The Latest
وحدت نیوز (اسلام آباد) پاکستان پیپلز پارٹی کے مرکزی رہنماو سابق وفاقی وزیر داخلہ رحمان ملک نے مجلس وحدت مسلمین پاکستان کے سربراہ علامہ راجہ ناصرعباس جعفری سے ان کے بھوک ہرتالی کیمپ میں ملاقات کی۔اس موقعہ پر پریس کانفرنس سے خطاب کرتے ہوئے رحمان ملک نے کہا کہ ٹارگٹ کلنگ کے خلاف حکومت کو قوانین میں سختی لانا ہو گی۔پاکستان میں شیعہ سنی بھائی چارے کی فضا قائم ہے۔کچھ بیرونی طاقتیں تفرقہ بازی کے ذریعے پاکستان میں بد امنی پھیلانے میں مصروف ہیں۔ اس میں انڈیا کابھی گھناونا کردار شامل ہے۔انہوں نے کہا کہ وہ وزیر اعظم کو ایک خط تحریر کریں گے جس میں ٹارگٹ کلنگز کے خلاف ایک طاقتور اور بااختیار جوڈیشل کمیشن کی تشکیل کا مطالبہ کیا جائے گا۔انہوں نے مجلس وحدت مسلمین کے رہنماوں سے کہا کہ وہ اس سلسلے میں ٹی اور آرز لکھ کر انہیں بھیجیں۔پاکستان پیپلز پارٹی نے ہمیشہ مظلوم کی حمایت کی ہے۔ لشکر جھنگوی سمیت تمام دہشت گرد جماعتوں کے خلاف میں شروع سے کھل کر بولتا رہا ہوں۔ پاکستان پیپلز پارٹی ہمیشہ آپ کے ساتھ کھڑی رہے گی۔
علامہ ناصر عباس جعفری نے رحمن ملک کی آمد پر ان کا شکریہ اداکرتے ہوئے کہا ہے کہ ہمارے احتجاج ظلم کے خلاف ہے۔ کوئی بھی شخص چاہے وہ چرچ میں مارا جائے یا مندر میں چاہے میلاد کے جلوس میں شہید ہو یا کسی دربار میں انسانیت کا قتل ہے اور اس پر ہمیں تکلیف ہوتی ہے۔ پاکستان میں ضیائی فکر کاپرچار کر کے انتہا پسندی کو فروغ دیے جانے کی کوشش کی جا رہی ہے۔ڈیمو گرافک تبدیلیوں سے ہمارے اوپر انتہا پسند مسلط کیے جا رہے ہیں۔ جب تک داعش مائند سیٹ کو شکست نہیں دی جائے گی تب تک وطن عزیز کوقائد و اقبال کاپاکستان نہیں قرار دیا جا سکتا۔اسی فکر نے بے نظیر بھٹو اور ان کے خاندان کے دیگر افراد کو قوم سے چھین لیا۔انہوں نے کہا کہ پہلے ہم صرف دہشت گردی کا شکار تھے اب ہم ریاست گردی کی بھی لپٹ میں ہیں۔پاکستان میں اہلسنت کے بعد دوسری بڑی اکثریت ملت تشیع کی ہے۔ان کے ساتھ امتیازی سلوک کر کے ملک کی پرامن فضا کو خراب کرنے کی دانستہ کوشش کی جا رہی ہے۔ ہمارے خطبا و ذاکرین کو اپنے علاقوں تک محدود کیا جا رہا ہے۔ عزاداری کو محدود کرنے کی جو کوشش پہلے انتہا پسند قوتیں کرتی آئی ہیں اب ریاستی ادارے بھی اس میں شریک ہو گئے ہیں۔ایم ڈبلیو ایم کے سربراہ نے واضح کیا کہ جب تک وفاقی حکومت کی طرف سے ملت تشیع کے مطالبات تسلیم نہیں کیے جاتے تب تک یہ احتجاج جاری رہے گا۔
