The Latest
وحدت نیوز(اسلام آباد) خیرالعمل ویلفیئر اینڈ ڈولپمنٹ ٹرسٹ شعبہ ویلفیئرمجلس وحدت مسلمین کی جانب سے المصطفیٰ اسکول کے ایتام میں موسمی لباس تقسیم کیئے، اس موقع پربچوں نے انتہائی مسرت کا اظہار کیا، لبا س کی تقسیم ٹرسٹ کے رکن رضا علی اور ارشاد بنگش اور المصطفیٰ اسکول کے ڈائریکٹر ملک اقرار حسین کے ہاتھوں انجام پائی، اس موقع پر خطاب کرتے ہوئے ملک اقرار حسین نے کہا کہ ہم خیر العمل ویلفئیر اینڈ ڈویلپمنٹ ٹرسٹ پاکستان اور انکی ٹیم کے شکرگذار ہیں کہ انہوں نے المصطفیٰ سکول کے ایتام کو موسمی لباس کا ہدیہ عنایت کیا،ہم ٹرسٹ کی ترقی کےلئے دعاگو ہیں اور امیدوار ہیں کہ آئندہ بھی خدمت ایتام کا یہ خوبصورت عمل جاری و ساری رہے گا،ہم ٹرسٹ کے توسط سے ہیت امام حسین کویت کے بھی شکرگذار ہیں۔
وحدت نیوز(کراچی) مجلس وحدت مسلمین کراچی ڈویژن آفیس میں مجلس وحدت مسلمین شعبہ خواتین کی21 مئ 2017نشترپارک میں ہونے والی استحکام پاکستان و امام زمانہ عج کانفرنس کے انتظامی امور کے حوالے سے ایک اہم میٹنگ مرکزی ڈپٹی سیکریٹری جنرل علامہ احمد اقبال رضوی اور مہدی عابدی کے ساتھ ہوئی جسمیں مجلس وحدت مسلمین شعبہ خواتین کراچی ڈویژن کی تمام مسؤلین و ذمہ داران نے شرکت کی۔میٹنگ میں مجلس وحدت مسلمین شعبہ خواتین کی مرکزی ڈپٹی سیکرٹری جنرل خواہر سیدہ بنین اور مرکزی میڈیا سیکرٹری خواہر سیدہ ثنا جمیل عابدی نے شرکت کی۔جسمیں استحکام پاکستان و امام مہدی عج کانفرنس کے انتظامی امور کے متعلق نہایت اہم نکات پر تبادلہ خیال کیا گیااور مختلف انتظامی نظم و ضبط کے حوالے سے گروپ تشکیل دئے گئے۔اسکے علاوہ کراچی اور سندھ میں جاری عوامی رابطہ مہم کے حوالے تفصیلی گفتگو ہوئی۔
مرکزی ڈپٹی سیکرٹری جنرل علامہ احمد اقبال رضوی نے شعبہ خواتین کے سامنے کانفرنس کے منعقد کرنے کی اہم وجوہات بیان کی آپ کا کہنا تھا کہ پاکستان میں اس وقت موجودہ حالات اس بات کا ثبوت ہیں کے پاکستان میں ملت تشیع کو ظلم و جبر کے ذریعے دیوار سے لگانے کی بھرپور کوشش کی جارہی ہے کیونکہ یہ طاغوتی طاقتیں جانتی ہیں کہ پاکستان میں ملت تشیع نے ہمیشہ دنیا میں ہونے والے ہر ظلم کے خلاف چاہئے اپنی آواز بلند کی اب وہ ظلم چاہئے برما ہو یاافغانستان، فلسطین ہو یا کشمیر، شام ہو یا یمن ہم نے ہمیشہ اپنی آواز بلند کی خاموشی اختیار نہیں کی انتظار نہیں کیا کے کوئی اور بھی ساتھ آئے تو اٹھا جائے نہیں بلکے سب سے پہلے لبیک کہا۔لہذا اس وقت عالمی دہشت گرد امریکہ و اسرائیل ہم سے وخوفزادہ ہے۔اب جبکہ نیشنل ایکشن پلان کی آڑ میں کبھی وہ ہمارے جوانوں کو بلاجواز گرفتار کرکے نامعلوم مقام پر کافی عرصے کےلئے غائب کر دیتے ہیں اور اس پر ظلم و نا انصافی کا عالم یہ ہے کے اہل خانہ کو نا ہی کچھ بتایا جاتا ہے نہ ہی ملنے دیا جاتا ہے جب کہ آئے دن ہمیں ہی ٹارگٹ کلنگ کا نشانہ بنایا جا رہا یے۔