The Latest
وحدت نیوز (گلگت) حضرت علی اکبر ابن امام حسین ؑکی ولادت با سعادت کے پر مسرت موقع پر وحدت یوتھ کے تحت یوم جوان کے عنوان سے گلگت میں پروقار تقریب سے خطاب کرتے ہوئے مرکزی چیئرمین وحدت یوتھ پاکستان فضل عباس نقوی نے کہا کہ جوان کسی بھی معاشرے کی ریڑھ کی ہڈی ہوتے ہیں ، انتخابات میں جوانوں کا کردار اہم ہے، خطے کو کرپشن ، دہشت گردی اور جہالت سے پاک کرنے میں جوانوں کے ذمہ داری اہم ہے، انہوں نے کہا کہ سیرت حضرت علی اکبر ؑ تقاضہ کرتی ہے کہ ظلم کے مقابل سینہ سپر ہو کر کھڑا ہوا جائے، تقریب میں جوانوں کی بڑی تعداد نے شرکت کی ، جبکہ مرکزی ڈپٹی سیکریٹری جنرل ایم ڈبلیوایم علامہ محمد امین شہیدی مہمان خصوصی تھے۔
وحدت نیوز (آرٹیکل) امید ،انسانی زندگی کا ستون،بے کسوں کا سہارا،مظلوموں کا عصا اور اہلِ ہمّت کی شاہراہ ہے۔کسی بھی انسان کی نااہلی کے لئے اتناہی کافی ہے کہ وہ نااہل لوگوں سے اپنی امیدیں وابستہ کرلے۔ہمارے ملک میں دہشت گردی کے دلخراش واقعات صرف حکومتی اداروں کی کارکردگی پر سوالیہ نشان نہیں بلکہ عوامی نااہلی پر بھی دلالت کرتے ہیں۔
اس ملک میں جہاں دہشت گردوں اور سرکاری اہلکاروں کے مفادات مشترک ہیں وہاں عوام کا کرپٹ بیوروکریسی،بے دین سیاستدانون ،رشوت خور پولیس و ملیشیا سے اپنے دفاع اور تحفط کی امید باندھنا حماقت نہیں تو اور کیاہے!
تفتان سے کوئٹہ اور کوئٹہ سے کراچی و اسلام آباد تک پولیس ،ملیشیا اور لیویز کے جو اہلکار جگہ جگہ مسافروں کو خوفزدہ کرکے رشوت بٹور رہے ہیں وہ مسافروں کو کیا تحفظ دیں گے!
جو اپنی صبح کا آغاز لقمہ حرام سے کرتے ہیں وہ دہشت گردوں کے خلاف کیا آپریشن کریں گے!
سانحہ بابوسر،سانحہ چلاس،سانحہ تفتان،سانحہ پشاور،سانحہ صفورا۔۔۔اور اب سانحہ مستونگ ۔گزشتہ روز بلوچستان کے ضلع مستونگ میں 2 کوچز کے 20 مسافروں کو اغوا کے بعد قتل کردیا گیا۔
قارئینِ کرام ! پاکستان میں سرکاری سرپرستی میں جاری حرام خوری اوردہشت گردی کے خلاف جتنا بھی احتجاج کیاجائے وہ کم ہے۔اب احتجاج زیادہ سے زیادہ ہونا چاہیے لیکن اس وقت احتجاج کا سب سے موثر موقع اہلیانِ گلگت و بلتستان کو حاصل ہے۔
اہلیانِ گلگت و بلتستان کو چاہیے کہ وہ درپیش انتخابات میں بے دین سیاست دانوں ،بے اصول لیڈروں،بے بصیرت شخصیات ،مفاد پرست پارٹیوں اور حرام خور بیوروکریسی کا اپنے قیمتی ووٹ کے ذریعے صفایا کریں۔
اس وقت الیکشن کمپین میں تفتان روٹ پر زائرین کی اہانت کے مسئلے کو اٹھایاجائے اورمسافروں سے سرکاری اہلکاروں کے رشوت وصول کرنے کے سلسلے کو رکوایا جائے،مسافروں کے تحفط اور دفاع کی خاطر بھرپور آواز اٹھائی جائے۔خصوصی طور پر موجودہ حکومت سمیت تمام تجربہ شدہ پارٹیوں اور ان کے حاشیہ براداروں و نمک خواروں کا ناطقہ بند کیاجائے۔
ہاں اہلیانِ گلگت و بلتستان! اس وقت آپ ایسا کر سکتے ہیں۔اس وقت قسمت نے آپ کو یہ موقع دیا ہے کہ آپ زائرینِ مشہدو کربلا کے تحفظ کے لئے اٹھیں،اس وقت حالات نے آپ کو یزیدانِ عصر کے مقابلے میں لاکر کھڑا کردیاہے کہ آپ چاہیں تو انہیں از سرِ نو اپنے اوپر مسلط کردیں اور چاہیں تو ان کے کھوکھلے رعب و دبدبے کو حرفِ غلط کی طرح مٹا دیں۔
ہاں ہاں ! اہلیانِ گلگت و بلتستان !
