وحدت نیوز (کراچی) مجلس وحدت مسلمین پاکستان کے مرکزی سیکریٹری سیاسیات سید ناصر شیرازی نے بزرگ عالم دین ، چیئرمین شوریٰ عالی ایم ڈبلیوایم حجتہ السلام علامہ شیخ حسن صلاح الدین سے ان کی رہائش گاہ پر ملاقات کی،  اس موقع پر صوبائی سیکریٹری اطلاعات آصف صفوی، ضلع سیکریٹری جنرل ملیر سید احسن عباس ، ضلعی پولیٹیکل سیکریٹری حسن عباس، ضلعی رابطہ سیکریٹری سعید رضااور ضلعی سیکریٹری تبلیغات رضا حیدربھی موجود تھے، ناصرشیرازی نے علامہ صلاح الدین کو سیاسی شعبے کی فعالیت اور قومی سیاسی صورتحال اور مجلس کے کردار سے تفصیلی طور پر آگاہ کیا، جبکہ قومی اور بین الاقوامی حالات و واقعات بھی بات چیت ہوئی، علامہ شیخ حسن صلاح الدین نے ناصر شیرازی کی سیاسی شعبے سے وابستہ اہم ایشوز پر توجہ مرکوز کروائی، بعد ازاں ناصر شیرازی نے وحدت ہاوس ملیر کا بھی دورہ کیا جہاں ضلعی سیکریٹری جنرل احسن عباس رضوی ان کی آمد پر شکریہ ادا کیا۔

وحدت نیوز (دینہ) مجلس وحدت مسلمین پاکستان ضلع جہلم کا اجلاس زیر صدارت علامہ راجہ محسن علی سیکرٹری جنرل ضلع جہلم ہڈالہ سیداں میں ہوا۔جس میں صوبائی سیکرٹری تنظیم سازی برادر ظفر چشتی نے اپنے وفد کے ہمراہ شرکت کی۔ضلع میں یونٹ سازی اور ملتان میں ہونے والے دو روزہ تربیتی ورکشا پ میں شرکت کی حوالے سے بریفنگ دی۔اجلاس میں برادر نجم الحسن ،برادر سید تصو ر شیرازی ،سید امجد حسین ،اور سیکرٹری تنظیم سازی جہلم کے علاوہ دیگر اراکین نے شرکت کی۔بعد ازاں مجلس وحدت مسلمین پاکستان کے صوبائی سیکرٹری تنظیم سازی بردار ظفر چشتی نے اپنے وفد کے ہمراہ تحصیل سوہاوہ کا دورہ کیا۔او ر تحصیل سوہاوہ کے مومنین سے ملاقات کی او ر ایم۔ڈبلیو۔ایم تحصیل سوہاوہ کی کابینہ تشکیل دینے پر مشاورت کی۔اجلاس میں مولانا افتخار حسین خطیب جامع مسجد سہالہ ،شیخ محمد علی ،سید احسن نعیم کاظمی ،سید شاہد حسین شاہ،ظہیر حسین و دیگر برادران نے شرکت کی۔مومنین نے جلد تحصیل کابینہ بنانے پر آمادگی کا اظہار کیا۔

