The Latest
وحدت نیوز(پشاور) خیبر پختونخواکے صدر مقام پشاور میں صوبائی مجلس شوریٰ کے اجلاس سے اپنے خطاب میں صوبائی ڈپٹی سیکرٹری جنرل مجلس وحدت مسلمین خیبر پختونخوا علامہ جہانزیب جعفری کا کہنا تھا کہ الہی تنظیم میں ذمہ داری کا ملنا کسی نعمت خداوندی سے کم نہیں ہے۔ حیوانات صرف اپنے مفادات کو عزیز رکھتے ہیں جبکہ انسان جسے اشرف مخلوقات بنایا گیا ہے وہ ساری انسانیت کی فلاح و بہبود کے لئے سرگرم عمل ہوتا ہے۔
اسلام، انسانیت اور شیعیت کے دشمن آج ہر محاذ پر برسر پیکار ہیں، لیکن ہم اپنی ذمہ داری سے پہلو تہی کی پالیسی پر عمل پیرا ہیں۔ ذمہ داریوں سے غفلت ہمیں بروز قیامت رسوا کر سکتی ہے۔ ظالم کے خلاف جتنا دیر سے اٹھیں گے اتنی زیادہ قربانی دینا ہوگی۔ ہمیں ہر مسلک کے لوگوں کے قریب لاکر تشیع سے روشنا کرانا ہوگا، ہمیں اپنی تعلیمات کو امامبارگاہوں اور محرم سے باہر نکالنا ہوگا۔ بہتر ہو گا کہ ہم ملی طور پر ایک پلیٹ فارم پر جمع ہو جائیں تاکہ دشمن کا بہتر انداز میں مقابلہ کیا جاسکے۔
وحدت نیوز(مظفرآباد) سیاسی جماعتیں دوغلی پالیسی ترک کریں پارلیمنٹ میں حکومت کے حامی ٹیلی ویژن پر شوز میں عوامی تحریک اور تحریک انصاف کے مطالبات کی تائید کرنے والے اپنے آپ کو کسی ایک پلڑے میں ڈالیں، اس وقت پاکستان میں عملی طور پر آمرانہ نظام حکومت قائم ہے ، جمہوریت ہے ہی نہیں ، بچائی یا گرائی کیسے جائے گی، جو جمہوریت کے تحفظ کی بات کرتے ہیں وہ دراصل جمہوریت نہیں بلکہ اپنی اپنی کرسی بچانے اور باری پوری کروا کر اپنی باری کے تحفظ کی بات کرتے ہیں ۔ ان خیالات کا اظہارسیکرٹری جنرل مجلس وحدت مسلمین آزاد جموں و کشمیر علامہ سید تصور حسین نقوی الجوادی نے ایم ڈبلیوایم آزاد کشمیر کی ریاستی کابینہ کے ہنگامی اجلاس سے خطاب کرتے ہوئے کیا۔
انہوں نے کہا کہ جو کچھ اسلام آباد میں ہو رہا ہے ، نہ کہیں آئین ہے اور نہ قانون نافذ کرنے والے ادارے ہیں، ایک ڈکٹیٹر کی حکومت یا بادشاہت کا سسٹم قائم ہے، بادشاہ کی ذاتی پولیس بغیر کسی قانون سے بے گناہ شہریوں کو ہوٹلوں ، بازاروں اور گیسٹ ہاؤسز سے بلا جواز اٹھا کر تشدد کا نشانہ بنا رہی ے ، ایف آئی آر پہلے سے تیار ہے ، افراد کو اٹھانا اور اس میں ڈالناہے۔ ہمارے ساتھیوں کو بغیر کسی ورانٹ کے کمرے میں داخل ہو کر گرفتار کیا گیا ، ابھی تک نہ ضمانت لی گئی اور نہ کسی کو ان سے ملنے دیا جا رہا ہے ایسے اقدام تو مارشل لاء میں بھی نہیں کیئے جاتے ۔ ہمارا ذاتی نقطہ نگاہ ہے کہ اگر یہی جمہوریت ہے تو اس سے مارشل لاء بدرجہ ہا بہتر ہے۔
