتستان کو مکمل آئینی صوبہ بنا کر 68 سال سے آئینی حقوق سے محروم محب وطن عوام کو ان کا حق دیا جائے اور مغربی راہداری کے حوالے سے حکومت کی منافقانہ پالیسی کی شدید مذمت کی اور اس بات پر زور دیا گیا کہ مغربی راہداری کو ترجیحی بینادوں پر CPEC کے تحت بنایا جائے تاکہ پنجاب اور سندھ کے پسماندہ علاقوں کو بھی ترقی کے مواقع میسر ہو سکیں، میٹرو پروجیکٹ کے نام پر پنجاب کا سارا سرمایہ تخت لاہور پر صرف کرنے کی بجائے صوبے کے دیگر پسماندہ اضلاع میں تعلیم، صحت اور بنیادی ضروریات کو پورا کرنے کیلئے خرچ کیا جائے۔ اجلاس میں پٹرولیم مصنوعات پر ریلیف نہ دینے کی مذمت کرتے ہوئے کہا کہ عالمی مارکیٹ میں خام تیل کی قیمت کم ہونے کے باوجود عوام کو ریلیف نہیں دیا جا رہا، اعلیٰ عدلیہ عوامی حقوق پر ڈاکہ ڈالنے والوں کیخلاف کارروائی کرے، ادویات کی قیمتوں پر اضافہ کرکے حکومت نے عوام دشمنی کا ثبوت دیا جس کی ہم بھر پور مذمت کرتے ہیں۔