عزاداری کو محدود کرنے کی کوشش کی جارہی ہے ہمارے ہی بانیان عزاء کے خلاف جھوٹی آف آئی آر کاٹی جا رہی ہے ہمارے ہی علماء پرنیشنل ایکشن پلان کے نام پر پابندں لگائی جارہی ہیں در حقیقت یہ سب ایک سوچی سمجھی سازش کے تحت کیا جا رہا ہے تاکہ ہماری توجہ اس وقت ہونے والی ایک بہت بڑی سازیش کی طرف سے مبذول نا کرائی جا سکے جیسا کہ ابھی حال ہی میں سعودیہ کی طرف سے بن سلیمان کے بیان سے آل سعود کے اصل مقاصد دنیا کے سامنے آشکار ہوگئے جس میں انھوں نےاپنے واضع الفاظ میں اپنے بیان میں کہا کہ "ہم شیعوں سے کبھی تعلقات نہیں رکھ سکتے کیوں کے وہ امام مہدی عج کے ظہور کے منتظر اور ان کی عالمی حکومت کے قیام کیلئے کوشاں ہیں ،اس بیان نے تمام مسلمانان جہاں کے احساسات کو بہت بری طرح مجروح کیا ہے کیونکہ امام زمانہ عج صرف مکتب تشیع کے ہی امام بر حق نہیں اور صرف ہم ہی انکے منتظر نہیں بلکہ دنیا کا ہر انسان انکا منتظر ہے کیونکہ جب ظہور ہوگا تو پھر تمام عالم انسانیت کو قلبی سکون میسر ہوگا عدل وانصاف کی فراہمی ہوگی ظلم وبربریت کا خاتمہ ہو جائے گا یقیناً انکے مد مقابل انے والا سفیانی لشکر ہی آئے گا۔لہذا واضع ہوگیا ہے اب بھی جو آل سعود کے ساتھ اتحاد میں شامل رہے وہ جان لے کہ وہ اصل میں وارث دین خدا فرزند رسول ص کے مد مقابل آنے کا جرم کررہا ہے۔
پاکستانی عوام کو یقینا اپنی فوج پر مکمل بھروسہ ہے کہ وہ ایسے کسی بھی فتنہ میں خود کومبتلا نہیں ہونے دیں گی اور راحیل شریف بھی عوام کو مایوس نہیں کریں گے اور جلد خود کو اس فتنے سے آزاد کروا کر واپس پلٹ آئیں گے۔ لہذا بہت ضروری ہے کہ پاکستان میں شیعہ سنی مل کر ہونے والہ تمام عالمی سازشیوں کامقابلہ مل کر کریں ایک دوسرے کے ساتھ مل کر ہر سطح پر تعاون کو فروغ دیں۔کیونکہ ہم دنوں کا دشمن وہی ہے جو اللہ اسکے رسول ص و آل رسول ص کا دشمن ہے جو لبیک یا رسول ص و لبیک یا حسین ع کا دشمن ہے۔لہذا ہمارا مل کر مقابلہ کرنا بہت ضروری ہے۔
آخر میں علامہ سید احمد اقبال رضوی نے شعبہ خواتین سے کہاکہ اس کانفرنس میں شیعہ سنی اور دیگر تمام عاشقان رسول ص کو زیادہ سے زیادہ دعوت دیں. جسکے بعد برادر مہدی عابدی نے کانفرنس کے انتظامی امور سے متعلق تفصیلات بیان کی۔8مئی سے شعبہ خواتین نے عوامی رابط مہم کا اعلان کیا اور مختلف علاقوں میں رابط مہم کے حوالے سے شیڈول مرتب کیا اور استحکام پاکستان و امام مہدی عج کانفرنس میں خواتین کے پورشن کی انتظامی ذمداریاں خواتین کارکنان میں تقسیم کی گئ۔ میٹنگ کا اختتام دعائے سلامتی امام زمانہ عج سے کیا گیا۔
وحدت نیوز(گلگت) غیر ملکی سیاحوں پر جی بی میں داخلے کیلئے این اوسی کی شرط سے خطے کے ہزاروں افراد بیروزگاہونگے۔گلگت بلتستان میں بیروزگاری کی شرح پہلے ہی بہت زیادہ ہے ،حکومت کے اس فیصلے کے بعد ہوٹل انڈسٹری اور ٹرانسپورٹر زکا کاروبار بری طرح متاثر ہورہا ہے۔
