The Latest
وحدت نیوز (اسلام آباد) مجلس وحدت مسلمین پاکستان کے مرکزی جنرل سیکرٹری علامہ راجہ ناصر عباس جعفری نے یمن میں عالمی دہشت گرد تنظیم داعش کی جانب سے خودکش حملے میں بیسیوں قیمتی جانوں کے ضیاع پر گہرے دکھ کا اظہار کرتے ہوئے اس واقعہ کی شدید مذمت کی ہے ۔انہوں نے کہا کہ داعش کی بربریت میں دن بدن اضافہ ہوتا جا رہا ہے مگر حیران کن امر یہ ہے کہ ان غیر انسانی مظالم کے مرتکب گروہ کے خلاف نہ تو انسانی حقوق کی ٹھکیدار عالمی قوتیں یکجا ہو رہی ہیں اور نہ ہی ہی اسلامی طاقتیں۔آخر وہ کون سی پوشیدہ قوت ہے جو نیٹو افواج سمیت کسی بھی ملک کو داعش کے خلاف پیش قدمی کرنے کی اجازت نہیں دے رہا۔ دراصل عالمی استعماری طاقتیں دین اسلام کے حقیقی تشخص کو تباہ کرنے کے لیے داعش ،طالبان ، النصرہ جیسی بیشتر دیگر تنظیموں کو آلہ کار کے طور پر استعمال کر رہے ہیں۔ اسلام کے نام پر مسلمانوں کوذبح کرنے والے ان تمام عناصر کی مالی و عسکری معاونت سعودی عرب سمیت دیگر خلیجی ریاستیں اور امریکہ کر رہا ہے۔
انہوں نے کہا کہ اپنے ہاتھوں سے تیار کیے ہوئے ان کرائے کے قاتلوں کا رُخ بہت جلد اپنے تخلیق کنندہ قوتوں کی طرف ہو گا۔عالمی امن وامان کے لیے داعش سمیت ان تمام طاقتوں کا خاتمہ انتہائی ضروری ہے جنہوں نے مذہب کے نام پر قتل و غارت کا بازار گرم کر رکھا ہے ۔انہوں نے کہا عالمی قوتوں، اقوام متحدہ، او آئی سی سمیت انسانی حقوق کی عالمی تنظیموں کو چاہیے کہ وہ داعش کے خلاف فوری مشترکہ اور بھرپور کاروائی کر کے ان کے مراکز کا خاتمہ کرے بصورت دیگر اپنے ہاتھوں سے لگائی ہوئی یہ آگ بہت جلد ان کے دامنوں سے بھی لپٹ جائے گی۔
وحدت نیوز (لاہور) پاکستان کی سلامتی،بقا،ترقی اور استحکام کی ضمانت آپریشن ضرب عضب کی کامیابی سے ہی منسلک ہے،ملک دشمن قوتیں اپنے ناپاک ارادوں کی تکمیل کے لئے سر گرم ہیں،ایسے میں ہر محب وطن پاکستانی پر فرض ہے کہ وہ وطن عزیز کی استحکام و قومی سلامتی کے لئے اپنا کردار ادا کرے،ہمارا ازلی دشمن انڈیا آئے روز سرحدوں کی خلاف ورزی کرکے معصوم شہریوں پر بلا جواز شپ خون مارنے کا سلسلہ جاری ہے،بھارت دراصل اپنے پالتودہشت گردوں کو پاک سرزمین پر ملنے والی بد ترین شکست سے بوکھلاہٹ کا شکار ہے،نہتے کشمیریوں پر ظلم انسانی حقوق کی سنگین خلاف ورزیوں اور شدت پسندی نے انڈیا کو عالمی برادری میں تنہائی کا سامنا ہے،ان خیالات کا اظہار مجلس وحدت مسلمین پنجاب کے سیکرٹری جنرل علامہ عبدالخالق اسدی نے صوبائی سیکرٹریٹ میں ورکرز اجلاس سے خطاب میں کیا انہوں نے کہا کہ ملک سے مذہبی،سیاسی،معاشی دہشت گردی کا مکمل خاتمہ ضروری ہے،دہشت گردی کے خلاف جنگ کو پنجاب میں ایک متعصب اور دہشت گردوں کے ہمدرد وزیر کے ایماء پر دہشت گردی سے متاثرہ فریق ملت جعفریہ کی طرف موڑ دیا گیا ہے،دراصل یہ ایک منظم