The Latest
وحدت نیوز( گلگت) مجینی محلہ شہید ملت روڈ پربے گناہ جوانوں کو دہشت گردوں نے فائرنگ کرکے شدید زخمی کرنے کے واقعے کو ایک ماہ گزرنے کے باوجود ملزمان کی عدم گرفتاری تشویشناک ہے۔انتظامیہ طفل تسلیوں کے ذریعے ٹائم پاس کررہی ہے اور ملزمان کی گرفتاری کیلئے کوئی سنجیدہ کوشش نہ کرنا سمجھ سے بالاتر ہے ایسا لگ رہا ہے کہ انتظامیہ اور ہشت گرد آپس میں ملے ہوئے ہیں،ان خیالات کا اظہار مجلس وحدت مسلمین کے رہنما سعید الحسنین نے اپنے ایک بیان میں کیا ہے ۔
انہوں نے کہا کہ مجینی محلہ شہید ملت روڈ پر آتشیں اسلحے سے فائرنگ کرکے تین نوجوانوں کو زخمی کرنے والے دہشت گردوں کی عدم گرفتاری سے ہم یہ سمجھنے میں حق بجانب ہیں کہ حکومت صرف اور صرف اپنے سیاسی مخالفین کے خلاف نیشنل ایکشن پلان کا قانون استعمال کررہی ہے اور دہشت گردوں کو کھلی چھوٹ دے رکھی ہے ۔حکومت کے اس رویے سے علاقے کے عوام میں عدم تحفظ کا احساس نمایاں ہوتا جارہا ہے اور دوسری طرف دہشت گرد بلا خوف و تردد گھوم رہے ہیں اور حکومت ان ملزمان کو گرفتار کرنے میں مخلص نہیں ہے ،ماضی میں بھی حکومتوں کے ایسے ہی رویوں کی وجہ سے علاقہ فرقہ واریت کی بھینٹ چڑھ گیا ہے اور موجود حکومت نے بھی یہ رویہ جاری تو احتجاج پر مجبور ہونگے۔ انہوں نے انتظامیہ کے اس رویے سخت تنقید کرتے ہوئے فورس کمانڈر سے اپیل کہ وہ اس دہشت گردی کے واقعے کا نوٹس لیں اور ملزمان کی گرفتاری کویقینی بناکر قرار واقعی سزادلوائیں۔
وحدت نیوز (ملتان) مجلس وحدت مسلمین پنجاب کے ڈپٹی سیکرٹری جنرل علامہ سید اقتدار حسین نقوی نے وفد کے ہمراہ گزشتہ تحصیل شجاع آباد کا دورہ کیا، اس موقع پر وفد میں ضلعی سیکرٹری جنرل علامہ قاضی نادر حسین علوی، ڈپٹی سیکرٹری جنرل محمد عباس صدیقی، انجینئر مہر سخاوت علی، سید دلاورعباس زیدی اور سلمان حیدر موجود تھے۔ تحصیل شجاع آباد کی شوری نے متفقہ طور پر عون رضا جام کو سیکرٹری جنرل منتخب کیا، بعدازاں علامہ اقتدارحسین نقوی نے شجاع آباد کے سیکرٹری جنرل عون رضا اور اُن کی کابینہ سے حلف لیا۔ شوری کے اجلاس سے خطاب کرتے ہوئے علامہ سید اقتدار حسین نقوی نے کہا کہ مجلس وحدت مسلمین پاکستان میں محبت، اتحاد اور وحدت کے عمل کو فروغ دینا چاہتی ہے، پاکستان عالم اسلام کے لیے ایک چمکتا ہوا ستارہ ہے جو دشمن کی آنکھ کا کانٹا بن چکا ہے، اُنہوں نے بھارت کی جانب سے کنٹرول لائن کی خلاف ورزی کی مذمت کرتے ہوئے کہا کہ بھارت کسی خام خیالی میں نہ رہے پاکستان ایک مسلمہ حقیقت