وحدت نیوز(کوئٹہ) عید میلاد النبی صلی اللہ علیہ وآلہ وسلم اور ہفتہ وحدت کی مناسبت سے مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی، صوبائی صدر علامہ سید ظفر عباس شمسی، صوبائی جنرل سیکرٹری علامہ سہیل اکبر شیرازی، جمعیت علمائے پاکستان کے صوبائی رہنماء مولانا رستم علی نورانی، سنی تحریک کے صوبائی رہنماء مولانا نواب الدین ڈومکی، جمعیت علمائے اسلام کے ضلعی رہنماء حافظ سعید احمد بنگلزئی، شیعہ علماء کونسل بلوچستان کے صوبائی نائب صدر علامہ سید محمد رضا اخلاقی اور مجلس علمائے مکتب اہل بیت علیہم السلام کے ضلعی رہنماء علامہ سیف علی ڈومکی نے اتحاد بین المسلمین کی ضرورت پر زور دیتے ہوئے کہا کہ اتحاد امت دینی فریضہ ہے۔

کوئٹہ میں ہفتہ وحدت کی مناسبت سے منعقد ہونے والے اجلاس میں علمائے کرام نے ان خیالات کا اظہار کیا۔ انہوں نے مستونگ میں عید میلاد النبی صلی اللہ علیہ وآلہ وسلم کے جلوس پر حملے کی شدید الفاظ میں مذمت کرتے ہوئے مطالبہ کیا کہ دہشتگردوں کے خلاف ملک گیر آپریشن شروع کیا جائے۔ انہوں نے مطالبہ کیا کہ سانحہ مستونگ کے شہداء کے لئے کم از کم بیس لاکھ روپے معاوضے کا اعلان کیا جائے، جبکہ زخمیوں کے مکمل علاج کروانے کے ساتھ ساتھ زخمیوں کو امدادی رقم دی جائے۔ تاکہ وہ اپنا مکمل علاج کرائیں اور اپنے خاندان کی کفالت کر سکیں۔ کیونکہ سانحے کے متاثرین کی اکثریت غریب لوگوں پر مشتمل ہے۔ شیعہ سنی علماء کرام سانحے کے زخمیوں کی عیادت کے لئے کمبائنڈ ملٹری ہاسپیٹل سی ایم ایچ کوئٹہ پہنچے۔ انہوں نے زخمیوں اور ان کی تیمارداری میں مصروف عزیزوں سے مل کر یکجہتی کا اظہار کیا۔

وحدت نیوز(اسلام آباد) ملی یکجہتی کونسل کے زیر اہتمام مجلس وحدت مسلمین کی میزبانی میں عظیم الشان عشق پیغمبر اعظم مرکز وحدت مسلمین کانفرنس کا انعقاد کیا گیا، جس میں مختلف مکاتب فکر کے علماء کرام و مشائخ عظام نے خطاب کیا جبکہ ہزاروں عاشقان رسول اکرم ص مرد و خواتین شریک ہوئے ۔اس موقع شیعہ سنی وحدت اور اتحاد کے عظیم الشان مناظر دیکھنے میں آئے۔ مختلف مکاتب فکر سے تعلق رکھنے والے ملک کے جید علماء کرام اور مشائخ عظام نے ہاتھوں کی زنجیر بنا کر

شرکاء کانفرنس سے خطاب کرتے چیئرمین مجلس وحدت مسلمین پاکستان علامہ راجہ ناصر عباس نے کہا ہے کہ شیعہ اور سنی کی وحدت کی اس وقت کی ضرورت ہے، امام خمینی نے ہفتہ وحدت قرآنی حکمت عملی کے تحت منانے کا اعلان کیا تھا تاکہ امت مسلمہ کی وحدت سے دشمن کی سازشیں ناکام ہو جائیں ، دہشتگرد سن لیں وہ ہمارے دلوں سے عشق رسول و اہلبیت کو نہیں نکال سکتے،نبی کریم حضرت محمد کی سیرت طیبہ ہمارے لیے نمونہ حیات ہے،ہم متحد ہو کر ہی اسلام دشمن قوتوں کی سازشوں کو ناکام بنا سکتے ہیں۔