سازش کا حصہ ہے ،اس کا اصل مقصد آپریشن ضرب عضب کو متاثر کرنا ہے،ہم پنجاب حکومت کے ریاستی مظالم ہرگز برداشت نہیں کریں گے،اگر یہ سلسلہ جاری رہا تو پہلے مرحلے میں پنجاب اور دوسرے مرحلے میں ملک بھر میں جیل بھر تحریک شروع کریں گے،انہوں نے کہا کہ دہشت گردی کے خلاف سب سے پہلے ہم نے آواز بلند کی اور ان سے مذاکرات کو پاکستان کی سلامتی کے خلاف دہشت گردوں کے سیاسی سرپرستوں کا ایک سازش قرار دیا جو الحمدللہ آج سچ ثابت ہوئے،آج جہاں بھی ن لیگ کی حکومت ہے چاہے وہ گلگت بلتستان ہو یا پنجاب ملت جعفریہ کے خلاف بھرپور ہدف بنا کر کاروائیاں جاری ہے،ہم اس ملک کے باوفا اور غیرت مند بیٹے ہیں،ہم دشمن اور اس کے آلہ کاروں کی سازش کو سمجھتے ہیں،پاکستان کے ریاستی ادارے اس بات کا نوٹس لیں،ہم نے بیس ہزار سے زائد اپنے پیاروں کو قربان کیا ہماری نسل کشی ہوئی،بسوں سے شناختی کارڈ دیکھ دیکھ کر ہمیں مارا گیا،لیکن ہم نے دشمن کی سازش کو کامیاب نہیں ہونے دی،ہم نے ملکی سلامتی و بقا کو مقدم سمجھا،اپنا جمہوری حق استعمال کرتے ہوئے ملکی تاریخ کا سب سے پرامن اور موثر احتجاج کر کے اپنی مظلومیت کا اعلان کیا،آج ہمارے قاتلوں کے ہمدرد پنجاب حکومت پھر سے انتقامی کاروائیوں میں مصرف ہیں،لیکن ہم ایسے اوچھے ہتھکنڈوں سے مرعوب نہیں ہونگے،علامہ اسدی نے آپریشن ضرب عضب کی کامیابی اور وطن عزیز کی سلامتی و بقا اور شہداء پاکستان کی ایصال ثواب کے لئے ہر ماہ کی پہلی جمعرات ،دعائے کمیل، یعنی یوم دعا منانے کا اعلان بھی کیا لاہور میں آج خواجگان قومی مرکزمیں دعائے کمیل کا روح پرور پروگرام کا انعقاد ہوگا۔
وحدت نیوز (اسلام آباد) مجلس وحدت مسلمین پاکستان کے مرکزی جنرل سیکرٹری علامہ راجہ ناصر عباس جعفری نے کہ ہے کہ دہشت گردی اور کرپشن کے عفریت نے وطن عزیز کے اقتصادی ڈھانچے کو کھوکھلا کر کے رکھ دیا ہے۔ہماری یہ بدقسمتی ہے کہ ان دونوں فصلوں کی آبیاری حکومتی و سرکاری اراکین کرتے رہے۔کرپٹ ا ور دہشت گرد عناصر حکومتی و سیاسی جماعتوں کی گود میں پلتے رہے اور اسلامی دنیا کی پہلی ایٹمی طاقت کو دہشت گردوں کے رحم و کرم پر چھوڑ دیا۔دہشت گردی کے خاتمے میں فوج کا کردار جرات مندانہ ہے ۔حکومت کو چاہییے کہ کرپٹ عناصر کے خلاف آپریشن کے سہرا اپنے گلے میں ڈالے۔ قانون نافذ کرنے والے اداروں کو حکومت کی طرف سے خصوصی ٹاسک دیا جائے اور کرپشن کے خلاف آپریشن کے آغاز وزیر مشیروں ،بیورکریٹس اور سیاسی شخصیات سے کیا جائے۔
انہوں نے کہا کہ گزشتہ روز بلوچستان کے سابق وزیر اعلی اسلم رئیسانی کے ایک سٹاف آفیسر کے گھر نیب کے چھاپے میں کئی کلو سونے اور بیرونی کرنسی کی برآمدگی بہت سارے رازوں کو افشا کر رہی ہے۔ انہوں نے کہا اسلم ریئسانی کے دور حکومت میں کوئٹہ ملت تشیع کی قتل گاہ بنا رہا اور ایک ایک روز میں سو سو جنازے اٹھائے گئے۔یہ لوگ محب وطن نہیں بلکہ یہود و ہنود کے آلہ کار ہیں اور ملکی سلامتی کے منافی سرگرمیوں میں مصروف ہیں۔ ایسے تمام عناصر کو انصاف کے کٹہرے میں لایا جائے۔ملک دشمن سرگرمی میں ملوث شخصیات کو کڑی سزا دی جائے ۔
وحدت نیوز(پاراچنار) سابق سینیٹر اور تحریک حسینی پارا چنار کے سپریم لیڈر علامہ سید عابد حسین الحسینی نے ’’اسلام ٹائمز‘‘ سے خصوصی بات چیت کرتے ہوئے کہا کہ مسلم لیگ نون ملت تشیع کیخلاف انتقامی کارروائیاں فوری طور پر پر بند کرے، بصورت دیگر اگر ملت تشیع نے احتجاج کا راستہ اختیار کیا تو پارا چنار سے کراچی تک نواز شریف کیلئے مشکلات کھڑی ہوجائیں گی۔ انہوں نے مجلس وحدت مسلمین کے مرکزی رہنماء اور معروف عالم دین علامہ امین شہیدی کو بے بنیاد مقدمہ میں پھنسانے کی کوششوں کی شدید الفاظ میں مذمت کرتے ہوئے کہا کہ یہاں عجیب قانون ہے، دہشتگرد آزاد پھرتے ہیں اور اتحاد و وحدت کا درس دینے والوں کیخلاف مقدمات قائم کئے جاتے ہیں، علامہ امین شہیدی کیخلاف مقدمہ کو فوری طور پر واپس لیا جائے۔
ان کا کہنا تھا کہ تکفیری آپسی اختلافات کے باعث ایک دوسرے کو قتل پھر رہے ہیں اور اس کا الزام اہل تشیع پر ڈال دیا جاتا ہے، جو کہ سب کچھ نواز شریف کی ایماء پر دہشتگردوں کی قربت کی وجہ سے کیا جا رہا ہے۔ علامہ عابد حسین نے حکومت کو متنبہ کیا کہ حکومت امن پسندوں اور دہشتگردوں میں تمیز کرے، اور انتقامی روش فوری طور پر ترک کر دے، مسلم لیگ نون کو ان کارروائیوں کا کوئی فائدہ نہیں بلکہ نقصان ہی ہوگا، سعودی ریال کے چکروں میں اہل تشیع کیخلاف کارروائیاں کسی صورت برداشت نہیں کی جائیں گی۔ انہوں نے کہا کہ پنجاب میں گرفتار اہل تشیع کو فوری طور پر رہا کیا جائے اور علامہ امین شہیدی کیخلاف درج بے بنیاد قتل کیس کو ختم کیا جائے، بصورت ملت تشیع اپنے فیصلے کرنے میں آزاد ہے۔
وحدت نیوز (لیہ) مجلس وحدت مسلمین ضلع لیہ کے زیر اہتمام سیلاب متاثرین کے لیے دور دراز علاقہ میں فری میڈیکل کیمپ لگایا گیا، ایم ڈبلیو ایم کے رہنماء مصور عباس کے مطابق دریائے سندھ کے پار ان علاقوں میں جہاں ابھی تک نہ تو کوئی سیاسی جماعت جاسکی ہے اور نہ کوئی فلاحی فاونڈیشن پہنچی، مجلس وحدت مسلمین کے ضلعی سیکرٹری جنرل جمیل خان اپنی ٹیم اور ڈاکٹرز کے ہمراہ وہاں پہنچے اور فری میڈیکل لگایا، جس میں ڈاکٹرز نے مریضوں کا چیک اپ کیا اور فری ادویات تقسیم کیں۔
وحدت نیوز (بنوں) مجلس وحدت مسلمین ضلع بنوں کے سیکرٹری جنرل نوروز علی کربلائی نے جنرل کونسلر کی سیٹ کا حلف اٹھا لیا۔ خیبر پختونخوا میں ہونے والے حالیہ بلدیاتی انتخابات میں انہوں نے شاندار کامیابی حاصل کرنے کے بعد چیئرمین شپ کے لئے بھی الیکشن لڑا، تاہم مخالفین کی جانب سے سخت مخالفت کی گئی اور مختلف ہتھکنڈوں کے ذریعے انہیں دھمکایا گیا۔ انتخابی نشان تسبیح الاٹ کئے جانے کے بعد سازش کے تحت تبدیل کرکے بھٹہ دے دیا گیا۔ وحدت نیوزسے بات کرتے ہوئے سیکرٹری جنرل ایم ڈبلیو ایم بنوں کا کہنا تھا کہ آئندہ انتخابات میں وہ چیئرمین شپ کے بھرپور تیاری کے ساتھ جائیں گے اور جیتیں گے۔
