The Latest
وحدت نیوز(اسلام آباد)عوامی پرامن احتجاج کو طاقت سے کچلنے کے سنگین نتائج برآمد ہونگے حکمران غیر جمہوری راستے پر چل رہے ہیں تشدد اور غیر جمہوری رویہ اپنایا گیا تو یہ احتجاج ملک بھر میں پھیل جائے گا، سیلاب متاثرین کے امداد کے نام پر پنجاب حکومت مذاق کر رہی ہے،سیلاب ذدگان کو بجلی کے اٖضافی بل پنجاب حکومت کا ظلم ہے،پارلیمنٹ کا مشترکہ اجلاس نواز حکومت کو سہارا دے کر ختم ہو گیا،نام نہادجمہوری مگر مچھ عوام کو چبانے کے درپے ہیں ، ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے اجلاس سے خطاب کرتے ہوئے کیا انہوں نے کہا کہ جنرل (ر)اسلم بیگ نواز شریف کی نمک حلالی میں مصروف ہیں ، بینظیر کی جمہوری حکومت کے خلاف آئی جے آئی بنانے والے کس منہ سےدھرنے والوں پر الزام لگا رہے ہیں، انقلاب دھرنے کے پیچھے امریکہ ، برطانیہ، کینیڈااور ایران کی پشت پناہی کا الزام جھوٹا اور من کھڑت ہے۔
ان کا مذید کہنا تھا کہ ہمارے بے گناہ کارکنان کو جھوٹی ایف آئی آر میں خانہ پوری کے لئے ڈال دیا گیا ہے آئی جی اسلام آباد ریاست کے ملازم بنیں بے گناہوں پر تشدد اور ہراساں کرنے کے عمل کو کبھی برداشت نہیں کریں گے پرامن احتجاج ہمارا آئینی و قانونی حق ہے۔ علامہ راجہ ناصر عباس نے کہا کہ مجلس وحدت مسلمین،عوامی تحریک اور تحریک انصاف کے کارکنان پر تشدد کیا جا رہا ہے حکمران بوکھلاہٹ کا شکار ہے اور یہی ہماری فتح کی دلیل ہے ہم پر امن ہیں اور پرامن رہینگے لیکن اگر طاقت کے ذریعے عوامی احتجاج کو سبوتاژ کیا گیا تو یہ سلسلہ اسلام آباد سے نکل کر ملک بھر میں پھیل جائے گا بلکہ ہم بیرون ممالک میں بھی احتجاج کرینگے اور یہ سلسلہ اس وقت تک جاری رہیگا جب تک ہمارے مطالبات پر عملدرآمد نہیں ہوتا انہوں نے سرگودہا میں سیال موڑ پر سیلاب متاثرین پر پولیس گردی کی شدید مذمت کرتے ہوئے کہا کہ پنجاب کے حکمران بروقت سیلاب کو تو نہ روک سکے لیکن عوام کی فریاد سننے کو بھی تیار نہیں پنجاب بھر میں امدادی سامان کی تقسیم کار پارٹی بنیادوں پر ہو رہا ہے جو سراسر ظلم اور ناانصافی ہے ۔
وحدت نیوز(اسلام آباد) مجلس وحدت مسلمین کے فلاحی شعبہ خیرالعمل فاؤنڈیشن کے چیئرمین نثار علی فیضی نے کہا کہ خیرالعمل فاؤنڈیشن سیلاب متاثرین کی بحالی کے لیے کوشاں رہے گی یہ بارشوں کا سیلاب نہیں بلکہ حکمرانوں کی لاپرواہی اور نااہلی کا سیلاب ہے جو ہر سال آتا ہے اور حکمرانوں کی گڈ گورننس کے جھوٹے دعووں کا پول کھول دیتا ہے۔ پاکستان کے عوام نے ہمیشہ حکمرانوں کی کوتاہیوں کا کفارہ ادا کیا ہے کاش عوام کی خدمت کے دعوے عملی ہو سکیں اور ہمارے حکمران قول وفعل کے تضاد کو ختم کر سکیں۔ سیلاب سے اس بار بھی بڑے پیمانے پر تباہی ہوئی ہے متاثرین کو اس مشکل گھڑی سے نکالنے کے پوری قوم کو اپنا کردارادا کرنا ہو گا۔ان خیالات کا اظہار انہوں نے مجلس وحدت مسلمین صوبہ پنجاب کے سیکر ٹری جنرل علامہ عبدالخالق اسدی، پنجاب کے صوبائی ترجمان علامہ اصغر عسکری ، مجلس وحدت مسلمین پاکستان صوبہ پنجاب کے سیکرٹری فلاح بہبود سید مسرت کاظمی اور وحدت یوتھ کے نمائندے تنصیر حیدر کے ہمراہ سیلاب متاثرین کے لیے راشن کی بڑی کھیپ بھجوانے کے موقع پر مرکزی سیکر ٹریٹ میں پریس کانفرنس کرتے ہوئے کیا۔
ان کا کہنا تھا کہ مجلس وحدت مسلمین کے مرکزی سیکرٹری جنرل علامہ راجہ ناصر عباس جعفری کی ہدایت پر جماعت کے فلاحی شعبہ خیرالعمل فاؤنڈیشن کے رضا کار پورے ملک میں ریلیف اکٹھا کر رہے ہیں اور پہلے دن ہی سے سیلاب زدہ علاقوں میں امدادی سرگرمیاں جاری کی ہوئی ہیں سیلاب سے متاثرہ اضلاع چنیوٹ، سیالکوٹ، جھنگ، منڈی بہاؤالدین، خانیوال، ملتان، علی پور، مظفر گڑھ ودیگر کے مختلف علاقوں میں خیرالعمل فاؤنڈیشن کی طرف سے وحدت سکاؤٹس اور دیگر رفاحی اداروں کے ساتھ ملکر مجموعی طور پر 22 میڈیکل وریلیف کیمپس لگے ہوئے ہیں جہاں سے ہزاروں افراد استفادہ حاصل کر رہے ہیں کئی ہزار خاندانوں میں راشن تقسیم کیا جا چکا ہے سینکڑوں دیہا توں میں پکا ہوا کھانا فراہم کیا جا رہا ہے کئی سو افرا د کو ریسکیو کیا گیا اور اسکے علاوہ ان علاقوں میں خیرالعمل فاؤ نڈیشن کی طرف سے پہلے سے ہی قائم شدہ طبی مراکز سے سینکڑوں افراد کو علاج معالجے کی سہولیات فراہم کی جا رہی ہیں جن علاقوں سے پانی نکل چکا ہے وہاں نقصانات کے تخمینے وسروے کا کام بھی شروع کردیا گیا ہے انشاء اللہ اس سروے کی روشنی میں تعمیر نو و بحالی جس میں مکانات ، مساجد ، طبی مراکز اور سکولزکی تعمیر شامل ہوں گی،کا کام بھی منظم انداز میں کیا جائے گا۔
نثار علی فیضی نے کہا مجلس وحدت مسلمین پاکستان عوام کی خدمت کو اپنا اولین فرض سمجھتی ہے فلاحی شعبہ خیرالعمل فاؤنڈیشن اپنی تاسیس سے ہی عوامی خدمت کا بھر پور عزم لیے سر گرم عمل ہے 2010 کے سیلاب سے متاثرہ افراد کے لیے آج بھی بیسیوں منصوبوں پر کام جاری ہے انہوں نے کہا کہ ہمارے حکمرانوں نے 2010 کے سیلاب سے کچھ سبق حاصل نہیں کیا اگر وہ اپنی سیاسی مصلحتوں کو با لائے طاق رکھ کر نئے ڈیمزبنا لیتے،میٹرلوجی کے محکمے کو اپڈیٹ کر سکتے ،موجودہ ڈیموں کی حالت کو بہتر کرتے اور سب سے بڑھ کر دریاؤں کے قریب دیہی علاقوں میں ایسی آفات کا مقابلہ کرنے کے لیے پہلے سے اقدامات کرتے تو یقیناًیہ آفات بہترین مواقعوں میں تبدیل ہو جاتیں ۔ ہم میڈیا کے توسط سے پوری دنیا میں مقیم پاکستانیوں اور عالم اسلام سے گزارش کرتے ہیں کہ وہ پاکستانی عوام کی اس مشکل گھڑی سے نکالنے میں اپنا بھر پورکرداراداکریں اس کے علاوہ سول سوسائٹی ، تعلیمی اداروں ، وکلاء برادری ، ڈاکٹرز حضرات اور بالخصوص مخیراداروں و شخصیات سے دردمندانہ اپیل کرتے ہیں کہ وہ سیلاب سے متاثرہ ان بے گھر و بے سروسامان مظلوم عوام کی مدد کے لیے آگے بڑھیں۔ آخر میں میڈیا کے افراد کا شکریہ بھی ادا کرتے ہیں کہ وہ بھی اس وقت اپنی ذمہ داری اور فرض سمجھتے ہوئے اس موضوع کو کافی ہائی لائٹ کررہے ہیں البتہ اس پرمزیدبھی توجہ دینے کی ضرورت ہے۔
وحدت نیوز (کراچی) مجلس وحدت مسلمین ضلع ملیر اور کراچی واٹر اینڈ سیوریج بورڈ کی مشترکہ کاوشوں سے ملیر میں صفائی مہم کا آغاز ہوگیا ہے، ایم ڈبلیوایم ضلع ملیر کے سیکریٹری جنرل احسن عباس رضوی نے اپنی زیر نگرانی صفائی ستھرائی اور سیوریج لائنوں کی صفائی کے کام کا آغاز کروایا، اس موقع پر ایم ڈبلیوایم ضلع ملیر کی کابینہ کے اراکین اور جعفر طیار یونٹ کے ذمہ داران بھی موجود تھے، صفائی مہم کے پہلے مرحلے میں بلاک سیوریج لائنوں کو کلیئر کرنے کا کام مکمل کیا جائے گاجبکہ بعد اذاں ٹوٹی ہوئی اور بلاک لائنوں کی تبدیلی کے کام کا آغاز کیا جائے گا، اس مرحلے کی کراچی واٹر اینڈ بورڈ کے ایم ڈی قطب الدین شیخ اور چیف انجینئر کراچی واٹر اینڈ بورڈ بورڈ امداد مگسی خصوص نگرانی کر رہے ہیں ، کئی ماہ سے کھڑے گندے پانی کی نکاسی کے کام کے آغاز پر علاقہ مکینوں نے مسرت کا اظہار کیا ہے اور صفائی مہم کے آغاز پر ایم ڈبلیوایم اور واٹر بورڈ کی کاوشوں کو سراہا ہے۔
وحدت نیوز ( گلگت) انصاف کی فراہمی اور قانون پر عمل درآمد سے ہی معاشرے ترقی کی راہ پر گامزن ہوسکتے ہیں،ظلم اور لاقانونیت فساد اور جرائم کو جنم دینے کا باعث بن جاتے ہیں۔نلتر پائین کے عوام کے جائز مطالبات کو تسلیم کیا جاتا تو کسی قسم کا ناخوشگوار واقعہ رونما نہ ہوتااور مستقبل میں بھی اس قسم کے ناخوشگوار واقعے کے روک تھام کیلئے ضروری ہے کہ عوامی حقوق کے تحفظ کو یقینی بنایاجائے۔پاک فضائیہ کے اہلکاروں پر حملہ اور انہیں زود وکوب کرنے والوں کی مذمت کرتے ہیں اس ناخوشگورا واقعے کے پیچھے پنہاں اصل حقائق واسباب کو تلاش کیا جائے۔