وحدت نیوز(لاہور) مجلس وحدت مسلمین کے زیراہتمام سربراہ ایم ڈبلیو ایم علامہ راجہ ناصر عباس جعفری کی بھوک ہڑتالی تحریک کو 8 دن مکمل ہونے پراظہار یکجہتی کیلئے ملک گیر مظاہرے، علامتی دھرنے اور مختلف شہروں میں بھوک ہڑتال، مطالبات کی منظوری اور عملدرآمد تک جدوجہد جاری رکھنے کا اعلان کیا گیا۔ لاہور پریس کلب کے سامنے مجلس وحدت مسلمین کے بھوک ہڑتالی کیمپ میں احتجاجی مظاہرہ و علامتی دھرنا دیا گیا جس میں شہریوں کی بڑی تعداد نے شرکت کی۔ مظاہرین ہاتھوں میں شیعہ ٹارگٹ کلنگ کیخلاف پلے کارڈ تھامے حکومت کیخلاف نعرے لگاتے رہے۔ مظاہرے میں علمائے کرام، ذاکرین، سول سوسائٹی اور مختلف مکاتب فکر کے رہنماؤں نے شرکت کی۔ مظاہرے میں امامیہ سٹوڈنٹس آرگنائزیشن لاہور کے کارکنان نے بھی شرکت کی۔ مظاہرین سے خطاب کرتے ہوئے مجلس وحدت مسلمین لاہور کے سیکرٹری جنرل علامہ حسن رضا ہمدانی کا کہنا تھا کہ ملک میں نہ رکنے والی شیعہ نسل کشی کیخلاف ہم پرامن طور پر میدان میں نکل چکے ہیں انشااللہ ہماری یہ تحریک ظالموں کو انجام تک پہنچانے تک جاری رہیگی، ملت جعفریہ گذشتہ 8 دنوں سے پاکستان سمیت دنیا بھر میں سراپا احتجاج ہے، ہمیں افسوس سے کہنا پڑتا ہے کہ بے حس حکمرانوں اور ریاستی اداروں کے کان پر جوں تک نہیں رینگی، ہم انصاف لئے بغیر گھروں کو نہیں لوٹیں گے، اور ہم اپنے احتجاج کا دائرہ وسیع کریں گے۔ انہوں نے کہا کہ حکمرانوں کی بے حسی اس بات کی دلیل ہے کہ وہ ملت جعفریہ کیخلاف ان کارروائیوں میں شریک ہے، ہمیں حق لینے کیلئے جان کی قربانی بھی دینی پڑے تو ہم اس کیلئے تیار ہیں، لیکن ظلم و بربریت پر خاموش نہیں رہیں گے۔
علامہ مبارک موسوی مرکزی رہنما مجلس وحدت مسلمین پاکستان نے اپنے خطاب میں کہا کہ حکمران سن لیں ہم مزید ظلم سہنے کیلئے تیار نہیں، ہمارے ہزاروں شہداء کے قاتلوں کی سرپرستی چھوڑ دیں اور مصلحت پسندی کے خول سے باہر نکلیں، ملک بھر میں جاری شیعہ نسل کشی ایک منظم منصوبہ بندی کا حصہ ہے، جس سے ہم بخوبی واقف ہیں۔ انہوں نے کہا کہ علامہ راجہ ناصر عباس جعفری کی بھوک ہڑتال اور احتجاج مظلوم پاکستانیوں کو انصاف دلانے کیلئے ہے، ہم نے پرامن احتجاج کرکے شدت پسندی کیخلاف علم بغاوت بلند کیا ہے اور اسے منطقی انجام تک پہنچا کر دم لیں گے، قوم ہماری احتجاجی تحریکوں سے بخوبی واقف ہے۔ علامہ مبارک موسوی کا مزید کہنا تھا کہ پاکستانیوں کا قتل عام کرنیوالے درندہ صفت دہشتگردوں کو ماضی میں بدقسمتی سے ہمارے ریاستی اداروں کی مکمل سرپرستی حاصل رہی جس کا خمیازہ آج قوم بھگت رہی ہے، بدترین آمر جنرل ضیاء کے پالے یہ دہشتگرد آج قائد اور اقبال کے پاکستان کو تباہ کرنے کے درپے ہیں، اقتدار کی نشے میں دھت آمروں نے اپنی کرسی بچانے کیلئے ایسے درندوں کو پالا آج پاکستان میں کوئی مکتبہ فکر و مذاہب کے لوگ محفوظ نہیں، آپریشن ضرب عضب کے نام پر قوم کو بیوقوف بنایا جا رہا ہے، پاکستان میں ملت جعفریہ کی نسل کشی میں انہی عناصر کا کلیدی کردار ہے جو کبھی ریاستی اداروں کے منظور نظر تھے، آج علامہ راجہ ناصر عباس جعفری کی احتجاجی تحریک کی حمایت میں نہ صرف پاکستان بلکہ دنیا بھر میں بسنے والے پاکستانی سڑکوں پر موجود ہیں، ہم مزید لاشیں اٹھانے کے متحمل نہیں، انشاللہ ہم اپنے مطالبات کی منظوری تک سڑکوں پر رہیں گے اور اپنی پرامن جدوجہد کو جاری رکھیں گے۔
