The Latest

وحدت نیوز (کراچی) مجلس وحدت مسلمین صوبہ سندھ کے سیکرٹری جنرل علامہ مختار امامی نے کہا کہ برمامیں انسانی حقو ق کی پامالی پر امت مسلمہ کی خاموشی قابل مذمت ہے۔برما میں مسلمانوں کا قتل عام پر عالمی انسانی حقوق کے ٹھیکداروں کی جانب سے بھی کوئی ایکشن نہیں لیاگیا۔امت مسلمہ اپنے اتحاد سے برما میں ظالموں کے خلاف کاروائی کریں ۔ان خیالاف کا اظہار مجلس وحدت مسلمین صوبہ سندھ کے سیکرٹری جنرل علامہ مختار امامی نے وحدت سیکرٹریٹ سے جاری اپنے مذمتی بیان میں کیا ان کا کہناتھاکہ کے آج امت مسلمہ یہودی فارمولے کے تحت تقسیم در تقسیم کا شکار ہیں بعض ممالک مسلمانوں کے قتل عام پر چپ سادے ہوئے ہیں تو دوسری جانب حقوق انسانی کی تنظیموں نے بھی برما میں روہنگیانی مسلمانوں پر ظلم کے خلاف حکومت پر دباؤاور ان فسادات کو رکوانے کے حوالے سے کوئی کردار ادا نہیں کر رہی ہیں ۔افسوس امت مسلمہ میں اتحاد و حدت کی کمی کے باعث مصر ، یمن ،بحرین ،فلسطین ،عراق ،شام، اور کشمیر کے حالات اب تک ناساز ہیں اس سے قبل مشرقی تیمور میں مسلمانوں کو بے دردی سے شہید کیا گیا اور اب برما میں روہنگیانی مسلمانوں کے گلے کاٹے جارہے ہیں اور ان کی لاشوں کی بے حرمتی کی جارہی ہے ہزاروں کی تعداد میں مسلمان بے گھر ہیں اور سینکٹروں بچے یتیم ہو گئے ہیں جو مسلمان بھائیوں کی مدد کے منتظر ہیں ایسے وقت میں مسلم حکمرانوں کی خاموشی کی جتنی مذمت کی جائے کم ہے ۔ علامہ مختار امامی نے حکومت پاکستان سے مطالبہ کیا کہ وہ اس درندگی خلاف اپنا بھر پور کردار ادا کرے اقوا م متحدہ سمیت حقوق انسانی کی تنظیمیں اس بر بریت کے خلاف آواز اُٹھائیں انہوں نے عرب ممالک کو تنقید کا نشانہ بناتے ہوئے کہا کہ اگر مشرق وسطیٰ میں یمن کے حالات خراب ہوتے ہیں تو عرب حکمران نیٹو کی طرز پرقبائلیوں پر حملہ کرتے ہیں اورعالمی سرحدی حدود کے قوانین کو بھی کسی گنتی میں نہیں لایا جاتا بر ما میں روہنگیانی مسلمانوں کے قتل عام پر ان ممالک کے ضمیر ملامت نہیں کرتے اور اس دہشتگردی کے خلاف ان اتحادیوں کی جتنی مذمت کی جائے کم ہے ۔

ووٹ کیا چیز ہے جان بھی قربان ہے

وحدت نیوز (آرٹیکل) گلگت بلتستان میں عام انتخابات کا کافی چرچا تھا، گلگت بلتستان کی جغرافیائی اہمیت اور وہاں پر بسے شیعیان حیدر کرار کی بنا پر اس خطے کی اہمیت اور وہاں ہونے والے انتخابات کی اہمیت دگنی تھی، گلگت بلتستان کے عوام کی پاکستان سے بے لوث محبت کسی سے ڈھکی چھپی نہیں اور یہ بھی حقیقت ہے کہ پاکستان کی آزادی کے بعد جب یہاں کے عوام نے ڈوگرا راج سے آزادی حاصل کرکے پاکستان کے ساتھ غیر مشروط الحاق کا اعلان کیا تھا، اس کے بعد سے اس خطے کو ہمیشہ نظر انداز کیا گیا، لیکن اس کے باوجود یہاں کے غیور عوام نے پاکستان سے اپنی محبت و وفاداری میں کوئی کمی نہیں آنے دی۔

