وحدت نیوز(کراچی)مجلس وحدت مسلمین کی جانب سے سربراہ علامہ راجہ ناصر عباس کی اپیل پر ملک بھر میں یوم یکجہتی فلسطین منایا گیا۔اس حوالے سندھ بھراور شہرقائد کی 15مختلف جامع مساجد کے باہربعد نماز جمعہ احتجاجی مظاہرے اور ریلیاں نکالی گئیں جس میں مظاہرین بڑی تعداد میں شریک ہوئے اور فلسطین میں اسرائیلی بربریت کے خلاف صدائے احتجاج بلند کیا۔

احتجاجی مظاہروں سے علامہ باقر عباس زیدی،اسد اللہ بھٹو،علامہ صادق جعفری،علامہ حسن ظفر نقوی،مختار امامی،علامہ مبشر حسن سمیت دیگر نے خطاب کیا ،خوجا مسجد مرکزی احتجاجی مظاہرے سے خطاب کرتے ہوئے سندھ کے صدر علامہ باقر عباس زیدی کا کہنا تھا کہ اسرائیل عالمی دہشتگرد اور غاصب ریاست ہے حماس کے طوفان الاقصیٰ آپریشن کی مکمل حمایت کرتے ہیں، اسرائیل غزہ سمیت فلسطین کے دیگر شہری علاقوں میں بے گناہ عام شہریوں کو نشانہ بنا رہا ہے صہیونی ریاست کے فاسفورس حملے عالمی جنگی جرائم کے مرتکب ہونے کا یہ پہلا واقع نہیں۔ حماس کے حملے بعد شکست خوردہ اسرائیل معصوم خواتین و بچوں سمیت عام شہریوں کا قتل عام کررہا ہے۔ غزہ پر صیہونی افواج کی بمباری کے نتیجے میں شہید اور زخمی ہونے والے فلسطینیوں میں سے کم از کم 70 فیصد خواتین اور بچے ہیں۔اقوام متحدہ اورعالمی طاقتیں گزشتہ کئی برسوں سے جاری فلسطینی عوام کی نسل کشی پرمجرمانہ خاموش ہیں۔

انہوں نے کہاکہ فلسطین پر قبضہ باقی نہیں رہ سکتا ہے اسرائیلی وہ قوم ہے جو سب سے زیادہ موت سے ڈرتی ہے اسرائیلی قوم کا کام ہے فساد پھیلانا ہے غزہ کے مسلمان مظلوم ہیں۔ پوری دنیا کی ترقی یافتہ ٹیکنالوجی کو حماس نے فیل کردیاتاریخ دیکھ لیں یہودی ڈرپوک قوم ہیں جلد وہ وقت آئے گا جب بیت المقدس میں نماز ادا کی جائے گی پاکستان کے سیاست دانوں کو چاہئے وہ فلسطین کے لئے اقوام عالم میں کھل کر اپنی آوازاٹھا ئیں۔

احتجاجی مظاہرے خطاب میں جماعت اسلامی کے رہنما اسد اللہ بھٹو کا کہنا تھا کہ آج ہم سب سرکار مدینہ کے امت پر جو غزہ میں ظلم ہو رہے ہیں ان سے یکجہتی کے لئے جمع ہوئے ہیں فلسطین ہم مسلمان کا ہے فلسطین کے مسلمانوں کے ساتھ جو ظلم ہو رہا ہے بہت بڑا ظلم ہے،امریکہ سمیت دیگر یورپی ممالک انسانی حقوق کی باتیں کرتے ہیں یہاں کیوں چپ ہیں۔

انہوں نے کہا کہ پاکستان کے سیاست دانوں کی خاموشی بھی مجرمانہ ہے حکومت ایران اور سعودیہ کی فلسطین کے مسلمانوں کی حمایت لائق تحسین ہیں پاکستان کو بھی فلسطینی مسلمانوں کا ساتھ دینا چاہئے۔

جامع مسجد نور ایمان کے باہر احتجاجی مظاہرے سے خطاب میں رہنما علامہ حسن ظفر نقوی کا کہناتھا کہ اقوام متحدہ اورعالمی طاقتیں گزشتہ کئی برسوں سے جاری فلسطینی عوام کی نسل کشی پرمجرمانہ خاموش ہیں بے گناہ فلسطینیوں کے قتل عالم میں اسرائیل،امریکہ اور اقوام متحدہ برابر کے مجرم ہیں صیہونی وحشیانہ بمباری کے باعث ڈیڑھ لاکھ سے زائد فلسطینی بے گھر ہیں پاکستان کی عوام اپنے مظلوم فلسطینی عوام کے ساتھ کھڑے ہیں۔انہوں نے کہا کہ محصور شہر میں انسانی بحران سنگین ہوگیا ہے قوام متحدہ کا غزہ میں خوراک، ایندھن سمیت ضروری اشیائے خوردنوش کا سامان پہنچانے کا مطالبہ کرتے ہیں۔

