The Latest
وحدت نیوز (کراچی) مجلس وحدت مسلمین شعبہ خواتین کی جا نب سے صفورہ چورنگی پر ہونے والے واقعے کی بھرپور مذمت کی گئی اور قاتلوں کو سخت سے سخت سزا دینے کا مطالبہ بھی کیا گیا۔ مرکزی کوآرڈینیٹر شعبہ خواتین مجلس و حدت مسلمین(خانم زہراء نقوی) نے اس افسوس ناک واقعے کی شدید مذمت کرتے ہوئے کہاکہ کراچی سانحہ صفورہ چورنگی ظلم و ستم اور سفاقیت کی بد ترین مثال ہے آج حکمرانوں اور ایوانوں میں بیٹھنے والوں کے منہ پر تماچہ ہے اس درد ناک واقعے کی جتنی مذمت کی جائے کم ہے ہم اس پردرد لمحات میں اپنے متاثرہ بہن بھائیوں کے ساتھ کھڑے ہیں اور حکومت وقت سے مطالبہ کرتے ہیں کے قاتلوں کو جلد از جلد گرفتار کر کے سخت سزا دی جائے۔اسکے علاوہ مجلس وحدت مسلمین صوبہ سندھ شعبہ خواتین کی سیکرٹری جنرل خواہر ہما مہدی نے بھی اس انسانیت سوز واقعے پر اپنے غم وغصّے کا اظہار کرتے ہوئے کہا کہ کراچی شہر میں ٹارگٹ کلنگ کی حالیہ لہر قانون نا فذ کرنے والے اداروں اور حکومت سندھکے بلند و بانگ دعوں پر سوالیہ نشان ہیں۔ہم اس سفاکانہ عمل فعل کی مذمت کرتے ہوئے دکھ کی اس گھڑی میں اسماعیلی برادری کیساتھ اظہار یکجہتی کرتے ہوئے اس میں ملوث عناصر کی گرفتاری اور کالعدم تنظیموں کے خلاف سخت آپریشن کا مطالبہ کرتے ہیں۔جب کہ مجلس وحدت مسلمین شعبہ خواتین خیبر پختونخواہ کی سیکرٹری جنرل خانم راضیہ نے بھی کراچی میں ہونے والے واقعے کی شد ید مذمت کرتے ہوئے اپنے مذمتی بیان میں کہا کہ ایک بار پھر ملک پاکستان کی شہ رگ ،اندھیرے میں ڈوبتے روشنی کے شہر کے کراچی کوبدترین دہشت گردی کا نشانہ بنایا گیا۔یہ حملہ ایسے وقت میں کیا گیاہے جب تمام ملک پہلے سے پے در پے سانحات کا شکار ہے ہر روز لاشیں اٹھائیں جا رہی ہیں اور ہر رعز کہی نہ کہی صفِ ماتم بچھتی ہے ہم حکومت وقت سے مظالبہ کرتے ہیں کہ وقت کی ان یزیدوں کو جلد از جلد گرفتار کر کے کماحقہ سر عام پھانسی دی جائے۔
وحدت نیوز (ملتان) مجلس وحدت مسلمین پاکستان پنجاب کے ڈپتی سیکرٹری جنرل علامہ سید اقتدار حسین نقوی نے گزشتہ روز کراچی میں اسماعیلی برادی کی بس پر ہونے والے حملے کی شدید مذمت کرتے ہوئے کہا کہ پاکستان کے پرامن اور محب وطن شہریوں اور اسماعیلی برادری سے تعلق رکھنے والے بے گناہوں کا خون بہانا کھلی دہشت گردی، وطن سے غداری اور دشمنان وطن کے ناپاک عزائم کی تکمیل کی راہ میں ایک ناپاک جسارت ہے۔ بے گناہ انسانوں اور مسلمانوں کا قتل جہاں وحشت و درندگی کی بدترین مثال ہے، وہاں دنیا جہاں اور مہذب معاشروں میں پاکستانی امیج خراب کرنے کی مذموم کوشش بھی ہے۔ اسماعیلی برادری کے ساتھ غم میں برابر شریک ہیں۔ ایک سال سے جاری آپریشن، بھاری اخراجات اور حکومت کے کھوکھلے دعووں کے باجود روزانہ بے گناہ شہریوں کو قتل کرنا سوالیہ نشان ہے۔علامہ اقتدار نقوی نے کہا کہ جب تک ملکی افواج خیبر ون ٹو اور ضرب عضب کی طرح کراچی میں سیاسی جماعتوں کے عسکری ونگ اور بلاامتیاز کارروائی نہیں کرتی تب تک روشنیوں کے شہر کو روشنیاں لوٹا نے کا خواب پورا نہیں ہو سکتا۔ حکومت کو چاہیے کہ وہ شیعیان پاکستان کا پشاور، کراچی اور کوئٹہ میں قتل عام رکوائے۔ دہشت گردوں کے ساتھ آہنی ہاتھوں سے نمٹنا ہی ملکی استحکام کا ضامن ہے۔
وحدت نیوز(فیصل آباد) مجلس وحدت مسلمین پاکستان فیصل آباد کے ضلعی سیکرٹری جنرل سید افتخار حسین نقوی نے سانحہ کراچی کی مذمت کرتے ہوئے کہا ہے کہ دہشت گردی میں ملوث عناصر کو گرفتار کیا جائے۔ انہوں نے فیصل آباد میں میڈیا سے بات کرتے ہوئے کہا کہ حکومت ملک میں قیام امن کیلئے اقدامات کرے۔ واضح رہے کہ ایم دبلیو ایم کے علاوہ فیصل آباد سے تعلق رکھنے والے دیگر سیاسی اور مذہبی رہنماوں نے بھی کراچی میں ہونے والے سانحہ کی شدید مذمت کرتے ہوئے کہا کہ معصوم شہریوں کو درندگی سے قتل کرنیوالوں کو گرفتار کیا جائے اور انہیں کیفرکردار تک پہنچایا جائے، حکومت ملک میں قیام امن کیلئے عملی اقدامات کرے، دہشت گردوں کے خلاف آپریشن تیز کیا جائے۔
وحدت نیوز ( ملتان) حلقہ پی پی196 ملتان میں ضمنی الیکشن کی تیاریاں عروج پر ہیں، مختلف جماعتوں کے اُمیدوار اپنی الیکشن میں آئے روز جلسے، جلوس اور کارنر میٹنگز میں مصروف ہیں۔ اسی طرح مجلس وحدت مسلمین کے اُمیدوار مہر سخاوت علی بھی اپنی الیکشن مہم میں مگن ہیں اور اُنہیں مختلف علاقوں اور برادریوں کی حمایت حاصل ہو رہی ہے۔ مہر سخاوت علی نوجوان اور نو وارد ہیں۔ محلہ طوطل میں سادات برادری نے مجلس وحدت مسلمین کے اُمیدوار کی مکمل حمایت کا اعلان کیا ہے۔ قبل ازیں اُنہوں نے چوک شاہ عباس میں کارنر میٹنگ سے خطاب کرتے ہوئے کہا کہ مسلم لیگ ن حلقے میں دھاندلی کا منصوبہ رکھتی ہے لیکن ملتان کی عوام 21 مئی کو اسے مسترد کردے گی۔ حکمران جماعت کی جانب سے الیکشن کمیشن کی جانب سے تیارکردہ ضابطہ اخلاق کی دھجیاں اُڑائی جا رہی ہیں۔
