وحدت نیوز(حیدرآباد) مجلس وحدت مسلمین شعبہ خواتین کی مرکزی معاون مسئول تنظیم سازی محترمہ غزالہ جعفری نے ضلع حیدرآباد میں جمال شاہ کے مقام پر نیا یونٹ قائم کیاایڈووکیٹ محترمہ مہوش کو یونٹ کا سیکرٹری جنرل منتخب کیا گیا اس کیساتھ ہی چھ ماہ کا تنظیمی شیڈول بھی یونٹ ممبران کو دیا گیا جس میں ہفتہ وار دعا و دروس کی محافل اور مختلف تنظیمی علمی اور فکری پروگرام کا انعقاد کرنا شامل ہےاس موقع پر محترمہ غزالہ جعفری نے معاشرے میں تنظیم کی اہمیت و ضرورت پر روشنی ڈالی۔

وحدت نیوز(لاہور) مجلس وحدت مسلمین شعبہ خواتین ضلع لاہور کی جانب سے ہربنس ‎پورہ کے مقام پر نیا یونٹ قائم کیا گیا۔‎محترمہ حنا تقوی سیکرٹری جنرل ‎ایم ڈبلیو ایم شعبہ خواتین ضلع لاہور نے نئے یونٹ کے کابینہ  ممبران سے حلف لیا‎۔اس موقع پر محترمہ رباب ضلعی مسئول ورکنگ ویمن ایم ڈبلیو ایم شعبہ خواتین لاہور بھی ان کے ہمرا‎موجود تھیں۔

 خواتین سے خطاب کرتے ہوئے محترمہ حنا تقوی نے امام جعفر صادق علیہ السلام کی سیرت اور علم پر گفتگو کرتے ہوئے کہا کہ آپ اس امت کی عظیم ہستی اور فکری و علمی نہضت کے علمبردار ہیں ۔یہ آپ ہی کے علوم کا فیض تھا جو مسالک اسلامیہ کے اماموں نے آپ کے در سے شریعت و فقہ اور دیگر علوم کسب کیے  اور اپنے مسلک کے امام ٹھرے۔‎

ملت اسلامیہ اور بالخصوص ملت تشیع کے مابین اتحاد کی ضرورت پر زور دیتے ہوئے آپ کا کہنا تھا جس طرح آل سعود کے ظلم اور مرتجی قریری کی سزائے موت کے خلاف احتجاج رنگ لایا ہے اسی طرح متحد ہو کر ملت اسلامیہ ظلم و استعمار کی بنیادیں ہلا سکتی ہے‎عصر حاضر میں گمراہی سے نجات کے لئے آئمہ کرام علیھم السلام  کی سیرت ہمارے لئے مشعل راہ ہے۔

وحدت نیوز(ملتان) مجلس وحدت مسلمین شعبہ خواتین کی مرکزی مسئول تنظیم سازی محترمہ معصومہ نقوی نے ملتان شہر کی فعال خواتین سے میٹنگ کی اور محترمہ تصدق زھرا جو کہ مدرسہ خدیجة الکبری کی پرنسپل اور شھر میں مختلف دینی تنظیمی و سماجی شعبوں میں فعال ہیں اور ایک عرصے سے ایم ڈبلیو ایم شعبہ خواتین کے ساتھ منسلک ہیں کو ملتان شہر کا کوآرڈینیٹر مقرر کیا گیا۔ اس موقع پر محترمہ معصومہ نقوی کا کہنا تھا کہ شعبہ خواتین میں اس نئے اضافے کیساتھ ہم امید کرتے ہیں کہ ملتان میں بہترین انداز سے تنظیمی امور انجام دیے جائینگے اور بھرپور فعالیت کا مظاھرہ کیا جائے گا۔

وحدت نیوز(شکارپور) مجلس وحدت مسلمین شعبہ خواتین کی مرکزی سیکرٹری تنظیم سازی محترمہ معصومہ نقوی نے ضلع شکار پور کا دورہ کیا اور خواتین کے دو نئے یونٹ مدیجی اور ڈھکین کے علاقوں میں قائم کیے ۔ مدیجی یونٹ کی سیکرٹری جنرل محترمہ عطیہ بتول اور ڈپٹی سیکرٹری جنرل محترمہ عاصمہ اور ڈھکین یونٹ کی سیکرٹری جنرل محترمہ شگفتہ اور ڈپٹی سیکرٹری جنرل محترمہ عفت کو منتخب کیا گیا اور تمام مسئولین کی حلف برداری کی گئ۔