The Latest
وحدت نیوز(شکارپور) شہداء کمیٹی شکارپور کے چیئرمین علامہ مقصود علی ڈومکی نے کہا ہے کہ سانحہ شکارپور کو چھ ماہ کا طویل عرصہ گذر چکا ہے ،مگر سندہ حکومت کے وعدے وفا نہیں ہوئے۔ وزیر اعلیٰ کی اعلان کردہ کمیٹی کا گذشتہ کئی ماہ سے کوئی اجلاس منعقد نہیں ہوا، جس سے سندہ حکومت کے غیر سنجیدہ روئیے کا اظہار ہوتا ہے۔ انہوں نے امید ظاہر کی کہ سندہ حکومت عہد شکنی نہیں کرے گی۔ انہوں نے کہا کہ اپیکس کمیٹی سندہ نے ۴۸ مدارس کی نشاندہی کرکے یہ ثابت کردیا ہے کہ بعض مدارس میں دینی تعلیم کی بجائے دہشت گردی کی تعلیم دی جاتی ہے۔ انہوں نے مطالبہ کیا کہ ان ۴۸ مدارس کے نام کی فہرست شایع کی جائے۔ اور عوام کو یہ بھی بتایا جائے کہ دھشت گردی میں ملوث ان مدارس کا تعلق کس جماعت سے ہے اور انہیں کون فنڈنگ کرتا ہے۔اور اس مفتی اور ملا کو دھشت گرد سمجھا جائے جو ان مدارس کی سرپرستی کرتا ہے۔ شکارپور ضلع کے وہ مدارس جودھشت گردی کے مراکز میں تبدیل ہوچکے ہیں ان کے خلاف بھی رینجرز اور فوج کی نگرانی میں فی الفور کارروائی کی جائے۔
انہوں نے کہا کہ سندہ کے مختلف اضلاع خصوصا خیرپور ، قمبر شہداد کوٹ، شکارپور، جیکب آباد میں آج بھی دھشت گردوں کے ٹریننگ کیمپس موجود ہیں، جو کسی بھی سانحے کا سبب بن سکتے ہیں۔ انہوں نے کہا کہ خانپور میں شہید شفقت عباس مطہری کے قاتل پھر رہے ہیں جنہیں گرفتار کیا جائے،اور مسجد امامِ زمانؑ بابلانی محلہ شکارپور میں نماز صبح کو غلام عابد لاڑک پر ہونے والا قاتلانہ حملہ جس میں وہ شدید زخمی ہوئے اس کے قاتل بھی ابتک گرفتار نہیں ہوئے ہیں،ناہی اس کا علاج کروایا جا رہا۔
انہوں نے کہا کہ شکارپور انتظامیہ نے ابتک متاثرہ جامع مسجد کی تعمیر کے لیئے جو وعدے کیئے تھے وہ پورے نہیں کیئے گئے، جمع نماز ادا کرنے میں دشواری پیش ہے ۔کمشنر صاحب لاڑکانہ نے میٹنگ میں DCشکارپورکو مسجد کے کام کرانے کا کھا تھاجو ابتک نہیں ہوا۔ا س عیدالفطر کو ہم سانحہ شکارپور کے شہداء کے نام کرتے ہیں۔ پوری قوم خانوادہ شہداء کے غم اور خوشی میں برابر کے شریک ہیں۔
وحدت نیوز (لاہور) مجلس وحدت مسلمین پنجاب کے صوبائی سیکرٹریٹ پر اتحادبین المسلمین کے داعی علامہ اکبر ساقی مرحوم کی برسی کے مناسبت سے تقریب،سیکرٹری جنرل پنجاب علامہ عبدالخالق اسدی،ڈپٹی سیکرٹری جنرل پنجاب سید اسد عباس نقوی،علامہ امتیاز کاظمی،علامہ محمد اقبال کامرانی،علامہ حسن ہمدانی،آغا نقی مہدی،رانا ماجد علی سمیت دیگر علمائے کرام اور عمائدین شہر کی شرکت،برسی کی تقریب سے خطاب میں سید اسد عباس نقوی کا کہنا تھا کہ علامہ اکبر ساقی مرحوم نے اپنی ساری زندگی عشق رسولﷺ اورعاشقان رسول کی خدمت کرتے ہوئے گذاری،آپ اتحاد امت کے داعی وعلمبرادار تھے،انہوں نے کہا آج کے اس پر آشوب دور میں ہمیں علامہ اکبر