The Latest
وحدت نیوز(گوڑی سیداں) سیدہ زھرہ ؑ کو یاد کرنے کا مقصد ان کی سیرت کو اپنے لیئے رول ماڈل قرار دینا ہے ، تمام مسلمانوں کے لیئے آئمہ ہدیٰ رول ماڈل ہیں لیکن کیا فضیلت فاطمہ ؑ ہے کہ آئمہ کہتے ہیں کہ ہمارے لیئے لیئے رول ماڈل شہزادی کونین ہیں، زھرا وہ ہستی ہیں کہ پیغمبر ختمی مرتبتؐ جن کے احترام کے لیئے خود کھڑے ہوجایا کرتے تھے، اور وہاں بٹھاتے تھے جہاں خود بیٹھا کرتے تھے، زھراؑ وہ ہستی ہیں کہ گھرمیں خادمہ ہونے کے باوجود ایک دن کا کام خود کرتیں تھیں اور ایک دن خادمہ سے کرواتی تھیں، زہراؑ وہ ہیں جو رحمت اللعالمین ؐ کے لیئے رحمت بن کر آئیں، کل ایمان کے نصف ایمان بن کر آئیں اور جوانان جنت کے لیئے ماں بن کر آئیں۔ان خیالات کا اظہار مجلس وحدت مسلمین آزاد جموں و کشمیر کے سیکریٹری جنرل علامہ تصور جوادی نے گوڑی سیداں میں مجلس شہادت جناب سیدہ زہرا سلام اللہ علیہاسے خطاب کر تے ہوئے کیا ۔
علامہ سید تصور جوادی نے کہا کہ فضیلت زہراؑ لفظوں میں بیان کرنا ناممکن ہے، کیا فضیلت بیان کی جا سکے گی کہ جن کے استقبال کے لیئے خود رسول ؐ آگے بڑھ کر آیا کرتے تھے، انہوں نے کہا کہ زہراؑ کے بیٹے ؑ نے تربیت زہراؑ سے یہ درس مسلمانان جہان کو تحفے میں دیا ہے کہ ظالم چاہے جو بھی ہو، جیسا بھی ہو، جتنا ہی طاقتور کیوں نہ ہو، اس کے سامنے اپنے حقوق کے لیئے ، ملت کے لیئے، دین کے لیئے، اپنی جان کی پرواہ کیئے بغیر آواز بلند کرنا فرض ہے، ظالم کا پیچھا اس وقت تک کیا جانا چاہیے کہ جب تک وہ اپنے انجام کو پہنچ جائے، اس کا ایوان لرز نہ جائے، اس کا ٹھکانہ نیست و نابود نہ جائے، آج وقت کا طاغوت عوام کا خون بہا رہا ہے، بے گناہ عوام کو جہاں چاہے ، جیسے چاہے کی بنیاد پر بے بانگ دہل ذمہ داریاں قبول کرتے ہوئے قتل عام کر رہا،اسلامی ریاست کے نام نہاد حکمران انہیں کھلی چھوٹ دیئے ہوئے ہیں، انہیں مضبوط ہونے کا موقع فراہم کیا جا رہا ہے، مذاکرات کو مذاق رات بنا کر ، ڈرامہ بنا کر ، عوام کی آنکھوں میں دھول جھونک کر ، ڈالر اور ریال کی لالچ میں دوست اسلامی ملک میں نہتے عوام کے قتل عام کے لیئے بھیج رہا ہے ، ہم نے کل بھی ظالم کے خلاف اور مظلوم کی حمایت میں آواز بلند کی تھی ، آج بھی کر رہے ہیں، اور تب تک کرتے رہیں گے جب تک حکمران عوام کے خون کا سودا ترک نہ کردیں، ہوش کے ناخن لیتے ہوئے ظالمان کے خلاف سینہ سپر نہ ہو جائیں، اور پاک سر زمین کو دہشتگردوں سے پاک نہ کر دیں۔
