وحدت نیوز(اسلام آباد)مجلس وحدت مسلمین پاکستان کے مرکزی رہنما مقصود علی ڈومکی نے 22 مئی  امامیہ اسٹوڈنٹس آرگنائزیشن پاکستان کے پچاسویں یوم تاسیس کے موقع پر کہا ہے کہ آئی ایس او نظام امامت و ولایت سے وابستہ پاکیزہ تنظیم ہے جس نے ہمیشہ ولی خدا کی اطاعت کرتے ہوئے باطل طاغوتی و شیطانی طاقتوں کے خلاف آواز بلند کی۔ اسے امامیہ جوانوں کی خوش نصیبی کہا جائے کہ انہیں قائد شہید علامہ عارف الحسینی اور شہید ڈاکٹر محمد علی نقوی جیسے عاشقان خدا کی صحبت اور رہنمائی حاصل رہی اور وہ رہبر کبیر حضرت امام خمینی رحمۃ اللہ علیہ اور رہبر معظم انقلاب اسلامی حضرت آیت اللہ العظمی سید علی خامنہ ای کے راستے کے راہی ہیں جو صراط مستقیم ہے۔ ظلم و استبداد اور تاریکی سے بھری اس دنیا میں ان خوش قسمت انسانوں کو اپنے مقدر پر ناز کرنا چاہیے جنہیں تلوار سے تیز اور بال سے باریک صراط مستقیم پر چلنے کے لئے خمینی بت شکن جیسا پیر کامل اور ولی خدا میسر آیا ہو۔

انہوں نے کہا کہ پاکستان کے نوجوانوں کے لئے آئی ایس او نعمت خداوندی ہے نوجوانوں کو اس الہی انقلابی تحریک کا حصہ بن کر خود سازی اور معاشرہ سازی کرنی چاہیے۔انہوں نے کہا کہ عالمی استکبار اور دشمن کی تمام تر سازشوں کے باوجود اس الہی تحریک کا پچاسواں یوم تاسیس منانا عنایت خداوندی ہے خدا ان کے ساتھ ہے جو خدا کے ساتھ ہوں۔ آئی ایس او کے بہادر جوانوں کو پچاسواں یوم تاسیس مبارک ہو۔

وحدت نیوز(لاہور)امامیہ اسٹوڈنٹس آرگنائزیشن پاکستان کی گولڈن جبلی کے موقع پر تمام پیروان ولایت و امامت کو مبارکباد پیش کرتے ہوے دختر شہید ڈاکٹر محمد علی نقوی، مرکزی صدر مجلس وحدت مسلمین شعبہ خواتین و رکن پنجاب اسمبلی محترمہ سیدہ زہرا نقوی نے اپنے ایک پیغام میں کہا کہ امامیہ طلباء و طالبات کے کاروان الہی نے پچاس سالہ حماسی ، روحانی اور تربیتی سفر میں جو کارہائے نمایاں انجام دیے ہیں اور ملک و ملت کی ہر مذہبی و قومی ایشو پر جو خدمت کی ہے اسے کوئی بھی نظر انداز نہیں کر سکتا ، شہداء کے لہو سے سینچے گئے اس پاکیزہ شجر نے ہر دور میں افراد کی روحانی و اخلاقی تربیت کی انہیں جدوجہد اور مزاحمت کا راستہ دکھایا۔

 انہوں نے کہا آئی ایس او ایک ایسا پلیٹ فارم ہے کہ جب کبھی ملت پر کوئی مشکل وقت آیا ھے تو اس تنظیم کے جوان ملت کی امید بن کر میدان میں اترتے ہیں اپنے پچاس سالہ دور میں شاندار کامیابیاں سمیٹنے والی اس تنظیم نے بے شمار مشکلات اور نا مساعد حالات کا سامنا کیا ، کئیں طوفان اور تلاطم آئے اور چلے گئے لیکن  امامیہ طلباء و طالبات کے حوصلے پست نہ ہوئے اور انہوں نے ہر قسم کے حالات اور مشکلات کا ڈٹ کر سامنا کیا۔