قانون ساز اسمبلی کے انتخابات میں عوامی جوش و خروش دیدنی تھا، عورتیں، بچے، مرد، بزرگ، جوان ہر کوئی انتخابات میں اپنا حصہ ڈالنے کیلئے بیتاب نظر آتا تھا، پارٹی پرچموں، بینرز اور پوسٹرز کی بہار آگئی تھی۔ لیکن اس بار کے انتخابات میں کچھ چیزیں بالکل انہونی تھیں۔۔۔۔۔اس بار عوام چاہ رہے تھے کہ وہ اپنی ووٹ کی طاقت سے اپنے مقدر کو سنواریں، وہ چاہ رہے تھے کہ گلگت بلتستان کی سونا اگلتی زمین کے سینہ کو چیر کر ان پارٹیوں اور افراد کو دفن کر دیں، جنہوں نے ووٹ تو ہمیشہ لیا لیکن اس خطے کے عوام کو بنیادی حقوق سے بھی محروم رکھا۔

گلگت بلستان کے عوام کے بارے میں یہ رائے مشہور تھی کہ یہاں کے عوام پیپلز پارٹی کے دیوانے ہیں، لیکن اس بار یہاں پیپلز پارٹی کی دال گلتی نظر نہیں آرہی تھی، مسلم لیگ (ن) کی پوزیشن تو پیپلز پارٹی سے بھی بد تر نظر آئی، پاکستان تحریک انصاف جسے تیسری بڑی قوت سے یاد کیا جانے لگا ہے، اس خطے میں اسکی مقبولیت کا گراف بھی قابل ذکر نہیں نظر آیا۔ گلگت بلستان کی عوام کے بدلتے نظریات کے پیچھے سانحہ کوہستان، سانحہ چلاس اور سانحہ بابو سر کا بڑا کردار ہے، ان سانحات میں ملوث قوتوں اور انکے پشت پناہوں سے نفرت ایک فطری امر ہے، جسے نظر انداز نہیں کیا جاسکتا۔ ساتھ ہی ساتھ جن پارٹیوں نے سالوں حکومت کرکے یہاں کے عوام کا صرف استحصال کیا، انہیں یہاں کے عوام اب قبول کرنے کو تیار نہیں نظر آتے۔

گلگت و بلتستان میں سفر کے دوران کہیں زرداری صاحب کی رہبر معظم سید علی خامنہ ای کیساتھ تصاویر آویزاں ہیں تو کہیں نواز شریف اور رہبر معظم کی تصاویر نظر آرہی ہیں، غرض وہ جو پورے پاکستان میں شیعہ دشمن قوتوں کے پشت پناہی کرتے ہیں، یہاں ان تصاویر کی تشہیر سے گلگت بلتستان کی عوام کے حق رائے دہی پر ڈاکہ ڈالنے کیلئے کمر بستہ نظر آئے اور تو اور کچھ نے تو اپنے آپ کو براہ راست ولی فقیہ کا نمائندہ بنا کر عوام کے سامنے پیش کیا، تاکہ عوام انہیں ووٹ دیں، وہ پارٹیاں اور شخصیات جو 67سالوں میں گلگت بلتستان کو آئینی صوبہ نہ بنا سکیں، وہ بھی آئینی صوبہ بنانے کا راگ الاپتے نظر آئے، وہ جنہیں سانحہ کوہستان، چلاس و بابو سر میں اتنی بھی توفیق نہ ہوئی کہ وہ گلگت بلستان کے عوام کے آنسو پونچھتے، آج بے غیرتی کے ساتھ ووٹ مانگتے نظر آئے، جب گلگت بلتستان کے عوام کے منہ سے نوز شریف کی حکومت نے نوالہ چھیننے کی کوشش کی اور گندم پر سبسڈی ختم کی تو یہ جماعتیں اس وقت بھی یہاں کے عوام کے حق کیلئے نہیں اٹھیں ۔۔۔۔۔گلگت بلتستان کے عوام یہ سب کیسے بھول سکتے تھے۔

