وحدت نیوز (اسلام آباد) مجلس وحدت مسلمین پاکستان کے سربراہ علامہ ناصر عباس جعفری کی سربراہی میں ایم ڈبلیو ایم کے اعلٰی سطحی وفد نے وزیرِ داخلہ چودھری نثار علی خان سے پنجاب ہاؤس اسلام آباد میں ملاقات کی ہے۔ وفد میں مجلس وحدت مسلمین کے مرکزی ڈپٹی سیکرٹری جنرل علامہ محمد امین شہیدی، پنجاب کے سیکرٹری جنرل علامہ عبدالخالق اسدی اور مرکزی سیکرٹری سیاسیات ناصر عباس شیرازی شامل تھے۔ وزارت داخلہ سے جاری بیان کے مطابق ملاقات میں ملک کی مجموعی صورتحال پر تبادلہ خیال کیا گیا اور اہل تشیع کی سکیورٹی سے متعلقہ امور پر گفتگو کی گئی۔ اس موقع پر وفد کا کہنا تھا کہ ملکی مفاد اور قومی وقار کے تحفظ میں مجلس وحدتِ مسلمین ہر مقام پر اگلی صف میں کھڑی ہوگی، وزیر داخلہ چودھری نثار علی خان کا کہنا تھا کہ اہلِ تشیع کو مکمل تحفظ فراہم کرنا اور ان کے تحفظات دور کرنا حکومت کی اولین ترجیحات میں شامل ہے۔ ذرائع کے مطابق یہ ملاقات تقریباً ایک گھنٹے تک جاری رہی۔ ذرائع کا کہنا ہے کہ ایم ڈبلیو ایم کے وفد نے نون لیگ کی جانب سے گلگت بلتستان اور پنجاب میں سیاسی گرفتاریوں پر بھی کھل کر بات کی۔

وحدت نیوز (اسلام آباد) مجلس وحدت مسلمین پاکستان کے سیکریٹری جنرل  علامہ راجہ ناصرعباس جعفری اور ڈپٹی سیکریٹری جنرل علامہ امین شہیدی نے کہاکہ سیلاب کے باعث ہزاروں ایکڑ اراضی پر کھڑی فصلیں تباہ ہوچکی ہیں لاکھوں افراد بے گھر ہو چکے ہیں اور قیمتی جانوں کے ضیاء کا اندیشہ بھی موجود ہے، مسلم لیگ ن فتح کا جشن منانے کی بجائے بے گھر افراد کی طرف توجہ دے۔علامہ راجہ ناصرعباس جعفری نے کہا ہے کہ حکومت چترال، پنجاب اور سندھ میں زیر آب آنے والے علاقوں میں امدادی کاروئیوں کی رفتار کو تیز کرے۔اس ناگہانی آفت کے نتیجے میں متاثر ہونے والے لاکھوں افراد کو ضروریات زندگی کی بلاتعطل فراہمی ریاست کی اولین ذمہ داری ہے ۔ریاست کے تمام اداروں سمیت انسانی حقوق کی عالمی تنظیموں اور درد دل رکھنے والی مخیر شخصیات کو بھی مشکل کی اس گھڑی میں بے گھر افراد کی مدد اور بحالی میں کوئی کسر نہیں چھوڑنی چاہیے۔انہوں نے کہا کہ ترقی یافتہ ممالک میں ناگہانی آفات سے نمٹنے کے لیے قبل از وقت حفاظتی اقدامات کیے جاتے ہیں تا کہ نقصانات کی شرح کم سے کم درجہ پر رہے ۔لیکن ہمارے ہاں صورتحال اس کے برعکس ہے۔ہر سال ہزاروں ایکڑ رقبہ سیلاب کی نذر ہو جاتا ہے۔ لاکھوں افراد سیلاب کی تباہ کاریوں سے غربت کے گراف سے بھی نچلی سطح پر زندگی گزارنے پر مجبور ہو جاتے ہیں۔متاثر ہ علاقوں میں وبائی امراض اورغذائی قلت جیسی آفات نے ہر دوسرے گھر میں ڈیرہ ڈال رکھا ہوتا ہے۔ سینکڑوں قیمتی جانیں حکومتی عدم توجہی کے سبب موت کے منہ میں چلی جاتی ہیں۔ حکومت کی یہ ذمہ داری ہے کہ وہ ان آفات سے نمٹنے کے لیے جامع لائحہ عمل طے کرے۔ جن علاقوں میں سیلاب کا اندیشہ ہو وہاں قبل از وقت حفاظتی تدابیر اور پانی کے بہاو کی رفتار کو معمول پر لانے کے لیے ضرورتی تعمیرات کی جائیں۔ انہوں نے کہا کہ سیلاب زدگان کے ساتھ جا کر محض فوٹو سیشن سے ان کے دکھوں کا مداوہ نہیں کیا جا سکتا بلکہ ان ناگہانی آفات کی روک تھام کے لیے مستقل منصوبہ بندی ازحد ضروری ہے۔