ان خیالات کا اظہار مجلس وحدت مسلمین کے صوبائی ترجمان محمد الیاس صدیقی نے اپنے ایک اخباری بیان میں کیا ہے۔ انہوں نے پاک فضائیہ کے اہلکاروں پر حملے کی پرُزور مذمت کرتے ہوئے کہا کہ نلتر جیسے پرُ فضا تفریحی مقام پر اس قسم کا واقعہ تشویشناک ہے۔ وادی نلتر ایک پر فضا سیاحتی مقام ہے جو بین الاقوامی سیاحوں کی توجہ کا مرکز ہے ،حکومت کی عدم توجہ کی بناء پر اس پر فضا مقام پر قبضہ مافیا کا راج ہے۔ محکمہ مال اس پرفضا مقام کی بندربانٹ میں مصروف ہے کتنی ستم ظریفی کی بات ہے کہ وزیر اعظم نواز شریف سمیت کئی ایک سیاستدانوں کو یہاں زمینیں الاٹ ہوچکی ہیں اور گلگت کے تمام بااثرسرکاری آفیسران نے عوامی حقوق کو غصب کرکے یہاں کی زمینوں کو اپنے نام کردیا ہے۔ اس علاقے میں زمین کا کوئی ٹکڑا خالصہ سرکار نہیں ،یہ علاقے یہاں مقیم غریب اور محنت کش عوام کی ملکیت ہیں ۔زمین کے کسی بھی ٹکڑے کو اپنے تصرف میں لانے سے پہلے حکومت کا فرض بنتا ہے کہ وہ پہلے عوام کو اعتماد میں لیں۔ مسلسل جنگل کی کٹائی اور لینڈ مافیا کی سرگرمیوں سے علاقے کا حسُن ماند پڑتا جارہا ہے اور اگر یہ سلسلہ نہ رکا تو یہ سیاحتی مقام بہت جلد اپنی افادیت کھو دے گا۔د وسری طرف چیئر لفٹ کی تنصیب سے پہلے یہاں مقیم عوامی خدشات کو دور کیا جائے اور عوام سے تصادم کی پایسی سے گریز کیا جائے۔ انہوں نے فورس کمانڈر سے اپیل کی کہ وہ اس تنازعے کو افہام و تفہیم سے حل کرنے میں اپنا کردار ادا کریں۔
وحدت نیوز (مظفرآباد) اسلام آباد پولیس کا کشمیری جوانوں پر تشدد قابل مذمت ہے، کنٹرول لائن کے اس پار بھارتی فوج کشمیریوں پر ظلم و ستم کے پہاڑ توڑ رہی ہے اور اس طرف یہ ذمہ داری اسلام آباد پولیس نے اپنے ذمہ لے رکھی ہے، سیلاب زدگان کی مدد کے لیئے جانے والے مجلس وحدت مسلمین آزاد جموں و کشمیر کے کارکنوں کو اسلام آباد گیسٹ ہاؤس سے گرفتار کرنا نا قابل برداشت عمل ہے، کشمیری قوم اس کی بھرپور مذمت کرتی ہے، اگر رہانہ کیا گیا تو شدید احتجاج کرے گی، ان خیالات کا اظہار سینئر ممبر اسلامی نظریاتی کونسل آزاد کشمیر علامہ مفتی سید کفایت حسین نقوی و سیکرٹری جنرل مجلس وحدت مسلمین آزاد جموں و کشمیرعلامہ سید تصور حسین نقوی الجوادی نے گزشتہ روز اپنے مشترکہ بیان میں کیا ۔