مظاہرے سے مجلس وحدت مسلمین خواتین کی رہنما خانم سکینہ مہدوی کا کہنا تھا کہ کربلائے پاکستان میں بے دری سے ملت جعفریہ کے قتل عام کے ذمہ دار حکومت اور ریاستی ادارے ہیں جو ہمیں تحفظ دینے میں مکمل ناکام ہو چکے ہیں، اس وقت ملت جعفریہ کے مظلوموں کے پاس سڑکوں پر نکل کر فریاد کے سوا کوئی راستہ نہیں بچا ہمیں آئین و قانون کی پاسداری اور ملکی سلامتی کو مقدم رکھنے کی سزا دی جا رہی ہے، دشمن ہمیں تشدد کے راستے پر ڈالنے کی کوشش میں ہے تاکہ ملک خانہ جنگی کا شکار ہو، ہم ان سازشوں کا کامیاب نہیں ہونے دینگے پاکستان بنانے میں ہمارے آباواجداد نے جانی و مالی قربانیاں دیں اور ہم اس کو بچانے میں بھی ہر طرح کی قربانی کیلئے تیار ہیں، لیکن ہم ماضی کے ریاستی اداروں کے پالتو دہشتگردوں کے ہاتھوں اپنا قتل عام نہیں ہونے دینگے، علامہ راجہ ناصر عباس جعفری نے پاکستان کے تمام مظلوموں کیلئے آواز بلند کی ہے اور انشااللہ ہم اپنے آئینی و قانونی مطالبات کے تسلیم ہونے تک میدان میں حاضر رہیں گے۔ مجلس وحدت مسلمین کے رہنماوں نے شب برات کو پریس کلب کے سامنے اجتماع کا اعلان کیا جس میں لاہور بھر سے بڑی تعداد میں لوگ شریک ہونگے، مظاہرے میں علامہ محمد خان مہدوی، علامہ وقارالحسنین نقوی، علامہ ابوذر مہدوی، سید سجاد بخاری، سید حسنین زیدی، رانا ماجد علی، رائے ناصر علی، رضا حسین خاں، افسر حسین خان سمیت دیگر عمائدین لاہور نے شرکت کی۔
وحدت نیوز(قم) مجلس وحدت مسلمین قم کے زیر انتظام مدرسہ امام خمینی ؒ میں ایک احتجاجی نشست منعقد ہوئی۔جس میں سیکرٹری جنرل ایم ڈبلیو ایم قم حجۃ الاسلام گلزار احمد جعفری نے مختلف ممالک کے طلاب کرام کو پاکستان میں تکفیری ٹولوں کی کاروائیوں سے آگاہ کیا ۔انہوں نے اس موقع پر حکومت پاکستان کی مجرمانہ خاموشی کی بھرپور مذمت بھی کی اور مختلف ممالک کے طلاب سے قائد ملت جعفریہ پاکستان علامہ ناصر عباس جعفری کی بھرپور اخلاقی مدد کرنے کی اپیل کی۔
وحدت نیوز(لاہور) پریس کلب لاہور پر جاری شیعہ کلنگ کیخلاف مجلس وحدت مسلمین کی بھوک ہڑتالی کیمپ کے آٹھویں روز شہدائے پاکستان کی درجات کی بلندی کے لئے دعائے کمیل کا اہتمام شہریوں کی بڑی تعداد نے شرکت کی علامہ سید مبارک علی موسوی آف گجرات نے دعائے کمیل کی تلاوت کی اور انہوں نے اپنے خطاب میں کہا کہ ایک مرد مجاہد علامہ راجہ ناصر عباس جعفری نے پرامن بھوک ہڑتال کرکے ہماری مظلومیت سے دنیا کو آگاہ کیا آج الحمداللہ اس احتجاج کا دائرہ وسیع تر ہوتا جارہا ہے امریکہ،برطانیہ،یورپی ممالک سمیت دیگر ملکوں میں رہنے والے پاکستانی بھی اس ظلم