اپنے ووٹ،احتجاج ،کمپین اور اپنی سیاسی طاقت کو سمجھیے۔اس وقت آپ اس ملک و ملت کی تقدیر بدل سکتے ہیں۔ آپ کا درست فیصلہ کرپٹ حکومت اور مفاد پرست پارٹیوں کی بساط اُلٹ سکتاہے،اس وقت آپ کے ووٹ کا صحیح استعمال اور آپ کا بھرپور احتجاج زائرینِ مشہد و کربلا کی عزّت و ناموس اور جان و مال کے دفاع کا باعث بن سکتاہے اور آپ کی خاموشی،سادہ لوحی اورووٹ کا غلط استعمال یزیدانِ عصر حاضر کو فائدہ دے سکتاہے۔
بلاشبہ اس وقت تمام پاکستانیوں کی امیدیں اہلیانِ گلگت و بلتستان پر لگی ہوئی ہیں اور یہ تو ہم جانتے ہی ہیں، امید ،انسانی زندگی کا ستون،بے کسوں کا سہارا،مظلوموں کا عصا اور اہلِ ہمّت کی شاہراہ ہے۔آج ملت پاکستان اس راز کو جان چکی ہے کہ کسی بھی انسان کی نااہلی کے لئے اتناہی کافی ہے کہ وہ نااہل لوگوں سے اپنی امیدیں وابستہ کرلے۔چنانچہ اس وقت ملت ِ پاکستان کی امیدیں رشوت خور سرکاری اہلکاروں اور مفادپرست سیاستدانوں اور پارٹیوں کے بجائے گلگت و بلتستان کی دیندار اور باشعورعوام سے وابستہ ہیں۔
ہم سب گلگت و بلتستان کی دیندار اور باشعور عوام سے یہ امید رکھتے ہیں کہ وہ اپنی سیاسی طاقت کو ظلم،بے بصیرتی اور فرعونیت کے خلاف استعمال کریں گے۔
تحریر۔۔۔۔۔۔نذرحافی
وحدت نیوز (کوئٹہ) شیعہ سیفٹی آرگنائزیشن کے سیکرٹری جنرل سیرت عباس کا امام جمعہ کوئٹہ و مجلس وحدت مسلمین پاکستان کے مرکزی رہنماء علامہ سید ہاشم موسوی، ایم ڈبلیو ایم سے تعلق رکھنے والے رکن بلوچستان اسمبلی آغا محمد رضا اور ایم ڈبلیو ایم کوئٹہ ڈویژن کے سیکرٹری جنرل سید عباس علی موسوی سے ٹیلیفونک رابطہ ہوا ہے، جس میں کوئٹہ سمیت بلوچستان میں شیعہ ٹارگٹ کلنگ و نسل کشی، سانحہ مستونگ اور بڑھتی ہوئی دہشتگردی پر تبادلہ خیال کیا گیا۔ تفصیلات کے مطابق شیعہ سیفٹی آرگنائزیشن کے سیکرٹری جنرل سیرت عباس نے علامہ سید ہاشم موسوی، رکن بلوچستان اسمبلی آغا محمد رضا اور سید عباس علی موسوی سے ٹیلیفونک رابطہ قائم کیا، جس میں انہوں نے شیعہ رہنماؤں کو کوئٹہ سمیت بلوچستان میں ٹارگٹ کلنگ کے نتیجے میں ہونے والی شہادتوں پر تعزیت پیش کی، اور کوئٹہ میں بڑھتی ہوئی شیعہ ٹارگٹ کلنگ و نسل کشی پر گہری تشویش کا اظہار کیا۔