 انہوں نے کہا کہ اس تنظیم کے تربیت یافتہ جوان عالمی حالات و واقعات ، سیاست اور دشمن کی سازشوں کو سب سے بہتر انداز میں سمجھتے ہیں یہی وجہ ہے کہ ہر زمانے میں اس پلیٹ فارم سے امت مسلمہ کے مسائل چاہے وہ فلسطین و کشمیر ہو یا یمن و بحرین میں مسلمانوں پر ڈھائے جانے والے مظالم کی داستان آئی ایس او نے سب سے آگے بڑھتے ہوئے استعماری طاقتوں کے مظالم اور تجاوز کے خلاف آواز بلند کی اور فکر امام خمینی کا عکس ثابت ہوئے۔

ان کا مزید کہنا تھا کہ امامیہ اسٹوڈنٹس آرگنائزیشن شہیدوں کی یادگار ہے اور قوم کی امید ہے کہ یہ نوجوان طلباء و طالبات تقوی ، تربیت نفس ، عمدہ اخلاق اور علم و عمل کیساتھ اس کاروان کو آگے لے کر چلیں گے قوم میں وحدت اور یکجہتی قائم کرنے کے لیے ہمیشہ کی طرح ایک مثبت کردار ادا کریں گے دعا ہے اور یقین ہے کہ امامیہ اسٹوڈنٹس آرگنائزیشن پاکستان اپنے دستور پر عمل پیرا ہوتے ہوئے، جہد مسلسل اور عزم و ہمت کے اس سفر میں کاروان امام مھدی عج سے منسلک ہوگئی۔ ان شاء اللہ

وحدت نیوز(قم)سرزمین قم المقدس میں ایم ڈبلیو ایم شعبہ خواتین لاہور کی جانب سے زائرین کے لیے تربیتی ورکشاپ کا انعقاد ،سیکرٹری جنرل مجلس وحدت مسلمین شعبہ خواتین لاہور محترمہ حنا تقوی کی سربراہی میں زائرین خواتین کا قافلہ شہر قم المقدس پہنچا جہاں محترمہ حنا تقوی کی جانب سے ان کے لیے ورکشاپ کا انعقاد کیا گیا جس میں محترمہ لبنی زیدی نے خصوصی شرکت کی ورکشاپ سے جناب مولانا سید حسین زیدی صاحب نے ھدف زیارت اور زائر کے عنوان پر خطاب کرتے ہوئے کہا کہ زائرین کو ان مقامات مقدسہ میں اپنے وقت کے امام کو یاد رکھنا اور ان سے قربت حاصل کرنے کی کوشش کرنی چایئے ہمارا یہاں آنے کا مقصد معرفت محمد و آل محمد اور ظہور امام زمان کے لیے آمادگی ہونا چاہئے۔

 ان کا مزید کہنا تھا ‎ہر چیز کا ایک ہدف ہوتا ہے جب کوئی انسان سونے سے پہلے اپنے تمام کام سوچتا ہے کے صُبح میں نے اپنے کون سے کام سر انجام دینے ہیں یعنی کے اس نے اپنا ایک ہدف بنا لیا کے یہ میں نے کرنا تو وہ اس کام کو سر انجام دیتا ہے۔ اسی طرح ہمیں زیارات پہ جانے سے پہلے اپنے آپ سے وعدہ کر کے نکلنا چاہیے کے ہم زیارات پہ جا رہے ہیں اور ہمارا ھدف معرفت امام زمان عج ہوگا اور ہماری دعاوں کو مرکز و محور ظہور امام زمان عج ہوگا۔

وحدت نیوز(اسلام آباد)شیریں مزاری کی گرفتاری پر چیئرمین مجلس وحدت مسلمین پاکستان علامہ راجہ ناصر عباس جعفری کی شدید مذمت، میڈیا کو جاری اپنے بیان میں انہوں نے کہاکہ انتقامی سیاست نون لیگ کا وطیرہ ہے۔ماڈل ٹاؤن جیسے بھیانک واقعات نون لیگ کی شناخت بن چکے ہیں ۔

انہوں نے کہا کہ ملک پہلے ہی بدترین بحرانوں کا شکار ہے۔سیاسی مخالفین کے ساتھ انتقامی کارروائیاں ریاست کے لیے نقصان دہ ثابت ہوں گے،امریکہ کی خوشنودی کے لیے شیریں مزاری کو گرفتار کیا گیا ہے،امریکہ کے جو یار ہیں وہ ملک کے غدار ہیں۔ڈاکٹر شیریں مزاری پر بےبنیاد مقدمات کے اندراج پر اعلی عدلیہ سے نوٹس لینے کا مطالبہ کرتا ہوں۔