The Latest

وحدت نیوز (کراچی) سیرت پیغمبر ختمی مرتبت حضرت محمد مصطفیٰ (ص)تمام عالمین کے لئے مشعل راہ ہے، دین اسلام امن محبت اور آشتی کا مذہب ہے،اسلام قلعہ امان ہے، تعلیمات محمدی ﷺمیں کافر کو بھی بلاوجہ نقصان پہنچانے کی اجازت نہیں ،ان خیالات کا اظہار مجلس وحدت مسلمین پاکستان کے مرکزی سیکریٹری جنرل علامہ ناصر عباس جعفری نے ایم ڈبلیوایم شعبہ خواتین کراچی ڈویژن کے زیر اہتمام اما م بارگاہ شاہ کربلا رضویہ سوسائٹی میں منعقدہ خاتم المرسلین ﷺکانفرنس سے خطاب کرتے ہوئے کیاجبکہ تقریب کا باقائدہ آغاز  الحاج قاری فرمان نے تلاوت کلام پاک و حدیث کساء سے کیا،نظامت کے فرائض خواہر حنا اور خواہر بنین نے سرانجام دئیے، دیگر مقررین میں تحریک  منہاج القرآن کراچی ڈویژن کی ناظمہ خواہر نور فاطمہ، ایم ڈبلیوایم شعبہ خواتین سندھ کی سیکریٹری جنرل خانم زہرا نجفی شامل تھیں ،جبکہ برادراحمد ،  خواہر ثناء، خواہر ایلیاء اور خواہر فاطمہ ،خواہر لیلیٰ نے بارگاہ رسالت مآب میں نذرانہ عقیدت بھی پیش کیا۔

 

 علامہ ناصرعباس جعفری کاکہنا تھا کہ اسلام امن کا پیغام دیتا ہے رسول اللہ کی حیات طیبہ میں ہمیں انسانیت سے محبت کا درس دیتی ہے قرآن تو غیرمسلم کے بھی حقوق بیان کرتا ہے آج یہ دشمنان اسلام کس دین کی بات کرتے ہیں اس دین کا تعلق دین محمدی(ص)سے ہرگز نہیں ہے سرزمین پاکستان میں بھی ہم کو ان تکفیریوں کو شکست دینی ہو گی ہمیں ان کا مقابلہ مل کر کرنا ہو گا ،دین محمدی ﷺکے تحفظ و ترویج کی جدوجہد میں خواتین کا کردار نا قابل فراموش ہے،اس کے لیے ہمیں اپنی ماوں بہنوں بیٹیوں کا بھی ساتھ چا ہیے ،انقلاب اسلامی ایران ہو یا لبنان یہ کامیاب جب ہوئے جب ان کی ماوں بہنوں بیٹیوں نے بھی دشمن کو نابود کرنے کے لیے خود کو آمادہ کرلیا۔بس ہمیں بھی دین محمدی کی بقاء کے لیے خود کو آمادہ کرنا ہوگا۔قائد وحدت علامہ ناصر عباس جعفری کے خطاب کے بعد تقریب کا اختتام دعائے وحدت اور دعائے سلامتی امام زمانہ عج سے کیا گیا، مجلسِ وحدت مسلمین شعبہ خواتین  کراچی ڈویژن کی جانب سے پروگرام میں شھداء کے حوالے سے خصوصی طور پہ''شھداء کارنر پھولوں سے سجایا گیا تھا اور شھداء کی تصاویر بھی آویزاں کی گئی تھیں ،اسکے علاوہ خانوادہ شھداء کا استقبال شعبہ خواتین کراچی ڈویژن کی جانب سے پھولوں کے ہار سے جبکہ بچوں کا پھولوں کی کلیوں سےکیا گیا تھا.بعد از میلاد چائے اور تبرک کا بھی اہتمام کیا گیا تھا۔

وحدت نیوز (اسلام آباد) خیرالعمل فاﺅنڈیشن پاکستان کے ہیڈ آفس میں رسول خدا فخرا نسانیت کے عنوان سے میلاد کی تقریب کا اہتمام کیا گیاایم ڈبلیوایم کے مرکزی سیکرٹری تبلیغات علامہ اعجاز حسین بہشتی ،چیئرمین خیرالعمل فاﺅندیشن نثار علی فیضی ، مرکزی سیکر ٹری روابط ملک اقرار حسین،علامہ علی شیر انصاری نے گفتگوکی اشعار پڑھے اور دعا کرائی۔

 