وحدت نیوز(ہٹیاں بالا) مجلس وحدت مسلمین آزاد جموں و کشمیر کے سیکرٹری جنرل علامہ سید تصور حسین نقوی الجوادی نے ایم ڈبلیوایم ہٹیاں بالا کے سیکرٹری مالیات سید واجد حسین ہمدانی کے گھر جا کر ان کے سسر کے انتقال پر اظہار تعزیت کیا، علامہ تصور جوادی کے ہمراہ ریاستی سیکرٹری مالیات سید سجاد حسین، سیکرٹری روابط سید حمید حسین نقوی ، سیکرٹری جنرل ضلع ہٹیاں بالا سید ظہور حسین نقوی و دیگر ضلعی کیبنٹ ممبران تھے، علامہ تصور جوادی نے لواحقین سے اظہار تعزیت کرتے ہوئے مرحوم کی بلندی درجات اور پسمندگان کو صبر جمیل کے حصول کے لئے خصوصی دعا کی۔
وحدت نیوز(بلتستان) مجلس وحدت مسلمین پاکستان کے مرکزی سیکریٹری جنرل ناصر ملت علامہ راجہ ناصرعباس جعفری کے حالیہ دورہ گلگت بلتستان کے دوران چند اخبارات میں شائع ہو نے والی خبریں سیاق وسباق سے ہٹ کر ہیں ، ان خیالات کا اظہار مجلس وحدت مسلمین بلتستان ڈویژن کے سیکریٹری اطلاعات میثم کاظم نے وحدت ہاوس بلتستان سے جاری اپنے وضاحتی بیان میں کیا ۔
ان کا کہناتھا کہ15 حلقوں سے وحدت امیدواروں کے الیکشن لڑنے کی خبر میں کو ئی صداقت نہیں ، ایم ڈبلیو ایم کے آئندہ قانون ساز اسمبلی کے الیکشن میں امیدواروں کو ٹکٹ دینے اور حلقوں کا انتخاب کر نے کا اختیار صوبائی پولیٹیکل کو نسل کے پاس ہےجسے برادرغلام عباس کی سربراہی حاصل ہے،حتمی فیصلہ صوبائی اور مرکزی پولیٹیکل کونسل کے ذمہ داران کریں گے،جب کہ ناصر ملت علامہ راجہ ناصرعباس جعفری کے نام کے زیر گردش بیان جس میں کہا گیا ہے کہ مذہب کے نام پر ووٹ مانگنا جائز نہیں ، یہ بیان بھی صداقت پرمبنی نہیں ، ناصر ملت نے اپنے پورے دورہ بلتستان کے دوران ان طرح کا کو ئی بیان کسی جگہ نہیں دیا۔ میثم کاظم نےمتعلقہ اخبارات کے مدیران سے مطالبہ کیا کہ وہ ان خود ساختہ اور من گھڑت خبروں کی اشاعت پر معزرت کا اظہار کریں ۔
وحدت نیوز(بلتستان) مجلس وحدت مسلمین پاکستان بلتستان ڈویژن کے سیکرٹریٹ میں سانحہ چلاس کی دوسری برسی کی مناسبت سے فاتحہ خوانی کا پروگرام منعقد ہوا جس میں امامیہ اسٹوڈنٹس آرگنائزیشن پاکستان بلتستان ڈویژن کے اراکین اور مجلس وحدت مسلمین پاکستان بلتستان ڈویژن کے اراکین نے شرکت کی۔ برسی کے موقع پر شہداء سانحہ چلاس، شہدائے اسلام اور شہدائے پاکستان کی ایصال ثواب کے لیے فاتحہ خوانی اور ان کے درجات کی بلندی کے لیے دعا مانگی گئی۔ فاتحہ خوانی کی تقریب سے خطاب کرتے ہوئے ڈویژنل سیکرٹری جنرل علامہ علی رضوی نے کہا کہ سانحہ چلاس کو پیش وقوع پذیر ہوئے دو سال کا عرصہ گزر چکا ہے لیکن مجرمین کو گرفتار کرنے میں حکومت مکمل ناکام ہوچکی ہے۔انہوں نے کہا کہ سانحہ چلاس گلگت بلتستان کے عوام کو تقسیم کرنے اور خانہ جنگی کی طرف بڑھانے کی اسلام دشمن طاقتوں کی سازش تھی جسے اس خطے کے غیو ر مسلمانوں نے کامیاب ہونے نہیں دیا۔ انہوں نے کہا کہ سانحہ چلاس، کوہستان اور بابوسر جیسے واقعات امریکی تنظیموں کی سیاہ کاریوں کا نتیجہ ہے۔ انہوں نے مزید کہا کہ گلگت بلتستان میں غیر ملکی ایجنسیاں تفرقہ پھیلانے اور اسلامی اقدار کو ملیامیٹ کرنے کے لیے سرگرم عمل ہے۔ اگر ریاستی ادارے غیر ملکی اداروں کوکھلی چھٹی دے کر رکھے تو دفاعی اہمیت کا حامل خطہ گلگت بلتستان بڑی طاقتوں کا میدان جنگ بن سکتا ہے اورشاہراہ قراقرم پر مزید خونین واقعات پیش آسکتے ہیں۔ اب گلگت بلتستان کے عوام باشعور ہوچکے ہیں اور کس بھی ملک دشمن عناصر کو اس خطے میں تفرقہ پھیلانے نہیں دیں گے۔ اس خطے کے تمام مکاتب فکر وحدت اسلامی کی عظیم لڑی میں پرو چکے ہیں اب کسی قسم کی تقسیم اور سازش کو کامیاب نہیں ہونے دیں اور سب ملکر دہشت گردوں ، ملک دشمنوں اور اسلام دشمنوں سے مقابلہ کریں گے۔
وحدت نیوز(کراچی) مجلس وحدت مسلمین پاکستان کے مرکزی سیکرٹری جنرل علامہ ناصرعباس جعفری نے کہا ہے کہ مبارزہ کی کامیابی یا ناکامی کا دارومدار اس قیام کا راہِ خدا یا راہِ شیطان میں ہونا ہے، ہمارا قیام فقط الٰہی اصولوں کے تحت رضائے الٰہی کے حصول کیلئے ہے، آئمہ کفر کے مقابلے میں مبارزہ تاقیامت جاری رہیگا، ہمیں پاکستان میں عالمی استعماری و استکباری طاقتوں کی بغل بچہ حاکم سیاسی جماعتوں کا بھی مقابلہ کرنا ہے۔ ان خیالات کا اظہار انہوں نے ایم ڈبلیوایم کراچی ڈویژن (شعبہ تربیت) کے تحت مسجد و امام بارگاہ مدینۃ العلم، گلشن اقبال میں منعقدہ ’’معرفت خط امام خمینی (رہ) سیمینار‘‘ کے شرکاء سے خطاب کرتے ہوئے کیا۔ سیمینار سے ایم ڈبلیوایم سندھ کے سیکریٹری جنرل علامہ مختار احمد امامی نے بھی خطاب کیا۔ اس موقع پر مجلس وحدت کے کارکنان اور ذمہ داران نے بھی بڑی تعداد میں شرکت کی۔ اپنے خطاب میں علامہ ناصرعباس جعفری کا کہنا تھا کہ صرف مبارزہ یا قیام کرنا ہی کامیابی نہیں بلکہ کامیابی و ناکامی کا دارومدار اس قیام یا مبارزہ کا راہِ خدا یا راہِ شیطان میں ہونا ہے، دنیا پرست بھی قربانیاں دیتے ہیں، مشکلات اٹھاتے ہیں مگر انکا راستہ شیطان اور ہوا و ہوس پر مبنی ہوتا ہے اور وہ درحقیقت ناکام ہوتے ہیں جبکہ خالص راہ خدا میں قیام یا مبارزہ کرتے ہوئے قربانیاں و مشکلات اٹھانے والے کامیاب ہوتے ہیں۔ انہوں نے مزید کہا کہ ہمارے قیام، ہماری تمام تر فعالیت کا مقصد فقط اور فقط الٰہی اصول و ضوابط کے تحت رضائے الٰہی کا حصول ہونا چاہئیے، ہمارا قیام خدا کیلئے ہونا چاہئیے جو کہ حقیقی معنوں میں کامیابی ہے۔ علامہ ناصر عباس جعفری کا کہنا تھا کہ ہمارے حکمران، سیاسی جماعتیں قیام کرتی ہیں مگر انکا قیام دنیا پرستی کیلئے ہوتا ہے جبکہ راہ خدا میں مبارزہ کرنے والوں کے اہداف و طریقہ کار ان دنیا پرستوں سے یکسر مختلف ہوتے ہیں۔