ثاقی کے نظریات اور افکار پر عمل کرنے کی اشد ضرورت ہے،عدم تشدد ،انتہا پسندی اور فرقہ پرستی کی حوصلہ شکنی کرتے ہوئے ہمیں اتحاد و وحدت کا درس دینا ہوگا،انہوں نے کہا کہ مغرب اور اسرائیل اسلام کو بدنام کرنے کے لئے داعش،القاعدہ اور طالبان کو اسلام کا چہرہ بنا کر دنیا کے سامنے پیش کرکے مسلمان کو بدنام کرنے کی مسلسل شازشوں میں مصروف ہیں،ایسے میں ہمیں ان شدت پسندوں اور صہیونی ایجنٹوں کے مکروہ چہروں کو بے نقاب کرنا ہوگا، تقریب سے دیگر علمائے کرام اور عمائدین شہر نے خطاب کرتے ہوئے علامہ اکبر ساقی مرحوم کے خدمات کو خراج عقیدت پیش کیا۔
وحدت نیوز (ملتان) مجلس وحدت مسلمین پاکستان پنجاب کے ڈپٹی سیکرٹری جنرل علامہ سید اقتدار حسین نقوی نے کہا ہے کہ مسلم امہ اگر قرآن کو اپنے لئے آئین و دستور بنائے تو دنیا کا نقشہ تبدیل ہوسکتا ہے، قرآن نکتہ اتحاد امت اور وحدت المسلمین کا آئینہ دار ہے، ہماری بدقسمتی ہے کہ ہم پر وہ حکمران مسلط ہیں جنہوں نے قرآن کو پس پشت ڈال رکھا ہے، اگر اسلامی ممالک کے حکمران قرآن کے طارق نہ ہوتے تو امت مسلمہ اس طرح خوار نہ ہوتی۔ ان خیالات کااظہار اُنہوں نے ملتان میں مجلس وحدت مسلمین کے زیراہتمام ’’نزول قرآن کانفرنس‘‘ سے خطاب کرتے ہوئے کیا۔ علامہ اقتدار نقوی نے مزید کہا کہ دہشت گرد و تکفیری گروہ قرآن کی آیات مطہرہ کو گلے کاٹتے ہوئے، بے گناہوں کو خون میں نہلاتے ہوئے اور انسانوں کی لاشوں کی توہین کرتے ہوئے استعمال کر رہے ہیں اور انہیں دنیا بھر میں نشر کر رہے ہیں، اس کا صرف ایک ہی مقصد ہے کہ کتاب ہدایت و رہنمائی سے دنیا کو بیزار کیا جائے۔ انہوں نے کہا کہ امت مسلمہ کو ایسے تکفیری و اسلام دشمن ایجنٹوں کی سازشوں کو سمجھنا ہوگا اور انہیں ناکام بنانے کی حکمت عملی بنانا ہوگی۔ کانفرنس سے مجلس وحدت مسلمین ملتان کے سیکرٹری جنرل علامہ قاضی نادر حسین علوی، علامہ غلام مصطفی انصاری، مولانا عمران ظفر اور مولانا مظہر عباس صادقی سمیت دیگر نے بھی خطاب کیا۔
وحدت نیوز (اسلام آباد) شہید قائد کی 27 ویں بر سی کے موقع پر فضل حق روڈبلیو ایرایا اسلام آباد میں بیداری امت کانفرنس کے لئے دورہ جات اور عوامی رابطہ مہم بھر پور انداز سے جاری ہے۔ ایم ڈبلیو ایم کے مرکزی رہنما اور مسؤل مرکزی سیکریٹریٹ علامہ اصغر عسکری نے نمائندہ و حدت نیوزسے گفتگو کر تے ہوئے کہا کہ راولپنڈی کے اضلاع چکوال، اٹک، جہلم میں دورہ جات اور عوامی رابطہ مہم تیزی سے جاری ہے۔
علامہ اصغر عسکری کا کہنا تھا کہ اسی سلسلے میں راولپنڈی اسلام آباد کی تمام معزز شخصیات، ماتمی سنگتیں، لوکل انجمنیں اور تنظیموں سے گرینڈ میٹنگ 24 جولائی کو مسجدوامام بارگاہ باب الحوائج G 6/4مین بعد نماز مغریبین منعقد ہوگی۔ جس میں مجلس وحدت مسلمین پاکستان کے مرکزی سربراہ علامہ راجہ ناصر عباس جعفری صاحب خصوصی خطاب فرمائیں گے۔