علامہ اعجاز حسین بہشتی نے کہا کہ رسول اللہ تمام عالمین کے لیے رحمت ہیں جس جس عالم میں اللہ کی ربو بیت قائم ہے اس اس عالم میں رسول اللہ واسطہ فیض ہیں، انسانیت کی پامال قدروں کو عروج پیغمبر خدا کی ذات سے حاصل ہوا اور انسانیت کے بھٹکے ہوئے قافلے کو اوج ثریا تک پہنچا دیا انکی سیرت کی اتباع میں انسانیت کی نجات ہے ۔عید میلادالبنی امت مسلمہ کے لیے سب سے بڑی خوشی کا دن ہے آج شیعہ اور سنی بھائیوں کا ملکر رسول اکرم کا میلاد منانا اسلام و ملک دشمن قوتوں کی ناکامی اور امت مسلمہ کی وحدت کا ثبوت ہے۔

 

چیئرمین خیرالعمل فاﺅنڈیشن نثار علی فیضی نے اپنے ابتدائی کلمات میں کہا کہ عاشقان مصطفی آج میلاد مصطفی منا کر پوری دنیا کو یہ بتلا رہے ہیں کہ اسلام امن،انسانیت اور سلامتی کا دین ہے عاشقان محمد عشق رسول میں اپنے کردار،زبان اور عمل کے ذریعے دین کا حقیقی چہرہ لوگوں کو دکھاتے ہیں لیکن بد قسمتی سے آج اسلام کے چہرے کو بھی مسخ کرنے کی سازشیں عروج پر ہیں جواسلام ،دین، جہادا ورتکبیر کے ساتھ انسانیت کی دھجیاں بکھیر رہے ہیں رسول اللہ کے فرمان کے مطابق بہترین انسان وہ ہے جو دوسروں کے لیے بہتر ہو ہمیں آج اپنے کردار اور اطوار کے ذریعے سے دوسروں کے لیے جائے پناہ ،جائے امن و سلامتی اور جائے محبت وآتشی کا پیکر بننا پڑے گا اور یہی عشق مصطفی کا تقاضا ہے انسانیت کی سسکتی اور تڑپتی آہوں کو اللہ کے احکامات اور رسول اللہ کی سیرت کی روشنی میں سہارا دینا ہو گا آخر میں شرکاءمیں مٹھائی تقسیم کی گئی۔

وحدت نیوز(اسلام آباد) مجلس وحدت مسلمین کے فلاحی شعبہ خیرالعمل فاﺅنڈیشن کے بورڈ آف گورنرز کا اجلاس علامہ امین شہیدی کی زیر  صدارت منعقد ہوا جس میں بورڈآف گورنرز کے ممبران ناصر عباس شیرازی،علامہ احمد اقبال رضوی،علامہ مبارک موسوی،توصیف نقوی اور خیرالعمل فاﺅنڈیشن کی سنٹرل کورکمیٹی کے ممبران نے شرکت کی ۔خیر العمل فاﺅنڈیشن کے چیئر مین نثارعلی فیضی نے اس موقع پر ادارے کی سالانہ کارکردگی پیش کرتے ہوئے تکمیل اور زیر تعمیر منصوبوں کی تفصیلات بیان کیں اسکے علاوہ شعبہ جات کی جنرل پالیسیز منظوری کے لیے پیش ہوئیں جس کی اراکین نے بحث کے بعد منظور ی دی ۔

 

بورڈ آف گورنرز کے اجلاس سے گفتگو کرتے ہوئے مجلس وحدت مسلمین کے مرکزی ڈپٹی سیکر ٹری جنرل علامہ امین شہیدی نے کہا کہ مظلوم ،مستحق اور ستم زدہ لوگوں کی خدمت عین عبادت ہے جس کی انجام دہی کے لیے ہمیں تمام وسائل اور توانا یﺅں کو بروئے کار لانا ہو گا انہوں نے کہا قائد اعظم کے پاکستان کو اسلامی فلاحی ریاست بنانے کے لیے تمام طبقات کو اپنا بھر پور کردار ادا کرنا ہو گا مجلس وحدت مسلمین اس خواب کو شرمندہ تعبیر کرنے کے لیے میدان عمل میں کھڑی ہوئی ہے اور اپنے اس فرض کو الہی،مذہبی اور اخلاقی ذمہ داری سمجھ کر ادا کر رہی ہے اس سلسلے میں مجلس وحدت مسلمین کے فلاحی شعبہ خیرالعمل فاﺅنڈیشن کی کارکردگی لائق تحسین ہے ۔

 