دوسری جانب گلگت بلتستان میں مجلس وحدت مسلمین کا انتخابی دوڑ میں اضافہ نہ صرف کسی کے وہم و گمان میں نہ تھا بلکہ کوئی ایم ڈبلیو ایم کو اہمیت دینے کو تیار نہ تھا لیکن عوامی حلقوں میں ایم ڈبلیو ایم کی پذیرائی دیدنی تھی، عورتیں ہوں یا مرد، بزرگ ہوں یا بچے، ہر کوئی نعرے لگاتا نظر آیا کہ ووٹ کیا چیز ہے، جان بھی قربان ہے، ایم ڈبلیو ایم کی پذیرائی کے پیچھے سانحہ کوہستان، چلاس و بابو سر کے بعد گلگت بلتستان کے عوام کیلئے ملک گیر تحریک اور گندم سبسڈی ختم کئے جانے پر عوامی احتجاج اور گندم سبسڈی کی بحالی جیسے اقدامات کار فرما رہے، ساتھ ہی ساتھ ایم ڈبلیو ایم کی قیادت نے اس خطے کے عوام کی بے لوث خدمت کرکے یہاں کے عوام کے دلوں میں گھر کر لیا تھا۔

دور دراز کے گائوں ہوں یا شہر ۔۔۔۔۔ہر جگہ ایم ڈبلیو ایم کے پرچم گھروں پر لہراتے نظر آئے، یہاں کی دشوار گزار ٹوٹی پھوٹی سڑکوں پر سفر کرتے ہوئے سڑک کے کنارے بچے ایم ڈبلیو ایم کے پرچم ہاتھوں میں اٹھائے راجہ ناصر قدم بڑھائو ، ہم تمہارے ساتھ ہیں کے نعرے لگاتے نظر آئے، غریب عوام کی آنکھوں میں مجلس وحدت مسلمین زندہ باد کے نعروں کے ساتھ امید کی روشنی دیکھنے کو ملی، خوشحالی کی امید نے گلگت بلتستان کی عوام کے دلوں میں ایک ایسا جوش و خروش پیدا کر دیا ہے کہ جس کے ذریعے وہ کسی بھی قوت کو اپنی ووٹ کی طاقت سے سرنگوں کرنے کو تیار ہیں، گلگت بلتستان کے عوام اپنی محرومیوں اور زیادتیوں کا بدلہ اپنے ووٹ سے لینگے۔ یہ امید، جوش، خوشحال و با اختیار گلگت بلتستان کا حقیقی تصور ایم ڈبلیو ایم نے یہاں کی عوام کو دیا ہے، یہی وجہ ہے کہ ایم ڈبلیو ایم کا مقابلہ کسی ایک جماعت سے نہیں بلکہ تمام سیاسی پنڈتوں اور استحصالی قوتوں سے ہے، یا دوسرے الفاظ میں اس باری انتخابات میں گلگت بلتستان کے عوام کا مقابلہ تمام استحصالی قوتوں سے ہے اور عوام کو اس فیصلہ کن جنگ کا حوصلہ ایم ڈبلیو ایم نے دیا ہے۔ اسی لئے ہر کوئی یہی کہتا نظر آتا ہے کہ ووٹ کیا چیز ہے راجہ ناصر، جان بھی قربان ہے۔ انتخابات میں کیا نتیجہ آتا ہے، ابھی کسی کو نہیں پتہ، لیکن یہاں کی عوام نے نتیجہ دے دیا ہے کہ ایم ڈبلیو ایم جیت گئی ہے۔