علامہ اصضر عسکری کا مزید کہنا تھا کہ تمام اضلاع الخصوص پنجاب کے ذمہ داران اس سلسلے میں بھر پور رابطہ کریں، اور پوری قوم ایک بار پھر شہید قائد کے افکار و نظریات کے احیاء کیلئے اسلام آباد کا رخ کریں، پورے ملک میں برسی کے پوسٹرز اور کانفرنس کے دعوتی کا رڈز ارسال کر دیے گئے ہیں اور ہر ضلع کی ذمہ داران پر یہ لازم ہے کہ وہ بیداری امت کانفرنس کی بھر پور عوامی رابطہ مہم شروع کریں اور کانفرنس کو کامیاب بنانے میں اپنا کردار ادا کریں اور تمام ذمہ داران خود بھی شریک ہو۔
وحدت نیوز (کراچی)عیدالفطر کی مناسبت سے ناصرِ ملت علامہ راجہ ناصر عباس جعفری صاحب (حفظ اللّہ) کی خصوصی ہدایت پر شھداء کمیٹی مجلسِ وحدتِ مسلِمین پاکِستان کراچی ڈویژن کے اراکین نے ضلع وسطی کے سیکریٹری جنرل زین رضا کی سربراہی میں بعد نمازِ عیدالفطر کراچی کے مختلف قبرستانوں میں شھداےُ ملت کی قبور پر حاضر دی, بعد ازاں 60 سے زائد خانوادہُ شھداء سے ملاقاتیں کیں, اور خانوادہُ شھداء کی خدمت میں عید کی مناسبت سے تحائف اور اطفالِ شھداء کو عیدی پیش کی.
علاوہ ازیں قائد وحدت علامہ راجہ ناصرعباس جعفری کے حکم کی تعمیل میں عید الفطرکے موقع پرایم ڈبلیوایم ملیر کے وفدنے سیکریٹری جنرل احسن عباس رضوی کی سربراہی میں خانوادہ شہداءسے ملاقات کی،تعزیت اور فاتحہ خوانی کے بعد شہداء کے بچوں میں عیدی تقسیم کی۔
وحدت نیوز(دھیرکوٹ) مجلس وحدت مسلمین آزاد کشمیر کے وفد کا دورہ غازی آباد، مجاہد اول ، سابق صدر و وزیر اعظم آزاد کشمیر سردار عبدالقیوم خان کے انتقال پر اظہار تعزیت و فاتحہ خوانی، سابق وزیر سردار عتیق خان سے ملاقات ، تفصیلات کے مطابق مجلس وحدت مسلمین آزاد کشمیر کے وفد نے غازی آباد دھیر کوٹ کا دورہ کیا، وفد کی قیادت ریاستی سیکرٹری جنرل مجلس وحدت مسلمین آزاد کشمیر علامہ سید تصور حسین نقوی الجوادی نے کی، جبکہ وفد میں ڈپٹی سیکرٹری جنرل خالد محمود عباسی، سیکرٹری سیاسیات سید تصور عباس موسوی اور رہنماء ایم ڈبلیوایم سید حسین سبزواری بھی شامل تھے، وفد نے سابق وزیر اعظم سردار عتیق احمد خان سے ملاقات کی ، ان کے والد، مجاہد اول،تحریک آزاد کشمیر کے درخشاں ستارے، سابق صدر و وزیراعظم سردار عبدالقیوم خان کے انتقال پرملال پر اظہار تعزیت کیا، اور فاتحہ خوانی کی، اس موقع پر صدر آل جموں و کشمیر مسلم کانفرنس سردار عتیق احمد خان نے کہا کہ میں مجلس وحدت مسلمین آزاد کشمیر کے رہنماؤں کا تہہ دل سے شکرگزار ہوں ، جنہوں نے یہاں آ کر ہماری دلجوئی کی اور اظہار ہمدردی کیا، ریاستی سیکرٹری جنرل علامہ سید تصور جوادی نے کہا کہ سردار عبدالقیوم خان ہر دل عزیز لیڈر تھے، انہوں نے تحریک آزادی کشمیر کی راہ میں بے پناہ قربانیاں دیں ، مرحوم کے کئی کام ایسے تھے جو تاحشر یاد رکھے جائیں گے، مرحوم بلاتمیز پارٹی سب کے لیڈر تھے، سابق صدر و وزیراعظم آزاد کشمیر سردار عبدالقیوم خان کے انتقال سے بہت بڑا خلا پیدا ہوا ہے، مرحوم کی ریاست کی تعمیر و ترقی کے حوالے سے خدمات نا قابل فراموش ہیں ۔ مرحوم مدبر،زیرک اور انتہائی قابل سیاست دان تھے۔ آزاد کشمیر میں اسلامی نظریاتی کونسل کا قیام، محکمہ امور دینیہ کا قیام اور دیگر بیشتر ایسے امور ہیں جو مرحوم کی اسلام دوستی کے گواہ ہیں ، یقیناًاہلیان ریاست خصوصاً اپنے خاندان اور جماعت کے لیئے مرحوم کی موت ناقابل تلافی صدمہ ہے۔ مرحوم کی مغفرت اور پسماندگان کے صبر و اجر کے لیئے دعا گو ہیں۔
وحدت نیوز(اسلام آباد) گلگت بلتستان میں ن لیگ انتقامی سیاست پر اترآئی ہے،صوبائی سیکرٹری سیاسیات مجلس وحدت مسلمین گلگت بلتستان کی گرفتاری وزیر اعلیٰ ن لیگی کابینہ کی ایما پر عمل میں لائی گئی،دیوار سے لگانے کی کوشش کی تون لیگ کو اس کی بھاری قیمت ادا کرنی پڑیگی،الیکشن کو ہائی جیک کرکے ہمارے مینڈیٹ پر شب خون مارنے کے بعد رہنماوُں کو ہراساں کیا جا رہا ہے،جسے ہم ہرگز قبول نہیں کریں گے،ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے مرکزی رہنماوُں کے ہنگامی اجلاس سے خطاب میں کیا،اجلاس میں مرکزی سیکرٹری سیاسیات سید ناصر شیرازی و دیگر رہنماوں نے شرکت کی،اجلاس میں صوبائی سیکرٹری سیاسیات غلام عباس کی گرفتاری کی شدید مذمت کرتے ہوئے اسے ن لیگ کی جانب سے انتقامی کاروائی قرار دیا،اجلاس سے خطاب میں علامہ راجہ ناصر عباس جعفری کا کہنا تھا کہ ہم عدم تشدد اور رواداری کے سیاست کے حامی ہے ن لیگ کا وطیرہ ہے کہ وہ پولیس اور قومی اداروں کو اپنا ذاتی ملازم سمجھ کر سیاسی مخالفین کے خلاف ہمیشہ استعمال کرتی ہے،پاکستان دشمن خطرناک دہشت گردوں کو جیل سے فرار کرانے میں انہی کے کٹھ پتلی نگران حکومت نے کردار ادا کیا،انہوں نے کہا کہ گلگت بلتستان میں ہم کسی کی من مانی چلنے نہیں دینگے،ہم اس غیر اخلاقی غیر جمہوری اور غیر انسانی عمل کے خلاف خاموش نہیں رہیں گے،اجلاس میں فیصلہ کیا گیا کہ علامہ راجہ ناصر عباس جعفری دیگر مرکزی رہنماوُں کے ہمراہ انہی دنوں میں گلگت بلتستان کا ہنگامی دورہ بھی کریں گے۔
وحدت نیوز (کراچی) مجلسِ وحدت مسلمین شعبہ خواتین کراچی ڈویژن کی جنرل سیکرٹری خواہر ہما جعفری نے ڈویژنل ممبران اور ضلعی انچارج کے ساتھ '' اورنگی،گلشنِ عباس اور قضبہ'' کے علاقوں کا دورہ کیا اور وہاں کی خواتین سے ملاقات کیں ۔ ملاقات میں خواتین سے ملکی حالات و واقعات اور ملتِ جعفریہ کے موجودہ حالات پرتفصیلی گفتگو ہوئی.اسکے علاوہ مختلف فلاحی پروجیکٹس اور ملتِ جعفریہ کی ضرورت مند اور ہنر مند خواتین کے لیے فلاح و بہبود کے حوالے سے گفتگو ہوئی.جسکے بعد شھداء ملتِ جعفریہ کے خانوادوں سے ملاقات کےلیے انکے گھرگئے اور انکی خدمت تعزیت پیش کی. جسکے بعد تمام ملتِ جعفریہ کے شھداء کی بلندی درجات کے لئےفاتحہ خوانی کی گئ۔