ایم ڈبلیو ایم کے مرکزی سیکر ٹری سیاسیات ناصرعباس شیرازی نے کہا کہ ہمیں رفاہی منصوبوں کے ذریعے معاشرے میں الہی نقش کو اور بھی مضبوط کرنا ہو گا گلگت بلتستان میں خیرالعمل فاﺅنڈیشن کے منصوبوں کی تکمیل سے عوامی توقعات پر پورا اترنے میں مدد حاصل ہو گی ایم ڈبلیو ایم کے مرکزی سیکر ٹری تربیت علامہ احمد اقبال رضوی نے کہا خیرالعمل فاﺅنڈیشن کے تحت مکمل ہونے والی مساجد کو تبلیغاتی،تربیتی، فکری اور سماجی حوالے سے اہم کردار ادا کرنا ہو گا۔ ایم ڈبلیو ایم کے مرکزی سیکر ٹری مالیات علامہ مبارک علی موسوی نے کہا کہ ہر منصوبے کی تعمیر کے بعد اسکی تنظیم بھی نہایت اہمیت کی حامل ہوتی ہے جیسے جسم بغیر روح کے کوئی حیثیت نہیں رکھتا ہمیں اپنے تکمیل شدہ منصوبوں سے الہی اہداف کے حصول کے لیے بھر پور استعفادہ کرنا ہو گا اور ہر سطح پر لوگوں کو اس میں شریک کرنا ہو گا۔

وحدت نیوز (اسلام آباد) مجلس وحدت مسلمین کے فلاحی شعبہ خیرالعمل فاﺅنڈیشن کے چیئر مین نثارعلی فیضی نے کہا کہ سانحہ پشاور نے دہشتگردوں کی داعش ذہنیت کو پوری قوم کے سامنے آشکار کر دیا ہے تکفیری فکر رکھنے والی قوتیں اسلام بیداری کی لہر سے خوفزدہ ہیں اور اسلام کے چہرے کو مسخ کر کے اسکا راستہ روکنے کے درپے ہیں اس مکروہ اور بزدلانہ ہدف کو حاصل کرنے کے لیئے بر بریت اور سفاکیت کے انتہا تک پہنچ چکے ہیں معصوم جانوں کو بے رحمی سے قتل کر کے ان سفاک دہشتگردوں نے پوری پاکستانی قوم کے ساتھ ساتھ تمام اقوام عالم کو مغموم کیا ہے یہ لہو انشاءاللہ انکی تباہی و بربادی کا باعث بنے گا دوسری طرف اس واقعہ میں شہید ہونے والے اساتذہ و پرنسپل کا کردار مثالی ہے کہ جنہوں نے اپنی جانوں کا نذرانہ دیکر بھی طلباءکی جانوں کو بچانے کی کوشش کی وہ قوم جس میں مستقبل کے معماروں کی حفاظت و نگہداشت کے لیئے ایسا جذبہ موجود ہو اس قوم کو کبھی شکست نہیں دی جاسکتی۔ ان خیا لات کا اظہار انہوں نے خیر العمل فاﺅنڈیشن کے مرکزی آفس میں سانحہ پشاور کے شہداءکے لیئے منعقدہ دعائیہ تقریب سے خطاب کرتے ہوئے کیا۔

 

 اس موقع پر مجلس وحدت مسلمین صوبہ پنجاب کے ترجمان اور خیرالعمل فاﺅنڈیشن کی کور کمیٹی کے ممبر علامہ اصغر عسکری نے کہا کہ سانحہ پشاور تاریخ کی بد ترین دہشتگردی ہے اب پوری قوم کو دہشتگردوں کے خلاف اٹھنا ہو گا اور پاک فوج کا ساتھ دینا ہو گا تاکہ ملک سے اس ناسور کاخاتمہ ہو اور ملک میں امن کی فضا قائم ہو انہوں نے کہا حضرت امام علیؑ نے اپنی وصیت میں فرمایا ہے ظالم کے دشمن اور مظلوم کے حامی بن کر رہو اور وقت کا تقاضہ بھی یہی ہے کہ ہمیں اب کھل کر مظلوم کی حمایت اور ظالم کی مخالفت کرنا ہو گی۔نثار علی فیضی نے کہا مجلس وحدت مسلمین اس مشکل گھڑی میں سانحہ پشاور کے شہداءکے لواحقین کے غم میں برابر کی شریک ہے آخر میں شہداءکے لیئے فاتحہ خوانی اور بلندی درجات کی دعاکی گئی ۔