سیرت عباس نے ایم ڈبلیو ایم کے رہنماؤں سے ٹیلیفون پر گفتگو کرتے ہوئے کہا کہ شیعہ سیفٹی کے تحت ماضی میں کوئٹہ میں جو سیکیورٹی اقدامات کئے گئے، شہر کی تشویش ناک صورتحال کے پیش نظر سیکیورٹی اقدامات کی رفتار کو مزید تیز کرنا ہوگا۔ انہوں نے ایم ڈبلیو ایم کے رہنماؤں کو شیعہ سیفٹی کی جانب سے سیکیورٹی اقدامات کے حوالے سے اپنے ہر ممکن تعاون کی یقین دہانی کرائی ہے۔ اس موقع پر انہوں نے ایم ڈبلیو ایم کے رہنماؤں کو شیعہ سیفٹی کی جانب سے ملک بھر میں دی جانے والی سیکیورٹی خدمات کے حوالے سے آگاہی دی اور تنظیم کے اغراض و مقاصد بھی بیان کئے، جس پر شیعہ رہنماؤں نے شیعہ سیفٹی آرگنائزیشن کی خدمات کو سرہاتے ہوئے نیک خواہشات کا اظہار کیا، اور اس نیک عمل کو جاری و ساری رکھنے کی خواہش کرتے ہوئے اپنے بھرپور تعاون کی یقین دہانی بھی کرائی۔
وحدت نیوز (مظفرآباد) سرنگ میں گیس دھماکہ، مجلس وحدت مسلمین کا اظہار افسوس،مزدوروں کو جانی و مالی تحفظ فراہم کیا جائے، مجلس وحدت مسلمین نے بھی اس سے قبل آواز بلند کی تھی کہ مزدوروں کے لیئے صرف ہوائی اعلانات نہیں بلکہ عملی اقدامات کیئے جائیں ، رزق حلال کمانے والے جاں بحق مزدوروں کے لواحقین کو 50لاکھ سے زائد معاوضہ فراہم کیا جائے، جب کہ زخمیوں کو مکمل علاج کے ساتھ ساتھ ان کی فیملی کی کفالت بھی کی جائے، ان خیالات کا اظہارمجلس وحدت مسلمین آزادکشمیر ریاستی سیکرٹری سیاسیات سید تصور عباس موسوی نے جائے حادثہ کے دورے کے بعد مجلس وحدت مسلمین آزاد جموں و کشمیر میڈیا سیل سے جاری ایک بیان میں کیا، انہوں نے کہا کہ جب نوسیری سائیڈ حادثہ ہوا تھا مجلس وحدت نے مطالبہ کیا تھا کہ وزیراعظم آزاد کشمیر قابل قدر اقدامات کریں ، مگر دوسرے روزے وزیراعظم نے دورے کے موقع پر جو اعلان کیا وہ حکومتی نہیں شخصی اعلان لگتا تھا، انہوں نے کہا اس موقع پر بھی ہم مطالبہ کرتے ہیں کہ عملی اور ٹھوس اقدامات کیئے جائیں، مزدوروں سے پہلے ہی کم اجرت میں زیادہ کام لیا جاتا ہے، ایکسپرٹ کے بجائے مزدور سے انجینیئر کا کام لیا جاتا ہے، اور ٹائم کے باوجود بھی مزدور اس مہنگائی میں خاندان کی کفالت نہیں کر پاتا، اس جانب تو حکومت وقت کی کوئی توجہ ہی نہیں ، وہ شخص کہ جو کام کرنے کے باوجود اپنے خاندان کی کفالت نہ کر سکتا تھا، اس کے جاں بحق ہونے کے بعد کیا ہو گا؟ اس بارے میں عملی اقدامات ہونے چاہیئے ، زخمیوں کے مکمل علاج کے ساتھ ساتھ خاندان کی کفالت کا بھی بندوبست کیا جائے، حکومت اس جانب فوری توجہ کرے ۔ مزدوروں کے حقوق کا خیال رکھے ، قومی پراجیکٹ کے لیئے ہمارے لوگوں کی بے بہا قربانیاں ہیں ، زمین دی ، جان دی ، حکومت قدر کرتے ہوئے اقدامات کرے۔ان قربانیوں کو کبھی رائیگاں نہیں جانے دیا جائے۔کشمیریوں کے حقوق کے لیئے مجلس وحدت ہر حد تک جانے کو آمادہ ہے۔