وحدت نیوز(گلگت)پاکستان مسلم لیگ نون کی حکومت نے گلگت بلتستان میں انتقامی کارروائیوں کا آغاز کر دیا ہے، مجلس وحدت مسلمین پاکستان جی بی کے شعبہ سیاسیات کے سربراہ غلامہ عباس کی گرفتاری اسی سلسلے کی کڑی ہے۔ تفصیلات کے مطابق غلام عباس کو آج گلگت پولیس نے گرفتار کر لیا ہے اور انکے خلاف چار ماہ پہلے گلگت میں یمن کے مظلومین کی حمایت میں ریلی نکالنے پر مقدمہ درج کیا گیا تھا۔ صوبائی حکومت نے کالعدم جماعتوں کی ایماء پر یمن پر سعودی عرب کی جانب سے جارحیت کے خلاف احتجاجی مظاہرہ کرنے پر ایم ڈبلیو ایم گلگت کے سات رہنماوں کے خلاف انسداد دہشتگردی کی دفعات کے تحت مقدمات درج کئے تھے اور اس سلسلے میں ایم ڈبلیو ایم گلگت کے رہنماء عارف حسین قنبری کو کم و بیش دو ماہ تک پابند سلاسل رکھنے کے بعد گذشتہ مہینے میں رہا کر دیا گیا تھا۔
سعودی نواز حکومت کی گلگت بلتستان میں بھی حکومت بننے کے بعد ان مقدمات کی دوبارہ پیروی شروع کر دی گئی ہے اور دوبارہ سے گرفتاریوں کا عمل بھی شروع ہوگیا ہے۔ غلام عباس کے علاوہ گلگت بلتستان کے صوبائی سیکرٹری جنرل شیخ نیئر عباس مصطفوی پر بھی انسداد دہشتگردی کے تحت مقدمات درج ہیں۔ ان پر ہاتھ ڈالنے کی صورت میں پورے گلگت بلتستان میں شدید ردعمل آسکتا ہے بالخصوص نواز لیگ کی حکومت کے ابتداء میں ہی فرقہ وارانہ کشیدگیوں کا آغاز ہوسکتا ہے۔ ذرائع کے مطابق صوبائی حکومت ان تمام رہنماوں کے خلاف سخت اقدامات اٹھانے کا ارادہ رکھتی ہے، جن پر یمن کی حمایت میں ریلی نکالنے پر انسداد دہشتگردی کے مقدمات درج ہیں۔
وحدت نیوز(کوئٹہ) مجلس وحدت مسلمین کے رکن بلوچستان اسمبلی آغا محمد رضا وفد کے ہمراہ ہزارہ ٹاون کوئٹہ کے شیعہ مکینوں کی جانوں کو خودکش حملہ آور کی تباہی سے بچاتے ہوئے اپنی قیمتی جان کا نذرانہ پیش کرنے والے شہید طالب حسین کے لواحقین سے اظہار تعزیت کرنے جامع مسجد مصطفیٰ بروری پہنچ گئے اور شہید کے بیٹے سے اظہار تعزیت اور ہمدردی کرتے ہوئے شہید کی درجات بلندی کے لیے دعا کی اور حقیر سی رقم شہید کے بیٹے کو دینے کا وعدہ کیا.
آغا رضا نے شہید کے بیٹے سے گفتگو کرتے ہوئے کہا کہ شہید طالب حسین حقیقی معنوں میں مجاہد تھے جنہوں نے اپنی جان کی پروا کیے بغیر بے گناہ انسانوں کی جان بچا کر نئی تاریخ اپنے نام رقم کی. پس ہمیں سوچ لینا چاہیے کہ ہمارا دشمن ایک ہے جو شیعہ سنی کو آپس میں لڑانے کی کوشش کر رہا ہے اور وطن عزیز پاکستان کو اندر سے کھوکھلا کرنے میں لگا ہوا ہے . انشاءاللہ ہم دشمن کو ان کے تکفیری مقاصد میں کامیاب نہیں ہونے دیں گے اور شیعہ سنی یکجہتی سے ان کا مقابلہ کریں گے۔