دریں اثناء مجلس وحدت مسلمین کی جانب سے شہر کے دیگر جامع مساجد میں احتجاجی مظاہروں سے بشمول جامع مسجد جعفریہ کمپلیکس اسٹیل ٹاون میں علامہ نشان حیدر، علامہ محمد علی حسینی، علامہ بلاول فائزی اور احسن عباس ،جامع مسجد ابولفضل عباس لانڈھی میںمولانا یاور عباس ، جامع مسجدعزاخانہ صغریٰ کورنگی میں مولانا محسن علی جوادی،جامع مسجد احسن آباد میں مولانا رجب علی بنگش،مولانا حیات عباس نجفی، جامع مسجد آل عمران محمود آباد میں سید علی حسین نقوی،جامع مسجد اورنگی ٹاون میں مولانا صادق جعفری،علامہ عباس کمیلی،جامع مسجد حسن مجتبٰی گلشن معمارمیں علامہ مختار امامی،مولاناا میر عباس،عاصم علی،جامع مسجد باب النجف بفرزون میں مولانا شیخ سلیم،مرکزی جمعیت اہلحدیث کے مولانا مرتضی خاں اورمظہر جعفری،ناصر زیدی سمیت دیگر نے خطاب کیا۔

وحدت نیوز(گلگت)علامہ راجہ ناصرعباس جعفری کی اپیل پر مجلس وحدت مسلمین اور پاکستان تحریک انصاف کی جانب سے مظلوم فلسطینی مسلمانوں سے اظہار یکجہتی اور ظالم اسرائیل آمریکہ کے خلاف احتجاجی ریلی نکالی گئی۔

احتجاجی مظاہرے میں سابق وزیر اعلیٰ گلگت بلتستان و صدر تحریک انصاف گلگت بلتستان خالد خورشید،اپوزیشن لیڈر گلگت بلتستان اسمبلی و پارلیمانی لیڈر مجلس وحدت مسلمین محمد کاظم میثم،رکن اسمبلی راجہ زکریا مقپون،رہنما ایم ڈبلیو ایم شیخ نئیر عباس مصطفوی،رکن اسمبلی و ضلعی صدرایم ڈبلیو ایم شیخ اکبر رجائی، سابق معاون خصوصی و رہنما ایم ڈبلیو ایم الیاس صدیقی،صدر انجمن امامیہ گلگت ساجد بیگ  اور دیگر رہنما شریک ہے۔

مقررین نے نہتے فلسطینی مسلمانو ں پر اسرائیلی مظالم اور وحشیانہ بمباری کی پرزورمذمت کی، انہوں نے کہا کہ عالمی براداری کو اسرائیلی بربریت کا نوٹس لینا چاہیے، عالم اسلام کو آگے بڑھ کر فلسطینی عوام کا ساتھ دینا ہوگا، پاکستان کی حکومت نے فلسطینی مسلمانوں کی قائد اعظم کے فرامین کی روشنی میں حمایت نہیں کی۔ ہمیں امریکا کی غلامی سے آزاد ہوکر امت مسلمہ کے مفاد میں سوچنا چاہیے۔