وحدت نیوز (کوئٹہ) مجلس وحدت مسلمین کے رہنما اور رکن بلوچستان اسمبلی سید محمد رضا نے اپنے ایک بیان میں کہا کہ مستونگ کے علاقے کھڈ کوچہ کے قریب مسافر بسوں سے مسافروں کو اغواء کے بعد قتل کر دینا حکومتی کارکردگی پر سوالیہ نشان ہے جسکی ہم شدید مذمت کرتے ہیں ۔حکومت قیام امن میں ناکام ہوچکی ہے دہشتگرد عناصر اپنے مذموم عزائم کے حصول کیلئے بے گناہ اور نہتے مسافروں کو نشانہ بنا رہے ہیں اس جیسے واقعات کا رونما ہونا کسی بھی سانحہ سے کم نہیں جو باعث افسوس اور حکومت کی ناکامی ہے ۔یہ واقع انسانیت سوز ہے حکومت ملوث عناصر کی جلد گرفتاری کو یقینی بنائے ۔ہمیں متحد ہو کر برادر اقوام کو آپس میں لڑانے کی سازشوں کو ناکام بنانا ہے،ہمیں امن،رواداری ،تحمل،برداشت اور بھائی چارگی کے اصول پر کار بند رہتے ہوئے ملکی ترقی و خوشحالی ،کوئٹہ شہر اور صوبہ بلوچستان میں امن و امان کے قیام کے تمام سیاسی و مذہبی جماعتوں ،تاجر برادری اور دیگر تنظیموں کو ساتھ لے کر مشترکہ جدوجہد کرنی ہوگی۔کوئٹہ شہر میں پے در پے دہشتگردی کے واقعات اور اب سانحہ مستونگ نے ثابت کر دیاہے کہ سیکورٹی ادارے اور انتظامیہ مکمل طور پر مفلوج ہوچکی ہے ۔بے گناہ انسانوں کاخون بہانا درندگی کی بدترین مثال اور وطن عزیز پاکستان اور صوبہ بلوچستان کے لئے بڑاسانحہ ہے۔مظلوم عوام کو دہشتگرد وں کے رحم وکرم پر چھوڑدیاگیاہے۔قومی ایکشن پلان پر عملدرآمد کی رفتار نہ ہونے کے برابر ہے یہی وجہ ہے کہ کالعدم جماعتیں آج بھی سرگرم عمل ہیں ۔حکومت کے کالعدم جماعتوں سے آج بھی مراسم قائم ہیں یہی وجہ ہے کہ کالعدم جماعتیں اپنی سرگرمیاں جاری رکھے ہوئے ہیں انھیں روکنے اور ٹوکنے والا کوئی نہیں ہے عوام کے جان ومال کا تحفظ ریاست کی ذمہ داری ہے بیان میں جاں بحق ہونے والے افراد کے لواحقین سے تعزیت اور ہمدردی کا اظہار کرتے ہیں اور زخمیوں کی جلد صحت یابی کیلئے دعاگو ہیں ۔
وحدت نیوز (لاہور) مجلس وحدت مسلمین پنجاب کے صوبائی جنرل سیکریٹری علامہ عبد الخالق اسدی نے ایم ڈبلیو ایم کے صوبائی سیکریٹری سیاسیات اخلاق الحسن بخاری اور چنیوٹ کے رہنما سید عاشق حسین بخاری کی گرفتاری کو بلاجواز قرار دیتے ہوئے کہا کہ پنجاب حکومت اپنی روایتی ہتھکنڈوں پر اتر آئی ہے۔ حکومت مکتب تشیع کے خلاف اس طرح کی یکطرفہ کاروائیاں کر کے یہاں کے پُرامن حالات کو خراب کرنا چاہتی ہے۔