انہوں نے کہا کہ دنیا بھر کی مہذب اقوام پرامن احتجاج کی حمایت کرتی ہیں ، دنیا میں جہاں بھی احتجاج ہوتا ہے کہیں تشدد نام کی کوئی چیز نہیں ہوتی لیکن بادشاہانِ رائیونڈ نے دنیا کے تمام اصول ایک طرف رکھتے ہوئے کرسی بچاؤ پالیسی کے تحت عوام کو طاقت کے زور پر کچلنا شروع کر رکھا ہے ، انہوں نے کہا کہ پاکستان میں عملی طور پر اگر قانون نافذ ہے تو ہم سوال کرنے کا حق رکھتے ہیں کہ سانحہ ماڈل ٹاؤن کے حوالے سے شریف برداران سمیت جن افراد کے خلاف ایف آئی آر درج ہوئی ہے انہیں گرفتار کیوں نہیں کیا گیا؟ اگر سابقہ دور میں دو وزیراعظم کورٹ میں پیش ہو سکتے ہیں تو وہ کونسا قانون ہے جس کے تحت موجودہ حکمرانوں کو استثنیٰ حاصل ہے، ابھی حال ہی میں وزیراعظم و رفقاء پر دو ایف آئی آر مذید درج ہوئیں کیوں نہیں قانون حرکت میں آتا؟ کیا قانون صرف پرامن و نہتے شہریوں کے لیئے ہے۔ جہاں عدالتیں آزاد قانون کی عمل داری اور جمہوری نظام قائم ہوتا ہے وہاں تو کوئی ملزم یا مجرم حق حکمرانی نہیں رکھتا۔ اسے آئین اور قانون کے سامنے جوابدہ ہونا پڑتا ہے ۔
انہوں نے کہا کہ افواج پاکستان کی ہمیشہ قدر کرتے ہیں ، ہمارے جوانوں اور آفیسرز نے ہمیشہ ناموس وطن کے تحفظ کے لیئے قربانیاں دیں ہیں، دہشتگردی کا مقابلہ فوج کرے، زلزلہ زدگان کی مدد فوج کرے ، سیلاب زدگان کو فوج ریسکیو کرے، ملک کی سرحدوں کی حفاظت فوج کرے تو ہر سطح پر فوج خدمات سرانجام دے، لیکن بعض سیاسی لوگ ڈھکے چھپے اور بعض واضح الفاظ میں افواج پاکستان پر تنقید کر رہے ہیں، افواج پاکستان کی کردار کشی کرنے والے میڈیا ہاؤس کو بھی وزیراعظم سپورٹ کرتے ہیں ، انقلاب و آزادی مارچ کے مسئلہ کے حل کے لیئے پہلے فوج کا دروازہ کھٹکھٹایا گیا، فوج کو مداخلت کا کہا گیا لیکن بالآخر افواج پاکستان کو بدنام کیا گیا ، آئی ایس پی آر کی سٹیٹمنٹ کے بعد وزیراعظم نے پارلیمنٹ میں جو جھوٹ بولا تھا اس میں وہ بے نقاب ہو گئے تو ایک ایسا شخص جو صادق و امین نہ ہو وہ کس قانون کے تحت وزیراعظم رہ سکتا ہے؟ ہم ایک پھر اس مطالبہ کا اعادہ کرتے ہیں کہ ہمارے گرفتار عہدیداران کو فی الفور رہا کرتے ہوئے جھوٹے مقدمات کو ختم کیا جائے۔
وحدت نیوز (کراچی) مجلس وحدت مسلمین کراچی ڈویژن کے ایک اعلیٰ سطحی وفد نے ڈویژنل ڈپٹی سیکریٹری جنرل انجینئررضا نقوی کی زیر قیادت وزیر اعلیٰ سندھ قائم علی شاہ کے مشیر سید وقار مہدی اور ایم ڈی کراچی واٹر بورڈانجینئر قطب الدین شیخ سے مشترکہ ملاقات کی، ایم ڈبلیوایم کے وفد میں ڈویژنل رہنما سید علی حسین ، میثم عابدی ، سجاد اکبر ، احسن عبا س اور حسن عباس شامل تھے، ایم ڈبلیوایم کے رہنما وں نے کراچی کے مختلف علاقوں میں پینے کے صاف پانی کی عدم فراہمی، صفائی ستھرائی کے ناقص انتظامات اور سیوریج کی بدترین صورتحال پر وقار مہدی اور قطب الدین شیخ صاحب سے تفصیلی بات چیت کی،ایم ڈبلیوایم کے رہنماوں کا کہنا تھا کہ عید الضحیٰ اور محرم الحرام کی آمد نزدیک ہے، کراچی شہر میں سیوریج کی بد ترین صوررتحال