وحدت نیوز(کراچی) مجلس وحدت مسلمین کراچی ڈویژن شعبہ خواتین کی جنرل سیکرٹری خانم ہما جعفری نے تمام شعبہ خواتین کراچی ڈویژن کی جانب سے انتہائی دردناک '' سانحہ  آرمی پبلک اسکول '' میں معصوم اور پھول جیسے بچوں کی شھادت پرگہرے رنج و دکھ کااظہار کرتے ہوئے کہاہے کہ  اس دکھ کی گھڑی میں تمام ملت کی مائیں بہنیں ،بیٹیاں  ان معصوم شھداء کے خانوادے کےساتھ کھڑی ہیں،یہ ظلم ڈھانے والےظالم ، انسان نما وحشی درندے ہیں،زمانہ جہالیت کی یاد دلاتے یہ ملعون ، جنھوں نے معصوم جانوں کویوں بے دردی سے مارڈالا.نا ہاتھ کانپے ان ظالموں کےنہ دل لرزا نا روح کانپی،یہ معصوم ننھے مجاہد، یہ علم کے پروانے یہ امید کی کرنیں ،باخدا یہ صرف بچے ہی قتل نہں ہوئے بلکہ ہمارا مستقبل ذبح ہو گیا ہے،  امیدیں تاریک ہوگیئں ہی، علم قتل ہوگیایہ ایسا ظلم ہے کہ اس ظلم پہ پوری انسانیت شرمندہ ہے. آج بھی انُ  ملعون ابنِ ملعون کی نسلِ یزیدموجود ہیں جنھوں نے کربلا میں معصوم علی اصغر[ع] کو شھیدکیا تھا، آج بھی ان یزیدوں نے ان معصوم مجاہدوں کواپنا نشانِ ظلم بنایا ہے.بس پہلے بھی تیر و تلوار و خنجر تھے اب بھی تلوار و خنجر کے ساتھ کتنے ہی نازک گلے تھے جو تہہ تیغ کر دیئے گئے. پہلے تیروں کی برسات تھی اور اب آسماںِ ستم نے معصوم و نازک پھول جیسے بدنوں پر گولیوں کی برسات دیکھی۔

 

انہوں نے مذید کہاکہ یہ نقصان صرف خانواداہء شھداء کاہی نقصان نہیں بلکہ پوری پاکستانی ملت و قوم کے ایک  ایک فرد کا نقصان ہے.بحیثیت قوم یہ پورے ارضِ پاک کا نقصان ہے۔بحثیت پوری قوم و ملت یہ دن  انتہائی اذیت ناک دن ثابت ہوا جب مائیں بےحواس اپنے راج دلاروں کو اسکول کے باہر تلاش کرتے ہوئے ٹرپتی پھر رہیں  تھں اور کہیں بےچین ہوکر باپ ہر ایک سے اپنے معصوم پیاروں کا پوچھتا پھر رہا تھا، یہ مناظر بے انتہا کرب و ازیت کے مناظر ہیں ، الفاظ نہ کافی اس دکھ کی گھڑی کو بیان کرنے کے لیے یہ دکھ یہ ازیت  پاکستانی قوم کبھی بھلا نہ سکے گی.ہم دل کی انتہائی گہرایوں سے ان ننھے و معصوم مجاہدوں کے والدین کو تعزیت پیش کرتے اور ان کے راج دلاروں کے اس جہاد پر انھیں سلام پیش کرتے ہیں کہ  کس طرح ان کےبچوں نے علم کی راہ میں اپنے لہو سے  دیپ جلا کر علم ک شمع کو روشن کیا اور موت کو قبول کرتےہوئے جامِ شھادت نوش کیا.کہاں ہیں وہ اربابِ اختیار جو کہتے رہے مزاکرات مزاکرات، آیئں اور آکر دیکھیں کیا نتیجہ نکلا ان کی سرپرستی کا، کیوں نہیں حکومتی صفوں سے ان ناسوروں کا خاتمہ کیا جاتاجو درپردہ  کبھی دہشت گردوں کی جیلوں سے فرار پر آنکھیں بند کرلیتے ہیں تو کبھی  سزاےِ موت پر عمل درآمد پر روکاوٹیں کھڑی کرتے ہیں. اگر آج سزائے موت کے مجرموں کو سزا مل گئی ہوتی تو یوں آرضِ پاک معصوم بچوں کے پاکیزہ خون سے لہو لہان نہ ہوتا.کیا اب بھی کوئی ثبوت باقی ہےیہ بتانے کے لیے کہ کون کون ہے ان دہشتگردوں کی سرپرستی کے لیے،وہ تمام نام نہاد خود ساختہ علماء جو مسلسل خاموشی اختیار کیے ہوئے ہیں،وہ تمام جماعتیں جو طالبان سے ہمدردی کا مسلسل اظہار کرتی رہیں.یہ استعماری طاقتیں ہیں جو ان دہشتگردوں اور حکومتی عناصر کو اپنا آلہ کار بنا رہی ہیں.ہم ملت تشیع مسلسل آوازِ حق بلند کر رہی ہے اور کرتی رہے گی،ہم  ہمیشہ سے  حق کی راہ میں مظلوموں کے حامی و مدد گار ہیں، اس جنگ میں ان گنت وہ قربانیاں بھی ہیں جو ہم بھی مسلسل دیتے آرہے ہیں، اوریہ جنگ اسوقت تک جاری رہے گی جب تک اچھے اور برے طالبان کی راگ ختم نہ ہوگی، ہم اپنے آرضِ وطن کی ''پاک فوج  '' سے باربار مطالبہ کر رہے ہیں کہ ''آپریشن ضربِ عضب'' کا دائرہ کار ملک  کے ہر کونے تک پہنچایا جائے.اور ان بزدلوں کا آن کے آخری دم تک پیچھا کیا جائے، اور صرف وصرف موت انکا عبرتباک مقدر بنائی جائے.