انہوں نے کہا کہ ہم پُر امن اور ذمہ دار شہری ہیں ہم نے اپنے کردار سے ہمیشہ محب وطن ہونے کا عملی ثبوت دیاہے۔ہمیں اس حب الوطنی کی سزا نہ دی جائے۔ نیشنل ایکشن پلان کی آڑ میں ہمارے خلاف کی جانے والے کاروائیوں کے پس پردہ سیاسی و انتقامی مقاصد کارفرما ہیں۔ پنجاب میں ہمارے بے قصورافراد کی پکڑ دھکڑ کا سلسلہ فورا بند کیا جائے۔انہوں نے پنجاب حکومت سے مطالبہ کیا ہے کہ ہمارے بے گناہ افراد کو فوری رہا کر کے ان پر بے بنیاد مقدمات خارج کیے جائیں۔
وحدت نیوز (اسلام آباد) مجلس وحدت مسلمین کے مرکزی سیکریٹری جنرل علامہ راجہ ناصر عباس جعفری نے کہا ہے کہ سانحہ مستونگ میں دہشت گردوں نے بربریت کی ایک نئی دلخراش داستان رقم کی ہے۔انہوں نے بائیس افراد کی شہادت پر دلی افسوس کا اظہار کرتے ہوئے اسے المناک سانحہ قرار دیا۔انہوں نے کہا مستونگ کا علاقہ دہشت گردوں کی آماجگاہ ہے۔یہاں بھی وزیر ستان طرز کے فیصلہ کن فوجی آپریشن کی اشد ضرورت ہے۔افواج پاکستان ضرب عضب کا دائرہ کار وسیع کرتے ہوئے بلوچستان کے ان علاقوں میں بھی فوری کاروائی کرے جہاں دہشت گرد قوتوں کی خفیہ کمین گاہیں ہیں۔پڑوسی ملک بھارت کی ایما پر وطن عزیز میں اس طرح کی کاروائیاں کر کے پاکستان کو ایک غیر محفوظ ریاست ثابت کرنے کی بھرپور کوشش کی جا رہی ہے تاکہ اقتصادی ترقی کے غیر ملکی ذرائعوں کو پاکستان آنے سے روکا جا سکے۔ملک دشمن طاقتیں ہماری اقتصادی و معاشی ترقی پر کاری ضرب لگانے کے لیے اس طرح کی گھناونی کاروائیوں میں مصروف ہیں۔ ملک بھرمیں جاری دہشت گردی کے پس پردہ بھی یہی مقاصد کارفرما ہیں۔ہمیں قومی وحدت کے ہتھیار سے ان ملک دشمن طاقتوں کے تمام تر عزائم کو خاک میں ملانا ہو گا۔انہوں نے بھارت کی طرف سے پاکستان کو دی جانے والی دھمکیوں کو گیڈر بھبکی قرار دیتے ہوئے کہا کہ بھارت پاکستان کی طرف میلی آنکھ سے دیکھنے کی بھی کوشش نہ کرے۔ ہم داخلی صورتحال سے نبرد و آزما ہونے کے ساتھ اپنے دفاع سے بھی لمحہ بھر غافل نہیں۔ اس ناقابل تسخیر ریاست کا ہر جوان اس ماد وطن کی حفاظت کے لیے افواج پاک کے شانہ بشانہ کھڑا ہے۔بھارت کسی بھی قسم کی جارحیت کا خیال اپنے دل سے نکال دے۔علامہ راجہ ناصر نے کہا موجودہ حکومت ملک سے دہشت گردی کے خاتمے کے لیے اطمینان بخش کردار ادا نہیں کر رہی۔یہی وجہ ہے کہ آئے روز دہشت گردی کے واقعات میں اضافہ ہوتا جا رہا ہے۔