وحدت نیوز(بولان) مجلس وحدت مسلمین پاکستان ضلع بولان کی طرف سے شہید آیت اللہ ابراہیم رئیسی رح اور ان کے شہید رفقاءکے ایصال ثواب کیلئے قرآن خوانی و مجلس ترحیم کا انعقاد کیا گیا۔ اس موقعہ پر مجلس علماء مکتب اہلبیت بلوچستان کے صوبائی نائب صدر علامہ ذوالفقارعلی سعیدی نے خطاب کرتے ہوئے کہا کہ شہداء کی سیرت ہمارے لئے بہترین نمونہء عمل  ہے۔ ہم ان کی سیرت پر چل کر دنیا و آخرت میں کامیاب ہو سکتے ہیں۔ شہید آیت اللہ رئیسی ایک عظیم انسان تھے ان کی  خدمات کو ہمیشہ یاد رکھا جائے گا۔

 انہوں نےمزید کہاکہ ھمیں ان کے نقش قدم پر چلتے ہوئے اپنی صفوں میں اتحاد پیدا کرنا چاہئے۔اس موقعہ پر مجلس وحدت مسلمین ضلع بولان کے صدر سید انور علی شاہ دوپاسی اور دیگر مومنین نے شہید رئیسی اور ان کے رفقاء کےایصال ثواب کےلئے قرآن خوانی بھی کی ۔