علامہ ناصر عباس جعفری نے کہا کہ جب سے انسان نے اس دنیا میں قدم رکھا ہے حق و باطل کے درمیان مبارزہ جاری و ساری ہے، جو کہ تاوقت آخر جاری رہے گا، ہماری ذمہ داری مظلوم کی حمایت کرنا اور ظالم سے نبرد آزما ہونا ہے، ہمیں نتیجہ کی فکر کئے بغیر اپنا وظیفہ کو ادا کرنا ہے، ہماری ذمہ داری اپنے کردار کی ادائیگی ہے، امریکا کو، عالمی استعمار کو شکست ہو یا نہ ہو۔ انہوں نے کہا کہ ہم اس شرط پر قیام نہیں کر رہے کہ غالب آنا ہے، نہیں بلکہ ہمیں اپنا وظیفہ انجام دینا ہے چاہے غالب آئیں یا نہیں، ہمارا مبارزہ، ہمارا قیام استعمار کے خلاف ہے، وہ استعمار و استکبار جس نے مستعضفین و محرومین کے حقوق کو غضب کر رکھا ہے۔ مرکزی سیکریٹری جنرل ایم ڈبلیو ایم کا مزید کہنا تھا کہ امام خمینی (رہ) نے ہمارے مبارزہ کو ایک جہت عطا کی ہے اور یہ بتا دیا ہے کہ اس دنیا میں عالمی استعمار و استکبار کا سرپرست امریکا سب سے بڑا شیطان ہے، اب ہماری ذمہ داری ہے کہ ہمیں اس مبارزہ کو جاری و ساری رکھنا ہے، آج شیطان بزرگ امریکا عالمی استعمار و استکبار کا امام و پیشوا ہے، آئمہ کفر کے مقابلے میں مبارزہ تاقیامت جاری رہے گا، ان کے ساتھ دوستی نہیں صرف مبارزہ ہو سکتا ہے، لہٰذا ان کے خلاف اٹھ کھڑا ہونا چاہئیے۔ علامہ ناصر عباس جعفری نے کہا کہ ہمیں امام خمینی (رہ) کا یہ نعرہ یاد ہے کہ امریکا کی نابودی تک جنگ رہیگی جنگ رہیگی، ہم اس نعرے نہ تو بھولے ہیں اور نہ ہی کبھی بھولیں گے، لہٰذا ہمارا عالمی استعمار کے ساتھ ٹکراؤ اس کے خاتمہ تک ختم نہیں ہوگا۔
مرکزی سیکریٹری جنرل ایم ڈبلیو ایم نے کہا کہ تھر پارکر میں لوگ بھوک سے مر رہے ہیں اور موئن جو دڑو میں اربوں روپے رقص و سرور کی محافل میں اڑا دئیے جاتے ہیں، یہی استعماریت و استکباریت ہے، پاکستان میں حاکم سیاسی جماعتیں عالمی استعماری و استکباری طاقتوں کی بغل بچہ ہیں، ہمیں پاکستان میں بھی انکا مقابلہ کرنا ہے۔ علامہ ناصر عباس جعفری نے کہا کہ اگر ہم شیطان بزرگ امریکا کا سَر کچلنے میں کامیاب ہوگئے تو جسم کے باقی حصے خود ہی بے جان ہو جائیں گے۔ انہوں نے مزید کہا کہ ہمیں اٹھ کھڑا ہونا ہوگا، اپنی ہستیوں کو ختم کرنا ہوگا، موت، اسیری، عزت و ناموس کے قربان ہونے کے خوف کو ختم کرنا ہوگا،ہمیں لوگوں کو ناامیدی سے نکالنا ہوگا، مگر یاد رکھنا چاہئیے کہ اس راہ میں آرام نہیں مشکلات ہیں، راستے کٹھن ہیں، اسیری و جلا وطنی ہے۔