مجلس وحدت مسلمین شعبہ خواتین کی رہنما و رکن گلگت بلتستان قانون ساز اسمبلی بی بی سلیمہ نے حکو مت کے این او سی کے فیصلے کو غیر سنجیدہ قرار دیتے ہوئے کہا ہے کہ حکومت کے اس فیصلے سے جہاں ہوٹل انڈسٹری تباہ ہوگی وہاں اس شعبے سے وابستہ ہزاروں افراد کے بیروزگار ہونے کا خدشہ ہے ۔گلگت بلتستان میں پرائیویٹ سیکٹر کی عدم موجودگی سے بیروزگاری کی شرح پہلے ہی بہت زیادہ ہے، خطے کے بیشتر افرد یاتو بارڈر ٹریڈ سے وابستہ ہیں یا پھر سیاحت کے شعبے سے منسلک ہوکر اپنا روزگار کمارہے ہیں۔ایک طرف حکومت نے چھوٹے کاروباریوں کیلئے بارڈر ٹریڈ میں مشکلات پیدا کیں تو دوسری طرف غیر ملکی سیاحوں پر بیجا پابندیاں لگاکر گلگت بلتستان کے عوام کا معاشی قتل کررہی ہے۔مئی کے مہینے میں گلگت بلتستان کے بیشترہوٹل غیر ملکی سیاحوں سے کھچا کھچ بھرے ہوتے تھے لیکن حکومت کے اس فیصلے کی وجہ سے ہوٹل انڈسٹری میں وایرانی چھائی ہوئی ہے۔وفاقی حکومت گلگت بلتستان کے ساتھ امتیازی سلوک بند کرے اور فوری طور پر این او سی کی شرط ختم کرکے علاقے کے عوام کی بے چینی کو دور کرے۔
انہوں نے کسٹم حکام کی چھوٹے کاروباریوں کو تنگ کرنے کی پالیسی کی سختی سے مذمت کرتے ہوئے کہا ہے کہ کسٹم حکام فوری طور گلگت بلتستان کے چھوٹے کاروبایوں کے مسائل کو ترجیحی بنیادوں پر حل کرے ۔
وحدت نیوز(لاہور) سیرت حضرت علی اکبر ؑ پر عمل کرتے ہوئے نوجوانان معاشرے میں بہتری کے لئے اپنا کردار ادا کریں،صالح نوجوان ہی بہتر اسلامی معاشرے کی احیاء کے لئے کام کر سکتے ہیں،ان خیالات کا اظہار مجلس وحدت مسلمین پنجاب کے رہنما علامہ نیاز حسین بخاری نے صوبائی سیکرٹریٹ میں نوجوانوں سے یوم ولادت حضرت علی اکبرؑ کے مناسبت سے منعقدہ تقریب سے خطاب کرتے ہوئے کیا،اس موقع پر مرکزی سکریٹری یوتھ مجلس وحدت مسلمین ڈاکٹر یونس قمی ، ڈپٹی سکریٹری یوتھ بردار وفا نقوی اور صوبائی سکریٹری تنظیم سازی مولانا نیاز بخاری ،اور ضلعی ڈپٹی سکریٹری جنرل بردار سجیل شمسی اور ضلع لاہور وحدت یوتھ کے تمام ٹاون سکریٹریز نے شرکت کی۔
انہوں نے کہا کہ مغرب زدہ معاشرے نے نوجوانوں سے اسلامی اقدار اور مشرقی روایات کو چھین لیا ہے،ہمیں رسول اعظمﷺ اور ان کی آل کی تعلیمات کو سامنے رکھتے ہوئے اس فاسد مغربی ثقافتی یلغار کا مقابلا کرنا ہوگا،انہوں نے کہا کہ نوجوان کسی بھی معاشرے میں ریڑھ کی ہڈی کے مانند ہوتے ہیں دشمن اور اس کے فاسد نظام کا ہدف ہمارے جوان ہیں،ایسے میں ہمارے غیرت مند اور شمع بنوت ﷺ کے پروانے نوجوانان کو چاہئے کہ وہ اسلامی تعلیمات پر عمل اور اس کے پرچار کرکے اس فاسد مغربی یلغار کا مقابلہ کرے،جس طرح روز عاشور سیدنا علی اکبر ؑ نے مظلوم کربلا حضرت امام حسین علیہ السلام سے فرمایا تھا کہ بابا جان ہم حق پر ہیں اور مجھے اس کی کوئی فکر نہیں کہ موت مجھ پر آگرے یا میں موت پرجا گروں،خدا ہمارے نوجوانوں کو سیرت محمد وآل محمد ؑ پر عمل پیرا ہونے کی توفیق دے ،تقریب میں نوجوانوں کی کثیر تعدا د نے شرکت کی۔