ہے جس کا انکار ناممکن ہے، بھارت کی جانب سے حریت پسند رہنما سید علی گیلانی، میرواعظ عمر فاروق اور آسیہ اندرابی کی گرفتاری اور نظربندی کی بھر پور مذمت کرتے ہیں، پاکستانی فوج دشمن کی ہر کاروائی کا منہ توڑ جواب دینے کی صلاحیت رکھتی ہے، اقوام متحدہ مسئلہ کشمیر پر آنکھیں بند نہ کرے ، کشمیریوں کو اُن کی جدوجہد کا ثمر ضرور ملنا چاہیے۔ اس موقع پر علامہ قاضی نادر حسین علوی اور محمد عباس صدیقی نے بھی خطاب کیا۔
وحدت نیوز (کوئٹہ) مجلس وحدت مسلمین کوئٹہ ڈویڑن کے میڈیا سیل سے جاری شدہ بیان میں کونسلر محمد مہدی نے کہاہے کہ ہمارے قیام کا مقصد عوام کی خدمت کرنا ہے، ہماری پوری کوشش ہوتی ہے کہ علاقے کے مسائل کو عوام کی امنگوں کے مطابق جلد از جلد حل کریں۔محلہ ہاشمی اور ٹونے آباد جو کہ دامن کوہ کا علاقہ ہے جہاں پر لوگوں کو فراہمی آب بمشکل میسئر تھی ۔ واٹر پمپ کے ذریعے بھی پانی مشکل سے گھروں تک پہنچتا ہے ۔اسی مسئلے کو مدنظر رکھتے ہوئے مذکورہ علاقے کے لیے ریزروائر کو قیام ضروری تھا جہاں سے بآسانی لوگوں کو پانی مہیا ہوسکیں۔انشاء اللہ ریزروائر کے بننے سے لوگوں کو بغیر کسی واٹر پمپز کے پانی فراہم کی جائیگی علاوہ ازیں بجلی کے بل میں بچت بھی ہوگی۔اس کے علاوہ جتنے بھی اجتماعی مسائل درپیش ہیں انشاء اللہ تنظیم کی پوری کوشش رہے گی کہ اولین فرصت میں حل کرائیں۔ اجتماعی مسائل میں بلخصوص شناختی کارڈز اور پاسپورٹ کے مسئلے پر اعلیٰ حکام سے گفت شیند جاری ہے اور وقتاً فوقتاً اسمبلی فلور سے بھی آواز اٹھاتے رہے ہیں۔جہاں تک ہم سے جتنی ممکن ہو اپنی استطاعت کے مطابق عوام کی خدمت میں پیش پیش رہینگے ۔ جن کی مثالیں بلوچستان اسمبلی میں اپنے علاقے کے مسائل پر گفتگو اور ان کے حل کیلئے مختلف محکموں اور افسران سے ملاقاتیں ہیں. ان واقعات سے پوری قوم آگاہ ہے. آج تک ہم نے قوم کے لئے جو خدمات انجام دیئے ہیں انکا تذکرہ یوں ایک اخباری بیان نہیں کیا جاسکتا البتہٰ ہم نے اپنے پروگراموں میں اپنی کارکردگی عوام کی خدمت میں پیش کیا ہے اور جو بھی ان کاموں سے آگاہ ہونا چاہتا ہے ہمارے دروازے ان کیلئے کھلے ہیں. قوم کا ہر فرد یہ حق رکھتا ہے کہ وہ آئے اور ہمیں اپنے مسائل سے آگاہ کریں. بیان میں مزید کہا گیا کہ عوام جھوٹے افواہوں کے بجائے حقیقت کی تلاش میں نکلیں۔ لیکن ایک سیاسی پارٹی جنہیں عوام نے گزشتہ دو دائیوں سے رد کی ہے اور مذکورہ پارٹی اپنی ساگھ کو بچانے اور اپنے آپ کو زندہ رکھنے کے لیے روزانہ اخباروں میں گمراہ کن بیانات دیتے رہتے ہیں جنہیں قوم بخوبی جانتے ہیں اور ان کے جھوٹے اور گمراہ کن بیانات میں توجہ نہیں دیتے۔ قوم کو وہ دن بھی یاد ہے کہ جب مذکورہ شخص اعلیٰ عہدے پر فائز تھا تو انہوں نے اپنے دور میں ایک بھی بلڈنگ کی سنگ بنیاد نہیں رکھی ۔ قوم یہ بات جاننا چاہتی ہے کہ اپنے دور کی کارکردگی عوام میں پیش کریں ۔