وحدت نیوز(حیدر آباد)مجلس و حدت مسلمین کے صوبائی رہنماء عالم کربلائی ،عبد اللہ مطہری،آصف صفوی امتیاز بخاری ،مولانا نشان حیدر ساجدی ناصر حسینی ، حیدر زیدی نے آج کراچی میں اسماعیلی کمیونٹی(شیعہ امامی) کی بس پر ہونے والے دہشتگردی کے حملوں کی پر زور مذمت کرتے ہوئے واقع کو کالعدم تکفیری دہشتگردوں کی صفاک کاروائی قرار دیا، رہنما وں کا کہنا تھا کہ شہر قائد میں جاری دہشتگردی کے روزانہ واقعات روکنے میں قانون نافذ کرنے والے ادارے یکسر ناکام ہو چکے ہیں اور شہر قائد اب تکفیری دہشتگردوں کی محفوط پناہ گاہ بن گیا ہے ،روزانہ کی بنیادوں پر مظلوم عوام کو دہشتگردی کا نشانہ بنایا جاتا ہے جس سے اس ملک و شہر کی دنیا بھر میں بدنامی ہو رہی ہے جبکہ قانون نافذ کرنے والے ادارے اور سندھ حکومت دہشتگردی کے ان واقعات کی صرف رپورٹ طلب کر رہی ہے قاتلوں کے خلاف کوئی کاروائی عمل میں نہیں لائی جارہی جس پر رہنماؤں نے تشویش کا اظہار کیا اور وفاقی و صوبائی حکومت سے مطالبہ کیا کہ 41بے گناہ لوگوں کونشانہ بنانے والے دہشتگرد وں کو فوری گرفتار کرے اور شہر میں موجود کالعدم دہشتگرد جماعتوں کے خلاف فوری کاروائی کی جائے اور ان کے رہنماؤں سمیت شہر و صوبہ بھر میں کھلے ان کے دفاتر کو سیل کیا جائے اور سرکاری سطح پر ان تنظیموں کے نام زرائع ابلاغ میں شائع کرائے جائیں اور شہر میں موجود ان کے رہنماؤں کو گرفتار کر کے ان کی بھی تصوریں پرنٹ و الیکٹرنک میڈیا پر نشر کی جائیں اس کے ساتھ ساتھ ان کے ملک و اسلام دشمن کاموں کو بھی عوامی سطح پر عیاں کیا جائے تاکہ اس شہر سے دہشتگردی کا خاتمہ کیا جاسکے رہنماؤں نے اپنے بیان میں شہید ہونے والے افرادکے لواحقین سے اظہار ہمدردی کی عوام سے واقع میں زخمی ہونے والے افراد کی جلد صیحتیابی کیلئے خصوصی دعا ء کی اپیل کی ہے۔
وحدت نیوز(اسلام آباد) مجلس وحدت مسلمین پاکستان شعبہ تبلیغات کے مرکزی سیکریٹری جنرل علامہ اعجاز بہشتی نے ۴۵ شیعہ اسماعیلیوں کی شہادت پر گہرے دکھ کا اظہار کرتے ہوئے کہا کہ ملک کی ترقی اور خوشحالی میں شیعہ اسماعیلی برادری کا نہایت اہم کردار ہیں ان پر حملہ نہایت افسوسناک اور بزدلانہ کاروائی ہیں جس کی جتنی مذمت کی جائے کم ہے، بے گناہ انسانوں سے جینے کا حق چھینا ظلم ہے اور ہم ہر ظالم کے خلاف اور ہر مظلوم کے حامی ہیں چاہے وہ کسی بھی مکتب فکر سے تعلق رکھتا ہو۔
علامہ اعجاز بہشتی کا مزید کہنا تھا کہ حکومت سندھ اس دہشت گردانہ کاروائی میں دہشت گردوں کے برابر کے شریک ہیں ،حکومت سندھ اور سیکورٹی ادارے پاکستان کے مخلص شہریوں کو سیکورٹی فراہم کرنے میں مکمل ناکام ہو چکی ہیں اگر ان بے ضمیر اور بے حس حکومرانوں میں انسانیت ہوتی تو ان کو فوری مستعفی ہونا چاہئے تھا مگر افسوس کی پینتالیس لاشیں گرنے کے باوجود بھی ان حکمرانوں کو ٹس سے مس بھی نہیں ہوا جو ان کی نالائقی اور بے حسی کا ثبوت ہیں۔
