وحدت نیوز(راولپنڈی) راولپنڈی میں مفتی امان اللہ کے قتل کے بعد کالعدم اہلسنت والجماعت نے شہر بھر میں ہنگامہ کھڑا کر دیا ہے۔ کالعدم جماعت کے سینکڑوں دہشتگردوں نے ٹائراں والے بازار میں امام بارگاہ کو مکمل طور پر جلا دیا ہے اور امام بارگاہ کے متولی کو زندہ آگ لگا دی ہے، جس سے وہ موقع پر ہی شہید ہو گیا ہے۔ تفصیلات کے مطابق راولپنڈی میں جامعہ تعلیم القرآن کے مہتمم مولانا اشرف علی کے صاحبزادے مفتی امان اللہ کے قتل کے بعد کالعدم اہلسنت والجماعت کے دہشتگردوں نے اسلحہ کے زور پر راجہ بازار کی دکانین بند کرانے کے بعد ٹائراں والے بازار میں امام بارگاہ کو آگ لگا دی ہے، جس کے باعث امام بارگاہ مکمل طور پر جل کر خاکستر ہوگیا ہے جبکہ امام بارگاہ کے متولی قربان نامی شخص کو زندہ جلا دیا گیا ہے جس سے وہ موقع پر ہی شہید ہوگیا ہے۔ قربان کی لاش کو ہولی فیملی اسپتال منتقل کر دیا گیا ہے۔ دوسری جانب پولیس ذرائع کے مطابق دہشتگردوں کی جانب سے فائر بریگیڈ کو آگ بجھانے سے روکا گیا ہے، جس کے باعث امام بارگاہ میں لگائی گئی آگ کو نہ بھجایا جا سکا۔ مدرسے اور کالعدم اہلسنت الجماعت کے دہشتگرد امام بارگاہ قدیمی کی طرف بڑھ رہے ہیں۔واضح رہے کہ یہ مولوی امان اللہ وہی ملعون ہے جس نے گذشتہ برس روز عاشورا دوران جلوس سید الشہداء علیہ السلام کی ذات مبارک کے خلاف ہرزہ سرائی کی تھی، جس کے بعد وہاں فساد شروع ہواتھا۔

وحدت نیوز(مانٹرنگ ڈیسک) لفظ اطمینان اور لاپرواہی ایک دوسرے سے معنی ٰ و مطالب کے اعتبار سے دور ہی کیوں نہ ہوں مگر کیفیت کے اعتبار سے ایک دوسرے کے بہت قریب ہیں اس فرق کے ساتھ کہ اطمینان نظام کے درست چلنے کی صورت میں حاصل ہوتا ہے جبکہ لاپرواہی بد نظامی کے باوجود ہاتھ پر ہاتھ دہرے بیٹھے رہنے کا نام ہے۔معاشرے کا وہ طبقہ جو اطمینان کے دور میں بھی ھاتھ پر ھاتھ دہرے نہیں بیٹھا رہتا وہ نہایت ہی ذمیدار اور بیدار طبقہ کہلاتا ہے یعنیٰ وہ طبقہ اس درست نظا م کو اپنی درست سمت میں قائم رکھنے اور مزید بہتری کی تگ و دو میں ہمیشہ کوشاں رہتاہے اور دوسروں کے اطمینان کا باعث بنتاہے یہی معاشرے کا وہ حصہ ہوتا ہے جو معاشرے کو بے قائدگیوں، معاشرتی نا انصافیوں ، انتظامی خرابیوں سے آگاہ کرتا رہتا ہے۔