حکومتی کی یہ ناکامی ملک کو تیزی سے عدم استحکام کی طرف لے جا رہی ہے۔ مسلم لیگ نون اگر ملک سے دہشت گردی کے خاتمے میں مخلص ہے تو سب سے پہلے ان سیاسی اتحادیوں سے قطع تعلق کرے جو ملک کی کالعدم مذہبی تنظیموں کے سہولت کار ہیں۔جب تک ملکی سلامتی کو سیاسی مفادات پر قربان کیا جاتا رہے گا ملک ایسی ہی بدامنی کا شکار رہے گا۔
وحدت نیوز (کراچی) مجلس وحدت مسلمین کی جانب سے سعودی عرب کے شہردمام میں جامع مسجد امام حسین ؑ اور مستونگ دہشتگردی کے خلاف کراچی پریس کلب کے باہر مظاہرہ کیا گیا جس سے خطاب میں مقرریں کا کہنا تھا کہ گزشتہ دوجمعہ سے سعودی عرب میں مساجد کو دہشتگردی کا نشانہ بنایا جانا اور شہرکراچی ،کوئٹہ ،مستونگ میں دہشتگردی پھیلانے والے ایک ہی تکفیری پروڈکشن ہاؤس کے تیار کر دہ ہیں جنہیں امریکہ و اسرائیل نے پالا ہے مظاہرے سے خطاب میں ایم ڈبلیو ایم کراچی کے رہنماء علامہ مبشر حسن نے سعودی عرب و کوئٹہ دہشتگردی کی شدیدمذمت کرتے ہوئے ایسے خطہ میں امریکی و صہیونی اور عرب ممالک کی شیعہ افراد کے خلاف سازش قرار دیا ہے مظاہر ے میں خواتین بچوں سمیت ایم ڈبلیو ایم کے کارکنان کی بڑی تعداد موجود تھی جو امریکہ مردہ باد ،اسرائیل مردہ باد،آؒ ل سعود مردہ باد، بزد عرب حکمران مردہ بعد کے نعرے لگائے اس مو قع پر ایم ڈبلیو ایم کے رہنما بشمول علامہ علی انور ،مولانا احسان دانش،علی حسین نقوی ،موجود تھے۔
مظاہرین سے خطاب میں علامہ مبشر حسن کاکہنا تھا کہ سعودی عرب شیعہ آبادیوں میں مساجد کو سیکورٹی فراہم کرے مسلسل دوجامع مساجد کو دہشگردی کا نشانہ بنایا جانا خطہ کے موجودہ صورتحال میں امریکی و اسرائیلی حمایت یافتہ عرب ممالک کی ناکامی کی سزا دی جارہی ہے سامراجی قوتو ں نے عرب ممالک کے زریع جس تکفیری سوچ کی آبیاری کر کے دنیا بھر میں دہشت گردی کو فروغ دیا آج اسی سوچ کے پروردہ سعودیہ کے اندر خود کاروائیوں میں سرگرم ہو گئے ہیں۔ خوف زدہ سعودی حکومت عوامی بیداری کی تحریکوں کو دبانے کے لیے اپنا ردعمل دیکھا رہی ہے ۔ سعودی حکومت نے شیعہ اکثریتی علاقوں میں داعش اور دوسرے تکفیری گروہوں کا کھلی چھوٹ دے رکھی ہے تاکہ وہ مکتب تشیع کے خلاف سعودی حکومت کے عزائم کو عملی شکل دے سکیں۔سعودی بادشاہ سلمان بن عبد العزیز،ولی عہد محمد بن نائف اور نائب ولی عہد محمد بن سلمان مکتب تشیع کے خلاف مرکزی کردار ادا کر رہے ہیں۔ قطیف کی مسجد امام علی میں ہونے والے دھماکے کے بعد ولی عہد محمد بن نائف نے شیعہ مساجد سے ذاتی سیکورٹی ختم کرنے کے احکامات صادر کر دیے تھے۔تاکہ دہشت گردوں کے راہ کی رکاوٹ کو کم سے کم کیا جا سکے۔اگر دمام واقعہ میں مسجد کی سیکورٹی پر معمور مقامی نوجوان بہادری کامظاہرہ کرتے ہوئے خودکش بمبار کو نہ پکڑتا تو بہت بڑا سانحہ رونما ہونا تھا۔