وحدت نیوز(کراچی) مملکت خداداد پاکستان کی خارجہ پالیسی ناعاقبت اندیش، شدت پسند اور مخصوص ذہنیت کی حامل قوتوں کی وجہ سے بری طرح متاثر ہو رہی ہے۔ کابل، تہران، دہلی، بیجنگ سمیت خطے کے پڑوسی ممالک پاکستان پر عدم اعتماد کا اظہار کر رہے ہیں، پاکستان پر پڑوسی ممالک کا عدم اعتماد سعودی ریالوں اور امریکی ڈالروں ک تحت ہونے والی کارستانیوں کا نتیجہ ہے۔ ان خیالات کا اظہار مجلس وحدت مسلمین پاکستان کے مرکزی سیکرٹری جنرل علامہ ناصرعباس جعفری نے کراچی میں پریس کانفرنس سے خطاب کرتے ہوئے کیا، اس موقع پر مجلس وحدت مسلمین پاکستان کے رہنما علامہ مختار احمد امامی، علامہ مبشر حسن اور ناصر حسینی سمیت دیگر موجود تھے۔
مجلس وحدت مسلمین پاکستان کے مرکزی سیکرٹری جنرل علامہ راجہ ناصرعباس جعفری کا کہنا تھا کہ پاکستان کے پڑوسی ممالک افغانستان سمیت ایران، چین، بھارت اور دیگر ممالک پاکستان کی سعودی اور امریکی ایما پر بننے والی ناعاقبت اندیش خارجہ پالیسی سے نالاں ہیں، ان کا کہنا تھا کہ نادان حکمرانوں نے ریالوں اور ڈالروں کی بھرمار میں گم ہو کر مملکت خداداد پاکستان کو ناکامی کے دہانے پر لاکھڑا کیا ہے، امریکی جارحانہ پالیسی اور سعودی بادشاہت کے دفاع کی خاطر پاکستان کے نااہل حکمرانوں نے وطن میں بسنے والی محب وطن نسلوں کو گروی رکھ دیا ہے اور پاکستان کی شناخت کو دنیا بھر میں رسوا کیا ہے۔
علامہ ناصر عباس جعفری کا کہنا تھا کہ پاکستان کو محمد علی جناح اور علامہ محمد اقبال کی سوچ پر اسلامی فلاحی ریاست بنانے کے بجائے ہمارے ملک کے موجودہ حکمرانوں نے ایک ناکام ریاست بنا دیا ہے اور امریکی ڈالروں اور سعودی ریالوں کے عوض پاکستان کو مشرق وسطٰی کی جنگ اور آگ میں منفی کردار ادا کرنے کے لئے پیش پیش ہے، جس کی وجہ سے ملت پاکستان گذشتہ تین دہائیوں سے مشکلات اور مصائب کا شکار ہے۔ علامہ ناصر عباس نے کہا کہ حکومت پاکستان کو افغانستان کے عوام اور حکومت سے سبق حاصل کرنا چاہئیے کہ جنہوں نے طالبان دہشت گردوں کی دھمکیوں اور لالچ کے باوجود صدارتی انتخابات میں حصہ لیا اور بڑے پیمانے پر عوام نے اپنے حق رائے دہی کا استعمال کرکے طالبان دہشت گرد قوتوں اور سعودی ایجنڈے کو افغانستان میں ناکام بنا دیا ہے، لیکن افسوس کی بات ہے کہ اسلام کے نام پر پاکستان میں طالبان دہشت گرد معصوم انسانوں کو ذبح کر رہے ہیں اور سعودی ایما پر چلنے والی شریف برادران کی حکومت طالبان دہشت گردوں کے سامنے گھٹنے ٹیکے ہوئے ہے، ان کا کہنا تھا کہ پاکستان کے غیور عوام حکمرانوں کی ناکام اور غلط خارجہ پالیسیوں کی گذشتہ تین دہائیوں سے نشاندہی کر رہے ہیں۔ انہوں نے مزید کہا پاکستان کی غلط خارجہ پالیسیوں کے باعث ہمارا اپنا وطن محفوظ نہیں ہے اور سعودی امداد سے پلنے والے طالبان دہشت گرد پاکستان کو غیر مستحکم کرنے کی بھرپور کوششوں میں مصروف عمل ہیں اور پاکستان کے عوام کو سفاکانہ دہشت گردانہ کاروائیوں کا نشانہ بنا رہے ہیں، ان کا کہنا تھا کہ افسوس ناک صورتحال یہ ہے کہ حکومت پاکستان عوام کی خواہشات اور امنگوں ک ترجمانی کرنے کی بجائے امریکہ اور سعودی عرب کی جانب سے مالی امداد کو ترجیح دے رہی ہے اور اپنے ہی ملک اور عوام کو آگ میں جھونکنے میں مصروف عمل ہے۔
