The Latest
جب تک امّت مسلمہ استعماری و استکباری قوتوں سے مقابلے کے لیئے کمربستہ نہیں ہوگئی ہماری سیاسی اجتماعی مشکلات بھی کم نہیں ہو نگی ۔پاک ایران گیس پائپ لائن منصوبے پر امریکی تکلیف غیر یقینی نہیں ۔ پاکستان کو مسائلستان بنانے میں بڑا اور اہم کردار امریکہ نے ہی ادا کیا ہے ۔ صدر زرداری امریکی اعتراض کو خاطر میں لا ئے بغیر قومی مفاد کو مدِ نظر رکھتے ہوئے جلد گیس پائپ لائن منصوبے کے آغاز کا اعلان کریں ۔ ان خیالات کا اظہارسیکریٹری جنرل مجلس و حدت مسلمین ضلع ملیر سجاد اکبر زیدی نے وحدت ہاؤس میں جماعت اسلامی ضلع ملیر کے وفد سے گفتگو کر تے ہو ئے کیا ۔
جماعت اسلامی کا تین رکنی وفدضلعی امیر توفیق الدین کی قیاد ت میں ضلعی سیکریٹریٹ ایم ڈبلیو ایم ملیر پہنچا ۔ وفدکے دیگر ارکان میں جنرل سیکریٹری ضلع ملیرالطاف پٹنی اور کورڈینیٹر پولیٹیکل سیل کریم بخش بھی شامل تھے ۔ مجلس وحدت مسلمین کی جانب سے ضلعی ڈپٹی سیکریٹری جنرل احسن عباس رضوی، سیکریٹری روابط ثمر سعید رضوی بھی ملاقات میں موجود تھے ۔
اس موقع پر گفتگو کر تے ہو ئے سجاد اکبر زیدی نے کہا کہ امّت مسلمہ میں اتحاد اور وحدت خصوصاً تمام مکاتب فکر کے درمیان محبت اور بھائی چارگی ایم ڈبلیو ایم کا بنیادی حدف ہے اور اس حوالے سے ہم تمام ہم خیال دینی و سیاسی جماعتوں کے ساتھ تعاو ن پر تیار ہیں ۔پاکستان کو دہشتگردی اور کرپشن کی لعنت سے آزاد کرانے میں تمام مکاتب کو اپنا کردار ادا کر نا ہو گا۔ان کا کہنا تھا کہ مجلس و حدت مسلمین کوئٹہ کے حالیہ سانحات اور بلوچستان میں گورنر راج پر جماعت اسلامی کی حمایت پر ان کی شکر گذار ہے ۔
ضلعی امیرجماعت اسلامی توفیق الدین نے شہداء کوئٹہ کو شاندار الفاظ میں خراج تحسین پیش کر تے ہوئے کہا کہ اپنی مظلومیت کو طاقت میں تبدیل کر نے کہ عظیم کارنامے پر خانوادۂ شہداء اور مجلس و حدت مسلمین کی قیادت کو سراہتے ہیں ۔ جس طرح ملّت تشیع اور مجلس و حدت مسلمین کے کارکنان نے پو رے پاکستان کو جام کر کے اپنے جائز حقوق کا دفاع کیا اسکی مثال نہیں ملتی ۔ جماعت اسلامی پاکستان مشکل اور مصیبت کی ہر گھڑی میں ملّت تشیع اور ایم ڈبلیو ایم کے شانہ بشانہ ہے۔
اس موقع پر مجلس وحدت مسلمین ضلع ملیر کے ڈپٹی سیکریٹری جنرل احسن عباس رضوی نے جماعت اسلامی کے وفد کا آمد پر شکریہ ادا کیا اور رابطوں کی مظبوطی پر زور دیا اور ملاقاتوں کے جاری رکھنے پر اتفاق کیا گیا ۔ملاقات کے آخر میں شہدائے کوئٹہ کے درجات کی بلندی کے لیئے دعائے مغفرت بھی کی گئی
صدر زرداری اپنے دورہ ایران کو مکمل کرنے کے بعد وطن واپسی پر کوئٹہ پہنچے جہاں انہوں نے مختلف مسالک کے علمائے کرام نیز سانحہ کوئٹہ کے سلسلے میں بھی علمائے کرام اور ہزارہ اہل تشیع کے نمائندوں سے بھی ملاقات کی مختلف مسالک کے علمائے کرام کے ساتھ ملاقات میں صدر زرداری نے بھائی چارگی پر زور دیا