انہوں نے کہا حجاز کے شہنشاہ بیت اللہ اورمسجد نبوی کے تقدس کو پامال نہ کریں ۔سعودی حکومت کو چاہیے کہ اس طرح کے واقعات کے سدباب کے لیے مسلکی تعصب سے بالاتر ہو کر اقدامات کرے اور دہشت گردی کے مرتکب افراد کو فوری طور پر کیفر کردار تک پہنچایا جائے ۔دریں اثنا مظاہرین سے ایم ڈبلیو ایم کے رہنماؤں کا سانحہ مستونگ بے گناہ افراد کو ہدف بنا کر دہشتگردی کا نشانہ بناے کی مذمت کرتے ہوئے کہنا تھا کہ بلوچستان واقع میں واقع میں بھی وہی تکفیری مدارس کے دہشتگرد ملوث ہیں جہیں عرب ممالک کی امداد کے علاوہ بھارتی خوفیہ ایجنسی را پال رہی ہے ۔آخر کب تک بے گناہ افراد کا قتل عام کیا جاتا رہے گا اور بے گناہ افراد دہشتگردی کا نشانہ بنتے رہیں گے بلوچستان حکومت صوبہ میں دہشتگردی کو روکنے میں مکمل ناکام ہو گئی ہے زیر اعلیٰ جن جماعتوں سے اتحاد کئے بیٹھے ہیں ان جماعتوں نے نہ تو کبھی پاکستان کو تسلیم کیا اور نہ ہی ان کی نظر میں ملک کا دفاع کرنے والے افواج پاکستان کے جوانوں کی قربا نیایوں کی کوئی قدرنہیں مذہبی دہشتگرد جماعتوں کے زیر اثر مدارس سے خود کش حمہ آور وں سمیت دہشتگردی کے واقعات میں ملوث دسیکڑوں دہشتگرد پکڑت جاتے ہیں ہیں سر براہ افواج پاکستان کو اب ان کے سہولت کاروں کے خلاف بھی بھر پور کاروائی کرنا ہو گئی ۔ رہنماؤں نے افواج پاکستان سے مطالبہ کیا کہ وہ سانحہ مستونگ اور کوئٹہ کی موجودہ صوتحال میں بلو چستان میں ایمر جنسی لگائی جائے اور آخری دہشتگرد کے خاتمہ تک آرمی آپریشن کیا جائے۔ آخر میں مظاہرین نے امریکی و اسرائیلی پر چم نظر آتش کئے اور امریکہ و اسرائیل کے خؒ اف شدید نعرے بازی کی۔
وحدت نیوز (لاہور) مجلہ بصیرت کے مدیر جناب ظہیر الحسن کربلائی نے مجلس وحدت مسلمین کے تمام صوبائی اور ضلعی سیکرٹری جنرل کو ایک خط ارسال کیا ہے جس میں ان سے کہا گیا ہے کہ 10جون 2015ء تک مجلہ بصیرت کی ممبرسازی مہم کو مکمل کیا جائے ۔جن میں سیکرٹری جنرلز نے ممبر سازی کا کام مکمل کر لیا ہے انہیں چاہیے کہ ممبران کے کوائف مرکزی شعبہ تربیت کے مندرجہ ذیل ایڈریس پر ارسال کریں ۔مکان نمبر 603 بلاک Dہائوسنگ سوسائٹی کینال ویو لاہور