ان کا مزید کہنا تھا کہ جب تک پاک فوج اور سیکورٹی ادارے ان دہشت گردوں کی سر پرستی کرنے والوں کو ختم نہیں کرینگے ان کا صفایا ناممکن ہے، سرزمین پاکستان میں تمام مسلک کے افراد کو جینے کا حق ہے اس ملک کی سلامتی اور خوشحالی میں تمام افراد کا کردار ہیں لہذا تمام افراد کی جان و مال کی حفاظت حکومت کی اولین ترجیح ہونی چاہیے۔
وحدت نیوز (کراچی) مجلس وحدت مسلمین کراچی ڈویثرن کی جانب سے کراچی میں سانحہ صفوراچورنگی اسماعیلی برادری سے اظہار یکجہتی اور دہشتگردی کے خلاف نمائش چورنگی میں احتجاجی مظاہرا اور علامتی دھرنہ دیا گیا جس میں مجلس و حدت مسلمین کے رہنمامولانا احمدقبال ء علامہ مبشر حسن ،علامہ علی انور جعفری ،مولانا احسان دانش،مولانا صادق جعفری،آصف صفوی ،ناصر حسینی حسن ہاشمی ،انجینئر رضا نقوی ،سمیت سنی اتحاد کونسل اور پاکستان عوامی تحریک کے رہنماؤں نے خطاب کیامظاہرے میں شامل شرکا نے نے حکومت اور کالعدم جماعتوں کے خلاف شدید نعرے بازی کی مظاہرے سے خطاب میں ایم ڈبلیو ایم کے رہنمامولاناحمد اقبال کا کہنا تھا کہ شہر کی عوام کب تک اپنے بے گناہ پیاروں کی لاشیں اُٹھائے گی اور شہر کی عوام مقتول بتنی رہے گی کراچی ،کوئٹہ کے اندر دہشتگردی کلے واقعات میں تیزی آگئی ہے ملک دشمن عناصر ایک بار پھر ملک کو عدم استحکام اور بدامنی کی طرف دھکیلنے کے لیے کمر بستہ ہیں ایسی صورتحال میں حکومت اور افواج پاکستان کی طرف سے سخت اور فوری فیصلوں کی ضرورت ہے سعودی سفیر اور امام کعبہ کی کالعدم تنظیموں سے ملاقاتوں کے پس پردہ مقاصد اب کھل کر ظاہر ہونا شروع ہو چکے ہیں انہوں نے کہا حکومت ان امن دشمن قوتوں سے بخوبی آگاہ ہے جو وطن عزیز میں نیشنل ایکشن پلان کوناکام بنانے پر تُلی ہوئی ہیں لیکن انہیں ملکی سلامتی سے زیادہ غیر ملکی آقاوں کی خوشنودی مقدم ہے اس لیے ان عناصرسے دانستہ انجان بنی بیٹھی ہے اگر حکومت ملک سے دہشت گردی کا یقینی خاتمہ چاہتی ہے توملک کی تمام کالعدم تنظیموں کے سربراہان کیخلاف کاروائی کرتے ہوئے ان کی سرگرمیوں کو محدود کرے ملک میں امن ہو جائے گاکالعدم تنظیمیں غیر ملکی ایجنڈے پر عمل پیرا ہو کر ملکی مفادات کو نقصان پہنچا نے میں مصروف ہے۔انہوں نے کہا کہ عالمی میڈیا سمیت بیشتر خبررساں ادارے سعودیہ کو دنیا بھر میں مسلمانوں کے مفادات کے خلاف برسرپیکار دہشت گردوں کا سرپرست قرار دے چکے ہیں ۔