The Latest
وحدت نیوز(لاہور) ماہ رمضان المبارک میں مستحقین و ضرورتمند گھرانوں کے حقوق کی ادائیگی کو فریضہ سمجھتے ہوئے مجلس وحدت مسلمین شعبہ خواتین لاھور کی سیکرٹری جنرل محترمہ حناتقوی اور ڈپٹی سیکرٹری جنرل محترمہ عظمی نقوی کی خصوصی ھدایت پر راشن کی تقسیم کا عمل جاری ہے ۔
محترمہ عندلیب زھرا ضلعی سیکرٹری روابط نے ماہ شعبان المعظم کی طرح ماہ رمضان میں بھی اس فریضے کو ادا کرتے ہوئےلاھور کے علاقے شالامار ٹاون میں اکیس مستحق گھرانوں میں راشن تقسیم کیا اس موقع پر محترمہ حنا تقوی کا کہنا تھا کہ ایم ڈبلیو ایم شعبہ خواتین لاھور کی اولین ترجیح دیہاڑی دار اور سفید پوش طبقے کو امداد فراہم کرنا ہے۔
انھوں نے کہا کہ کروناوائرس اور لاک ڈاون کے باعث نہ صرف غریب بلکہ متوسط گھرانے بھی بہت بری طرح متاثر ہوے ہیں لھذا وقت کی ضرورت ہے کہ مخیر حضرات آگے بڑھیں اور راہ خدا میں دل کھول کرخرچ کریں ۔
انھوں نے مزید کہا کہ ماہ رمضان المبارک ایسا مہینہ ہے کہ جس میں ایک درھم راہ خدا میں دینا عام دنوں کی نسبت بے پناہ اجر وثواب کا حامل ہے اس لیے اس ماہ میں ضرورت مند طبقے کی امداد کے لیے آگے بڑھیں۔
وحدت نیوز(لاہور) مجلس وحدت مسلمین پاکستان شعبہ خواتین کی مرکزی سیکرٹری جنرل محترمہ سیدہ زہرا نقوی نے مقبوضہ کشمیر میں خاتون صحافی مسرت زہرا کی گرفتاری کی شدید مذمت کرتے ہوئے اسے بدترین ریاستی جبر قرار دیا ہے۔ انہوں نے کہا کہ عالمی خبر رساں اداروں سے منسلک ایک معروف صحافی کو فیس بک صارف ظاہر کر کے ان پر مقدمہ قائم کیا جانا بدنیتی پر مبنی ہے، اور بنیادی انسانی حقوق کی خلاف ورزی ہے، بھارتی حکومت چنکیائی سیاست پر گامزن ہے ۔اپنے اقتدار کو قائم رکھنے کے لیے ہر ناجائز حربوں کو استعمال کیا جا رہا ہے ۔مقبوضہ کشمیر میں حکومتی بربریت کے خلاف آواز بلند کرنے والوں صحافیوں کے ساتھ انتقامی کاروائیاں آزادی اظہار رائے کی کھلم کھلا خلاف ورزی ہے۔
انہوں نے کہا کہ مودی حکومت نے پورے مقبوضہ کشمیر کو یرغمال بنا رکھا ہے۔اس وقت پوری دنیا کورونا جیسی خطرناک وبا کی لپٹ میں ہے۔مختلف ممالک اپنے شہریوں کو صحت و خوراک سمیت ہر طرح کی سہولیات فراہم کر رہے ہیں لیکن بھارتی حکومت نے اس عالمی مسئلہ سے دانستہ آنکھیں موند رکھی ہیں۔اسے کشمیر کے مسلمانوں کی صحت ، خوراک اوردیگر ضروریات زندگی سمیت کسی بھی چیز کی قطعاََ پرواہ نہیں۔ اقوام عالم کو بھارتی حکومت کی اس بے حسی کا سختی سے نوٹس لینا چاہیے ۔
انہوں نے مزید کہا کہ بھارت میں موجود علیحدگی پسند تنظیمیں اپنی حکومت کی اسی غنڈہ گردی سے تنگ آکر زور پکڑ رہی ہیں۔ اگر بھارتی حکمرانوں نے اپنی روش نہ بدلی تو دنیا کے نقشے پر بہت جلد بھارت ٹکروں میں تقسیم نظر آئے گا۔انہوں نے عالمی قوتوں سے مطالبہ کیا کہ وہ صحافی مسرت زہرا کی رہائی کے لیے بھارتی حکومت پر زور ڈالیں۔