وحدت نیوز(حیدرآباد) امام بارگاہ امامیہ ٹرسٹ یونٹ نمبر 9حیدرآباد میں جشن ولادت باسعادت جناب زینب (س) کے سلسلے میں مجلسِ وحدت مسلمین شعبہ خواتین حیدرآباد کی جانب سے ایک پروگرام جشن ثانی زہرا( س) کا انعقاد کیا گیا۔ جس میں حیدرآباد کے مختلف مدارس اور تنظمیں جن میں مدرسہ معصومہ ،مدرسہ اصغریہ علم وعمل تحریک،مدرسہ فاطمیہ،مدرسہ معرفت اسلامی،امامیہ آرگنائزیشن ،مکتب زینبیہ،محفل حسینی،پیام اسلامی فاؤنڈیشن،پیام ولایت اسکاوٹ،عزم زینب،عقیلہ بنی ہاشم اکیڈمی کی خواہران اور بچیوں نے بھر پور طور پہ شمولیت اور شرکت کی،پروگرام میں نظامت (میزبانی) کے فرائض خواہر کنول بتول اور خواہر شگفتہ علی نے با احسن و خوبی انجام دیئے پروگرام کا باقاعدہ آغاز مدرسہ جمران حیدرآباد کی طالبات نےتلاوت قرآن پاک سے کیا۔
بعداز رقیہ جعفر نے حمد اور نعت رسول مقبول( ص) پیش کی۔بعد حمدو نعت خواہر فاطمہ نے جناب زینب کے حضور ہدیہ منقبت پیش کیا۔ منقبت کے بعد پابندی وقت کا خیال رکھنے والی خواہران کی حوصلہ افزائی کے لیے بذریعہ قرعہ اندازی کیش انعامات اور گفٹس تقسیم کیے گئے۔اس کے بعد ملٹی میڈیا ویڈیو کلپ دکھائی گئی اور سوال و جواب کے بعد انعامات دئیےگئے۔قائد وحدت آغا راجہ ناصر عباس اور آغا حسین شاہ موسوی کے ساتھ پینل ڈسکشن کے سیشن کا آغاز ہوا جسمیں بعنوان "جناب زہرہ (س)اور جناب زینب ( س) کی حیات کے علمی اور عملی پہلو سے دور حاضر کی خواتین کے لیے سبق " کے حوالے سے خواہر عظمٰی تقوی نے سوالات کیےجنکے بہترین انداز میں دونوں محترم علماء نے جوابات ارشاد فرمائے۔پینل کی گفتگو سے مجمع میں موجود خواتین سے عنوان کی مناسبت سے سوالات کئے گئے اور انھیں انعامات دئیے گئے۔
جس کےبعد خواہر سیمی نقوی ممبر سندھ ورکنگ کمیٹی شعبہ خواتین، مسؤل روابط و شعبہ اسکاؤٹ وحدت نے " بنتِ حوا" کے عنوان سے نظم پیش کی۔جناب سیدہ(س)اور بیبی زینب (س)امام حسین ( ع ) کے ہم نام بچے بچیوں میں تحائف پیش کیے گئے ۔اس کے بعد بچیوں نے ٹیبلو" ظلمت سے نور کی طرف" پیش کیا۔پروگرام میں خواہر بنین مرکزی معاون خواہر زہرہ نقوی سیکرٹری جنرل مجلس وحدت مسلمین شعبہ خواتین پاکستان اور کراچی ڈسٹرکٹ کی خواہران خواہر ندیم زہرہ، خواہر نایاب اور خواہر بینش نے خصوصی شرکت کی۔ پروگرام میں مدارس کے جانب سے خانہ کعبہ کا ماڈل اور جناب سیدہ (س) کے جہیز کے مناظر پیش کیے گئے ۔اس کے علاوہ حجاب کارنر بھی لگایا گیا۔آخر میں خواہر عظمی تقوی( جی ایس حیدرآباد) نے تمام منتظمین مدارس اور تنظیموں کو کلمات تشکر پیش کرتے ہوئے ان کی توفیقات میں اضافے اور قبولیت کے لیے دعا کی،پروگرام کا باقائدہ اختیتام دعائے سلامتی امامِ زماں(ع) اور ملک و ملت کی کامیابی و کامرانی کی دعا سے ہوا۔
