The Latest
وحدت نیوز(گلگت) سیلاب سے متاثرہ علاقوں میں امدادی کارروائیاں غیر تسلی بخش ہیں، حکومت سلیکٹڈ علاقوں کے علاوہ دیگر علاقوں کو مکمل نظر انداز کر رہی ہے۔ تقریباً تمام علاقوں میں واٹر چینلز سیلابی ریلی کی وجہ سے متاثر ہوچکے ہیں اور فصلوں کی تباہی کے خوف سے زمیندار اپنی مدد آپ کے تحت واٹر چینلز کی بحالی کے کام میں لگے ہیں۔ بروقت حکومتی اقدامات نہ ہوئے تو غریب زمینداروں کی فصلیں تباہ ہوسکتی ہیں۔ ان خیالات کا اظہار مجلس وحدت مسلمین کے صوبائی ترجمان محمد الیاس صدیقی نے متاثرہ علاقوں کے تفصیلی دورے کے بعد کیا ہے۔ انہوں نے کہا کہ حکومت غریب عوام کو دیئے گئے راشن کو بھی صحیح تقسیم کرنے سے قاصر رہی ہے اور بہت سے علاقوں کے عوام حکومتی امداد کے منتظر ہیں، حکومت کو چاہئے کہ وہ بلاتفریق تمام متاثرہ علاقوں میں راشن کی تقسیم اور امدادی کارروائیوں کو یقینی بنائے۔ انہوں نے کہا کہ حکومت کی طرف سے کہیں پر بھی کسی قسم کی امدادی کارروائی نظر نہیں آ رہی ہے اور عوام اپنی مدد آپ کے تحت کام کر رہے ہیں۔ حکومت کی جانب سے 100 دنوں میں تبدیلی تبدیلی کا نعرہ سوائے فریب کے کچھ نہیں، لیگی حکومت کے پاس کوئی جامع حکمت عملی موجود نہیں، صرف زبانی جمع خرچ پر وقت ضائع کر رہے ہیں۔ انہوں نے مزید کہا کہ متاثرین سیلاب کے نقصانات کا ازالہ کیا جائے اور اگر مخصوص علاقوں کے علاوہ دیگر علاقوں کو نظر انداز کیا گیا تو اس کے اچھے نتائج برآمد نہیں ہونگے۔
وحدت نیوز(لاہور) مجلس وحدت مسلمین کے صوبائی سیکرٹریٹ لاہور میں رہنماوُں اور علمائے کرام نے پرہجوم پریس کانفرنس کی، جس میں علامہ سید حسین نجفی سربراہ مدارس جعفریہ پاکستان اور رہنما ایم ڈبلیوایم ، علامہ محمد اقبال کامرانی، علامہ امتیاز کاظمی، علامہ ملک مظہر، علامہ حسنین عارف، علامہ ناظم رضا عترتی، علامہ حسن ہمدانی، سید اسد عباس نقوی، رائے ناصر علی، رانا ماجد علی، شیخ عمران علی اور آغا نقی مہدی شریک ہوئے۔ پریس کانفرنس سے خطاب کرتے ہوئے مجلس وحدت مسلمین کے رہنما اور مدارس جعفریہ پاکستان کے سربراہ علامہ سید حسین نجفی نے کہا کہ ایم ڈبلیو ایم کی جانب سے شہید قائد کی ستائیسویں برسی کل اسلام آباد میں بھرپور طریقہ سے منائی جائے گی، جس میں ملک بھر سے ہزاروں افراد شرکت کریں گے۔ برسی میں شرکت کے لئے ابھی سے محبان اہلبیت کا دارالحکومت پہنچنے کا سلسلہ شروع ہوچکا ہے۔ لاہور سے درجنوں بسوں پر مشتمل قافلے آج اس اہم کانفرنس اور برسی میں شرکت کے لئے روانہ ہون گے، اس دن کو منانے کا مقصد جہاں شہید عارف حسینی کی خدمات کو خراج تحسین پیش کرنا ہے، وہیں ان کی سوچ، فکر اور ان کے فلسفہ کو زندہ رکھنا بھی ہے۔