پاکستان میں بھی سعودی حکومت کا بھیانک کردار کوئی ڈھکی چھپی بات نہیں۔افواج پاکستان ملک سے دہشت گردی کے خاتمے میں پورے جذبے اور عزم کے ساتھ مگن ہے اس سلسلے میں حکومت کو بھی نیک نیتی کا مظاہرہ کرنا ہو گاسیاسی مصلحتوں کو بالائے طاق رکھتے ہوئے قومی سلامتی کو مقدم رکھنے کی ضرورت ہے مجلس وحدت مسلمین پاکستان ،سنی اتحاد کونسل ا ور پاکستان عوامی تحریک کے رہنماؤں نے کراچی میں پر امن اسماعیلی برادری پر دہشت گردوں کی بربریت سے شہید 45افراد کی شہادت پر افسوس کا اظہار کیا افواج پاکستان سے مطالبہ کیا کہ وہ شہر میں موجود کالعدم جماعتوں کے خلاف آپریشن کریں اور ان کالعدم جماعتوں کے سہولت کاروں کے خلاف بھی آپریشن کیا جائے اوران کے خلاف دہشتگردی کی خصوصی عدالتوں مقدمات چلائیں جائے سانحہ صفورہ میں ملوث دہشتگردوں کی گرفتاری جلد از جلد عمل میں لائی جائے اور ان صفاک دہشتگردوں کو سر عام پھانسی دی جائے اور واقعہ کی شدید مذمت کرتے ہوئے گورنر اور وزیر اعلیٰ سے مستعفی ہونے کا مطالبہ کیا۔
وحدت نیوز(اسلام آباد ) مجلس وحدت مسلمین پاکستان کے مرکزی سیکریٹری سیاسیات سید ناصر شیرازی نے کراچی دہشت گردی کی بھینٹ چڑھنے والی قیمتی انسانی جانوں کے ضیاع پر گہرے غم اور غصے کا اظہار کرتے ہوئے اس سفاکانہ کاروائی کو حکومتی نااہلی اور غفلت قرار دیا ہے۔انہوں نے کراچی میں اسماعیلی رہنماوں سے فون پر تعزیت کا اظہار کرتے ہوے کہا یہ اندوہناک واقعہ چلاس ،لالوسر،شکار پور اور کوئٹہ میں ہونے والے دہشت گردی کے واقعات کا تسلسل ہے۔ ان واقعات پر قابو پانے کے لیے ضروری ہے کہ دہشت گردوں کے سہولت کاروں نجات حاصل کریں۔انہوں نے اسماعیلی رہنماوں سے کہا کہ وہ گلگت بلتستان الیکشن میں ظالموں کے خلاف ہمارا ساتھ دیں تاکہ ان سے چھٹکارا حاصل کیا جا سکے۔ا نہوں نے کہا کہ پاکستان پیپلز پارٹی اور مسلم لیگ نون نے اپنے اقتدار کو مضبوط کرنے کے لیے ہمیشہ ملک دشمن قوتوں کی طرف دوستی کا ہاتھ بڑھائے رکھا اور قومی مفادات پر ذاتی مفادات کو ترجیح دی جس کے نتیجہ میں ہم اس طرح کے سانحات بھگت رہے ہیں۔گلگت بلتستان کے عوام دیکھ لیں کہ مسلم لیگ نون اور پیپلز پارٹی ملکی سلامتی اور امن و امان کے قیام میں مکمل طور پر ناکام ہو چکے ہیں۔دہشت گردوں کے سہولت کاروں سے ان کی دوستیاں عوام کو ان کے پیاروں کی لاشوں کے تحفے دے رہی ہیں۔ہم نے ہمیشہ ملک دشمن عناصر کے خلاف آواز بلند کرتے ہوئے سخت کاروائی کا مطالبہ کیا جب کہ اس کے برعکس حکومتی رویہ میں ان کے لیے ہمدردی اور لچک شروع سے موجود رہی۔ جس سے دہشت گردوں کے حوصلے بلند ہوئے ۔اپنی ان کاروائیوں سے وہ ملک کو اقتصادی بد حالی کی طرف دھکیلنا چاہتے ہیں اور خوف و ہراس کی فضا پیدا کر رہے ہیں۔انہوں نے کہا کہ گلگت بلتستان کے الیکشن میں عوام کو ترقی و خوشحالی سبز باغ دکھانے والے مسلم لیگی رہنماوں کی حقیقت کو سمجھنے کا اب بھی وقت ہے ۔اپنی نسلوں کی بقا اور بچوں کے روشن مستقبل کے لیے یہاں کی عوام نے خود فیصلہ کرنا ہو گا کہ وہ الیکشن میں مسلم لیگ نون اور پیپلز پارٹی کا انتخاب کرتے ہیں جنہوں نے اپنے دور حکومت میں دہشت گردوں کو معاونت و وسائل مہیا کیے یا پھر ملک دشمن عناصر کے خلاف ہر میدان میں ڈٹ جانی مجلس وحدت مسلمین کو اپنے دل کی آواز بناتے ہیں جو ملکی سلامتی اور عوام کے تحفظ کے لیے ملک دشمنوں طاقتوں کے سامنے سیسہ پلائی ہوئی دیوار بن گئی ہے۔
وحدت نیوز (گلگت) ایم ڈبلیوایم کے مرکزی ڈپٹی سیکریٹری علامہ امین شہیدی نے ڈی پی این سے خصوصی گفتگو کرتے ہوئے کہا کہ ہم بھرپور طریقے سے میدان میں آئینگے اس کے بعد ہم بتا دیں گے کہ مجلس وحدت مسلمین ایک بڑی سیاسی جماعت ہے ۔انہوں نے کہا کہ ہم نے گلگت کے تمام حلقوں سے قابل اور پڑھے لکھے امیدواروں کو کھڑاکیا ہے،غیور اہلیان گلگت بلتستان کسی صورت اپنے مینڈیٹ پر ڈاکہ برداشت نہیں کریں گے،انہوں نے کہا کہ عوام مجلس وحدت مسلمین کا ساتھ دینگے کیو نکہ ہم کرپشن اور ظالم حکمرانوں کا احتساب چاہتے ہیں جو کہ وقت کا تقاضہ ہے، انہوں نے کہا کہ ہمارے امیدوار ہر لحاظ سے مظبوط ہیں ہم گلگت بلتستان کو آئینی دھارے میں لانے کے لئے جدوجہد کریں گے اس پہلے بھی کی ہے اور اب بھی بھرپور طریقے سے جدوجہد جاری رکھیں گے ، انہوں نے کہا کہ ہم مظالم وجابر حکمرانوں کے سامنے مظلوموں کی ڈھال بن کرسامنے آئینگے۔
وحدت نیوز(کراچی) مجلس وحدت مسلمین کراچی ڈویثرن کی جانب سے کراچی میں سانحہ صفوراچورنگی اسماعیلی برادری سے اظہار یکجہتی اور دہشتگردی کے خلاف نمائش چورنگی میں احتجاجی مظاہرا اور علامتی دھرنہ دیا گیا ، جبکہ شاہراہ پاکستان انچولی اورجعفر طیارملیر میں احتجاجی ریلیاں نکالی گئیں، جبکہ ایم ڈبلیوایم کے کارکنان نے الاظہر گارڈن کے سامنے مقتولیں کی یاد میں شمع روشن کیں ، جس میں مجلس و حدت مسلمین کے رہنماء علامہ مبشر حسن ،علامہ علی انور جعفری ،مولانا احسان دانش،مولانا صادق جعفری،مولانا محمد عباس مواحدی،حسن ہاشمی ،انجینئر رضا نقوی ،سمیت سنی اتحاد کونسل اور پاکستان عوامی تحریک کے رہنماؤں نے