دوسری جانب سانحہ کوئٹہ کے سلسلے میں علمائے کرام اور ہزارہ اہل تشیع کے عمائدین کے ساتھ ملاقات میں صدر زرداری کے سامنے ایک بار پھر اس بات کو دوہرایا گیا کہ حکومت اور وارثین شہدا کے مابین مذاکرات پر عمل در آمد میں تیزی لائی جائے ۔
اس ملاقات میں علمائے کرام علامہ مقصود ڈومکی ،علامہ مہدی نجفی،علامہ جمعہ اسدی ،قیوم چنگیزی اور دیگران شامل تھے صدر مملکت نے اس ملاقات میں شہدا کے نام فاتحہ پڑھی اور زخمیوں کی خیریت دریافت کی اور اس بات کی یقین دہانی کرائی کہ وارثین شہدا کے تمام تر مطالبات پر عمل درآمد ہوگا اور اس میں تیزی لائی جائے گی اس ملاقات میں گورنر بلوچستان نے مطالبات پر اب تک ہونے والی پیشرفت پر روشنی ڈالی واضح رہے کہ اس ملاقات میں سنیٹر فیصل رضا عابدی بھی موجود تھے
امت اسلامی کے درمیان اختلاف اور تفرقہ ایجاد کرنا صیہونیوں و عالمی استکبار کی سازش ہے، سید علی خامنہ ای انقلاب اسلامی ایران کے سربراہ آیت اللہ العظمٰی سیّد علی خامنہ ای نے کہا ہے کہ امت مسلمہ کے درمیان اختلاف اور تفرقہ ایجاد کرنا صیہونیوں اور دیگر عالمی استکبار کا اصلی ہدف اور سوچا سمجھا منصوبہ ہے۔ آج تہران میں پاکستانی صدر مملکت آصف علی زرداری کے ساتھ ہونے والی ملاقات میں رہبر معظم انقلاب اسلامی نے مسلمان ممالک کے درمیان تعلقات کے فروغ کو اسلامی دنیا کے مسائل کے حل کے لئے ایک اہم عامل قرار دیا۔ ان کا کہنا تھا کہ مسلمانوں کے بہت سے مسائل دشمنان اسلام کے ایجاد کردہ ہیں، جن کے حل کے لئے عالم اسلام کی استعداد، توانائیاں اور جغرافیائی پوزیشن موثر اور اہم کردار ادا کر سکتی ہے۔ رہبر معظم انقلاب اسلامی نے پاکستان میں قومی اتحاد کو نقصان پہنچانے والے عوامل سے سختی سے نمٹے جانے کی ضرورت پر زور ہوئے اس ملک میں مذہبی اختلاف و تفرقے کو خطرناک بیرونی جراثیم سے تعبیر کیا اور تاکید کرتے ہوئے کہا کہ پاکستان میں مذہبی قتل عام واقعاً افسوسناک ہے۔ رہبر انقلاب اسلامی ایران نے کہا کہ حکومت پاکستان کو سخت کارروائی کرتے ہوئے اس بات کی ہرگز اجازت نہیں دینی چاہیئے کہ اس ملک میں قومی اتحاد کو نقصان پہنچایا جائے۔انقلاب اسلامی ایران کے سربراہ نے اس سلسلے میں حکومت پاکستان پر اطمینان کا اظہار کرتے ہوئے اس امید کا اظہار کیا کہ حکومت پاکستان مذہبی و قومی اتحاد کے ساتھ ترقی و پیشرفت کرنے میں کامیاب رہے گی۔ آیت اللہ العظمٰی سیّد علی خامنہ ای نے ایران و پاکستان کے گہرے دوستانہ تعلقات کا ذکر کرتے ہوئے کہا کہ ہمارا خیال ہے کہ دونوں ممالک کے بنیادی، اقتصادی، سماجی، سیاسی اور سکیورٹی روابط کو زیادہ سے زیادہ مستحکم اور مضبوط بنائے جانے کی ضرورت ہے۔ انہوں نے ایران پاکستان گیس پائپ لائن کو دو طرفہ تعاون کا ایک بہترین نمونہ قرار دیا اور دونوں ممالک کے دو طرفہ تعلقات کی راہ میں پائی جانے والی رکاوٹوں اور مخالفتوں کی طرف اشارہ کرتے ہوئے کہا کہ ان مخالفتوں کا بھرپور طریقے سے مقابلہ کئے جانے کی ضرورت ہے۔اس موقع پر پاکستان کے صدر مملکت آصف علی زرداری نے بھی اس ملاقات پر اپنی غیر معمولی خوشی کا اظہار کرتے ہوئے کہا کہ پاکستان کی حکومت اور عوام جمہوری اسلامی ایران کے ساتھ تعلقات بڑھانے اور تعاون کو فروغ دینے کے خواہش مند ہیں۔ پاکستانی صدر نے ایران اور پاکستان کے تعلقات کے فروغ کو روکنے کے حوالے سے بعض طاقتوں کی طرف سے کی جانے والی کوششوں کو ناکام قرار دیا اور کہا کہ اب قومیں یہ سمجھ چکی ہیں کہ دشمنان اسلام کا کس طرح سے مقابلہ کرنا چاہیئے۔ پاکستانی صدر آصف علی زرداری نے اپنے ملک میں جاری اندرونی جنگ کو پاکستان کے دشمنوں کا منصوبہ قرار دیا اور کہا کہ رہبر معظم انقلاب اسلامی حضرت آیت اللہ العظمی سیّد علی خامنہ ای کی دعاؤں سے پاکستان کی حکومت ان ناپاک منصوبوں کو عملی جامہ پہنائے جانے کی ہرگز اجازت نہیں دیگی۔دیگر ذرائع کے مطابق صدر آصف زرداری نے تہران میں ایران کے روحانی پیشوا آیت اللہ العظمٰی سید علی خامنہ ای سے ملاقات کی۔ اس دوران ایران کے سپریم لیڈر نے صدر زرداری سے گفتگو کرتے ہوئے کہا کہ امریکی مخالفت کے باوجود 7.5 بلین ڈالر کے اس گیس پائپ لائن منصوبے کو آگے بڑھنا چاہئے۔ یہ منصوبہ دونوں ممالک کے درمیان تعاون کی اہم مثال ہے۔ پاکستان سمیت دیگر ممالک کا توانائی کے اس محفوظ ذریعے تک پہنچنا پہلی ترجیح ہے۔ اس علاقے میں اسلامی جمہوری ایران وہ واحد ملک ہے جس کے پاس توانائی کے محفوظ ذخائر ہیں اور ہم پاکستان کی توانائی کی ضرورتیں پوری کرنے کے لئے پوری طرح سے تیار ہیں۔ ملاقات میں دونوں رہنماﺅں نے دوطرفہ تعلقات کو مزید وسعت، اپنے خصوصاً عوامی رابطوں کو فروغ دینے کے لئے مسلم امہ کو درپیش چیلنجز سے متعلق تفصیلی تبادلہ خیال کیا۔ اے ایف پی کے مطابق پاکستان نے کہا ہے کہ گیس منصوبہ پاکستان کی توانائی کی ضرورتوں کے لئے بہت اہمیت کا حامل ہے اور وہ امریکی دباو کی پروا کئے بغیر اس منصوبہ پر عملدرآمد کرے گا۔ ایک سرکاری اہلکار نے نام نہ بتانے کی شرط پر بتایا ہے کہ امریکہ کی جانب سے رکاوٹیں ہیں مگر اس کے باوجود ہم نے اپنی توانائی کی ضرورتیں پوری کرنے کے لئے یہ منصوبہ مکمل کرنے کا پختہ عزم کر رکھا ہے۔
