وحدت نیوز(آزادجموں وکشمیر) پیغمبرؐ خدا صرف محسن اسلام ہی نہیں بلکہ وہ عالم انسانیت کے لیئے باعث افتخار شخصیت اور محسن بشریت ہیں ، جن کے ظہور سے ظلمت کدہ مرکز مہر و وفا بن گیا، آپ کے ظہور سے پہلے معاشرہ جن برائیوں کا شکار تھا، ان میں بندوں کی غلامی ، آقا پرستی ، بچیوں کو زندہ درگو کرنے جیسے قبیح افعال کا رواج عام تھا لیکن سرکار کی آمد کے بعد کالے گورے عربی عجمی کی تقسیم شہری و بدوی کے جھگڑے ختم ہوئے آپؐ نے معاشرے کی فرسودہ اور دقیانوسی روایات کو اس انداز سے ختم کیا کہ جو لوگ کل تک اپنی بیٹیوں کو زندہ درگو کر دیتے تھے اب وہ دوسروں کی بچیوں کو گود لینے کو باعث فخر سمجھنے لگے تھے، آپ ؐنے غلاموں کو ابو جہل ، ابو لہب اورکفرکے دوسرے سرداروں کے برابر کھڑا کر دیا یہ آپکیؐ تعلیمات اور حسن خلق کا اثرتھاکہ بلالؓ حبشی نیئر کمال اور حضرت سلمانؓ فارسی سلمان محمدی بن گئے، آپ نے عمار یاسرؓ ، میثمؓ ، مقدادؓ جیسے دوسرے صحابہ کرامؓ کی تربیت اس انداز سے فرمائی کہ وہ دنیا نے کنیز اور غلاموں کے حقوق کا تعین فرمایا اور وہ معاشرے میں باعزت زندگی جینے لگے، تاجدار کونین کی تعلیمات میں والد کی بیوہ سے حرمت نکاح ، بیٹیوں کی وراثت میں حصہ کا عاطف و رحمت کا مرکز ہوناخواتین کے حقوق کا انتہائی نمایاں روشن اور ابدی اور انسانی حقوق کے حوالے سے جو عظیم چارٹر آقائے نامدارؐ نے پیش کیا اس کی مثال اقوام متحدہ ، او آئی سی اور دیگر ادارے اسے آج بھی اپنے لیئے مشعل راہ قرار دے رہے ہیں، معلم انسانیت ، مربی بشریت ہونے کے اعتبار سے آپ ؐکی عمدہ تربیت کے نمونے اہلبیت علیہم السلام اور صحابہ کرام رضوان اللہ کی صورت میں عرب و عجم کے امام اور پیشوا قرار پائے ان خیالات کا اظہارسیکریٹری جنرل مجلس وحدت مسلمین آزاد جموں و کشمیرعلامہ سید تصور حسین نقوی الجوادی نے ایک سیمینار بعنوان ’’تعلیمات نبویؐ کے اثرات‘‘ سے خطاب کرتے ہوئے کیا ۔

