وحدت نیوز (مظفرآباد) حکومت اپوزیش گٹھ جوڑ کی بھرپور مذمت کرتے ہیں، صحافت کا گلہ گھوٹنا نا قابل قبول ، کالے قانون کے بل کو پیش نہ کیا جائے، ان خیالات کا اظہار سیکرٹری سیاسیات مجلس وحدت مسلمین آزاد جموں و کشمیر سید تصور عباس موسوی نے وحدت سیکرٹریٹ سے جاری ایک بیان میں کیا ، انہوں نے کہا کہ ہم آزادی صحافت پر کسی بھی قدغن کو برداشت نہیں کریں گے، حکومت اپوزیشن ہوش کے ناخن لیں ، آزاد صحافت پر کسی صورت بھی کمپرومائز نہیں کیا جا سکتا، مجلس وحدت مسلمین میڈیا اتحاد کی بھرپور حمایت کا اعلان کرتی ہے، انہوں نے کہا کہ اس سلسلے میں صحافی برادری کی طرف سے اٹھائے گئے ہر قدم کی حمایت کریں گے، یہ متنازعہ و جابرانہ قانون کسی بھی صورت قبول نہیں ، ہتک عزت نامی قانون لا کر حکمران کیا ثابت کرنا چاہتے ہیں ۔ اس لیئے ہم یہ مطالبہ کرتے ہیں کہ اس کالے قانون کے بل کو پیش نہ کرتے ہوئے صحافی برادری کو اعتماد میں لیا جائے۔

وحدت نیوز (چنیوٹ) شہید اصغرعباس کے چہلم کے موقع پر چنیوٹ میں لبیک یا حسین ؑکانفرنس کا انعقاد کیا گیا، جس میں علاقہ کے شیعہ سنی عوام نےہزاروں کی تعداد میں شرکت کی، اس اجتماع میں مجلس وحدت مسلمین پاکستان کے مرکزی ڈپٹی سیکریٹری جنرل علامہ امین شہیدی، مرکزی سیکریٹری سیاسیات ناصر شیرازی ، مرکزی سیکریٹری تبلیغات علامہ احمد اقبال، صوبائی سیکریٹری جنرل علامہ عبد الخالق اسدی اور  صوبائی رہنما علامہ حسن رضا ہمدانی نے خطاب کیا، اس موقع پر خطاب کرتے ہوئے رہنماوں کا کہنا تھا کہ پاکستان میں شیعہ سنی ایک تسبیح کی طرح ہیں، پاکستان میں تکفیریت اور دہشت گردی کے خلاف ہم سب متحد ہیں،مولانا فضل الرحمان نے طالبان کی حمایت نہ چھوڑی تو باقی زندگی طالبان کے ساتھ گزارنی پڑے گی۔ پاکستان میں اب دہشت گردوں اور ان کے حامیوں کے لئے کوئی جگہ نہیں۔  عوام پیٹرول ، گیس ، بجلی بحران کے بعد بحرانی حکومت سے بھی نمٹنے کی صلاحیت رکھتی ہے،  پیٹرول بحران نے عوام سے سکھ اورچین چھین لیا ہے، ن لیگ نے ملک میں بدترین طرز حکمرانی کی مثال قائم کی ہے، کیا ہمارے وزیر اعظم کو ان رکشہ اور موٹر سائیکل والے کے دکھ کا احساس ہے جو 300 روپے روزانہ کما کر خاندان کی کفالت کرتے ہیں ؟

رہنماوں نے مزیدکہا کہ ملک کو رشتہ دارریوں اور تعلقات کی بنیاد پر نہیں چلایا جا سکتا، حکمرانوں کی مس منیجمنٹ اور نااہلی نے ان کے گڈ گورننس کے پول کھول دیے ہیں، توانائی کے بحران نے عوام کو عذاب میں مبتلا کردیا ہے، حکومتی رویے اور ہٹ دھرمی ملک کو کسی نئے بحران سے دوچار کر دینگے ،سید ناصر شیرازی کا کہنا تھا کہ پیٹرول بحران سے نظام زندگی مفلوج ہو کر رہ گئی ہے ،ہسپتالوں میں مریضوں کا پرسان حال نہیں، ملک کے مستقبل کے معمار بچوں کا سکولوں تک پہنچنا ممکن نہیں رہا، انہوں نے کہا کہ وزیر پیٹرولیم کو فوری برطرف کرکے تحقیقات شروع کی جائیں ،ا سٹیٹ نیپرا کے خلاف مقدمہ درج کرے، ملکی حالات ایسے رہے تو حکمرانوں کو عوامی غیض غضب سے کوئی نہیں بچا سکتا ۔