وحدت نیوز (اسلام آباد) پشاور میں آرمی پپلک اسکول پر دہشت گرد حملے اوراساتذہ سمیت 126طلباءکی بہیمانہ شہادت کے بعد اس اندہوناک اور پاکستان کی تاریخ کے سفاک ترین سانحے پر اپنے درعمل کا اظہا رکرتے ہوئے مجلس وحدت مسلمین پاکستان کے سربراہ علامہ ناصر عباس جعفری نے شدید غم و غصےکا اظہار کرتے ہوئےکہا کہ تاریخ پاکستان کے عظیم ترین سانحے پر دل خون کے آنسو رو رہا ہے، وطن عزیزکے معماروں کو چن چن کر گولیو ں کا نشانہ بنایا گیا، کل تک مزاروں ، اما م بارگاہوں ، بازاروں ، اسپتالوں کو نشانہ بنانے والے آج اسکول میں گھس آئے ،سسکی بلکتی ماوں کی آہیں عرش الہیٰ لرز ا رہی ہیں ، پشاور اسکول سانحہ غیرت مند پاکستانیوں کے لئے مقام عبرت ہے،  حکومت کی جانب سے دہشت گردوں کے خلاف مسلسل نرم رویہ ملک کو تباہی کے دھانے پر پہنچا رہا ہے، پاک فوج آپریشن ضرب عضب کے نتیجے میں ملک بھر میں پھیل جانے والے دہشت گردوں اور ان کے سیاسی سرپرستوں اور ہمدردوں کے خلاف ملک گیر آپریشن کلین اپ کرے،  انہوں نے مجلس وحدت مسلمین پاکستان کی جانب سے اس اندھوناک سانحے کے بعد تین روزہ سوگ کا اعلان کیا ہے، جبکہ مرکزی کابینہ کے ارکین پر مشتمل اعلیٰ سطحی وفد کو فوری طور پر پشاور پہنچنے کی ہدایت جاری کی ہے، ساتھ ہی تمام اضلاع کو ہدایت جاری کی گئی ہے کہ جہاں جہاں ممکن ہو اس ظلم عظیم پر احتجاج کریں اور شہداءکی یاد میں چراغاں کیا جائے۔

واضح رہے کہ پشاور میں ورسک روڈ پر قائم آرمی سکول دہشتگردوں کا نشانہ بن گیا۔ ابتدائی اطلاعات کے بعد فوجی وردیوں میں ملبوس دہشتگرد سکول کے اندر داخل ہوئے، جس کے بعد فائرنگ کا سلسلہ شروع ہوگیا، جس میں خاتون ٹیچرزسمیت  130طلباءشہید جبکہ دو ٹیچروں سمیت  100سے زائد زخمی ہوگئے۔ کالعدم تحریک طالبان کے ترجمان نے حملے کی ذمہ داری قبول کرتے ہوئے بتایا کہ سکول میں چھ فدائی حملہ آور داخل ہوئے ہیں۔ حملے کے بعد سکیورٹی فورسز نے علاقے کو گھیرے میں لے لیا اور سکول کے قریبی راستوں کو ہر قسم کی ٹریفک کے لیے بند کر دیا ہے، جبکہ شہر کہ تمام داخلی و خارجی راستے سیل کر دیئے گئے ہیں ،  فوج نے اسکول سے متعدد طالب علموں کو بازیاب کرا لیا ہے، جس میں سے ایک طالب علم نے میڈیا سے گفتگو کرتے ہوئے کہا کہ چھ سے سات افراد کالی وردیوں میں ملبوس تھے اور کلاسوں میں داخل ہو کر فائرنگ کر رہے تھے، جس کے بعد میں کلاس کے پیچھے چھپ گیا جب آرمی والے آئے تو انھوں نے مجھے باہر نکالا۔میڈیا نمائندگان کے مطابق دہشت گرد بھاری اسلحے سے لیس ہیں ، چار دہشت گرد خودکش جیکٹس پہنے ہوئے ہیں ، سکیورٹی فورسزاور دہشت گردوں کے درمیان فائرنگ کا تبادلہ بھی جاری ہے، آئی ایس پی آر کے مطابق تمام  دہشت گرد واصل جہنم ہو چکے ہیں ، لاشوں اور زخمیوں کو سی ایم ایچ، الائیڈ اور لیڈی ریڈنگ اسپتال منتقل کردیا گیا ہے،وفاقی اور تمام صوبائی حکومتوں نے اس عظیم سانحے پر تین روزہ قومی سوگ کا اعلان کیا ہے، ملک بھر میں قومی پرچم سرنگوں رہے گا۔