وحدت نیوز (کوئٹہ) ترقیاتی پروجیکٹس میں سب سے پہلے بلوچستان یونیورسٹی کے ذیلی کیمپس کی تعمیر قابل ذکر ہے، جسکے لئے ابتدائی طور پر 15 کروڑ روپے کی رقم مختص کی گئی ہے۔ اس منصوبے کے تحت 288 آسامیاں پیدا ہونگی، جنکا تعلق بھی شیعہ ہزارہ قوم سے ہوگا۔ مذکورہ یونیورسٹی میں بی ایس اور ایم ایس تک کی اعلٰی تعلیمی کلاسوں کا انعقاد ہوگا، جبکہ وعدے کے مطابق تعمیراتی کام مکمل ہونے کے بعد یونیورسٹی کی انتظامی کارروائی کی تمام ذمہ داری خود ایچ ای سی کے پاس ہوگی، یعنی مذکورہ پروجیکٹ کی رقم مستقبل میں تین ارب روپے سے بھی تجاویز کرسکتی ہے۔

 
بلوچستان اسمبلی میں ہر ایم پی اے یعنی رکن اسمبلی کو دو اقسام کے فنڈز دیئے جاتے ہیں، جن میں سے ایک ترقیاتی فنڈ اور دوسرا صوابدیدی فنڈ کے نام سے پہچانا جاتا ہے۔ ترقیاتی فنڈز کی مد میں ہر ایم پی اے کیلئے سالانہ بیس کروڈ روپے سے زائد کی رقم مختص کی جاتی ہے۔ یہ ترقیاتی فنڈز کسی بھی رکن اسمبلی کے اکاؤنٹس میں براہ راست نہیں بھیجے جاتے، بلکہ انہیں صرف بلاواسطہ طریقے سے ہر سال اسمبلی میں مختلف ترقیاتی اسکیمز یا پروجیکٹز کی شکل میں پیش کیا جاتا ہیں، جو بعدازاں ایک قانونی طریقہ کار سے ہوتا ہوا سول اداروں کیجانب سے تکمیل کے مراحل میں پہنچتا ہے۔ اسکے برعکس صوابدیدی فنڈز کے استعمال کا حق کسی بھی رکن بلوچستان اسمبلی کو ایک حدتک براہ راست ہوتا ہیں، البتہ اسکے لئے بھی بعض قانونی پیچیدگیاں‌ وجود رکھتی ہے۔ گزشتہ حکومت کے دور میں ہر ایم پی اے کیلئے مذکورہ صوابدیدی فنڈز کی کل رقم سالانہ پانچ کروڈ روپے رکھی گئی تھی، جس سے متعلق وسیع پیمانے پر کرپشن کی خبریں بھی گردش کرتی رہی اور خدشہ ہے کہ شاید نیب (قومی احتساب بیورو) کیجانب سے سابقہ ایم پی ایز کیخلاف قانونی کاروائی بھی عمل میں لائی جائے۔ بہرحال 2013ء میں عام انتخابات کے انعقاد کے بعد ڈاکٹر عبدالمالک بلوچ نے چیف ایگزیکٹو یعنی وزیراعلٰی بلوچستان کا عہدہ سنبھالتے ہی اسمبلی میں خطاب کرتے ہوئے کرپشن کیخلاف اعلان جنگ کرتے ہوئے صوابدیدی فنڈز کے مکمل خاتمے کا اعلان کیا۔ اس اعلان پر میڈیا میں ڈاکٹر عبدالمالک بلوچ صاحب کی تعریفیں بھی ہوئی۔ لیکن اتحادی جماعتوں کے دباؤ کیوجہ سے صوابدیدی فنڈز کو چھے مہینے کے عرصے کے بعد نومنتخب ایم پی ایز کیلئے دوبارہ ریلیز کردیا گیا۔ صوابدیدی فنڈز کے حوالے سے سب سے پہلے تو یہ مسئلہ زیر بحث رہا کہ کس مد میں کتنے پیسے مختص کئے جائے، کیونکہ گزشتہ ادوار کی برعکس موجودہ حکومت نے صوابدیدی فنڈز کی کل رقم کو سالانہ پانچ کروڈ سے کم کرکے تین کروڈ روپے کردیئے۔ یعنی اگر ایک ایم پی اے ایمانداری سے فنڈز کو خرچ کرنا چاہے، تو سالانہ تین کروڈ روپے ایک حلقے کے مسائل کو حل کرنے کیلئے انتہائی ناکافی ہوتے ہیں۔

مجلس وحدت مسلمین پاکستان کے پہلے نومنتخب رکن بلوچستان اسمبلی سید محمد رضا بھی گزشتہ دو سالوں سے اپنے حلقے کے عوام کی بھرپور نمائندگی کیلئے سرتوڑ کوششیں کر رہے ہیں۔ چاہے دہشتگردی کا معاملہ ہو یا ملکی سطح پر اپنی ملت کی آواز کو پہنچانے کا معاملہ، سید محمد رضا آغا ہمیشہ اپنی ذمہ داریوں کو احسن طریقے سے ادا کرنے کی ہر ممکن کوشش کرتے ہیں۔ اسی طرح ایک ایم پی اے ہونے کی حیثیت سے بھی سید محمد رضا آغا اپنے فنڈز کو انصاف کیساتھ استعمال کرنے پر یقین رکھتے ہیں۔ جسکا اندازہ درج ذیل دیئے گئے انکی دو سالہ کارکردگی رپورٹ کو دیکھ کر لگایا جاسکتا ہے۔

سید محمد رضا کی گزشتہ دو سالہ ترقیاتی فنڈز کی تفصیلات

ترقیاتی پروجیکٹز میں سب سے پہلے بلوچستان یونیورسٹی کی زیلی کیمپ کی تعمیر قابل ذکر ہے، جسکے لئے ابتدائی طور پر 15 کروڈ روپے کی رقم مختص کی گئی ہے۔ اس منصوبے کے تحت 288 آسامیاں پیدا ہونگی، جنکا تعلق بھی شیعہ ہزارہ قوم سے ہوگا۔ مذکورہ یونیورسٹی میں بی ایس اور ایم ایس تک کی اعلٰی تعلیمی کلاسوں کا انعقاد ہوگا۔ جبکہ وعدے کے مطابق تعمیراتی کام مکمل ہونے کے بعد یونیورسٹی کی انتظامی کاروائی کی تمام ذمہ داری خود ایچ ای سی کے پاس ہوگی۔ یعنی مذکورہ پروجیکٹ کی رقم مستقبل میں تین ارب روپے سے بھی تجاویز کرسکتی ہے۔

یونیورسٹی کے مدمقابل ہی ایک ریزیڈینشل اسکول بھی تعمیر کی جارہی ہے۔ جسکا مقصد چھوٹے طالبعلموں کو تعلیم کیساتھ ساتھ مکمل تربیتی ماحول فراہم کرنے ہے۔ مذکورہ پروجیکٹ کیلئے ابتدائی طور پر 4 کروڈ 30 لاکھ روپے مختص کئے گئے ہے۔

گزشتہ سال حلقہ پی بی 2 میں انتہائی خستہ حال سڑکوں کی تعمیر کیلئے مبلغ 10 کروڈ روپے خرچ کئے گئے۔

چونکہ علمدارروڈ کے علاقے مری آباد کے مکین زیادہ تر پہاڑوں پر آباد ہے، جو کم وسائل ہونے کی وجہ سے زمین پر گھر نہیں بناسکتے۔ مری آباد کے رہائشوں کو پانی کی ترسیل کیلئے انتہائی مشکلات کا سامنا تھا، جسکے مدنظر آغا رضا کیجانب سے مکانوں کے اوپر واٹر اسٹوریج کی تعمیر کا فیصلہ کیا گیا۔ مذکورہ پروجیکٹ کیلئے 8 کروڈ 50 لاکھ روپے مختص کئے گئے ہیں اور اسکی تعمیر کا کام شروع ہے۔

اسی طرح حلقہ پی بی 2 میں نیچاری کیمپ اور دیگر ملحقہ علاقوں میں بھی عوام کو پانی کی قلت کا سامنا تھا۔ جسے مدنظر رکھتے ہوئے 1 کروڈ 70 لاکھ روپے کی لاگت سے دو ٹیوب ویلز کی تعمیر کا کام مکمل کرلیا گیا ہے۔ جبکہ ان ٹیوب ویلز کو چلانے کیلئے مزید 2 کروڈ 61 لاکھ کی لاگت سے بوسٹر مشین کی خریداری بھی عمل میں لائی گئی۔

مری آباد کے رہائشیوں کی درخواست پر علاقہ مسائل کو مدنظر رکھتے ہوئے ایک کمیونٹی ہال بھی بنائی جا رہی ہے، جسکی تعمیر کے لئے 1 کروڈ 35 لاکھ روپے مختص کئے گئے ہیں۔

ایم ڈبلیو ایم کے رکن بلوچستان اسمبلی سید محمد رضا نے اپنے الیکشن مہم کے مطابق پچاس ہزار فٹ زمین مستحق شُہداء کے پسماندگان کیلئے خریدی ہے، جس پر بہت جلد رہائشی پلاٹس تعمیر کرکے اسے شُہداء کے لواحقین میں تقسیم کیا جائے گا۔

ایم پی اے فنڈز سے مالی معاونت کی تفصیلات

ایم ڈبلیو ایم کے رکن بلوچستان اسمبلی سید محمد رضا نے پہلے سال یعنی 2013-14ء کے صوابدیدی فنڈز کے ذریعے بھی 416 طلبعلموں کو ایک کروڈ کے اسکالرشپ چیکس تقسیم کئے۔ لیکن پہلی مرتبہ اس اسکالرشپ کی رقم کو ایم ڈبلیو ایم کوئٹہ سیکرٹریٹ کے دفتر میں ہی تقسیم کئے گئے۔ اس حوالے سے شکوک وشبہات کو عوام کے زہنوں میں ڈالنے کی کوشش کی گئی کہ اسکالرشپ میں ایک طالبعلم کو تین ہزار جبکہ ایک کو دو لاکھ روپے دیئے گئے ہیں۔ جبکہ قانون کے مطابق کسی بھی طالبعلم کے کالج یا یونیورسٹی کی فیس کی رقم کو ہی اسکالرشپ کی مد میں دی جاسکتی ہے۔ یعنی اگر کسی کی فیس تین ہزار ہوگی، تو اسے اتنی ہی دی جائے گی۔ اور اگر کسی طالبعلم کی فیس دو لاکھ ہوگی تو اسے دو لاکھ روپے کا چیک دیا جائے گا۔

اسکے علاوہ سال اول میں آغا رضا کیجانب سے 45 لاکھ روپے 65 مختلف مریضوں کے اعلاج معالجے کیلئے تقسیم کئے گئے، جن میں صرف ایسے مریض شامل ہے جن کے پاس دستاویزات موجود ہیں۔ جبکہ چار لاکھ چھیاسی ہزار ایسے مستحق مریضوں کو بھی نقد پیسے دیئے گئے ہیں، جن کے پاس کوئی قانونی دستاویزات موجود نہیں‌ تھے اور انہیں اس لسٹ میں شامل نہیں کیا گیا۔

مختلف اسپورٹس کلبوں کو کل مبلغ 15 لاکھ روپے گزشتہ سال امدادی رقوم دیئے گئے۔

جبکہ گزشتہ سال کی طرح اس سال بھی کل 426 طالبعلموں میں ایک کروڈ روپے کی اسکالرشپ رقم تقسیم کئے گئے۔

ان تمام پروجیکٹز سے متعلق ہر قسم کی دستاویزات ثبوت ایم ڈبلیو ایم کوئٹہ سیکرٹریٹ میں موجود ہے۔ بلوچستان کی مخدوش صورتحال اور تاریخ کو مدنظر رکھتے ہوئے کسی بھی ایم پی اے کو کام کرنے میں انتہائی مشکلات کا سامنا کرنا پڑتا ہے۔ لیکن ڈپٹی کمشنر کوئٹہ میں حلقہ پی بی 2 سے متعلق جمع کئے گئے قانونی دستاویزات کو دیکھ کر انکے تاثرات بھی یہی تھے کہ صوبے کی تاریخ میں اس قدر صاف وشفاف فنڈز کی تقسیم وترقیاتی منصوبوں کی تکمیل کا کام پہلے کبھی دیکھنے میں نہیں آیا، جسکے لئے سید محمد رضا انتہائی تعریف کے مستحق ہے۔

وحدت نیوز(لیہ)مجلس وحدت مسلمین کے فلاحی شعبہ خیرالعمل فاونڈیشن کے زیر اہتمام پنجاب میں سیلاب متاثرین کے لئے لیہ میں امدادی و میڈیکل کیمپ لگا دیا گیا ہے
ہزار سے زائد متاثرین سیلاب کی مفت ٹریمنٹ،خیرالعمل فاونڈیشن کے رضاکار متاثرین سیلاب کے لئے ریسکیو سمیت دیگر امدادی کاموں میں دن رات مصروف،خیرالعمل فاوُنڈیشن پاکستان کے ایگزیکٹیو ممبر اور صوبہ پنجاب کے مسئول سید مسرت کاظمی کا کہنا تھا کہ سیلاب نے جنوبی پنجاب کو بری طرح متاثر کیا ہے حکومتی اقدامات نہ ہونے کے برابر ہیں محض فوٹوسیشن کے لئے حکومتی نمائندے آتے ہیں ،متاثرین کی بحالی اور امدادی کاموں میں کوئی دلچسپی نہیں لے رہا متاثرین سیلاب کھلے آسمان تلے گرمی اور حبس کی شدت میں زندگی گذارنے پر مجبور ہیں،وبائی امراض پھیل رہے ہیں ،محکمہ صحت نمائشی کیمپوں کے انعقاد کے سوا کوئی کام نہیں کر رہا،انہوں نے کہا کہ لیہ اب تک ہم نے ہزار سے زائد مریضوں کو مفت ادویات فراہم کی ہے،متاثرین سیلاب کے لئے خیرالعمل فاوُنڈیشن نے خشک راشن اور خیموں کا بھی اہتمام کیا جارہا ہے،انشااللہ ہماری کوشش ہے کہ پانی نکل جانے کے بعد بحالی کے کاموں میں بھی بڑھ چڑھ کر حصہ لیں گے،سید مسرت عباس کاظمی کا کہنا تھا کہ مخیر حضرات سیلاب سے متاثر ہمارے ہم وطنوں کی امداد کے لئے دل کھول کر حصہ ڈالیں،مجلس وحدت مسلمین کے ہر کارکن دکھ کی اس گھڑی میں اپنے بھائیوں کیساتھ ہیں،انشااللہ متاثرین کی مکمل بحالی تک ہم امدادی کاموں کو جاری رکھیں گے۔