وحدت نیوز(ملتان)مجلس وحدت مسلمین کے مرکزی سیکرٹری تنظیم سازی علامہ مقصود علی ڈومکی نے کہا ہے کہ فلسطینی عوام پر اسرائیل کی جارحیت جاری ہے۔ اسرائیل کا ظالمانہ چہرہ اب اقوام عالم میں بے نقاب ہو چکا ہے اور عالم مغرب کے جھوٹے اور کھوکھلے دعوے فلسطین کے اندر ہونے والے قتل عام کے بعد بے نقاب ہو چکے ہیں۔ یہ بات انہوں نے ملتان میں مجلس علمائے مکتب اہل بیت صوبہ جنوبی پنجاب کے زیر اہتمام منعقدہ عظمت دین اسلام کانفرنس سے خطاب کرتے ہوئے کہی۔ کانفرنس سے مجلس وحدت مسلمین پاکستان کے مرکزی رہنما مقصود علی ڈومکی، صوبائی صدر ایم ڈبلیو ایم جنوبی پنجاب علامہ سید اقتدار حسین نقوی، صوبائی صدر بلوچستان علامہ سید ظفر عباس شمسی، صوبائی صدر مجلس علمائے مکتب اہل بیت علامہ قاضی نادر حسین علوی اور ممتاز عالم دین علامہ سید حسین مدنی نے خطاب کیا۔

اس موقع پر کانفرنس سے خطاب کرتے ہوئے مقصود علی ڈومکی نے کہا کہ فلسطین کے مظلوم عوام گزشتہ 13 مہینوں سے اسرائیلی جارحیت کا بہادری سے مقابلہ کر رہے ہیں۔ انہیں اپنے ہدف اور اللہ تعالی کی نصرت پر کامل ایمان ہے۔ اسی لئے وہ دشمن کی بربریت اور ظلم کے باوجود بے خوف ہو کر میدان میں کھڑے ہیں۔ اسرائیل کا ظالمانہ چہرہ اب اقوام عالم میں بے نقاب ہو چکا ہے اور عالم مغرب کے جھوٹے اور کھوکھلے دعوے فلسطین کے اندر ہونے والے قتل عام کے بعد بے نقاب ہو چکے ہیں۔ حقوق بشر، حقوق نسواں، اطفال کے حقوق کے جھوٹے دعویدار فلسطینی بچوں کے قتل عام پر مجرمانہ خاموشی اختیار کرکے اپنے دھرے معیار اور خبیث کردار کو پوری دنیا کے سامنے عیاں کر چکے ہیں۔

اس موقع پر خطاب کرتے ہوئے علامہ سید ظفر عباس شمسی نے کہا کہ کل یہودیوں کو مولا علی علیہ السلام نے خیبر میں عبرت ناک شکست دی تھی اور آج مولا علی (ع) کے پیروکار اسرائیل کے یہودیوں سے نبرد آزما ہیں، اور انشاءاللہ انہیں عبرت ناک شکست دیں گے۔ کانفرنس سے خطاب کرتے ہوئے علامہ قاضی نادر حسین علوی نے کہا کہ فلسطین اور لبنان کے جنگ زدہ مظلوم شہریوں کی مدد کرنا ہم سب پر فرض ہے۔ ہمیں چاہئے کہ اس مشکل وقت میں اپنے مظلوم بھائیوں کی مالی مدد کریں۔ اس سلسلے میں مجلس وحدت مسلمین پاکستان کی جانب سے ملک گیر مہم قابل صد تحسین ہے۔ عوام کو بڑھ چڑھ کر اس مہم میں حصہ ڈالنا چاہئے۔

وحدت نیوز(لاہور) مجلس وحدت مسلمین پاکستان صوبہ پنجاب کے صدر علامہ سید علی اکبر کاظمی نے لاہور میں میڈیا گفتگو کے دوران کہا کہ مستونگ میں بچوں کے سکول پر بم دھماکہ دہشتگردوں کا بزدلانہ اقدام ہے، یہ دہشت گرد وطن عزیز کا امن خراب کرنا چاہتے ہیں اور نسلی بنیادوں پر نسلی فسادات کروانا چاہتے ہیں، ان کا مقصد بیرونی ایجنڈے پر وطن عزیز کے عوام میں خوف و ہراس پیدا کرنا ہے اور ان کو گھروں تک محدود کرنا ہے، لیکن پاکستان کے عوام کسی صورت بھی ان دہشتگردوں کو کامیاب ہونے نہیں دیں گے۔

 انہوں نے کہا کہ پاکستانی قوم متحد ہے اور وہ وطن عزیز کی سلامتی اور استحکام کیلئے ہر قسم کی قربانی دے رہے ہیں، بلوچی ہو سندھی ہو پنجابی ہو یا پٹھان ہو، سب ایک زنجیر پاکستان  کا حصہ ہیں، اور سب کی حفاظت کرنا ہمارے تمام سکیورٹی اداروں کی ذمہ داری ہے۔
 