ایک طبقہ وہ ہوتا ہے جو بد نظامی کے دور میں بھی بے جا مطمعین رہتا ہے اور وہی معاشرے کا سست ،کاہل اور بے حس طبقہ ہوتا ہے جو بجائے معاشرتی مسائل کے حل میں ساتھی بننے کے مسائل پیدا کرتا ہے لیکن معاشرے کو اسی سست ،کاہل یا سہل پسند طبقے سے بیدار ی کی امیدیں بھی وابستہ ہوتیں ہیں ۔اور ان دونو ں طبقوں کے د میان ایک طبقہ مفاد پرستوں کا ہوتا ہے جو نظام میں بے قائدگیوں اور خلل سے اپنے مفادات کو حاصل کرتا ہے اور اس کی توجہ ان دونوں طبقوں پر ہوتی ہے اور دونوں سے جدا جدا انداز میں نمٹتاہے بیدار طبقے کی راہ میں رکاوٹیں اور اس کو اسکے مشن سے مایوسی پیدا کرکے نمٹتا ہے اور سست ، کاہل اور سہل پسند طبقے کو مزید اطمینان اور احساس آسودگی دیکراس کی کاہلی ، سستی اور سہل پسندی میں اضافہ کرکے نمٹتاہے۔اور اپنے مفادات حاصل کرتا ہے۔مفاد پرست اور بیدار طبقے میں ایک چیز مشترک ہوتی ہے کہ ان دونوں طبقوں کی تعداد بہت کم ہوتی ہے ۔ اور یہی دونوں طبقے آپس میں برسرپیکار رہتے ہیں ۔

خواب غفلت میں پڑے لا پرواہ طبقے کو جب کوئی بڑا حادثہ جھنجھوڑ کر غفلت کی نیند سے بیدار کرتا ہے تو اس وقت اسے کوئی راہ سجائی نہیں دیتی اوربیدار طبقہ اس کی رہنمائی کرتا ہے اور اسے اس حادثے کے نقصانات کی تلافی کرنے اور اس سے آئیندہ کسی حد تک محفوظ رہنے کی تدبیر کرنے کی کوشش کرنے کا ہنر سکھاتا ہے جو با ت اسی مفاد پرست طبقے کو ناگوار گذرتی ہے۔اور یہیں سے بیدار طبقے اور مفاد پرست طبقے کی جنگ کا آغاز ہوتا ہے ۔یہی حال آج کل ہمارے ملک کا ہے جہاں ایک طبقہ نظام میں خرابیوں کی بات کر رہا ہے اور دوسرا طبقہ اس نظام پر مطمعین کرنے کی کوششوں میں سر دھڑ کی بازی لگا رہا ہے اور ایک طبقہ کچھ خواب غفلت میں ہے اور کچھ نیم بیداری میں ہے ماضی قریب میں بیداری کے نتیجے میں دھرنوں سے گرنے والی بلوچستان کی حکومت سے پاکستان کے عوام کو ایک نئی راہ دکھائی دی اور نا چیز کو پاکستان کے قومی اور علاقائی قائدیں سے ملاقات کا شرف حاصل ہوا جس میں قوم پرست اور وفاق پر ست سربراہان شامل ہیں اس ملاقا ت میں بلا امتیاز تمام سربراہان نے ایک بات کی تھی کہ آپ کی ملت نے پاکستان کے عوا کو ایک نئی راہ دکھائی ہے اب آنے والی تاریخ میں جب بھی کوئی ظالم حکمران پرامن طریقے سے ہٹایا جائے گا تو اس کا سہرا آپ کی ملت کے سر ہوگا ۔ اور بعض سربراہان نے یہاں تک کہا تھا کہ ایک سیاسی کارکن کی حیثیت سے میرا سلام ہو آپ سب پر ان ملاقاتوں میں بہت سے ہمارے دوست شامل تھے اور وہ اس بات کے گواہ ہونگے۔

