The Latest
وحدت نیوز (لاہور) امام حسن ع الہی کمالات و فضائل کی حامل شخصیت ہیں آپ کی ذات گرامی میں مولا علی ع اور جناب سیدہ س دونوں کی سیرت و کردار کی جھلک نظر آتی ہے محترمہ حنا تقوی ،ایم ڈبلیو ایم شعبہ خواتین ضلع لاھور کی جانب سے آخری منٹ یونٹ میں تقریب حلف برداری منعقد ہوئی ۔مجلس وحدت مسلمین شعبہ خواتین ضلع لاھور کی سیکرٹری جنرل محترمہ حنا تقوی اور ڈپٹی سیکرٹری جنرل محترمہ عظمی نقوی نے آخری منٹ یونٹ لاھور میں تقریب حلف برداری میں شرکت کی محترمہ حنا تقوی نے اراکین کابینہ سے حلف لیا ۔
تقریب سے خطاب کرتے ہوئے سیرت امام حسن مجتبی ع کا تذکرہ کرتے ہوئے انہوں نے کہاکہ امام حسن ع سیرت و کردار میں اپنے نانا رسول الله ؐ کی شبیہ تھے جیسے رسول الله ؐ امت مسلمہ کے لیے مشعل راہ ہیں بالکل ایسے ہیں امام حسن ع بھی دین اسلام کے ماننے والوں کے لیے نمونہ عمل ہیں آپ کی سیرت سے ہمیں رحم و کرم ،جود و سخا، تقوی الہی اور آپس میں اتحاد اور بھائ چارے کی فضا قائم کرنے کا درس ملتا ہے۔
علاوہ از ایں تمام اراکین کو القدس ریلی میں بھرپور شرکت کو یقینی بنانے کی تاکید کی گئ اور ایم ڈبلیو ایم شعبہ خواتین لاھور کی جانب سے یونٹ کے مستحقین افراد میں آٹا بھی تقسیم کیا گیا۔
وحدت نیوز(لاہور) مجلس وحدت مسلمین شعبہ خواتین ضلع لاہور کی جانب سے سمن آباد کے مقام پر یونٹ تشکیل دیا گیا اس موقع پر امامبارگاہ بیت الحزن میں پندرہ رمضان المبارک جشن ولادت امام حسن ع کی مناسبت سے ضلعی سیکرٹری جنرل محترمہ حنا تقوی نے خطاب کرتے ہوے کہا کہ امام حسن علیہ سلام الہی اوصاف و کمالات کا مکمل نمونہ ہیں آپ کی سیرت پر عمل پیرا ہو کر معاشرہ امن و استحکام کی جانب بڑھ سکتا ہے۔
ان کا مزید کہنا تھا کہ اسلامی معاشرے کے قیام اور دینی اقدار کی بقا اور اجراء کے لیے خواتین کا کردار پیش کرنا لازم ہے ہمارے سامنے جناب سیدہ زینب س کی سیرت موجود ہے جن سے ہمیں دین کی سربلندی اور حق کا پیغام عام کرنے کے لیے باطل یزیدی قوتوں کا سر قلم کرنے کا حوصلہ اور جرات ملتی ہے۔
جشن سے ضلعی ڈپٹی سیکرٹری جنرل محترمہ عظمی نقوی نے بھی خطاب کیا اور کارکنان کو یونٹ کی افادیت سے آگاہ کیا۔ان کا کہنا تھا کہ خواتین معاشرے کا اہم ستون ہیں اور عالمی و ملکی حالات کے پیش نظر خواتین کو مردوں کے شانہ بشانہ اپنا کردار ادا کرنے کے لئے ہمہ وقت آمادہ رہنا چاہیے۔اس موقع پر ضلعی سیکرٹری عالمات و ذاکرات محترمہ عصمت بتول بھی ان کے ہمراہ موجود تھیں جشن کے اختتام پر دسترخوان امام حسن ع کا اہتمام کیا گیا۔