خطاب کیا،مظاہرے میں شامل شرکا نے نے حکومت اور کالعدم جماعتوں کے خلاف شدید نعرے بازی کی مظاہرے سے خطاب میں ایم ڈبلیو ایم کے رہنماء علامہ مبشر حسن کا کہنا تھا کہ شہر کی عوام کب تک اپنے بے گناہ پیاروں کی لاشیں اُٹھائے گی اور شہر کی عوام مقتول بتنی رہے گی کراچی ،کوئٹہ کے اندر دہشتگردی کلے واقعات میں تیزی آگئی ہے ملک دشمن عناصر ایک بار پھر ملک کو عدم استحکام اور بدامنی کی طرف دھکیلنے کے لیے کمر بستہ ہیں ایسی صورتحال میں حکومت اور افواج پاکستان کی طرف سے سخت اور فوری فیصلوں کی ضرورت ہے سعودی سفیر اور امام کعبہ کی کالعدم تنظیموں سے ملاقاتوں کے پس پردہ مقاصد اب کھل کر ظاہر ہونا شروع ہو چکے ہیں انہوں نے کہا حکومت ان امن دشمن قوتوں سے بخوبی آگاہ ہے جو وطن عزیز میں نیشنل ایکشن پلان کوناکام بنانے پر تُلی ہوئی ہیں لیکن انہیں ملکی سلامتی سے زیادہ غیر ملکی آقاوں کی خوشنودی مقدم ہے اس لیے ان عناصرسے دانستہ انجان بنی بیٹھی ہے اگر حکومت ملک سے دہشت گردی کا یقینی خاتمہ چاہتی ہے توملک کی تمام کالعدم تنظیموں کے سربراہان کیخلاف کاروائی کرتے ہوئے ان کی سرگرمیوں کو محدود کرے ملک میں امن ہو جائے گاکالعدم غیر ملکی ایجنڈے پر عمل پیرا ہو کر ملکی مفادات کو نقصان پہنچا نے میں مصروف ہے۔
انہوں نے کہا کہ عالمی میڈیا سمیت بیشتر خبررساں ادارے سعودیہ کو دنیا بھر میں مسلمانوں کے مفادات کے خلاف برسرپیکار دہشت گردوں کا سرپرست قرار دے چکے ہیں ۔پاکستان میں بھی سعودی حکومت کا بھیانک کردار کوئی ڈھکی چھپی بات نہیں۔افواج پاکستان ملک سے دہشت گردی کے خاتمے میں پورے جذبے اور عزم کے ساتھ مگن ہے اس سلسلے میں حکومت کو بھی نیک نیتی کا مظاہرہ کرنا ہو گاسیاسی مصلحتوں کو بالائے طاق رکھتے ہوئے قومی سلامتی کو مقدم رکھنے کی ضرورت ہے مجلس وحدت مسلمین پاکستان ،سنی اتحاد کونسل ا ور پاکستان عوامی تحریک کے رہنماؤں نے کراچی میں پر امن اسماعیلی برادری پر دہشت گردوں کی بربریت سے شہید 45افراد کی شہادت پر افسوس کا اظہار کیا افواج پاکستان سے مطالبہ کیا کہ وہ شہر میں موجود کالعدم جماعتوں کے خلاف آپریشن کریں اور ان کالعدم جماعتوں کے سہولت کاروں کے خلاف بھی آپریشن کیا جائے اوران کے خلاف دہشتگردی کی خصوصی عدالتوں مقدمات چلائیں جائے سانحہ صفورہ میں ملوث دہشتگردوں کی گرفتاری جلد از جلد عمل میں لائی جائے اور ان صفاک دہشتگردوں کو سر عام پھانسی دی جائے اور واقعہ کی شدید مذمت کرتے ہوئے گورنر اور وزیر اعلیٰ سے مستعفی ہونے کا مطالبہ کیا۔