مجلس وحدت مسلمین پاکستان کے مرکزی سیکرٹری سیاسیات سید ناصر عباس شیرازی نے ایک وفد کے ہمراہ وزیراعلی گلگت بلتستان سید مہدی شاہ کے ساتھ اُن کی رہائش گاہ پر ملاقات کی ۔ ملاقات کے دوران گلگت بلتستان کی صورتحال پر گفتگو کی گئی۔ مرکزی سیکرٹری سیاسیات سید ناصر عباس شیرازی نے کہا کہ گلگت بلتستان کو آئینی حق دلوانے اور پاکستانی شہریوں کے برابر حقوق دلوانے کے لیے مجلس وحدت مسلمین پاکستان بھرپور کردار ادا کرے گی۔ اُنہوں نے کہا کہ اس ہدف کو حاصل کرنے کے لیے تمام مسالک، گروپوں، اہم شخصیات اور مذہبی وسیاسی جماعتوں کو ساتھ لے کر مشترکہ تحریک کاآغاز کیا جائے گا۔ اس تحریک کا ہدف ملک کے جنت نظیر خطے کو اُسکی حقیقی شناخت اور حقوق دلانا ہے۔
مجلس وحدت مسلمین نے ملک میں جاری دہشتگردی کیخلاف امن واک کرنے کا فیصلہ کیا ہے، جس میں مختلف مکاتب فکر کے علماء، سول سوسائٹی، وکلاء برادری اور انسانی حقوق کی تنظیمیں شرکت کریں گی، امن واک کا عنوان ’’دہشتگردی سے پاک پاکستان‘‘ رکھا گیا ہے۔ اس حوالے سے مرکزی کابینہ کے رکن سید فضل عباس ایڈووکیٹ کو مرکزی کوآرڈینٹر بنا دیا گیا ہے۔ امن واک کرنے کا فیصلہ ایم ڈبلیو ایم کی مرکزی کابینہ کے اجلاس میں کیا گیا۔ صوبائی دفتر لاہور میں ہونے والے اس اجلاس میں چاروں صوبوں سمیت گلگت بلتستان اور آزاد کشمیر کے سیکرٹری جنرل نے بھی شرکت کی
اسلام آباد( )مجلس وحدت مسلمین پاکستان کے مرکزی سیکرٹر ی پولیٹیکل سید ناصر عباس شیرازی نے کہا کہ مجلس وحدت مسلمین آئندہ عام انتخابات میں ستر 70سے زائد قومی وصوبائی نشستوں سے اپنے حمایت یافتہ اُمیدواروں کی سپورٹ کرے گی۔ ہمارا بنایدی مقصد پارلیمنٹ کو آزاد اور مستحکم بنانا ہے جو کہ اُس وقت تک نہیں بن سکتا جب تک پارلیمنٹ کو تکفیریوں او ر دہشت گردوں سے پاک نہیں کرلیا جاتا۔ مجلس وحدت مسلمین اس وقت ملت تشیع کی نمائندہ جماعت کے طور پر اُبھر کر سامنے آرہی ہے جس کی واضح مثال گزشتہ دنوں کوئٹہ میں ہونے والے سانحے کے بعد مجلس وحدت مسلمین کی کال پورا پاکستان سڑکوں پر تھا اُنہوں نے کہا کہ یہ لیڈر شپ کی کامیابی ہے
وارثین شہدائے کربلائے کوئٹہ تمام ہم وطنوں اور خاص کر ملت جعفریہ سے اظہار تشکر کرتے ہوئے فیصل آباد میں شہدا کانفرنس میں شرکت کے پہنچے تو ہزاروں لوگوں اور مجلس وحدت مسلمین پاکستان کے عہدہ داران نے شہر سے باہر آکر شاندار استقبال کیا دہشگردی مردہ کے نعروں سے فضاء گونج اٹھی
استقبالیہ ریلی میں موٹرسائیکل سواروں کی ایک بڑی تعداد موجود تھی جو لمحے لمحے سے فضا میں لبیک یا حسین کے نعرے بلند کررہی تھی
یوں لگتا تھا کہ گویا پورا شہر امٹ آیا ہے استقبال کرنے والوں میں مختلف سماجی سیاسی اور مسالک کے افراد بھی شامل تھے (تفصیلی رپورٹ عنقریب )