وحدت نیوز(لاہور) مجلس وحدت مسلمین شعبہ خواتین ضلع لاھور کی جانب سے دسترخوان امام حسن ع کا اہتمام، لوگوں کی کثیر تعدار نے شرکت کی ۔تفصیلات کے مطابق مجلس وحدت مسلمین شعبہ خواتین ضلع لاھور کی جانب سے پندرہ رمضان المبارک کوروزولادت امام حسن مجتبی ع کے موقع پر ایئرپورٹ روڈ لاھور میں وسیع دسترخوان امام حسن مجتبی ع کا اھتمام کیا گیا جس میں بلا تفریق مذہب و مسلک روزے داروں کی کثیر تعداد نے افطارکیا۔ روزہ داروں نےولادت امام حسن ع پر ایک دوسرے کو مبارکباد دی اور اس کار خیر اور بین المسالک اتحاد کی فضا قائم رکھنے کے عمل کو سراہا۔
وحدت نیوز(لاہور) مجلس وحدت مسلمین شعبہ خواتین ضلع لاھور کی سیکرٹری جنرل محترمہ حنا تقوی اور ڈپٹی سیکرٹری جنرل محترمہ عظمی نقوی نے جوہر ٹاون لاھور کے مقام پرنیایونٹ تشکیل دیا، اس موقع پر محترمہ عصمت بتول ضلعی سیکرٹری شعبہ عالمات و زاکرات بھی ان کے ہمراہ موجود تھیں ۔
ایم ڈبلیو ایم شعبہ خواتین ضلع لاھور کی جانب سے اس وقت شہر بھر میں چھبیس یونٹ قائم کیے جا چکے ہیں ۔ اس نشست میں محترمہ حنا تقوی نے اراکین و شرکاء سے خطاب میں ماہ رمضان المبارک کے فیوض و برکات کا بیان کرتے ہوئے کہا کہ خداوند کریم کا لطف و عنایت ہے کہ اس نے ہمیں ماہ عظیم کی رحمتیں اور برکتیں سمیٹنے کا موقع عطا کیا ہم اس مبارک مہینے میں خدا کے مہمان ہیں پس ضرورت اس امر کی ہے کہ ہم اپنے خالق کا قرب اسطرح حاصل کریں کہ عبد و معبود کا تعلق گہرا اور مضبوط ہوجائے ۔خداوند بزرگ و برتر ماہ مبارک رمضان میں صدقہ کرنے والوں،اخلاق کو بہتر بنانے والوں، غصہ پر قابو پانے والوں اور صلہ رحمی کرنے والوں کی مغفرت فرماتا ہے اور ان کو اجر عظیم عطا کرتا ہے۔
۔عشرہ مغفرت کے حوالے سے اپنی گفتگو کے دوران ان کا مزید کہنا تھا حقیقت میں وہ انسان بد بخت ہے جس کے ہاتھ سے یہ مہینہ نکل جائے اور وہ خدا کی مغفرت و بخشش سے محروم رہ جائے۔ مجلس وحدت مسلمین شعبہ خواتین ضلع لاہور کے توسط سے جوہر ٹاؤن میں دس روزہ دروس کا پروگرام بھی منعقد کیا گیا جس میں محترمہ عصمت بتول نے فرائض تدریس سرانجام دیتے ہوئے سورہ دہر ترجمہ و تفسیر کے ساتھ حفظ کروائی۔اور پروگرام کے اختتام میں شرکاء دروس میں انعامات تقسیم کیے گئے۔
