The Latest
وحدت نیوز(چنیوٹ) مخلوق کے لیئے آسانیاں پیدا کرنے سے خدا خوش ہوتاہے۔اسی نظریے پر عمل کرتے ہوۓ مجلس وحدت مسلمین کےفلاحی شعبے المجلس ڈیزاسٹر مینجمنٹ سیل چنیوٹ کے تعاون سے بھوآنہ کے نواحی علاقہ نلکا اڈہ چناب مارکیٹ پرسبیل امام حسین؏ چناب فلٹر پلانٹ کے نام سے ٹھنڈے اور صاف پانی کا پلانٹ لگایا گیا, جس سے نلکا اڈہ اور ارد گرد کی آبادیوں کو صاف فلٹر شدہ پانی میسر ہوگا,بھوآنہ اور گردونواح کا زیر زمین پانی پینے کے قابل نہیں رہاجس سے علاقے میں ہیپاٹائٹس جیسی موذی مرض میں بہت زیادہ اضافہ ہواہے,اور اس علاقے میں صاف واٹر پلانٹ کی شدید کمی ایک عرصے سے محسوس کی جارہی تھی جسے مجلس وحدت مسلمین ڈیزاسٹر مینجمنٹ سیل چنیوٹ نے پورا کردیا ،اس موقع پر منتظمین کا کہنا تھا کہ مجلس وحدت مسلمین بغیر کسی سیاسی و مذہبی تفریق کے ہمیشہ خدمت خلق کے کام کرتی آئی ہے, اورانسانیت کی خدمت کرناخدا کوبہت پسند ہے۔
وحدت نیوز(ملتان) مجلس وحدت مسلمین جنوبی پنجاب کے فلاحی شعبے المجلس ڈیزاسٹر مینجمنٹ سیل کی جانب سے لاک ڈاؤن سے متاثرہ جہانیاں کی مسیحی برادری میں راشن تقسیم کیا گیا۔ راشن کی تقسیم کی تقریب چرچ آف پاکستان جہانیاں میں منعقد ہوئی، تقریب میں مجلس وحدت مسلمین کے صوبائی رہنما علامہ اقتدار حسین نقوی نے خصوصی شرکت کی۔ اس موقع پر پچاس سے زائد مستحق اور متاثرہ خاندانوں میں راشن تقسیم کیا گیا۔
تقریب سے خطاب کرتے ہوئے علامہ اقتدار حسین نقوی کا کہنا تھا کہ عالمی وبا کی صورت میں پیش آنے والی مشکل کی اس گھڑی میں ہمیں اقلیتوں کی بھی مدد کرنے کی ضرورت ہے۔ جہاں ہم مسلمانوں کی مدد کر رہے ہیں وہاں پر ہمیں چاہیے کہ ہم مشکل کی اس گھڑی میں ان مسیحی بھائیوں کی بھی مدد کریں، ہمارے نبی اور ہمارا دین اسلام ہمیں انسانیت کا درس دیتا ہے۔ انسانیت کا تقاضا ہے کہ اس وقت پاکستان میں جتنے بھی مسالک اور مذاہب ہیں بلاتفریق سب کی خدمت کی جائے۔
اس موقع پر مسیحی کمیونٹی کے رہنماؤں شہزاد مسیح اور فاروق مسیح نے مجلس وحدت مسلمین کا شکریہ ادا کیا۔ اس موقع پر المجلس ڈیزاسٹر منیجمنٹ سیل ضلع خانیوال کے مسئول سید عدیل حیدر زیدی بھی موجود تھے۔
وحدت نیوز(لاہور) برسی رھبر کبیر ، بت شکن زمان آیت اللہ سید روح اللہ موسوی الخمینی ؒکے موقع پر تمام پیروان راہ حق و راہ انقلاب کو تعزیت و تسلیت پیش کرتی ہوں ۔حضرت امام خمینی (رہ) ایک فکری، سیاسی اور سماجی مکتب کے بانی ہیں آپ نے نہ صرف ایرانی قوم بلکہ عالم اسلام کے لیےبے شمار مصائب و قربانیوں اور مسلسل جہاد کے ثمر میں ایک ایسی حکومت اور نظام قائم کیا جس کی بنیاد دین اسلام پر رکھی گئی۔