وحدت نیوز (کراچی) مجلسِ وحدت مسلمین شعبہ خواتین کراچی ڈویژن کے وفد نے   پاکستان عوامی تحریک شعبہ خواتین کراچی اور  منھاج القرآن شعبہ خواتین کراچی کےمرکزی پروگرام ''  ثانی زہرہ سیدہ زینبؑ کانفرنس'' میں ایک وفد کی صورت میں خصوصی شرکت کی. وفد میں ایم ڈبلیوایم کراچی ڈویژن سے خواہر عتیق، خواہر زرین، خواہر نایاب، خواہر نورین اور خواہر کبرا شامل تھیں.اس پروگرام میں مدعو کرنے کے لیے خصوصی طور پر '' پاکستان عوامی تحریک کراچی'' اور ''منھاج القرآن کراچی'' کی شعبہ خواتین نے ، ایم ڈبلیو ایم شعبہ خواتین کراچی سے ڈویژن آفس میں خصوصی ملاقات کی تھی اور شرکت کی دعوت دی گئی تھی. National auditorium میں منعقد ہونے والی اس کانفرنس میں ، مجلسِ وحدت مسلمین شعبہ خواتین کراچی کی آمد پر انکا پرُ تپاک استقبال کیا گیا اور خصوصی طور پہ خوش آمدید کہا گیا.اور اس بات کی افادیت پرزور دیا گیا کہ انشاء اللہ آگے بھی اس طرح ایک دوسرے کے پروگرامز میں شرکت کی کوشش کو یقینی بنائیں گے.

وحدت نیوز( اسلام آباد) مجلس وحدت مسلمین قم کے سیکر ٹری جنرل علامہ ڈاکٹر شیخ غلام محمد فخرالدین نے کہا کہ مساجد اسلام کامرکز ہیں خیرالعمل فاﺅنڈیشن کامساجد کاپروجیکٹ قابل تحسین ہے ہمیں ہر شعبہ میں کام کرنا چاہیے تما م عبادات کے ساتھ ساتھ ہمیں خدمت خلق کی عبادت کو بھی سر انجام دینا چاہیے جو ذمہ داری ملے اسے ہر حال میں پورا کرنا چاہیے کو تاہی نہیں برتنی چاہیے ۔اسلام دین تعمیر ہے ،دین انسانیت ہے ، دین فلاح و بہبود ہے اور اسلام میں خدمت خلق پر بہت زور دیا گیا ہے ہماری قوم میں احساسا تی ،جذباتی افراد ہیں انکی قوتوں کو صیح سمت میں استعمال کر کے ہمیں انکی فکری تربیت کرنی چاہیے۔ ان خیالات کااظہار انہوں نے گزشتہ روز خیرالعمل فاﺅنڈیشن کے مرکزی آفس میں ایک خصوصی نشست میں اسلام میں فلاح وبہبود کے کاموں کی اہمیت کے موضوع پر گفتگو کرتے ہوئے کیا ۔انہوں نے کہا اللہ تعالی کے نزدیک خدمت خلق سب سے بڑا اہم فریضہ ہے اس کو سرانجام دینے کے لیئے ہم سب کو مل کر کام کرنا ہو گا انہوں نے خیرالعمل فاﺅنڈیشن کی ٹیم اور پاکستان بھر میں جاری فلاحی منصوبوں کو سراہتے ہوئے کہا کہ ایک فقیر کفر کے قریب ہوتا ہے جو اپنی ضرورت کو پورا کرنے کے لیئے کوئی بھی اقدام اٹھانے پر مجبور ہو جاتا ہے ہمیں معا شرے میں ایسے افراد کی اقتصادی صورتحال کو بہتر بنانے کے لیئے اقدامات کرنے ہونگے تاکہ وہ اپنے پاﺅں پر کھڑے ہو کر معاشرے کے کار آمد شہری بن سکیں لبنان میں حزب اللہ نے سب سے پہلے لوگوں کی اقتصادی حالت کو بہتر بنا نے پر کام کیا پھر آگے بڑھے ۔