وحدت نیوز(چنیوٹ) سربراہ مجلس وحدت مسلمین پاکستان علامہ راجا ناصر عباس جعفری حفظ الله نے جامعہ بعثت رجوعہ سادات چینیوٹ کا دورہ کیا ۔ادارے کے پرنسپل مولانا حسن مھدی کاظمی اور مجلس وحدت مسلمین شعبہ خواتین کی مرکزی سیکرٹری تنظیم سازی محترمہ معصومہ نقوی نے اس موقع پر قائد وحدت کو خوش آمدید کہا ۔ اس موقع پر علامہ راجا ناصر عباس جعفری نے جامعہ کی طالبات اور ایم ڈبلیو ایم شعبہ خواتین ضلع چینیوٹ کے یونٹس کے اجتماع سے خطاب کیا اور ماہ مبارک رمضان کے فیوض و برکات پر تفصیلی گفتگو کی۔
وحدت نیوز(لاہور) مجلس وحدت مسلمین لاہور شعبہ خواتین کی جانب سے بھاٹی گیٹ کے مقام پر از سر نو یونٹ قائم کیا گیا۔محترمہ حنا تقوی سیکرٹری جنرل ایم ڈبلیو ایم لاہور شعبہ خواتین نے اراکین سے حلف لیا ۔ محترمہ صائمہ کو یونٹ سیکرٹری جنرل اور محترمہ عشرت کو یونٹ ڈپٹی سیکرٹری جنرل نامزد کیا گیا ۔اس موقع پر محترمہ عظمی نقوی ڈپٹی سیکرٹری جنرل ایم ڈبلیو ایم لاہور شعبہ خواتین بھی موجود تھیں ۔
محترمہ حنا تقوی اور محترمہ عظمی نقوی نے یونٹ ممبران کو تنظیم کے منشور سے آگاہ کرتے ہوئے امام وقت کے ظہور کی راہیں ہموار کرنے کے لئے خواتین کو اپنا کردار ادا کرنے کی ضرورت پر زور دیا ۔محترمہ حنا تقوی نے موجود حالات پر گفتگو کرتے ہوئے کہا کہ ہم حکومت وقت سے گمشدہ افراد کے اہلخانہ کے جائز مطالبات پورا کرنے کی اپیل کرتے ہیں۔گمشدگان کی بازیابی کے لئے کوششوں کو تیز کیا جائے۔
محترمہ حنا تقوی نے داتا دربار لاہور کے قریب ہونے والے بم دھماکے کی مذمت کرتے ہوئے کہا کہ ہم دہشت گردی کے خلاف جنگ میں اپنی ریاست اور افواج کے ساتھ شانہ بشانہ کھڑے ہو کر اپنا کردار ادا کرتے رہیں گے ۔ملک خداداد پاکستان کی حفاظت اور اسلام دشمنوں کو نیست و نابود کرنے کے لئے کے لئے یہ قوم ہر محاذ پر متحد ہوکر مقابلہ کرے گی۔تقریب کے اختتام پر محترمہ نجبہ سیکرٹری تربیت ایم ڈبلیو ایم لاہور شعبہ خواتین نے درس دیا۔سوالات و جوابات سیشن کا انعقاد بھی کیا گیا ۔یونٹ کی جانب سے صحیح جوابات دینے والوں میں انعامات تقسیم کئے گئے ۔
وحدت نیوز(لاہور) ایم ڈبلیو ایم شعبہ خواتین ضلع لاھور کی جانب سے آج شاہ عالم کے مقام پر خواتین کا یونٹ قائم کیا گیا جس میں ضلعی سیکرٹری جنرل محترمہ حنا تقوی نے خطاب کرتے ہوے خواتین کو تنظیمی منشور و اھداف سے آگاہ کیا اور کہا کہ امام عصر ع کا ساتھ دینے کے لیے ہمیں خود کو ابھی سے آمادہ کرنا ہے تاکہ ہم نصرت امام عج میں پیچھے نہ رہ جائیں۔