کیخلاف سراپا احتجاج ہے،حکمرانوں کی بے حسی کا جواب ان دینا ہوگا ،حکمرانوں کی خوش فہمی کہ یہ لوگ چند دن بعد خاموش ہو جائینگے نہیں ایسا ہرگس نہیں ہماری ماضی گواہ ہے کہ ہم نے بڑے سے بڑے آمروں کو جھکنے پر مجبور کیا ہے اور یہ حکمران بھی وہ دن بہت جلد دیکھ لیں گے،ہم اپنے مطالبات سے ایک انچ بھی پیچھے نہیں ہٹیں گے علامہ راجہ ناصر عباس جعفری نے تنہا اس ظلم کیخلاف احتجاج شروع کیا تھا آج قوم بیدار ہو رہی ہے اور انشااللہ آنے والے دنوں میں اس احتجاج میں شدت آئیگی،ہم اب ظلم خاموشی سے سہتے نہیں رہیں گے،شرکاء سے علامہ حسن ہمدانی،علامہ مبارک موسوی،علامہ ابوذر مہدوی،علامہ محمد اقبال کامرانی نے بھی خطاب کیا،علامہ حسن ہمدانی نے بروز جمعہ یوم احتجاج کا اعلان کرتے ہوئے کہا کہ ہم ان ظالم حکمرانوں کیخلاف اپنی جدوجہد جاری رکھیں گے اور اس راستے میں ہر قسم کی قربانی دینے کو تیار ہیں،ہمارے جائز مطالبات پر عملی عملدرآمد تک ہم گھروں کو نہیں لوٹیں گے چاہے ہمیں ایک سال ہی کیوں نہ لگے۔
وحدت نیوز(وہاڑی) مجلس وحدت مسلمین ضلع وہاڑی کے سیکرٹری جنرل علی عابد چوہدری ایک ماہ کے بعد بے بنیاد دہشت گردی کے مقدمے ضمانت پر رہا ہو گئے۔ علی عابد چوہدری کو 20 اپریل کو سی ٹی ڈی نے وہاڑی سے ایک دہشت گردی کے مقدمے میں گرفتار کیا تھا۔ گرفتاری کے بعد علی عابد چوہدری کو نامعلوم مقام پر منتقل کر دیا گیا تھا۔
مجلس وحدت مسلمین ضلع وہاڑی کے سیکرٹری علی عابد چوہدری نے کہا ہے کہ مجھے فخر ہے کہ میں محبت اہل بیت (ع) میں جیل میں گیا ہوں، میرا اور قصور نہیں تھا مجھ پر بے بنیاد مقدمہ بنایا گیا اور آج اللہ نے سُرخرو کیا اور ضمانت پر رہا ہوگیا۔ ان خیالات کا اظہار اُنہوں نے ملتان میں یوم احتجاج کے موقع پر نکالی جانے والی ریلی سے خطاب کرتے ہوئے کیا۔ علی عابد چاہدری کا مزید کہنا تھا کہ جیلیں، مقدمے اور صعوبتیں ہمیں کمزور نہیں طاقتور بناتی ہیں۔ میں حکومت سے کہتا ہوں ہمارے خلاف جتنے زیادہ ظلم کرو گے اُتنی جلدی ہی خاتمہ تمہارا مقدر بنے گا۔ اس موقع پر علی عابد چوہدری نے مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی، محمد عباس صدیقی اور دیگر کا شکریہ ادا کیا جنہوں نے ان کی رہائی میں کردار ادا کیا۔
وحدت نیوزسے گفتگو کرتے ہوئے ایم ڈبلیو ایم جنوبی پنجاب کے سیکرٹری جنرل علامہ اقتدار حسین نقوی کا کہنا تھا کہ پنجاب کی سیکیورٹی ایجنسی ہمارے رہنمائوں اور کارکنوں کو بے بنیاد مقدمات میں پھنسا رہی ہے۔