 

نشست سے گفتگو کرتے ہوئے مجلس وحدت مسلمین کے مرکزی سیکر ٹری تبلیغات علامہ اعجاز حسین بہشتی نے کہا کہ روایات میں ملتا ہے جو شخص چاہتا ہے کہ اسکی قبر وسیع ہو وہ دنیا میں مسجد تعمیر کروائے جو شخص چاہتا ہے کہ قبر میں کیڑے نہ کاٹیں نہ کھائیں وہ مسجد کی صفائی کرے جو شخص چاہتا ہے کہ قبر میں اسکا جسم تازہ رہے وہ مسجد میں بیٹھ کر عبادت کرے جو شخص چاہتا ہے کہ قبر روشن ہو وہ مسجد میں روشنی کاانتظام کرے انہوں نے خیرالعمل فاﺅنڈیشن کی ٹیم کی کاوشوں اور فلاحی منصوبوں کو سراہا۔

 

نشست میں خیرالعمل فاﺅنڈیشن کے چیئرمین نثارعلی فیضی سمیت دیگر عہدیداران نے شرکت کی اس موقع پر چیئر مین خیرالعمل فاﺅنڈیشن نثار علی فیضی نے مجلس وحدت مسلمین قم کے سیکر ٹری جنرل علامہ ڈاکٹر شیخ غلام محمد فخرالدین کا خیرالعمل فاﺅنڈیشن کے مرکزی آفس آمد پر شکریہ ادا کیا اور خیرالعمل فاﺅنڈیشن کے فلاحی منصوبوں بارے میں تفصیلات بتاتے ہوئے کہا کہ اسوقت خیرالعمل فاﺅنڈیشن ملک بھر میں فلاحی منصوبوں پر کام کر رہی ہے جن میں مساجد،امام بارگاہیں،واٹر پروجیکٹ، ہاﺅسنگ پروجیکٹ، ایتام کی کفالت کے منصوبے شامل ہیں۔

وحدت نیوز (کراچی) مجلس وحدت مسلمین صوبہ سندھ شعبہ خواتین کی جنرل سیکریٹری خانم زہراءنجفی حالیہ دنوں میں ہونے والی ٹارگٹ کلنگ کے حوالے سے اپنے مذمتی بیان میں کہاکہ نواز حکومت نے ظلم کی ہرحدعبورکرچکی ہے ۔عوام کا قاتلِ عام ہورہا ہے مگر یہ ظا لم حکمراناندھے، گونگے بہرے ہو گئے ہیں جن کو دہشت گردی دیکھائی نہیں دے رہی ہیں یا یہ خود اس طرف توجہ نہیں دے رہے۔ ہر روز پورے ملک میں بلخصوص کراچی،پراچنار،کوئٹہ میں ملت تشیع سے تعلق رکھنے والوں کو بے دردی سے شہید کیا جا رہا ہے مگر حکومت مذمت تو دوراب تو اس قدر بے حسی کا مظاہرہ کر رہی ہے کے اگر ہم اپنے اوپر ہونے والے ظلم کے خلاف صدائے احتجاج بلند کرتے ہیں تو یہ ہمارے ہی خلاف جھوٹی ایف۔ آئی۔آر کاٹ دیتے ہیں۔حالیہ دنوں میں ھنگورجہ سندھ میں علامہ شفقت عباس جن کو دہشت گردوں نے شہید کردیا مگر سندھ حکومت کی جانب سے دہشت گردوں کے خلاف کوئی کاروائی عمل میں نہیں لائی گئی بلکہ اس کے بر عکس سندھ حکومت مسلسل کالعدم جماعتوں کوسندھ کی سرزمین پر تحفظ فراہم کررہی ہے جس کی تازہ مثال علامہ شفقت عباس مطہری کے قاتلوں کی نامزدگی کے بادجود عدم گرفتاری ہے اور جب اس پر ہم نے احتجاج کیا تو ہمارے ہی خلاف ایف۔آئی۔آر کاٹ لی گئی ۔

 