لیکن آج کل ایک سوال جو بہت سوں کو پریشان کئے ہوئے ہے کہ اسلام آباد میں جاری دھرنو ں کا مستقبل کیا ہوگا شاید یہ سوال د ھرنوں کے ماضی سے ناواقفیت کی وجہ سے ہورہاہے ۔ میرے نزدیک سوال یہ ہونا چاہئے کہ اسلام آباد میں رہنے والے حکمرانوں کا مستقبل کیا ہوگا دھرنے اور احتجاج اس بات کی علات ہیں کہ ظلم ہوا ہے دھرنوں کا جاری رہنا اس بات کی علامت ہے کہ ظلم ابھی تک جاری ہے اب دیکھیں کے ظالم کا انجام جلد ہوتا ہے یا دیر لیکن دھرنوں کے اثرات بتا تے ہیں کہ پاکستان میں ظالم ذلیل ہونا شروع ہوچکا ہے اور عوام آھستہ آھستہ ہی سہی پر بیدار ہونا شروع ہوگئی ہے اب اگر اس کا انجام جلد دیکھنا ہو تو خواب غفلت سے جلد جاگ جاؤ اور اگر مفاد پرستوں کے دھوکے میں مزید رہوگے تو بھی بیدار طبقے نے اپنی ذمیداری خوب نبھائی ہے اب آپ کی باری ہے ۔ یوں لاتعلق بن کر دھرنوں کے مستقبل کا سوال کرنا بتا رہا ہے کے آپ خود کو کس مقام پر رکھے ہوئے ہیں چلو اس ایک سوال نے بھی تو خود شناسائی پیدا کرلی ہے جو سب سے مشکل عمل ہوتا ہے اور یہ بھی دھرنوں کے مرہوں نے منت ہی ہو ا ۔ دھرنوں کی تاریخ نے بیداری کی مہم کی ابتدا کی ہے اب ابتداء پر ہی مایوسی او ر نا امیدی پہلانا اسی مفاد پرست طبقے کی کارستانی ہے جو سستی ،کاہلی اور بے حسی کا ہمیشہ فائدہ اٹھاتا رہاہے اور بیدار ہونے والے عوام کو لوریاں سنا کر سلانے کی کوشش میں لگا رہتاہے اور سہل پسند طبقہ اس کی میٹھی لوریوں میں آکر سوجاتا ہے اور معاشرے میں ہونے والے نقصانات کی وجہ یہی طبقہ بنتا ہے ۔

ہر دور کی طرح اس دور میں بھی خاموشی ظالم کی حمایت ہے اور ہم خیال مجوعہ لگاکر صرف ممبر پر بیٹھ کر بیداری کی تحریک نہیں چلائی جا سکتی بلکہ میدان عمل میں آکر پاکستان کے عوام کو عملا دکھانا پڑے گا کہ بیدارہو نا کسے کہتے ہیں اگرزبانی خاموشی جرم ہے تو عملا خاموشی بڑا جرم ہے۔یوں یہ بیدار او ر مفادپرستوں کی جنگ جاری ہے اور جاری رہے گی تا وقت کہ ملک میں عدل قائم ہوجائے اور کوئی طاقتورکسی کمزور کا حق اس سے نہ چھیں سکے اگر کوئی ایسا کرے تو عدالت اس کا انصاف کرے اور کمزور کو اس کا حق دلائے اور کمزور اپنا حق لینے میں کسی سے خوفزدہ نہ ہو۔مظلوموں کا حامی اور ظالموں کا مخالف بننا ہمیشہ معاشرے کے باشعور،ذمیدار اور بیدار طبقے کا وظیفہ رہا ہے اور ہمیشہ عزت، خوشبختی ، کا میابی اور کامرانی نے انہی کے قدم چومے ہیں فکری اور عملی طور سے میدان میں رہتے ہیں۔

تحریر :عبداللہ مطہری

وحدت نیوز(مانٹرنگ ڈیسک) سابق آرمی چیف مرزا اسلم بیگ نے دعویٰ کیا ہے کہ امریکہ نے برطانیہ، کینیڈا، اور ایران کے ساتھ ملکر پاکستان میں انتشار پھیلایا، اس سازش کو آرمی چیف جنرل راحیل شریف نے ناکام بنا دیا۔ ان کے اس دعوے پر بات کرنے سے پہلے ان کے ماضی پر تھوڑی روشنی ڈالتے ہیں، تاکہ معاملے کو سمجھنے میں آسانی ہو جائے۔