وحدت نیوز (کراچی) مجلس وحدت مسلمین کراچی ضلع ملیر کے اعلیٰ سطحی وفدنے ضلعی سیکریٹری جنرل سید احسن عباس رضوی کی سربراہی میں پاکستان پیپلز پارٹی ضلع ملیر کے صدرعبدالرزاق راجہ سے انکی والدہ کی وفات پر تعزیتی ملاقات کی، وفد میں ایم ڈبلیوایم کے ضلعی رہنما سعید رضا، اسدزیدی، مختارامام اورعارف زیدی شامل تھے،احسن عباس زیدی نےعبدالرزاق راجہ سے انکی والدہ محترمہ کے انتقال پر دلی تعزیت پیش کرتے ہوئے مرحومہ کے ایصال ثواب کیلئے فاتحہ خوانی ودعائے مغفرت کی، جبکہ دونوں رہنماوں کے درمیان جعفرطیار واٹرسپلائی پروجیکٹ اور بلدیاتی انتخابات کے حوالے سے مختصر گفتگو بھی ہوئی، عبدالرزاق راجہ نے ایم ڈبلیوایم کے وفد کا آمد پر شکریہ ادا کیا۔
وحدت نیوز (لاہور) مجلس وحدت مسلمین پاکستان مرکزی سیکریٹری سیاسیات سید ناصرعباس شیرازی نے پیٹرولیم مصنوعات کی قیمت میں مضہکہ خیزکمی پر مرکزی سیکریٹریٹ سے جاری اپنے ایک بیان میں کہا ہے کہ عالمی منڈی میں بے انتہاسستا ہونے کے باوجودپٹرول کی قیمت میں فقط 3روپےکمی عوام کے ساتھ بھونڈا مزاق ہے، اوگراکی جانب سے 7روپے کمی کی سفارت کو 3روپے میں منتقل کرکے حکومت نے بھتہ خوری کا نیاءسلسلہ شروع کردیا ہے، یہ ریلیف نہیں بلکہ غریب عوام کی تذلیل ہے، پٹرولیم مصنوعات کی قیمتوں میں کمی کی خبر عوام کیلئے خوشی کی بجائے تازیانہ بن کر سامنے آئی ہے کیونکہ ظالم حکمرانوں نے گیس کے نرخوں میں اضافہ کر کے گھریلو صارفین، صنعتی مزدور اور کسانوں پر ظلم کیا ہے، گیس کے نرخوں میں اضافہ اور پٹرول کی قیمتوں میں صرف 3 روپے کی کمی سنگین مذاق ہے، عوامی تحریک مطالبہ کرتی ہے کہ پٹرولیم مصنوعات کی قیمتوں میں 10 روپے فی لیٹر کمی کی جائے اور گیس کے نرخوں میں اضافے کو فوری واپس لیا جائے۔
انہوں نے کہا کہ حکمران پٹرولیم مصنوعات کا مصنوعی بحران پیدا کر کے عوام کو لوٹ رہے ہیں، اگر پٹرول بلیک میں 100 روپے لٹر مل سکتا ہے تو سرکاری قیمت پر دستیاب کیوں نہیں؟ انہوں نے کہا کہ عالمی سطح پر پٹرولیم مصنوعات کی قیمتیں 40 ڈالر بیرل سے نیچنے آ گئیں مگر حکومت نے یہ ریلیف عوام کی طرف منتقل نہیں کیا۔ ان کاکہنا تھا کہ ایم ڈبلیوایم 9 ستمبر کو تاجر برادری کے ساتھ مکمل اظہار یکجہتی کرتے ہوئے ہڑتال میں حصہ لے گی۔ناصرشیرازی نے کہا کہ عوام دشمن حکمرانوں نے تاجروں کے خلاف کھلی لوٹ مار شروع کر رکھی ہے۔ انہوں نے یہ مطالبہ بھی کیا کہ متنازعہ ٹیکس فوری طور واپس لیا جائے اور تاجر برادری کے جائز مطالبات تسلیم کئے جائیں۔
