وحدت نیوز(اسلام آباد) شب شہادت امام حسن مجتبی علیہ السلام کے موقع پرمسجد خدیجہ الکبری علی پور اسلام آباد میں مجلس وحدت مسلمین ضلع اسلام آباد اور انتظامیہ مسجد کے زیر اہتمام منعقدہ تین روزہ مجالس کی پہلی مجلس سے حجت الاسلام و المسلمین شیخ محمد شریف نفیس خطاب فرمایا۔آپ نے اپنے خطاب میں منشور انبیاء اور نظام ھدایت اور ولایت کے مختلف پہلوؤں پر روشنی ڈالی۔امت کی بے رخی اور معاشرہ کی عدم آمادگی ھادی برحق کو اسکے پاکیزہ منصب اور نظام کے باوجود 25 سال خانہ نشینی یا ظالم کیساتھ مصالحت پر مجبور کرتاہے۔معاشرتی بے رخی اور اجتماعی معاملات میں ولی خدا کی نصرت نہ کرنا نظام عدل اور نظام ھدایت کے نفاز میں سب سے بڑی رکاوٹ ہے معاشرہ میں دینی حکومت کے قیام اور اقدار کی حاکمیت کےلئے امت کی آمادگی ضروری ہے۔