کے سبب شہریوں کو سنگین مشکلات کا سامناہے، جگہ جگہ گندا پانی کھڑا ہے جس سے علاقہ مکینوں اور راہگیروں کو شدید پریشانی درپیش ہے، جب کہ موضی امراض پھیلنے کا بھی اندیشہ ہے، اس کے ساتھ ہی اکیسویں صدی کے اس ترقی یافتہ دور میں بھی کراچی جیسے موڑرن سٹی میں عوام پینے کے صاف پانی سے محروم ہیں ، ایم ڈبلیوایم کے وفد نے حکام سے مطالبہ کیا کہ جلد از جلد شہر میں صفائی ستھرائی کے کاموں اور سیوریج کی بدترین صورتحال کو بہتر بنانے کے لئے عملی اقدامات بروئے کار لائیں ، جب کہ پینے کے صاف پانی کی فراہمی کے لئے بھی موثر اقدامات کیئے جائیں ۔مشیر وزیر اعلیٰ سندھ وقار مہدی اور ایم ڈی واٹر بورڈ قطب الدین شیخ نے مطالقہ حکام کو فوری ہدایات جاری کیں کے ایم ڈبلیوایم کے وفد کی جانب سے نشاندہی کیئے جانے والے مسائل کو ہنگامی بنیادوں پر حل کیا جائے۔
وحدت نیوز(پشاور) مجلس وحدت مسلمین نے اپنے حقوق کی جنگ لڑنے کے لئے سیاسی میدان کا انتخاب کیا، ہمارے مذاکرات کار کی گرفتاری پر حکومت کے ساتھ مذاکرات روک دیئے گئے، ہم نے مظلوم کی مدد کرکے وحدت کا ہدف بطریق احسن حاصل کیا۔ مجلس وحدت مسلمین کل بھی علامہ طاہر القادری کی چیف سپورٹر تھی، آج بھی قادری صاحب کے ساتھ ہے۔ دھرنے ضیاءالحق کی باقیات کے خاتمہ تک جاری رہیں گے۔ ان خیالات کا اظہار مرکزی ڈپٹی سیکرٹری جنرل علامہ شفقت حسین شیرازی نے پشاور میں مجلس وحدت مسلمین کے پی کے کی مجلس شورٰی کے اجلاس سے خطاب کرتے ہوئے کیا۔ ان کا کہنا تھا کہ پاکستان عوامی تحریک کے کارکنان کا صبر اور حوصلہ مثالی ہے جو گولیوں، شیلنگ اور مشکلات کے باوجود اپنے قائد کی آواز پر لبیک کہتے ہوئے ثابت قدم کھڑے ہیں۔ مجلس وحدت مسلمین صوبہ خیبر پختونخوا کی صوبائی مجلس شورٰی کا اہم اجلاس پشاور میں انعقاد پذیر ہوا۔ جس میں تمام اضلاع کے سیکرٹری جنرل، صوبائی کابینہ کے اراکین، صوبائی سیکرٹری جنرل علامہ سید سبطین حسین الحسینی، صوبائی ڈپٹی سیکرٹری جنرل علامہ جہانزیب جعفری اور مرکزی ڈپٹی سیکرٹری جنرل علامہ شفقت عباس شیرازی نے شرکت کی۔ اس موقع پر اضلاع کے سیکرٹری جنرلز نے گذشتہ سال کی کارکردگی رپورٹس پیش کیں۔ اس موقع پر اپنے خطاب میں علامہ سید محمد سبطین حسین الحسینی کا کہنا تھا کہ آمدہ سال کو عزاداری اور عصر حاضر کے تقاضوں کا سال قرار دیا جائے گا۔
وحدت نیوز (کراچی) مجلس وحدت مسلمین صوبہ سندھ کے سیکرٹری جنرل علامہ مختار امامی نے کابینہ کے اجلاس سے خطاب کرتے ہوئے کہا چند طاقتور سیاسی خاندان جمہوریت کے نام پراکٹھے ہو کر عیاشی کرتے اور مال بناتے ہیں۔ قوم جمہوری لٹیروں سے جان چھڑانا چاہتی ہے۔ سیلاب زدگان کے نقصانات کا ازالہ نہ ہوا تو متاثرین سیلاب ایسا دھرنا دیں گے کہ حکومت کے لیے آخری دھکا ثابت ہو گا۔ اسلام آباد میں تاریخ کے طویل ترین دھرنوں کا ریکارڈ بن چکا ہے۔ سیکرٹری جنرل سندھ علامہ مختار امامی نے مزید کہا کہ حکومتی شخصیات کے نمائشی دوروں کے بعد سرکاری انتظامیہ سیلاب زدگان کے امدادی کیمپ سمیٹ لیتی ہے۔ متاثرین کے لیے آنے والا کھانا لیگی کارکنوں کے پیٹ میں چلا جاتا ہے اور سیلاب متاثرین اپنی بےبسی کا ماتم کرتے رہ جاتے ہیں۔ حکومت کا کام بعد از مرگ لوگوں کے گھروں میں جا کر آنسو بہانا نہیں بلکہ عوام کے جان و مال کو بچانے کے لیے پیشگی انتظامات کرنا ہوتا ہے۔ حکمران قوم کو بتائیں کہ سیلاب سے نمٹنے کے لیے کیا پیشگی تیاری کی گئی۔ بجلی کی اوور بلنگ نے عوام کے لیے زندگی اجیرن بنا دی ہے۔ جمہوریت کی چھتری تلے فوج پر تنقید ملک دشمنی ہے۔ 60 ارب ڈالر کے مقروض پاکستان کے لیڈروں کے دو سو ارب ڈالر سوئس بینکوں میں پڑے ہیں۔ بیرونی بینکوں میں پڑا لوٹ مار کا پیسہ واپس لا کر ملک کو خوشحال بنایا جا سکتا ہے۔اس موقع پر کابینہ کے ارکین عالم کربلائی ،مولانا نشان حیدر ،آصف صفوی ،علامہ عبداللہ مطہری،امتیاز بخاری،شفقت لانگا،حیدر زیدی اورناصر حسینی بھی موجود تھے۔
ان کامزید کہنا تھا کہ قلندر کی سر زمین سندھ تکفیری دہشتگرد وں سندھی طالبان کی آماجگاہ بن گیا ہے، سند ھی طالبان آئے دن قلندر کے متوالوں کو اپنی درندگی کا نشانہ بنا کر قتل کرتے ہیں جب کہ قانون نافذکرنے والے ادرے ان دہشتگردوں کو گرفتار کرنے میں ناکام نظر آتے ہیں ۔علامہ مختار امامی کا کہنا تھا کہ وزیر اعلیٰ سندھ قائم علی شاہ سندھ بھر میں بڑتی ہوئی دہشتگردی اور سندھی طالبان کی موجودگی کا نوٹس لیں ایسا نہ ہو پانی ان کے سر سے اوپر چلا جائے اور قلندر کی سر زمین محبت اور امن کی باتیں کرنے بجائے لوگ ایک دوسرے کے خون کے پیاسے ہوجائیں۔ ان کا کہنا تھا کہ یہ وقت ہے کہ پیپلز پارٹی، ایم کیو ایم، جماعت اسلامی، جے یو آئی، سنی تحریک سمیت تمام سیاسی و مذہبی جماعتیں سندھ بالخصوص کراچی کو دہشت گردی سے پاک کرنے کے لئے میدان عمل میں آئیں تاکہ اولیاء کی سرزمین کو امن کاگہوارہ بنایا جاسکے۔
وحدت نیوز(لاہور) سیال موڑ سرگودہا میں سیلاب متاثرین کو نواز شریف کے استقبال نہ کرنے پر ایم این اے محسن شاہ نواز رانجا مقامی پولیس کے ذریعے ہراساں کررہا ہے ،چادر اور چار دیواری کی تقدس کو پامال کرتے ہوئے ہمارے پارٹی عہدیداران کے گھروں میں پولیس گردی جاری ہے جو نا قابل برداشت ہے متاثرین سیلاب کو سیاسی انتقام کا نشانہ بنایا جارہا ہے مسلم لیگ نواز کے ممبران اسمبلی ہوش کے ناخن لیں اور عوامی غیض و غضب سے بچیں، ان خیالات کا اظہار مجلس وحدت مسلمین پنجاب کے سیکرٹری جنرل علامہ عبدالخالق اسدی نے پنجاب کابینہ کے ہنگامی اجلاس سے خطاب کرتے ہوئے کیا انہوں نے کہا کہ حکمران بوکھلاہٹ کا شکار ہے حالیہ سیلاب