انہوں نے مزید کہا کہ شریف برادران کی حکومت پاکستان کے غریب عوام کے مسائل کے حل کے بجائے دیگر ممالک کے ایجنڈے کو پاکستان میں نافذ کرنے میں مصروف ہے جبکہ دوسری جانب عوام شدید ترین مسائل میں الجھے ہوئے ہیں۔ ان کا کہنا تھا کہ سعودی بادشاہت کو بچانے کے لئے پاکستان میں فرقہ واریت کا نعرہ بلند کیا جا رہا ہے اور اب جبکہ پاکستان کی شیعہ اور سنی عوام مل جل کر باہم ہاتھوں میں ہاتھ ڈال کر وحدت کا نعرہ بلند کر رہی ہے، عین اسی وقت شیعہ سنی بھائی بھائی کا نعرہ بلند ہونے پر بھی ملک دشمن اور اسلام دشمن دہشت گرد قوتوں کو تکلیف محسوس ہو رہی ہے۔ علامہ راجہ ناصر عباس جعفری نے پاکستان مسلم لیگ نواز اور شریف برادران کی حکومت کو متنبہ کرتے ہوئے کہا کہ شریف برادران سعودی حکومت سے ڈیڑھ ارب ڈالر لے کر ملک میں گھناونا کھیل نہ کھیلیں کیونکہ اس سے پاکستان کی جڑیں مزید کمزور ہوں گی، شریف برادران جان لیں کہ پاکستان کی محب وطن قوتیں متحد ہوچکی ہیں اور اب وہ حکمرانوں کو اپنے اقتدار بچانے اور تجوریاں بھرنے کے لئے وطن اور قوم کا سودا نہیں کرنے دیں گے۔
وحدت نیوز(لاہور) مجلس وحدت مسلمین پاکستان کے مرکزی سیکرٹری سیاسیات سید ناصرعباس شیرازی ایڈووکیٹ نے کہا ہے کہ دنیا میں دہشتگردی کے جتنے واقعات ہوئے ہیں کسی میں بھی ملت تشیع شامل نہیں۔ جن علاقوں میں ملت تشیع اکثریت میں ہے وہاں بھی امن قائم ہے۔ انہوں نے پاکستان کی مثال دیتے ہوئے کہا کہ گلگت، بلتستان، پاراچنار کوئٹہ جہاں بھی ملت تشیع اکثریت میں ہیں کسی سے لڑائی نہیں کی اور کسی کو ہم سے خطرہ نہیں ہے، لیکن اہم سوال یہ ہے کہ پھر بھی دنیا میں تشیع کو ہی کیوں ٹارگٹ کیا جا رہا ہے۔ اسرائیل، امریکہ حتی تکفیری گروہ بھی ملت تشیع پر حملہ آور رہتا ہے۔ ایسا کیوں ہے؟ اس لئے کہ ان لوگوں کو تشیع سے وہی دشمنی ہے جو کسی زمانے میں حضرت موسی علیہ السلام سے فرعون کو تھی۔ دنیا میں صرف ایک مکتب ایسا ہے جس کے پاس آئیڈیالوجی ہے۔ جس کے پاس ایک نظریہ ہے، جو عملی طور پر میکنزم رکھتا ہے۔ جس کی بنیاد پر عملی طور پر اظہار کرکے ان عالمی طاقتوں کو شکست دی جا سکتی ہے۔ ان خیالات کا اظہار انہوں نے لاہور میں آئی ایس او کے زیراہتمام طلوع فجر تعلیمی کنونشن سے خطاب کرتے ہوئے کیا۔
