وحدت نیوز(مظفرآباد) مجالس و جلوسوں کی بھرپور سیکورٹی ، انتظامیہ کے اقدامات لائق صد تحسین ہیں ۔ان خیالات کا اظہار سیکرٹری سیاسیات مجلس وحدت مسلمین آزاد کشمیر سید محسن رضا سبزواری ایڈووکیٹ نے کیا ، انہوں نے کہا کہ چیف سیکرٹری ،آئی جی پولیس، کمشنر صاحبان ڈویژن ہا،ڈپٹی کمشنر صاحبان اور ڈیوٹی دینے والے اہلکاران و آفیسران کو خراج تحسین پیش کرتے ہیں ، انتظامیہ کی بھرپور سیکورٹی سے کسی قسم کا کوئی نقصان واقع نہیں ہوا ۔ مجلس وحدت مسلمین اظہار اطمینان کرتے ہوئے آئندہ بھی انہی اقدامات کی امیدکرتی ہے ۔ سید محسن رضا نے اپنے مختصر اخباری بیان میں کہا کہ الحمد للہ آزاد کشمیر میں عاشورہ محرم بخیرو آفیت گزر گیا ۔ اس پر انتظامیہ کی جتنی بھی تعریف کی جائے کم ہے ۔ انہوں نے اپنے کام بطریق احسن انجام دیا ۔ ہم دعا گو ہیں کہ خدا وند متعال ان کی اس ڈیوٹی کو اپنے حضور عبادت شمار فرمائیں ۔