نے ان کے گڈ گورننس کا پول کھول دیا ہے سیالکوٹ،سرگودہا ،راولکوٹ میں عوام نے جو ان کی پذیرائی کی ہے اس سے سبق حاصل کرنے کے بجائے اپنے شاہانہ رویوں پر عمل کرتے ہوئے عوام کیخلاف انتقامی کاروائیاں شروع کر دیے ہیں ہم اس کی شدید مذمت کرتے ہیں علامہ عبدالخالق اسدی نے اسلام آباد میں مجلس وحدت مسلمین ،عوامی تحریک اور تحریک انصاف کے گرفتار کارکنان کو جھوٹے ایف آئی آر میں ڈالنے کی بھی شدید مذمت کرتے ہوئے کہا کہ حکمرانوں میں جمہوری اقدار کو پامال کرکے بدترین آمریت کا ثبوت دیا ہے اگر یہی سلسلہ جاری رہا اور گرفتار کارکنان رہا نہ ہوئے تو احتجاج کا سلسلہ ملک بھر میں پھیل جائے گا۔
وحدت نیوز(کراچی) مجلس وحدت مسلمین کراچی ڈویژن ضلع جنوبی کی جانب سے شہر کراچی میں جاری شیعہ عمائدین کی ٹارگٹ کلنگ اور اسلام آباد میں نواز حکومت کی جانب سے کارکنان کی گرفتاری کے خلاف خراسان سے نمائش چورنگی تک احتجاجی ریلی نکالی گئی جس میں خواتین بچے بزرگ اور نوجوانوں نے شرکت کی احتجا جی ریلی سے خطاب کرتے ہوئے مجلس وحدت مسلمین پاکستان کراچی ڈویژن کے سیکرٹری جنرل حسن ہاشمی، علامہ مبشر حسن ،مولانا علی انور ،علی حسین نقوی نے کہا ہے کہ حکومت سندھ ملت جعفریہ کو تحفظ فراہم کرنے میں ناکام ہوچکی ہے لہذاٰ پاکستان کی معاشی شہ رگ کراچی میں امن و امان کے قیام اور شہریوں کے جان و مال کے تحفظ کے لئے کراچی میں فی الفور فوجی آپریشن کیا جائے اور ہر قسم کی دہشتگردی کا خاتمہ کیا جائے ، مجلس وحدت مسلمین کے رہنماؤں نے مطالبہ کیا کہ اسلام آباد کی طرح کراچی می بھی آئین کے آرٹیکل 245کا نفاذ عمل میں لایا جائے اور کراچی میں موجود مدارس اور ایسے تمام مقامات جہاں دہشت گردوں کی پناہ گاہیں ہیں اور دہشت گردی کے مراکز قائم ہیں کے خلاف بے رحمانہ فوجی آپریشن شروع کیا جائے تا کہ شہر کو واقعی امن کا گہوارہ بنایا جا سکے۔
مجلس وحدت مسلمین پاکستان کے رہنماؤں نے کہا کہ کراچی میں دہشت گردوں کا راج ہے اور روزانہ کی بنیادوں پر ملت جعفریہ کے عمائدین ، ڈاکٹرز، انجیئنرز، وکلا، علماء، خطباء اور دیگر شعبہ ہائے زندگی سے تعلق رکھنے والے معصوم شہریوں کو ٹارگٹ کلنگ کا نشانہ بنایا جا رہا ہے ،مائیں اپنے بیٹوں سے محروم و رہی ہیں جبکہ بہنیں اپنے بھائیونں سے اور اسی طرح سیکڑوں سہاگ اجڑ چکے ہیں لیکن حکومت ٹس سے مس نہیں ہو رہی اور شہر میں موجود کالعدم دہشت گرد گروہوں کے خلاف کوئی موثر کاروائی عمل میں نہیں لا جا رہی ۔