انہوں نے کہا کہ آج جب دنیا کے سامنے اپنے اصولوں اور اقدار کی وجہ سے سربلند و سرخرو ہیں تو یہ سرکار ختمی مرتبت ؐ کی تعلیمات اور سیرت طیبہ کی بدولت ہے آپ نے انسانیت کے وقا کی سربلندی کے لیئے ہمیشہ کوشش کی جس کی متعدد مثالیں دی جاسکتی ہیں ایک جنگ میں جب قیدی خواتین کو ان کے کفار بھائیوں کی لاشوں سے گزار کر لائے گیا تو آپؐ نے اپنے سپاہیوں کی سخت سرزنش کرتے ہوئے کہا کہ تم لوگ اتنے سخت دل کیسے ہو گئے ہو اس طرح ایک جنگ میں قیدیوں کے ہاتھ سختی سے باندھے گئے تھے تو آپ ؐنے رات کو اٹھ کر ان کی رسیاں ڈھیلی کیں ، جب صحابہ کرامؓ نے کہا یا رسول ؐاللہ یہ قیدی کافر ہیں تو آپ ؐ نے فرمایا جو بھی ہوں انسان تو ہیں علامہ تصور جوادی نے کہا کہ ان روشن تعلیمات عرد انسانیت سے لبریز سیرت کے بعد ایسا مسلمان ہے جو دہشتگردی اور انسان کشی کی وارداتوں میں ملوث ہو کر نبی رحمت کے دین رحمت کو بدنام کرسکتا ہے جو لوگ وطن عزیز کی بقاء و سالمیت کو نقصان پہنچا کردہشتگردی اور قتل و غارت گری کا بازار گرم کیئے ہوئے ہیں انہیں رسول اللہ ؐ کی تعلیمات پر غور کرنا چاہیے کہ آپؐ فتح مکہ کے موقع پر سخت ترین کفار کے لیئے بھی معافی کا اعلان کر دیا تھا آج جو لوگ پاک فوج کے جوانوں آفیسران ، تعلیمی اداروں کے معلمین ، مساجد ، امامبارگاہوں اور مزارات پر حملے کرتے ہیں نہ تو وہ وطن کے خیر خواہ ہیں نہ ان کو دین اور بانی مبانی دین کی تعلیمات کا کردار لائق تحسین ہے جو سیرت النبیؐ کو اجاگر کرنے کے لیئے اپنا کردار ادا کر رہے ہیں ، اس سلسلہ میں انشاء اللہ 21ربیع الاول کو دربار سہیلی سرکار پر ایک عظیم الشان وحدت امت کانفرنس بعنوان میلاد مصطفےٰؐ کانفرنس منعقد ہو گی۔

وحدت نیوز(آزاد جموں و کشمیر) مجلس وحدت مسلمین ضلع باغ کے زیر اہتمام عظیم الشان سیرت النبی کانفرنس 29ربیع الاول 31جنوری کو مقامی ہوٹل میں منعقد ہوگی ،کانفرنس کے انعقاد کے سلسلہ میں انتظامات اورروابط کا آغاز کر دیا گیا ہے کانفرنس کی صدارت ریاستی سیکریٹری جنرل مجلس وحدت مسلمین آزادجموں وکشمیر علامہ سید تصور حسین نقوی الجوادی کریں گے جب کہ کانفرنس کے مہمان خصوصی سیکریٹری جنرل مجلس وحدت مسلمین پاکستان علامہ راجہ ناصرعباس جعفری ہوں گے،جب کہ ڈپٹی سیکریٹری جنرل علامہ محمد امین شہیدی خصوصی شرکت وخطاب فرمائیں گے جبکہ اس سلسلہ میں ضلع بھر کی مذہبی سیاسی اور سماجی شخصیات کو دعوت دینے کا سلسلہ شروع کر دیا گیا ہے ان خیالات کا اظہار ضلعی سیکرٹری جنرل مجلس وحدت مسلمین ضلع باغ سید عبادت حسین کاظمی نے میڈیا کے نمائندگان سے گفتگو کرتے ہوئے کیا ۔

انہوں نے کہا کہ ریاستی ومرکزی قائدین کی ہدایت کے مطابق اتحاد بین المسلمین کی کوششوں کو عملی جامہ پہنانے کے لئے یہ کانفرنس اہم سنگ میل ثابت ہوگی جبکہ اسی ضمن میں 17 ربیع الاول کو مسجد وامام بارگاہ امام الصادق ؑ نمب سیداں میں بھی جشن میلاد مصطفی ؐ کا انعقاد کیا جا رہا ہے جس سے مجلس وحدت مسلمین آزادکشمیر کے رہنما علامہ سید یاسر عباس سبزواری خطاب کریں گے ،سید عباد ت کاظمی نے کہا کہ 21ربیع الاول کو مظفرآباد میں منعقدہ مرکزی سیرت ومیلاد کانفرنس میں ضلع باغ کی طرف سے بھر پور شرکت کی جائے گی۔