انہوں نے کہا کہ وطن عزیز میں ہر طرف خوف و ہراس ہے، کوئی کسی کو کوئی خبر نہیں کہ وہ شام کو گھر لوٹے گا یا نہیں آخر کار ہمارے سکیورٹی ادارے کیا اپنے فرائض نبھا رہے ہیں؟ کیا یہ بم دھماکہ سکیورٹی اداروں کی کارکردگی پر سوالیہ نشان نہیں؟ حالانکہ سکیورٹی اداروں کی ذمہ داری ہے کہ عوام الناس کا خیال رکھیں، ان کی حفاظت کریں، ان کے جان و مال کی حفاظت یقینی بنائیں، لیکن آئے دن ملک میں کچھ نہ کچھ کہیں نہ کہیں سانحہ رونما ہو جاتا ہے۔

علامہ علی اکبر کاظمی نے کہا کہ اس کا جواب کون دے گا؟ اس کی ذمہ داری کیا موجودہ حکومت پر نہیں آتی؟ کیا حکومتی ادارے سکیورٹی فورسز کیا کر رہی ہیں؟ ہم مستونگ میں بچوں کے سکول پر دھماکے کی بھرپور مذمت کرتے ہیں اور حکومت وقت سے مطالبہ کرتے ہیں کہ جلد ازجلد دہشت گردوں کو گرفتار کیا جائے اور ملک میں امن و امان کی صورتحال کو بحال کیا جائے۔

وحدت نیوز(پاراچنار) مجلس وحدت مسلمین ضلع پاراچنار کے صدر اورتحصیل چیئرمین اپر کرم آغائے مزمل حسین کا ڈائریکٹر جنرل سول ایوی ایشن پاکستان کو پاراچنار ائیرپورٹ کے بحالی کے حوالے سے خط اور جواب میں ائیرپورٹ کلیئرینس کا تفصیلی بیان۔

ائیرپورٹ  صرف Small Aircraft کے لئے موضوع ہے اور پاکستان میں مختلف اپریٹرز کو لائسنس بھی جاری کئے ہیں اور محکمہ ٹوریزم پرومیوشن اور ریجنل انٹیگریشن پاکستان کو بھی لائسنس جاری کئے ہیں کہ پاراچنار سے/کو چھوٹے ائرکرافٹ فنکشنل کئے جائے۔

لیکن کوئی بھی اپریٹر پاراچنار سے/کو ائرکرافٹ کے لئے نہیں مل رہا جو صرف جہاز کا لائسنس لے اور فلائٹس شروع کر لے۔
باقی ائرپورٹ چھوٹے ایرکرافٹس کے لئے بلکل ٹھیک ہے اب صرف اپریٹرز کی کمی ہے۔

اگر کوئی پاراچنار سے لائسنس لینے کا ارادہ رکھتا ہے تو لائسنس کے لئے اپلائی کر لے کہ جلد ہی جہازوں کا سلسلہ شروع ہو جائے۔

وحدت نیوز(کراچی)مجلس وحدت مسلمین پاکستان کے مرکزی وائس چیئرمین علامہ سید احمد اقبال رضوی کی والدہ مرحومہ کی نماز جنازہ امام بارگاہ سامرہ نیورضویہ سوسائٹی اسکیم 33 کراچی میں ادا کی گئی، نماز جنازہ خود آغائے احمد اقبال رضوی کی زیر اقتداءاداکی گئی۔

نماز جنازہ اور تدفین میں مجلس وحدت مسلمین کے مرکزی رہنما معروف عالم دین علامہ سید حسن ظفر نقوی، مرکزی جنرل سیکریٹری سید ناصرعباس شیرازی، مرکزی پولیٹیکل سیکریٹری سید اسدعباس نقوی، صوبائی صدر سندھ مولانا سید باقرعباس زیدی،نائب صدر مولانا مختاراحمد امامی، جعفریہ الائنس کے مرکزی رہنما علامہ باقر حسین زیدی وشبر رضا رضوی،مرکزی رہنما شیعہ علماءکونسل مولانا ناظرعباس تقوی ،خطیب حسینیتؑ علامہ محمد نقی نقوی ، ہیئت آئمہ مساجد وعلمائےامامیہ کے رہنما مولانا صادق رضا تقوی ، مجلس ذاکرین امامیہ کے رہنماعلامہ ڈاکٹر جواد حیدرزیدی، مولانا صادق جعفری، مولانا حیات عباس نجفی ، علامہ مبشر حسن ، رضی حیدررضوی،علی احمرزیدی،آصف صفوی، علی نیئرزیدی ، حسن رضا ، زین رضا رضوی ، کاظم عباس، احسن عباس رضوی، قیصرعباس زیدی ودیگر رہنماؤں سمیت مختلف علمائے کرام، ذاکرین عظام، مذہبی، سماجی شخصیات اور مختلف شعبہ ہائے زندگی سے تعلق رکھنے والے افراد نے شرکت کی، مرحومہ ومغفورہ کو آہوں اور سسکیوں میں وادی حسینؑ میں سپرد لحد کردیا گیا۔