رہنماوں کا  کہنا تھا کہ ملک کے ہر بحران کا حل افواج پاکستان نے ہی کرنا ہے تو ان حکمرانوں کو گھر چلے جانا چاہیئے، عوام مزید اس نااہل قیادت کو برداشت کرنے کے لئے تیار نہیں، ان حکمرانوں نے ہمیشہ عوام کے اعتماد کو ٹھیس پہنچائی اور اقتدار کو فقط اپنی تجارت اور سرمایا بڑھانے کے لئے استعمال کیا، پیٹرول بحران کے ذمہ داروں کے تعین کے لئے جوڈیشل کمیشن بنایا جائے اور ذمہ داروں کو قرار واقعی سزا دی جائے بصورت دیگر انقلاب فرانس کی طرح پاکستان میں بھی ان لٹیروں کو عوامی احتساب کا سامناکرنے کے لئے تیار رہنا ہوگا۔انہوں نے کہا کہ چنیوٹ کی انتظامیہ کو وارننگ دیتا ہوں کہ ہمارے خلاف جھوٹے اور ناجائز مقدمات نہ بنائے، ہم میدان میں ہیں آپ کو سکھ کا سانس نہیں لینے دیں گے۔

وحدت نیوز (کوئٹہ) مجلس وحدت مسلمین بلوچستان اور ملی یکجہتی کونسل بلوچستان کے سیکرٹری جنرل علامہ مقصود علی ڈومکی نے کہا ہے کہ پیغمبر رحمت ﷺ کی توہین کر کے مغرب نے کروڑوں مسلمانوں کی دل آزاری کی ہے۔پاکستان کے مسیحی بھائیوں کی جانب سے پیغمبر اسلام کی توہین کرنے والوں کے خلاف احتجاج قابل تحسین عمل ہے۔ادیان عالم کے تمام نمائندوں کو مل کر توہین رسالت و ادیان کے خلاف مشترکہ موقف اختیار کرنا چاہئیے۔

انہوں نے کہا کہ امت مسلمہ درد مشترک اور قدر مشترک پر متحد ہو جائے،اتحاد بین المسلمین کے پروگرام کے تحت ملک کی دینی جماعتیں ملی یکجہتی کونسل کے پلیٹ فارم سے مشترکہ جدوجہد کر رہی ہیں۔امت مسلمہ اسلام دشمن سامراجی قوتوں کے جال میں اسیر رہنے کی بجائے اسلام کی عظیم انقلابی تعلیمات کے ذریعے عالم بشریت کی رہنمائی کریں اور اقوام عالم کو سامراجی غلامی سے نکال کر نور ہدایت اور فلاح کا راستہ دکھائیں۔

انہوں نے کہا کہ حکومت کی جانب سے بلوچستان کی تعمیر و ترقی کیلئے یہاں محرومیت کا خاتمہ ضروری ہے۔ ۶۸ سالہ محرومیت کے خاتمہ کیلئے سنجیدہ عملی اقدامات کی ضرورت ہے۔ مڈل کلاس سے تعلق رکھنے والی بلوچ قومپرست قیادت سے عوام کی توقعات وابستہ ہیں۔

