وحدت نیوز (مظفرآباد) مقبوضہ کشمیر میں نکالے جانے والی ریلی ہندوستان کے خلاف عوامی ریفرنڈم ہے، ہندوستان کا قبضہ غاصبانہ ہے، 7لاکھ کی فوج وادی میں رکھنے سے دلوں پر ہر گز حکمرانی نہیں کی جا سکتی ، ان خیالات کا اظہار مجلس وحدت مسلمین پاکستان آزاد جموں و کشمیر کے رہنماؤں علامہ سید تصور جوادی،علامہ افتخار الحسن جعفری ،سید تصور عباس موسوی، سید حسین سبزواری، عابد قریشی نے ریاستی دفتر سے جاری اپنے مشترکہ بیان میں کیا ، انہوں نے کہا کہ بھارت اوچھے ہتھکنڈے چھوڑ کر کشمیری عوام کی امنگوں کا احترام کرے، مقبوضہ کشمیر میں نکالے جانے والی ریلی بھارتی حکومت کے خلاف عوامی ریفرنڈم تھی، عوام نے یہ ثابت کر دیا کہ بھارت غاصب ہے ، 7لاکھ فوج کے ساتھ ظلم و بربریت کی داستانیں تو رقم کر رہا ہے ، لیکن وہ کبھی بھی ہمارے دلوں کو نہیں خرید سکتا ، ہمارے دلوں پر حکمرانی نہیں کر سکتا۔

رہنماؤں نے کہا کہ ہم سلام پیش کرتے ہیں مظلوم و محکوم عوام کو کہ جنہوں نے صبر ، حوصلے و جرأت سے اپنے حق کے لیئے آواز اٹھائی، مملکت خداداد پاکستان کے ساتھ لازوال محبت کے عزم کا اعادہ کیا، ایک طرف ان کے لاشے گر رہے ہیں ، لوٹ مار کا بازار گرم ہے ، دوسری طرف انہوں نے اپنے حق کے لیئے آواز اٹھائی ۔پاکستان و پاکستانی عوام بھی اپنے ان مظلوم و محکوم بھائیوں کے ساتھ کھڑے ہیں ، کسی بھی صورت تنہا نہیں چھوڑیں گے، مجلس وحدت مسلمین مظلوموں محکوموں کی جماعت ہے، جہاں بھی ظلم ہو گا ، دنیا ظالم کے خلاف اور مظلوم کے ساتھ کھڑا پائے گی، ہم مظلوم کی حمایت سیاست نہیں عبادت و فرض سمجھ کر کرتے ہیں ۔ ہم اپنے کشمیری بھائیوں کو یقین دلاتے ہیں کہ مشکل کی ہر گھڑی میں آپ کے شانہ بشانہ کھڑے ہیں اور حکومت پاکستان سے مطالبہ کرتے ہیں کہ وہ اپنے ان مظلوم و محکوم بھائیوں کی مدد کے لیئے اقدامات کرے، باہر کے حالات سدھارنے سے پہلے گھر کے معاملات کو درست کرے، حکومت پاکستان کسی دوسرے ملک کی سفارتکاری کے بجائے اپنی شہ رگ کشمیر کے لیئے سفارتکاری کرے، دنیا کو دکھلائے کہ کشمیر میں کس طرح نام نہاد جمہوریت ظلم کی المناک داستانیں رقم کر رہی ہے، مسئلہ کشمیر پر جرأت مندانہ مؤقف اختیار کرتے ہوئے اقوام عالم کی توجہ اس جانب مبذول کروائے۔

وحدت نیوز (مظفرآباد) مقبوضہ کشمیر ،پنڈتوں کی علیحدہ بستیاں قائم کرنے کا فیصلہ سازش ،ریاست جموں وکشمیر میں عدم رواداری پیدا کرنے کی سوچ کا عکاس ہے ،پنڈتوں کیلئے اپنے گھروں کو واپس آنے کی راہ میں کوئی رکاوٹ نہیں،اسرائیلی تجربہ سے مسلمانوں کو اقلیت میں بدلنے کی سازش تمام کشمیری ملکر ناکام بنادینگے ،بھارت کشمیر کی غالب اکثریت مسلمانوں کو اقلیت میں بدلنا چاہتا ہے ،ان خیالات کا اظہار مجلس وحدت مسلمین آزادکشمیر کے سربراہ علامہ سید تصور حسین نقوی الجوادی نے ریاستی کابینہ سے خطاب کے دوران کیا ہے۔

اُنھوں نے کہا ہے کہ پاکستان ،دُنیا کی مہذب قوموں ،انسانی حقوق کی تنظیموں ،اقوام متحدہ کو کشمیریوں کی تشویش سے آگاہ کرے ،بستیاں قائم کرنے کا فیصلہ بھارت سرکار کی گھناؤنی سازش ہے ،جسے ناکام بنانے کیلئے آزادکشمیر پاکستان سمیت دُنیا بھر میں موثر آوازاُٹھانے کی ضرورت ہے ،صف بندی کی جائے ، پنڈتوں کیلئے الگ بستیوں کا آئیڈیا اسرائیل سے لیا گیا ،جہاں مختلف ممالک ،ریاستوں سے لاکر پنڈت آباد کئے جائینگے ،بہرصورت کشمیریوں کی جدوجہد آزادی ناکامی سے دوچار کی جاسکے ،مقبوضہ کشمیر پر ریاستی جبر اور مکاری کا ہر ہتھکنڈہ ناکام ہوچکا ،اب بھارتی قیادت کٹھ پُتلی انتظامیہ نسلی بنیادوں پر کشمیریوں کی جدوجہد آزادی کیخلاف گھناؤنی سازش کر رہاہے ، پنڈت کشمیری معاشرے کا حصہ ہیں اُنھیں مسلمانوں سے کوئی شکایت نہیں ،اسرائیلی طرز پر پنڈتوں کیلئے بستیوں کے قیام ،بھارت کی مقبوضہ کشمیر میں شکست کو ظاہر کرتا ہے ۔

علامہ سید تصور حسین نقوی الجوادی نے شوریٰ سے خطاب میں کہا کہ کشمیریوں نے اس سے پہلے بھی ایسی سازشوں کوناکامی سے دوچار کیا ،اور اب بھی کشمیریوں کی نمائندہ قوت حُریت کانفرنس بھارتی سازشوں کیخلاف متحد ہے ،پاکستان ،مقبوضہ کشمیر میں کشمیریوں کی حق کود ارادیت کی جدوجہد کیخلاف بھارتی سازش کا توڑ کرے ،دُنیا کی آزادی پسند ،انسان دوست قوموں تنظیمات کو اس ایشو پر متوجہ کرے ،آزادکشمیر کی قیادت اپنی دیگر سرگرمیاں عارضی طور پر معطل کرکے آزادکشمیر،پاکستان سمیت دُنیا بھر میں بھارتی سازش کیخلاف موثر آوازاُٹھائے،اُنھوں نے کہا کہ مقبوضہ کشمیر مین بھارتی ایماء پر پنڈت بستیوں کے قیام کی سازش کشمیر کی حُریت پسند قوم کسی صورت کامیاب نہیں ہونے دیگی ،کیونکہ پوری کشمیری قیادت اس اہم معاملہ پر ایک پیج پر ہے ،اور جدوجہد آزادی میں دی گئی قربانیون کو رائیگان نہیں جانے دیا جائیگا،علامہ تصور جوادی نے آزادکشمیر کی حکومتی سیاسی قیادت سے مطالبہ کیا ہے کہ آزادخطہ کو تحریک آزادی کا حقیقی بیس کیمپ بنانے پر توجہ مرکوز کی جائے ،اوریہاں سے پنڈت بستیوں کیخلاف موثر آوازبلند کرنے کیلئے صف بندی پر توجہ دی جائے ،مقبوضہ کشمیر کی جدوجہد آزادی کے حوالے سے آزادکشمیر کی قیادت پر بھاری ذمہ داریاں عائد ہوتی ہیں ۔

وحدت نیوز (شکارپور) شہداء کمیٹی کے زیر اہتمام آج شکارپور کربلا امام بارگاہ و جامع مسجد میں مشاورتی اجلاس منعقد ہوا ۔ اجلاس میں امام جمعہ سکھر علامہ علی بخش سجادی، مدرسہ لاڑکانہ کے پرنسپل علامہ مشتاق حسین مشہدی، مدرسہ امام علی نقی ؑ پنوعاقل کے پرنسپل علامہ سید مختار حسین رضوی، مجلس وحدت مسلمین کے صوبائی رہنماء علامہ نشان حیدر ساجدی، برادر عبداللہ مطہری، اصغریہ آرگنائزیشن پاکستان کے مرکزی رہنماء اشرف علی اسدی، اصغریہ اسٹوڈنٹس کے قمر عباس غدیری ، امام جمعہ لاڑکانہ علامہ سید قمر عباس ، چیئرمین شہداء کمیٹی علامہ مقصود علی ڈومکی،وائس چیئرمین علامہ عبدالمجید بہشتی و دیگر شریک ہوئے۔

اس موقع پر علامہ مقصود علی ڈومکی نے اجلاس کے شرکاء کو ۲۲ نکات اور اس سلسلے میں سندہ حکومت کے رویہ سے متعلق تفصیلی بریفنگ دی۔ اور مختلف مسائل پر معزز شرکاء سے مشاورت کی،اس موقع پرمذکورہ رہنماؤں کے ہمراہ پریس کانفرنس سے خطا ب کرتے ہوئے علامہ مقصود علی ڈومکی نے کہا کہ جمعہ ۱۷ اپریل کو سندہ بھر میں یوم احتجاج منایا جائے گا جبکہ ۱۷ سے ۱۹ اپریل دہشت گردی کے خلاف عوامی ریفرنڈم ہوگا۔ سندہ حکومت کے روئیے کو غیر سنجیدہ سمجھتے ہوئے اس پر عدم اعتماد کرتے ہیں۔

وحدت نیوز (اسکردو) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے اپنے ایک بیان میں کہا ہے کہ وزیر اعظم پاکستان کا دورہ گلگت سیاسی رشوت کا حصہ ہے ۔ نواز شریف لاکھ دورہ کریں گلگت بلتستان کی عوام باشعور ہو چکی ہے اور جانتی ہے کہ کونسی جماعت عوامی امنگوں کی ترجمانی کرنے والی جماعت ہے اور کونسی جماعت جمہوریت کے نام پر مورثی سیاست کرنے والی ہے۔ گلگت بلتستان میں نواز شریف کے دورہ کو اس وقت ہم تسلیم کرتے جب وہ کچھ کام کرکے آتے۔ انہوں نے محض اعلانات کے سوا کچھ بھی نہیں کیا ہے۔ میں نواز حکومت سے پوچھنا چاہتا ہوں نواز حکومت کو برسر اقتدار آئے تین سال کو عرصہ ہونے کو ہے لیکن ان تین سالوں میں گلگت بلتستان کو کیا دیا انہوں نے حکومت میں آنے کے بعد گلگت بلتستان کو پاکستان کا حصہ قرار نہ دینے کے بیانات دینے اور اس خطے کی عوام میں مایوسی پھیلانے کے علاوہ کچھ نہیں کیا۔