مرزا اسلم بیگ وہ شخص ہیں جنہوں نے ضیاءالحق کی موت کے بعد آرمی چیف کا چارج سنبھالا، انہوں نے ملک میں مارشل لا نافذ نہیں کیا تھا کیونکہ گیارہ سالہ فوجی اقتدار کے بعد دوبارہ مارشل لا لگانا کسی بھی آرمی چیف کیلئے خاصا مشکل کام تھا۔ دوسری جانب اپنے بابا کی شہادت کے بعد محترمہ بینظیر بھٹو نے سیاسی جدوجہد کا آغاز کیا تو انہیں بیحد پذیرائی ملنا شروع ہوگئی۔ عوامی سطح پر محترمہ بینظیر بھٹو کی پذیرائی سے ظاہر ہوتا تھا کہ پیپلز پارٹی انتخابات میں واضح کامیابی حاصل کر لے گی، اسی "خطرے" کا مقابلہ کرنے کے لیے جناب مرزا صاحب نے اس وقت کے ڈی جی آئی ایس آئی لیفٹینٹ جنرل حمید گل کے ساتھ ملکر دائیں بازو کی تمام جماعتوں بشمول جماعت اسلامی، جمیعت علماء اسلام فضل الرحمان اور مسلم لیگ سمیت دیگر چھے جماعتوں پر مشتمل اسلامی جمہوری اتحاد (آئی جے آئی) تشکیل دیا، جس کا مقصد ضیاءالحق کے روحانی بیٹے نواز شریف کیلئے راستہ ہموار کرنا تھا۔ اس اتحاد نے 1988ء کے الیکشن میں کل 53 نشستیں حاصل کیں تھیں جبکہ محترمہ بینظیر بھٹو 93 نشستیں حاصل کرسکی تھیں، یوں پنجاب میں ایک بزنس مین کو اکثریت دلا کر وزیراعلٰی بنوا دیا گیا۔

مرزا صاحب کے اس کے اقدام سے اسلامی جمہوری اتحاد مزید پھلا پھولا اور 1990ء الیکشن میں دوبارہ بےنظیر بھٹو کا راستہ روکنے کیلئے سیاستدانوں میں بڑے پیمانے پر رقوم تقسیم کرائی گئیں، پیسے نے کام دکھایا، جس کے نتیجے میں یہ اتحاد 153 نشستیں حاصل کرنے میں کامیاب ہوگیا، یوں نواز شریف کو ملک کا وزیراعظم بنا دیا گیا۔ اٹھارہ سال قبل ایئر مارشل ریٹائرڈ اصغر خان نے رقوم کی تقسیم سے متعلق سپریم کورٹ میں درخواست دائر کی، جس پر سپریم کورٹ نے دو سال قبل اپنا فیصلہ سنایا تھا۔ عدالت عظمٰی نے فیصلہ سناتے ہوئے سیاستدانوں کو رقم دینے کے الزام میں پاک فوج کے سابق سربراہ جنرل (ر) اسلم بیگ اور آئی ایس آئی کے سابق سربراہ لیفٹیننٹ جنرل (ر) اسد دارنی کے خلاف قانونی کارروائی کی ہدایت کی تھی۔ تاہم مقدس گائے یعنی مقدس ادارے سے تعلق ہونے کی وجہ سے آج تک دونوں کیخلاف کوئی کارروائی نہ ہوسکی۔ عدالت نے یہ رقوم لینے والے افراد کے بارے میں تحقیقات کرنے اور ان سے یہ رقوم واپس لینے کا بھی حکم دیا تھا۔ رقوم لینے والے افراد میں مخدوم جاوید ہاشمی بھی شامل تھے۔