وحدت نیوز(سجاول) عالمی یوم دمہ کےموقع پر خیرالعمل فاؤنڈیشن شعبہ ویلفیئر مجلس وحدت مسلمین کےتحت سجاول میں بھی آگہی واک کا انعقاد کیا گیا ،صوبائی رہنما مختیار دایو ،ضلعی سیکریٹری جنرل مظفر لغاری ،ایم ایس سول اسپتال سجاول ڈاکٹر امیر علی شاہ ،ڈسٹرکٹ فوکل پرسن ہیلتھ ڈپارنمنٹ ڈاکٹر انور میمن ،ڈاکٹر علی شورو اس کے علاوہ سیاسی سماجی رہنماؤں ،سول سوسائٹی اور میڈیا کے افراد نے شرکت کی ،واک سول اسپتال سجاول سے مین بس اسٹاپ تک کی گئی۔
وحدت نیوز(اسلا م آباد) دمہ کے عالمی دن کے موقعہ پرخیر العمل ویلفیئر اینڈ ڈویلپمنٹ ٹرسٹ کے زیر اہتمام سپورٹس گرائونڈ سپر مارکیٹ اسلام آباد سے واک کا آغا ز کیا گیا جس میںمذہبی شخصیات،سماجی نمائندوں، طلباء و طالبات،ڈاکٹرز،سکالرز اور مختلف شعبہ ہائے زندگی سے تعلق رکھنے والے والے افراد کثیر تعداد میں شریک ہوئے۔واک کا مقصد دمہ کی مرض کے نقصانات سے عام الناس کو آگاہ کرنا تھا۔ عام شہریوں نے بھی خصوصی دلچسپی ظاہر کرتے ہوئے واک کو دمے جیسے موذی مرض سے آگہی کے لیے اہم قرار دیا۔شرکاء نے کہا کہ اس طرح کی تقریبات کا انعقاد وقت کی اہم ضرورت ہے۔اس طرح کے پروگرام پر ہر سطح پر منعقد کیے جانے چاہیں۔ واک پریس کلب اسلام آباد پہنچ کر اختتام پذیر ہوئی۔دمہ کے عالمی دن کے موقعہ پر خیر العمل ویلفیئر ٹرسٹ نے ملک کے دیگر شہروں میں بھی واک کا اہتمام کر رکھا تھا جس میں میں مختلف افراد نے بڑی تعداد میں شرکت کی۔مختلف شہروں میں موجود ٹرسٹ کی نگرانی میں چلنے والی میڈیکل سینٹرز میں دمہ آگہی کیمپ بھی لگائے گئے تھے جہاں طبی ماہرین نے عوام کو دمہ کی وجوہات ،تشخیص، علامات اور علاج سے عوام کوآگاہ کیا ۔لوگوں نے مرض کے حوالے سے ڈاکٹروں سے سوال جواب بھی کیے اور خیر العمل ٹرسٹ کے اس اقدام کو بے حد سراہا۔
وحدت نیوز(لاہور) دمہ کے عالمی دن کے موقعہ پرمجلس وحدت مسلمین پاکستان کے فلاحی شعبہ خیر العمل ویلفیئر اینڈ ڈویلپمنٹ ٹرسٹ کے زیر اہتمام ملک بھر میں سترہ سے زائد مقامات پر دمہ (استھما) سے عوام الناس کو آگاہی کے لئے واک کا اہتمام کیا گیا لاہور پریس کلب شملہ پہاڑی سے پی آئی اے بلڈنگ تک بھی واک کا اہتمام کیا گیاجس میںمذہبی شخصیات،سماجی نمائندوں، طلباء و طالبات،ڈاکٹرز،سکالرز اور مختلف شعبہ ہائے زندگی سے تعلق رکھنے والے والے افراد کثیر تعداد میں شریک ہوئے۔واک کا مقصد دمہ کی مرض کے نقصانات سے عام الناس کو آگاہ کرنا تھا۔ عام شہریوں نے بھی خصوصی دلچسپی ظاہر کرتے ہوئے واک کو دمے جیسے موذی مرض سے آگہی کے لیے اہم قرار دیا۔