انہوں نے مذید کہاکہ یہ سلسلہ صرف سندھ تک ہی محدود نہیں بلکہ اگر ہم کوئٹہ میں دیکھے تو وہاں ہر روز ہمارے مومنین کو بے دردی سے شہید کیا جارہا ہے حکومت کی خاموشی اور دہشت گردی کو روکنے کے حوالے سے غیر سنجیدہ طریقہ کار کی وجہ سے دہشت گردی میں مسلسل اضافہ ہورہا ہے یہ ظالم اب معصوم بچوں کو بھی اپنے ظلم کا نشانہ بناں رہے ہیں سحربتول جس معصوم بچی کو بے دردی سے شہید کیا گیا مگر افسوس کے دہشت گردوں کے خلاف سخت کاروائی نہیں کی گئی۔افسوس کے ہر طرف ہمارے خون سے سرزمین پاک وطن سرخ ہے اسلام آباد جہاں آج کل تمام سیکورٹی ادارے ،ایجنسیاں ،ادارے سب الر ٹ ہیں پولیس فورسز کی بھی بڑی تعداد موجود رہتی ہے اس کے باوجود دہشت گرد بہت آرام سے آتے ہیں اور پارچنارسے تعلق رکھنے والے پارا چنار کی مرکزی جامع مسجد کے خطیب علامہ شیخ نواز عرفانی کو دہشت گردی کا نشانہ بناکر چلے جاتے ہیں۔شہید خطیب علامہ شیخ نوازعرفانی جن کا شمارعلماءحق میں سے تھا، جو بے حد مخلص،شجاع،اور فرض شناس اور ہمیشہ ملت کی خاطر میداں میں سب سے آگے رہنے والے تھے انکی مظلومانہ شہادت اس بات کا ثبوت ہے کہ اب سیکورٹی ادارے مظلوم عوام پر جو اپنے لیے انصاف ےا اپنے جائزحقوق طلب کریں ان معصوم لوگوں کو گولیاں مارنے اور گرفتار کرنے کے لیے رہ گئے ہیں یہ معصوم اور مظلوموں کو پکڑنے میں اتنے مصروف ہوگئے ہیں کے دہشت گرد آرام سے جب جہاں چاہتے ہیں لوگوں کو گولیوں کا نشانہ بنا کر چلے جاتے ہیں ت۔تو پھر سچ یہ ہے کے یہ حکومت ہے ہی دہشت گردوں کی جس میں دہشت گرد آزاد اور عوام ان ظالموں کے ہاتھوں محصور ہو کر رہ گئی ہے مگر ہم ذلت کو قبول کرنے والے نہیں ہیں ہمارے صبر کو ہماری کمذوری نہیں سمجھنا حکومت وقت کی نہ سمجھی ہے ظلم کے خلاف پرامن احتجان کرنا سب کا بنیادی حق ہے لہذا حکومت نے اگر پھر سے پر امن احتجاج کرنے والوں کے خلاف کاروائی کی تو اسکی ذمدار خود خکومت ہوگی۔آخر میں مجلس وحدت مسلمین صوبہ سندھ شعبہ خواتین کی جنرل سیکریٹری خانم زہراءنجفی نے حکومت سے علامہ شفقت عباس،علامہ شیخ نواز عرفانی کے قاتلوں کی گرفتاری کا مطا لبہ کیا ۔

وحدت نیوز(کراچی) مجلسِ وحدت  مسلمین شعبہ خواتین کراچی ڈویژن کے ممبران اور آئی۔ایس۔او شعبہ طالبات'' کی مرکزی صدر ''خواہر گلِ زہرہ''  کی سربراہی میں ایک نمائندہ وفد کے درمیان وحدت ہاوس میں  ملاقات ہوئی ،آئی۔ایس۔او کراچی ڈویژن کی صدر خواہر عصمت'' اور  '' جنرل سیکرٹری خواہر صوبیکا ''بھی وفد میں شامل تھیں. ملاقات کا باقائدہ آغاز تلاوتِ قرآن پاک سےکیاگیا جسکی تلاوت کا شرف خواہر زرین نے حاصل کیا.جسکے بعد ''جنرل سیکرٹری ایم ڈبلیو ایم شعبہ خواتین کراچی کی خواہر ھما جعفری '' نےگفتگو کا آغاز کرتے ہوئے، ''خواہر گلِ زہرہ'' کو آئی۔ایس۔او شعبہ طالبات کی مرکزی صدر منتخب ہونے پر تہنیت پیش کی. اور  '' راہِ امام[ع]'' میں اس عظیم ذمہ داری کی اہمیت کےپیشِ نظر  توفیقات میں مزید اضافہ کی دعا فرمائی.اس کے بعد مختلف امورپر گفتگو کرتے ہوئےکہا کہ ہمارا اولین مقصد اور ہدف   ''راہِ امام[ع] '' کو ہموار کرنا ہے، اور لوگوں میں  شعور اجاگر کرنا ہے.اور اس راہ پر گامزن رہتے ہوئے باہمی روابط اور مظبوط سے مظبوط تر کرنے ہیں.جس کےلیے مکمل طور پر ایک دوسرے کے ساتھ تعاون کیا جائے گا. کیونکہ دونوں راہِ امام[ع] کے سپاہی ہیں.راہِ امام[ع] میں سرانجام دیئےجانے  والے مختلف امور کو مدِ نظر رکھتے ہوئے ایک دوسرے کے ساتھ مکمل co-ordination رکھی جائے گی.

