The Latest
وحدت نیوز(کوئٹہ) مجلس وحدت مسلمین کے مرکزی رہنما اور امام جمعہ کوئٹہ علامہ سید ہاشم موسوی نے کہا ہے کہ گلگت بلتستان کے عوام کے جائز مطالبات کا حل نہ ہونا، حکومتی نااہلی کا منہ بولتا ثبوت ہے۔ گلگت بلتستان سمیت پورے پاکستان میں غریب عوام کو اشیائے خورد و نوش پر سبسڈی دی جائے۔ انہوں نے کہا کہ آئے دن پیٹرول سمیت دیگر اشیاء کی قیمتوں میں اضافہ موجودہ حکومت کی عوام دشمن پالیسی کی عکاسی کرتی ہیں۔ جمہوری حکومت کا یہ فرض بنتا ہے کہ وہ عوام کو بنیادی ضروریات زندگی فراہم کرنے کی ہر ممکن کوشش کریں۔ انہوں نے مزید کہا کہ گلگت بلتستان کی محب وطن عوام گذشتہ تین دنوں سے گندم پر سبسڈی ختم کرنے کیخلاف دھرنا دیئے بیٹھے ہیں، لیکن حکومت کی جانب سے کوئی شنوائی نہیں ہو رہی۔ بہترین سیاحتی ثقافت کا حامل یہ علاقہ وطن عزیز کی کئی مشکلات کو حل کر سکتا ہے۔
امام جمعہ کوئٹہ کا مزید کہنا تھا کہ بدقسمتی سے یہ سرزمین بے آئین آج بھی بنیادی حقوق سے محروم ہے۔ نہ یہاں کوئی کشمیر طرز پر آزاد پارلیمان ہے، نہ دیگر صوبوں کی طرح ایک مکمل صوبے کے اختیارات۔ حد تو یہ ہے کہ قبائلی علاقہ جات کو پارلیمنٹ میں حاصل نمائندگی کے جیسا حق بھی اس خطے کے عوام کو حاصل نہیں ہے۔ ستم بالائے ستم یہ ہے کہ گلگت بلتستان کے محروم عوام کو چار دہائیوں سے حاصل گندم کی سبسڈی کے حق کو بھی واپس لینے کا اعلان کردیا گیا ہے، جو سراسر ناانصافی اور ظلم کے مترادف ہے۔ انہوں نے کہا کہ اگر گلگت بلتستان کے عوام کے مطالبے کو نہیں مانا گیا تو کوئٹہ میں بھی بھرپور دھرنا دیا جائے گا۔
وحدت نیوز(پشاور) بحرین میں آل سعود اور آل خلیفہ کی جانب سے آیت اللہ سیستانی کے نمائندے الشیخ حسن نجاتی کو ملک بدر کرنے کے اقدام کی مذمت کرتے ہوئے مجلس وحدت مسلمین پاکستان صوبہ خیبر پختونخوا کے سیکرٹری جنرل علامہ سید سبطین حسینی کا کہنا تھا کہ بحرین کے مظلوم اور ستم رسیدہ عوام گزشتہ کافی عرصہ سے آل سعود اور آل خلیفہ کی بربریت کا شکا ر ہیں۔ گزشتہ کئی دہائیوں سے بحرین کے عوام کے بنیادی انسانی حقوق کو غصب کرتے ہوئے انہیں ظلم کی چکی میں پیسا جارہا ہے۔ بربریت کی تازہ مثال جس میں حضرت آیت اللہ العظمیٰ سید علی سیستانی کے نمائندے الشیخ حسن نجاتی، کہ جو درحقیقت علم و فقاہت کے نمائندے ہیں۔ ہدایت اور روشنی کے اس نمائندے کو آل خلیفہ و سعود نے ملک بدر کیا۔ اس اقدام کا مقصد بحرینی عوام کو علم و فقاہت کی روشنی سے دور کرنا ہے۔ آج کی مہذب دنیا بحرینی عوام کے خلاف ہونے والی ظلم و ستم پر سراپا احتجاج ہے۔ پاکستان اور دنیا بھر میں اس ظلم و ناانصافی کے خلاف آوازیں اٹھائی جارہی ہیں۔ پاکستان عوام بحرینی عوام کے ساتھ ہیں وہ دن دور نہیں جب آل خلیفہ اور آل سعود کی ظلم و جنایت پر مبنی حکومت کا خاتمہ ہوگا اور بحرینی عوام سکھ کا سانس لیں گے۔