مجلس وحدت مسلمین پاکستان کے رہنماؤں نے حکومت او ر اپوزیشن میں موجود سیاسی و مذہبی جماعتوں کو دعوت دیتے ہوئے کہا کہ تمام سیاسی و مذہبی جماعتوں بشمول پاکستان پیپلز پارٹی، متحدہ قومی موومنٹ، جماعت اسلامی، جمعیت علمائے پاکستان اور دیگر کو مشترکہ طور پر دہشت گردی کے خاتمے کے لے میدان میں آنا ہو گا اور دہشت گردی کی کاروائیونں کے خلاف عملی اقدمات اٹھانے ہوں گے تا کہ ملک دشمن اور اسلام دشمن دہشت گردوں کے ناپاک عزائم کو خاک میں ملایا جا سکے ،انہوں نے کہا کہ تمام سیاسی و مذہبی جماعتوں کی جانب سے مشترکہ طور پر جد وجہد وقت کی اہم ترین ضرورت ہے اور شہرقائد میں دہشتگردی کے ختم کرنے کے لیے تمام سیاسی جماعتوں کو مل کر حکمت عملی بنانی ہوگئی ۔
مجلس وحدت مسلمین کے رہنماؤں نے اسلام آباد میں وفاقی حکومت کی جانب سے مجلس وحدت مسلمین کے کارکنوں کیخلاف جاری کریک ڈاؤن کی شدید الفاظ میں مذمت کرتے ہوئے گرفتار کئے گئے کارکنوں کی فی الفور ہائی کا مطالبہ کیا اور کہاکہ شہر کراچی میں ملت جعفریہ کے عمائدین کی ٹارگٹ کلنگ اور وفاقی دارلحکومت میں کارکنوں کی گرفتاریوں کے منصوبے حکومتی سازش کی کڑیوں کا حصہ محسوس ہوتے ہیں، انہوں نے وفاقی حکومت کو متنبہ کیا کہ اگر کارکنوں کی رہائی عمل میں نہ لائی گئی تو ملک گیر احتجاج کا سلسلہ شروع کیا جائے گا اور سنگین حالات کی ذمہ داری وفاقی حکومت پر عائد ہو گی ۔
وحدت نیوز(جنوبی پنجاب) مجلس وحدت مسلمین کے فلاحی شعبہ خیرالعمل فائونڈیشن اور وحدت یوتھ کی جانب سے جنوبی پنجاب میں بھی ریلیف سر گرمیوں کا آغاز کر دیا گیا اس سلسلے میں مرکزی سیکر ٹری یوتھ سید فضل عباس نقوی ایڈوکیٹ،مرکزی سیکر ٹری تنظیم سازی یعقوب حسینی، صوبائی سیکر ٹری یوتھ مولانا حسن ہمدانی اور خیرالعمل فائونڈیشن کے ریجنل عہدیداروں نے سیلاب سے متاثرہ اضلاع ملتان،مظفر گڑھ، علی پور ،خانیوال کا دورہ کیا اور متاثرین کو ہنگامی بنیادوں پر ریلیف فراہم کرنے کے لیے مجلس وحدت مسلمین،وحدت سکائوٹس،وحدت یوتھ ،کاروان نور سمیت دیگر آرگنائزیشنز پر مشتمل ورکنگ ریلیشن گروپ قائم کر دیا گیا تاکہ امدای سرگرمیاں کو بھر پور ہم آہنگی کے ساتھ چلایا جا سکے۔ متاثرین سیلاب کے لیے مختلف مقامات پر 9 ریلیف کیمپس لگ چکے ہیں ،سینکڑوں افراد کو پکا ہوا کھانا فراہم کیا جا رہا ہے ایمر جنسی بنیادوں پر پندرہ پوائنٹس کو کلیئر کر کے لو گوں کو محفوظ مقامات پر پہنچایا گیا اس موقع پروفد کے ہمراہ ضلع ملتان کے سیکر ٹری جنرل مولانا اقتدار حسین نقوی،خا نیوال کے سیکر ٹری جنرل انصر عباس، وحدت یوتھ علی پور کے مسئول رضا کاظمی ، وحدت یوتھ مظفر گڑھ کے ریاض بھٹی ودیگر کارکنان موجود تھے ، خیرالعمل فائونڈیشن ،وحدت سکائوٹس، وحدت یوتھ ،کاروان نور سمیت دیگر آرگنائزیشن پر مشتمل ورکنگ ریلیشن گروپ پہلے مرحلے میں 10 ہزار خاندانوں کو میڈیکل سہولیات فراہم،50 ہزار افراد کو پینے کا صاف پانی اور مختلف مقامات پر سیلاب میں پھنسے افراد کو ریسکیو کرنے کے اقدامات کر رہا ہے اس موقع پر وفد کے ارکان کا کہنا تھا کہ ضلع مظفر گڑھ اور سیت پور