انہوں نے کہا کہ اسلام آباد سے پنجاب میں سیلاب زدگان کی مدد کے لیئے جانے والے جوانوں کو گیسٹ ہاؤس سے بغیر کسی وجہ کے گرفتار کیا گیا ، ستم ظریفی یہ کہ گرفتار کر کے جھوٹے اور بے بنیاد مقدمات قائم کیئے گئے، جن کا سرے سے ان گرفتار کارکنان سے کوئی تعلق نہیں بنتا، جمہوریت کا راگ الاپنے والے بتائیں کیا یہی جمہوریت ہے؟ پرامن و نہتے شہریوں کو اٹھا لیا جائے، ان پر بیہمانہ تشدد کیا جائے، جھوٹے اور بے بنیاد مقدمات میں الجھا دیا جائے، انہوں نے کہا کہ یاد رکھا جائے حکومت کفر کے ساتھ تو چل سکتی ہے مگر ظلم کے ساتھ نہیں ، بوکھلاہٹ کی شکار حکومت کو خود نہیں معلوم کے وہ کیا کر رہی ہے، ان سارے اقدامات کی روشنی میں کشمیری قوم بھی یہ کہنے میں حق بجانب ہے کہ یہ جمہوریت نہیں بادشاہت ہے، بادشاہت نے ظلم و ستم کا بازار گرم کر رکھا ہے، جن پر اصلی و حقیقی مقدمات درج ہیں انہیں تو گرفتار نہیں کیا جاتا ، اور نہتے و پرامن شہریوں کو جھوٹے مقدمات میں پھنسا دیا جاتا ہے،لگتا کچھ اس طرح سے ہے کہ مملکت خداداد پاکستان میں جنگل کا قانون نافذ کیا جا رہا ہے، جو کہ ہم نہیں ہونے دیں گے،علامہ کفایت نقوی و علامہ تصور جوادی نے کہا کہ ہمارے کارکنان کو اگر جلد رہا نہ کیا گیا تو سخت ترین احتجاج کریں گے۔
وحدت نیوز(کوئٹہ) مجلس وحدت مسلمین کوئٹہ ڈویژن سے جاری کردہ بیان کے مطا بق ایم پی اے سید محمد رضا نے مختلف محلوں کا دورہ کیااور علاقہ بزرگوں ،جوانوں اور عوام سے ملاقاتیں کی جس کے دوران عوام سے اُن کے مسا ئل سنے اور اُن کے حل کے لئے ہر سطح پر آواز بلند کرنے اور بھر پور کو ششیں کرنے کے عز م کا احادہ کر تے ہوئے کہا کہ عوام کے مسائل سے با خبر رہنے کیلئے ہماری کو شش ہے کہ ہر وقت لوگوں سے رابطے میں رہا جا ئے تا کہ عوام کو اپنے مسا ئل ہم تک پہنچا نے میں کوئی مشکل کا سامنا نا کر نا پڑے اسی لئے ہم نے کو شش کی ہے کہ ہر علاقہ اور محلے میں جا کر اہل علاقہ ، علاقے کے معتبرین ،جوانوں اور بزرگوں کے سا تھ بیٹھ کر اُن سے اُن کے علاقے کے مسا ئل کے حوالے سے با ت کیا جا ئے۔
انہوں نے کہا کہ میں نہیں چا ہتا کہ بطور ایک عوامی نمائندے کے میرا اور عوام کے درمیان کوئی فا صلہ ہو جسکی وجہ سے میں اُن کے مسائل سے بے خبر رہو۔ انہوں نے کہا کہ پچھلے دنوں پا نی کا بہت مسئلہ چل رہا تھا جسکی وجہ سے عوام بہت پریشان تھی جس کو مد نظر رکھتے ہوئے علاقے کے تما م برموں کے بوسٹر ز جو بہت پرانے اور خستہ حال ہو چکے تھے پہلے مر حلے میں اُن تمام برموں کے بو سٹرزاور پمپز تبدیل کےئے جا رہے ہیں اور اس مسئلے کو مستقل بنیادوں پر حل کرنے کیلئے چھ نئے ٹیوب ویلز لگا ئے جا ئینگے جس میں سے دو ٹیوب ویلوں کی منظوری ہوچکی ہے جس پر کام جاری ہے ۔ اس کے علاوہ پہا ڑوں پروا قع آبا دیوں کیلئے پانی کے بڑے تا لاب کی تعمیر کی جارہی ہے جس میں پانی کو محفوظ رکھاجا سکے گا اور بہ وقت ضرورت اسے استعما ل میں لایا جا ئے گا جس سے علاقے میں موجو د پانی کے مسئلے کو مستقل طور پر حل کیا جا سکے گا ۔ غریب عوام کے بچوں کی تعلیم و تر بیت کے لئے اس ریذیڈنشل سکول کا قیام عمل میں لایا جا رہا ہے جس پر کا م جاری ہے جہاں بچو ں کو تعلیم کے سا تھ بہترین ماحول مہیا ں کیا جائے گا
سڑکوں اور نا لیوں کے حوالے سے با ت کر تے ہو ئے انہوں نے کہا کہ حلقہ پی بی 2 میں موجود تما م علاقوں جس میں مومن آبا د،نا صر آبا د کے پہا ڑ کے دامن سے لے کر قلندر مکان اور اس سے محلقہ علاقوں کے تمام نالیوں،گلیوں اور روڈوں پر کام بڑی تیزی سے جاری ہے جو انشاء اللہ جلد مکمل کر لی جا ئے گی۔ایم پی اے سید محمدرضا نے جن علاقوں کا دورہ کیا اُن میں مومن آبا د محلہ ماسڑ احمد رضا ، نا صر آباد محلہ گلزاری ، محلہ صا حب زمان ،حسین آباد ،حاجی آباد ،محلہ امام رضا ،سید آباد،نیچا ری کیمپ شا مل ہیں ان علا قوں کے معتبرین،جوانو ں اور بزرگوں نے ایم اے سید محمدر ضا کا شکریہ ادا کیا جس پرآغا رضا نے کہ یہ میرافرض ہے کہ میں ہمیشہ آپ لوگو ں سے رابطے میں رہواور آپ سے مسا ئل کے حل کے لئے کام کروں۔
وحدت نیوز (ٹیکسلا) مجلس وحدت مسلمین تحصیل ٹیکسلا کے سیکرٹری جنرل سید بیدار حسین نقوی نے کہا ہے کہ ریاستی ادارے علاقہ میں کالعدم تنظیموں کی نقل و حرکت پر کڑی نظر رکھیں، ملک دشمن عناصر مسلمانوں کے مابین تفرقہ پیدا کرکے پاکستان کی جڑوں کو کھوکھلا کرنا چاہتے ہیں، بعض اخبارات میں کالعدم و دہشت گرد تنظیموں کے متنازعہ بیانات پر رد عمل کا اظہار کرتے ہوئے بیدار نقوی کا کہنا تھا کہ ریاستی دہشت گردی ہو یا تکفیری ٹولے کی لاقانونیت ہم نے ہر جگہ ملک کے وسیع تر مفاد میں امن و بھائی چارے کا دامن ہمیشہ تھامے رکھا اور ملک کی بقاء کی جنگ لڑی جس اسلام کے نام پر ہمارے اسلاف نے بنایا تھا۔
مجلس وحدت مسلمین کے منشور، اہداف اور مقاصد کی طرف اشارہ کرتے ہوئے ایم ڈبلیو ایم رہنما کا کہنا تھا کہ ہماری تنظیم اسلام و وطن کا درد رکھنے والی جماعت ہے، جس کا ہدف ملک میں اسلامی بھائی چارے کے ساتھ مصطفوی (ص) نظام کا قیام ہے۔ ہم نے ہمیشہ پورے ملک بلکہ دنیا بھر میں اسلامی اخوت و بھائی چارے پر زور دیا اور اس راہ میں ہزاروں جانوں کے نذارانے پیش کئے۔ انہوں نے ٹیکسلا شہر کے پرامن ماحول کا حوالہ دیتے ہوئے کہا کہ ملک کے بعض حصوں میں تکفیری سازشوں کے باوجود ٹیکسلا شہر کے شیعہ و سنی باسیوں نے ہمیشہ محبت، اخوت کی فضا کو برقرار رکھا اور صدیوں سال پرانے رشتوں کو اب بھی دوام بخش رہے ہیں۔