 دشمن نے ہمیں فرقوں میں تقسیم کر دیا ہے، پہلے دشمن سے لڑنا ہوگا، دشمن ہماری دہلیز تک پہنچ گیا ہے، اب چترال بھی محفوظ نہیں رہا، میانوالی پنجاب میں لشکر حملے کر رہے ہیں، مگر میڈیا خاموش اور چپ ہے، یہاں جنازہ اٹھانا ایک روٹین کی بات بن گئی ہے، ہمارے وفود کو ان کے گھر جانا چاہئے، یہ صرف مستونگ کے لوگ نہیں مرے ہمارے بھائی مرے ہیں، ہمارے بیٹے اور بیٹیاں شہید ہوئی ہیں، جو ایک انسان کو قتل کرے وہ خدا کی نگاہ میں تمام انسانوں کا قاتل ہے، 70 قتل ہوئے تو مطلب انسانیت ستر مرتبہ قتل ہوئی ہے ہم سب کو ملکر اس پر اسٹینڈ لینا ہوگا۔

کانفرنس سے خطاب کرتے ہوئے چیئرمین رویت ہلال کمیٹی مولانا محمد عبدالخبیر آزاد نے کہا کہ میلادالنبی ص میں لوگ محبت کا اظہار کررہے تھےجو شخص دھماکہ کرکے یہ کہے کہ وہ جنت جائے گا، وہ جہنم میں جارہا ہے، نبی کے میلاد میں خود کو اڑانے والے نے 60 بندوں کو ساتھ اڑایا، 30 سے زائد افراد اس وقت زخمی ہیں، یہ کون ہیں جو باجوڑ ، مستونگ اور ژوب میں حملے کرتے ہیں؟ یہ کون ہیں جو پولیس چیک پوسٹوں، پولیس لائن پشاور اور مساجد پر حملے کرتے ہیں؟ یہ وہ لوگ  ہیں جو دشمن کے ایجنڈے کو کامیاب کرانا چاہتے ہیں، آج ہم سب نے یکجہتی کا مظاہرہ کرکے یہ بتا دیا ہے کہ آپکے اس ایجنڈے کو نہیں چلنے دینگے، یہ وطن ہمارا ہے، وطن سے محبت ایمان کا حصہ ہے، گلگت بلتستان سیاحت کا حب بننے جارہا ہے، الحمدللہ بروقت ریاست نے فیصلہ کیا اور ہم نے دشمن کا ایجنڈہ کامیاب نہیں ہونے دیا، ہم نے گلگت میں اپنی دستار وہاں کے علماء کے قدموں میی رکھیں، گلگت بلتستان میں لاشوں کو گرانے کا پلان تیار کیا گیا تھا، پاکستان کو اس وقت وحدت ، اتحاد اور استحکام کی ضرورت ہے، ہم سب حسینی ہیں،ہمیں مل کر آگے بڑھنا ہوگا۔

نائب امیر جماعت اسلامی لیاقت بلوچ نے کہا کہ ہم وحدت مسلمین کو پارہ پارہ کرنے والی قوتوں کا مقابلہ کریں گے ملی یکجہتی کونسل نے ملک میں تمام مسالک کی وحدت کو یقینی بنایا، تمام مکاتب فکر کے علماء کا ہر طرح کے حالات میں ملی یکجہتی کو قائم رکھنا بڑا جہاد ہے، آج پاکستان کی معیشت ہاتھوں سے نکل رہی ہے، زکوۃ کے نظام کو چھوڑ کر سود کی لعنت کو قبول کرنے سے ہم یہاں تک پہنچے ہیں، خود انحصاری خود اعتمادی ہی پاکستان کے معاشی بحرانوں کا علاج ہے، آج پاکستان میں انسانی حقوق پامال ہو رہے ہیں، ہم وحدت مسلمین کو پارہ پارہ کرنے والی قوتوں کا مقابلہ کریں گے، آج پاکستان میں انسانی حقوق پامال ہو رہے ہیں، آج عدلیہ کے فیصلوں کی قدر و قیمت نہیں، آئین کی حکمرانی ہی مسائل کا واحد حل ہے، آج پاکستان کو سیاسی استحکام کی ضرورت ہے، چھڑی اور بندوق کی طاقت سے نہیں جمہور کی طاقت سے ملک سنورے گا، بروقت اور شفاف انتخابات آج وقت کی اشد ضرورت ہیں، آج نظام مصطفیٰ کے غلبے کی بات کرنے والی دینی قیادت کو مل کر سب کا مقابلہ کرنا ہوگا آج دینی بنیادوں پر قومی ترجیحات کیلئےدینی جماعتوں کو اکٹھا ہونے کی دعوت دیتا ہوں۔