انھوں نے کہا کہ مجلس وحدت مسلمین پاکستان ایک ایسا پلیٹ فارم ہے جس میں شامل ہو کر ہم ظہور امام عج کے لیے خود کو تیار کر سکتے ہیں انھوں نے یونٹ ممبران کو ماہ مقدس رمضان میں بجا لاے جانے والے اعمال شبقدر اور اعتکاف کی محافل منعقد کرنے کی تاکید کی اور اسکے ساتھ یوم القدس کے موقع پر ایم ڈبلیو ایم کی جانب سے نکالی جانے والی ریلی میں بھرپور شرکت کو یقینی بنانے کی ھدایات کیں جس پر تمام شرکا اور یونٹ ممبران نے تعاون اور بھرپور شرکت کی یقین دھانی کروای اور قوم و ملت کے لیے اپنی خدمات انجام دینے کے عزم کا اعادہ کیا۔
وحدت نیوز(لاہور) مجلس وحدت مسلمین پنجاب کے صوبائی سیکریٹریٹ میں ماہ رمضان المبارک میں مستحقین کی امداد اور فلاح وبہبود کے حوالے سے فلاح وبہبود کمیٹی لاہور کا اجلاس منعقد ہوا ،سیکرٹری یوتھ سید سجاد نقوی اور ڈپٹی سیکرٹری سیاسیات لاہور سید ذوالفقار نقوی نے اجلاس کے شرکا کو ویلفٸیر پروگرام پر تفصیلی بریفنگ دی۔
اس موقع پر سید سجاد نقوی نے کہا کہ آٸے روز بڑھتی مہنگاٸی نے غریب عوام کی کمرتوڑ کر رکھ دی ہے۔ماہ رمضان میں متوسط طبقہ کے لیے سفید پوشی کا بھرم رکھنا مشکل ہو گیا ہے۔ انہوں نے کہا کہ ہمیں اپنی مدد آپ کے تحت حتی الامکان ان مستحق افراد کی مدد کرنی چاہیئے ۔
دوسری جانب ڈپٹی سیکرٹری سیاسیات سید ذوالفقار نقوی نے کہا کہ اس حوالے سے ہم ایک ٹیم تشکیل دےرہے ہیں جو مخیر حضرات کے ساتھ ہم آہنگی کرے گی۔ جبکہ مستحق افراد کو اس ماہ صیام میں راشن تقسیم کیا جاٸے گا تاکہ معاشرے کےاس پسے ہوٸے طبقے کے چہرے پر خوشیاں بکھیری جائیں۔ اجلاس میں ویلفیئر ٹیم لاہور کے ممبران رانا کاظم، سید شعیب حیدر ، سید کامران اور سید ذیشان نے شرکت کی۔
وحدت نیوز(گلگت) اپوزیش لیڈر کیپٹن محمد شفیع کی گرفتاری عوامی مینڈیٹ کی توہین ہے۔ایک معمولی جھگڑے پر انسداد دہشت گردی کا مقدمہ خود اپنی جگہ سوالیہ نشان ہے جس کو جواز بناکر عوامی حقوق کی جدوجہد کرنے والے رکن اسمبلی کو گرفتاری انتقامی کاروائی ہے۔
مجلس وحدت مسلمین گلگت بلتستان شعبہ خواتین کی رہنما ورکن گلگت بلتستان اسمبلی بی بی سلیمہ نے قائد حزب اختلا ف کیپٹن محمد شفیع کی گرفتاری پر سخت احتجاج کرتے ہوئے اسے سیاسی انتقام کا شاخسانہ قرار دیا ہے۔
انہوں نے کہا ہے ایک معمولی جھگڑے پر انسداد دہشت گردی ایکٹ کے تحت مقدمہ درج کرنا اور کئی سالوں تک مقدمے کو طول دینا انصاف کی سنگین خلاف ورزی ہے۔اگر کیپٹن محمد شفیع کا جرم اتنا سنگین ہے تو اس مقدمے کا فیصلہ ہونا چاہئے اور انہیں اس کی سزا فوری ملنی چاہئے لیکن کئی سالوں تک مقدمے کو طول دینے سے ثابت ہوتا ہے کہ دبائو بڑھاکر عوامی حقوق کی جدوجہد سے بازرکھنے کے حربے ہیں۔