مجلس وحدت مسلمین آزاد کشمیر کے صوبائی سیکرٹری جنرل علامہ سید تصور جوادی نے کہا ہے کہ مجلس وحدت مسلمین ملت اسلامیہ کے لیے ایک روشنی کی کرن بن کرسامنے آئی ہے جس سے آزاد کشمیر سمیت پورا پاکستان مستفید ہوگا۔ ان خیالات کا اظہار اُنہوں نے مظفرآباد (آزاد کشمیر) میں مجلس وحدت مسلمین (شعبہ سیاسیات) کے زیراہتمام منعقد ہونے والے '' ملکی سلامتی کو درپیش خطرات اور اُن کا راہ حل ''سیمینار سے خطاب کرتے ہوئے کیا۔ علامہ تصور جوادی کا مزید کہنا تھا کہ مجلس وحدت مسلمین نے سوئی ہوئی ملت کو بیدار کیا ہے۔ آج سے پہلے ملت کا کوئی پُرسان حال نہیں تھا لیکن اب ملت اپنے حقوق کا فیصلہ خود کرے گی۔ اُنہوں نے کہا کہ ہمارے علاقے میں اگر کوئی عام شخص بھی مرجائے تو علاقے کے سیاست دان تعزیت کے لیے آتے لیکن ہمارے سینکڑوں جوان شہید ہوتے رہے ان لوگوں کو توفیق نہ ہوئی۔ اُنہوں نے کہا کہ اب اس ملت کی تقدیر کا فیصلہ کوئی اور نہیں کرے گا بلکہ یہ عظیم قوم خود اپنی تقدیر لکھے گی۔
مجلس وحدت مسلمین پاکستان کے مرکزی سیکرٹری سیاسیات سید ناصر عباس شیرازی نے کہا ہے کہ بلوچستان کی ترقی بعض ممالک کو ہضم نہیں ہو رہی۔ گوادر پورٹ کے ذریعے سے پاکستان کو بہت فائدہ ہو رہا ہے جو کہ یقینا عرب ممالک کو گوارا نہیں کیوںکہ گوادر پورٹ کے کام کرنے سے عرب ممالک کی معیشیت کو شدید دھچکہ لگا ہے اور امریکہ وہاں سے ہمارے ایٹمی اثاثوں کو غیر محفوظ کرنا چاہتا ہے۔ ان خیالات کا اظہار اُنہوں نے مظفرآباد (آزاد کشمیر) میں مجلس وحدت مسلمین (شعبہ سیاسیات) کے زیراہتمام منعقد ہونے والے ''ملکی سلامتی کو درپیش خطرات اور اُن کا راہ حل'' سیمینار سے خطاب کرتے ہوئے کیا۔ اس موقع پر صوبائی سیکرٹری جنرل آزاد کشمیر علامہ سید تصور جوادی اور دیگر نے بھی خطاب کیا۔ سید ناصر عباس شیرازی کا مزید کہنا تھا کہ ملک دشمن قوتوں کی نظریں ہمارے ایٹمی اثاثے پر ہیں کہ کسی طرح پاکستان کی طاقت کو ختم کیا جاسکے۔ چستان کے لوگ ہر روز جنازے بھی اُٹھاتے ہیں اور قومی پرچم بھی لہراتے ہیں، لیکن بعض قوتیں اُسے کمزور کرنا چاہتی ہیں۔ اُنہوں نے کہا کہ پاکستان اس وقت چند افرادکے ہاتھوں میں ہے جو یقینا اس ملک کو چلانے کی سوجھ بوجھ نہیں رکھتے۔
مجلس وحدت مسلمین پاکستان کے مرکزی ترجمان علامہ سید حسن ظفر نقوی صاحب نے ایم ڈبلیو ایم میڈیا سیل گفتگو کرتے ہوئے کہا کہ حکومت کو چاہیے کہ وہ وارثین شہدا کے ساتھ طے شدہ تمام مطالبات پر عمل درآمد میں مزید تیزی دیکھائے اور اپنی پہلی ترجیحات میں رکھے ۔
علامہ سید حسن ظفر نقوی جو ان دنوں تبلیغات دینی کے سلسلے میں انڈیا میں ہیں نے ہمارے نمایندے کے ساتھ ٹیلی فونک گفتگو کرتے ہوئے کہا ہر چیز کی ایک حد ہواکرتی ہے اور جب وہ چیز اپنی حد سے گذرجاتی تو پھر کسی کے کنٹرول میں نہیں رہتی اس لئے اس سے قبل کہ کوئٹہ کے مظلوم اہل تشیع ہزارہ کی برداشت اپنی حد سے آگے بڑھے ،وارثین شہدا کے ساتھ طے شدہ تمام مطالبات پر من وعن عمل درآمد کیا جائے اور حکومت عمل درآمد میں تیز رفتاری دیکھائے ۔