وحدت نیوز(اسلام آباد) ملک بھر میں کرونا وائرس کے باعث لاک ڈاون کی صورتحال کا سامنا ہے لھذا انٹرنیٹ کی جدید سہولت سے استفادہ کرتے ہوۓ مجلس وحدت مسلمین شعبہ خواتین کی مرکزی کابینہ کا دو روزہ آن لائن اجلاس منعقد ھوا محترمہ زھرا نقوی سیکرٹری جنرل ایم ڈبلیو ایم شعبہ خواتین نے اجلاس کی صدارت کیڈپٹی سیکرٹری جنرل محترمہ تحسین شیرازی نے آن لائن اجلاس میں ہوسٹنگ کے فرائض انجام دیے۔
اس اجلاس میں محترمہ عظمی تقوی ، محترمہ فرح دیبا ، معصومہ نقوی ، قراة العین ، سیمی نقوی ، ام البنین ، غزالہ جعفری ، عدیلہ نقوی ، ڈاکٹر ردا فاطمہ ، خوشبو زھرا اور عرفا عباس شریک ہوئیں اس موقع پر تمام کابینہ اراکین نے اپنی گزشتہ کارکردگی کے ساتھ ساتھ اگلے تین ماہ کا لائحہ عمل پیش کیا اس موقع پر محترمہ سیدہ زھرا نقوی نے معارف اسلامی ایپلیکشن کی تشہیر ، استفادہ اور شعبہ خواتین کی جانب سے مواد مہیا کرنے اور قرنطینہ پیریڈ میں شعبہ اطفال کی جانب سے سوشل میڈیا کے ذریعے تربیتی پہلوؤں پر مواد کی تشہیر کرنے کی ھدایات کیں ۔
مرکزی مسئول شعبہ اطفال محترمہ عدیلہ نقوی نے مختلف مناسبتوں کے لحاظ سے لٹریچر ، تعمیری و تخلیقی سرگرمیاں ، بچوں میں دین شناسی میں دلچسپی پیدا کرنے کے لیے مختلف پلاننگز شیئر کیں جس پر دیگر اراکین نے اپنی راۓ کا اظہار کرتے ہوۓ سوشل میڈیا / واٹس ایپ گروپس کے ذریعے آن لائن ٹیوشن سنٹر کا قیام اور پندرہ شعبان کی مناسبت سے سرگرمیوں کے لیے فوری گروپ تشکیل دینے کی تجاویز پیش کیں۔
محترمہ ڈاکٹر ردا فاطمہ مرکزی سیکرٹری براۓ ورکنگ وومن کا کہنا تھا موجودہ حالات میں جان لیوا کرونا وائرس کے پھیلاو کی روک تھام کے پیش نظر ڈاکٹرز کا پینل تشکیل دیا جاۓ جو اپنی خدمات سر انجام دے سکیں اور کرونا کی اس وبا سے نجات پانے کے بعد بھی مختلف ماہر نفسیات کی خدمات لی جائیں تاکہ عوام کو اس بیماری کے خوف اور دباو سے نجات دلائ جا سکے اور انھیں معمول کی زندگی پر لوٹنے میں مدد فراہم کی جاسکے ۔
محترمہ فرحانہ گلزیب مرکزی سیکرٹری فلاح و بہبود نے اپنی راۓ کا اظہار کرتے ہوۓ کہا کہ موجودہ حالات میں شعبہ خواتین کی جانب سے جن جن علاقوں میں امداد کی جارہی ہے اسے مجلس وحدت مسلمین پاکستان کی جانب سے بناے گئے ادارے اے-ایم-ڈی-سی کے تحت انجام دیا جاۓ اور جن گھرانوں میں راشن تقسیم کیا گیا ہے یا کیا جاے گا ان کی لسٹ اور ڈونرز کی لسٹ کا ریکارڈ رکھا جائے۔