 

جسکےبعد مرکزی صدر آئی۔ایس۔او شعبہ طالبات  خواہر گلِ زہرہ نے اس خصوصی دعوت پر ایم ڈبلیو ایم کی شعبہ خواتین  کراچی ڈویژن کا شکریہ ادا کیا اور دعا کی درخواست کی ، تاکہ وہ احسن طریقے سے اس عظیم زمہ داری کو نبھاسکھیں. اور راہِ امام[ع] میں سرخرو ہو سکیں. خواہر گلِ زہرہ نے اس بات پر زور دیا کہ آپ ہمارے سینیرز ہیں اور ہم آپکے تعاون اور مکمل رہنمائی کے ساتھ آگے بڑھنا چاہتے ہیں.آپ ہمارا قیمتی اثاثہ ہیں اور بحیثیت جونیئرز ہم آپ کے زیرِ سرپرستی رہ کر آپ کے تجربہ سے مستفید ہوتے ہوئے آپ کے ساتھ کام کرنا چاہتے ہیں.اس راہِ امام[ع] میں موجود مسائل کاباہمی روابط کی مظبوطی اور ایک دوسرے سےمکمل تعاون کے ساتھ مل کر سامنا کریں گے. اور مقصدیت پر ہر لمحہ گامزن رہیں گے.اختتام ''دعائے سلامتی امام زمانہ[ع]  اور '' رہبرِ معظم ؒ کی صحت و سلامتی '' کی دعا کے ساتھ کیا گیا.جسکے بعد نمازِ ظہرین  کا اہتمام کیا گیا اور بعد نماز طعام نوش کیا گیا.

وحدت نیوز (کراچی) مجلسِ وحدت مسلمین شعبہ خواتین کراچی ڈویژن کی جنرل سیکرٹری '' خانم ہما جعفری'' نے مجلس وحدت مسلمین کےمعروف عالم دین  '' علامہ شیخ نوازعلی عرفانی '' کی شہادت پر تمام شعبہ خواتین کراچی ڈویژن کی جانب سے گہرے رنج و دکھ کا اظہار کرتے ہوئے کہا ہےکہ ''علامہ نواز علی عرفانی ایک بہادر اور جری عالمِ دن تھے، مسلسل قتل کی  دھمکیوں کے باوجود '' راہِ امام[ع] '' میں مسلسل استقامت اور بلا کسی خوف و خطر ، میدانِ عمل میں موجود رہے. آپ ''عالم با عمل'' تھے ، جو '' اسوہِ حسینی [ع]''  کے کربلائی راستے سے ایک لمحہ کےلئےبھی  پیچھے نا ہٹے. یہاں تک کہ دشمنوں نے آپ پر چھپ کر وار کیا اورآپ نےجامِ شھادت نوش فرمائی، حکومتِ وقت کےلیے قاتل گمنام نہیں، تمام اعلٰی حکومتی ادارے اچھی طرح واقف ہیں ان تمام دہشتگرد تنظیموں سے جو  ان واقعات میں ملوث ہیں اور یہ ان پر سے پابندی  ہٹنے کا ہی نتیجہ ہےکہ ان کےقدم اور مظبوط ہورہئے ہیں، اوریہ حکومتی سرپرستی ہی شمار کی جائے گی. ہم '' علامہ نواز علی عرفانی '' کی شھادت کے ساتھ ساتھ ان چار شھداء کے ، جن کو ملک کےدیگر حصوں میں ٹارگٹ بنایا گیا اور تمام شھداء کے بھی قاتلوں کی جلد از جلد گرفتاری کا حکومتِ  وقت  سےپر’زور مطالبہ کرتے ہیں مگر دشمنوں کو بھی یہ بتانا اور اچھی طرح سمجھانا چاہئے ہیں کے یہ شھادتیں  ہمیں نئی روح عطا کرتیں ہیں اور راہِ  امام[ع] میں ہمیں مزید مظبوطی عطا کرتیں ہیں، یہ قربانیاں کبھی رائیگاں نہیں جائیں گی بلکہ یہ خونِ ناحق کربلاسے ہمارا رشتہ   مزید استوار کر رہا ہے.

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree