وحدت نیوز (اسلام آباد) مجلس وحدت مسلمین پاکستان کے مرکزی سیکرٹری فلاح بہبود و چیئر مین خیر العمل فائونڈیشن پاکستان نثار علی فیضی نے کہا  ہے کہ سیلاب سے متاثرہ علاقوںمیں امدادی کام جاری ہے مجلس وحدت مسلمین متاثرین کو تنہا نہیں چھوڑے گی لیکن افسوس کا مقام ہے کہ حکومت ان سیلاب کی روک تھا م کے حوالے سے کوئی منصوبہ بندی نہیں کررہی ہر سال عوام کو اپنی بیڈ گورننس کا تحفہ دیتی ہے جس سے غربت سے تنگ آئے ہوئے عوام مزید ابتر زندگی گزارنے پر مجبور ہوتے جارہے ہیں۔ان خیالات کا اظہار انہوں نے سیلاب کی صورتحال اور متاثرہ علاقوں میں امدادی سرگرمیوں کا جائزہ لینے کے حوالے سے خیر العمل فائونڈیشن کی کور کمیٹی کے اجلاس سے خطاب کرتے ہوئے کیا۔نثار علی فیضی نے کہا کہ اس وقت مجلس وحدت مسلمین کی جانب سے لیہ ، مظفر گڑھ اور بلتستان میں امدادی کام جاری ہے جس میں خوراک لباس ادویات اور پانی کی سپلائی لائینوں کے سلسلے میں کام ہور ہا ہے ۔ مجلس کے کارکنان اور مسئولین نے سیلابی علاقوں کے تفصیلی دورہ جات بھی کیے ہیں ۔ انہوں نے مزید کہا کہ سیلاب کی صورتحال پر پاکستان اور پاکستان سے باہر مخیر حضرات اور اداروں سے ورابط بھی جاری ہیں تاکہ ابتدائی ریلیف و ریسکیوکا کام اور بہتر انداز میں چلایا جا سکے۔ اجلاس میں فلڈ کی موجودہ صورتحال پر تفصیلی گفتگو کی گئی اور اس حوالے سے حکمت عملی بھی مرتب کی گئی۔

وحدت نیوز (کوئٹہ ) مجلس وحدت مسلمین پاکستان کوئٹہ کے کونسلرعباس علی نے کہا ہے کہ ہزارہ ٹاؤن میں آبادی بے حد بڑھ گئی ہے جبکہ بجلی کی فراہمی آبادی کی ضروریات کے نسبت بے حد کم ،عوام کو بجلی کی شدید لوڈ شیڈنگ کا سامنا ہے۔ بجلی کی غیر موجودگی عوام کیلئے سینکڑوں مسائل کا سبب بن رہی ہے۔ان خیالات کا اظہار انہوں نے ہزارہ ٹاؤن سے آئے ایک وفد سے کیا۔ انہوں نے کہا کہ آج کے اس جدید دور میں تقریباً ہر کام کا تعلق بجلی سے ہے جسکی کمی عوام کیلئے ایک درد سر بنی ہوئی ہے اور ان کٹھن حالات میں علاقے کے عوام اس بات کے منتظر ہیں کہ شاید واپڈا حکام کو عوام پر ترس آجائے کہ وہ ان کے لئے بجلی کے اس بحران کو حل کرے،مگر واپڈا والے عوام کی خاموشی کا ناجائز فائدہ اٹھا رہے ہیں۔انہوں نے مزید کہا ہے کہ واپڈا ایک سرکاری محکمہ ہے اور اسکی ذمہ داری بنتی ہے کہ ہر پاکستانی کی خدمت کرے. ہر پاکستانی حکومت کو ٹیکس دیتا ہے اور ایک پاکستانی اور ٹیکس ادا کرنے والے کی حیثیت سے انکا حق بنتا ہے کہ انہیں انکی روزمرہ ضروریات کیلئے مقررہ بجلی فراہم کیا جائے۔انہوں نے کہا ہے کہ بہت سے لوگوں کا پورا کاروبار بجلی سے وابسطہ ہے اور بجلی کی قلیل دستیابی ان حضرات کے ساتھ ساتھ قوم کو بھی نقصان پہنچا رہی ہے جتنا کم کاروبار ہوگا اتنا کم منافع اور جتنا کم منافع ہوگا اتنی کم ٹیکس اور اگر وہ حضرات بجلی کیلئے جنریٹرز اور دیگر مشینوں سے مستفید ہونے کیلئے جنریٹرز وغیرہ استعمال کریں تو ماحول میں آلودگی کا اضافے کا ایک مسئلہ ۔انہوں نے آخر میں کہا کہ حکومت ہزارہ ٹاؤن میں طویل لوڈ شیڈنگ کا نوٹس لے اور انہیں جلد از جلد بجلی کی بہتر سہولت فراہم کرے اور ساتھ ہی ساتھ واپڈا حکام کو بھی ہدایت جاری کرے کہ وہ عوام کو مزید تنگ کرنے سے گریز کرے اور ہزارہ ٹاؤن کے مستحق شہریوں کو اس عذاب سے نجات دلوائے.

وحدت نیوز (کراچی) ملک بھر میں ملت جعفریہ پاکستان کے عظیم اور محبوب قائد ،فرزند امام خمینی (ر)شہید قائد علامہ عارف حسین الحسینی (رح)کی ستائیسویں برسی انتہائی عقیدت و احترام اور مذہبی جوش وخروش سے منائی گئی ہے۔مجلس وحدت مسلمین صوبہ سندھ کی جانب سے ،سکھر،شکار پور،لاڑکانہ،جیکب آباد،سہیون، دادو، نواب شاہ،خیر پور،حیدر آباد ،کوئٹہ،سمیت کراچی اور ملک کے مختلف چھوٹے بڑے مقامات پر فرزند رہبر کبیر امام خمینی (ر)اور ملت جعفریہ کے محبوب اور عظیم قائد شہید علامہ عارف حسین الحسینی (رح)کی ستائیسوی برسی کی یاد میں پیروان شہید قائد علامہ عارف حسینی(رح)کی جانب سے مجالس ترحیم اور سیمینارز کا انعقاد کیاگیا،جبکہ ملک بھر میں لاکھوں پیروان قائد شہید 5اگست روز شہادت قائد شہید کی مناسبت سے اپنے ہر دل عزیز اورمحبوب ترین قائد علامہ عارف حسین الحسینی (رح)شہید سے تجدید عہد وفاکے ساتھ منایا۔

شہیدقائد عارف حسین الحسینی کی ستائیسوی برسی کا مرکزی پروگرام محفل شاہ خراسان میں منعقد ہو جس سے ایم ڈبلیو ایم کے مرکزی رہنما مولانا احمد اقبال ،علامہ مختار امامی،مولانا نشان حیدر ساجدی ،علامہ مبشر حسن ،مولانا علی انورنے خطاب کرتے ہوئے کہا ملک اور امت کو درپیش مسائل سے نکالنے کے لئے شہید عارف حسین الحسینی کی زندگی کو اپنانا ہوگا،شہید نے اپنی مختصر زندگی میں مسلم امہ کے لئے بے پناہ خدمات سرانجام دیں یہی وجہ ہے کہ اپنے ہوں یا پرائے سب ان کی تعریف کیے بغیر نہیں رہ سکتے انہوں نے کہاکہ عارف حسینی صرف ایک مذہبی رہنما کا نام نہیں بلکہ ایک سوچ اور فکر کا نام ہے جو کہ آج بھی زندہ ہے ،شہید نے نہ صرف داخلی چیلنجز کا مقابلہ کرنے کے لئے اپنی جدو جہد جاری رکھی بلکہ بین الاقومی سطح پر پاکستان کے حقیقی دشمنوں کیخلاف بھی آواز بلند کرتے رہے، علامہ عارف عارف الحسینی نے سب سے پہلے مسئلہ فلسطین ہو یا روس کا افغانستان پر قبضہ عالمی سطح پر بھر پور احتجاج کیا اور باقی تمام جماعتوں کو قائل کرکے ان کی حمایت حاصل کی ،آج کے مسائل سے نکلنے کے لئے بھی اس وقت قوم کو ایسی قیادت کی ضرورت ہے۔

وحدت نیوز (لاہور) مجلس وحدت مسلمین کے سربراہ علامہ راجہ ناصرعباس کا کہناہے کہ سپریم کورٹ نے فوجی عدالتوں کے حق میں ایک تاریخی فیصلہ دیا ہے جس کے ذریعہ ہی دہشت گردی کے نا سور کا خاتمہ ممکن ہے، فوجی عدالتوں کا قیام اور ان کے اختیارات میں اضافہ شہدا کے خاندانوں کا درینہ مطالبہ تھا ملٹری کورٹس کے ذریعہ ہی خطرناک ترین دہشت گردوں کو کیفر کردار تک پہنچایا جا سکتا ہے ۔

علامہ راجہ ناصر کا مزید کہنا تھا کہ تاریخ اس بات کی گواہ ہے کہ ہزاروں افراد کے قاتلوں نے موجودہ عدالتی نظام کی کمزوریوں کا فائدہ اٹھاتے ہوئے آزادی حاصل کی اور اپنے مراسم عالمی دہشت گرد تنظیموں سے قائم کیے اور ملک کو پہلے سے زیادہ نقصان پہنچایا، موجودہ حالات میں ملک اس بات کا متحمل نہیں ہو سکتا کہ دہشت گرد مزے سے آزاد پھریں اور پوری قوم کو سیکیورٹی کے نام پر ان کے گھروں میں یر غمال بنا دیا جائے۔

 انہوں نے کہا کہ دہشت گردی کے خلاف جنگ میں فوجی عدالتی کلیدی حیثیت رکھتی پاکستان میں ایسے دہشت گردوں کی کمی نہیں جن کے خوف سے جج انہیں سزا سناتے ہیں اور نہ ہی کوئی ان کے خلاف گواہی دینے کی جرات کرتا ہے، پاکستانی عوام دہشت گردی کے خلاف جنگ میں افواج پاکستان کے شانہ بشانہ ہے ،انشااللہ وہ دن دور نہیں جب پاکستان سے ان وحشی درندہ صفت دہشتگردوں کا خاتمہ ہوگاانہوں نے کہا کہ سپریم کورٹ کے اس فیصلہ نے ان افراد کو بھی بے نقاب کردیا ہے جو کہ چند روپوں کو ملکی مفاد سے زیادہ عزیز رکھتے ہیں، قوم جان لے کہ ان حالات میں فوجی عدالتوں کی مخالفت کرنے والے ملک و قوم سے مخلص نہیں ملٹری کورٹس کے حق میں فیصلہ کے بعد اس بات کی قوی امید ہے کہ ان خطرنات دہشت گردون کوان کے انجام تک پہنچایا جائے گا جنہیں کل تک کسی کا خوف نہیں تھا۔ اب ملک دشمن عناصر کو بھی سمجھ جانا چاہئے کہ وہ انصاف کو یرغمال بناکر اپنے دہشت گرد ساتھیوں کو نہیں بچا سکتے۔