بیدار شاہ نے کہا کہ ٹیکسلا شہر اور اس کے مضافات کے مکین مجالس عزاء سید الشہدا(ع) ہوں یا میلاد النبی (ص) کی محافل اور جلوس ہر جگہ اکٹھے نظر آتے ہیں۔ سماجی روابط میں تو یہ اپنی مثال آپ ہیں۔ لہذا ایک دوسرے کے مقدسات کا احترام کرتے ہوئے اسلام و وطن سے وفاداری کا ثبوت دیتے ہوئے ٹیکسلا کے عوام ہمیشہ کی طرح اب بھی بھائی بھائی رہیں گے اور تکفیری و دہشت گرد ٹولے کو اپنی ناپاک عزائم کی تکمیل نہیں کرنے دیں گے۔ انہوں نے انتظامیہ اور سیکیورٹی ایجنسیوں کو بھی متنبہ کیا کہ وہ دہشت گردوں پر کڑی نظر رکھیں اور انہیں عبرت ناک سزائیں دلوا کر ملک و علاقے کی امن کی فضا کو برقرار رکھنے کی کوشش کریں۔
وحدت نیوز (گلگت) محکمہ صحت میں 1500 پوسٹوں کی ضلع وائز تقسیم سراسر ناانصافی ہے جس میں کئی اضلاع کو نظر انداز کرکے صرف ایک ضلع کو نوازا گیا ہے جو کہ ناقابل قبول ہے۔ڈسٹرکٹ ہیڈ کوارٹر ہسپتال گلگت میں پہلے سے سٹاف کم ہونے کی وجہ سے رضاکاروں سے خدمات لی جارہی ہیں جبکہ 54 کے قریب سٹاف گزشتہ 10 سالوں سے ڈیوٹی سے غیر حاضر ہیں۔ حالیہ منظور شدہ پوسٹوں پر ان 54 ملازمین کو جہاں وہ ڈیوٹی سرانجام دے رہے ہیں وہی ایڈجسٹ کرکے DHQ ہسپتال میں ان کی جگہ نئی بھرتیاں عمل میں لائی جائیں۔چیف سیکرٹری گلگت بلتستان ضلع وائز کوٹے کی اس نامناسب تقسیم کا فوری نوٹس لیں اور مذکورہ تقسیم کو فی الفور کالعدم قرار دیں۔
ان خیالات کا اظہار مجلس وحدت مسلمین گلگت بلتستان کے صوبائی ترجمان محمد الیاس صدیقی نے اپنے ایک اخباری بیان میں کیا ہے۔ انہوں نے کہا کہ ضلع گلگت اس وقت ایک لاوارث ضلع بن چکا ہے جہاں خالی اسامیاں بھی سفارش کی بنیاد پر دیگر اضلاع سے پرُ کی جاتی ہیں حتیٰ کہ عارضی پوسٹوں پر بھی اکثر محکموں میں غیر مقامی افراد کی تعیناتی عمل میں لائی جاتی ہے جو کہ انتہائی زیادتی ہے۔ ضلع گلگت سے تعلق رکھنے والے بیروز گار نوجوانوں میں اس قسم کی کاروائیوں سے سخت تشویش پائی جاتی ہے اور ایسی کاروائیاں جرائم کو جنم دینے کا باعث بن جاتے ہیں۔ انہوں نے چیف سیکرٹری سے اس سلسلے میں فوری طور پر مداخلت کی اپیل کرتے ہوئے کہا کہ محکمہ صحت گلگت میں دیگر اضلاع سے تعلق رکھنے والے ملازمین کو اپنے اضلاع میں بھیج دیا جائے اور ان کی خالی جگہ پر ضلع گلگت سے تقرریاں عمل میں لائی جائیں نیز ان 1500 سو پوسٹوں کو گلگت بلتستان کے تمام اضلاع میں آبادی کی بنیاد پر تقسیم کو یقینی بنائے جائے۔