وحدت نیوز (اسلام آباد) مجلس وحدت مسلمین پاکستان کے مرکزی جنرل سیکرٹری علامہ راجہ ناصرعباس جعفری نے کہا کہ ملک کو دہشت گردی جیسی لعنت سے چھٹکارا دلانے کے لیے سیاسی قوتوں کو افہام و تفہیم کا مظاہرہ کرنا چاہیے۔پاکستان کی سلامتی و بقا دہشت گردی کے خاتمے سے مشروط ہے۔ حکومت سمیت تمام سیاسی جماعتوں کوملک میں امن امان کے حقیقی قیام کے لیے یکساں کوششوں کی ضرورت ہے۔ دہشت گردی کے خلاف جاری فوجی آپریشن قومی ضرورت اور عوام کی امنگوں کا عکاس ہے۔اس سلسلے میں پاک فوج کے اقدامات کی حمایت نہ کرنا حب الوطنی کے منافی ہے۔ دہشت گرد اور کرپٹ عناصر کے خلاف افواج پاک کی بلاتخصیص کاروائی قانون و انصاف کی بالادستی کا عملی اظہار ہے جسے دنیا بھر میں سراہا جا رہا ہے۔
انہوں نے کہا کہ پنجاب حکومت دہشت گردی کے خلاف جاری آپریشن میں بیلنس کی پالیسی اختیار کر کے بے گناہ افراد کو ہراساں کر رہی ہے جو نیشنل ایکشن پلان کو نقصان پہنچانے کی دانستہ کوشش ہے۔ پنجاب حکومت اپنی صفوں سے دہشت گردوں کی پشت پناہی کرنے اور تفرقہ پھیلانے والے عناصر کو باہر نکالیں۔ ملک اس وقت تاریخ کے نازک ترین دور سے گزر رہا ہے ایسی صورتحال میں قومی سلامتی کو مقدم رکھنے کی ضرورت ہے۔سیاسی جماعتوں کے مابین نزاعی صورتحال دہشت گردی کے خلا فوجی اقدامات کے لیے نقصان دہ ہے۔ وطن عزیز کی سلامتی و استحکام کے لیے افواج پاک داخلی و خارجی محاذوں پر پوری جرات سے برسرپیکار ہے۔یہ وقت باہمی جھگڑوں سے نکل کر ملک دشمن قوتوں کے خلاف باہم ہونے کا ہے۔ انہوں نے کہا کہ امریکہ کی طرف سے ڈو مور کا مطالبہ دہشت گردی کے خلاف جاری کوششوں کو متاثر کرنے کی سازش ہے۔ پاک فوج کو کسی غیر ملکی ڈکٹیشن کی ضرورت نہیں اور وہ دہشت گردی کے مراکز کے خاتمے میں بہترین نتائج حاصل کر رہی ہے۔
وحدت نیوز (سیالکوٹ) ایم ڈبلیو ایم پنجاب کے سیکرٹری جنرل علامہ عبدالخالق اسدی صاحب کا سیالکوٹ میں اسیر مومنین کے گھروں کا دورہ کیا جس میں انکے ہمرا ہ صوبائی کابینہ کے رُکن جناب سجادحسین بیگ و ضلعی کابینہ کے ارکان آغا قیصر نواز (سیکرٹری جنرل) عقیل عباس (قانونی مشیر) محمد یونس (سیکرٹری اطلاعات ) عامر نقوی (سیکرٹری میڈیا سیل ) سید صدا حسین شاہ،حکیم سرور حیدری و دیگر مومنین کے ہمراہ وفد کی صورت میں اسیران کے گھرگئے اور اہل خانہ کے ساتھ اظہار ہمدردی اور رہائی کے لئے دعا کی۔لواحقین کے جذبات کوعشقِ امام علی ؑ اور مشنِ امام حسین ؑ کے لئے اپنے اسیران کی اسیری پرفخر کا اظہار کرتے ہوئے پایا۔علامہ عبدالخالق اسدی نے کہا کہ ہم نیشنل ایکشن پلان کی مکمل حمایت کرتے ہیں مگر میں اس آڑ میں معصوم شہریوں کی گرفتاریوں کی بھر پور مذمت کرتے ہیں اور اگر حکومت نے ہمارے اسیران کو جلد رہا نہ کیا تو بھر پور احتجاج ہوگا جس کا جلد اعلان ہوگا مومنین تیار رہیں ہم اسیران کو رہا کروا کر ہی سکون کا سانس لیں گے۔