وحدت نیوز(ٹیکسلا) اتحاد بین المسلمین وقت کی پکار ہے۔ مسلمانوں کو آپس میں لڑانے والے دشمن کے آلہ کار ہیں۔ مختلف مسالک کو ایک دوسرے کے قریب لانے کے لئے عملی اقدامات کرنا ہوں گے۔ ان خیالات کا اظہار مجلس وحدت مسلمین خیبر پختونخوا کے سیکرٹری جنرل علامہ سبطین حسینی اور جمعیت علماء پاکستان کے رہنما پیر سعید نقشبندی نے ایک ملاقات کے دوران کیا۔ دونوں رہنماؤں نے اس بات پر اتفاق کا اظہار کیا کہ تکفیری عناصر دنیا بھر میں عالم اسلام کے چہرے کو مسخ کر رہے ہیں۔ معصوم انسانوں کی جان لینے کی اجازت دنیا کا کوئی مذہب نہیں دیتا۔ پیر سعید نقشبندی نے کہا کہ صحابہ (رض) اور اولیائے کرام کے مزارات پر حملوں میں ملوث لوگ دشمن کے ایجنڈے پر کاربند ہیں۔ ملاقات میں القائم ٹرسٹ کے چیئرمین علامہ مہدی رضا شیرازی بھی موجود تھے۔
وحدت نیوز(لاہور) مجلس وحدت مسلمین کے مرکزی سیکرٹری سیاسیات سید ناصرعباس شیرازی نے ایم ڈبلیوایم پنجاب سیکریٹریٹ میں علامہ سید شفقت شیرازی، علامہ ابوذر مہدوی،علامہ عبدالخالق اسدی، علامہ اقبال کامرانی، علامہ امتیاز کاظمی اور علامہ حسن رضا کے ساتھ مشترکہ پریس کانفرنس میں کہا کہ گلگت بلتستان کے عوام سے روٹی کا نوالہ چھینا جا رہا ہے، گلگت بلتستان کے عوام کا احتجاج اور دھرنا جاری ہے، لیکن حکومت ٹس سے مس نہیں ہو رہی، اس لئے مجلس وحدت مسلمین نے فیصلہ کیا ہے کہ گلگت بلتستان کے عوام کے حقوق کی بحالی کے لئے ملک گیر مظاہرے کئے جائیں، تاکہ بے حس حکمرانوں تک گلگت بلتستان کے مظلوم عوام کی آواز پہنچ سکے۔ انہوں نے کہا کہ حکومت فوری طور پر گندم کی سبسڈی بحال کرے۔ حکومت کی عوام دشمنی افسوسناک ہے اور گلگت بلتستان کے عوام کو پاکستان سے محبت کی سزا دی جا رہی ہے۔
سید ناصر عباس شیرازی نے کہا کہ گلگت بلتستان کے عوام نے اپنی خوشی سے پاکستان کے ساتھ الحاق کیا تھا اور وہ پاکستان کے شہری ہیں، لیکن حکومت نے اس سرزمین کو جہاں بے آئین رکھ کر ان کا استحصال کیا، وہیں اب گندم کی سبسڈی ختم کرکے وہاں بغاوت پھیلانے کی سازش کی جا رہی ہے۔ انہوں نے کہا کہ بیرونی قوتوں کے ایجنڈے پر عمل پیرا حکمران اس بات سے لاعلم ہیں کہ ان کے اس فیصلے کے کتنے بھیانک نتائج برآمد ہوسکتے ہیں۔ انہوں نے کہا کہ ایسا محسوس ہوتا ہے کہ یہ آئی ایم ایف کا ایجنڈا ہے، جس کے تحت گلگت بلتستان کے عوام کو بھوک و افلاس کا شکار کرکے انہیں بغاوت پر اکسایا جا رہا ہے، تاکہ وہاں بدامنی پیدا ہو اور پاک چین دوستی متاثر ہو، رہنمائوں نے کہا کہ ایم ڈبلیو ایم ملک گیر مظاہرے کرے گی اور ان میں گلگت بلتستان کے عوام کے ساتھ اظہار یکجہتی کیا جائے گا۔