وحدت نیوز (مانٹرنگ ڈیسک) العالم ٹی وی چینل نے رپورٹ دی ہے کہ اسرائیل کا یہ حملہ شام کے قنیطرہ علاقے میں ہوا جس میں شہید مقاومت عماد مغنیہ کے فرزند  جہاد مغنیہ بھی شہید ہوگئے، شام میں غاصب صیہونی حکومت کے فوجیوں کے میزائل حملے میں لبنان کی اسلامی مزاحمتی تحریک حزب اللہ کے6 جوان شہید ہوگئے، العالم ٹی وی چینل نے رپورٹ دی ہے کہ اسرائیل کا یہ حملہ شام کے قنیطرہ علاقے میں ہوا جس میں گولان  ریجن میں حزب اللہ کمانڈر  جہاد مغنیہ بھی شہید ہوگئے، اسرائیل کے اس حملے میں حزب اللہ کے ایک کمانڈراسرائیلی فضائی حملے میں شھید ہونے والے حزب اللہ کے ۶ کمانڈوزمیں شہیدمقاومت شہید عماد مغنیہ کے جواں سال فرزندجہاد مغنیہ ، ابو عیسی،حسین حسن،علی حسن،مھدی موسوی،ابو علی رضا، حزب اللہ کی جانب سے جاری ہونے والے بیان میں اپنے متعدد مجاہدین کی شہادت کی تائید کی گئی ہے، ذرائع کا کہنا ہے کہ اسرائیل کے جنگی ہیلی کاپٹر نے اس مقام پر میزائل فائر کئے جس میں 6 مجاہدین شہید ہوگئے۔

وحدت نیوز (اسکردو) مجلس وحدت مسلمین پاکستا ن بلتستان ڈویژن کے سیکرٹری جنرل علامہ آغا علی رضوی نے فرانس کے ہفت روزہ جریدے چارلی ہیبڈوکی جانب سے نبی پاک ؐکی شان اقدس میں جسارت کو افسوسناک ، قابل مذمت اور شرانگیزی قرار دیتے ہوئے اسے کنیساو کلیسا کی جانب سے اسلام کے خلاف سازش قرار دیا ہے۔ اسکردو بشو میں عوامی اجتماع سے خطاب کرتے ہوئے آغا علی رضوی نے کہا ہے کہ فرانس کی جانب ہونے والی اس شیطنیت کے خلاف عالم اسلام قیام کرنا چاہیے۔انہوں نے کہا کہ اس شیطانی رسالے کے ذریعے سوا ارب مسلمانوں کا دل دکھایا گیا ہے یہ آزادی صحافت نہیں بلکہ عالم اسلام کے مقدسات کی توہین اور اسلام کے خلاف غلیظ ترین پروپیگنڈہ ہے۔ شیطانی رسالہ چھاپنے والوں حملہ کرانا اور یمنی القاعدہ کا حملہ کی ذمہ داری قبول کرنا گہری سازش کا نتیجہ ہے۔یورپی اقوام اخلاقی طور پر پست ہوچکی ہے اور پورپ میں موجود باضمیر افراد حقیقت کی کھوج میں اسلام تک بڑی تعداد میں پہنچ رہے ہیں اور یورپ میں اسلام کی تیزی سے پھیلنا یہود و نصاری ٰ اور امریکہ واسرائیل کے لیے نیک شگون نہیں لہذا رسالے پر کیے گئے حملے کے آڑ میں اسلام کو بدنام کرنے کی کوشش زوروں پر ہے ۔انہوں نے کہا کہ وطن عزیز اسلام کے نام پر وجود میں آیا اور اسلامی ریاست ہے ۔ پاکستان کے ریاستی اداروں کو چاہیے کہ فرانس کی اس گستاخانہ عمل پر ان سے سفارتی بائیکاٹ کر کے سفیر کو ملک بدر کرنا چاہیے حضور اکرم ؐ کی شان سے بڑھ کر ہمیں کوئی تعلقات اور کوئی مفاد عزیز نہیں ہے۔اگر تمام اسلامی ممالک اپنے اپنے ملک میں موجود فرانس کے سفارت خانوں کو بند کرا کے سفیرون کو ملک بدر کرے اور فرانس میں موجود تمام اسلامی ممالک کے سفرا ء ک و واپس بلایا جائے تو آئندہ کسی بھی پورپی ریاست کو یہ جرائت نہیں ہوسکے گی۔