وحدت نیوز (کراچی) مجلس وحدت مسلمین کراچی ڈویژن کے سیکریٹری امورسیاسیات علی حسین نقوی نے اپنے ایک بیان میں کہا ہے کہ دہشت گرد اپنا اثر رسوخ بڑھانے کے لیئے ملک کا امن تہہ و بالا کرنے میں مصروف ہیں. دہشت گردی کے سامنے ملت تشیع سب سے بڑی رکاوٹ ہے. شجاع خانزادہ کی شہادت پنجاب حکومت کی آنکھیں کھولنے کیلئے کافی ہے. ضیا ءالحق کے پالے سنپولیئے آج پوری عالمی دنیا میں پاکستان کو بدنام کرنے کی وجہ بن رہے ہیں. پاکستان کی بقاءکی خاطرفیصلہ کن اقدامات کا وقت آپہنچا ہے، حکومت کو جہادی کلچر کے سامنے بند باندھنے کی ضرورت ہے، ملک بھر میں موجود تکفیری مدارس قومی امن کیلئے سنگین خطرہ بن چکے ہیں ، حکومت کالعدم تکفیری گروہوں کے خلاف فوری کاروائی عمل میں لاکر دہشت گردی کی لعنت سے پاکستان کو ہمیشہ ہمیشہ کیلئے نجات دلائے۔
وحدت نیوز (اسلام آباد) مجلس وحدت مسلمین کے مرکزی رہنما برادر نثارعلی فیضی کو مرکزی سیکریٹری تعلیم کی ذمہ داریاں تفویض کردی گئی ہیں ، اس بات کا اعلان مرکزی سیکریٹری جنرل مجلس وحدت مسلمین علامہ راجہ ناصرعباس جعفری نے میڈیا سیل کو جاری بیان میں کیا ہے، انہوں نے کہا ہے کہ برادر نثا رعلی فیضی بحیثیت مرکزی سیکریٹری فلاح وبہبود اور چیئرمین خیر العمل فاونڈیشن اپنی ذمہ داریوں سے بحسن وخوبی عہدہ براں ہوئے ہیں ، وہ انتہائی محنتی وجفاکش کارکن ہیں اور ایم ڈبلیوایم کا اثاثہ ہیں امید کرتا ہوں کے وہ شعبہ تعلیم کی فعالیت اورایک مضبوط شعبے کی قیام کیلئے اپنی توانائیاں بروئے کار لائیں گے، خدا وند متعال انکی فعالیت کو اپنی بارگاہ میں عبادت شمار فرمائے۔
وحدت نیوز(کوئٹہ) ہمارے معاشرے میں کھیل کے مختلف سرگرمیوں کو فروغ دینے کی سخت ضرورت ہے. کھیل ہماری زندگی کا ایک اہم جزو ہے، جس سے وابسطہ افراد ملک و قوم کی سر بلندی کا باعث بنتے ہیں۔ چیک وصول کرنے والے مختلف وفودجو کہ اظہار تشکر کیلئے MWMبلوچستان کے مرکزی آفس میں آئے تھے سے بات چیت کرتے ہوئے ان خیالات کا اظہار مجلس وحدت مسلمین پاکستان کے رہنما رکن بلوچستان اسمبلی آغا رضا نے کیااور کہا کہ گزشتہ روز ہم نے اپنے ڈی ڈی پی فنڈ سے 155 مریضوں، 37 اسپورٹس کلبوں، مختلف تعلیمی اداروں، سوشل ویلفیر آرگنائزیشنز، ہسپتالوں اور مراکز صحت میں مبلغ چار کروڈ روپے تقسیم کئے ۔