تحریر۔۔۔۔۔ سید رضا نقوی

وحدت نیوز(لاڑکانہ) وحدت اسکائوٹس اوپن گروپ لاڑکانہ کی جانب سے، مسجد حضرت ابو طالب علیہ السلام میں ڈسٹرکٹ اسمبلی اجلاس منعقد کیا گیا، جس میں وحدت اسکائوٹس اوپن گروپ صوبہ سندھ کے سکریٹری برادر آصف علی ، سنده بلوچستان کے کوآرڈینیٹر برادر سلامت علی انقلابی نے شرکت کی،اجلاس میں سالانہ پروگرام پر عمل کرنے کی تاکید کی گئی،اجلاس کی صدارت سکریٹری جنرل مجلس وحدت مسلمین ڈسٹرکٹ لاڑکانہ ،طارق حسین بدوی صاحب نے کی، ان کے علاوه سیکریٹری میڈیا سیل طارق رسول اور سیکریٹری سیاسیات مشتاق علی بھی پروگرام میں شریک تھے،اجلاس کا اختتام دعا امام زمانہ (ع) سے ہوا.اس سے قبل وحدت اسکائوٹس اوپن گروپ لاڑکانہ کی جانب سے، سنده بوائے اسکائوٹس ایسوسی ایشن ڈسٹرکٹ لاڑکانہ کے سکریٹری نظام الدین شیخ صاحب سے وحدت اسکائوٹس کے صوبائی سیکریٹری برادر آصف علی ،سنده بلوچستان کے کوآرڈینیٹر برادر سلامت علی انقلابی نے ملاقات کی اور ،وحدت اسکائوٹس اوپن گروپ لاڑکانہ رجسٹریشن کے حوالے سے گفتگو کی ،اور بوائے اسکائوٹس ایسوسی ایشن ڈسٹرکٹ لاڑکانہ کی طرف سے ڈپٹی سیکرٹری وحدت اسکائوٹس اوپن گروپ لاڑکانہ ، برادر محبوب علی کو پرمیشن لیٹر دیا گیا۔

وحدت نیوز (اسلام آباد) مجلس وحدت مسلمین کے مرکزی رہنما علامہ اصغر عسکری نے کہا ہے کہ آج اصولوں کی فتح کا دن ہے۔ گلگت بلتستان کی باشعور عوام نے آئینی حقوق کے حصول کی جدوجہد میں ہماری قوت بن کر یہ ثابت کرنا ہے کہ مجلس وحدت مسلمین ہی ان کی نمائندہ جماعت ہے۔ مرکزی میڈیا سیل سے جاری ایک بیان میں انہوں نے کہا کہ اس خطے کی عوام کو دیگر صوبوں کے برابر حقوق دلانے تک ہم چین سے نہیں بیٹھیں گے۔ گلگت بلتستان کا سالانہ بجٹ راولپنڈی کے میٹرو منصوبے پر خرچ کی جانے والی رقم سے بھی کم ہے۔ یہاں کے لوگوں کو دانستہ طور پر محرومیوں کا شکار رکھا جا رہا ہے۔ ایک طرف یہاں کے لوگوں سے گندم اور نمک سبسڈی بھی چھینی جا رہی ہے جبکہ دوسری طرف اپنے اقتدار کو مضبوط کرنے اور من پسند افراد کو نوازنے کے لیے قومی خزانہ دونوں ہاتھوں سے لٹایا جا رہا ہے۔ انہوں نے کہا یہ امتیازی سلوک کسی صورت برداشت نہیں کیا جائے گا۔ ہم یہاں کی عوام کو اس طبقاتی تفریق کی دلدل سے باہر نکالیں گے۔ گلگت بلتستان کے تمام اضلاع میں بلاتخصیص ترقیاتی منصوبوں کا آغاز ہماری ترجیحی اہداف ہیں جن پر بلاتعطل عمل درآمد کیا جائے گا۔ انہوں نے کہا کہ اگر کارکردگی کی بنیاد پر ووٹ ڈالے گئے تو پھر ہماری فتح یقینی ہے۔ عوام سیاسی شعبدہ بازوں کی باتوں میں نہ آئے۔ یہ لوگ 8 جون کے بعد اگلے الیکشن تک دوبارہ نظر نہیں آئیں گے۔