ان خیالات کا اظہار مرکزی سیکرٹری جنرل مجلس وحدت مسلمین شعبہ خواتین اور رکن پنجاب اسمبلی سیدہ زھرا نقوی نے برسی امام خمینی رحمة اللہ علیہ کے موقع پر اپنے تعزیتی پیغام میں کیا، انھوں نے کہا کہ تاریخ امام خمینی ؒ کی قیادت، ان کی مدبرانہ و بابصیرت سوچ اور مظلوم قوموں کے لئے حق کی آواز اٹھانے کو نہیں بھول سکتی۔
ان کا کہنا تھا کہ بت شکن زمان امام خمینی نے نہ صرف ظالم شہنشاہیت کا خاتمہ بلکہ دنیا کو ظلم و استبداد کے آگے ڈٹے رہنے کی ہمت و جرات عطا کیا ان کا مزید کہنا تھا کہ اس مرد مجاھد نے کربلا والوں کے پیغام کو عملی طور پر دنیا کے سامنے پیش کیا اور اپنے مکتب کی سربلندی و سرفرازی کا باعث بنے
انھوں نے کہا کہ رھبر کبیر امام خمینی نے ہمیشہ اتحاد بین المسلمین کے لیے جدوجہد کی لھذا عالم اسلام کو امام خمینی جیسے عظیم مفکر کی پیروی کرتے ہوے باہم اتحاد و بھائ چارے کو فروغ دینا چائیے۔
وحدت نیوز(بہاولپور) ڈسٹرکٹ بہاولپور میں لاک ڈاؤن کے دوران سفید پوش اور دھاڑی دار مزدور عوام کے درمیان راشن تقسیم کیا گیا۔ اِس موقع پرمجلس وحدت مسلمین کے فلاحی شعبے المجلس ڈزاسٹر منیجمنٹ سیل کی طرف سے ڈسٹرکٹ بہاولپور کی تحصیلوں میں 100 سے زائد راشن کے پیک اور تقریباً 50 سے زائد آٹے کے تھیلے تقسیم کئے گئے۔
اِس وبائی مرض سے بچاؤ کے لئے آگاہی مہم میں مخیر حضرات کی مدد سے تقریباً 2000 سینیٹائزرز بھی سیکیورٹی ، انتظامیہ اور لوگوں میں تقسیم ہوئے۔
فرنٹ لائن سولجرز ڈاکٹرز کی حفاظت کو سامنے رکھتے ہوئے المجلس ڈزاسٹر منیجمنٹ سیل بہاولپور نے 3 ڈاکٹرز جو کہ مسلسل کرونا کے مریضوں کے علاج میں مصروفِ عمل ہیں کرونا کِٹ فراہم کیں۔
وحدت نیوز(لاہور) مجلس وحدت مسلمین شعبہ خواتین کی مرکزی سیکریٹری جنرل اور ممبر پنجاب اسمبلی محترمہ سیدہ زھرا نقوی نےعالمہ محترمہ سکینہ مھدوی صاحبہ سے ان کی رہائشگاہ پر ملاقات کی اور ان کے بھائی یحییٰ جعفری کے انتقال پر تعزیت اور افسوس کا اظہار کیا اس موقع پر ان کے ساتھ ایم ڈبلیو ایم شعبہ خواتین لاھور کی سیکرٹری جنرل محترمہ حنا تقوی بھی موجود تھیں۔ سیدہ زھرا نقوی اور سیدہ حنا تقوی نے مرحوم کے ایصال ثواب کے لیے فاتحہ خوانی کی اور ان کی مغفرت کی دعا کی۔
وحدت نیوز(علی پور) مجلس وحدت مسلمین پاکستان کے مرکزی ڈپٹی سیکرٹری جنرل و المجلس ڈیزاسٹر منیجمنٹ سیل کے چیئرمین سید ناصر عباس شیرازی ڈیرہ غازیخان کے بعد امدادی سرگرمیوں کا جائزہ لینے کے لیے علی پور پہنچ گئے، اس موقع پر صوبائی سیکرٹری جنرل علامہ اقتدار حسین نقوی بھی ان کے ہمراہ تھے۔ ضلعی سیکرٹری جنرل سید رضوان علی کاظمی، سید شاکر حسین کاظمی اور دیگر نے استقبال کیا۔ ناصر عباس شیرازی کو لاک ڈاؤن کے دوران ضلع علی پور کی جانب سے جاری سرگرمیوں پر بریفنگ دی گئی، سید رضوان کاظمی نے بتایا کہ اب تک ضلع علی پور ایک ہزار متاثرہ گھرانوں تک المجلس ڈیزاسٹر منیجمنٹ سیل کے پلیٹ فارم سے امداد پہنچائی گئی ہے۔