وحدت نیوز (کوئٹہ) جمعیت علمائے پاکستان کے مرکزی سیکرٹری جنرل وفد کے ہمراہ مجلس وحدت مسلمین کوئٹہ ڈویژن کے دفتر تشریف لائے۔ وفد میں جنرل سیکرٹری جمعیت علمائے پاکستان و رکن پنجاب اسمبلی آغا سید مشہدی، حافظ احمد رضا اور سردار محمد خان لغاری شامل تھے۔ اس موقع پر ایم ڈبلیو ایم کے مرکزی رہنماء و امام جمعہ کوئٹہ علامہ سید ہاشم موسوی سے اتحاد بین المسلمین پر بات ہوئی اور اس بات پر زور دیا گیا کہ شیعہ سنی متحد ہوکر اسلام اور پاکستان کی نجات کیلئے اقدامات کریں۔ مزید یہ کہ عوامی جدوجہد کہ ذریعے دہشتگردی کی روک تهام اور دہشتگردوں کی حوصلہ شکنی کرنے کیلے مشترکہ لائحہ عمل بنائیں۔ اس موقع پر ڈپٹی سیکرٹری جنرل ایم ڈبلیو ایم کوئٹہ ڈویژن علامہ ولایت حسین جعفری اور ڈویژنل سیکرٹری سیاسیات کامران حیدر بهی موجود تھے۔
وحدت نیوز (اسلام آباد) مجلس وحدت مسلمین پاکستان کی مرکزی شوریٰ عالی کا اجلاس اسلام آباد میں علامہ شیخ حسن صلاح الدین کی زیرصدارت ہوا، جس میں شوریٰ کے ارکان نے شرکت کی۔ اجلاس میں ایم ڈبلیو ایم کے سربراہ علامہ ناصرعباس جعفری، علامہ امین شہیدی، علامہ حسنین گردیزی، علامہ شبیر بخاری سمیت چاروں صوبوں سے سیکرٹری جنرل شریک تھے۔ اجلاس میں امامیہ اسٹوڈنٹس آرگنائزیشن پاکستان کے صدر تہور حیدری بھی شریک تھے۔ اجلاس میں تنظیمی امور کا جائزہ لیا گیا۔ شوریٰ عالی کے اجلاس میں سابق تنظیمی فیصلوں کی روشنی میں مرکزی کابینہ کی کارکردگی کا بھی جائزہ لیا گیا۔
وحدت نیوز(کھرمنگ) مجلس وحدت مسلمین کھرمنگ کے رہنماء ڈاکٹر کاظم سلیم نے کہا ہے کہ سیلاب متاثرین کی بحالی فوٹو سیشن سے نہیں بلکہ عملی اقدام سے ممکن ہوگا، پورا کھرمنگ اس وقت شدید سیلاب اور لینڈ سلائیڈنگ کی زد میں ہے جس کی وجہ سے ابتک سینکڑون ایکڑ زمینیں اور کھڑی فصلیں تباہ ہو چکی ہیں لیکن حکمران طبقہ فوٹو سیشن کے علاوہ متاثرین کی بحالی میں ابتک عملی طور پر ناکام ہیں۔ یہ بات ایم ڈبلیو ایم کے رہنما ڈاکٹر کاظم سلیم نے طولتی میں سیلاب سے متائثرہ علاقے کا دورہ کرنے کے بعد عوامی اجتماع سے خطاب کرتے ہوئے کہی۔ انہون نے مزید کہا حکمرانون نے سیلابی نقصانات کے حوالے سے بحالی کی کوششوں کو صرف چند مخصوص علاقوں تک محدود کر کے اپنا کردار مشکوک بنا لیا ہے کیونکہ وزیر اعظم، گورنر اور وزیراعلٰی سمیت تمام سرکاری شخصیات نے صرف مخصوص علاقون کا دورہ کر کے ان شکوک و شبہاب کو تقویت دی ہے کہ نون لیگ صرف ایک خاص طبقہ فکر کی جماعت ہے اور شاید اسی وجہ سے کھرمنگ کا علاقہ حکومت کی ترجیحات میں بھی شامل نہیں ہے۔ ڈاکٹر کاظم سلیم نے مقامی انتظامیہ پر زور دیا کہ سیلاب کے متائثرین تک ریلیف کی تقسیم کیلئے مقامی عمائدین پر مشتمل قابل عمل میکانیزم ترتیب دیں کیونکہ ماضی میں ایسے تمام امدادی ریلیف مسحقین کی بجائے سیاسی کارندے ھڑپ کرتے رہتے ہیں۔ انہوں نے مزید کہا کہ ایم ڈبلیو ایم مشکلات کی اس گھڑی میں قوم کے شانہ بہ شانہ کھڑی ہے اور ہم اپنی تابندہ روایات کے مطابق مشکل وقتون میں قوم کو کبھی تنھا نہیں چھوڑے گی۔ اس موقع پر ایم ڈبلیو ایم بلتستان کے سربراہ آغا علی رضوی، چیئرمین محمدحسن پروانہ، پی ٹی آئی کھرمنگ کے رہنما راجہ علیشاہ اور چیرمین محمد رضا بھی موجود تھے۔