وحدت نیوز(کراچی ) مجلس وحدت مسلمین پاکستان کراچی ڈویژن کی جانب سے سیلاب متاثرین کی بحالی کے لئے کراچی میں امدادی سرگرمیاں جاری ہیں۔ تفصیلات کے مطابق ایم ڈبلیو ایم کے ذیلی ادارے خیرالعمل فاؤنڈیشن کی جانب سے سیلاب متاثرین کی امداد کے لئے نمائش چورنگی، انچولی سوسائٹی، جعفر طیار، غازی ٹاؤن ، کھوکراپار،نارتھ کراچی سمیت دیگر علاقوں میں امدادی کیمپس لگائے گئے ہیں۔ جہاں سیلاب متاثرین کی امداد کے لئے عوام خشک اجناس اور کیش جمع کروا رہے ہیں۔ اس مناسبت سے ایم ڈبلیو ایم کراچی کے ڈپٹی سیکریٹری جنرل انجینئر رضا نقوی کا کہنا ہے کہ مجلس وحدت مسلمین ہمیشہ اپنے ہم وطنوں کی مدد کیلئے اپنی تمام صلاحیتوں کو بروئے کار لائی ہے،حالیہ سیلاب سے متاثرہ افراد کی بحالی کیلئے بھی ہم کوئی کسر نہیں اٹھا رکھیں گے۔ ان کا کہنا تھا کہ پنجاب بھر میں خیرالعمل فاؤنڈیشن کی جانب سے امدادی سرگرمیوں کا بھرپور آغاز کردیا گیا ہے، جس کے تحت جھنگ اور مظفر گڑھ سمیت دیگر اضلاع میں کارکنان عوام کوراشن پہنچانے اور عوام کو محفوظ مقامات پر منتقل کرنے کا کا انجام دے رہے ہیں۔ انجینئر رضا نقوی نے قوم سے اپیل کی کہ وہ سیلاب متاثرین کی امداد کے لئے راشن اور کیش مجلس وحدت مسلمین کے ذیلی ادارے خیرالعمل فاؤنڈیشن کے کیمپوں پر جمع کروائیں تاکہ مشکل کی اس گھڑی میں اپنے ہم وطن بھائیوں کی امداد کی جاسکے۔
وحدت نیوز(کراچی )مجلس وحدت مسلمین ضلع ملیر جعفرطیار یونٹ اور غازی ٹاون یونٹ کی جانب سے مشترکہ طور پر دوسری مجلس عزا بسلسلہ برسی شہید ناموس رسالت سید رضا تقوی کا انعقاد کیا گیا، مجلس عزا فوراً بعد نماز مغربین مسجد وامام بارگاہ باب الحوائج میں منعقد ہوئی جس میں مومن نمازیوں کی بڑی تعداد نے شرکت کی مجلس عزا سے خطاب کرتے ہوئے مولانا سید ذوالفقار جعفری کا کہنا تھا کہ شہید علی رضاتقوی ناموس وحرمت رسول ص کا فدائی تھا، جس نے پیغمبر اکرم ص کی ذات مبارک پر ہونے والے حملے کے خلاف صدائے حق بلند کی اور باطل کے ایوان کےسامنے مردانہ وار اپنی عظیم جان کا نذرانہ پیش کرکے مکتب تشیع اور ملت پاکستان کو رہتی دنیا تک کہ لئے سر خرو کر دیا۔ شہید علی رضا تقوی سنت امام علی ؑ کا پیرو رتھا جو کہ محافظ ناموس رسالت تھے۔