اس موقع پر مرکزی امام بارگاہ علی پور میں لاک ڈاؤن سے متاثرہ 200 گھرانوں میں مزید راشن تقسیم کرنے کی تقریب منعقد کی گئی، جس سے سید ناصر عباس شیرازی، علامہ اقتدار حسین نقوی، سید رضوان علی کاظمی اور دیگر نے خطاب کیا۔ بعدازاں مستحق افراد میں راشن تقسیم کیا گیا۔ اس موقع پر میڈیا سے گفتگو کرتے ہوئے سید ناصر عباس شیرازی کا کہنا تھا کہ جنوبی پنجاب کے اضلاع نے لاک ڈاؤن میں بھرپور فعالیت کا اظہار کیا ہے اور بالخصوص علی پور کی ٹیم نے نمایاں کارکردگی دکھائی ہے، اُنہوں نے کہا کہ انشاء اللہ عوامی خدمت کا یہ سلسلہ جاری رہے گا ہماری کوشش ہوگی ہر غریب تک پہنچا جائے۔
وحدت نیوز(ڈی جی خان) مجلس وحدت مسلمین ضلع ڈی جی خان کی ضلعی کابینہ کا اجلاس مسجد جوہرشاہ میں منعقد ہوا ہے جس میں چیئرمین ADMC و مرکزی ڈپٹی سیکرٹری جنرل برادر ناصر عباس شیرازی و صوبائی سیکرٹری جنرل جنوبی پنجاب علامہ اقتدار حسین نقوی نے شرکت کی اجلاس میں ڈاکٹر رحمت کھوسہ زوار جہانزیب برادر کاظم رضا تیمور و ISO ضلع ڈی جی خان کے جوان بھی شریک تھے۔
اجلاس میں تنظیمی کی کارکردگی اور فلاحی سرگرمیوں کا تفصیلی جائزہ لیا گیا ، بعد ازاں ناصر شیرازی نے وفد کے ہمراہ شہدائے امام بارگاہ جوہر علی شاہ کی قبر پر حاضری دی اور فاتحہ خوانی کی اور لاک ڈاؤن سے متاثرہ 130 خاندانوں میں راشن بیگز کی تقسیم کے سلسلے کا بھی جائزہ لیا۔
وحدت نیوز(کراچی)مجلس وحدت مسلمین ضلع ملیر کے فلاحی شعبے المجلس ڈیزاسٹر مینجمنٹ سیل کی جانب سے رمضان راشن پروجیکٹ 2020 کے سلسلے میں 500 ضرورت مند خاندانوں کیلئے راشن بیگز کی تیاری کا مرحلہ مکمل کرلیا گیا ہےجبکہ ضلع ملیر کے مختلف دہی وشہری علاقوں میں بلاتفریق رنگ ونسل مذہب ومسلک راشن تقسیم کا آغاز بھی کردیا گیا ہے۔
اس موقع پر ضلعی سیکریٹری جنرل سید احسن عباس رضوی اور ضلعی سیکریٹری فلاح وبہبود ممتاز مہدی نے کہا کہ گزشتہ دوماہ میں 1000 ہزار خاندانوں میں راشن، 2000ہزار سے زائد افراد میں کھانے ، 100 سے زائد پرسنل پروٹیکشن کٹس ،سینکڑوں گھرانوں میں سبزی بیگز اور 1000سے زائد افراد میں افطار پیکس تقسیم کیئے جاچکے ہیں ۔