وحدت نیوز (کراچی) ملک میں جاری شیعہ ٹارگٹ کلنگ کے خلاف مجلس وحدت مسلمین پاکستان کے مرکزی سربراہ علامہ راجہ ناصر عباس جعفری کے اعلان پر جمعہ کے روز ملک گیر’’یوم احتجاج‘‘ یوم شہداء منایا گیا۔اس سلسلے میں صوبائی دارلحکومت کراچی میں بعد نماز جمعہ احتجاجی مظاہرے وریلیاں نکالی گئیں۔مظاہرین دہشت گردی کے خلاف عملی اقدامات اورملت تشیع کو ملک بھر میں انتقام کو نشانہ بنانے پر ذمہ داران کے خلاف کاروائی کا مطالبہ کر رہے تھے۔جمعہ اجتماعات میں شہداء کے ایصال ثواب اور وطن عزیز کے استحکام اور خوشحالی کے لیے بھی خصوصی دعائیں مانگی گئیں۔مجلس وحدت مسلمین کراچی کی جانب سے بعدنماز جمعہ مرکزی احتجاجی مظاہرہ جامع مصطفی عباس ٹاون کے باہر ہوا اور ابولحسن اصفہانی روڈ تک احتجاجی ریلی نکالی گئی جس میں رہنما مولانا باقر زیدی ،علامہ مبشر حسن ،علی حسین نقوی ،اور مولاناعلی انورسمیت دیگر رہنماؤں اور کارکنان نے بڑی تعداد موجود تھی مظاہرین نے لبیک یا حسین ،شیعہ و سنی اتحاد سمیت ملک بھر میں جاری شیعہ نسل کشی ٹارگٹ کلنگ پر وفاقی اور خیبر پختون خواہ حکومت کے خلاف شدید نعرے بازی کی ۔ابولحسن اصفانی روڈپر مظاہرین سے خطاب میں مقررین کا کہنا تھا کہ دہشتگردی ،کرپشن ،لاقانونیت کے خلاف اسلام آباد میں سربراہ وحدت مسلمین سے اظہار یکجہتی کیلئے احتجاجی سلسلہ جاری رہے گا پاکستان کسی مخصوص مسلک کی جاگیر نہیں ملت جعفریہ کوگزشتہ تین دہائیوں سے ظلم و بربریت کا نشانہ بنایا کیا جارہا ہے۔اس ملک میں سب سے پہلے ہم نے ملک دشمن اسلام طالبان اور کالعدم جماعتوں کے خلاف آواز بلند کی اور آج ظلم کے خلاف آواز بلند کرنے والے طبقے کو دانستہ طور پر دہشت گردوں کے رحم و کرم پر چھوڑ دیا گیا تاکہ انہیں ملک کے مقتدر ظالم حکمرانوں کے خلاف آواز بلند کرنے کا موقعہ نہ مل سکے۔،مقررین کا کہنا تھا کہ نواز حکومت دہشت گردوں کی پشت پناہی چھوڑ دے رانا ثنا اللہ سمیت ریاستی اداروں میں موجود تکفیری سوچ رکھنے والے ہمار ے خلاف کاروائیاں کر رہے ہیں اور دوسری جانب ملک دشمن عناصر کیلئے بنائے جانے والا نیشنل ایکشن پلان کا میں غلط استعمال کیا جا رہا ہے بے گناہ افراد پرمقدمات قائم کئے جارہے ہیں ۔
مقررین نے وفاقی حکومت چیف جسٹس آف پاکستان اور جنرل راحیل شریف سے مطالبہ کیا وہ ڈیرہ اسماعیل خان،پاراچنار،پشاور،کوئٹہ ،اور کراچی میں خرم ذکی کے قتل کا از خود نوٹس لیں عدلیہ اپنا کردار ادا کرے ،ڈیرہ اسماعیل خان دو وکلاء کے قتل کے خلاف فوری ایکشن لیا جائے قاتلوں کو جلد از جلد گرفتار کیا جائے۔لاؤڈ اسپیکر ایکٹ کے تحت جن علماء و ذاکرین پر پابندیاں لگائی جا رہی ہیں۔ اسلامی ریاست میں جو رویہ ہمارے ساتھ اپنایا جا رہا ہے یہ تو امریکہ ،برطانیہ جیسے غیر اسلامی ممالک میں بھی نہیں ہوتا۔پنجاب میں قائم تمام مقدمات کا خاتمہ ، تکفیری گروہوں کے خلاف ملک گیر آپریشن اور پارہ چنار میں پولٹیکل انتظامیہ کی بربریت کا شکار ہونے والے چار شہدا کی شفاف تحقیقات کے لیے تحقیقاتی کمیشن کا قائم ہیں۔ آٹھ روز گزرجانے کے بعد حکومت کی طرف سے کوئی مثبت پیش رفت سامنے نہ آئی اور یونہی بے حسی کا مظاہرہ کیا گیا تو پھر ہم اپنے اس خاموش احتجاج کو ملک گیر عوامی احتجاج کی شکل میں تبدیل کرنے پر مجبور ہو جائیں گے۔ واضح رہے کہ علامہ ناصر عباس جعفری کی بھوک ہرتال کے بعد ملک کے مختلف شہروں میں اظہار یکجہتی کے طور پر بھوک ہرتالی کیمپ لگائے جا چکے ہیں۔ اس حوالے سے خلاف علامتی بھوک ہرتالی کیمپ ساتھوے روز بھی جاری ہے۔