وحدت نیوز( لاہور) ناصر شیرازی ایڈووکیٹ کا کہنا تھا کہ ذات نبی کریم ؐ تمام مسلم امہ کیلئے مرکز وحدت ہے۔ سیرت طیبہ پر عمل پیرا ہو کر مسلمان دنیا بھر کے انسانوں کیلئے رول ماڈل بن سکتے ہیں۔ ان کا کہنا تھا کہ رحمت للعالمین کے ماننے والے کبھی دہشت گرد اور فسادی نہیں ہوسکتے۔ اسلام امن و سلامتی کا دین ہے اور حضور کی ذات عالمین کیلئے باعثِ رحمت ہے۔ان خیالات کا اظہار مجلس وحدت مسلمین پاکستان کے مرکزی سیکرٹری سیاسیات سید ناصر عباس شیرازی ایڈووکیٹ نے ہفتہ وحدت کی مناسبت سے الحمراہ ہال میں خانہ فرہنگ اسلامی جمہوریہ ایران اور امامیہ آرگنائزیشن پاکستان کے زیر اہتمام میلاد البنی ﷺ کے جلسے سے خطاب کر تے ہو ئے کیا۔

ان کا کہنا تھا کہ بے گناہوں کے گلے کاٹنے والوں کا اسلام اور نبی آخر الزمان ؐ کے ساتھ کوئی تعلق نہیں۔ یہ دہشت گرد اور فسادی گروہ ابو جہل اور ابولہب کے پیرو کار ہو سکتے ہیں تاجدارِ مدینہ کے نہیں، سیرت پیغمبر اکرم ﷺ میں کہیں بھی تبلیغ اسلام کے لئے ظلم و جبر کا استعمال نظر نہیں آتا۔ ناصرشیرازی کا کہنا تھا کہ عید میلاد النبیؐ پر شیعہ سنی وحدت اور جلوسوں میں ریکارڈ شرکت نے شر پسندوں کو تنہا کر دیا ہے۔اور وہ اپنا مو قف بدلنے پر مجبور ہیں، پاکستان میں اہل سنت و اہل تشیع مل کر وطن دشمن عنا صر سے پاک کر سکتے ہیں ۔

وحدت نیوز (دمشق) ایم ڈبلیو ایم کے مرکزی سیکرٹری امور خارجہ علامہ سید شفقت حسین شیرازی نے کہا ہے کہ سرزمین پاکستان پر بین المسالک ہم آہنگی کے فروغ اور شیعہ وحدت کی فضا پیدا کرنے میں وفاقی دارلحکومت اسلام آباد میں منعقدہ قومی امن کنونشن کا کردار کلیدی ہے، اس تاریخ ساز اجتماع میں ملت اسلامیہ کے تمام مکاتب فکر کے علاوہ غیر مسلموں نے بھی بھرپور انداز میں شرکت کی اور ثابت کیا کہ پوری پاکستانی قوم دہشت گردی کے عفریت سے نبرد آزما ہونے کے لئے پوری طرح متحد اور منظم ہے ، انہوں نے ان خیالات کا اظہار اپنے دورہ شام کے دوران دمشق میں استقبالیہ وفد سے بات چیت کے دوران کیا، انہوں نے کہا کہ سانحہ عاشورہ راجہ بازار راولپنڈی پاکستان میں فرقہ واریت کا بیج بونے اور میلاد النبی ؐو عزاداری امام حسین ؑ کے جلوسوں کو محدود کرنے کی سنگین سازش تھی جسے شیعہ سنی وحدت کے ذریعے ناکام بنا دیا گیا۔مسلمانوں میں تفرقہ ڈالنے اور ملت تشیع پاکستان کو دیوار سے لگانے کی سازشیں کرنے والے آج خود تنہا کھڑے ہیں اور کوئی ان کا ساتھ دینے کو تیار نہیں ، انہوں نے کہا کہ تکفیریوں کی جانب سے ملنے والی دھمکیوں اور بم دھماکوں و خود کش حملوں کے خدشات کے باوجود اربعین امام حسین ؑ اور میلاد النبیؐ کے جلوسوں کا پر امن انعقاد شیعہ سنی اتحاد اور وحدت کا ثمر ہے ، انشاء اللہ وحدت کی اس فضا کو بر قرار رکھا جائے گا ، قبل ازیں علا مہ سید شفقت عباس شیرازی اپنے اس اہم دورہ کے دوران دمشق پہنچے تو وہاں مومنین نے ان کا فقید المثال استقبال کیا ، علامہ شفقت شیرازی نے انہیں پاکستان میں امن و امان کی صورتحال، موجودہ حالات اور بالخصوص سانحہ راجہ بازار اور چہلم امام حسین ؑ کے بعد پیدا ہونیوالی صورتحال پر تفصیلی بریفنگ دی ۔