آغا علی رضوی نے کہا کہ جو حکومت گلگت بلتستان کو پاکستان کا حصہ سمجھنے کے لیے تیار نہیں وہ کس منہ سے آج گلگت بلتستان کی تعریف میں مصروف ہے۔ نواز حکومت کو گلگت بلتستان کی عوام سے کوئی دلچسپی نہیں بلکہ وہ یہاں کے وسائل پر قبضہ کرنا چاہتی ہے جسکی واضح دلیل اکنامک کوریڈرو کو اپنے داماد کے گھر حویلیاں میں منتقل کرنا ہے۔ گلگت بلتستان میں خوشحالی کا دور دورہ کرنے کی باتیں کرنے، جوئے شیر لانے، آسمان سے تارے توڑ نے کی باتیں کرنے والے انتخابات سے قبل کہاں تھے اور ان تین سالوں میں گلگت بلتستا ن کی یاد کیوں نہیں آئی آج صرف الیکشن میں مطلوبہ نتائج حاصل کرنے کے لیے یہ سب کچھ ہو رہا ہے انتخابات کے بعد انہوں نے دوبارہ گلگت بلتستان کو پاکستان کے نقشہ سے نکال پھنکنا ہے اور اپنی پرانی روش پر عمل کرنا ہے لہذا عوام ایسے کھوکھلے نعروں سے متاثر ہوئے بغیر آگے بڑھیں اور گلگت بلتستان کی عوام یاد رکھے کہ ہمارے حقوق کی جنگ ہم نے ہی لڑنی ہے اگر یہ وفاقی جماعتیں مخلص ہوتی اب تک گلگت بلتستان کو سینٹ اور پارلیمنٹ میں نمائندگی مل جاتی اور عوام کو انکے حقوق میسر آتے۔

وحدت نیوز(گلگت) قومی خزانے کو کروڑوں کا ٹیکہ لگانے کے باوجود مسلم لیگ نواز کا شو بری طرح ناکام ہوا، وزیر ا عظم کی گلگت آمد پر لاکھوں روپے تشہیر پر لگادئیے گئے اور جگہ جگہ لاکھوں روپے دیکر کیمپ لگوانے کے باوجود گلگت بلتستا ن کے عوام نے مسلم لیگ نواز کو مسترد کردیا۔ سرکاری ملازمین کو دفاتر سے چھٹی کرواکر اور پولیس جوانوں کو سول وردی پہناکر جلسہ گاہ پہنچادیا گیا۔ وزیر اعظم کی آمد پر گلگت بلتستان کی پسماندگی کو دور کرنے کیلئے بلند بانگ اعلانات کے دعوے کرنے والوں کی اوقات منظر عام پر آہی گئی۔وزیر اعظم نے محض ایک ہزار لیپ ٹاپ دینے کے علاوہ کوئی نیا اعلان نہیں کیا،ان خیالات کا اظہار مجلس وحدت مسلمین گلگت بلتستان کے سیکریٹری جنرل علامہ شیخ نیئر عباس نے صوبائی سیکریٹریٹ میں کابینہ اجلاس سے خطاب کرتے ہوئے کیا۔