وحدت نیوز (کراچی) سید ناصرشیرازی مرکزی سیکرٹری سیاسیات مجلس وحدت مسلمین پاکستان نے ایم ڈبلیوایم کراچی ڈویژن کے جنرل ورکرز اجلاس سے المحسن ہال میں خطاب کرتے ہوئے کہاکہ ہماری سیاست یہ ہے کہ آپنے آپ کو قدرت مندکریں تاکہ امام ؑ  کی نصرت کر سکیں آئند ہ شیعہ قوم کے فیصلے پارلیمنٹ میں خود کریں گے، ہم انشااللہ اس جگہ پر آئیں گے حکومت شیعہ کے علاوہ کوئی فیصلہ نہیں کر سکے گی،مجلس وحدت مسلمین قائد شہید علامہ عارف حسینی ؒکے سیاسی منشور پر عمل پیرا ہے، شیعہ سنی وحدت کا اسکرپٹ شہید قائد کا تشکیل کردہ ہے، اپنا ووٹ کسی بھی سیاسی جماعت کی جھولی میں ڈال دینا شہید حسینی ؑ کی روش نہیں ، ایم ڈبلیو ایم شہید قائد علامہ عارف حسین الحسینی کے ارمانوں کو پورا کرے گی، مجلس وحدت مسلمین کی سیاسی پالیسی کا خالق شہید علامہ عارف حسین الحسینی ہے،اس موقع پر ایم ڈبلیو ایم کراچی کے سیکریٹری جنرل حسن ہاشمی، ڈپٹی سیکریٹری جنرل علامہ مبشر حسن، سیکریٹری تنظیم سازی سجاد اکبر زیدی، سیکریٹری تربیت و فلاح و بہبود سید رضا جلالوی سمیت دیگر رہنما بھی موجود تھے۔ انہو ں نے کہاکہ  انشاء اللہ شہید کے خواب کو عملی جامہ پہنائیں گے،  تکفیریوں کی سرپرست نواز حکومت کے خلاف   اپنی بھرپور جدوجہد جاری رکھیں گے۔ سنی اتحاد کونسل اور پاکستان عوامی تحریک مخلص اتحادی ہیں ، عملاًشیعہ سنی وحدت کا پر چار ایم ڈبلیوایم کی کاوشوں سے ممکن ہوا، گلی گلی کوچہ کوچہ شیعہ سنی وحدت کی گواہی دے رہا ہے، تکفیریت عملاً ہماری حکمت عملی سے ذلت و رسوائی کا شکار ہوئی۔

اُنہوں نے اتحاد پر بات کرتے ہوئے مزید کہا کہ رہبر معظم کہتے ہیں میں اتحادبین المسلمین کی راہ کا شہید بننا چاہتا ہوں ۔ہم نے پاکستان میں مختلف مذہبی جماعتوں سے اتحاد کر کے تکفیریات کا راستہ بند کر دیا ہے، نون لیگ خود ایک تکفیری ٹولا ہے ،فوج نے طالبان کے خلاف ضرب عضب آپریشن کیا ہے، اسی طرح شیعہ مکتب نے اہلسنت مکتب کےساتھ نون لیگ کے خلاف عوامی  ضرب عضب کا آغاز  کیا۔ان کا کہنا تھا کہ طالبان سے مذاکرات کی حامی نواز حکومت کی جانب سے کالعدم تکفیری جماعتوں کو ملک میں تفرقہ پھیلانے کیلئے کھلا گراؤنڈ دیا گیا لیکن وطن کے شیعہ سنی عوام نواز لیگ کی اس خیانت کو پہچان چکے ہیں اور اپنی وحدت سے انہیں ناکام بنائیں گے، اتحاد و وحدت ہمارا ایمان ہے اور کسی کو بھی اجازت نہیں دیں گے وطن عزیز کو فرقہ واریت کی آگ میں جھونک کر اس سے غداری کی کوشش کرے۔ یہ ملک شیعہ اور سنی نے مل کر بنایا تھا، کانگریسی ایجنٹوں کی تمام سازشوں کو ناکام بنائیں گے۔