وحدت نیوز(پشاور)مجلس وحدت مسلمین، امامینزپختون خوا اور امامیہ کونسل پشاورکے تحت پشاور پریس کلب میںمیڈیا سے گفتگو کرتے ہوئے ایم ڈبلیوایم خیبرپختونخواہ کے جنرل سیکریٹری شبیر حسین ساجدی و دیگر مقررین نے کہا کہ غاصب اور عالمی دھشتگرد خودساختہ ریاست اسرائیل نے حماس اور دیگر حریت پسند تنظیموں کے ھاتھوں عبرتناک ،زلت آمیز اوربدترین شرمناک شکست کے بعد دنیا میں اپنی ساکھ بچانے کے لیے فلسطین میں شہری آبادیوں کو نشانہ بنا کر معصوم بچوں ،خواتین اور عام شہریوں کا قتل عام کر رہا ہے جو عالمی جنگی قوانین کے مطابق جنگی جرائم میں آتا ہے اسی طرح بزدل اسرائیل شہریوں کو فاسفورس سمیت دیگر خطرناک ممنوعہ کیمیائی ہتھیاروں کے ساتھ نشانہ بنا رہا ہے جبکہ عالمی طاقتوں سمیت اقوام متحدہ اور اقوام عالم اس صورتحال پر آنکھیں بند کرکے مجرمانہ فعل کی مرتکب ہو رہے ہیں ، حماس سمیت تمام حریت پسند تنظیموں نے اپنے ارض مقدس کی آزادی کے لیے صرف فوجی تنصیبات کو نشانہ بنایا جبکہ دشمن کی عورتوں اور بچوں کے ساتھ اسلامی تعلیمات کے مطابق نرمی سے پیش آئے اور انہیں کوئی گزند نہیں پہنچایا لیکن اسکے برعکس بزدل صیہونی فوج نے بربریت اور سفاکیت کی ایسی بدترین مثال قائم کی جسکی نظیر ملنا ممکن نہیں ۔

انہوں نے کہا کہ ہم یہ کہنے میں حق بجانب ہیں کہ معصوم فلسطینیوں کے قتل عام میں اسرائیل ، امریکہ اور اقوام متحدہ کے سیکرٹری جنرل برابر کے مجرم ہیں اور انکو بےگناہ معصوم بچوں ،خواتین اور عام شہریوں کے خون اور قتل عام کا جواب دینا ہوگا ، ہم یہ بھی واضح کرنا چاھتے ہیں کہ امریکہ اور اسرائیل داعش سمیت مختلف دھشتگرد تنظیموں کے تخلیق کار اور سرپرست ہیں لیکن اب مسلہ فلسطین پر اپنے آپ کو مظلوم اور معصوم ظاہر کرنے کی ناکام کوشش کررہے ہیں ، اسرائیل امریکہ کی مدد سے فلسطینیوں کے خلاف داعش جیسی کاروائیاں کر رہا ہے اگر وہ بہادر ہے تو اسے حزب اللہ پر حملہ کرنا چاھئیے تاکہ وہ 24 گھنٹوں سے کم وقت میں اسرائیل کو صفحہ ھستی سے نیست و نابود کرکے رکھ دیں ،اسرائیل اگر بہادر ہے تو عام شہریوں کی بجائے حریت پسندوں کے خلاف ٹارگٹیڈ کاروائیاں کرے لیکن دم توڑتا اسرائیل مرتے مرتے چھوٹے بچوں اور عورتوں پر اپنا غصہ نکال کر اپنے آپ کو ایک مضبوط طاقت ثابت کرنے کی ناکام اور شرمناک کوشش کر رہا ہے ، امامیہ کونسل اس سنگین صورتحال کو انسانیت کے لیے ناقابل برداشت قرار دیتے ہوئے انسانیت کا احترام کرنے والے ممالک سے اپیل کرتی ہے کہ وہ فلسطین میں ادویات ،خورسک اور پانی سمیت دیگر بنیادی ضروریات زندگی کی اشیاء بلاتاخیر فراہمی کا آغاز کرے ۔

ہم عالمی مسلم رہنماؤں سے پرزور مطالبہ کرتے ہیںکہ وہ عالمی سطح پر جہاد کا فتویٰ فوری طور پر جاری کریں تاکہ اسرائیل کی سرزمین کو صیہونیوں کے لیے جہنم بنا دیا جائے دنیا بھر کے تمام غیرتمند مسلمان فرقہ پرستی سے بالا تر ہوکر فتوے کا انتظار کر رہے ہیں  ، اقوام متحدہ کو غیر فعال اور ناکام ادارہ قرار دیتے ہوئے سمجھتی ہے کہ اقوام متحدہ اپنی زمہ داریاں نبھانے کی بجائے امریکہ اور اسرائیل کے لیے سہولت کاری سے زیادہ کچھ نہیں کر رہا  ہم مطالبہ کرتے ہیں کہ عالمی عدالت انصاف  اسرائیلی و امریکی صدور سمیت اقوام متحدہ کے سیکرٹری جنرل کو فلسطینی شہریوں کے قتل عام کے جرم میں انصاف کے کٹہرے میں لائے ،  مذھبی تنظیموں سے بھی مطالبہ کرتے  ہیں کہ وہ اپنے طور پر بھی اسرائیل کے خلاف جہاد کا اعلان کریں ۔