وحدت نیوز (قم) مجلس وحدت مسلمین شعبہ قم نے کوئٹہ میں ازسرِنو شیعہ ٹارگٹ کلنگ کی کارروائیوں پر گہرے رنج و غم کا اظہار کیا ہے۔ ایم ڈبلیو ایم قم کے میڈیا سیکرٹری آغا نذر حافی نے کہا ہے کہ نواز حکومت ملک و قوم کے تحفظ میں ناکام ہوچکی ہے۔ ملک میں آئے روز نہتے اور بےگناہ شہریوں کا تسلسل سے قتلِ عام کیا جا رہا ہے لیکن حکمران فقط زبانی بیانات پر اکتفا کئے ہوئے ہیں۔ انہوں نے کہا کہ موجودہ حکومت کے دور میں انسان کشی کی بدترین مثالیں قائم کی گئی ہیں۔ سانحہ پشاور، سانحہ صفورا، سانحہ تفتان اور سانحہ مستونگ سمیت متعدد واقعات اس امر پر شاہد ہیں کہ اب عوام کی بےکسی اور حکمرانوں کی بےحسی انتہا کو پہنچ چکی ہے۔ انہوں نے کوئٹہ میں ازسرِنو ٹارگٹ کلنگ کے آغاز پر خصوصاً گذشتہ 10 دنوں میں ہزارہ برادری کے 8 افراد کو نشانہ بنائے جانے پر گہری تشویش اور رنج و غم کا اظہار کرتے ہوئے حکومت سے مطالبہ کیا کہ دہشت گردی میں ملوث عناصر کو  قوم و قبیلے اور مذہب و مسلک کی تمیز کئے بغیر کیفرِ کردار تک پہنچایا جائے۔ انہوں نے تفتان روٹ پر مسافروں کو درپیش مشکلات کا بھی ذکر کیا اور کہا کہ بلوچستان کی صوبائی حکومت اپنی ذمہ داریوں سے غفلت برت رہی ہے۔ سرکاری اہلکاروں کی طرف سے زائرینِ امام حسینؑ کے ساتھ ناروا سلوک انتہائی شرمناک فعل ہے۔ انہوں نے بلوچستان کی صوبائی حکومت سے مطالبہ کیا کہ حکومت ہزارہ برادری اور تفتان روٹ کی سکیورٹی کے حوالے سے عملی اقدامات کرے۔

وحدت نیوز (لاہور) مجلس وحدت مسلمین لاہور ڈویژن کے سیکریٹری امور تربیت علامہ سید جعفرموسوی گذشتہ روز نجف اشرف میں خالق حقیقی سے جا ملے ، مرحوم ملت کا درد رکھنے والے عالم با عمل انسان تھے مرحوم نے زندگی پوری مظلوم ملت کی خدمت میں گزاری ، علامہ جعفرموسوی کی اچانک رحلت پر ایم ڈبلیوایم کے سربراہ علامہ راجہ ناصرعباس ، پنجاب کے سیکریٹری جنرل علامہ عبدالخالق اسدی اور مرکزی سیکریٹری امور تربیت علامہ احمد اقبال رضوی نے پسماندگان سے اظہار تعزیت کیا اور مغفرت کی دعاکی، مرحوم کی تدفین آج نجف اشرف عراق میں قبرستان  وادی السلام میں ہوئی ہے تمام مومنین سے نمازوحشت قبر اور سورہ فاتحہ کی اپیل ہے۔