وہ علاقے ہیں جہاں راوی ،ستلج ،چناب اکھٹے ہو تے ہیں اس اعتبار سے اس علاقے میں سیلابی ریلے سے تباہی کے امکانات بہت زیادہ ہیں اور ریلیف اور ریسکیو کی ضرروت بھی بہت زیادہ ہے انہوں نے مزید کہا کہ بھارت پاکستان کی طرف پانی چھوڑ کرآبی دہشتگردی کا مرتکب ہوا ہے حکمرانوں کو اس پر خاموش رہنے کے بجائے آواز اٹھانی چاہیے 100 سے زائد افراد جاں بحق ہوئے ،ہزاروں بے گھر ہو گئے اور لاکھوں ایکڑ اراضی زیر آب آ گئی یہ ظلم نہیں تو کیا ہے ؟ اور یہ بھارت نے پہلی دفعہ نہیں کیا بلکہ کبھی وہ پانی بند کر کے اور کبھی پانی چھوڑ کرپاکستان کی معیشت کو نقصان پہنچانے کی سازش کرتا رہتا ہے ۔
وحدت نیوز(پشاور) مجلس وحدت مسلمین صوبہ خیبر پختونخوا کی صوبائی مجلس شوریٰ کا اہم اجلاس پشاورمیں انعقاد پذیر ہوا۔ جس میں تمام اضلاع کے سیکرٹری جنرلز، صوبائی کابینہ کے اراکین، صوبائی سیکرٹری جنرل علامہ سید سبطین حسین الحسینی، صوبائی ڈپٹی سیکرٹری جنرل علامہ جہانزیب جعفری اور مرکزی ڈپٹی سیکرٹری جنرل علامہ شفقت حسین شیرازی نے شرکت کی۔ اس موقع پر اضلاع کے سیکرٹری جنرلز نے گذشتہ سال کی کارکردگی رپورٹس پیش کیں۔ اس موقع پر اپنے خطاب میں علامہ سید محمد سبطین حسین الحسینی کا کہنا تھا کہ آمدہ سال کو عزاداری اور عصر حاضر کے تقاضوں کا سال قرار دیا جائے گا۔
وحدت نیوز(کوئٹہ) مجلس وحدت مسلمین کے رہنماء علامہ سید ہاشم موسوی نے کہا ہے کہ کراچی میں ٹارگٹ کلنگ اور معصوم انسانوں کا قتل عام حکومت کی نااہلی کا منہ بولتا ثبوت ہے۔ انہوں نے مطالبہ کیا کہ کراچی میں وزیرستان طرز کا فوجی آپریشن کیا جائے اور تمام مصلحتوں سے بالاتر ہوکر معصوم انسانوں کے قاتل دہشت گردوں کا قلعہ قمع کیا جائے۔ علامہ سید ہاشم موسوی نے پنجاب پولیس کی جانب سے (ایم ڈبلیو ایم) کے 40 کارکنوں کی گرفتاری اور مذاکراتی کمیٹی کے رکن سید اسد عباس نقوی کی گرفتاری کی شدید الفاظ میں مذمت کرتے ہوئے کہا کہ ایم ڈبلیو ایم، پی اے ٹی اور پی ٹی آئی کے کارکنوں کی گرفتاریاں حکومتی بوکھلاہٹ کا ثبوت ہے۔ حکومت نے اس غیر دانشمندانہ اقدام سے مذاکراتی عمل کو سبوتاژ کیا ہے۔ مجلس وحدت مسلمین اپنے رہنماؤں اور مذاکرات کار کی رہائی تک مذاکراتی عمل کے بائیکاٹ کا اعلان کرتی ہے۔ ہم انتقامی کاروائیوں سے گھبرانے والے نہیں انقلاب مارچ کی حمایت جاری رکھیں گے۔ علامہ سید ہاشم موسوی نے مزید کہا کہ ایم ڈبلیو ایم کا شعبہ فلاح ملک بھر میں اپنے سیلاب زدہ بھائیوں کی مدد کے لئے تیار ہے۔ اسی حوالے سے پارٹی کی مرکزی قیادت پنجاب کے متاثرہ اضلاع کا دورہ کر رہی ہے۔ بلوچستان بھر کے تنظیمی ساتھیوں اور شعبہ فلاح کے مسئولین سے کہا ہے کہ وہ متاثرین سیلاب کی مدد کریں اور سابقہ سیلاب کے تجربات کے پیش نظر عوام کی رہنمائی کریں۔