محترمہ معصومہ نقوی مرکزی سیکرٹری تنظیم سازی نے سہ ماہی پلاننگ میں خواتین کے لیے مختلف موضوعات پر مشتمل واٹس ایپ گروپ تشکیل دینے کی راے کا اظہار کیا جو کہ مرکزی کابینہ کے تحت بنایا جاے اور پھر اضلاع اور یونٹس میں الگ الگ گروپس تشکیل دے کر مرکز کی جانب سے بھیجا گیا مواد تشہیر کیا جائے علاوہ ازیں تنظیمی امور کی بہتری اور قرنطینہ پیریڈ کو مفید اور مثبت بنانے کے حوالے سے تمام ارکین نے اپنے راۓ کا اظہار کیا اور اگلے تین ماہ کا لائحہ عمل طے کیا گیا۔
وحدت نیوز (فیصل آباد) مجلس وحدت مسلمین شعبہ خواتین کی مرکزی سیکرٹری فلاح و بہبود محترمہ فرحانہ گلزیب نے کرونا وائرس کے باعث پیدا ہونے والی سنگین صورتحال میں مستحق خاندانوں میں راشن اور حفاظتئ ماسک تقسیم کیا۔
انھوں نے قوم کے درد مند مخیر حضرات سے اپیل کرتے ہوئے کہا کہ اس مشکل گھڑی میں غربا اور سفید پوش طبقے کا خیال رکھیں کرونا وائرس اور لاک ڈاؤن کے باعث لوگوں کے چولہے ٹھنڈے ہو چکے ھیں اور ان کے لیے دو وقت کی روٹی کا انتظام کرنامشکل ہوگیا ہے۔
انھوں نے کہا کہ اسلام میں بھوکے مسکین کے پیٹ میں ایک لقمہ پہنچانا ایک ہزار مساجد کی تعمیر سے بہتر ہے، ان کامزید کہنا تھا کہ مخلوق خدا کی خدمت ہمارا شرعی و اخلاقی فرض ہے ان کی امداد گھروں تک پہنچائیں نہ کہ تصاویر اتار کر ان کی عزت نفس مجروح کرنے کا باعث بنیں۔
وحدت نیوز(کراچی) مجلس ڈیزاسٹرمینجمنٹ سیل ذیلی ادارہ مجلس وحدت مسلمین پاکستان کراچی ڈویژن کی جانب سے سید زین رضوی کی زیر نگرانی کورونا وائرس کے لاک ڈاؤن کے سبب شہرقائد کے متاثرہ ڈیلی ویجز ملازمین کیلئے راشن بیگز کی فراہمی کا دوسرا مرحلہ بھی مکمل کرلیا گیا۔
المجلس ڈیزاسٹرمینجمنٹ سیل کراچی ڈویژن کے چیئرمین سید زین رضوی نےوحدت نیوز سے گفتگو کرتے ہوئے کہاکہ اب تک ضلع وسطی، غربی،جنوبی، شرقی، ملیر، لانڈھی کورنگی کے 1500سے زائد متاثرہ خاندانوں میں بلاتفریق رنگ ونسل مذہب ومسلک تقسیم یہ راشن بیگز تقسیم کیئے گئے ہیں ۔ الحمد اللہ راشن بیگز کی تقسیم کے تیسرے مرحلے کی تیاریوں آغاز بھی کردیا گیا ہے ، مخیرحضرات زیادہ سے زیادہ مالی تعاون فرماکر اس کارخیرمیں بھرپورحصہ لیں۔
وحدت نیوز(اسلام آباد) یوم ولادت باسعادت ثانی زہراؑ جناب زینب کبریٰ سلام اللہ علیہاکے پرمسرت موقع پر اپنے تہنیتی پیغام میں مجلس وحدت مسلمین پاکستان شعبہ خواتین کی مرکزی سیکریٹری امور سیاسیات محترمہ نرگس سجاد جعفری نے کہاکہ ہکربلا کی شیر دل خاتون حضرت زینب کبری(س) کی ولادت باسعادت کے پر مسرت موقع پر بارگاہ صاحب العصر والزمان عج اور تمام راھیان راہ حق و مقاومت کی خدمت میں تہنیت و تبریک پیش کرتی ھوں ہے۔ شخصیت جناب سیدہ زینب (س ) پر بات کرنے کے لیے لکھنے والوں کے قلم اور بولنے والوں کی زبان دونوں قاصر ہیں ایسی با عظمت اور جلالی بی بی کے جنھوں نے دین اسلام کی خاطر ایسی بے مثال قربانیاں پیش کی اور وہ اندوہناک مصائب تحمل کیے کہ جن کا فقط تذکرہ ہی انسان کی روح کو لرزا دیتا ہے حضرت زینب کبری سلام اللہ علیہا راتوں کو عبادت کرتی تھیں اور اپنی زندگی میں کبھی بھی تہجد کو ترک نہیں کیا۔