جماعت اہل حرم پاکستان کے سربراہ مفتی گلزار احمد نعیمی نے کہا کہ میلاد النبی کے جلوس پر حملہ کرنے والے درندے ہمارے حوصلے پست نہیں کر سکتے، دہشت گردوں اور تکفیریوں کا ملکر راستہ روکنا ہو گا، متنازعہ ترمیمی بل کی شکل میں پارلیمنٹ سے انہیں مضبوط ہرگز نہ کیا جائے، جو ان متشدد سوچ والے گروہوں کی حمایت کر رہے ہیں کل کو وہ انہیں بھی قتل کریں گے، ریاستی اداروں کو انکی آماجگاہوں کو ختم کرنا چاہیے۔

شرکاء کانفرنس سے پیر صفدر گیلانی، رانا اشفاق احمد،محمد عبداللہ حمید گل، صاحبزادہ پیر خالد سلطان قادری، علامہ حسنین گردیزی، علامہ اقبال حسین بہشتی, سید اسد عباس تقوی، حسن عارف مرکزی صدر آئی ایس او، اپوزیشن لیڈر گلگت بلتستان اسمبلی میثم کاظم، خانم معصومہ نقوی، ملک اقرار حسین علوی، آغا ضیغم عباس، علامہ سید علی اکبر کاظمی و دیگر مقررین نے بھی خطاب کیا۔

وحدت نیوز(اسلام آباد)ملی یکجہتی کونسل کے زیر اہتمام مجلس وحدت مسلمین کی میزبانی میں عظیم الشان عشق پیغمبر اعظم مرکز وحدت مسلمین کانفرنس کا انعقاد کیا گیا، جس میں مختلف مکاتب فکر کے علماء کرام و مشائخ عظام نے خطاب کیا جبکہ ہزاروں عاشقان رسول اکرم ص مرد و خواتین شریک ہوئے ۔

شرکاء کانفرنس سے خطاب کرتے چیئرمین مجلس وحدت مسلمین پاکستان علامہ راجہ ناصر عباس نے کہا ہے کہ دشمن نے ہمیں فرقوں میں تقسیم کر دیا ہے، پہلے دشمن سے لڑنا ہوگا، دشمن ہماری دہلیز تک پہنچ گیا ہے، اب چترال بھی محفوظ نہیں رہا، میانوالی پنجاب میں لشکر حملے کر رہے ہیں، مگر میڈیا خاموش اور چپ ہے، یہاں جنازہ اٹھانا ایک روٹین کی بات بن گئی ہے، ہمارے وفود کو ان کے گھر جانا چاہئے، یہ صرف مستونگ کے لوگ نہیں مرے ہمارے بھائی مرے ہیں، ہمارے بیٹے اور بیٹیاں شہید ہوئی ہیں، جو ایک انسان کو قتل کرے وہ خدا کی نگاہ میں تمام انسانوں کا قاتل ہے، 70 قتل ہوئے تو مطلب انسانیت ستر مرتبہ قتل ہوئی ہے ہم سب کو ملکر اس پر اسٹینڈ لینا ہوگا، شیعہ اور سنی کی وحدت کی اس وقت کی ضرورت ہے، امام خمینی نے ہفتہ وحدت قرآنی حکمت عملی کے تحت منانے کا اعلان کیا تھا تاکہ امت مسلمہ کی وحدت سے دشمن کی سازشیں ناکام ہو جائیں ،پاکستان 26 کروڑ آبادی کا ایٹمی ملک ہے،پاکستانی قران اور دین محبت کرنے والے ہیں، پاکستان کو مفلوج کیا گیا، امریکی سفیر اور برطانوی ہائی کمشنر ملک میں کس حیثیت سے دورہ جات کر رہے ہیں، کیا یہ ملک کے آقا بنے ہوئے ہیں دہشتگرد سن لیں وہ ہمارے دلوں سے عشق رسول و اہلبیت کو نہیں نکال سکتے،نبی کریم حضرت محمد کی سیرت طیبہ ہمارے لیے نمونہ حیات ہے،ہم متحد ہو کر ہی اسلام دشمن قوتوں کی سازشوں کو ناکام بنا سکتے ہیں۔