سید ناصرعباس شیرازی نے کہا اگر اتحادی نہ ہوتے تو ہم راولپنڈی والے واقعے میں تنہا تھے یہ صاحبزادہ حامد رضا تھے جنہوں نے ٹی وی پر مولانااشرفی کو کہا ہم آپ کو سنی تسلیم نہیں کرتے یہ جنگ اکیلے نہیں لڑی جاسکتی ۔برحال امام حجت  علیہ سلام کا ساتھ ہمشہ شامل حال رہا۔ہم حکومت مخالفت تحریک کا حصہ   نہ ہوتے تو یہ جھنگ مین لشکر جھنگوی کو مضبوط کر رہے تھے، اس طرح بھکر میں ہمارے ایک سو چالیس بندے شیڈول فور میں ڈال دیئے۔ گلگت بلتستان الیکشن میں حصہ شہید قائد کے معین کردہ اصلوں کے مطابق لیں گے، انتخابی اتحاد کے لئے طویل مشاور ت کریں گے،گلگت بلتستان کے انفرااسٹرکچر کے بحالی کے لئے دن رات کوشاں ہیں ، آئندہ تین ماہ ملک گیر ممبر سازی اور تربیتی مہم کا آغاز کریں گے۔

آخر میں ان کا کہنا تھا کہ مجلس وحدت مسلمین کے وجود اور انداز کار پر اعتراض کرنے والے دفتر رہبری سے استفتاء کریں ، انتخابی سیاست میں حصہ رہبر کی اجازت سے لیا، رہبر معظم کے واضح احکامات ہیں کہ کافر مملکت میں بھی سیاسی محاز خالی نہ چھوڑا جائے، ایم ڈبلیوایم کے تمام تر امور دفتر رہبری اور سید مقاومت کے علم  میں ہیں اور مکمل تائید حاصل ہے،آج الحمد اللہ مجلس وحدت کی سیاسی حکمت عملی دیگر اسلامی ممالک میں قابل تقلید قرار دی جارہی ہے۔

وحدت نیوز (راولپنڈی) مجلس وحدت مسلمین پاکستان کے ڈپٹی سیکرٹری جنرل علامہ امین شہیدی نے کہا ہے کہ پاکستان صرف اور صرف عشق حسین (ع) کے نتیجہ میں ہی باقی رہ سکتا ہے، اگر پاکستان سے حسینیت نکل جائے تو پاکستان کا انجام بھی لیبیا اور تیونس جیسا ہو گا۔ کائنات کے نجس ترین استکبار ی پاکستان پر قابض ہو جائیں گے، اگر ہم استکبار کا راستہ روکنا چاہتے ہیں تو حسینیت کو فروغ دینا ہوگا، حکومت کی ذمہ داری بنتی ہے ایک شہری کی حیثیت سے ہر عزادار کو مکمل تحفظ فراہم کرے، حکومتی انتظامات ناکافی ہیں، حکومتی حکمت عملی سے عزاداروں کو مختلف مشکلات کا سامنا کرنا پڑا ہے، ان خیالات کا اظہار انہوں نے راولپنڈی میں اربعین حسینی کے مرکزی جلوس میں شرکت کے بعد میڈیا نمائندگان سے بات چیت کے دوران کیا۔