وحدت نیوز (آرٹیکل) مجلس وحدت مسلمین پاکستا ن اور سنی اتحاد کونسل نے طالبان کے ساتھ مزاکرات کرنے اور ہزاروں پاکستانیوں کے قاتلوں کو قانونی شیلٹر دینے کی پر زور مزمت کی تھی اور وزیرستان سمیت تمام علاقے جو دہشتگردوں کے قبضے میں ہیں اور وہاں پر حکومت کی رٹ نہیں ہے انہیں آزاد کرانے کی بات کی تھی۔ اور ملک کے طول و عرض میں دہشتگردوں کی محفوظ پناہ گاہوں اور ان کے سرپرستوں کے خلاف کاروائی کا مطالبہ کیا تھا اور اس بات پر زور دیا تھا کہ مزاکرات کی آڑ میں دہشتگردوں کو بچانے اور ملک سے فرار کرنے اور محفوظ مقامات پر اسلحہ منتقل کرنے کا موقع نہ دیا جائے۔ دوسری طرف سعودی اور بحرینی وفود کی غیر متوقع پاکستان آمد اور ان کی مالی امداد کے ذریعے ملک کے اندر دہشتگردوں اور تکفیریوں کی تقویت یا بین الاقوامی تکفیری دہشت گردی میں وطن عزیز کی ساکھ کو بچانے پر بھی زور دیا گیا۔ نواز لیگ حکومت کی طرف سے ماڈل ٹاون کے نہتے اور معصوم پر امن شہریوں کے خلاف احتجاجی تحریک دھرنوں اور احتجاجی ریلیوں میں بھرپور شرکت کی گئی اور 70دن تک مسلسل پاکستانی عوام کو پاکستان میں قائم ظالمانہ سسٹم اور ماضی کے ڈکٹیٹر شپ جنرل ضیاء الحق کی باقیا ت کی حقیقی منحوس چہروں سے پردہ اٹھایا گیا اس تمام تر عوامی پریشر اور تاریخی دھرنوں کے بعض اثرات اب ملک پاکستان کی عوام کے سامنے آچکے ہیں ان میں سے چند ایک حسب ذیل ہیں۔

(1)۔ دہشت گردوں کی سرپرست نواز لیگ حکومت کا کمزور ہونا
اگرچہ سیاسی مگرمچھوں نے مل کر گرتی ہوئی نواز حکومت کو سہارا دیا ہے اور حکومت اس بھر پور عوامی پریشر اور دھرنو ں سے نہیں گری لیکن اب وہ اس عوامی رائے عامہ کے سامنے حکومت کرنے کا جواز کھو چکے ہیں اور اتنے کمزور ہو چکے ہیں کہ خود اعتراف کر رہے ہیں کہ ہم امن وا مان کا مسئلہ حل کر نے سے عاجز ہیں اور دہشتگردی کو روکنا ہمارے بس میں نہیں اور اب انہوں نے اپنی کمزاوری اور بے بسی کا اظہار بار ہا کر رہے ہیں اور پاکستان آرمی کو آنکھیں دکھانے والے خود فوج سے درخواست کر رہے ہیں کہ فوجی عدالتیں قائم کریں کیونکہ سول عدالتیں ناکام ہو چکی ہیں ۔ انہوں نے ماضی میں ہزاروں دہشتگردوں کو بری کیا ہے اور اب بھی کبھی دھمکیوں اور کبھی بھاری رشوت سے عوام کے قاتلوں کو رہا کر دیتی ہیں۔ عملی طور پر اب نواز لیگ کی حکومت کے پاس آدھے اختیارات رہ چکے ہیں اور آج وزیر اعظم اور وزیر اعلی وہی بیانات دے رہے ہیں جو چند ماہ قبل مجلس وحدت مسلمین کی قیادت دیا کرتی تھی اب خود کہتے ہیں کہ کوئی اچھا اور برا طالبان نہیں بلکہ سب کے خلاف بلا تفریق کاروائی ہو گی۔
(2)۔ طالبان مخالف مظبوط سیاسی اتحاد
ابتداء میں مجلس وحدت مسلمین پاکستان اور اس کی اتحادی جماعتیں طالبان کی مخالف تھیں اور تکفیریوں کے خلاف میدان میں آکر وطن عزیز اور پاکستانی عوام ک قاتلوں کے خلاف آواز بلند کر رہی تھیں لیکن اس وقت پاکستان کی تمام سیاسی جماعتیں طالبان اور تکفیریت کے خلاف متحد ہیں اور تکفیری تنہا ہو چکے ہیں اور ان کے سر پرست کبھی ان کے خلاف بننے والے قوانین پر دستخط کر رہے ہیں اور کبھی اپنی گردن بچانے کے لئے انہی قوانین کی مخالفت کر رہی ہیں ۔ آج مولانا فضل الرحمن اور جماعت اسلامی کے علاوہ تمام سیاسی پارٹیاں ایک پیج پر نظر آرہی ہیں کیونکہ ان دھرنوں اور احتجاجات کی بدولت سول سوسائٹی بھی سڑکوں پر نکل آئی ہے اور ان سیاسی پارٹیوں کی مجبوری ہے کہ اپنی سیاسی بقاء کے لئے وہی فیصلے کریں جو پاکستانی عوام چاہتی ہے ۔ اس عوامی پریشر نے تکفیریوں اور طالبان کے خلاف مضبوط سیاسی اتحاد بنایا ہے۔
(3)۔ اکیسویں ترمیم اور دہشت گرد تختہ دار پر
ایک طویل عرصہ سے تکفیری دہشت گردوں اور عوام کے قاتلوں کو سزائے موت سنائی جا چکی تھی لیکن متواتر سیاسی حکومتوں نے بیرونی پریشر اور ملی بھگت اور خوف سے انہیں معطل کر رکھا تھا ۔ اب جب پاکستان میں بیداری کی لہر اٹھی اور احتجاجی دھرنوں نے عوامی پریشر کو مضبوط کیا تو آج قاتلوں کو قرار واقعی سزائیں مل رہی ہیں اور مجرم تختہ دار پر لٹک رہے ہیں مقتولین کے وارثوں کی دعائیں بلند ہور ہی ہیں اور ان کی بے چینی اور بے قراری کم ہورہی ہے۔ اب بھی ان دہشت گردون کے سرپرست ان بزدلوں کو بچانے کی پوری کوشش کر رہے ہیں لیکن مظلوم اب سڑکوں پر آچکے ہیں وہ اپنا حق لے کے رہیں گے۔ اکیسویں ترمیم کا بل منظور ہونا مظلوموں اور ان کے وارثوں کی بہت بڑی کامیابی ہے اور اس ترمیم کی شقیں مندرجہ ذیل ہیں۔