انہوں نے موجودہ حکمرانوں کو ملکی تباہی کا ذمہ دارقرار دیا اور کہا کہ حقیقی عوامی مسائل سے توجہ ہٹانے کیلئے سیاسی مخالفین کو انتقام کا نشانہ بنایا جارہا ہے، جہاں اللہ کی حاکمیت ہو وہاں یہ ظلم نہیں ہوسکتا جو پاکستان میں ہورہا ہے، وہ معصوم بچہ عمار تڑپ تڑپ کر مر گیا لگتا ہے یہاں کسی ابن زیاد ، شمر یا خولی کی حکومت ہے، نااہل حکمرانوں نے ہماری غیرت مند قوم کو بھیکاری بنادیا ہے ، غلامی کی زنجیروں کو توڑیں گے ، انہیں شرم آنی چاہیے جنہوں نے اس وطن کو بھکاری بنادیا۔

علامہ راجہ ناصرعباس جعفری نے میلاد النبی ﷺ کے موقع پر مستونک اور ہنگو میں دہشت گردحملوں کی مذمت کی اور شہداءکے لواحقین سے ہمدردی کا اظہار کیا جبکہ ریاستی جبر وتشدد کے نتیجے میں شہید ہونے والے ننھے شہید عمارفاروق کے المناک موت پر اہل خانہ سے تعزیت کااظہار کیا۔

وحدت نیوز(کوئٹہ) مجلس وحدت مسلمین کوئٹہ سٹی کا اہم اجلاس ضلعی صدر ارباب لیاقت علی ہزارہ کی صدارت میں مجلس وحدت مسلمین کے دفتر میں منعقد ہوا۔ اجلاس میں مرکزی سیکرٹری تنظیم سازی علامہ مقصود علی ڈومکی، صوبائی صدر علامہ سید ظفر عباس شمسی اور صوبائی جنرل سیکرٹری علامہ سہیل اکبر شیرازی نے خصوصی طور پر شرکت کی۔ اس موقع پر اجلاس سے خطاب کرتے ہوئے علامہ مقصود علی ڈومکی نے کہا کہ مجلس وحدت مسلمین ہر محاذ پر ملت کے حقوق کی جنگ لڑ رہی ہے۔ ملت کے خلاف دہشت گردی اور تکفیری بل سے لے کر نصاب تعلیم تک ہر محاذ پر دشمن کی سازش کا میدان میں رہ کر ہم نے مقابلہ کیا ہے۔ انہوں نے کہا کہ کوئٹہ کے مومنین نے ہمیشہ ایم ڈبلیو ایم پر اعتماد کیا ہے۔ ان شاء اللہ ہم ان کے اعتماد پر پورا اتریں گے۔ آئندہ انتخابات میں ایم ڈبلیو ایم علمدار روڈ اور ہزارہ ٹاؤن سے بھرپور الیکشن لڑے گی۔

اس موقع پر اجلاس سے خطاب کرتے ہوئے علامہ سید ظفر عباس شمسی نے کہا کہ ناصر ملت علامہ راجہ ناصر عباس جعفری کی قیادت میں ایم ڈبلیو ایم کی انقلابی جدوجہد جاری ہے۔ قائد شہید علامہ عارف حسین الحسینی رحمۃ اللہ علیہ کے افکار و تعلیمات کی روشنی میں ہم دہشت گردی اور بیرونی مداخلت سے پاک ایک مستقل مستحکم خوشحال اور پرامن  پاکستان تعمیر کرنا چاہتے ہیں۔ اجلاس سے خطاب کرتے ہوئے ضلع صدر ارباب لیاقت علی ہزارہ نے کہا کہ دہشت گردی کے خلاف ایم ڈبلیو ایم کی جدوجہد سنہری حروف سے لکھنے کے قابل ہے۔ سانحہ علمدار روڈ کے دھرنے سے لے کر سانحہ مچھ تک مجلس وحدت مسلمین ہر مرحلے پر ملت مظلوم کی ترجمان بنی۔ اجلاس میں تنظیمی فعالیت پر تفصیلی مشاورت کی گئی۔