انہوں نے مزید کہا کہ اس بات کی بہت سی مثالیں موجود ہیں کہ کھیلوں سے وابسطہ افراد نے کھیلوں کے زریعے ملک کا نام دنیا بھر میں روشن کیا ہے اور ساتھ ہی ساتھ ان کھیلوں سے معاشرے میں مختلف قسم کے مثبت اثرات مرتب ہوتے ہیں۔انہوں نے کہا کہ 2014اور 2015ڈی ڈی فنڈ سے مختلف سپورٹس کلبوں ،کھلاڑیوں اور کھیلوں سے وابستہ افراد میں فنڈز تقسیم کیا گیا تا کہ کھیلوں کی سرگرمیوں کو فروغ حاصل ہو سکے اور ایک صحت مند معاشرہ تشکیل پا سکے ۔انہوں نے کہا کہ کھیلوں سے دوری اختیار کرنا ہمارے لئے مختلف بیماریوں کی وجہ بنتی ہے. مختلف بیماریوں میں لوگ اس لئے بھی مبتلا رہتے ہیں کیونکہ انکی کوئی ایسی سرگرمی نہیں ہوتی جس سے وہ صحت مند رہ سکے. ان باتوں کو مد نظر رکھتے ہوئے ہم نے اپنے فنڈز کو مریضوں کے ساتھ ساتھ کھیل سے وابسطہ افراد میں بھی تقسیم کیا تاکہ ہماری طرف سے جتنی ہو سکے ان لوگوں کی حوصلہ افزائی ہو اور معاشرے میں ان جیسے سرگرمیوں کو فروغ مل سکے۔
ایم ڈبلیو ایم کی پوری کوشش ہے کہ عوام کی جتنی ممکن ہو خدمت کرے اس لئے ہمیں امید ہے کہ فنڈز کی تقسیم سے نہ صرف مریضوں کا علاج ممکن ہوسکے گابلکہ انکے قرضے بھی ادا ہوسکے نگے جنہوں نے اپنا علاج قرض لیکرکیا تھااسکے ساتھ ساتھ اسپورٹس کلبوں کو مزید ترقی کے مواقع ملیں گے، تعلیم میں ترقی ہوگی، سوشل ویلفیئر آرگنائزیشنز کو مزید خدمت کا موقع ملے گا اور ہسپتالوں اورصحت کے مراکز میں بہتری آئے گی.
وحدت نیوز(کوئٹہ) مجلس وحدت مسلمین پاکستان کوئٹہ کے میڈیا سیل سے جاری شدہ بیان میں کونسلررجب علی کربلائی نے کہا ہے کہ بہت افسوس کی بات ہے کہ بعض افراد مستحق مریضوں اور طلباء کے درمیان فنڈ کے تقسیم کو بھی تنقید کا نشانہ بنا رہے ہیں. ہماری جماعت مثبت اور تعمیری تنقید کو مثبت سمجھتی ہے لیکن مخالفت برائے مخالفت کو منفی سمجھتی ہے ۔ ہم ہمیشہ اتحاد کے حمایتی رہے ہیں اور سیاسی یکجہتی پر یقین رکھتے ہیں اور ہم سب کو ساتھ لے کر چلنے کو ترجیع دیتے ہیں. بیان میں ڈی ڈی پی فنڈز کے تقسیم کا طریقہ کار کچھ یوں ہے کہ حکومت کی جانب سے فنڈز کے اعلان کے بعد ڈی ڈی پی فنڈز کیلئے علاقے کے مستحق لوگوں سے ان کے اخراجات کی فائل جمع کی جاتی ہے اور اسے منظم کرکے ڈی سی آفس بھیج دیا جاتا ہے اس کے بعد ڈی سی آفس سے ان فائلوں کی تصدیق ہوتی ہے اورجن مریضوں ،سپورٹس کلبوں یا دیگر اداروں نے اپنے فائلز جمع کروائیں انکی اچھی طرح چان بین کرکے انکے چیکس بنائے جاتے ہیں اور تمام کاروائیاں مکمل ہونے کے بعد ان افراد کیلئے چیکس ایم پی اے کو بھیج دیا جاتا ہے اور ایم پی اے اسے تقسیم کر دیتا ہے.