وحدت نیوز(اسلام آباد) مجلس وحدت مسلمین کے مرکزی سیکریٹری جنرل علامہ ناصر عباس جعفری، مرکزی ڈپٹی سیکرٹری جنرل علامہ محمد امین شہیدی،مرکزی ترجمان علامہ سید حسن ظفرنقوی اور مجلس وحدت مسلمین بلوچستان کے رکن صوبائی اسمبلی سید محمد رضا نے اپنے مشترکہ بیان میں سینیئر اینکر پرسن حامد میر پرکراچی میں قاتلانہ حملے کی شدید مذمت کی ہے اورحکومت سے مطالبہ کیا ہے کہ ملوث عناصر کو بے نقاب کیا جائے، حق اور سچ کے راستے میں مجلس وحدت مسلمین آزاد میڈیا کے ہمراہ ہے،رہنماوں نے کہا کہ حامد میر پر حملے کا مقصد آزاد میڈیا کو خاموش کرنیکی سازش ہے۔ کتنے افسوس کی بات ہے کہ اس ملک میں حق اور سچ بات کرنا بھی جرم بن گیا ہے، گذشتہ دنوں اینکر پرسن رضا رومی کو لاہور میں نشانہ بنایا گیا اور آج کراچی میں حامد میر کو، رہنماوں نے حامدمیر کی جلد صحت یابی کیلئے بھی دعا کی ہے ۔
وحدت نیوز (گلگت) عوامی ا یکشن کمیٹی کے مطالبات کے حل ہونے تک دھرنے جاری رہیں گے۔ دھرنوں کو ریاستی طاقت کے ذریعے ختم کروانے کی کوشش کی گئی تو اس کے بھیانک نتائج برآمد ہوں گے۔ ان خیالات کا اظہارمجلس وحدت مسلمین گلگت ڈویژن کے سیکریٹری جنرل علامہ محمد بلال سمائری نے صوبائی کابینہ اور ڈویژنل کابینہ کے مشترکہ اجلاس سے خطاب کے دوران کیا۔ انہوں نے کہا کہ ایکشن کمیٹی کے تمام کے تمام مطالبات جائز اور حقیقت پر مبنی ہیں اور صوبائی حکومت جان بوجھ کر ان مسائل کے حل میں دلچسپی نہیں لے رہی ہے اور اختیارات کا رونا روکر مسائل کے حل سے راہ فرار ڈھونڈ رہے ہیں جس کی ہرگز اجازت نہیں دے جائیگی۔اگر صوبائی حکومت کے پاس سبسڈی کی بحالی کے اختیارات نہیں تو فوراً مستعفی ہوجائے اور عوامی دھرنوں میں شامل ہوجائیں اور اگر ایسا نہ کیا گیا تو گلگت بلتستان کے عوام ان کو شاہی محلات میں چین سے بیٹھنے نہیں دیں گے۔حکومتی اراکین نوشتہ دیوار پڑھ لیں قبل اس کے کہ انہیں گھروں سے کھینچ کر عوامی عدالت میں پیش کیا جائیگا۔
انہوں نے مزید کہا کہ گلگت بلتستان کے عوام مجبوراً سڑکوں پہ نکل آئیں ہیں اور اپنے حقوق لیکر ہی گھروں کو جائینگے۔اب بھی وقت ہے حکومت عوامی مطالبات کے آگے بندھ باندھنے کی بجائے ان کے مطالبات حل کریں ورنہ مجلس وحدت مسلمین پورے پاکستان کی سطح پر بھرپور جدوجہد شروع کرے گی۔انہوں نے کہا کہ ہم اپنے جائز مطالبات سے کبھی دستبردار نہیں ہونگے چاہے دھرنوں کو ایک مہینے تک طول دینا پڑے۔انہوں نے گلگت بلتستان کے عوام سے پر زور اپیل کی کہ وہ ان دھرنوں میں اپنی شرکت کو یقینی بنائیں اور ظالم حکمرانوں کے خلاف صدائے احتجاج بلند کریں۔
وحدت نیوز(قم المقدسہ) مجلس وحدت مسلمین شعبہ قم کے سیکرٹری جنرل حجۃ الاسلام والمسلمین غلام محمد فخرالدین نے مرجع عالی قدر تشیع آیت اللہ العظمٰی سید علی سیستانی دامت برکاتہ کے بحرین میں واقع دفتر پر آل خلیفہ کی آمر حکومت کے ہاتھوں حملہ کی شدید مذمت کرتے ہوئے اس واقعہ کو سنگین اور ناقابل تلافی جرم قرار دیا ہے، علامہ غلام محمد فخرالدین نے آیت اللہ العظمٰی سید علی سیستانی کے وکیل حجتہ السلام حسن النجاتی کی ملک بدری کو انسانی و عالمی حقوق کی سراسر خلاف ورزی قرار دیا۔
وحدت نیوز(قم المقدسہ) مجلس وحدت مسلمین پاکستان کے معاون امور خارجہ حجۃ الاسلام والمسلمین سید محمد تقی شیرازی نے وفد کے ہمراہ آیت اللہ مویدی قمی سے ملاقات کی۔ قم المقدسہ میں ہونیوالی اس ملاقات میں عالم اسلام باالخصوص پاکستان کے مسایل زیر بحث آئے اور مجلس وحدت مسلمین پاکستان کی فعالیت پر بحث و گفتگو ہوئی۔ اس ملاقات میں حجۃ الاسلام والمسلمین سید ملازم نقوی، مجلس وحدت مسلمین قم کے امور اجتماعی کے مسئول حجۃ الاسلام والمسلمین ذوالفقار علی حیدری اور ایم ڈبلیو ایم نجف اشرف کے معاون روابط سید علی نقی شیرازی بھی موجود تھے۔
وحدت نیوز(جعفر آباد) سماجی رہنماء نظر جان بلوچ اور شہنواز خان گولہ کی قیادت میں ایک وفد نے مجلس وحدت مسلمین بلوچستان کے سیکریٹری جنرل علامہ مقصود علی ڈومکی سے ملاقات کی۔ ملاقات میں انہیں ترک حکومت کی جانب سے سیلاب متاثرین کیلئے تعمیر کئے گئے۔ 380 مکانات کی تقسیم میں ہونے والی بےقائدگیوں سے آگاہ کیا۔ اس موقع پر گفتگو کرتے ہوئے علامہ مقصود علی ڈومکی نے کہا کہ ڈپٹی کمشنر جعفر آباد کو چاہیئے کہ وہ بااثر افراد کو نوازنے کے بجائے مستحق افراد تک شفاف انداز میں مکانات کی تقسیم کو یقینی بنائیں۔ ایسے غریب اور مستحق افراد کہ جن کے گھر حالیہ سیلاب میں گرے ہیں اور وہ چھت سے محروم ہیں انکو نظر انداز کرکے بااثر افراد کو مکانات کی الاٹمنٹ غیر منصفانہ اقدام ہوگا۔
وحدت نیوز(اسکردو) عوامی ایکشن کمیٹی کی کال پر یادگار شہداء اسکردو پر جاری دھرنا پانچویں روز میں داخل ہو چکا ہے۔ وقت گزرنے کے ساتھ ساتھ عوامی طاقت میں اضافہ اور دھرنے میں شدت آنے لگی ہے۔ اسوقت یادگار شہداء اسکردو پر 60 ہزار سے زائد عوام مستقل مزاجی کے ساتھ اپنے حقوق کے حصول کے لیے سراپا احتجاج ہیں۔ یادگار شہداء اسکردو تحریر اسکوائر کی صورت اخیتار کر گئی ہے۔ آج علاقہ شگر اور کھرمنگ سے ہزاروں افراد کی آمد نے دھرنے میں جان ڈالی ہے۔مجلس وحدت مسلمین بلتستان کے رہنما علامہ سید علی رضوی ، علامہ زاہد حسین زاہدی ، علامہ احمد علی نوری مسلسل دھرنے میں موجود ہیں ، دوسری طرف صوبائی اور وفاقی حکومت عوام کے مطالبات کو منظور کرنے کی بجائے عوام کا استہزاء کرنے میں مصروف ہے جبکہ عوام مطالبات کی منظوری تک دھرنا جاری رکھنے کے عزم کا اعادہ کر رہی ہے۔