انہوں نے کہا کہ وزیر اعظم نے سابقہ دور حکومت میں منظورہونے والے تمام منصوبہ جات کو اپنے نام کرنے کی ناکام کوشش ہے۔نئے اضلاع کے اعلانات بھی محض ایک ڈرامہ ہے ان سے پہلے انہی اضلاع کے اعلانات وزیر اعلیٰ مہدی شاہ نے بھی کیا تھا جن کا نوٹیفیکیشن آج کی تاریخ تک جاری نہیں ہوا۔شاہراہ قراقرم کی کشادگی اور مرمت کو اپنی حکومت کی کارکردگی دکھانا ایسا ہے جیسے دن کو رات کہنا۔انہوں نے اپنی تقریر کے دوران گلگت بلتستان کے آئینی حقوق کے حوالے سے ایک بھی لفظ کہنا گوارا نہیں اور نہ ہی اکنامک کوریڈور پر کوئی بات کی۔وزیر اعظم نے حفیظ الرحمن کی توقعات پر پانی پھیر دیا جو میاں نواز شریف سے جھوٹے اعلانات کے ذریعے عوام کو بیوقوف بنانا چاہتے تھے۔مسلم لیگ نواز نے اپنے ناکام جلسے کو چھپانے کی غرض سے مقامی صحافیوں کو دور رکھنے میں ہی عافیت جانی،نواز لیگ کے اس رویے سے ثابت ہوتا ہے کہ وہ گلگت بلتستان کے صحافیوں پر بھی اعتماد نہیں کرتے جس طرح تمام اہم عہدوں پر غیر مقامیوں کی تقرریاں کرکے گلگت بلتستان کے عوام کے حقوق پر ڈاکہ ڈالا ہے۔مسلم لیگ نواز کے مقامی رہنماؤں کے وزیر اعظم کے دورے کے حوالے سے کئے جانیوالے بلند بانگ دعوے دھرے کے دھرے رہ گئے اور وہ اپنے کارکنوں اور حامیوں سے منہ چھپانے لگے اور آنیوالے دنوں میں مایوس کارکنان اور پرانے لیگی دوسری پارٹیوں میں شامل ہوجائینگے۔

وحدت نیوز (کوئٹہ) مجلس وحدت مسلمین کوئٹہ ڈویژن کے جاری کردہ بیان میں ایم ڈبلیوایم کوئٹہ کے سیکریٹری امو رسیاسیات کربلائی رجب علی نے کہا ہے کہ ملک میں حقیقی جمہوریت کی مضبوطی کے لیے صاف شفاف انتخابات کا انعقاد انتہائی ضروری ہے۔ اس سلسلے میں بائیومیٹر ک سسٹم کے ذریعے انتخا بات کرانے کی تجویز خوش آئند ہے کیونکہ شفا ف انتخا بات کے بغیر حقیقی جمہو ریت کا نفا ذممکن نہیں ۔ملک میں عام انتخا بات ہمیشہ سے متنا زعہ رہا ہے اور مختلف سیا سی جما عتوں نے ہمیشہ عام انتخا بات کے حوالے سے اپنے شکوک وشبہات کا اظہار کیا ہے لیکن اسکاہر گز یہ مطلب نہیں ہے کہ پی بی 2 سے پچھلے تین انتخا بات میں مسلسل شکست سے دوچار ہونے والے اپنے آپکو پی بی 2 کے نمائندہ جماعت کے طور پر متعا رف کرانے کی ناکام کوششوں میں مصروف ہیں اور مسلسل یہ دعوی کر رہی ہیں کہ اُن کے ساتھ دھاندلی ہوئی ہے انتہا ئی مضحکہ خیز اور سمجھ سے بالا تر ہے۔

مجلس وحدت مسلمین ووٹو ں کی مکمل تصدیق انگوٹو ں کے نشانات کے ذریعے چیک کرنے کی حمایت کرتی ہے ۔پی بی 2پر واویلہ کرنے والے چو ر مچا ئے شو ر کی مصدا ق ہے کیونکہ دنیا جا نتی ہے کہ عام انتخابات میں ان واویلہ کرنے والوں نے ملک سے باہر ہجر ت کرنے والو ں اور وفات پانے والے لوگوں کے شناختی کارڈزکو کس طر ح سے استعمال کیا اور اگر انگو ٹو ں کے نشان سے ووٹوں کی تصدیق کی گئی تو ان وایلا کرنے والوں کے اپنے ووٹ تین گناہ کم ہونے کے امکانات ہیں،2013کے عام انتخا بات میں عوام نے جس جوش اور ولولے سے مجلس وحدت مسلمین کے حق میں اپنی رائے دہی کا حق استعمال کیا اُس سے سب اچھی طر ح آگاہ ہیں جس کے بعد ایم ڈبلیوایم کی کامیا بی اظہر من الشمس ہے۔