انہوں نے کہاکہ اس قدر عبادت پروردگار کا اہتمام کرتی تھیں کہ عابدہ آل علیؑ کہلائیں حضرت زینب سلام اللہ علیہا نے اپنی فصاحت و بلاغت اور شجاعت سے تحریک عاشورا کی بقاء کے اسباب فراہم کئے۔ مہد سے لے کر لحد تک آپ سلام اللہ علیہا کی پوری زندگی ایثار و قربانی، جہدِ مسلسل، صبر و رضا اور جہاد فی سبیل اللہ سے عبارت ہے۔ آج خواتین کے لیے ثانی زھرا جناب زینب کبری سلام اللہ علیھا کا روشن کردار اپنانے میں ہی دنیا و آخرت کی کامیابی ہے ۔زندگی کے کسی بھی موڑ پر مشکلات و مصائب میں ام المصائب بی بی کی یاد ہمیں ہمت حوصلہ اور امید عطا کرتی ہے آئیے اس پر آشوب دور میں اس باعفت اور با عظمت بی بی کا دامن تھامتے ہیں اور اپنی تمام تر مشکلات میں انہی کو وسیلہ بنا کر بارگاہ الہیٰ میں التجا کرتے ہیں کہ خداوند عالم کل انسانیت کو ھر بلا و وبا اور آفت سے محفوظ رکھے اور ہر آزمائش اور امتحان میں ہمیں دین اسلام پر استقامت عطا فرمائے ۔۔۔آمین
وحدت نیوز(لاہور) دنیا بھر میں کورونا جان لیوا وبا بن کر تیزی سے پھیل رہا ہے ملک پاکستان میں بھی کورونا وائرس کے پھیلنے کی شرح دن بدن تیز ہوتی جا رہی ھے اس جان لیوا وائرس سے بچاو اور تحفظ کے لیے جہاں عوام کو گھروں میں رہنے کی تاکید جا رہی ھے وہیں غریب عوام بالخصوص دیہاڑی دار مزدور طبقے کے لیے اپنے اور اپنے خاندان کے لیے دو وقت کا کھانا میسر کرنا ناممکن ھو چکا ہے اسی پریشان کن صورتحال کو مدنظر رکھتے ھوئے مجلس وحدت مسلمین شعبہ خواتین لاھور کی سیکرٹری جنرل محترمہ حنا تقوی کی خصوصی ھدایات پر ضلع لاھور کی سیکرٹری عالمات و ذاکرات محترمہ نسیم زھرا نے علاقہ پکی ٹھٹھی اور زبیدہ پارک کے مزدور اور مستحق خاندانوں کا دورہ کیا اور گھر گھر جا کر راشن تقسیم کیا اور شہادت امام موسی کاظم علیہ سلام کی مناسبت سے بچوں میں تبرک بھی تقسیم کیا گیا۔
ہمیں ہر عمل کو خدا کی خوشنودی کے لیے انجام دیتے ہوئے اس کی مدد کا طلبگار رہنا چاہیے، محترمہ حنا تقوی
وحدت نیوز(لاہور) مجلس وحدت مسلمین شعبہ خواتین ضلع لاہور کی سیکرٹری جنرل محترمہ حنا تقوی کی زیرصدارت ایم ڈبلیو ایم شعبہ خواتین لاھور کی کابینہ کا اجلاس وحدت ہاوس لاھور میں منعقد ھوا۔میٹنگ میں کرونا وائرس کے پیش نظر درپیش مسائل،شعبان المعظم اور رمضان المبارک کا لائحہ عمل طے کیا گیا۔ کابینہ اراکین میں تنظیمی لٹریچر بھی تقسیم کیا گیا۔