علامہ شہیدی کا کہنا تھا کہ امام حسین علیہ السلام وہ ہستی ہیں جنہوں نے ڈوبتے ہوئے اسلام کو اپنے اور اپنے اہل و عیال کے خون کے ذریعے دوبارہ وہ زندگی عطا کی جس کے نتیجے میں اب قیامت تک اسلام ختم نہیں ہوگا، اسلام کربلا اور حسین ابن علی (ع) کی شہادت کی وجہ سے زندہ و تابندہ ہے۔ آج اگر اسلام کو زندہ رکھنا ہے تو حسین (ع) کو زندہ رکھنا ہوگا، حسین (ع) کی یادوں، فلسفہ حیات اور حسینی پیغام کو زندہ رکھنا ہوگا، حسین (ع) کے فلسفہ شہادت اور حسین (ع) خطبوں کو زندہ رکھنا ہوگا، اور حسین (ع) کی زندگی کے اس ہدف کو زندہ رکھنا ہوگا جس کی بنیاد پر آج اسلام زندہ ہوا ہے۔ آج پوری دنیا میں نکلنے والے عاشقان حسین (ع)، اسلام کی حیات کو حسین (ع) کی اس قربانی کے مرہون منت سمجھتے ہیں، یہ حسینی میدان میں آئیں گےاور ہر مرتبہ ان میں اضافہ ہو گا، تمام خطرات اور دھمکیوں کے باوجود آئیں گے، چونکہ حسین (ع) نے انہیں خطرات کی آنکھ میں آنکھ ڈال جینا اور اسلام کا تحفظ سکھا دیا ہے۔

آج کے دن کا پیغام یہ ہی ہے کہ حسین ابن علی (ع) کے عشق و محبت کو زندہ رکھا جائے، پاکستان صرف اور صرف عشق حسین (ع) کے نتیجہ میں بچ سکتا ہے، پاکستان حسینیت کے سائے میں سالم و محفوظ رہ سکتا ہے، حسینیت اگر نکل جائے تو پاکستان کا انجام بھی لیبیا اور تیونس جیسا ہو گا۔ کائنات کے نجس ترین استکبار ی پاکستان پر قابض ہو جائیں گے، اگر ہم استکبار کا راستہ روکنا چاہتے ہیں تو حسینیت کو فروغ دینا ہوگا، اور حسینیت کے فروغ کے نتیجہ میں ہی پاکستان ایک پرامن مسلمان ملک کے طور پر باقی رہ سکتا ہے۔

وحدت نیوز (اسلام آباد) مجلس وحدت مسلمین پاکستان کی مرکزی میڈیا کمیٹی کا اہم اجلاس مرکزی سیکریٹریٹ اسلام آباد میں مرکزی سیکریٹری اطلاعات سید محمد مہدی کی زیر صدارت منعقد ہوا، اجلاس سے خطاب کرتے ہوئےمحمد مہدی کا کہنا تھا کہ قومی و بین الاقوامی سطح پر روز بروز تیزی سے بدلتی سیاسی و جغرافیائی صورت حال کے پیش نظر ذرائع ابلاغ کی ذمہ داریوں میں بے پناہ اضافہ ہوا ہے، بحیثیت قوم ، تنظیم اور ادارہ اپنا موقف بر وقت عوام تک پہنچانے میں میڈیا کا کردار نا قابل فراموش ہے، مرکزی میڈیا سیل کے زیر اہتمام پرنٹ ، الیکٹرونک اور سوشل میڈیا سے آگاہی کے حوالے سے اہم میڈیا ورکشاپ ماہ جنوری  کے اختتام پر اسلام آباد میں منعقد ہوگی، اجلاس میں مرکزی میڈیاسیل ٹیم کے رکن علی احمر، این ایچ بلوچ، سیکریٹری اطلاعات پنجاب مظاہر شگری، سیکریٹری اطلاعات اسلام آبادحسنین زیدی اور شجاعت حیدر زیدی نے شرکت کی، محمد مہدی نےمذید کہاکہ ورکشاپ میں پرنٹ ، الیکٹرونک او ر سوشل میڈیاسے وابستہ ماہرین شریک ہونگےجو اپنےاپنے شعبے سے مطلق معلومات سے شرکائےورکشاپ کو آگاہ کریں گے، انہون نے تمام صوبائی اور ضلعی سیکریٹری جنرل صاحبان کو ہدایات جاری کیں کے، مرکزی میڈیا سیل کی جانب سے جاری اعلامیےاور تاریخ کے تعین  کے بعد تمام اضلاع کے میڈیا سیکریٹریز کی ورکشاپ میں شرکت کو یقینی بنایا جائے۔