سیکریٹری سیاسیات نے کہا کہ دنیا میں قائم تسلط ختم کیا جا سکتا ہے اور یہاں پر اس نظام کی راہ ہموار کی جا سکتی ہے۔ جس کے بارے میں خدا نے قرآن مجید میں وعدہ فرمایا ہے جس سے پوری دنیا پر عدل و انصاف کا پرچم بلند ہو گا۔ دنیا میں جو مکتب اس کا عملی نفاذ کر سکتا ہے وہ مکتب صرف محمد و آل محمد علیھم السلام کا مکتب ہے۔ ناصر عباس شیرازی نے طلباء سے مخاطب ہوتے ہوئے کہا کہ دنیا میں مضبوط ترین آئیڈیالوجی محمد و آل محمد کی آئیڈیالوجی ہے۔ اس آئیڈیالوجی کے ترجمان سرزمین پاکستان پر امامیہ طالبہ ہیں، پاکستان میں آپ کو خطرات درپیش ہیں۔ یہی وجہ ہے کہ ہمارے قتل عام پر نہ کوئی سیاسی پارٹی بولتی ہے نہ حکومت اور نہ ہی ریاستی ادارے بولتے ہیں۔ آرمی اپنے افراد کے قتل پر تو حرکت میں آتی ہے لیکن 100 افراد آپ کے شہید ہوتے ہیں تو کیوں حرکت میں نہیں آتی۔ ہم نے شہید حسینی کے اس خواب کی تعبیر کرنی ہے کہ پاکستان کی فیصلہ سازی کے اندر مکتب اہل بیت علیھم السلام کی شمولیت کے بغیر نہ تو اقتصادی فیصلے ہو سکیں اور نہ سیاسی فیصلے۔ شہید کے خواب کی تعبیر میں آئی ایس او پاکستان کے نوجوان بہتر رول پلے کر سکتے ہیں۔
وحدت نیوز(اسلام آباد) مجلس وحدت مسلمین پاکستان کے شعبہ قانون وحدت لائرز فورم کے انچارج سیدین زیدی ایڈووکیٹ نے سانحہ راولپنڈی کیس میں ضمانت پر رہا 21بے گناہ مومنین کی 16 ایم پی او کے تحت نظر بندی ہائی کورٹ میں چیلنج کر نے کا اعلان کرتے ہوئے کہا ہے کہ بے گناہ جوانوں کو رہائی کے بعد 16 ایم پی او کے تحت نظر بندکر نا انتہائی ظالمانہ اقدام ہے، پنجاب حکومت اپنی نا اہلی پر پرد ہ ڈالنے کے لئے مسلسل اوچھے ہتھکنڈے استعمال کر رہی ہے، اب تک تحقیقاتی کمیشن کی رپورٹ کو منظر عام نہیں لا یا گیا جس سے حکومت کی بد نیتی واضح ہو تی ہے ، سانحہ راجہ بازار کیس میں ملوث تکفیری دہشت گردوں کے خلاف کسی بھی کاروائی کا نہ ہو نا اور مسلسل شیعہ مکتب فکر کے جوانوں کو پابند سلاسل رکھنا پنجاب حکومت کی شیعہ دشمنی ظاہر کر تا ہے ، گذشتہ دنوں وحدت لائرز فورم اور خانوادہ اسیران کی مشترکہ کوششوں سے رہائی پانے والے 21بے گناہ اسیروں کو تعصب کی بنیاد پر 16ایم پی او کی تحت نظر بند کر دیا گیا ہے جس کی ہم پرزور مذمت کر تے ہیں ، وحدت لائرز فورم مظلوموں کو انصاف دلانے کے کیلئے کسی بھی عدالت کا دروازہ کھٹکٹانے سے گریز نہیں کر ے گی، انشاء جلد وحدت لائرزفورم اسلام آباد ہائی کورٹ میں21 بے گناہ مومنین کی16 ایم پی او کے تحت نظر بندیکو چیلنج کر نے کے لئے درخواست جمع کر وائے گا۔