وحدت نیوز (کراچی) مجلس وحدت مسلمین کے زیر اہتمام سربراہ ایم ڈبلیو ایم علامہ راجہ ناصر عباس جعفری کی بھوک ہڑتال تحریک کو نو دن مکمل ہونے پر اظہار یکجہتی کے لئے ،مجلس وحدت مسلمین شعبہ خواتین کی جانب سے خراسان سے نمائش چورنگی تک ریلی نکالی گئی جس میں خواتین اور بچون نے بڑی تعداد کی شرکت،مظاہریں ہاتھوں میں ملک میں جاری شیعہ ٹارگٹ کلنگ کیخلاف پلے کارڈ تھامے حکومت کیخلاف نعرے لگاتے رہے،علمائے کرام ،ذاکرین،سول سوسائٹی اور مختلف مکاتب فکر کے رہنماوں کی شرکت،مظاہرین سے خطاب کرتے ہوئے مولانا علی انور، علی حسین نقوی ،مولانا صادق تقوی اور ایم ڈبلیو ایم شعبہ خواتین مرکزی رہنما خانم زہرا نقوی کا کہنا تھا کہ ملک میں نہ رکنے والی شیعہ نسل کشی کیخلاف ہم پرامن طور پر میدان میں نکل چکے ہیں انشااللہ ہماری یہ تحریک ظالموں کو انجام تک پہنچانے تک جاری رہیگی،ملت جعفریہ گذشتہ نو دنوں سے پاکستان سمیت دنیا بھر میں سراپا احتجاج ہیں،ہمیں افسوس سے کہنا پڑتا ہے کہ بے حس حکمرانوں اور ریاستی اداروں کے کان پر جوں تک نہیں رینگی،ہم انصاف لئے بغیر گھروں کو نہیں لوٹیں گے،اور ہم اپنے احتجاج کا دائرہ وسیع کریں گے،انہوں نے کہا کہ حکمرانوں کی بے حسی اس بات کی دلیل ہے کہ وہ ملت جعفریہ کیخلاف ان کاروایوں میں شریک ہیں،ہمیں حق لینے کے لئے جان کی قربانی بھی دینی پڑے تو ہم اس کے لئے تیار ہیں،لیکن اپنے اوپر ہونے والے ظلم و بربریت پر خاموش نہیں رہیں گے۔
خانم زہرا نقوی نے اپنے خطاب میں کہا کہ حکمران سن لیں ہم مزید ظلم سہنے کے لئے تیار نہیں،ہمارے ہزاروں شہداء کے قاتلوں کی سرپرستی چھوڑ دیں،اور مصلحت پسندی کے خول سے باہر نکلیں،ملک بھر میں جاری شیعہ نسل کشی ایک منظم منصوبہ بندی کا حصہ ہے جس سے ہم بخوبی واقف ہیں،علامہ راجہ ناصر عباس جعفری کی بھوک ہڑتال اور احتجاج مظلوم پاکستانیوں کو انصاف دلانے کے لئے ہیں،ہم نے پرامن احتجاج کرکے شدت پسندی کیخلاف علم بغاوت بلند کی ہے اور است منطقی انجام تک پہنچا کر دم لیں گے،قوم ہمارے احتجاجی تحریکوں سے بخوبی واقف ہیں،خانم زہرا نجفی کا مزید کہنا تھا کہ پاکستانیوں کا قتل عام کرنے والے درندہ سفت دہشت گردوں کو ماضی میں بدقسمتی سے ہمارے ریاستی اداروں کی مکمل سرپرستی حاصل رہی جس کا خمیازہ آج قوم بھگت رہی ہے،بدترین آمر جنرل ضیاء کے پالے یہ دہشت گرد آج قائد اور اقبال کے پاکستان کو تباہ کرنے کے درپے ہیں،اقتدار