ایم ڈبلیوایم ضلع ملیر کے رہنماؤں نے گزشتہ دو ماہ سے لاک ڈاؤ ن سےمتاثرہ شہریوں کی خدمات میں مصروف رضاکاروں اور مخیر حضرات کا تہہ دل سے شکریہ ادا کیا ہے۔ انہوں نے کہا کہ مخیر حضرات کی توفیقات میں خدا اضافہ فرمائے اور انہیں آئندہ بھی ایسے ہی خدمت انسانیت کے سفر میں ہمارا ساتھ دینے کی توفیق عنایت فرمائے ۔
وحدت نیوز (کراچی) مجلس وحدت مسلمین ضلع ملیر کے فلاحی شعبے المجلس ڈیزاسٹر مینجمنٹ سیل نے کورونا وائرس کی عالمی وباسے بچاؤ کیلئے امدادی سرگرمیوں کے دوسرے مرحلے کا آغاز کردیاہے۔ مجلس وحدت مسلمین ضلع ملیر کے سیکریٹری جنرل جناب احسن عباس رضوی صاحب اور ضلع ملیر کے ڈپٹی سیکرٹری جنرل سید شعیب رضوی نے وفد کے ہمراہ مرکزی امام بارگاہ جعفرطیار میں غازی عباس ٹرسٹ انتظامیہ مرکزی مسجد مرکزی امام بارگاہ جعفر طیار کے مینیجنگ ٹرسٹی سید مرتضی عابدی اور ٹرسٹ کے دیگر اراکین جناب ظفر احسن نقوی، جناب اختیار امام رضوی صاحب، جناب ثمر عباس رضوی صاحب، جناب کاشف رضا رضوی صاحب اور جناب صادق حسین نقوی صاحب سے ملاقات کی ۔ اس موقع پر ایم ڈبلیوایم جعفرطیار یونٹ کے سیکریٹری جنرل محمد علی زیدی اور ڈپٹی سیکریٹری جنرل سید کاظم نقوی بھی موجود تھے۔
مجلس وحدت مسلمین کے فلاحی شعبے المجلس ڈیزاسٹر مینجمنٹ سیل ضلع ملیر کی جانب سے کرونا کی وبا کی وجہ سے میت کو نہلانے کے لئےغسال کی حفاظت کے لیے بہترین قسم کے پانچ حفاظتی سوٹ غازی عباس ٹرسٹ کے حوالے کیے اراکینِ غازی عباس ٹرسٹ نےمجلس وحدت مسلمین ضلع ملیر کاتہہ دل سے شکر یہ ادا کیا اور ادارے کی توفیقات خیر میں اضافے کی دعا بھی کی۔واضح رہے کہ اس سے قبل پہلے مرحلے میں بھی اے ڈی ایم سی ضلع ملیر نے درجنوں طبی مراکز اور اداروں میں یہ حفاظتی لباس تقسیم کیا تھا ۔
وحدت نیوز(چنیوٹ) مجلس وحدت مسلمین ضلع چنیوٹ کے فلاحی شعبے المجلس ڈیزاسٹر مینجمنٹ سیل کی طرف سے کرونا وائرس سے بچاو ٔکے لئے جگہ جگہ سپرےکا آغازکر دیا گیا۔چنیوٹ شہر کی مختلف جگہوں سبزی منڈی ،رجوعہ چوک، جھنگ روڈ سرگودھا روڈ اور فیصل آباد روڈ پر کرونا سے بچاؤ کے لئے سپرا کیا گیا۔ایم ڈبلیو ایم کے کارکنان نے مختلف دوکانوں کے سامنے سپرے کرنے کے ساتھ لوگوں کو کرونا سے بچاو ٔکے لئے آگاہی بھی د ی۔
بھوانہ اور تحصیل لالیاں کے علاقوں میں بھی کرونا وائرس دے متعلق جلد سپرا اور آگاہی مہم شروع کی جائے کی ایم ڈبلو ایم کے کارکنان کی طرف سے ضلع چنیوٹ کے مختلف علاقوں میں اس سے پہلے 900 افراد میں راشن بھی تقسیم کیا جا چکا ہئےچنیوٹ میں کرونا وائرس کو شکست دینے کے لئے جہاں حکومت متحرک نظر آ رہی ہے وہاں ایم ڈیلو ایم کے کارکنان بھی اس خدمت میں پیش نظر آ رہے ہیںکارکنان کا کہنا تھا کہ جب تک ضلع چنیوٹ سے کرونا کو شکست نہ دے لیں تب تک عوام میں آگاہی کرتے رہیں گے۔