انہوں نے کہا کہ حکومت اس مقدمے کو محض ایک ٹول کے طور پر استعمال کررہی ہے ، اپوزیشن لیڈر کی گرفتاری کے پیچھے سیاسی انتقام کا جذبہ کارفرما ہے جس کی ہم پرزور مذمت کرتے ہیں۔اس طرح کے غیر دانشن مندانہ فیصلوں سے عدالتوں کا اپنا وقار بھی مجروح ہورہا ہے جہاں انتہائی سنگین کیسز التوا اور تاخیر کا شکار ہیں اور سالہا سال سے ان کیسز کا نہ صرف فیصلہ نہیں ہوتا بلکہ انصاف کے منتظر بے بس عوام عدالتی نظام سے پر عدم اعتماد کرتی نظر آتی ہے۔
وحدت نیوز(لاہور) مجلس وحدت مسلمین کے صوبائی دفتر لاہور میں مجلس وحدت مسلمین شعبہ خواتین لاھور کی ضلعی کابینہ کی تقریب حلف برداری کا انعقاد کیا گیا۔ جس میں ضلعی سیکرٹری جنرل محترمہ حنا تقوی نے نامزد اراکین کابینہ سے حلف لیا۔ اس موقع پر ڈپٹی سیکرٹری جنرل محترمہ عظمی نقوی بھی موجود تھیں۔ ضلعی کابینہ کے منتخب عہدہ داران کو درج ذیل شعبہ جات کی ذمہ داریاں سونپی گئیںہیں ۔
سیکرٹری تعلیم ، محترمہ فرحانہ، سیکرٹری تنظیم سازی ، محترمہ رضوانہ رضا ،سیکرٹری روابط عندلیب سید، سیکرٹری سیاسیات محترمہ حمیرا ،سیکرٹری نشر و اشاعت محترمہ نیئر زھرا ،سیکرٹری تحفظ عزاداری محترمہ بشریٰ شیرازی،سیکرٹری میڈیا سیل محترمہ نگین رضوی ،معاون محترمہ کرن ،سیکرٹری مالیات محترمہ نادیہ ،سیکرٹری امور فلاح و بہبود محترمہ ناصرہ اظھر،سیکرٹری شعبہ عالمات و ذاکرات محترمہ عصمت بتول ،سیکرٹری شعبہ تربیت محترمہ نجبہ،سیکرٹری شماریات محترمہ فریحہ ،سیکرٹری یوتھ محترمہ کلثوم ،معاون محترمہ عذرا ،سیکرٹری ورکنگ وومن محترمہ عذرا ،معاون محترمہ رباب ،سیکرٹری شعبہ اطفال محترمہ افشین، معاون محترمہ ساجدہ ۔
حلف برداری کے بعد ضلعی سیکرٹری جنرل محترمہ حنا تقوی نے تمام اراکین سے خطاب کیا اور مجلس وحدت مسلمین پاکستان کے مذہبی اور سیاسی منشور سے آگاہ کیا۔ جس کا اولین مقصد دین کا احیاء اور مملکت خداداد پاکستان کی سالمیت اور استحکام کے لیے عملی کوشش کرنا ہے۔ اسلامی حکومت کے قیام کے لئے عملی جدوجہد مختلف ادیان مذاہب اور مسالک کے مابین روابط اور ہم آہنگی کا فروغ تعلیمات قرآن اور محمد و آل محمد علیہم السلام کی روشنی میں امام حسین کے ذکر اور افکار کا فروغ اور اس کا تحفظ اور امر بالمعروف اور نہی عن المنکر کا احیاء تنظیم کا نصب العین ھے۔ تمام اراکین کابینہ نے قومی یکجہتی اور اتحاد بین المسلمین کے لئے جدوجہد جاری رکھنےکے عزم کا اعادہ کیا ۔