وحدت نیوز(کراچی) ملک بھر میں طالبان دہشتگردوں کو مضبوط کیا جا رہا ہے، نواز حکومت غیر ملکی ایماء پر کٹھ پتلی کا رول ادا کر رہی ہے، امریکی وعرب ممالک کا ساتھ دیکر طالبان کے کمزور ڈھانچے میں روح پھونکی جا رہی ہے، وفاقی و صوبائی حکومت کا ایجنڈہ عوام کو لولی پوپ دیکر اپنی حکمرانی قائم رکھنا ہے، طالبان اس نام نہاد جمہوری دور میں آمرانہ اور بدترین بادشاہت کی مثال قائم کر رہے ہیں، عدالتی کاروائی کے بغیر طالبان کی رہائی سے حکومت نے دہشت گردوں کی سرپرستی کا عملی ثبوت دے دیا۔ان خیالات کا اظہار مجلس وحدت مسلمین صوبہ سندھ کے سیکریٹری جنرل علامہ مختاراحمد امامی نے ایم ڈبلیوایم ضلع ملیر کراچی کے زیر اہتمام امام بارگاہ محمد وآل محمد (ص) عوامی کالونی میں مجلس عزا سے خطاب کر تے ہو ئے کیا۔
ان کاکہنا تھا کہ نواز لیگ اس نام نہاد جمہوری دور میں آمرانہ اور بد ترین بادشاہت کی مثال قائم کر رہی ہے ، طالبان قیدیوں کو بغیر عدالتی کاروائی کے چھوڑنا حکمرانوں کی آمرانہ ذہنیت کی عکاسی کرتا ہے لیکن حکمرانوں کو یاد رکھنا چاہیئے کہ حکومتیں ناانصافی اور ظلم سے نہیں چل سکتیں، بغیر عدالتی عمل کے ملزموں کو چھوڑ دینے سے دہشت گردوں کی حوصلہ افزائی ہورہی ہے۔
علامہ مختار امامی کا کہنا تھا کہ وفاقی و صوبائی حکومتوں کی جانب سے آخر عوام کو کب تک بے وقوف بنایا جائے گا، جنگ بندی کے نام پر طالبان کو دوبارہ مضبوط کیا جا رہا ہے اور دوسری جانب صوبہ سندھ میں بھی انتظامیہ ایسی غیر ملکی پالیسی پر عمل پیرا ہوتے ہوئے دہشتگردوں کے خلاف آپریشن کے جھوٹے دعوے کررہی ہے جبکہ شہر کراچی میں ٹارگٹ کلنگ کا سلسلہ جاری ہے اور شہر میں دہشتگردوں کا ایک منظم نیٹ ورک شہر کے امن کو تباہ کر رہا ہے جس کے خلاف قانون نافذ کرنے والے اداروں کی جانب سے کوئی کاروائی نہیں ہوتی۔ علامہ مختار امامی نے چیف جسٹس آف پاکستان سے مطالبہ کیا کہ وہ ہزاروں بے گناہ پاکستانیوں کے قاتل طالبان دہشت گردوں کو چھوڑنے کے واقعہ کے خلاف وزیراعظم اور وزیر داخلہ کے خلاف سوموٹو ایکشن لیں اور اس بات کو یقینی بنائیں کہ عدالت کے کٹہرے میں ہر ملزم پہنچے جبکہ صوبہ سندھ میں بڑھتی ہوئی کالعدم تنظیموں فعالیت کو بھی دوبارہ پابندی لگا کر ختم کرے۔
وحدت نیوز(کراچی) مجلس وحدت مسلمین صوبہ سندھ کے سیکریٹری جنرل علامہ مختار احمد امامی نے صوبائی ڈپٹی سیکریٹری جنرل عالم کربلائی، صوبائی سیکریٹری مالیات حیدر زیدی اور صوبائی سیکریٹری اطلاعات آصف صفوی کے ہمراہ وحدت ہائوس ملیر میں ایم ڈبلیوایم ضلع ملیر کی کابینہ اور یونٹس کے ممبران سے ملاقات کی ، علامہ مختار امامی نے سیرت جناب فاطمہ س کی روشنی میں مجلس وحدت کے کردار پر بھی گفتگو کی اور قومی اور بین الاقوامی صورتحال پر بھی تفصیلی بات چیت کی۔ اس موقع پر ضلعی سیکریٹری جنرل احسن عباس رضوی نے معزز مہمانان گرامی کا ان کی آمد پر شکریہ ادا کیا، ضلعی ڈپٹی سیکریٹری جنرل ثمرعباس زیدی ، سیکریٹری سیاسیات حسن عباس ، سیکریٹری تعلیم پروفیسر آصف نقوی ، سیکریٹری روابط سعید رضااور پولیٹیکل کونسل کے رکن ڈاکٹر حسن جعفربھی موجود تھے۔