وحدت نیوز (اسلام آباد) آئی ایس او پاکستان کے مرکزی صدر تہور حیدری نے مجلس وحدت ،مسلمین پاکستان کے تحت اسلام آباد میں قائد شہید علامہ عارف حسین الحسینی کی 27ویں برسی کی مناسبت سے ’’بیداری امت کانفرنس‘‘ سے خطاب کرتے ہوئے کہا ہے کہ علامہ عارف حسین کو اسلام ناب متعارف کرانے کے جرم میں شہید کیا گیا، وہ قوتیں جو اسلام ناب سے خائف تھیں، انہوں نے ہمارے عظیم قائد کو ہم سے چھین لیا، شہید قائد نے اس امت کو پاکستان میں اصل دشمنوں سے روشناس کرایا، ۔ انہوں نے کہا کہ علامہ عارف حسین نے پاکستان میں رہبر کبیر امام خمینی کی فکر کو متعارف کرایا اور پاکستان کے تمام علاقوں میں اسلام ناب کو پھیلایا۔ تہور حیدری نے کہا کہ پاکستان کے عوام غیرت مند، شجاع اور عظمت والے ہیں، ہم کسی صورت طاغوتی طاقتوں کو پاکستان میں برداشت نہیں کریں گے، ہم شہید حسینی کی فکر کے امین ہیں اور آئندہ آنے والی نسلوں کو اس فکر سے روشناس کرائیں گے۔
وحدت نیوز (اسلام آباد) علامہ ظہیر الحسن نقوی، سربراہ ولایت ٹی وی اور چیئرمین المصطفیٰ ٹرسٹ امریکہ نے مجلس وحدت مسلمین کے تحت منعقدہ بیداری امت کانفرنس سے خطاب کرتے ہوئے کہا ہے کہ ستائیسویں برسی کے لئے آئے عاشقان شہید قائد کو سلام پیش کرتا ہوں، لوگ سوشل میڈیا اور دیگر مصروفیات کی وجہ سے اپنے بزرگوں کو بھول جاتے ہیں لیکن ستائیس سال بعد بھی ہمارے جوانوں سے شہید قائد کو یاد رکھا۔ آج شہید قائد کے خواب کو شرمندہ تعبیر کرتے ہوئے بیداری امت کانفرنس میں امت مسلمہ کو بیدار کرنے کی بات ہو رہی ہے۔ وحدت المومنین شہید کی خواہش تھی، آج شہید کی خواہش کو علامہ ناصر عباس نے عملی جامہ پہنایا ہے۔ ہماری قوم نے ریاست پاکستان کے خلاف آج تک کوئی اقدام نہیں اٹھایا، مظلومیت کے باوجود ہم اپنی مظلومیت کا اظہار نہ کر سکے۔ یوم القدس کے موقع پر تین تین جلوس نکالے جا رہے ہیں۔ آج ہمیں وحدت کی ضرورت ہے۔ اس پاک سرزمین سے ناپاک لوگوں کا خاتمہ شروع ہو گیا ہے اسے روکا نہ جائے۔ جو دہشت گرد ہے جس لباس میں بھی ہے اس کے خلاف آپریشن کیا جائے، خبردار دہشت گردوں کے آقاوں کو خوش کرنے کے لئے ہماری قوم کے خلاف اقدامات نہ کئے جائیں۔ ہم کبھی بھی اپنے حق کے لئے پیچھے نہیں ہٹیں گے۔ چونکہ دہشت گردی کے خلاف پہلا اقدام حسین ابن علی (ع) نے کیا، حسین کے ننھے اصغر (ع) نے کیا۔
وحدت نیوز(اسلام آباد) بیداری امت کانفرنس سے خطاب کرتے ہوئے مجلس وحدت مسلمین صوبہ خیبر پختونخوا کے سیکرٹری جنرل علامہ محمد سبطین حسینی نے کہا ہے کہ ستائیس سال گزرنے کے باوجود بھی شہید قائد ہمارے دلوں میں زندہ ہیں، ان کے افکار و مشن زندہ ہے، علامہ سبطین حسینی نے کہا کہ شہید قائد کی یادیں زندہ ہیں، شہید کا مشن جو ایک الہی، علوی و قرآنی مشن تھا، وہ جاری رہے گا، اور مجلس وحدت مسلمین کے پلیٹ فارم سے شہید قائد کے ان خوابوں کو پایہ تکمیل تک پہنچایا جائے گا، جو شہید نے ملت کی سربلندی کے لئے دیکھے تھے۔ اور جس کے لئے شہید قائد نے چار سالہ عملی جدوجہد کی، دشمنوں نے عالم جوانی یعنی بیالیس سال کی عمر میں ہی شہید قائد کو ہم سے چھینا، لیکن دشمن کو معلوم نہ تھا کہ ان کا جسم تو ہم سے چھینا جاسکتا ہے، لیکن ان روح، ان کی فکر اور ان کی یادوں کو ملت تشیع کے دلوں سے اور ملت اسلامیان پاکستان کے دلوں سے کوئی نکال نہیں سکتا۔
وحدت نیوز (اسلام آباد) مجلس وحدت مسلمین پاکستان کے تحت اسلام آباد میں بیداری امت کانفرنس سے خطاب کرتے ہوئے چیئرمین امامیہ آرگنائزیشن لعل مہدی خان نے کہا ہے کہ اپنے شہداء اور محسنوں کو یاد رکھنے والی اقوام زندہ رہتی ہیں، ایک طرف ہمارے دامن میں ولایت آل محمد (ع) کا اثاثہ موجود ہے، تو دوسری طرف شہداء کی یاد کا عظیم اثاثہ ہمارے پاس موجود ہے۔ ہم دنیا کے لوگوں کو پیغام دے رے ہیں کہ ہماری زندگی شہادت کے بعد شروع ہوتی ہے۔ آج شہید کو ہم سے بچھڑے ستائیس سال بیت چکے لیکن آج بھی میں اپنی ملت کے نوجوانوں کے شہید حسینی کی محبت دیکھ سکتا ہوں۔ ضرورت اس امر کی ہے شہید حسینی کے پیغام اور درس و مشن سے وفا کی جائے۔ شہید حسینی کے پیغام کو اس وقت تک نہیں سمجھا جا سکتا جب تک امام خمینی کی فکر کو نہ سمجھا جائے، امام راحل نے دنیا کو یہ پیغام دیا تھا کہ اسلامی فکر عام فکر نہیں بلکہ اسلامی فکر انسانیت کی ہر قسم کی رہنمائی کرنے کی طاقت و قدرت رکھتی ہے۔ شہید حسینی، امام خمینی کی اسی فکر کے نقیب تھے، اگر امام خمینی کی ذات اتحاد و وحدت ایجاد کرنے والی تھی تو شہید حسینی اس پرچم اسلامی کے علمبردار تھے۔
امام خمینی نے اسلام ناب محمدی کی بات کی تھی، آج سرزمین پاکستان تکفیری فکر سے پاکستان کی سالمیت کو خطرات لاحق ہیں۔ ہمیں اپنی صفوں میں اتحاد کو فروغ دینا ہے۔ آج ہمیں نفاق کے راستہ کو بند کرنا ہوگا، اسی میں ہماری کامیابی ہے۔
وحدت نیوز (اسلام آباد) مجلس وحدت مسلمین پاکستان کے زیر اہتمام قائد تحریک جعفریہ شہید سید عارف حسین الحسینی کی ستائیسویں برسی کے سلسلے میں ’’بیداری امت کانفرنس‘‘ کا انعقاد فضل الحق رو G-6/2اسلام آباد میں کیاگیا۔ جس میں ملک بھر سے ہزاروں افراد نے شرکت کی۔ کانفرنس میں شرکت کے لئے پنجاب سمیت تمام صوبوں سے ایم ڈبلیو ایم کے مرکزی و صوبائی رہنما شیعہ سنی علمائے کرام اور اکابرین اسلام اسلام آباد پہنچے ۔ برسی کی تقریب سے ملک کے جید شیعہ سنی علماء کرام خطاب کیا اور قائد شہید کی مذہبی و ملی خدمات پر روشنی ڈالی۔ ایم ڈبلیو ایم پاکستان کے مرکزی سیکرٹری جنرل علامہ ناصر عباس جعفری نے وطن عزیز کو درپیش مسائل اور استحکام پاکستان میں ہماری ذمہ داریاں کے عنوان سے صدارتی خطاب کیا، پنڈال میں تا حد نگاہ سبز ہلالی پرچموں اور ایم ڈبلیوایم کے جھنڈوں کی بھر مار تھی۔