اب جبکہ ضیاءالحق کے روحانی بیٹے نواز شریف کی بدترین دھاندلی کے نتیجے یہ تیسری بار بادشاہت قائم ہوئی ہے، جس کیخلاف پاکستان عوامی تحریک اور تحریک انصاف نے عوامی جدوجہد شروع کی ہے تو موصوف نے ایک بار پھر کسی سکرپٹ کے تحت پسندیدہ چینل کو انٹرویو دیتے ہوئے اس سارے عمل کی ذمہ داری امریکہ، برطانیہ، کینیڈا اور ایران پر ڈال دی ہے۔ پوری دنیا جانتی ہے کہ ایران کے برطانیہ اور امریکہ کے ساتھ تعلقات کیسے ہیں، جبکہ امریکہ اور برطانیہ پہلے ہی کہہ چکے ہیں کہ مارشل نافذ کیا گیا تو پاکستان پر پابندیاں عائد کریں گے، یعنی وہ سعودی عرب کی خواہش پر بننے والی حکومت کو کسی صورت گرنے نہیں دینا چاہتے۔

جیو نیوز کو دیئے گئے اپنے انٹرویو میں مرزا صاحب نے کہا کہ یہاں سے قادری صاحب کو ایران کا دورہ کرایا گیا اور قم میں سینئیر مجتہدین سے ملاقاتیں کرائی گئیں۔ ان صاحب سے کوئی پوچھے کہ جناب کیا یہ ملاقاتیں خفیہ تھیں؟، اس کی تصویریں اور ان ملاقاتوں کا احوال تو میڈیا کو بھی دیا گیا اور خود منہاج القرآن کی ویب سائیٹ پر بھی تمام تصاویر اور ملاقاتوں کا احوال موجود ہے۔ اہم بات یہ بھی ہے کہ کیا ڈاکٹر صاحب پہلی بار ایران گئے تھے۔؟ دوسری اہم بات یہ کہ اگر ان کی اس بات میں کوئی صداقت ہے بھی تو پھر ہم یہ سوال کرنے کا بھی حق رکھتے ہیں کہ جناب یہ بھی بتائیں کہ پیپلزپارٹی کی حکومت کیخلاف ہونے والے دھرنے کے پیچھے کون تھا۔؟ اس وقت آپ نے لب کشائی کیوں نہ کی۔ تیسری بات یہ کہ مرزا صاحب آپ نے قادری صاحب کے بارے میں تو بتا دیا ہے لیکن یہ بھی تو بتائیں کہ عمران خان کی تحریک کے پیچھے کون ہے۔؟

درج ذیل سوالات بہت اہمیت کے حامل ہیں۔
1۔ آیا ماڈل ٹاون لاہور میں خواتین سمیت 14 افراد کو گولیاں مار کے شہید کر دینا اور 90 افراد کو زخمی کر دینا، کیا اس عمل میں بھی مذکورہ ممالک ملوث تھے۔؟
2۔ کیا مقتولین کی ایف آئی آر تک درج نہ ہونے میں ایک ماہ تک رکاوٹ بننا اور ملزمان کی عدم گرفتاری میں بھی یہ ممالک رکاوٹ ہیں۔؟
3۔ کیا عمران خان کے ڈیڑھ سال سے تسلسل کے ساتھ کئے جانے والے چار حلقے کھلوانے کے مطالبے پر عمل درآمد نہ کرانے میں بھی یہ ممالک حائل ہیں۔؟
مرزا صاحب آپکا اصل مسئلہ یہ ہے کہ 1988ء کی طرح ایک بار پھر آپ عوامی جدوجہد کو ناکام بنانا چاہتے ہیں اور اپنے تیار کردہ شخص کا اقتدار بچانا چاہتے ہیں، لیکن یاد رکھیں کہ اب عوام باشعور ہوگئے ہیں، وہ ہر ساز شازش کو سمجھتے ہیں۔

تحریر: این اے بلوچ