سرکاری ٹیلی وژن کے مطابق مندرجہ ذیل جرائم میں ملوث افراد کو آرمی ایکٹ کے تحت سزا دی جا سکے گی۔
پاکستان کے خلاف جنگ کرنے والے
فوج اور قانون نافذ کرنے والے اداروں پر حملہ کرنے والے
اغواہ برائے تاوان کے مجرم
غیر قانونی سرگرمیوں میں ملوث افراد کو مالی معاونت فراہم کرنے والے
مذہب اور فرقے کے نام پر ہتھیار اٹھانے والے
کسی دہشت گرد تنظیم کے اراکین
سول اور فوجی تنصیبات پر حملہ کرنے والے
دھماکہ خیز مواد رکھنے یا کہیں لانے یا لے جانے میں ملوث افراد
دہشت اور عدم تحفظ کا ماحول پیداکرنے والے افراد
بیرون ملک سے پاکستان میں دہشت گردی کرنے والے
آرمی ایکٹ کے تحت مقدمہ حکومت کی پیشگی منظوری کے بعد چلایا جائے گا اور فوجی عدالت کو مقدمے کی منتقلی کے بعد مزید شہادتوں کی ضرورت نہیں ہوگی۔ اس کے علاوہ وفاقی حکومت زیر سماعت مقدمات بھی فوجی عدالتوں میں بھیج سکے گی۔ ایسے بھی کچھ دہشت گرد گروہ ہیں جو مذہب یا فرقے کا نام استعمال کر کے دہشت گردی کر رہے ہیں اور ان کے لوگ جب مسلح افواج یا دیگر سکیورٹی اداروں کے ساتھ لڑائی میں پکڑا جائے گا تو ان پر بھی خصوصی عدالتوں میں کیس چلایا جائے گا۔ ۔
(4) عملی وحدت ملی و اسلامی کا قیام
عموما وحدت ملی و اسلامی کے قیام کے لئے خواص طبقہ کے افراد مختلف ہوٹلوں اور کنونشن سنٹرز میں اکٹھا ہوتے تھے اور روائتی اتحاد و وحدت پر گفتگو ہوتی تھی لیکن انقلاب مارچ اور آزادی مارچ سے ایک بے نظیر عملی اور لیڈر شپ سے نچلی سطح تک ایک عملی وحدت ملی و اسلامی سر زمین پاکستان پر دیکھنے میں نظر آئی اور مختلف ادیان و مذاہب رکھنے اور مختلف قبائل و اقوام کے ہم وطن پارلیمنٹ کے سامنے متحد ہو کر ایک ہی مطالبہ کر رہے تھے کہ (گو نواز گو) یعنی وہ اب اس سیاسی نظام کا خاتمہ چاہتے ہیں جس میں مخصوص لوگ باری باری حکومت میں آتے ہیں اور پاکستان کی ترقی کی بجائے نئے بحران کھڑے کر تے ہیں اور انہوں نے ملک کو مفلوج کر کے رکھ دیا ہے ۔ پاکستان کی بدترین معاشی ، سیاسی ، امنیتی بحرانوں میں نالائق حکمرانوں کی غلط پالیسیوں کی وجہ سے کھڑا ہے اب اس کرپٹ سیاسی نظام کو جانا چاہیے۔ گو اس بھر پور عوامی جدوجہد اور دھرنوں سے نواز حکومت گری نہیں لیکن اس عوامی پریشر سے اس حکومت کی چولیں ہل گئی ہیں اور دیواروں میں دراڑیں پڑ چکی ہیں اور اس کی طاقت ختم ہو چکی ہے اور اب یہ حکومت اپنی موت خود ہی مر جا ئے گی۔
(5)۔ بے مثال جشن عید میلاد النبی (ص) اور وحدت اسلامی کا روح پرور نظارہ
دشمن نے 35سال سے پاکستان کے اندر شیعہ سنی وحدت کو پارہ پارہ کرنے کے لئے مختلف سازشیں کیں لیکن فرزندان رسالت نے عید میلاد کے موقع پر جس عملی وحدت کا ثبوت دیا وہ قابل دید ہے۔ پورے ملک کے اندر شیعہ سنی اجتماعات اور میلاد ریلیاں اس بات کا مظہر ہیں ۔ جس طرح سے لیڈر شپ نے پورے پاکستان میں اکھٹے ہو کر دشمن کے منہ پر وحدت اسلامی کا طمانچہ مارا ہے ویسے ہی عوامی حلقوں نے بھی عملی اتحاد کا مظاہرہ کیا۔ اور اس وحدت سے دشمن پاکستان و دشمن شیعہ و سنی کے ناپاک عزائم خاک میں مل گئے ہیں۔
(6) نئی ابھرتی ہوئی سیاسی پارٹیوں کی عوامی پزیرائی میں اضافہ

انقلاب مارچ اور دھرنوں سے مجلس وحدت مسلمین پاکستان، پاکستان عوامی تحریک اور پی ٹی آئی کی شہرت اور عوامی حمایت میں بہت اضافہ ہوا ہے اور یہ ابھرتی ہوئی سیاسی پارٹیاں پاکستان کو مختلف بحرانوں سے نکالنے میں اہم کردار ادا کر سکتی ہیں ۔ اور نئے سیاسی توازن کو ایجاد کرنے اور ملک کو ترقی کی راہ پر گامزن کرنے میں ملت کی امیدیں ان سے وابستہ ہو چکی ہیں اور یہ سب کچھ بھر پور عوامی جدوجہد کے بغیر ممکن نہیں تھا انہوں نے مل کر شاہراہ دستور پر حکومتی تشدد ،شیلنگ اور فائرنگ کا مردانہ وار مقابلہ کیا اور یہ سیاسی پارٹیاں مل کر ملک بحرانوں سے نکالنے کی صلاحیت رکھتی ہیں اور وہ وقت دور نہیں کہ جب یہ ملک ترقی کی راہ پر گامزن ہوگا۔

تحریر: علامہ ڈاکٹر سید شفقت حسین شیرازی