شرکاء نے کہا کہ اس طرح کی تقریبات کا انعقاد وقت کی اہم ضرورت ہے۔اس طرح کے پروگرام پر ہر سطح پر منعقد کیے جانے چاہیں۔ واک پریس کلب ایجرٹن روڈ پہنچ کر اختتام پذیر ہوئی۔دمہ کے عالمی دن کے موقعہ پر خیر العمل ویلفیئر ٹرسٹ نے ملک کے دیگر شہروں میں بھی واک کا اہتمام کر رکھا تھا جس میں میں مختلف افراد نے بڑی تعداد میں شرکت کی۔مختلف شہروں میں موجود ٹرسٹ کی نگرانی میں چلنے والی میڈیکل سینٹرز میں دمہ آگہی کیمپ بھی لگائے گئے تھے جہاں طبی ماہرین نے عوام کو دمہ کی وجوہات ،تشخیص، علامات اور علاج سے عوام کوآگاہ کیا ۔لوگوں نے مرض کے حوالے سے ڈاکٹروں سے سوال جواب بھی کیے اور خیر العمل ٹرسٹ کے اس اقدام کو بے حد سراہا۔
وحدت نیوز(گلگت) مجلس وحدت مسلمین کے فلاحی شعبے خیر العمل ویلفیئر ٹرسٹ کے زیر اہتمام دمہ کے عالمی دن آگاہی مہم کے طور پر منایا گیا۔دمہ کے عالمی دن کے موقع پر خیر العمل ویلفیئر ٹرسٹ کے زیر اہتمام عوام کو آگاہی دینے کیلئے واک کا انعقاد کیا گیا۔رکن قانون ساز اسمبلی گلگت بلتستان حاجی رضوان علی کی قیادت میں وحدت ہائوس سے کیپٹن شہید ضمیر عباس چوک تک ریلی نکالی گئی جس میں سول سوسائٹی کے علاوہ پیرامیڈیکل سٹاف، صحافی برادری اور مجلس وحدت کے اکابرین نے شرکت کی۔اس موقع پر عوام الناس کو دمہ کے موذی مرض سے بچائو کے طریقے اور علاج کے متعلق ہیند بل/ پمفلٹ تقسیم کئے گئے۔کیپٹن ضمیر عباس چوک پر مجلس وحدت مسلمین گلگت بلتستان کے ڈپٹی سیکرٹری جنرل ڈاکٹر علی گوہر نے شرکاء ریلی سے خطاب کرتے ہوئے دمہ سے بچائو کے اصول ،دمہ کے بنیادی وجوہات اور احتیاطی تدابیر پر تفصیل سے روشنی ڈالی۔انہوں نے اپنے خطاب کے دوران کہا کہ اس بیماری کی وجہ سے ہزاروں افراد لقمہ اجل بن جاتے ہیں ،اگر عوام آگاہ ہوں تو کسی حد تک اس بیماری سے نجات ممکن ہے۔اس کے علاوہ دمہ کے مریضوں کو احتیاطی تدابیر کے ذریعے سے بہت حد تک دمہ کے شکار مریضوں کی تکلیف کو کم کیا جاسکتا ہے۔
وحدت نیوز(سکھر) مجلس وحدت مسلمین ضلع سکھر کے تعاون سے عالمی یوم استھما دمہ کے موقعے پر ایم ڈبلیوایم کےفلاحی شعبے خیر العمل ویلفیئر ٹرسٹ کی طرف سے ویلفیئر آفس بیراج کالونی سکھر میں فری میڈیکل کیمپ کا انعقاد کیا گیا،کیمپ میں ڈاکٹر فیض احمد بگھیو نے دمہ کے مریضوں کا مفت معائنہ کیا اور ادویات بھی فراہم کیں ،اس کے ساتھ ساتھ اضافی طورپر شعبہ صحت کی طرف سے تمام دمہ کے مریضوں کا مفت بلڈ شوگر ٹیسٹ کیمپ بھی لگایا گیا،عوامی سطح پر دمہ کے مریضوں کے لئے کیمپ لگائے جانے کے اقدم کو بھر پور پزیرائی ملی،عوام کے ساتھ ساتھ مختلف سماجی و مذہبی تنظیموں، اراکین انجمن حیدری، حیدری جامع مسجد پرانہ سکھر و اراکین انجمن امامیہ، مرکزی امام بارگاہ غریب آباد سکھر نے بھی کیمپ کا دورہ و استفادہ کیا۔