بیان میں مزید کہا گیا کہ جس طرح ہم یکجہتی پر یقین رکھتے ہیں دوسری جماعتوں کو بھی چاہئے کہ وہ ان کاموں میں ہمارا ساتھ دے کر قوم کی فلاح میں ایک مثبت کردار ادا کرے. ہم تنقیدی نگاہ کی بھی قدر کرتے ہیں کیونکہ ان سے ہمیں ہمارے خامیوں کا پتہ چلتا ہے مگر بعض تنقیدیں بلکل بے بنیاد ہوتی ہے جسکی مثال گزشتہ روز کے اخباروں میں ملتا ہے. ہم ہمیشہ وحدت پر یقین رکھتے ہیں اور آئندہ بھی ہر میدان میں یکجہتی کا مظاہرہ کریں گے۔
وحدت نیوز (شکارپور) وارثان شہدائے شکارپور کااہم اجلاس کاظمین امام بارگاہ شکارپور میں چیئرمین علامہ مقصود علی ڈومکی کی زیر صدارت منعقد ہوا۔ اجلاس میں شہدائے شکارپور کے ورثاء نے بھرپور شرکت کی۔ انہوں نے کہا ہے کہ سانحہ شکارپور کو چھ ماہ کا طویل عرصہ گذر چکا ہے ،مگر سندہ حکومت کے وعدے وفا نہیں ہوئے۔ اس موقع پر وارثان شہداء نے متفقہ طور فیصلہ کیا کہ سندہ حکومت کی عہد شکنی کے خلاف احتجاجی تحریک شروع کی جائے گی، انہوں نے پوری قوم اور ملت کے اکابرین اور قومی جماعتوں سے اپیل کی کہ وہ سندہ حکومت کی عہد شکنی کے خلاف تحریک میں وارثان شہداء کا ساتھ دیں۔ وارثان شہداء نے کہا کہ سندہ حکومت کے رویئے کے خلاف لانگ مارچ ناگزیر ہوچکا ہے۔ جبکہ احتجاجی تحریک کے پہلے مرحلے میں جمعہ ۲۸ اگست کو ملک بھر خصوصا سندہ میں یوم احتجاج اور یوم سیاہ منایا جائے گا،اجلاس میں شہداء کمیٹی کے چیئرمین علامہ مقصود علی ڈومکی، وائس چیئرمین علامہ عبدالمجید بہشتی، شہداء کے ورثاء قمر الدین شیخ، مولانا عبدالستار سومرو، سید نجف علی شاہ، سید عباس علی شاہ و دیگر نے اظہار خیال کیا۔ اس سلسلے میں مومنین اور شخصیات سے رابطہ کا فیصلہ بھی کیا گیا۔
وحدت نیوز (ڈیرہ مراد جمالی) مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے سبی، بختیار آباد ڈومکی،ڈیرہ مراد جمالی کا تنظیمی دورہ کیا۔ اس موقع پر انہوں نے سبی میں آر پی او سبی انتصار حسین جعفری اور ڈی پی او انور کھیتران سے ملاقات کی۔بختیار آباد کے چیئرمین میر سیف اللہ خان ڈومکی سے ملاقات کی۔سبی اورڈیرہ مراد جمالی میں کارکنوں اور صحافیوں سے گفتگوکرتے ہوئے انہوں نے کہا ہے کہ مجلس وحدت مسلمین انقلابی افکار کی حامل الٰہی تحریک ہے، جو باطل طاغوتی نظام کے خلاف بر سر پیکار ہے۔ انہوں نے کہا کہ قائد کے پاکستان کوآج تکفیری سوچ اور دھشت گردی سے خطرہ ہے، قوم متحد ہوکر وطن دشمنوں کا مقابلہ کرے۔ دھشت گردوں کے ساتھ رعایت ملک و قوم کے ساتھ خیانت کے مترادف ہے۔ عوام کو فوری انصاف کی فراہمی ضروری ہے۔ گذشتہ تین دہائیوں سے جاری دھشت گردی کے مرتکب مجرموں کو تیزی کے ساتھ سزائے موت دی جائے۔ وطن عزیز میں اسی ہزار شہداء کے وارث آج بھی انصاف کے منتظر ہیں۔ فوجی عدالتوں پر ذمہ داری عائد ہوتی ہے کہ وہ معصوم شہریوں کو تحفظ دیں اور پاک وطن کی سر زمین کو دھشت گردوں کے لئے تنگ کردیں۔
انہوں نے کہا کہ بلوچستان کے مسائل کے حل کے لئے طاقت اور تشدد کی بجائے مذاکرات اور مفاہمت کا راستہ اختیار کیا جائے۔ خان آف قلات سے ملاقات اور مذاکرات کے سلسلے میں پیش رفت خوش آئند ہے ، مگر بلوچستان مسئلے کے اصل فریق یہاں کے عوام ہیں، جو مظلومیت اور محرومیت کی عملی تصویر پیش کر رہے ہیں۔ بلوچستان سے محرومیت کا خاتمہ یقینی بناتے ہوئے 67 سالہ نا انصافیوں کا ازالہ کرنا ہوگا۔ بلوچستان کے ساحل اور وسائل پر یہاں کے عوام کا حق تسلیم کیا جائے۔
وحدت نیوز (مظفرآباد) شجاع خانزادہ کی شہادت پر ان کے خاندان سے اظہار ہمدردی کرتے ہیں، تکفیری مائندسیٹ و کالعدم تنظیمیں اس ملک خداداد کے لیئے ناسور بن چکی ہیں ،شجاع کی شجاعت و قربانی کبھی رائیگان نہیں جائے گی ، اس ملک میں اسلام دشمن دہشتگردوں کی کوئی جگہ نہیں ہے، ان خیالات کا اظہار ریاستی سیکرٹری جنرل مجلس وحدت مسلمین پاکستان آزاد کشمیر علامہ سید تصور حسین نقوی الجوادی نے ریاستی دفتر سے جاری پریس ریلیز میں کیا ، انہوں نے کہا کہ شجاع خانزادہ ملک دشمن عناصر کے خلاف کمربستہ تھے، اگلی صفوں میں کھڑے دہشت گردوں کے لیئے دہشت کی علامت تھے، حکومت وقت کو اب تو یہ جان لینا چاہیئے کہ یہ کالعدم و تکفیری تنظیمیں کسی طور پر بھی اس ملک و ملت کی خیر خواہ نہیں ہیں ، یہ اپنا بنایا ہوا اسلام نافذ کرنے کے لیئے کسی کے بھی خیر خواہ نہیں ہیں ، انہیں جڑ سے اکھاڑ پھینکنے کے لیئے ضرب عضب کو ملک بھر میں پھیلایا جائے، ناسوروں کے خاتمے کے لیئے گلی گلی کی صفائی کی جائے ، جب تک ایک بھی دہشت گرد موجود ہے آپریشن نہ روکا جائے، قوم پاک فوج کے ساتھ ہے، پاک فوج کے عزم و حوصلے کو سلام کرتے ہیں ۔ شجاع خانزادہ کی خدمات تا زیست یاد رکھی جائیں گی ، ہم انہیں خراج تحسین پیش کرتے ہیں۔ ان کی بلندی درجات و پسماندگان کے صبر جمیل کے لیئے دعا گو ہیں۔