وحدت نیوز (کوئٹہ) کوئٹہ میں تکفیری دہشت گردوں کے ہاتھوں ۵ شیعہ ہزارہ دکانداروں کی ٹارگٹ کلنگ کے خلاف مجلس وحدت مسلمین کی اپیل پر آج کوئٹہ شہر میں مکمل شٹر ڈائون ہڑتال ہے، جبکہ  ہزارہ ڈیمو کریٹک پارٹی، شیعہ اتحاد کونسل، مسلم لیگ (ن)، پشتونخوا عوامی ملی پارٹی اور نیشنل پارٹی کی جانب سے بھی ہڑتال کی حمایت کا اعلان کیا گیاہے،ہڑتال کے باعث کاروباری مراکز بند جب کہ ٹریفک بھی معمول سے رہا۔ دوسری جانب شہر میں موٹر سائیکل کی ڈبل سواری پر پابندی عائد کر دی گئی ہے جب کہ ایک ہفتے کے لئے دفعہ 144 نافذ کر دی گئی ہے،واضح رہے کہ گزشتہ روز تکفیری دہشت گردوں فائرنگ کر کے 5 افراد کو قتل کر دیا گیا تھا، جن کی نماز جنازہ ایم ڈبلیوایم کے مرکزی رہنماعلامہ ہاشم موسوی کی زیر اقتدا ءقبرستان بہشت زینب میں ادا کی گئی۔

وحدت نیوز(اسلام آباد)مجلس وحدت مسلمین کے سنٹرل سیکرٹریٹ میں گلگت بلتستان الیکشن میں حصہ لینے والے ایم ڈبلیو ایم کے امیدواروں کی کامیابی کے لئے خصوصی دعائیہ تقریب کا انعقاد کیا گیا، جس میں ایم ڈبلیو ایم کے کارکناں نے شرکت کی۔ نماز مغربین کے بعد حدیث کساء اور دعا جوشن صغیر کا اہتمام کیا گیا، اس موقع پر جی بی الیکشن میں امیدواروں کی کامیابی کے لئے دعائیں مانگی گئیں، ایم ڈبلیو ایم کے مرکزی مسئول دفتر علامہ اصغر عسکری، پولیٹیکل سیل کے انچارج باقر حسین اور دیگر کارکناں موجود تھے۔

وحدت نیوز (گلگت) مجلس وحدت مسلمین نے قائد گلگت بلتستان علامہ راحت حسین الحسینی کی ہدایت پر حلقہ2 سے اپنا امیدواردستبردار کر دیا ہے۔ مجلس وحدت مسلمین کی جانب سے جاری اعلامیہ میں کہا گیا ہے کہ علامہ راحت حسین الحسینی کی درخواست پر گلگت حلقہ2 سے مطہر عباس کو  دستبردار کر دیا گیا ہے، ایم ڈبلیو ایم گلگت کے سیکرٹری سیاسیاست غلام عباس کا کہنا تھا کہ امیدواروں کی دستبرداری کا اختیار آغا راحت کو دیا گیا ہے، وہ جو فیصلہ کریں گے ہمیں قبول ہے۔