کی نشت میں دھت آمروں نے اپنی کرسی بچانے کے لئے ایسے درندوں کو پالا آج پاکستان میں کوئی مکتبہ فکر و مذاہب کے لوگ محفوظ نہیں،آپریشن ضرب عضب کے نام پر قوم کو بیووقوف بنایا جارہا ہے،پاکستان میں ملت جعفریہ کی نسل کشی میں انہی عناصر کا کلیدی کردار ہے جو کبھی ریاستی اداروں کے منظور نظر تھے،آج علامہ راجہ ناصر عباس جعفری کی احتجاجی تحری کی حمایت میں نہ صرف پاکستان بلکہ دنیا بھر میں بسنے والے پاکستانی سڑکوں پر موجود ہیں،ہم مزید لاشیں اٹھانے کے متحمل نہیں،انشاللہ ہم اپنے مطالبات کی منظوری تک سڑکوں پر رہیں گے اور اپنے پر امن جدوجہد کو جاری رکھیں گے ۔
وحدت نیوز (اسلام آباد) پاکستان تحریک انصاف کے سربراہ عمران خان اپنے اعلی سطح وفد کے ہمراد مجلس وحدت مسلمین پاکستان کے مرکزی سیکرٹری علامہ راجہ ناصر عباس جعفری سے اظہار یکجہتی کیلے ایم ڈبلیو ایم کے احتجاجی بھوک ھڑتالی کیمپ میں تشریف لائے۔جہاں دونوں جماعتوں کے مرکزی رہنماوں کے درمیان مجلس وحدت کے مطالبات اور ملکی صورتحال پہ بات چیت ہوئی۔مجلس وحدت مسلمین کے سربراہ علامہ راجہ ناصر عباس نے عمران خان کو بتایا کہ خیبر پختونخواہ میں پی ٹی آئی کی حکومت کے دوران ہمارے سینکڑوں افراد کو شہید کیا جا چکا ہے۔ مختلف شعبوں کے ماہرین کو ٹارگٹ کلنگ کا نشانہ بنایا جا رہا ہے اور آپ کی حکومت کی طرف سے شیعہ کلنگز میں ملوث دہشت گردوں کے خلاف کوئی مثبت کاروائی نہیں کی جا رہی۔تحریک انصاف کے سربراہ عمران خان نے مجلس وحدت مسلمین کے سربراہ علامہ راجہ ناصر عباس ہمراہ پریس بریفنگ میں کہا کہ مذہب کے نام پر کسی مخصوص مسلک کو ٹارگٹ کرنا ظلم و نا انصافی کی انتہا ہے۔میں خیبر پختوانخواہ میں ہونے والے ان واقعات کی مذمت کرتاہوں اور آپ کے تحفظات دور کرنے کا یقین دلاتا ہوں۔ہم اس معاملے کو اپیکس کمیٹی میں بھی لے کر جائیں گے۔مجھے ان معاملات سے لاعلم رکھا گیا ہے۔
انہوں نے کہا ہماری جماعت کے وزیر شہدا کے گھروں میں جا کر تعزیت کریں گے اس کے ساتھ ساتھ ایم ڈبلیو ایم سے مستقل رابطہ رکھا جائے گا تاکہ دونوں جماعتوں کے درمیان بہترین تعلقات برقرار رہیں۔ انھوں نے گذشتہ 10 سالوں میں خیبر پختونخواہ میں ھونے والے شیعہ نسل کشی کے واقعات پہ افسوس کا اظہار کیا اور قاتلوں کی گرفتاری کے لیے اپنی جماعت کے مکمل تعاون کا یقین دلایا۔۔ اس موقعہ پر علامہ ناصر عباس جعفری نے کہا کہ جس طرح سورن سنگھ کے قتل میں ملوث دہشت گردوں کو گرفتار کر لیا گیا ہے اسی طرح ہمارا مطالبہ ہے کہ ڈیرہ اسماعیل خان اور سانحہ پارہ چنارملوث دہشت گردوں سمیت صوبے بھر میں ملت تشیع کے خلاف ہونے والے واقعات کے ذمہ داران کو فوری گرفتار کیا جائے۔ایک سوال کے جواب میں علامہ ناصر عباس نے کہا کہ ہم عمران خان کی یہاں آمد کا خیرمقدم کرتے ہیں لیکن میری بھوک ہرتال تب تک جاری رہے گی جب تک میرے مطالبات پر عمل درآمد شروع نہیں ہو جاتا۔ ملت تشیع کے خلاف وفاقی حکومت اور پنجاب حکومت کے مظالم کی بھی ایک طویل فہرست ہے۔جب تک یہ نون لیگ ہمارے مطالبات نہیں کرتی تب تک ہمارا احتجاج ختم نہیں ہو گا۔ ہمارا پاس واپسی کا واحد آپشن ہمارے مطالبات کی من و عن منظوری ہے۔ مزید مظالم برداشت نہیں کر سکتے۔ جب تک میری قوم کی سلامتی و تحفظ کے لیے عملی اقدامات نہیں ہوں گے تب تک میری بھوک ہرتال جاری رہے گی چاہے میری روح پرواز کر جائے۔ میرے بچے میرے ساتھی میرے مشن کوآگے بڑھائیں گے۔
وحدت نیوز (اوکاڑہ) مجلس وحدت مسلمین ضلع اوکاڑہ کی ضلعی شوریٰ کا اجلاس امام بارگا ہ سجادیہ دیپالپور میں منعقد ہوا جس میں الیکشن کمیشن کے فرائض مرکزی سیکرٹری جوانان ڈاکٹر محمد یونس صاحب اور صوبائی نمائندے برادر زاہد حسین نے ادا کئے ۔اراکین ضلعی شوریٰ کی اکثریت نے جناب صابر حسین چھچھر کو اگلے تین سالوں کے لئے سیکرٹری جنرل منتخب کر لیا ۔نو منتخب ضلعی سیکرٹری جنرل نے اپنے خطاب میں اس بات کا اعادہ کیا کہ وہ اپنی بھرپور صلاحیتوں کو بروئے کار لاتے ہوئے اگلے تین سالوں میں مجلس وحدت مسلمین ضلع اوکاڑہ کی ترقی کے لئے ہر ممکن کوشش کریں گے ۔
وحدت نیوز(گلگت) وزیر اعظم کا دورہ گلگت پانامہ لیکس سے پڑنے والے ذہنی دباؤ کو کم کرنے کے سوا کچھ نہ تھا۔ وزیر اعلیٰ گلگت بلتستان کے سپاسنامے میں سکردو روڈ کے تعمیر کے مطالبے کو وزیر اعظم نواز شریف نے یکسر نظر انداز کرکے ثابت کردیا کہ موجودہ حکومت بھی سکردو کے عوام کو پیپلز پارٹی حکومت کی طرح پانچ سال ٹرخاکے گزارے گی۔
مجلس وحدت مسلمین گلگت بلتستان کے ترجمان محمد الیاس صدیقی نے اپنے ایک بیان میں کہا کہ گلگت بلتستان کے عوام کو وزیر اعظم کے دورے سے انتہائی مایوسی ہوئی۔حالیہ طوفانی بارشوں سے گلگت بلتستان کا انفراسٹرکچر تباہ و برباد ہوچکا ہے جبکہ عوامی املاک کو بھی ناقابل تلافی نقصان پہنچا ہے۔ قیمتی جانیں ضائع ہوچکی ہیں اور اس تمام صورت حال میں کسی امداد کا اعلان تو درکنار وزیر اعظم نے تسلی کا ایک لفظ بولنا گوارا نہیں کیا۔انہوں نے کہا کہ گلگت بلتستان کا سب سے بڑا ریجن بلتستان جہاں کے عوام روڈ کی خستہ حالی کی وجہ سے پریشان ہیں اور اس روڈ پر سفر کرنا انتہائی اذیت کا باعث بنتا جارہا ہے کی از سر نو تعمیر کے سلسلے میں وزیر اعظم نے خاموش رہ کر عوام کو پیغام دیا کہ ان کی حکومت سکردو روڈ کی تعمیر میں کوئی دلچسپی نہیں لے رہی ہے جبکہ صوبائی وزراء محض اخباری بیانات کے ذریعے سکردو روڈ کی تعمیر کرنے پر لگے ہوئے ہیں۔انہوں نے کہا کہ بلتستان سے تعلق رکھنے والے عوامی نمائندوں کو چاہئے کہ وہ اس صورت حال میں اپنی ذمہ داری ادا کریں اور عوام کو اس اذیت ناک سفر سے نجات دلوانے میں اپنا کردار ادا کریں۔