کابینہ اراکین سے گفتگو کے دوران فرمان سیدہ کونین بی بی فاطمتہ الزہرا سلام اللہ علیہا بیان کرتے ہوئے محترمہ حنا تقوی کا کہنا تھا جو اپنی خالصانہ عبادت کو اللہ کی بارگاہ میں پیش کرے گا اللہ اپنی بہترین مصلحتوں کا رخ اس کی طرف موڑ دے گا۔
محترمہ حنا تقوی کا کہنا تھا کہ ہمیں ہر عمل کو خدا کی خوشنودی کے لیے انجام دیتے ہوئے اس کی مدد کا طلبگار رہنا چاہیے۔کابینہ اراکین میں ڈپٹی سیکرٹری جنرل محترمہ عظمی نقوی ، محترمہ فرحانہ فصاحت، محترمہ نجبہ،محترمہ فرخندہ، محترمہ حمیرا، محترمہ بشری، محترمہ نسیم، محترمہ عندلیب، محترمہ رضوانہ، محترمہ ساجدہ محترمہ،محترمہ افشین ، محترمہ مشال اور محترمہ عذرا نے میٹنگ میں شرکت کی۔
وحدت نیوز(لاہور) مدرسہ مکتب قرآن کی سالانہ تقریب کا انعقاد مدرسہ کی پرنسپل اور مجلس وحدت مسلمین شعبہ خواتین لاھور کی سیکرٹری جنرل محترمہ حنا تقوی کی زیر سرپرستی رائل پیلس ہوٹل بیدیاں روڈ لاھور میں ھوا ۔تقریب میں ضلع لاھور کی تمام کابینہ اور مرکزی سیکرٹری جنرل ایم ڈبلیو ایم وومن ونگ اور ممبر پنجاب اسمبلی محترمہ سیدہ زھرا نقوی نے خصوصی شرکت کی۔
اس موقع پر طلباء سے خطاب کرتے ہوے محترمہ زھرا نقوی کا کہنا تھا کہ قرآن کریم کا ظاھر خوبصورت اور باطن گہرا ہے، جب کوئی قاری قرآن مجید کی تلاوت کرتا ہے تو اس کا حسن قرات سماعتوں کو اچھا لگتا ہے، اسی طرح قرآن کا باطن مفہوم و معنی کے لحاظ سے وسیع تر اور نہایت عمیق ہے۔
انھوں نے کہا کہ قرآن کریم کتاب ھدایت ہے اس کی تلاوت خوش لحن انداز میں کرنی چائیے اور اس کے مفاھیم پر غور کرتے ہؤۓ ہمیں اپنی زندگیاں قرآنی اصولوں کے مطابق استوار کرنی چائییے ۔مدرسہ مکتب قرآن کی پرنسپل محترمہ حنا تقوی کا کہنا تھا کہ گزشتہ بارہ سال سے مکتب قرآن کی دو برانچز لاھور میں قرآن کے دروس کا سلسلہ جاری رکھے ہوئے ہیں اور طلباء کی بیشتر تعداد یہاں سے قرات قرآن سیکھ کر گئی ہے انھوں نے تقریب کے شرکاء کا شکریہ ادا کیا ۔اختتام میں محترمہ زھرا نقوی نے بچوں میں انعامات تقیسم کیے۔
وحدت نیوز(لاہور) عالمی یوم خواتین کے حوالے سے پنجاب اسمبلی کی تمام ممبران خواتین بالخصوص وومن امپاورمنٹ کی منسٹر محترمہ آشفہ ،مجلس وحدت مسلمین کی مرکزی سیکریٹری جنرل شعبہ خواتین اور رکن پنجاب اسمبلی محترمہ زھرا نقوی ، محترمہ طلعت نقوی ، محترمہ شمسہ علی اور محترمہ سیمابیہ کی مشترکہ کاوشوں سے پنجاب اسمبلی میں پاکستانی خواتین کے حق میں پیش کردہ قرارداد منظور کر لی گئی۔
قرار داد کا متن محترمہ شمسہ علی نے اسمبلی میں پیش کیا جس میں پاکستانی خواتین کو معاشی ، سماجی اور سیاسی شعبوں میں باباۓ قوم قائداعظم محمد علی جناح کی بصیرت کی روشنی میں قومی دھارے میں لانے کے لیے بھرپور حمایت کرنے اور انہیں باختیار بنانے کی ہر ممکن کوشش کاپنجاب اسمبلی کے اراکین نے عزم کا اظہار کیا گیا۔