وحدت نیوز(کراچی) برما میں مسلمانوں کے خلاف جاری مظالم پر اقوام عالم کی خاموشی لمحہ فکریہ ہے۔ عرب ممالک نے فلسطین کی طرح برما میں بھی مسلمانوں کے قتل عام پر چپ سادھ لی ہے۔ ہزاروں لوگوں کی زندگیاں کھلے سمندر میں ڈوب رہی ہیں، سرحدی حدود میں موجود مسلمان ملکوں نے بھی ان کی مدد سے انکار کر دیا ہے۔ ان خیالات کا اظہار ایم ڈبلیو ایم کے  رہنما علامہ علی انور جعفری، جمیعت علماء پاکستان کے صوبائی صدر علامہ قاضی احمد نورانی، سابق امیر جماعت اسلامی کراچی محمد حسین محنتی، ایم ڈبلیو ایم کراچی کے رہنما علامہ مبشر حسن، فلسطین فاؤنڈیشن کے سیکرٹری جنرل صابر کربلائی سمیت دیگر نے برما میں بے گناہ مسلمانوں کے قتل عام کے خلاف کراچی پریس کلب کے سامنے احتجاجی مظاہرے سے خطاب میں کیا۔ مقررین کا کہنا تھا کہ برما دنیا کا وہ واحد ملک ہے جہاں کی حکومت نے مسلمانوں کو جبراََ بنیادی حقوق سے محروم رکھا ہوا ہے، برما کے مظلوم مسلمانوں پر عرصہ حیات تنگ کر دیا گیا ہے۔ خواتین، بچوں اور بوڑھوں پر وحشیانہ مظالم ڈھائے جا رہے ہیں۔ برما کے بے گناہ افراد پر زمین تنگ کی جارہی ہے جس کی وجہ سے وہ ہجرت کرنے پر مجبور ہیں اور اس قتل عام کے سبب سمندری کشتوں میں بے یاروں مددگار پڑے ہیں، ہزاروں بچے یتیم کھلے سمندر میں زندہ لاشیں ہیں جن کی زندگیاں داؤ پر لگی ہیں اور ان کیلئے مسلم ممالک نے اپنی سرحدیں بند کر لی ہیں، روہنگیا مسلمانوں کی نسل کسی پر اقوام متحدہ، عرب لیگ، او آئی سی جیسی طاقتور تنظیمیں کی مجرمانہ خاموشی قابل مذمت ہے، میانمار میں انسانی نسل کشی کے ساتھ جمہوریت کا بھی قتل ہوگیا ہے، جان بچانے کے خاطر سمندری راستے فرار ہونے والے روہنگیا مسلمانوں کی کشتیاں انڈونیشیاء، ملیشیاء، جیسے مسلم ممالک کی سرحدوں کے پاس بھٹک رہی ہیں جنہیں کوئی ممالک لینے کیلئے تیار نہیں، ایسے حالات میں عرب اسلامی ممالک جن کا انڈونیشاء، ملیشیاء، میں کافی اثر و رسوخ ہے سفارتی اور حکومتی سطح پر بھی کوئی اقدامات نہیں کر رہی کہ ان مسلمانوں کی زندگیاں بچ جائیں۔

مقررین نے حکومت سے مطالبہ کیا کہ وہ برما میں نسل کشی پر فوری سفارتی تعلقات ختم کرکے اپنا سفیر واپس بلائے۔ مسلم ممالک اپنی بے حسی توڑیں اور ان انسانیت سوز مظالم کے خلاف اپنا موثر کردار ادا کریں، دنیا بھر میں موجود انسانی حقوق کی تنظیموں کو اس پر آواز بلند کرنے کی ضرورت ہے۔ مقررین نے اقوام متحدہ، انسانی حقوق کی تنظیموں اور عالمی ذرائع ابلاغ سے بھی مطالبہ کیا ہے کہ وہ اپنے نمائندوں کو برما بھیجیں تاکہ اقوام عالم کو وہاں کی صورتحال اور حقائق سے آگاہی ہو۔ مقررین نے برما روہنگیا مسلمانوں کو واپس باحفاظت ان کے گھروں میں بھجوانے اور فسادات ختم کروانے کیلئے حکومت سے اپیل کی کہ وہ اقوام متحدہ پر زور دے اور سلامتی کونسل کے اجلاس میں بدھسٹ حکمرانوں کی دہشتگردی کی مذمت کے ساتھ ساتھ میانمار میں انسانی نسل کشی کے جرائم میں مرتکب بدھسٹ دہشتگردوں کے خلاف مقدمات قائم کئے جائیں اور اقوام متحدہ فوری طور پر اپنے امن فوجی دستہ برما کے فسادات رکوانے اور سمندر میں محصوران افراد کو تحفظ فراہم کرنے کیلئے بھیجے۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree