The Latest
مجلس وحدت مسلمین ضلع ہنگو کے سیکرٹری جنرل علامہ ارشاد علی نے کہا ہے کہ ایم ڈبلیو ایم نے تبدیلی کی بنیاد رکھ دی ہے، آئندہ الیکشن میں اچھے نتائج کیلئے پرامید ہیں۔ ۔ ایک سوال کے جواب میں ان کا کہنا تھا کہ یہ الیکشن ہمارے لئے بحیثیت پاکستانی اور ملت تشیع انتہائی اہم ہے۔ جس طرح ملت کی توقعات مجلس وحدت مسلمین سے بڑھ رہی ہیں، اسی طرح ہماری ذمہ داریوں میں بھی اضافہ ہو رہا ہے۔ انہوں نے کہا کہ ہم اللہ تعالٰی سے دعا گو ہیں کہ وہ انشاء اللہ ہمارے قائدین کی پرخلوص زحمتوں اور کارکنوں کے جوش و خروش کے نتیجے میں ہمیں توقعات سے بڑھ کر کامیابی دے گا۔ انہوں نے کہا کہ ہم کسی صورت میں دہشتگردوں اور منفی سوچ رکھنے والوں کو ایوانوں میں نہیں آنے دیں گے۔ ہم اپنے سنی بھائیوں کیساتھ ملکر ملک میں امن و امان کے قیام کیلئے کوششیں کریں گے۔ ہم نے تبدیلی کی بنیاد رکھ دی ہے، اور اچھے نتائج کیلئے پرامید ہیں۔
وحدت نیوز (لاہور) مجلس وحدت مسلمین پاکستان کے سیکرٹری سیاسیاست سید ناصر عباس شیرازی نے پارٹی کا سیاسی منشور پیش کرتے ہوئے کہا کہ امن، انسانیت اور وحدت ہمارا منشور اور اسلام کے عادلانہ نظام کا قیام ہماری منزل ہے۔ ان خیالات کا اظہار انہوں نے مجلس وحدت مسلمین کے پنجاب سیکرٹریٹ میں پرہجوم نیوز کانفرنس سے خطاب کرتے ہوئے کیا۔ اس موقع پر مجلس وحدت کے مرکزی ترجمان علامہ حسن ظفر نقوی، علامہ ابوذر مہدوی، آقائے باقری، مولانا نعیم الحسن، مولانا اقبال کامرانی، علی شیر انصاری، علامہ حسنین جعفر، سید اخلاق الحسن شاہ، مہدی حسن کاظمی اور عارف حسین قنبری بھی موجود تھے۔
وحدت نیوز (کراچی) شہدائے ملت جعفریہ کے خونِ ناحق کےخراج کا وقت نزدیک آرہا ہے، شیعیان پاکستان 11 مئی کو اپنی تقدیر خود اپنے ہاتھوں سے لکھیں گے۔ ان خیالات کا اظہار مرکزی سیکریٹری امور جوانان علامہ شیخ اعجاز حسین بہشتی نے ضلعی سیکریٹریٹ ایم ڈبلیو ایم ملیر کےدورہ کے موقع پر کارکنان سے خطاب کر تے ہوئے کیا۔
بھر پور سیاسی کردار ادا کرنے کے لیے ہمیں عوام کے مسائل میں گہری دلچسپی لینی ہوگی ایم ڈبلیو ایم اپنے کارکنان کو نظریے کی سیاست اور عوامی و الٰہی خدمت گار بنانا چاہتی ہے۔کوٹ بھائی خان میں جامع مسجد نبی یوسف ؑ کا افتاح عوام اور خواص کی کثیر تعداد شریک
کوٹ بھائی خان سرگودھا میں خیرالعمل فاونڈیشن کے زیر نگرانی مکمل ہونے والی جامع مسجد نبی یوسف علیہ سلام کے افتتاح کے موقع پر نماز ظہرین کی ادائیگی کے بعد اجتماع سے خطاب کرتے ہوئے مجلس وحدت مسلمین پاکستان کے مرکزی سیکرٹری فلاح بہبود برادر نثار علی فیضی نے کہا کہ عوام کی خدمت اور وطن کا استحکام ہماری طاقت میں مضمر ہے ۔ مجلس وحدت مسلمین پاکستان کو مسائل سے نکالنے کے لیے اپنا بھر پور سیاسی کردار ادا کرے گی۔
جہلم میں یوتھ کنونشن منعقد کیا گیا جس میں مرکزی سیکرٹری جنرل علامہ راجہ ناصر عباس جعفری اور ایم ڈبلیو ایم کے مرکزی وفد نے شرکت
کی پروگرام میں ایک بڑی تعداداہل علاقہ اور دیگر مکاتب فکر کی عوام اور علماکئے کرام نے بھی شرکت کی علامہ ناصر عباس جعفری نے خصوصی خطاب کیا۔ کنونشن میں بڑی تعداد میں عوام بلخصوص خواتین بھی موجود تھیں۔ اس موقع پر مجلس وحدت مسلمین شعبہ خواتین کی مرکزی سیکرٹری جنرل سکینہ مہدوی نے بھی خطاب کیا۔
مجلس وحدت مسلمین ضلع بھکر کے سیکرٹری جنرل سفیر حسین شہانی نے کہا ہے کہ ضلع میں انتخابی سرگرمیاں بھرپور انداز میں جاری ہیں، اور انشاءاللہ ایم ڈبلیو ایم کو کامیابی نصیب ہوگی۔ ان خیالات کا اظہار انہوں نے آئندہ انتخابات کی تیاریوں کے حوالے سے میڈیا کیساتھ بات چیت کرتے ہوئے کیا۔ ان کا کہنا تھا کہ ضلع بھکر کے قومی اسمبلی کے حلقہ این اے 73 سے مجلس وحدت مسلمین کے امیدوار احسان اللہ خان الیکشن لڑ رہے ہیں، اس حلقہ سے ہماراکوئی اورامیدوار نہیں ہے، لہذا انہیں بھرپور حمایت حاصل ہے۔ انہوں نے بتایا کہ انتخابی سرگرمیان انتہائی جوش و خروش سے جاری ہیں، اور اس سلسلے میں ہماری ضلعی کابینہ کے علاوہ شعبہ خواتین بھی بھرپور طریقہ سے فعال ہے اور جگہ جگہ عوام سے ملاقاتوں اور نشستوں کا سلسلہ جاری ہے۔ انہوں نے کہا کہ قومی اسمبلی کے اس حلقہ سے مجلس وحدت مسلمین کے امیدوار احسان اللہ خان کی کامیابی کیلئے بھرپور کوششیں کی جا رہی ہیں، اور انشاءاللہ بہت بہتر نتائج برآمد ہوں گے۔
وحدت نیوز (کراچی) مجلس وحدت مسلمین پاکستان کراچی ڈویژن کے سیکریٹری جنرل علامہ صادق رضا تقوی نے جعفریہ الائنس پاکستان کے سربراہ علامہ عباس کمیلی سے ان کی رہائش گاہ پر ملاقات کی۔ اس موقع پر دونوں رہنماؤں نے ملکی صورتحال بالخصوص عام انتخابات کے حوالے سے ملت جعفریہ میں پائے جانے والے جوش و خروش کے حوالے سے تفصیلی تبادلہ خیال کیا گیا۔ دونوں رہنماؤں نے کراچی میں شیعہ افراد کی ٹارگٹ کلنگ پر گہری تشویش کا اظہار کرتے ہوئے اسے سیکورٹی اداروں کی ناکامی قرار دیا۔ بعدازاں ایم ڈبلیو ایم کراچی کے سیکریٹری جنرل نے علامہ عباس کمیلی کو 21 اپریل کو نشتر پارک میں منعقد کی جانے والی ’’ لبیک یا حسین (ع) کانفرنس ‘‘ کا دعوت نامہ بھی پیش کیا۔
وحدت نیوز (لاہور) مجلس وحدت مسلمین پاکستان کے انتخابی منشور کا اعلان آج صوبائی سیکرٹریٹ لاہور میں کیا جائیگا۔ مرکزی سیکرٹری سیاسیات ناصر عباس شیرازی علماء کے وفد کے ہمراہ پرہجوم پریس کانفرنس میں ایم ڈبلیو ایم کا سیاسی منشور پیش کریں گے۔
وحدت نیوز (کراچی) لبیک یاحسین (ع) کانفرنس دہشت گردی کے خاتمے کے لئے سنگ میل ثابت ہوگی، پاکستان کے شیعہ و سنی متحد ہیں اور دہشت گردوں اور ان کے سرپرست امریکہ و اسرائیل کی ہر سازش کو ناکام بنائیں گے۔ ان خیالات کا اظہار مجلس وحدت مسلمین پاکستان کراچی ڈویژن کے سیکرٹری جنرل علامہ صادق رضا تقوی نے امام بارگاہ علی رضا (ع) میں پریس کانفرنس سے خطاب کرتے ہوئے کیا۔ اس موقع پر ان کے ہمراہ علامہ اعجاز بہشتی، علامہ علی انور جعفری، علامہ محمد حسین کریمی و دیگر بھی موجود تھے۔
عوامی مسلم لیگ کے سربراہ شیخ رشید نے گذشتہ شب مجلس وحدت مسلمین کے مرکزی ڈپٹی سیکرٹری جنرل علامہ محمد امین شہیدی سے وحدت سیکرٹریٹ میں ملاقات کی اور ملکی صورتحال سمیت آئندہ عام انتخابات کے حوالے سے تبادلہ خیال کیا۔ اس موقع پر ایم ڈبلیو ایم ضلع راولپنڈی کے سیکرٹری جنرل فدا حسین، مسرور نقوی، میڈیا کوآرڈینیٹر سید حسین زیدی، ایم ڈبلیو ایم کے این اے 55 کے نامزد امیدوار سعید رضوی اور این اے 48 کے نامزد امیدوار علامہ محمد اصغر عسکری بھی موجود تھے۔ شیخ رشید نے علامہ محمد امین شہیدی سے این اے 55 میں مجلس وحدت کے امیدوار کو اپنے حق میں بیٹھانے کی درخواست کی، اس پر علامہ امین شہیدی نے کہا کہ اس کا فیصلہ سیاسی کونسل ہی کریگی۔ علامہ امین شہیدی کا شیخ رشید سے کہنا تھا کہ حلقے کے عوام آپ سے ناراض ہیں۔ سانحہ کوئٹہ ہوا، سانحہ علمدار ہوا، سانحہ عباس ٹاؤں ہوا، اسی طرح گلگت کے واقعات ہوئے اور پاراچنار کا ایشو کھڑا ہوا، لیکن آپ کہیں پر نظر نہیں آئے۔ عوام آپ سے یہ توقع ہرگز نہیں کرتے تھے