انہوں نے اس خط میں زور دیا ہے کہ اگر کسی ضلع کی طرف سے ممبر سازی مہم میں تاخیر کی گئی تو اس کو مجلہ بصیرت کی ترسیل روک دی جائے گی ۔لہٰذا تمام عہدیداروں اور کارکنان سے درخواست ہے کہ اس مہم میں فعالیت دکھائیں اور اپنی دینی اور الہٰی ذمہ داری کا ثبوت دیں ۔
وحدت نیوز (گلگت) گلگت میں برسی شہدائے سانحہ 1988ء و امام خمینی کے عظیم الشان اجتماع سے خطاب کرتے ہوئے مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے کہا کہ قومی وحدت و اتحاد کے لئے بڑی سے بڑی قربانی دینے کے لئے تیار ہوں، علامہ راحت حسین الحسینی حکم دیں تو گلگت بلتستان قانون ساز اسمبلی کے انتخابات کے سلسلہ میں کھڑے امیدوار بٹھانے کے لئے تیار ہوں۔ برسی کی تقریب سے خطاب کرتے ہوئے ان کا کہنا تھا کہ خالق نے انبیاء (ع) کی بعثت کا مقصد معاشرے میں عدل کا قیام اور ظلم و ناانصافی کا خاتمہ قرار دیا۔ انبیاء (ع) اس دنیا میں آئے، تاکہ انسانی کے معاشرہ عدل کے سائے میں پروان چڑھے۔ عدل کے قیام کے لئے عوام کا ساتھ بھی ضروری ہے، عوام کے ساتھ کے باعث عدل حاکم ہو جاتا ہے، عدل کی حمایت کرنے والے جب گھروں سے نہ نکلیں تو عدل پسندوں کو جیلوں میں ڈالا جاتا ہے اور تہ تیغ کر دیا جاتا ہے، امام علی علیہ السلام کی وصیت تھی کہ ظالموں کے دشمن اور مظلوم کے مددگار بن کر رہنا۔ شہید قائد نے کہا تھا کہ ہم ہر ظالم کے دشمن ہیں، چاہے وہ شیعہ ہی کیوں نہ ہو۔ ہماری تحریک عدل کے نفاذ کی تحریک ہے۔
علامہ ناصر عباس جعفری کا کہنا تھا کہ قومی وحدت عظیم دولت ہے، جس کے لئے بڑی سے بڑی قربانی دی جاسکتی ہے۔ پاکستان کی سرزمین پر ظلم کے خاتمہ کے لئے وحدت انتہائی ضروری ہے۔ واجبات میں سے ہے، وحدت کے سلسلہ میں ڈپلومیٹک زبان بولنا اور پوائنٹ سکورنگ کرنا خیانت ہے۔ وحدت کی خاطر ایثار اور فداکاری کی ضرورت ہے۔ ہم اکٹھے ہوجائیں تو پہاڑوں کو بھی اپنے راستہ سے ہٹا سکتے ہیں، دشمن کے لئے ہماری وحدت زہر قاتل ہے۔ سیاسی بات نہیں کرنا چاہتا، تھوڑی دیر قبل علامہ راحت حسین الحسینی نے علامہ ساجد نقوی کو اور مجھے بلایا تھا۔ علامہ ساجد نقوی ہمارے بزرگ ہیں، ان کا دل سے احترام کرتا ہوں۔ جی بی الیکشن میں آخری حد تک جانے کو تیار ہوں۔ یہ میرے دل کی آواز ہے۔ آغا راحت حکم دیں تو ہم جی بی الیکشن میں بیٹھ جائیں گے۔ مرکز مضبوط رہنا چاہیے۔ وحدت کی یہ ہوا پورے وطن کو بدل کر رکھ دے گی۔
